ગુજરાતી: Bahá'í Prayers: Single Prayer : Android, iPhone, iPad, Windows, Mac

હે જગત્રાતા ! તારી અનુકંપાથી મારી હિમંત વઘી છે પરંતું તારા ન્યાયથી મારામાં ભય વ્યાપ્યો છે. જેને તારી અનુકંપા મળી તે સુખી છે, જેને તારા ન્યાયનાં પારખાં થયાં તે દુઃખી છે.

ભગવાન! હું તારા ન્યાયથી ડરીને ભાગ્યો છું; તારી અનુકંપા યાચું છું તારા રોષથી હું કાંપી ઊઠયો છુંઃ તારી ક્ષમા માગું છું. તારી સમર્થતા, સાર્વભૌમ સત્તા, મહાનતા અને અનુકંપાના ગુણોનો ઉલ્લેખ કરીને હું પ્રાર્થના કરૂં છું કે હે સર્જનહાર, તારા જ્ઞાનના પ્રકાશ વડે સમગ્ર માનવજાતને અજવાળુ આપ કે જેથી સર્વ પદાર્થો તારા હસ્તકૌશલનું પ્રતિબિંબ પાડે, તારી ક્ષમતાનાં રહસ્યો પ્રગટ કરે અને તારા જ્ઞાનના પ્રકાશને વ્યકત કરે.

તેં જ સમગ્ર ભૂતસૃષ્ટિને દ્રશ્યમાન બનાવી અને તું જ એના ઉપર કરુણા અને કૃપાનો પ્રકાશ બનીને ચમકે છે.