ગુજરાતી: Bahá'í Prayers: Single Prayer : Android, iPhone, iPad, Windows, Mac

હે કરૂણાસિંઘુ પરમેશ્વર ! તેં મને જગાડયો અને ભાનમાં આણ્યો તે માટે તારો પાડ માનું છું તેં મને જોવા માટે આંખ અને સાંભળવા માટે કાન આપ્યા છે તું મને તારા સામ્રરાજય તરફ લઈ ગયો છે. તેં મને તારા માર્ગે ચાલવામાં માર્ગદર્શન આપ્યું છે તેં મને રસ્તો દેખાડયો છે અને મુકિતના દ્વારમાં પ્રવેશ કરાવ્યો છે. હે પ્રભુ, હવે મને અવિચળ, દ્રઢ અને નિષ્ઠાવાન બનાવ. આકરી કસોટીઓમાં મારું રક્ષણ કર અને તારી સંવિદાના મંદિરમાં અને સંવિદાના મજબૂત કિલ્લામાં મને આશરો આપ. તું સમર્થ છે! તું એટલે મારી દર્શનની ક્રિયા, તું એટલે મારી શ્રવણની ક્રિયા !

હે પરમ કુપાળુ પરમાત્મા, મને દર્પણ જેવું નિર્મળ હૃદય આપ કે જે તારા પ્રેમના પ્રકાશથી ઝળહળી ઊઠે. મારામાં એવા વિચારોની પ્રેરણા કર કે જે આ વિશ્વને દિવ્ય કૃપાની વર્ષાથી ગુલાબવાડીમાં ફેરવી નાખે. તું કૃપાળુ, દયાળુ છે, તું મહાન કલ્યાણકારી છે !