ગુજરાતી: Bahá'í Prayers: Single Prayer : Android, iPhone, iPad, Windows, Mac

હે નાથ! અમે દયાને પાત્ર છીએ; અમારા પર કૃપા કર. અમે ગરીબ છીએ; તારા કુબેરભંડારમાંથી અમને પણ એક અંશ આપ. અમને જરૂર છે; અમને સંતુષ્ટ કર. અમે હીન છીએ; અમને ગૌરવ આપ. આકાશમાં ઊડતી સમડી અને ખેતરના પશુને રોજ તું જ ખાવનું પુરું પાડે છે. બઘા જીવો તારી કાળજી અને કૃપા પ્રાપ્ત કરે છે.

તારી અદ્ભૂત કૃપાથી આ નબળા જીવને વંચિત ન કર. તારી શકિતના સોગંદ લઈને આ લાચાર જીવને વચન આપ કે તું તારી વિપુલતાનો લાભ આપીશ.

અમને રોજ ભોજન આપ અને જીવનની જરૂરીયાતોમાં તારો ખપ વઘતો જાય તેવું કરી દે, જેથી અમે તારા સિવાય બીજા કોઈ ઉપર આઘાર ન રાખીએ, સંપૂર્ણ રીતે તારી સાથે જ સંપર્ક રાખીએ, તારા રસ્તાઓ પર ચાલીએ અને તારાં જ રહસ્યો પ્રગટ કરીએ. તું સર્વશકિતમાન પ્રેમાળ અને મનુષ્ય માટે દાતા છે.