ગુજરાતી: Bahá'í Prayers: Single Prayer : Android, iPhone, iPad, Windows, Mac

હે મારા નાથ ! તને ખબર છે કે લોકો દુઃખ અને આફતથી ઘેરાયેલા છે. કઠણાઈઓ, મુશ્કેલીઓ એમની ચેપાસ ફેલાયેલી છે. કસોટી અને કપરી આફત માણસ ઉપર એક સાપની જેમ હુમલા કરે છે. એની પાસે તારા રક્ષણ, જતન, તકેદારી અને સુરક્ષા સિવાય બીજું કોઈ આશ્વાસન નથી, શરણ નથી.

હે દયાળુ, હે મારા સ્વામી! તારું રક્ષણ મારું શસ્ત્રગાર બનો, તારું જતન મારી ઢાલ બનો. તારા એકત્વના દરવાજે મારી વિનમ્રતા મારી રખેવાળ બનો અને તારી સુરક્ષા અને સંરક્ષણ મારો ગઢ, મારું ઘર બનો. મારા અહં અને લાલસાઓના આવેશથી મને બચાવ. દરેક જાતની માંદગી, કસોટીઓ, મુશ્કેલીઓ અને આફત સામે મારી રખેવાળી કર.

ખરેખર તુંજ રક્ષક, સંરક્ષક, દાતા છે. ખરેખર તું અતિ દયાવાનોમાં પણ દયાવાન છે.