Ngo tangwe ove Muhona kondjenda yOye kovandu avehe! Ove omwinjo no ndjerera, tiza ovakarere wOye vekare mo ndjira yOye. Tupa jo ouhonapare tutange Ove erike. Mukuru Ove, tuhonga Ourike wOye nutu mune Ove erike. Ove erike omu nandjenda nomuyandje waavihe!
Mukuru Ove, kutura omutima wo musuverwa wOye no rusuvero rwOye, opumakara ameripura na yOve erike. Horora kwete, Mukuru wetu, kutja wakara rukuru nu wina mokara nga ko ngaaruhe, no kutja kapena Mukuru warue pendje na yOve. Tjiri omasa ayehe yeza mOve.
- Bahá'u'lláh
Ndjambi wandje! Ndjambi wandje! wanisa kumue omitima vyo vakarere wOye, nu veraisira ondando yOye onene. Vetjita kutja vekongorere omatuako wOye no kukara no mbakatui koveta yOye. Ndjambi ovehumbu, posya veraisira nu vetika nondjerera younongo wOye, uvehuhumine omitima no rusuvero rwOye. Oove nguri Mukuru omuyame.
- Bahá'u'lláh
Mukuru wandje! Mukuru wandje! Hwikika otjiuru tjandje no tjikrone tjohange, kotjiuru tjandje vava ko nomaze omawa, Ove tjiri unovina oviwa novisemba
- Bahá'u'lláh
Mukuru wandje! Mepura kOve mena rOye eyapuke, vatera ami ngumbiri omukarere wOye kutja mbiningapare, Ove unomasa kombanda yovina avihe!
- Bahá'u'lláh
Mukuru, tjita kutja ondjerera yo ruwano iworonge Ouje auhe, no kutja ikutjire, "Ouhona wa Mukuru" kutja ovandu avehe veitavere yo
- Bahá'u'lláh
Penaune ngumaisapo ouzeu pendje naMukuru? Ii, oMukuru erike. Mukuru ngatangue! Eye oMukuru! Avehe ovakarere Ve. Avehe ngave Mukongorere, nu verikotamene ku Je!
- The Báb
Ndjambi wandje! Kohorora omutima wandje. Tumununa nu jorokisa ombepo yandje. Jandiparisa omasa wandje. Nu avihe mbi metjiti meyandja momake wOye. Oove nguri omutjevere wandje nu omuyame wandje. Himeekara no ruhoze no mutima mbuanyaika rukuao, Ami merire omuutua wOye menyando na mondjoroka.
Ndjambi wandje. Hinakukara no manganingani nu himee riyandjere omaumba okundji tukutura. Ami hina kukara mouvi wo muinjo mbo.
Ndjambi wandje! Meri kotakemene kOve Ndjambi, orondu Oove epanga enene puami omuini.
- `Abdu'l-Bahá
Muhona wandje, Mbe kusuvera. ndjisuvera mourike wandje nu ndjitika nu undji tongamise.. Isapo oruhoze rwandje. Ndjipa mbikarere Ove erike, nu ndjipa mbi kare nayOve erike ndji twara ko tjouyapuke tjOye numbi kusuvere.
- `Abdu'l-Bahá
Muhona, Mukuru wandje! vatera ovasuverwa wOye kutja vekare nomasa mo ngamburiro yOye. Ngavekare mo ndjira yOye no mOngamburiro indji. Vepa vekare no masa avehakondjisa omauvi, ngave takamise aruhe. Ove omunamasa, omunandjenda, omutakame kOve omuini, Ove ondjandje nomu naunyanutima, omunamasa ayehe.
- `Abdu'l-Bahá
Muhona! Kwete ondjenda tjinene, tupao owiingona wOye, owete ovasyona, nungwari tupao orutumbo ro momeva kokuvare, owete ovasyona, nungwari tupayo ovina mbi twahepa, twahepa oujere nu tupayo ondjerera.
Ozondera no vinamwinyo virya meke rOye ngamwa eyuva, okutja avihembi vitara mOve.
Muhona oisa okuyandja ondjenda na ndarire komwinjo mbui mbuhana otjiungura. Omboroto yetu jeyuva arihe tupao indino nu takavarisa ovihepwa mongaro jo mwinjo, opu matu rijameke kOve erike. Nu tjimatu suvere Ove erike matu kawondja mo zondjira zOye natu hungire wina omahorekwa wOye. Ove omunamasa ayehe, omusuvere wo vandu avehe.
- `Abdu'l-Bahá
Muhona Ete twangundipara, zeuparisa ete Mukuru, owete omayova tupayo ozondunge. Muhona owete ovasyona, honaparisa ete, Mukuru! twa koka, nutu pendura. Muhona twahepa ouyere nutupa ouyere mouhonapare wOye. Tjinga amotuvatere Muhona maturire ozonyose tjiri.
Tjinangara Ove konokutuvatera, maturire ovina ovivi Muhona, Zeuparisa ete Mukuru Ove! tupayo outoni Mukuru! Muhona tukutura kovina vyOuye mbwi, Tupendura nombepo yOye ondjapuke opumatusekama okukukarera. Muhona ngatu kambure nawa mokurikotamena kOve Muhona Ove omunamasa ayehe, Ove unondjesiro Muhona omunandjenda.
- `Abdu'l-Bahá
Mukuru wandje! Tjizikiza omukarere wOye omutakame kovina ovivi vyOuye, yama nomeho wOye ngeri omapatje. Orusuvero ruya kouvi na keruru. Ngatukare mekoro rOye, nu nyandisa omitima vyawo nozoverise zomouhonapare wOye. Ove omunamasa ayehe, omuyame nondjandje.
- `Abdu'l-Bahá
Mukuru, Ondera indji kainokusora okutuka nawa vaterayo kutja isore okutuka nawa nga komaandero wouwa nondjamo, ngai tuke nondjira yohange ngatji maivaza, ngai yende nondjira ombwa tjinene nga komaandero, ngaikare mondjamo meha rOye rokombanda ngamwa pumayii, nyandisa omatui nuhonga inda ndaisanewa, na wina yerisa omeho nokutakamisa otjizemburukiro ihi tjoutike!
Muhona owami erike hina ndengu wina. Hina muvatere pendje nayOve. Hina mutize, ndji zeuparisa moukarere wOye, vatera ami novayengeli wOye, ndjipa outoni okuyandja embo rOye kovahindua wOye, Mowatjiri, Ove omuvatere wovingundi nomutjizikize wounatje na wina omunamasa ayehe!
- `Abdu'l-Bahá