Oye Okuyapuki-elela, Omutumbalekwa-elela, Omunene-elela
Oshivilo shEdalo she uya, ndele Ye ou e li Ewapalo laKalunga, Omunaenghono-adishe, Omuwanifilwa-aishe (All-compelling), Omuholike-waaveshe, a kuluka kolukalwapangelo laye. Heeno, oye ou a holola okukala po kwaye, ou omesho aKalunga, ou e li Ekwafo mEkano, Omukalipo-kuye-mwene, a kala e mu dakamena. Tya: Fye otwa danena Oshivilo eshi mOdolongo inene, pefimbo linya eshi eehamba dokombada yedu de tu pilukila po. Ashike nee enghono domufininiki inadi tu shololifa noutondwe wounyuni inau tu tilifa. Moshinima eshi Omunefilonghenda ota kala ombangi monghalo ya tya ngaha.
Tya: Hano oshihopaenenwa shiwa shetimaumbwile nashi ekeleweshi molweuyaano lehalo lovanhu vounyuni? Nokuli, molwoshinge shaye osho sha tilila eenhe dasho kombada yaashishe osho sha li po naasho tashi ka kala po! Oshili, ou oumayesti wOmwene tau pangele eshito alishe neenghonopangelo daye dinene odo de lihanena muaveshe ovo ve wete ko nomwaashishe shi wetike.
Diinina ongodi yenghonopangelo daye, ove tumbula edina lOmwene woye ou iha nyengwa kusha nouyelele weluwa waye wa minikila keshe oshiholekwa. Ngaashi elaka lOmafiklu Onale la popiwa mefiku eli omo omaviinyu a hoololwa a tuulwa. Pwilikina, ove ino efa omadiladilo oye a piyaanekwe kovahenakonashanakalunga nomikalo davo di ku imbe okuhoolola ondjila ya yuka.
O, Vanhu nye vaBaha Yeluleni omavava eni mu tuke momhepo yohole yOmwene, Omunefilonghenda-alishe. Yelukeni mu mu pe efindano, ngaashi sha tumbulwa mOmukanda wa hoololwa. Lungameni muha kondjife Ovapiya vange. Va yambeni ounyenye wOmwene nomatumbulo aye mayapuki, oshesdhi omeenghono davo ovanhu avesh tava dulu okwaalukila kOmwene. Vo aveshe ovo itava pwilikine Kalunga mEfiku eli, paushili ova kanena moukolwe womahalo avo , nonande kave shi wete. Heeno, oye tuu ou , moluhodi nomelixupipiko a kala a taalelifa oshipala shaye kEtendo leluwa leendjovo dOmwene waye.
Otashi mu wapalele okufikama nokuliikifa ovanhu ovo va tumwa okudja mEmbo lOmwene wavo, Omunaenghono-adishe, Nakuhanyengwa-kusha. Tya: Tileni Kalunga, nye inamu taalelifa omitima deni komadiladilo ongaho aavo hava ende neendjila domalimbililo nodokuhena-ouyuki. Taalelifeni nevadimo omitima deni koshitrone shOmwene weni Omunamadina-aeshe. Ye, oye shili te mu tula meenghono doshili. Kaku na kalunga umwe ehe fi Ye, ou Omunaenghono-adishe, Omuyandji-weeshali adishe.
Omolwashike tamu ke lihakana okandobe komeva kongaho-ngaho, manga Efuta linenenene la mbwalangadja komesho yeni? Pilukileni kulo, ndele inamu shikula omalila ovalimbiliki, vehe na eitavelo. Hano osho ngaha Odila yOukwaalushe ya nambela kOitai yOmuti wetu wopakalunga.(Lote-Tree).
PuKalunga! Okangovela kamwe, komoungovela vaye oka wana okutamununina Olupale linene alishe pombada yovakali vomoilando yomadina aeshe, osho yo komombada yaavo va kundukila Oshitrone shaye (olukalwa lwaye), ongula nonguloshi.
Hano tambuleni oihomo yomatumbulo aye, taa loko okudja meulu; oihomo yehalo lOmwene weni, Omunefilonghenda-alishe. Ehena popepi navo; O, popepi novanhu, ndele liteeka ovo tava pataneke eendjovo daKalunga naavo inava itavela Omwene wavo eshi e uya a holole oshili
- Bahá'u'lláh
Ye Oimuyapuki shili, Ye Omunenenhu
Ei ohani omo a dalwa. Ye ou e na edina la tumbala. Ye ou eholoko laye la kakamifa oilyo yoludi lomunhu nondwi yokeemhadi daye ya ninga olupale lopombada; ovakali vomoilando yomadina manene otave mu indile epuniko. Molwaye otava yandje omahambelelo kuKalunga Omwene. Otava kaluka nehafo noneenghuwilili. Heeno, Omwene Kalunga! Ei Ohani oyo ya vadimifa eehani dikwao; ohani omo Ye a dalwa; Ye ou e li oshiholekwa sha holekwa neliko la kala la umbulwa nawa olo la hololwa, ndele tali ingida pombada mokati koludi lomunhu. Epangelo alishe oli li meke lomudalwa, Ohanana ei omo oshipala sheshito sha djala elimemesho. Omiti oda tengauka; efuta ola xungauka neemhunda oda ya onhapo. Opo nee Oparadisa ya yelula ondaka yayo, oo omamanya manene taa kaluka. Oinima aishe tai ingida: “Oove olupale linene leshito! Holokeni koshipala shOmwene weni, Omunefilonghenda, Omunalukeno.
Ei ohani omo Oparadisa nayo vene ya djalekwa evadimo leholoko loshipala shOmwene, Omunefilonghenda-alishe nokadila haka imbi nawa okakwaulu – Nifghtingale – ka imba ongovela yako ke li komuti wopaKalunga – Lote-Tree - nomitima dovaholike da yadifwa neshambuko. Ndele nee, Woo, ovanhu vomeenhele dihapu eshi vehe udite ko. Nava nangekwe noupuna, vo, ava ve mu dimbulukwa nova uda ko omaudaneko omOmambo Omwene, Omunaenghono-adishe, Omutumbalekwa a pwa. Ndele, hewa, oixuna kombinga yaavo ve mu pilamena, Ye ou olupale alishe lopombada le mu dakamena omesho, Oye tuu ou ta ngwangwaneke omukehe-na-eitavelo keshe, ou ta ende neendjila de likukila.
Keshe tuu ou ta tambula Omukanda ou, na yelule ondaka yaye nongovela inyenye, ye na tye: “Tumbalekwa Ove Omwene wange omunefilonghenda, shaashi wa dimbulukwa nge mOmukanda ou omo edimba liwa lomudjalo wOunongo woye la tandavelifwa nomafuta onghenda yoye a kunguluka. Ame ondi li ombangi nomuhokololi kutya Ove ou li omunanghono to dulu okulonga keshe osho wa hala. Kaku na kalunga umwe ponho yoye; Ove ou, u li Omunanghono-adishe, Omushiivi-ashishe, Omunandunge-adishe
- Bahá'u'lláh