Kabwarabure (#10411)

Ko noorai, au Uea, ma moau are e rairaki nakon karawan Am tituaraoi ao marawan Am bwain aakoi, ni bubai man bwaai ni kabane i Rarikim.  I Butiiko, ni mimitongin Taain Am Kaotioti i aon Tiinai, ao ni korakoran ootan Tobibin Am raoiroi are e ootanako man rabin karawan Aram, are te Kakabwarai buure ao ni bwaina te atataiaomata nakoiu. Korobokiia i bukiu, ngkanne, n Am kainikoroboki ni mimitong baike a na karietataai rinanon Aram n aonaaban te karikibwai.         
Buokai, au Uea, ni kaineti Nakoim, ao n ongoongo ni bwanaaia naake Ko tangiriia, ake mwaakan te aonaaba a tia n aki konaa ni kamamaraiia, ao tautaekan aaba nako a tia n aki konamaki n tauiia Mairoum, ao naake a tia n taku ngke a waaki Nakoim: “Bon Te Atua ara Uea, Ueaia ni kabaneiia ake i karawa ao ni kabane aika i aon te aonaaba.”

-Bahá'u'lláh
-----------------------

Kabwarabure (#16145)

O te Atua, Atuau!  I Onnoniko n raraaia naake taan Tangiriko ni koaua ake a rangi ni kimwareirei ni karewen Am kakarabakau n te aro are a ienikuri nakon Taubukin te Mimitong, te tabo ibukin te kabanea ni mimitong ni mate ni maritire, ao I Onnoniko ni miterio ake a wene ni bangotaaki inanon Am atatai ao ni bwaeao ake a kawakinaki  inanon marawan Am bwaintituaraoi bwa ko na anga te kabwarabure nakoiu ma tamau ao tinau. Mai buakoia naake a kaotanako te nanoanga, bon Ngkoe ni koaua te Kabanea n Nanoanga.  Akea riki te Atua bwa ti Ngkoe, te Aki Toki ni Kakabwarabure, te Kabanea n Tituaraoi.
O te Uea!  Ko nora aron te tia bure aio e rairaki nakon marawan Am mwannano ao te mamara aio e ukora abanuean mwakan Am tamnei ao te rang ni karikibwai aio e rara nakon itoiningainan Am kaubwai.  N Am nanoanga ma Am tituaraoi, tai kananokawaki, O te Uea, ke n tukia man kaotiotin Am tituaraoi inanon Am bong, ao tai karenakoa man Am mataroa are Ko a tia ni katangainaa nako nakoia nikabane ake a maeka n Am karawa ao Am aonnaba.
 Ai kananoangara! Ai kananoangara! Au bure a tia n tukai man kaanian Am Oo ni Katabuam ao au kairua a tia ni karikai n tionako man Umwan Tabum ae e Kakannato.  I a tia n ira nanon are Ko katabuai bwa nna karaoia ao ni kaaki bwaai ake Ko baireai bwa nna iri nanoia.
 I tataro Nakoim iroun Teuare Ngaia are e tautaeka are Uean Aara nako bwa Ko na koreia ibukiu ma Kainikorobokin Am bwaintituaraoi te bwai are e na karekea te angaraoi nakoiu bwa nna kaaniaki Nakoim ao ni kaitiakai man au kairua ake a tia n tei n tukai imarenau ma Am nanoanga ao Am kabwarabure.
Ni koaua, Ngkoe te Mwaaka, te Tituaraoi.  Akea te Atua bwa ti Ngkoe, te Korakora te Raoroi.

-Bahá'u'lláh
-----------------------

Kabwarabure (#13705)

I bubutiko bwa Ko na kabwarai au bure, O au Uea, ibukin atongan bwaai tabeua ao tiaki Atoatongakim, ao ibukin neboan bwaai nako ma tiaki Neboam, ao ibukin te kukurei ni bwaai nako ma tiaki ibukin Kaaniam, ao ibukin te kimwareirei ni bwaai nako ma tiaki te kimwareirei ibukin te itoman ma Ngkoe, ao ibukin te ebiebi ni bwaai nako ma tiaki te ebiebi ibukin Am tangira ao kukurein Nanom, ao ibukin bwaai ni kabane ake a kaineti nakoiu are akea irekerekeia Nakoim, O Ngkoe are Ueaia ueea, Ngkoe are ko katauraoi bwaai ni kabane ao ni kauki rokan taian mataroa.

-The Báb
-----------------------

Kabwarabure (#13706)

Ngkoe ae Ko mwaaka, bon ngai te tia bure ao bon te Tia Kabwarai buure Ngkoe. I onrake n te aki kakaonimaki ma bon te nanoanga Ngkoe. I memena n rotongitongin te bure ma bon Otan te kabwarabure Ngkoe, Atuan te Nanoanga! Kabwarai au bure ao anganai Am bwaintangira, tai tarai au bure ma kamanoai ao kateboai i nanon koburaken Am taotaonakinnano ao kamaiuai man mamaarau ao aorakiu.
Kaitiakai ao katabuai ao anganai, tibwangau man taonakon te Mimitong bwa aonga ni kona ni mauna rawawata ma nanokaawaki ao bwa a na kaoti kukurei ao kimwareirei. Onika te nakonnano ao te buannano nakon te kukurei ao te Onimaki ao karika te nanokorakora n onea mwin te maaku. 
Eng, Ngkoe te Tia Kabwarabure ao te Nanoanga ao bon Ngkoe te Akoi ao te Tangiraki.

-`Abdu'l-Bahá
-----------------------

Kabwarabure (#13707)

Bon Ngaia te Atua! Ko Norira ngkai, te Uea, ni ikotaki n te taibora aio, ni karabwaa Am akoi, ao ara taratara e rairaki nakon Abanueam. O te Uea! Karuoa nako aora Am amwarake mai karawa ao te kakabwaia mai Iroum. Ni koaua, Bon Ngkoe te Aakoi, ao ni koaua, bon Ngkoe te Tia Angaanga, te Ataataiaomata Atataiaomata.

-`Abdu'l-Bahá
-----------------------

