Katiteuanaaki (#10450)

Atuau! Atuau! Katiteuanai nanoia Am toro, ao kaoti nakoia bukin Am Waaki ae e kakannato. A bia toua mwiin Am moti ao ni mena i nanon Am tua.  Buokiia, Te Atua, n aia kekeiaki, anganiia te korakora ni beku i Bukim.  Te Atua!  Tai katikuiia n ti ngaiia, ma kairi ingin waeia n ootan Am atatai, ao kaungai nanoia n Am tangira.  Ngkoe, ni koaua, aia Tia Ibuobuoki ao aia Uea.

-Bahá'u'lláh
-----------------------

Katiteuanaaki (#16133)

Te Atua kariaia bwa otan te katiteuanaaki e na kona n rabuna te aonnaba ae e bwanin, ao bwa te titambwa, "te Abanuea bon Ana bwai te Atua," e na titambwanaki iaon aia aari aomatana nikabane.

-Bahá'u'lláh
-----------------------

Katiteuanaaki (#16134)

O Ngkoe are Ueaia Ueea! I kakoaua bwa bon Ngkoe Uean te karikibwai ae e bwanin, ao te Tia Reireiniia aomata nikabane, aika a noraki ao aika a aki. I kakoaua bwa Mwaakam e a tia n otabwaniniia te uniweeti ae e bwanin, ao kaain te runga n aonteaba a bon aki kona ni Karawawatako, ke aia tautaeka nikabane aomata ao aono ni katokiko man karaoan are oin Nanom. I kakoauaa bwa bon akea Nanom ma bon ti manga kamaiuan te aonnaba ae e bwanin, ao katean te katiteuanaaki irouia aomatana, ao kamaiuaia nikabane ake a maeka iai.

-Bahá'u'lláh
-----------------------

Katiteuanaaki (#16135)

O Atuau! O Atuau! Ni koaua, I onnon Nakoim ao ni bubuti i matan Am Mataroa, ni bubuti Nakoim bwa nikabane Am nanoanga a na kona n ruorikaaki nako aoia tamnei aikai. Kaokoroia ibukin Nanom ao Am koaua.
O te Uea! Katiteuanai ao kabaei n ikotaki naano, katomai ma te bonnano tamnei nikabane, ao kakukurei tamnei rinanon kanikinaean Am katabuaki ao Am katiteuana. O te Uea! Kariki moaia aikai bwa a na raneanea rinanon otan Am katiteuana. Kamatoai nanoia Am toro ni beku n Am abanuea.
O te Uea! Ngkoe te Tia Bwaibwai n nanoanga aika a akea tiaia! O Uean te nanoanga ao te kabwarabure! Kabwarai ara bure, kaakeai ara kaairua, ao karikira bwa ti na rairake nakon Abanuean Am mwamwannano, ni bubuti nakon abanuean te mwaaka ao te korakora, ni kamangoriira n Am bangota ao n ongotaeka i matan mimitongin Am kakoaua.
O te Uea te Atua! Karikiira bwa naon taari, bwa ueen te onaroka, ni katiteuanaaki, ni bonnano rinanon bwaintituaraoin Am tangira. O te Uea! Kauki bwanibwannra rinanon kanikinaean Am katiteuana, ao karikiia aomata nikabane bwa itoi aika a raneanea man rietan naba te mimitong, bwa uaanikai aika a kororaoi ake a rikirake iaon Am kai ni maiu.
Ni koaua, Ngkoe te Kabanea ni Mwaaka, te Taubobonga i Bon Iroum, te Angaanga, te Nanoanga, te Kabwarai buure, te Karietaaki, te Tia Karikibwai ae ti Temanna.

-`Abdu'l-Bahá
-----------------------

