E faka-aloalogina a Koe, O te Aliki toku Atua! So se tagata e fakaasi tonu ki Tou nofoaaiga-a-tupu mo Tou Maalo, mo so se matakite e atafia ne ia a te lasi o Tou afioga mo te maalosi luku fakatasi o Tou mafi. A matagi o tofotofooga e seai se maalosi o taofi mai ia latou ko la e fiafia i te olotou pilipili atu kia Koe mai i te kilo atu olotou mata ki te sikulagi o Tou matagofie, a ko kaumatagi o tofotofooga e tau loa o see-maua ne latou o futi mai keatea kae fai mo fakalavelave kia latou ko la e fakatuanaki katoatoa ki Tou finagalo mai i te fakapilipili atu ki Tou kogaa-koga nofo.

Au e mafaufau, i te lamepa o Tou alofa e ka i loto i olotou loto, a ko te mainaaga o Tou atafai e faka-ka i loto i olotou fatafata. Fakalavelave teke e se-kafi o faka-kalo a latou mai i Tau Fakatokaaga, ka ko kesekesega o te maumea e se-mafai lele o fakasee a latou mai i Tou fiafia.

Au e akai totuli atu kia Koe, O toku Atua, mai ia latou mo manavaga i olotou loto e faipati ki te olotou nofo-mao mai ia Koe, ke tausi aka latou ke sao mai ia latou mai i faitogafiti o Ou fili, kae ke fagai a olotou agaaga ola mo mea ko la ko oti ne fakaeke mai ne Koe mo Au fagasele te la ka seai se mataku ia latou kae se-oko atu foki se fanoanoa kia latou.

Kia Koe ko tavaeega, O te Aliki toku Atua! Au e akai totuli kia Koe, mai i Au failoga ko la ko oti ne siomia i ei a te foafoaaga katoatoa, kae mai i te mainaaga o Ou mata ko la ko oti ne faka-maina a mea katoa ko la i te lagi mo i luga i te lalolagi, mo te Tou alofa-fakamagalo te la e aofia i ei katoa a te iunivesi, ke tuku ifo ki lalo a veli ko la e ponogia au mai ia Koe, ko te mea ke fakavave atu au ki te Ulu-Vai o Tau faka-maalosiiga mafi, mo te Aso-Kamata o Tau Fakaasiiga mo alofaaga mau-koloa, kae ke mafai o ufi ifo i lalo o te vasa o Tou nofo-pili-mai mo te fiafia.

Sa faka-pokotiagia au, O toku Aliki, ke seai se poto o Koe i Ou aso, kae sa ave keatea a te gatu o Tau takitakiiga. Aumai ke inu au i te vaitafe te la ko te ola tonu, ko la ona vai ne tafe mai i te Palataiso (Ridvan) te la a te kalauna-a-tupu o Tou Igoa, ko te Alofa-Fakamagalo, ne fakatu, ko oku mata ke mafai o maatala, mo oku mata ke faka-maina, mo toku loto ke faka-filemu, ka ko toku agaaga ola ke faka-maina gia, mo toku kalafaga ke faka-makeke.

Ko Koe ko Ia Tela mai i te vavau loa, mai i luga i te maalosi o Tena mafi, maluga atu i mea katoa, kae, mai i luga i te faka-galuegaga o Tena finagalo, ne mafai o fakaeke a mea katoa. E seai lele se mea, me i luga i Tou lagi io me i luga i Tou lalolagi e mafai o fakalavelave ki Tau galuega. Ke iai a te alofa-fakamagalo, tena, ki luga ia au, O toku Aliki, mai i luga i Tou atamai-atafai mo te kaimalie, kae tuku atu a toku taliga ki sikuleo gali o manu ko la e fakalagi a olotou tavaeega mo Koe, i loto i kaula o te lakau ola o Tou fakatasitasi.

Ko Koe ko te Foai Takutakua, ko te Fakamagalo-Katoatoa, ko te Atafai Tafasili i te Maluga.

E faka-aloalogina a Koe, O te Aliki toku Atua! Au e akai totuli kia Koe i ia Ia Tela ko te Igoa Tafasili i te Maluga, te la ko otii ne pokotia kii loa i Au mea ola faiite ko la ne se-talitonu ki Tau meatonu, kae ko Ia Tela ko oti ne sukigia ne te fanoanoa te la e seai se laulaufaiva ne mafai o fakamatalagia, ke talia mai ko te mea ke mafai ne au o masaua a Koe kae fakamasaua a Ou tavaeega, i aso konei ko fulitua atu a tino katoa mai i Tou gali, ko oti ne faka-kinau mo Koe, kae fuli keatea faka-maualuuga mai ia Ia Tela ko te Fakaasi o Tau Fakatokaaga. E seai aka foki i kona, O toku Aliki, o feasoasoani kia Koe vagana ko Koe loa ia Koe, kae e seai se maalosi o faka-mafanafana a Koe vagana ko Tou maalosi.

Au e akai kia Koe ke faka-mafai aka au ke piki mau loa ki Tou alofa mo Tou masaua. Mea nei, e tonu, e i loto i toku maalosi, a ko Koe ko te Tokotasi te la e iloa katoa a mea ko la i loto ia au. A Koe, i te tonuuga, e iloa kae e mafai o fakamatala a tino katoa. Sa-fakaseai gina au, O toku Aliki, mai i te matagofie o te mainaaga o Ou mata, te la a tena mainaaga ko maina i ei a te laolagi katoa. E seai aka foki se Atua mai i Ou tafa, ko te Tafasili i te Maalosi, ko te Matagofie-Katoatoa, ko te Faka-magalo Katoatoa.

E faka-lauefa gina a Tou igoa, O te Aliki toku Atua! Ko Koe ko Ia Tela e tapuaki gia ne mea ola katoa kae e seai se mea e tapuaki ki ei, Tela ko te Aliki o mea katoa kae e seai e tavini kiei, Tela e iloa a mea katoa kae e seai e ana iloa-gia. Ne manako a Koe,mai i te muna e tasi mai i Tou muagutu, o faka-foliga mai a te foafoaaga kae faiite a te iunivesi. E seai aka foki se Atua vagana ko Koe, ko te Kamuta, ko te Tufuuga, ko te Mafi-Katoatoa, ko te Tafasili i te Maalosi.

Au e akai kia Koe, mai i te muna loa tenei te la ne sulu maina mai i luga atu o te sikulagi o Tou finagalo, ke faka-mafai au ke inu lei i te vai-ola auala atu i te mea ko oti ne faka-maalosi a loto o Au fagasele filifilia kae fakavave a agaaga ola o latou ko la e alofa kia Koe, ko te mea ke mafai au, i taimi katoa mo faka-nofonofoga katoa, o fuli oku mata katoatoa loa kia Koe.

A Koe ko te Atua o te maalosi o te matagofie mo te maukoloa. E seai se Atua i kona vagana ko Koe, ko te Pule Tafasili i te Maluga, ko te Matagofie-Katoatoa, ko te Iloa mo te Atamai Katoatoa.

E maluga a Tou igoa, O toku Atua! E lavea au mai ne Koe i lima o oku fili. I tami katoa e fuli au ki toku fakaata-mai, e lagona ne au a leo o tagi faka-fanoanoa o latou ko la e fagasele kia Koe, ko la a tino amio masei ko oti ne puke faka-pagota aua ko te olotou talitonu ia Koe mo Au failoga, kae ona ko oti ne fakasaga a olotou mata ki te sikulagi o Tou alofa-atafai mo Tou alofa-kaimalie. Kae kafai e fuli au ki toku sema, e lagona ne au a te logoaa mai o tino amio masei ko la ko se talitonu ia Koe mo Au failoga, kae e tumau a te taumafai a latou o tamate a te mainaaga o Tau lamepa te la e maina atu ki te malifalifa o Koe mo Tou Tina Koe loa ia Koe mai i luga atu i mea katoa ko la i luga i Tou lagi mo mea katoa ko la i luga i Tou lalolagi.

A loto o Au tino ko oti ne filifilia, O toku Aliki, ko liua aua ko te olotou mavae mai ia Koe, a ko agaaga ola o Au fagasele ko la ko ka i te afi o te naunau kia Koe i Ou aso. Au e akai totuli kia Koe, O ko Koe ko te Tufuuga o lagi mo te Aliki o igoa katoa, mai ia Ia i te gali o Koe tonu loa mo te tafasili i te maluga mo te matagofie-katoatoa o Tou masausauaga, ke tuku ifo ki lalo i luga ia Au fagasele a mea kola ka futi mai a latou ke pili atu kia Koe, kae faka-mafai a latou ke fakalogo ki Au patipatiiga.

Ofa aka ki lalo mo te lima lauiloa o Tou maalosi, O Toku Aliki, a te veli o mafaufauga faka-supasupa, ko latou ko la e fakatunaki kia Koe ke mafai ne latou o lavea a Koe e sagasaga i luga i te nofoaiga-a-tupu o Tou afiioga, mo mata o latou ko la e faka-aloalo ne latou a Tou fakatasitasi ke mafai o fiafia i te gali o te silisillese o Ou mata. A mataloa o te faka-moemoega ko oti ne pono ki loto ko la e naunau kia Koe, O toku Aliki! A kii o latou kona loa i oulua lima; e talagia a latou i te maalosi o Tou mafi mo Tou nofoaiga-a-tupu. E maalosi a Koe o fai a te mea e fiafia Koe kiei. A Koe, e tonu, ko te Mafi-Katoatoa, ko te Fai-mea-alofa.

Tavaeega e i o Koe, O te Aliki toku Atua! Au e tauto ki Tou mafi! Te tapolopolo o famai ne taofi i ei a te pene a Tafasili i te Maluga (the Most High) o fakaasi fakalei a mea ko la ne funa mai i te kilo a Au mea ola faiite, mo tofotofooga tapolopolo ko oti ne faka-tukaki mai i ei a te laulaufaiva o te Fakaeke Faka-te-Lagi mai i te fakailoa atu a mea gali o Tou faka-aloaloga mo tavaeega. Mo se laulaufaiva e polepole, tena, e kalaga atu kia Koe, O toku Atua, kae mo taku pene ko pokotia ne saga i ei au o faka-masausau a Tou igoa.

E isi a so se tagata o te iloa, O toku Atua, te la e mafai ne ia o kilo tonu a Koe ki Ou mata tonu, kae e tefea a te tino fia inu te la e ana maua gia o tuku tonu ana mata i te vai ola o Tou alofa? Au ko te tokotasi, O toku Atua, te la ko oti ne tina keatea mai i tena loto a te masaua o mea katoa na ko Koe, kae ko oti ne tusi i ei a uiga faka-ofoofogina o Tou alofa. A Tou mafi e fai mo aku molimau! Kae mo faka-lavelave, e mafai pefea o iloa a latou ko la e talitonu mo latou ko la e falotoloto-lua i loto i Au tavini? Ko latou ko la ko konaa i te uaina o Tou poto, a latou kona, e tonu, ko fakavave o fakafetaui i so se auala e mafai a fili teke ona loa ko te naunau o olo atu ki Tou nofo-mai. Au e akai faka-molemole kia Koe, O ko te Fagasele o toku loto mo te Pogai o te faka-aloalo o toku loto, ke puipui a latou ko la e alofa kia au mai i se sokoga foiliki kii loa o te masei mo manakoga faitogafiti. Tuku ifo kia latou, na la, a mea lei o te lalolagi nei mo sua lalolagi.

Ko Koe, e tonu, ko Ia Tena alofa ne takitakigia a latou ke olo tonu, ko Ia Tela ne fakaasi a Ia me ko te Alofa-Kaimalie Katoatoa. E seai aka foki se Atua na ko Koe, ko te Matagofie-Katoatoa, ko te Feasoasoani Tafasili i te Silisiliese.

Ko tavaeega e io Koe, O te Aliki toku Atua! Au e akai totuli kia Koe mai i te Fakaasiiga tenei te la a te pouliga ko oti ne fuli ki te mainaaga, auala atu i te Kogaa-Koga Tapu tenei ko oti ne faiite, a ko te Tapeleti Tusia ko oti ne fakaasi, a ko te Epa Fola ko oti ne fakasae mai, ke tuku ifo ki lalo i au pe la foki ki luga ia latou ko la e fakatasi matou ko te mea ke mafai ne matou o lele atu ki lagi o Tou matagofie tafasili i te maluga, kae ka fulu keatea mai ia matou a lailaiiga o te fa-lotolotolua ko la ka fakatuai i ei a latou e se talitonu mai i te ulufale ki loto i te fale tapuaki malu o Tou fakatasitasi.

Au ko tokotasi, O toku Aliki, te la ko oti ne piki mau ki te kafanoa o te kapa o te gatu o Tou alofa-fakamagalo mo alofaaga. Fakaeke mai mo au pela foki mo oku taugasoa a te lei o te lalolagi tenei pe la foki mo te sua lalolagi ma vau. Tuku atu kia latou, tena la, mo te Mea-alofa Funa ko oti ne fakasino mo latou filifili i vasia o Au mea ola faiite.

A mea konei, O toku Aliki, ko aso ko la ko oti ne fakatonu ne Koe ki Au tavini ke tautali ki te Anapogi. Fakamanuia kia ia te la e tautali ki te Anapogi mo te loto katoatoa ona ko Koe kae e motu katoatoa mai i mea katoa vagana ko Koe. Feasoasoani mai kia au kae fesoasoani foki kia latou, O toku Aliki, ke fakalogo kia Koe kae ke tausi ki Au akoakoga. A Koe, e tonu, e iai a te maalosi o fai a te mea e loto Koe kiei.

E seai aka foki se Atua vagana ko Koe, ko te Iloa-Katoatoa, ko te Atamai-Katoatoa. Ko tavaeega katoa e io o te Atua, ko te Aliki o lalolagi katoa.

E matagofie e i Tou igoa, O te Aliki toku Atua! E lavea ne Koe a toku kogaa-koga nofo, mo te fale-puipui te la ne pei au ki ei, kae ne tigaina i ei Au i faka-lavelave e uke. Mai i Tou mafi! E seai se pene e mafai o toe lau mai a latou, io me se laulaufaiva e mafai o fakamatala io me o faka-napa a latou. E seiloa ne au, O toku Atua, me se aa ate pogai ne liakina i ei au ne Koe ki Ou fili. Ko Tou matagofie e fai mo aku molimau! Au e se-fanoanoa mo te fa-kaitaua ne kufaki ne au ona ko te alofa mo Koe, io me e lagona ne au a te poi i faka-lavelave lasi ne feagai mo au i Tou auala. A toku fanoanoa e se pogai mai i se isi mea aka kae ona ko te tuai o fakataunu ne Koe a te mea te la ko oti ne iku ia Koe i Tapeleti o Tau Fakaasiiga, kae fakaeke i loto i tusi o Tau tonu mo te faka-masinoga.

A toku toto, i taimi katoa, e fai mai kia au penei: “O ko Koe Tela ko te Foliga o te Tafasili i te Alofa-Fakamagalo! E pefea a te leva kae ko kave au keatea ne Koe mai i te falepuipui o te lalolagi tenei, kae avatu au mai i te faka-pagota o te olaga tenei? E seki fai feagaiiga mai Koe ia Koe ka faka lanu ne Koe a te lalolagi mo au, kae fakasiusiu mai au i luga i mata o tino o Tou Palataiso?” Ki te faipatiga tenei ne tali atu au penei: “Ke onosai kae filemu a Koe. A mea ko la e manako koe ki ei e tumau fua ki se itula, A ko au, tena la, au e fia inu faeloa i te auala o te Atua i te ipu o Tena fakatonuuga, kae e se-manako ko te ikuuga a Tena finagalo ke gata o faka-galue, io me ko tigaina ko la ne pokoia ia au ona ko toku Aliki, ko te Tafasili i te Maluga, ko te Faka-aloalogina-Katoatoa, e tau o gata. Sala mai koe ki toku manakoga kae fakaseai atu a tou manakoga. A taku amoga saisaitia e se mo toku puipuiiga, kae ko te mea ke mafai ne au o ola tumau i faka-lavelave mo faka-lavelave, kae ke faka-tokatoka au mo tofotofooga ko la e tau o oko mai ki au i taimi katoa. Ke tanumia a te fagasele te la e atafia ne ia i te vaa o te lei mo mea poisini ona ko tena alofa mo tena fagasele! Ke lotomalie koe i mea ko oti ne fakasino ne te Atua mo koe. A Ia, e tonu, e pule i luga ia koe pe la mo te mea e loto kae fiafia ki ei. E seai aka se Atua na ko Ia, ko te Se-mafai o-Oko-kiei, ko te Tafasili i te Maluga.”

E faka-lauefagia a Tou igoa, O te Aliki toku Atua! Au e seiloa ne au me se aa a te vai te la ne faiite i ei ne Koe au, io me se aa a te afi ne faka ka ne Koe i loto ia au, io me ko te kaupapa te la ne faka-foliga au mai i ei. A te nofo-se-toka o koga tai taki tasi ko oti ne fakatoka, kae seai ko te nofo-se-toka o te Vasa tenei te la e gasuke i te manakoga o te matagi o Tou finagalo. A te ulaaga o afi katoa ko oti ne tamate vagana ko te Ulaaga te la ne faka ka ne Ou lima maalosi, ka ko olotou mainaaga ko oti ne, mai i te maalosi o Tou igoa, tufa tufa atu ki tua atu ne Koe i mua o latou katoa ko la i Tou lagi mo latou katoa ko la i te lalolagi. Ko te olo o faka-lavelave o masei kii loa, ko te gasolo solo o vela kae e toe vela atu.

Taofi, na la, O toku Atua, me ne pefea a Tou Mainaaga o fakafoliki mai i matagi agi o Tau tulafono, me ne pefea a kaumatagi lasi e agi kae tuki ne latou mai i feitu katoa ko oti ne faopoopo atu ki te maina o te gasolo o lasi a tena gali. Mo mea katoa konei, ke tavaegia a Koe.

Au e akai fakamolemole kia Koe, i Tou Igoa Tafasili i te Takutakua, mo Tou nofoaiga-a-tupu mai i te pilitakiiga o taimi, ke kilo ki luga i Au fagasele ko la a olotou loto ne mae i te gasuesue-ega ona ko faka—lavelave ko la ne poko ki luga ia Ia Tela ko te Faifekau a Koe i Tou fuaitino tonu loa. E maalosi a Koe o fai a te mea e fiafia Koe ki ei. Ko Koe, e tonu, ko te Iloa-Katoatoa, ko te Atamai-Katoatoa.

O ko Koe Tela ko Ou mata ko te pogai o te faka-aloalo o latou katoa ko la e naunau kia Koe, Tela ko Tena nofo-mai ko te faka-moemoemoega o latou ko la e tapuaki tonu ki Tou finagalo, Tela ko Tena nofo-pili mai ko te manakoga o latou katoa ko la e faka-pilipili ki Tou kogaa-koga nofo, Tela ko Ona mata ko te taugasoa o latou ko la ko oti ne lavea ne latou a Tau mea-tonu. Tela ko Tona igoa ko te faka-gasueega o agaaga ola ko la e nnau ke lavea ne latou Ou mata, Tela ko Tona leo ko te ola tonu o Au fagasele, ko muna mai i Tena gutu pe la mo te vai o te ola ki tino katoa ko la i te lagi mo te lalolagi!

Au e akai totuli kia Koe, mai i te see ko oti ne pokotia ia Koe mo fakalavelave ne oko atu ki luga ia Koe mai i lukuuga o latou amio see-lei, ke tuku ifo ki lalo ia au mai i kaumana o Tou alofa faka-magalo ko la ka fulu ke ma au i mea ko la e seai ia Koe, ko te mea ke tau o fai a Ou tavaeega kae tau foki o alofa atu kia Koe.

Sa-taofi mai ia au, O toku Aliki, a mea ko la ne fakaeke mo Au tavini fafine ko la e tamilo faka-pukupuku ia Koe, kae ki luga ia latou e tumau loa a te ligi o te matagofie o te laa o Tou gali mo sulu maina o Ou mata. A Koe ko Ia Tela mai i te pilitakiiga ne faka-mafanafana ne Ia a so se tino te la ne manako kia Koe, kae ne faka-akoia fakamaumea a ia te la ne sala kia Ia.

E seai aka se Atua na ko Koe, ko te Mafi, ko te Fakatuanki-Tumau Katoatoa, ko te Maukooa-Katoatoa, ko te Tafasili I te Kaimalie.

Tavaeega maluga e i Tou igoa, O te Aliki toku Atua! A te pogisa koi i luga i fenua katoa, ako te maalosi o te amio masei ko siomia i fenua katoa. Mai ia latou, e atafia ne au a mea gali o Tou atamai, kae matea a te maina o te molii o Tou atamai.

Latou ko la e pono ne te veli mai ia Koe ko mafaufau me e isi se maalosi ia latou o tamate a Tou mainaaga, kae ke tamate a Tau afi, kae ke taofi a matagi o Tou alofa-kaimalie. Ikaai, kae ki te mea tenei a Tou mafi e fai mo aku molimau! Moi fai seai ko faka-lavelave taki tasi e fai mo fai fekau o Tou atamai, kae ko tofotofooga taki tasi ko te auala o Tou atamai faka-te-lagi, seai se tino e mafai o teke mai kia matou, mai i te maalosi o te lalolagi mo te lagi e teke mai kia matou. Moi fai au e faka-matala a mea funa o Tou atamai ko la e tuku aliali i mua o oku, a puleega o Ou fili e maofaofa ki lalo.

Ko te matagofie e ia Koe, tena, O toku Atua! Au e akai totuli kia Koe mai i Tou Igoa Tafasili i te Lasi ke luku fakatasi a latou ko la e alofa kia Koe faka-pukupuku i te Tulafono te la e sofi mai i te fiafia lei o Tou finagalo, kae tuku ifo ki lalo ia latou a te mea te la e molimau tonu ki olotou loto.

E maalosi a Koe o fai a te mea e fiafia Koe ki ei. A Koe, e tonu, ko te Feasoasoani i Mea Faigata, ko te Ola-fua-ia-Ia.

Tavaeega e o Koe, O te Aliki toku Atua! Mea nei ko Tau tavini te la ko oti ne fia inu mai i lima o Tou alofa tauanoa mo te uaina o Tou alofa faka-magalo atafai, kae ne tami i te manogi o Tou alofa i Ou aso. Au e akai totuli kia Koe, e auala atu i fakatusa o Ou igoa, te la e seai se fanoanoa e mafai o faka-lavegia mai i te fiafia i Tou alofa io me mai i te kilo atu ki luga i Ou mata, kae te la ko lukuuga katoa o latou e see-fakalogo e seai se maalosi o fai se mea ke fuli keatea a latou mai i te auala ki Tou fiafiaaga, ke tuku ifo kia ia a mea lei katoa e pule ne Koe, ke avaka a ia ki luga ki te tumu maluga ko te mea ke taku ne ia a te lalolagi pe la me se ata te la e galo pakini atu i te kemo o te mata.

Tausi a ia ke sao a ia, O toku Atua, mai i te maalosi o Tou afioga e se-maua o fuafuagina, mai i mea katoa ko la e masei kia Koe. Koe, e tonu, ko tena Aliki mo te Aliki o lalolagi katoa.

E fakamalugia a Tou igoa, O toku Atua! E lavea ne Koe me e pefea a matagi maalosi o tofotofoga ne fai ne latou a te tumau i te talitonuuga o gasuesue, kae me ne pefea a manavaaga o tofooga o kosu ne latou a loto ko la ko oti loa ne faka-tumau pe la mo latou ko la ko oti ne inu i te uaina te la ko ola mai i lima o te Faifekau o Tou igoa, ko te tafasili i te Alofa-Kaimalie. Mea nei ko latou ko la e seai se muna na ko Tau muna maluga ne mafai o faka-gasue, te la e seai lele se mea na ko te gatu manogi magalo o Tou masauaaga e mafai o ufi i ei, O ko Koe Tela ko te Pule o igoa katoa mo te Tufuuga o te lalolagi mo te lagi!

Au e akai totuli kia Koe, O ko Koe Tela ko te Tiemipioni fagasele o Bahá, mai i Tou igoa, ko te Matagofie-Katoatoa, o tausi fakalei a latou ko Au tavini mai lalo i te malu o kapakau o Tou alofa-kaimalie salalau, ko matasana o faitioga tiapolo a tino masei mai i Au mea ola faiite, ko la ne se talitonu i Au fakailoga, ke mafai o taofi mai keatea a latou mai i ei. E seai i luga i te lalolagi, O toku Aliki, e mafai o teke atu a Tou maalosi, kae e seai foki i lalolagi katoa o Ou igoa e mafai o fakalavelave ki Tena fekau. Fakaasi atu, tena, a te maalosi o Tou nofoaiga-a-tupu mo Tou maalo kae talai atu ki Au fagasele a mea ko la e tau i Ou aso.

Ko Koe, e tonu, ko te Mafi-Katoatoa, ko te tafasili i te Maluga, ko te Matagofie-Katoatoa, ko te Tafasili i te Takutakua.

Ko tavaeega katoa e io Koe, O toku Atua! E lavea mai ne Koe a toku faka-alofa mo te mativa, kae e molimau ki tou tigaina mo tofotofooga. E liakina ne Koe pefea au mai i te va o Au tavini? Fai aka au ke fanatu ki luga i Ou mua. A te maalosi o Tou mafi e fai mo aku molimau! Mea ana ko falavelave ko la e pokotia i ei au kae ko la ko seai soku maalosi o toe lau atu i Ou mua. Ko Koe, toko tasi, e tonu e auala atu i Tou poto e mafai o iloa a latou.

Au e akai fakamolemole kia Koe, O ko Koe Tela ko toku Taugasoa i taimi o toku fanoanoa, ke vaiua ifo ki luga i Au fagasele mai i kaumana o Tou alofa-fakamagalo a mea ko la ka fai i ei a latou ke lotomalie i Tou fiafia, kae ka faka-mafai latou ke fuli atu kia Koe kae motu mai i mea katoa na ko Koe. Fakaeke, tena, mo latou a so se mea lei te la ne iloa ne Koe kae ko leva ne faka-mau i Tau tusi. Ko Koe, e tonu, ko te Maalosi-Katoatoa, ko Ia Tela e seai lele e mafai o faka-lavelavegina. Mai i te vavau, Koe ko oti ne ufi ki te lasi malifalifa mo te maalosi, mo se afioga kae matagofie e se-mau.

Faka-aloalogina a Tou igoa, ko Koe Tela a Tou lima ko maalo o te lalolagi mo te lagi.

O ko Koe Tela ko te Pule o te lalolagi mo te lagi mo te Tino Tusi o igoa katoa! E lagona ne Koe a te leo o toku fanoanoa te la mai i te olo-maalosi o te fakai ko ‘Akká ne fanatu ki luga ia Koe, kae e lavea mai me ne pefea oku taugasoa ne pei faka-pagota ne to ki lima o tino fai-galuega o te amio se-llei.

E tuku atu kia Koe a fakafetai, O te motou Aliki, mo fakalavelave katoa ko la ne pokotia ia matou i Tou auala. O, ko te leva o toku olaga faka-te-lalolagi ke mafai o fakaloa atu ko te mea ke aofia i ei a olaga o tupulaga mua mo tupulaga fakamuli nei, io me e mafai o fakaloa atu ko te mea ke seai se tagata i luga i te lalolagi e mafai o fua ne ia, kae ke pokotia i aso katoa mo minute katoa i fakalavelave foou ona ko te alofa mo Koe pe la foki ona ko Tou fiafiaaga!

E iloa lei ne Koe, na la, O toku Atua, i toku manakoga e liua katoatoa i loto i Tou manakoga, kae ko oti ne iku faka-tumau ia Koe i toku agaaga ola e tau o fanaka ki luga i tumutumu o toe koga maluga o Tou Maalo, kae olo atu ki te nofo-mai o toku Taugasoa matagofie-katoatoa.

Fakavave, auala atu i Tou alofa kaimalie mo te maukoloa, a toku fano, o Toku Aliki, kae ligi atu ki luga ia latou katoa ko la e pele kia Koe a te mea te la ka tausi a latou mai i te mataku mo te polepole mai i tua ia au. E maalosi a Koe o fai a so se mea te la e fiafia Koe kiei. E seai se Atua vagana ko Koe, ko te Matagofie-Katoatoa, ko te Atamai-Katoatoa.

E lavea ne Koe, O toku Aliki, me ne liakina pefea ne Au tavini a olotou fale ona ko te olotou naunau o fetaui mo Koe, kae ne pefea foki o fakalavelavegina a latou o kilo atu ki Ou mata ne latou ko la e seai se atua ia latou, pe la foki mo te faka- tamilomilo a te kogaa-koga nofo o Tou matagofie gali. Ligi ifo mai i Tou fakatuanaki kae aumai ki lalo a Tou tokaaga ki luga ia latou, O toku Aliki! A Koe, i te tonuuga, ko te Fakamagalo-Katoatoa, ko te Tafasili i te Alofa Atafai.

Tavaeega kia Koe, O ko te Aliki toku Atua, E lavea mai ne Koe oku loimata mo toku fanoanoa, kae lagona oku manavaaga, aku tagi kae tagi lili. Au ko te toko tasi, o Toku Aliki, te la ne puke mau ki te kafanoa o Tou alofa faka-magalo te la ko sopoia atu i te foafoaga katoatoa. Au ko toko tasi te la ne piki mau ki te kapa o Tou alofa-kaimalie, O ko Koe i Ou lima e iai a te maalo o igoa katoa!

Ke iai a te alofa-fakamagalo i luga ia au pe la foki i luga ia latou katoa ko la e nofo tasi matou, e auala atu i mea faka-ofoofogina o Tou alofa mo te maalosi. Puipui mai matou, tena la, O toku Atua, mai i uiga se-lei o Ou fili, kae fesoasoani mai matou ke mafai o fesoasoani atu matou ki Tau Talitonuuga, kae ke puipuigina a Tau Fakatokaaga, kae ke fakamanatu a Tou matagofie. A Koe, e tonu, ko Ia Tela mai ite pilitakiiga o te kamataga e nofo i tumu maluga e se-mauagina o oko kiei o Tou fakatasitasi, kae ka tumau o nofo pena ki te gata mai se gata mai ailoa. E seai se mea e sao mai i Tou poto, io me se mea e mafai o faka-lavelavegina kia Koe. E seai se Atua mai i Ou tafa, ko te Mafi-Katoatoa, ko te Fakamaoni-Katoatoa, ko te Tafasili i te Maluga, ko te Matagofie-Katoatoa, ko te Fagasele Silisili.

E maluga kae matagofie a Koe, tela i loto i Ou lima ko te maalo o mea katoa!

E lauefa a Tou Igoa, o te Atua, te Aliki o te lagi! Fakaeke aka toku fogaulu ki te kalauna o te mate matulo, pe la loa mo te fakaekeega o toku fuaitino ki te fakalakeiiga o mea faigata i mata o latou katoa ko la i Tou fenua, Aumai kia Au, ko loto ko la e manako kia Koe ke fakapilipili atu ki te sikulagi o Tou alofa-kaimalie, te la e sulu mai ki ei a te mainaaga o te Fetu-Ao o Tou gali. Fakaeke foki, mo latou a mea ko la e mafai i ei latou o maumea ko te mea ke mafai ne latou o fakaseai a mea katoa na loa ko Koe, kae tina atu keatea a mea ko la e teke ki Au fakaasiiga.

E seai aka se Atua na ko Koe, ko te Fatama, ko te Ola-ia-Ia loa.

Tavaeega e io Koe, O toku Atua! E mafai pefea ne au o fakafetai atu a Koe aua ne fakamatea toko tasi aka loa au kae filigia aka au mai i Au tavini katoa ke fakaasi a Koe, i se taimi te la a tino katoa ko fuli keatea mai i Tou gali! Au e molimau, O toku Atua, me kafai e maua ne au mai ia Koe a ola e afe, kae e tuku atu katoa ne au i Tou auala, e se maua foki loa ne au o toe togi atu a toe mea-alofa tafasili i te foliki ko la, e auala atu i Tou alofa-kaimalie, ko oti ne fakaeke ne Koe ki luga ia au.

Au e takato e moe i luga i te moega o toku tino kae e poi au, e fago au ne Koe mo faka-munamunaaga faka-te-lagi o Tou sikugaleo, kae ne fakaasi mai kia au a Tou gali, kae ne faka-mafai ko au ke faka-logologo ki Au faipatiiga, kae ke lavea ne au a Tou Tino, kae ke takutaku atu a Ou tavaeega, kae ke faka-maluga atu Ou uiga lei, kae ke mautakitaki i Tou alofa. I te fakaotiiga au ne to ki loto i lima o latou ko la e se fakalogo mai i Au tavini.

E lavea mai ne Koe, tena la, a toku faka fenua kese ne logo mae au i Oku aso, kae atafia mai a te mae o toku naunau o kilo ki luga i Ou mata, mo toku manakoga e se maua o taofigia ke ulu atu au ki loto i te fale o Tou matagofie, pe la foki mo musumusuuga o toku loto mai ite pokotia o te matagi o Tou alofa-fakamagalo.

Au e akai kia Koe, O ko Koe ko te Pule o lalolagi o te foafoaaga mo te Tino Tusi o igoa katoa, ke tusi ifo ki lalo a toku igoa mo igoa o latou ko la, mai i te pilitakiiga, ko oti ne tamilo faka-pukupuku i te Fale Tapuaki malu o Tou afioga, kae e piki mau ki te kapa o te gatu o Tou alofa-kaimalie, kae mautakitaki ki te kafanoa o Tou alofa atafai faka-magalo.

A Koe, i te tonuuga, ko te Feasoasoani i Mea-Faigata, ko te Ola-fua-ia-Ia.

Tavaega e o Koe, O te Aliki toku Atua! Au e akai fakamaulalo kia Koe, mai i Tou Igoa Tafasili i te Takutakua te la ne fakagasue i ei ne Koe Au tavini o atiake a Ou fakai lasi, kae mai i luga i Ou tofi tafasili i te lei, mo Ou uiga matagofie, o fesoasoani ki Ou tino ke fuli atu ki te auala o Au mea-alofa e se maua o lau, kae luku atu olotou mata ki luga i te Fale Tapuaki malu o Tou atamai. Fakagata aka ne Koe a masaki ko pokotia ki luga i agaaga konei mai i feitu katoa, te la ko fai ne latou mo mea e se tuku atu a olotou kilo ki te Palataiso te la e takato i te malu o Tou Igoa e tautali mai, te la ne fai ne Koe me ko te Tupu o igoa katoa mo latou katoa i te lagi mo latou katoa i te lalolagi. E maalosi Koe o fai a te mea e fiafia Koe ki ei. I Ou lima ko te lalolagi o igoa katoa. E seai aka foki se Atua na ko Koe, te Mafi, te Atamai.

Au se mea ola kae mativa, O toku Aliki; ko oti ne piki mau au ki te kapa o Au maumea. Au e masaki; ko oti ne piki mau au ki te kafanoa o Tau fakagata masaki. Fakasao mai au mai i famai ko siomia au ne latou, kae faka-koukou fakalei aka au i te vai o Tou alofaaga mo te kaimalie, kae fakapei aka au ki te gatu o te ola lei, mai i luga i Tau fakamagalo mo te alofa. Fakatumau, na la, oku mata kia Koe, kae motu mai au mai i te fiafia ki mea katoa na loa ko Koe. Feasoasoani mai au ke fai a te mea e manako Koe ki ei, kae o fakataunu a te mea te la e fiafia Koe ki ei.

Ko Koe e tonu ko te Aliki o te olaga nei mo sua ola. Ko Koe, e tonu, ko te Fakamagalo-Katoatoa, ko te Tafasili i te Alofa-Kaimalie.

E maluga a Tou Igoa, O ko Koe Tela e lavea a mea katoa kae e lilo foki mai i mea katoa! Mai i fenua katoa e lagona ne Koe a fanoanoa o latou ko la e alofa kia Koe, kae mai i so se auala e sala atu ki tagitagi o latou ko la ne iloa ne latou a Tou nofoaiga-a-Tupu. Moi fai a latou ko la e teke e fakafesili atu penei: “Sea a la a te uiga ne teke i ei kia latou kae taofi a latou faka-pagota i Baghdád mo nisi koga aka? Sea a te amio se-tonu ne fai ne latou? Koi ne faka togafiti ne latou? E oi a toto ne fakamaligi ne latou, kae e oi foki a kope ne fakamasei ne latou? E seiloa ne latou me ka tali pefea.

E iloa lei loa ne Koe, O toku Atua, i te agasala loa a latou me ona ko latou e alofa kia Koe. Ko te pogai tenei ne puke gina a latou ne te kau teke, kae peipei atu ki tua atu. E iloa ne au, O toku Atua, ia Koe ka tuku ifo ne Koe ki au Tau tavini fua a mea lei mo latou, kae e ui i ei au e akai atu kia Koe, e auala atu i Tou igoa te la e pulougina a mea katoa, ke avaka ki luga mo te olotou feasoasoani pe la foki mo se failoga o Tou alofa-tauanoa pe la foki me se faka-talitonuuga o Tou maalosi, ko latou ko la ka tausi a latou ke saogalemu mai i olotou fili katoa.

E maalosi a Koe o fai a te mea e fiafia Koe ki ei. A Koe, e tonu, ko te Pule Tafasili Maluga, ko te Mafi-Katoatoa, ko te Feasoasoani-i-mea-Faigata, ko te Ola-loa-ia-Ia.

Tavaeega e io Koe, O ko te Aliki toku Atua! Au ko Tau tavini mo te tama tagata o Tau tavini. Ko oti ne fakasaga oku mata ki mua i Tau Fakatokaaga, talitonu i Tou tafatasi, laveagina a Tou nofoaiga-a-aliki mo te maalosi o Tou mafi, kae fakaasi tonu ki te lauefa o Tou afioga mo te matagofie. Au e akai kia Koe, auala atu i Tou igoa te la ne mavae a te lagi mai i lalo, ka ko te lalolagi ne maofa, a ko mauga ne malepe, ke se taofigia mai ia au a matagi iliili malie o Tou alofa-faka-magalo ko la ko oti ne agiagi i Ou aso, io me ke faka-pokotia mai au ke mao kii au mai i matafaga o Tou pili-mai mo te maukoloa.

Au ko ia tela ko oko loa i te fia inu, O toku Aliki! Tuku kia au ke inu i te vaiola o Tou alofa atafai. Au se mea ola mativa; fakaasi mai kia au a mea-alofa o Tou maumea. Ke fai ne Koe a te mea te la e tau o pei atu ki tua i te mataloa o Tou alofa atafai mo te maukoloa pe la mo latou ko taofi mau a olotou fakamoemoega ki luga ia Koe, kae e mafai o olo tonu mo Tou nofoaiga-a-aliki ke faka-lavelavegina a latou ko la e nau kia Koe mai i te maua ne latou a te nofoaga fagasele o Tou nofo-mai mai i te lavea atu Ou mata? Mai i Tou matagofie! Seai ko toku talitonuuga tena ia Koe, aua ia au ko talitonu ia Koe ko te Atua o te maukoloa, Tela ko Tena alofa-atafai e siomia i ei a mea katoa.

Au e akai totuli kia Koe, O toku Aliki, e auala atu i Tou alofa-fakamagalo te la ko sopoia atu i te foafoaaga katoatoa, mo Tou alofa kaimalie te la ko oti ne ufi aka ne ia a mea faiite katoa, ke fai aka ko au ke fuli oku mata katoatoa kia Koe, kae ke sala ki Tou fakamalu, kae ke mautakitaki au i toku alofa mo Koe. Tusi ifo ki lalo, tena, mo au a mea ko la ko oti ne fakasino ne Koe mo latou ko la e alofa kia Koe. E maalosi a Koe o fai a te mea e fiafia Koe kiei. E seai aka se Atua mai i Ou tafa, ko te Fakamagalo-Katoatoa, ko te Maukoloa-Katoatoa.

E tavaeegia a te Atua, ko te Aliki o lalolagi!

E maluga a Koe, O ko te Aliki toku Atua! Au ko toko tasi te la ko liakina ana mea katoa kae fakasaga ona mata ki luga i te gali o te matagofie o Ou mata, te la ko otii ne motu mai a sokoga katoa kae piki mau ki te kafanoa o Tou alofa mo Tou fiafiaaga-lei. Au ko ia, O toku Atua, te la ko oti ne faka-ulufale ne ia a Tou alofa kae talia a fakalavelave katoa ko la e mafai ne te lalolagi o fakaoko mai, te la ko oti ne tuku faka-taulaga atu a ia ona ko Au fagasele, ko te mea ke mafai ne latou o olo atu ki luga i lagi o Tou poto kae ke futi ke pili atu kia Koe, kae ke mafai foki o lele atu ki te vanimonimo o Tou alofa mo Tou fiafiaaga-llei.

Fakaeke, O toku Atua, mo au pela foki mo latou ko la ko oti ne fakaiku ne Koe pe la mo latou filifiligina kae e fakatuanaki katoatoa kia Koe. Fai aka latou, tena, ke lau ia latou a olotou mata ko oti ne puiui ne Koe mai i te lavea a se isi mata aka vagana ko Ou mata.

A Koe, e tonu, ko te Mafi-Katoatoa, Ko te Tafasili i te Maluga, ko te Matagofie-Katoatoa, ko te Tupu Tafasili i te Maluga, ko te Feasoasoani i Mea-Faigata, ko te Faka-magalo o Mea se-tonu, ko te Fakamagalo-Katoatoa.

E fakamalugagina a Koe, O te Aliki! Au e fakamolemole kia Koe ki te matagi o Tou alofa, pe la foki mo latou ko la ko Aso foou o Tou fingalo mo Malumalu ne vini mai i ei a Tau musumusuga, ke aumai ki au mo latou katoa ko la e sala ki Ou mata a te mea te la e tau mo Tou Kaimalie mo fakamanuiaaga alofa, kae aogaa mo Au mea-alofa mo alofaaga. Au e mativa kae nofo tokotasi, O toku Aliki! Fakagoto ifo aka au ki loto i te vasa o Tou maumea; fia inu, fai aka ke inu au mai i te vai ola o Tou alofa-kaimalie.

Au e akai totuli kia Koe, i Tou Tina Foliga pe la foki mo Ia Tela ne tofi ne Koe mo fai a te Faifekau o Tou tina Uiga tonu pe la foki mo Tau Muna filifilia mo latou katoa i te lagi mo te lalolagi nei, ke luku fakatasi a Au tavini mai lalo o te maluga o te Lakau Ola o Tou alofa-fakasoasoa-lei. Fesoasoani kia latou, na la, ke fakaaogaa tasi ona fuaaga, ke fakalogo olotou taliga ki te gasese o ona lau, mo te gali o te leo o te Manu te la e fakannau i ona kaula, ko Koe, e tonu, ko te Feasoasoani i Mea Faigata, te Se-mafai o Okogina, te Mafi-Katoatoa, te Tafasili i te Lauefa-Kaimalie.

Vikia a Koe, O te Aliki toku Atua! Au e akai kia Koe mai ia Latou Ko la ko te Fale Tapuaki malu o Tou mana Faka-te-Lagi, Ko la ko Faifekau o Tou tafatasi tafasili i te gali mo Aso-Kamata o Au musumusuga faka-maalosi mo fakaasiiga, ke talia ko Au tavini ke se taofigia mai i te Tulafono Faka-te-Lagi tenei te la, i Tou loto mo tou fiafiaaga, ko maga atu mai i Tou vasa tafasili i te lasi. Ko fakaeke aka ne Koe mo latou a mea ko la ko oti ne fakaeke ne Koe mo Au tino filifilia fakatasi mo latou fai mea tonu i vasia o Au mea faiite, ko la ko te tumau o latou i te Fakatokaaga ne seki maua ne matagi maalosi o lue, kae ko la foki a gateteega o tofotofooga ne seai se maalosi lele o taofi a latou mai i te faka-lauefaga o Tau Muna tafasili i te maluga – te Muna te la mai i ei a lagi o manatu faka-supasupa mo mafaufauga seai ne aoga o tagata ne malepelepe ki lalo. Ko Koe e tonu ko te Mafi-Katoatoa, ko te Matagofie-Katoatoa, ko te Iloa Katoatoa.

Faka-mafai, tena la, Au tavini, O toku Atua, ke lavea a te Fetu-Ao te la e maina mai i te sikulagi o Tau ikuuga mo te pogai e se mafai o mafulifuli, kae ke taofi latou mai i te Palataiso te la a Koe, mai i Tou igoa, ko te Matagofie-Katoatoa, ko oti ne kalagagina i lagi o Tou puleega tafasili i te maluga. Fai aka foki a latou, O toku Atua, ke fakavave ki Tou leo tafasili ite suamalie, ko te mea ke fakavave katoa latou o atafia a Tou tafatasi kae lavea a Tou fakatasitasi. O ko Koe te la ko te Fagasele o loto katoa ko la e nau kia Koe, kae ko te Pogai o te ava o latou pe la mo te mea e iloa ne latou a Koe!

Au e akai totuli kia Koe, mai ia latou ko oti ne motu ifo a tupua faka-supasupa i te Fakaasiiga tenei mai i ei ne sae mai a te Numi Tafasili i te Masei mo te Fakamataku Tafasili i te Lasi, o fesoasoani, i taimi katoa, Au tavini mo failoga o Tou maalosi katoatoa mo faka-talitonuuga o te maluga o Tou mafi-katoatoa. Tuku ifo, ko olotou loto ke makeke pela me ne fiti, ko te mea ke tumau latou e se-gasuesue ona ko te mafi salalau tenei o soli tuakoi o teke a Ia Tela ko te Faifekau o Tou Tina Fuaitino mo te Aso malulu o Tou Tino e se lavea, ko latou ke tu katoa ki luga o tapuaki kae fesoasoani kia Koe, ko te mea mai i ei ka sau aka ki luga a fakailoga o Tou manumaalo i Ou lalolagi, a ko fuafuaaga o Tau Talitonuuga ka mafai o fakalauefa atu ki Ou fenua katoa. A Koe ko Ia tela mai anamua loa ko oti, mai i te maalosi o Tena finagalo, ko te maalosi-katoatoa, kae ka tumau pena ki se-gata mai se-gata mai eiloa. A Koe, e tonu, ko te Matagofie-Katoatoa, ko te Tafasili i te Maluga. E seai aka foki se Atua na ko Koe, ko te Tafasili i te Maalosi, ko te Tafasili i te Maluga, ko te Fesoasoani i Mea Faigata, ko te Tafasili i te Takutakua, ko te Tokotasi, ko te Se-Fakatusagina, ko te Matagofie Katoatoa, ko te Se-Mafai-o-Taofigina.

Ko Koe ko te Matagofie, O te Aliki toku Atua! Au e akai totuli kia Koe, mai ia Au Tino Filifilia, mai ia Latou ko la e Kave a Tau Fakamaoniiga, mai ia Ia Tela ko oti ne fakaeke ne Koe me ko te Fakaotiiga o Au Pelofeta mo au Faifekau, ke fai a Tou masausauaga mo fai a toku taugasoa, ko Tou Alofa mo fai a toku fakamoemoega, ko Ou Mata ko toku koulu, a ko Tou igoa ko toku lamepa, a ko Tou manakoga ko toku fiafiaaga, ako Tou fiafia ko toku fiafia.

Au se tino agasala, O toku Aliki, a ko Koe ko te Fakamagalo-Katoatoa. I taimi loa te la ne atafia i ei ne au a Koe, au ne fakavave ke maua ne au a te fale tafasili i te maluga o Tou alofa-kaimalie. Fakamagalo mai au, O toku Aliki, aku agasala ko la ko fai mo mea e fakalavelave mai kia au i te sasale i auala o te Tou fiafia-lei, kae mai i te oko atu ki matafaga o te vasa o Tou tafatasi.

E seai aka se isi, O toku Aliki, e mafai o fai mo te alofa kia au te la e mafai i ei ne au o fuli oku mata ki ei, kae e seai e atafai ne ia au te la ka nau i ei a toku loto ki tena alofa-fakamagalo. Sa liakina mai au, au e akai totuli kia Koe, o te nofo-mai o Tou alofa, io me e taofi mai ia au a maligiiga o Tou kaimalie mo te maukoloa.

Fakaeke mai mo au, O toku Aliki, a mea ko la ne fakaeke ne Koe mo latou ko la e alofa kia Koe, kae tusi ifo ki lalo mo au a mea ne tusi ne Koe mo Au tino filifilia. A taku kilo, i taimi katoa, e piki mau ki te sikulagi o Tou atamai-alofa, a ko oku mata e kilo-fakapitoa ki te fale o Tou alofa-fakamagalo atafai. Fai mai kia au a te mea te la e tau kia Koe. E seai aka se Atua na ko Koe, ko te Atua o te maalosi, ko te Atua o te matagofie, a Tena fesoasoani e manakogina ne tagata katoa.

[Forgiveness]

Ke tigaina au, O toku Atua, ke pilipili atu au kia Koe, ke nofo au i loto i Tou alaai, i te mao mai ia Koe e fakavaaivai ne ia au. Faka-malu aka au i lalo o te maluuga o kapakau o Tou alofa, me i te vela o toku nofo-mavae mo Koe, e liu-suavai i ei a toku fatu. Taki atu au ke tai pili ki te vaitafe ko te ola patonu, auaa toku agaaga ko ka me se afi i te fia inu ona ko te salasala se gata kia Koe. Oku mapuuga O toku Atua, e fakaasi mai a te kona o toku tigaina, mo oku loimata ne maligi e fakamaonia i ei a toku alofa kia Koe.

Ko akai totuli atu au kia Koe, ki tavaeega ko la e tavae i ei ne Koe a Koe eiloa mo te malu te la e fakamalu i ei ne Koe a Ou Uiga Tonu, ke talia aka ko matou ke aofia mo latou ko la ko oti ne atafia ne latou Koe kae faka-maonigia Tou malo i Ou aso. Fesoasoani aka kia matou ke inu, O toku Atua, mai i maikao alofa o te vai-ola o Tou alofa-kaimalie, kae fakapuli lele loa a mea katoa na ko Koe, kae ke mafuta fua mo Koe. E maalosi Koe o fai a te mea e loto Koe ki ei. E seai aka foki se Atua na ko Koe, ko te Mafi, te Fesoasoani i Mea faigata, ko te Ola ia Ia.

Ke fakamalu a Tou igoa, O ko Koe Tela ko te Tupu o Tupu katoa!

E lavea mai ne Koe, O toku Atua, ko te Fetu-Ao o Tau Muna e maina mai i luga i te sikulagi o Tau fakai-falepuipui, pe la loa mai i loto i pui a Ia te la ko te Faifekau o Koe totino mo te Aso-Kamata o te mainaaga o Tau faka-tasitasi ko oti ne apai aka a Tena leo kae fai atu a Ou tavaeega. A manogi gali o Tou alofa ko agiagi mai i luga i Ou fakai lasi kae ko oti ne siomia a latou katoa i Tou maalo.

Mai i taimi ne fakaasi i ei a Tou alofa-tauanoa, O toku Atua, sa fulitua gina Au tavini mai i te tuku atu a olotou mata ki ei. Fakapuligia, O toku Atua, a olotou kope, mo olotou kopikopiaga pe la foki mo olotou galuega. Mafaufau aka ki te lasi o Tou matagofie, mo te uke o Au mea-alofa, mo te maalosi o Tou mafi, mo te silisiliese o Au alofaaga. Au e tauto i Tou matagofie! Kafai e kilo koe ki ei mo se mata o te fai-meatonu, a latou katoa ko tau ki ei a Tou kaitaua mo te toasa o Tou ita. Taofigia ne Koe Au mea ola, O toku Atua, ki lima o Tou alofa-tauanoa, kae fai a Koe ke iloa kia latou a mea tafasili i te lei mo latou mai i mea katoa ko la ko oti ne faiite i loto i te maalo o Tau foafoaaga.

Matou e molimau, O toku Atua, me ia Koe ko te Atua, kae e seai aka foki se Atua na ko Koe. Mai i te pilitakiiga ko oti ne isi a Koe kae e seai lele e pau io me e fakatau kia Koe, kae ka nofo pena e pau ke oko ki se gata-mai. Au e akai totuli kia Koe, mai i mata ko la e lavea a Koe ko fakatu i luga i te nofoga-a-tupu o te fakatasitasi mo te koga nofo o te tafatasi, ke feasoasoani kia latou katoa ko la e alofa kia Koe e auala atu i Tou Igoa Tafasili i te Takutakua, kae ke sapai aka au ki luga ki koga maluga ko la ka molimau i olotou fuaitino mo olotou laulaufaiva me ia Koe ko te Atua, ko te Se-Fakatusagia, ko te Tasi, ko te Faka-logogia-Katoatoa. A Koe e seai se taimi ne isi e pau io me e mafai o fakanafa kia Koe. A Koe, i te tonuuga, ko te Matagofie-Katoatoa, ko te Mafi-Katoatoa, Tena Feasoasoani e manakogina ne tagata katoa.

Ko tavaeega e o Koe, O te Aliki toku Atua! Au e molimau me mai i te vavau a Koe ko leva ne maluga auala atu i te tafasili o Tou afioga mo te mafi, kae ki te favavau ka tumau pena i te mataefa o Tou maalosi mo te matagofie. E seai i maalo o te lalolagi mo te lagi e mafai o fakalavelave a te pogai ne vau i ei a Koe; e seai lele mai i lalolagi katoa o te fakaasiiga mo te foafoaaga e mafai o maalosi atu ia Koe. Mai i Tau fakatonuuga e fai ne Koe a te mea e loto Koe ki ei, kae auala atu i te maalosi o Tou nofoaiga-a-tupu e pulepule ne Koe pe la loa mo te mea e fiafia Koe kiei.

Au e akai totuli kia Koe, O ko Koe Tela e fai ne Ia ate vaveao ke sae mai, mai i te Lamepa te la e faka-ka ne Koe ki te afi o Tou alofa mai i mua o latou katoa i te lagi mo latou i luga i te lalolagi, te la a tena ulaaga e fagai ne Koe me ko te oela o Tou atamai i te maalo o Tau foafoaaga, ke fai ne koe au pe la mo latou ko la ko oti ne lele ki Tou vanimonimo, kae tuku liakina a olotou finagalo ki Tau fuafuaaga.

Au ko te tafalalo faka-fanoanoa katoatoa, O toku Aliki, a ko Koe ko te Tafasili i te Maalosi, ko te Mafi-Katoatoa. Kilo alofa mai kia au mai i Tou alofa atafai mo te maukoloa mataefa, kae fesoasoani mai kia au mo te alofa ke tavini atu kia Koe mo latou ko la e pele kia Koe. E maalosi a Koe o fai a te mea e manako Koe ki ei. E seai se Atua mai i Ou tafa, ko te Atua o te kaumalolo, o te matagofie mo te atamai.

E uke a loto ne mokotia, O toku Atua, ko oti ne fakaka ki te afi o Tau Fakatokaaga, kae e tokouke a tino ne moe kae ne fago ne te suamalie o Tou leo. E pefea foki a te tokouke a tino foou ne saala atu o lafi i te ata o te lakau o Tou tafatasi, kae e pefea foki a te tokouke o latou e fia inu ne saala atu ki Tau puna-vai ola i Ou aso!

Fakamanuia kia ia te la ko oti ne fakavave a ia i tena auala kia Koe, kae fakavave ke maua ne ia a te Aso-Malulu o te mainaaga o Ou mata. Fakamanuia a ia te la ne fakapalele tena alofaaga o fuli atu ki te Malumalu-Kamata o Tau Fakaasiiga mo te Ulu-Puna-vai o Tau fakamaalosi. Fakamanuia a ia te la ne fakamaumau ana mea i Tou auala a mea ko la ne fakaeke aka ne Koe mai i Tou alofa mo au mea-alofa. Fakamanuia a ia te la, i tena loto nau kia Koe, ko otii ne pei keatea ne ia a mea katoa na loa ko Koe. Fakamanuia a ia te la ne fiafia i te pili atu kia Koe, kae motu a ia mai i so se tino na ko Koe.

Au e akai fakamaulalo kia Koe, O toku Aliki, ko Ia Tela mai i Tena Igoa, a Ia, mai i te maalosi o Tou nofoaiga-a-tupu mo te mafi, ko oti ne sae aka ki luga mai i te sikulagi o Tou falepuipui, o fakeke mai mo tino katoa a Ou uiga totino mo feitu ko la e tau mo Tou maluga

A Tou Mafi, e tonu, e pau mo mea katoa.

E maluga a Tou igoa, O te Aliki toku Atua! E lavea mai ne Koe au e loka i toku fale-puipiui, kae i lima o Ou fili, kae taofi a taku tamaliki tagata (ko te Kaula Ma-Takalekale: The Purest Branch) e takato i lalo i te pefu i Ou mua. A ia ko Tau tavini, O toku Aliki, te la ne fai ne Koe ke kaaiga mo Ia Tela ko te Faifekau a Koe mo te Aso-Kamata o Tau Fakatokaaga.

I taimi ne fanau a ia, a ia ne pokotia e auala mai ite mavae mai ia Koe, e tusa mo te mea ko oti ne fakasino mai mo ia mai i Tau faka-tonuuga e se-mafai o fuli. Kae kafai ko oti ne inu i te ipu o te toe feiloai mo Koe, ne pei a ia ki te falepuipui ona ko ia ne talitonu kia Koe mo Au failoga. Ne tumau a ia o tavini a Tou Gali ke oko ki taimi ne ulu atu a ia ki loto i te Falepuipui Tafasili i te Takutakua. Tena la i ei ne fai taulaga atu a ia ne au, O toku Atua, pe la me se taulaaga i Tou auala. E iloa lei ne Koe a latou ko la e alofa mo Koe ne kufaki ne latou a tofotofooga ko la ne fai ne latou a tino o te lalolagi ke tagi lotu-lotu, kae mai i luga atu ko te Lukuuga mana mai i luga ke fanoanoa.

Au e akai totuli kia Koe, O toku Aliki, mai ia ia mo tena faka-aunoa-kese mo tena fale-puipuiiga, ke ave ifo ki lalo ia latou e alofa kia ia a mea ko la ka faka-tokaaga malie a olotou loto kae faka-manuia a olotou galuega. E maalosi a Koe o fai ate mea e finagalo Koe ki ei. E seai se Atua na ko Koe, ko te Mafi-Katoatoa, ko te tafasili ite Maalosi.

Tavaeega e io Koe, O toku Atua! Au e akai totuli kia Koei a latou ko la e tamilomilo i te nofoaga-tupu o Tou finagalo, kae lele atu i te vanimonimo o Tou fiafiaaga-lei, kae fuli atu a olotou alofaaga katoa ki te Sikulagi o Tau Fakaasiiga mo te Aso-malulu o Tau fakamaalosi, mo te Maalumalu o Ou igoa, ke fesosoani ki Au tavini ke tautali ki mea ko la ko oti ne fakatonu mai ne Koe i Ou aso – fakatonuuga e auala atu i te mana o Tau Fakatokaaga ka fakaasi atu ki Au tavini pe la foki mo fakanofonofoga o Au mea ola faiite ka ko Tou lalolagi ka fakatonu.

Au e tauto, O toku Atua, me e tenei a te Aso te la ko Tau fakamaoniiga ko oti ne fakataunu, ka ko Au mea-alofa manino ko oti ne fakaasi, mo Au faipatiiga manino ko oti ne fakaasi, mo Au munamunaaga ko oti ne fakasae aka, ka ko Au failoga ko oti ne fakamatea atu, ka ko te ate mainaaga o Ou mata ko oti ne tufa tufa atu, mo Au fakamaoniiga ko oti ne fakatonutonu, ko Tou fanaka ki luga ko oi ne fakatumau, Tou alofa-fakamagalo ko sofisofi ki tua, mo te Fetu-Ao o Tou alofa atafai ko sulu maina atu ki mua i se malifalifa te la a Koe ko fakaasi a Ia Tela ko te Fakaasi o Koe (Revealer of Thyself) mo te Koga-Tausi (Treasury) o Tou Atamai mo te Maalumalu o Tou afioga mo te maalosi. Ne fakatu ne Koe a Tena feagaiiga (His covenant) mo tino taki-tokotasi katoa ko la ko oti ne faiite i maalo o te lalolagi mo te lagi mo kogaa-koga o te fakaasiiga mo te foafoaaga. Ne fakatu ne Koe a Ia ki luga ki kogaa-koga tafasili i te maluga ko amio-se-tonu e faigina ne latou teke e seai ne olotou maalosi o fakalavelave a Ia mai i te fakaasi atu a Tena nofoaiga-a-tupu, mo te olo aka o latou e se fakalogo e se-mafai o taofigina a Ia mai i te fakaasi atu o Tou maalosi mo te faka-malugaga o Tena Fakatokaaaga.

Ne maluga kii a Tau faka-malugaga ia Ia te la ne mafai i ei a Ia o kave aunoa mo se funa ki tupu Au fekau mo fakatonuuga, kae e seki manakomia lele loa i se minute a se puipuiiga mo Ia, kae taumafai loa o puipui Ana tavini mai i so se mea te la e taofigina a latou mai i te oko atu ki maalo o Tou nofo-mai, kae mai i te tuku atu a olotou mata ki te sikulagi o Tou fiafiaaga-lei.

E lavea ne Koe, O toku Atua, me e pefea, e uiloa a pelu-tau ko fakatoka mo Ia, e kalaga mai a Ia ki maalo kia Koe, ke e uiloa a Ia se pagota ne kalaga atu kia latou ke fuli atu ki te auala o Au mea-alofa mo te maukoloa. Fakatasi mo so se fakalavelave a Ia e fakaasi mai a te matua o Tena Fakatokaaga, kae e faka-maluga a Tau muna.

Au e molimau e auala atu ia Ia ko te Pene o te Tafasli i te Maluga ko oti ne fakagasue, mo Tena masausauaga a matapu silisili o te maalo o igoa ne faka-galigali. Mai ia Ia ne agiagi a Tou manogi gali, mo te manogi suamalie o Tou gatu ne salalau atu i vasia o latou i te lalolagi mo latou i te lagi. E lavea kae e iloa lei loa ne Koe, O toku Atua, me ne fai a Ia pefea ke fakanofo i loto i fakai tafasili i te seai-ne tino i ei, ko te mea ke mafai ne Ia o atiake a loto o Au tavini, kae ko oti ne lotomalie o mae i fakasalaaga tafasili i te tigaina, ko te mea ke mafai o fakamaluga Au mea ola faiite.

Au e talo kia Koe, O ko Koe Tela e fai ne Koe ko te vavevao ke sae mai, mai i Tou Igoa ne auala atu i te pule ne Koe a te matagi, kae tuku ifo Au Tapeleti, ke talia mai ne Koe ko matou ne fakapili atu ki mua i mea ko la ko oti ne fakasino ne Koe mo matou mai i luga i Tou alofa mo te maukoloa, kae ke fakamao ki loa a matou mai i so se mea te la e fakafoufou kia Koe. Aumai kia matou, tena la, ke inu mai i lima o Tou alofa atafai i aso taki tasi katoa mo minute taki tasi katoa o omotou olaaga i te vai te la ko te ola tonu, O ko Koe ko te Tafasili ite Alofa-Fakamagalo! Fai aka matou, tena la, pe la mo latou e fesoasoani kia Koe mafai ko to latou ki lima o Ou fili ko la e llau mo Au mea faiite fuifai kae e see fakalogo mo latou se fakalogo i vasia o Au tino. Tusi ifo ki lalo, tena la, mo matou a te taui ko oti ne fakasino o ia te la ko oti ne oko atu ki Tou nofo-mai, kae kilo atu ki Tou gali, kae tufa mai kia matou a mea lei taki tasi katoa e fakasino i Tau Tusi mo mea ola faiite ko la e maua ne latou a te fiafia ona ko te pili atu o latou kia Koe.

Fakamaina aka a omotou loto, O toku Aliki, ki te gali o Tou poto, kae fakamaina a omotou kilo ki mata ko la e tukutonu ki luga ite sikulagi o Tou alofa atafai mo te Aso-kamata o Tou matagofie. Tausi mai matou, tena la, auala atu i Tou Igoa Tafasili i te Lasi, Tela ne fai ne Koe ke pulou gina mai i luga i maalo ko la e isi ne olotou tagi ki mea ko oti ne fakatapu ne Koe i Tau Tusi. A te mea nei, e tonu, ko oti ne fakapula mai kia matou i Au mataupu silisili mo Au Tapeleti.

Fai aka matou, na la, ke mautakitaki i te motou alofa mo Koe ko te mea ke fuli atu matou kia Koe kae e seai aka foki, kae ka iloagia matou i vasia o latou ko la ne aumai ke pili atu kia Koe, kae ke fakapitoa a Koe me ko Tokotasi te la e maluga fakafia atu manafai e fakatusa ki so se mea kae e silia atu i te mana i mea katoa. kae avaka a omotou leo i vasia o Au tavini kae tagi atu ki luga ia Ia ko te Atua toko tasi, ko te Se-fakatusagina, ko te Fakalogo-Katoatoa, ko te Tafasili i te Maalosi, ko Matagofie-Katoatoa, ko te Atamai-Katoatoa.

Faka-maalosi ne Koe, O toku Aliki, a loto o tagata ko la e alofa kia Koe, ko te mea ke se mataku ne lukuuga ko oti ne fulitua mai ia Koe, kae ke tautali a latou ia Koe i so se mea ko oti ne fakaasi mai ne Koe. Feasoasoani kia latou, tena la, ke masaua kae ke tavaegia a Koe, kae ke talai a Tau Fakatokaaga i se tulaga lei-katoatoa mo te atamai. A Koe ko Ia Tela ne fakaigoa a Ia me ko te Alofa-Fakamagalo Katoatoa. Fakaeke, na la, O toku Atua, kia au pe la foki mo so se tino te la ko oti ne saala atu kia Koe a mea ko la e tafasili i te gali i Tou matagofie mo te lauefa o Tou afioga. E seai se Atua na ko Koe, ko te Fakamagalo-Katoatoa, ko te Tafasili i te Alofa-Atafai.

E lavea mai ne Koe a Tau fagasele tokotasi, O toku Atua, e takato i te alofa tauanoa o Ou fili, kae lagona a te leo o Tena fanoanoa mai i vasia o Au mea ola faiite ko la ko oti ne fakasala fakamasei i Ou mua. A Ia tenei, O toku Aliki, auala mai i Tena igoa te la ne fakagaligali ne Koe i Au Tapeleti, kae ko Tena matagofie e lauefa atu ne tuku ifo ne Koe ki lalo a te Bayán, a ko Tena mavae mai ia Koe ne tagi tumau a Koe. Kilo aka Koe, tena la, ki luga i Tena nofo tokotasi, O toku Atua, kae taofi a Ia mana to ki loto i lima o latou ko la ko e se-talitonu i Au fakailoga, kae ko oti ne fuli-tua atu kia Koe, kae ko puli ia latou a mea faka-ofoofogia o Tou alofa-fakamagalo.

Ko Ia tenei, O toku Atua, Tela ne fai mai a Koe penei: “Kae moi seai ko Koe a Mataupu Silisili e liakina loa pena e se fakaasi, kae e se-tuku mai foki a Pelofeta.” Kae i te taimi loa tena a Ia, i Tau ikuuga, ne fakaasi kae faipati ki Ou tavaeega, a latou ko la amio masei mai i Au mea ola faiite ne tamilomilo ne latou a Ia, mo pelu-tau o te kaitaua e fakasaga kia Ia, O Koe ko te Aliki o igoa katoa! E iloa lei ne Koe a te mea ne poko kia Ia i lima o latou ko la ne to mai lalo o te veli o Tou matagofie, kae pei atu ki olotou tua a Tau Feagaiiga mo Tau Faka-talitonuuga, O ko Koe ko te Tufuuga o lagi! A Ia Ko te Tokotasi Tela ona ko Koe (te Báb) ko oti ne mafua mai i ei a Tou ola, kae ko oti foki ne talia ko Ia ke pokotia i kopikopiaga uke o te lalolagi ko te mea ke mafai a Ia o fakaasi mai a Ia, kae kalaga atu ki tino katoa e auala atu i Tena igoa. I tami loa te la ne fanaifo a Ia, tena la, mai i te lagi o te afioga mo te maalosi, Au tavini ne fola atu o teke a Ia i lima o te masei mo te faitogafiti, kae fai a Ia ke pokotia i fakalavelave e se-maua ne pepa o te lalolagi nei o tusi fakamau ki lalo ko te mea ke katoatoa fakalei.

E lavea ne Koe, tena la, O ko Koe ko te Fagasele o te lalolagi, a Ia Tela e pele kia Koe i mea sasale ona ko faiga a latou ko la ne fakafiti mai ia Koe, kae taofi a te manakoga o Tou loto mai i lalo i pelu-tau o latou fapaupau. Au e mafaufau ia Ia, mai i Tena nofoaga tafasili i te maluga, ne faipati mai kia au penei: “Moi fai a toku agaaga ola, O ko te Pagota, o fai pe la me ko te togi o Tou nofo faka-pagota, a ko toku fuaitino, O ko te Tasi Tela ne faka-see-gia, o fai mo taulaga ki puapuaga ne maua ne Koe! A Koe e auala atu i Tena pei faka-pagota ne sisi i ei a fuafuaaga o Tou maalosi katoatoa, a ko te fetu-ao o Tau fakaasiiga ne sulu maina atu mai i luga atu i te sikulagi o fakalalvelave, i se auala atamai ne ifo katoa a mea ola faiite mai i mua o te matalasi o Tou afioga.”

Ko te lasi o te taumafai o latou o fakalavelave a Koe mai i te masaua o Tou Atua mo te fakamaluga o Ona uiga lei, ko te maalosi foki o Koe o vikia a Ia mo te maluga a Tau kalaga kia Ia. Kae i taimi katoa a veli o latou fuifai e tu mai i te va o Koe mo Au tavini, ne sulu mai ne Koe a te matagofie o te mainaaga o Ou mata mai i te lagi o Tou alofa tauanoa. A Koe, e tonu, ko te Ola-ia-Ia pe la mo te molimau ne te laulaufaiva o te Atua, ko te Matagofie-Katoatoa, ko te tasi fua Fagasele; a ko Koe ko te Manakoga o te lalolagi pe la mo te mea e molimaugia ne te fakaasiiga ne te tafe mai i te Pene a Ia Tela ko oti ne fakasalalau atu ki Ana tavini a Tou Igoa lilo, kae fakalakei a te foafoaaga katoatoa ki te gali o Tou alofa, ko te Tafasili i te Taaua, ko te Tafasili i te Maluga.

“A mata o te lalolagi ne fiafia i te kilo atu ki Ou mata maina, kae e ui iei a te lalolagi ne loto tasi o tamate a Tou mainaaga, O ko Koe Tela i Ou lima e pule ne Koe a te lalolagi! A atomu katoa i te lalolagi ne fakamanatu a Ou tavaeega , ka ko mea faiite katoa ko oti ne faka-ka ki moti motiiga e fakasiusiu mai i te vasa o Tou alofa, kae e ui iei a tino koi saala loa ke faka-makona a latou i Tau afi. Ikaai - kae ki te mea tenei e molimau a Koe - ia latou katoa e vaaivai, a ko Koe, e tonu, ko te Maalosi-Katoatoa; a latou ne faka-alofa a ko Koe, i te tonuuga, ko Koe ko te Pule-Katoatoaa; a ko latou e seva e seai se mea e maua o fai a ko Koe, e tonu ko Maalosi Katoatoa, E seai se isi e maua o fakalavelave a Tena galuega, me ko te makosu o te lalolagi e mafai o pokotia kia Koe. Mai i te manavaaga o Tau muna a te lagi o te malamalama ko oti ne faka-lakeigia, kae mai i te tafega mai o Tau pene ne gasuesue a ivi katoa. Sa-fanoanoa ki mea ko oti ne oko atu kia Koe, io me e saga Koe ki mea ne fai i taimi o Ou aso. Ke onosai Koe kia latou, ko Koe ko te Faka-magalo Katoatoa, ko te Tafasili i te Atafai.”

Tavaeega e iluga ia Koe, O toku Atua! A Koe ko Ia Tela mai i te muna mai i Tena muagutu ko oti ne fuli katoatoa a te foafoaaga salalau, kae mai ite tusi a Tau pene ne fakamavae Au tavini mai ia latou taki tokotasi. Au e molimau, O toku Atua, mai i te pati ne faipatiiga mai ne Koe i Tau Fakaasiiga tenei ne faka se-aoga a mea faiite katoa, kae mai i se isi pati aka a mea katoa ko la e loto Koe ki ei, e ui atu i Tou alofa atafai mo te maukoloa, ne fakafonu ki te ola fou.

Au e avatu kia Koe a fakafetai, tena la, kae fakamaluga a Koe, i te igoa o latou katoa ko la e pele kia Koe, aua ko fai ne Koe a latou katoa ke toe fanau mai, ona ko te vai o te ola te la ne tafe mai ki lalo i te gutu o Tou finagalo. Ona la ko Koe ko oti ne fakavave mai e auala atu i Tou maukoloa-alofa, O toku Atua, fai aka latou ke mautakitaki mai i luga i tou aofa-atafai, ki mua i Tou finagalo; kae ona ko Koe ne fai a latou ke ulu ki loto i te Fale Tapuaki Malu o Tau Fakatokaaga, talia mai i Tou alofa-atafai ko te mea ke se taofigina latou mai ia Koe.

Tala aka, tena la, ki olotou loto, O toku Atua, a mataloa o Tou poto, ko te mea ke mafai ne latou o lavea a Koe me ko te Tasi Tela e tafasili i te mauga e se taitai o oko ki ei a te iloa o te malamalama o Au mea ola faiite, kae tafasili atu i te maluga i taumafaiiga o Au tino ke fai se matematega ki Ou uiga, kae e se tautali latou ki so se tino fakaloiloi kae logoaa te la e fakaloiloi o faipati i Tou igoa. Faka-mafai aka latou, tena la, O toku Aliki, ke piki mau ki Tau Fakatokaaga ko te mea ke tumau latou pena e uiloa a taumafaiiga numi a latou ko la, e fakaoso ne olotou manakoga, e tavili ki mea ko la ko oti ne fakatapu kia latou i Au Tapeleti mo Au Mataupu Silisili.

E iloa fakalei loa ne Koe, O toku Aliki, me e lagona ne au a tagi a ulosa ko la e sae mai i gatu o Au tavini. Tausi aka latou fakalei, tena la, Au fagasele mai i mea se-lei a latou, kae faka-mafai a latou ke puke mau ki so se mea te la e fakaasi mai ne Koe i Tau Fakaasiiga, te la e seai aka foki se Fakaasiiga i Tou poto e sili atu i ei. Fakaeke atu mo latou, O toku Aliki, a mea ko la ka lei mo latou. Fakamaina, tena la, a olotou mata ki te mainaaga o Tou poto, ko te mea ke lavea ne latou a Koe manino kae sili i te maluga atu i mea katoa, kae malifalifa i vasia o Au mea ola faiite, kae manumaalo i luga i mea katoa i luga i Tou lagi mo mea katoa i luga i te lalolagi. E maalosi a Koe o fai a te mea e fiafia Koe ki ei. E seai aka se Atua vagana ko Koe, ko te Matagofie-Katoatoa, Tela a Tena fesoasoani e manakomia ne tagata katoa. Tavaeega e io Koe, Tela ko te Aliki o foaofoaaga katoa.

Tavaeega e io Koe, O te Aliki toku Atua! Au e akai kia Koe e auala atu i Tou Gali mai i te Favavau pe la foki mo Tou Igoa Tafasili i te Takutakua, Tela a Koe ko oti ne ofo ko latou katoa e nofo i Tou lalolagi mo te lagi e mafai o toe fanau foou mai, kae Tela ne pei ki te fale-puipui ne Koe ko te mea ko tino ke mafai, pe la mese alofaaga o Tou maukoloa mo Tou nofoaiga-a-tupu e mafai, o tala mai i te faka-pagota o olotou fiafiaaga masei mo manakoga faitogafiti, ke lau au mo latou ko la e manava poko ki te manogi o Tou alofa-fakamagalo, kae fakavave atu i se makini pe la mo vaai ola o Tou alofa-tauanoa, ko la e seai ne matasana e mafai o fakalavelave a latou o fuli atu kia Koe, io me se matatao e mafai o fuli atu a olotou mata ki te tulaga o Tau Fakaasiiga.

Matou e molimau, O toku Aliki, ia Koe ko te Atua kae e seai aka foki se Atua i tafa o Koe. Mai ite vavau a Koe ne faka-kalauna i te tumu e se-okogina i te maluga o Tou maalosi, kae ka pena ki te favavau ka tumau o faka-galue a Tou maalo maluga kae e se-mafai o taofigia. A lukuuga o te lalolagi e seai se maalosi o faka-lavelave ki Tou finagalo, io me e mafai ne latou i te lalolagi mo latou katoa i te lagi o solo keatea a Tau ikuuga. A Koe e tonu ko te Mafi-Katoatoa, ko te Tafasili i te Maluga, ko te Tafasili i te Takutakua.

Fakamanuia, O toku Atua, a latou ko la e tautali ki te Bayán pe la loa me ko latou ko oti ne lau pe la me ko tino o Bahá, ko la ko oti ne ulu atu i loto i te Vaka o te Talitonuuga (Crimson Ark) i Tou Igoa, ko te Tafasili i te Maualuga, ko te tafasili i te Maluga. A Tou mafi, e tonu e pau mo mea katoa.

E tuku atu ne au a tavaeega kia Koe, O te Aliki toku Atua! Au e akai fakamolemole kia Koe i Tou Igoa e auala atu i te fai ne Koe a te vaveao ke sae mai, mo matagi ke agi mo te tai ke soko, ka ko lakau ke fua mai ki fuataga, ko te lalolagi ke fakagaligali ki vaitaafe, ko te mea ke feasoasoani a Koe kia latou katoa ko la e fagasele kia Koe mo Au lukuuga lavea mo te se-lavea. Avatu kia latou, tena la, a te manumaalo mai i luga ia latou katoa ko la ne teke atu i Tou fenua, kae faka-se-aoga a Tou igoa, kae e se talitonu i Au failoga, kae ofa ne latou a Tau Feagaiiga, kae liakina mai i olotou tua a Au tulafono, kae nei ko tu aka ki luga o teke atu kia Koe, ko te mea ke kave a latou fakaaunoa a Ou tino, kae pei a te Faifekau o Koe ki te falepuipui, kae taofi a Ia faka-pagota Tela ko ia a te Aso-Kamata o Tou Uiga tonu i fakai-lasi tafasili i te mao kae seai ne tino iei.

A Koe, O toku Aliki, ko Ia te la a tena maalosi e tafasili i te lasi, Tela a tena ikuuga e pa-mafa. Ke maina i Ou fili mai i te maalosi o Tou nofoaiga-a-aliki, kae luku fakatasi Au fagasele mai i lalo o te malu o te lakau o Tou tafatasi, ko te mea ke mafai ne latou o tu i mua o Tou kalauna-a-tupu, kae apai aka a gauga-leo o Tou leo, kae kilo ki luga i Tou gali, kae maua a maalosi o Tou mafi.

A Koe, e tonu, ko te Maalosi-Katoatoa, ko te Mafi-Katoatoa.

E maluga a Tou igoa, O toku Atua! Au ko to kavegina ne te agiagi malielie o te matagi mai i Tou nofo-mai te la ko puli au ia au loam o aku mea katoa ko la e nofo mo au. Mea nei se fakailoga o te faka-ofoofogina o Tou alofa-kaimalie mo alofaaga mataefa e tuku mai kia au. Au e vikia a Koe, O toku Atua, me ko oti au ne fili ne Koe mai ia Au mea ola katoa, kae fai au pe la me ko te Aso-Kamata o Tou maalosi mo te Faifekau o Tou mafi, kae fakamaalosi ke fakaasi atu Au failoga mo mea-alofa o Tau afioga mo te maalosi te la e seki ai aka loa, i Tou lagi io me ko Tou lalolagi, ne mafai o fai.

Au e akai totuli kia Koe, O toku Aliki, mai i Tou igoa tafasili i te malifalifa, ke fakamasani aka oku tagata mo mea ko la ko oti ne fakasino ne Koe mo latou. Tausi aka ne Koe, tena, mai i loto i te maalosiga o Tau takitakiiga mo te fale malu tapuaki o Tau puipuiiga te la e mautakitaki. Fakamaopoopo aka latou, O toku Aliki, i luga i te matafaga o te Vasa tenei, a motiga katoa taki tasi e fakasalalau ia Koe ko te Atua, te la mai ia Ia e seai aka foki se Atua, te Silisiliese-Katoatoa, te Atamai-Katoatoa.

Suke aka mai i mua o latou, O toku Aliki, a te afioga o Tau Talitonuuga, ia latou mana takitakigina ke faletonu a Tou nofoaiga-a-aliki mo te maalosi o Tou mafi. Au e tauto i Tou matagofie, O ko Koe Tela ko te Fagasele o lalolagi! Moi fai e iloa ne latou a Tou maalosi e fakapatonu atu me ia latou e se taitai o fai se pati ki se mea te la e seki fai mai mo latou i te lagi o Tou finagalo.

Fakamaalosi a latou, O toku Aliki, mo se iloa o te olotou vaaivaiiga mai mua ia Ia Tela ko te Faifekau o Tou Uiga tonu, kae akoako a latou ke lavea ne latou a te mativa o te natula o latou i mata o alofaaga tuafia o Tou ola loa ia Ia mo te mau koloa, ko te mea ke luku fakatasi mai a latou fakasiomia i Tau Fakatokaaga, kae piki mau ki te kapa o te gatu o Tou alofa, kae piki ki te kafanoa o te fiafiaaga–lei o Tou finagalo.

A Koe ko te Aliki o lalolagi, mo latou katoa ko la e fakaasi ne latou a te alofa, ko te Tafasili i te Alofa-Kaimalie.

Ko te Matagofie e io Koe, O ko te Tupu o te favavau, mo te Tufuga o atu-fenua, mo Ia ne Faiite a so se fuaitino ko malepelepei! Au e taalosaga kia Koe, i Tou Igoa Tela ne kalaga a Koe ki tino katoa i te sikulagi o Tau afioga mo te matagofie, kae takitaki Au tavini ki te malae o Tou alofa mo alofaaga, ke lau aka au mo latou ko la ko oti ne fakaseai a latou mai i mea katoa na ko Koe, kae ko oti ne faka-agai tonu a latou kia Koe, kae e seki taofi a latou ne fakalavelave ko la ne fakasino mai ne Koe, mai i te fuli atu ki te auala o Au mea-alofa.

Au ko oti ne puke mau, O toku Aliki, ki te lima o Tou alofa-maumea, kae piki mau ki te kapa o te gatu o Au mea-alofa. Tuku ifo ki lalo, ki luga ia au, mai i kaumana o Tou kaimalie, a te mea te la ka mafai o tapale mai ia au ate masausau o se isi aka na ko Koe, kae fai aka ke mafai au o fuli atu kia Ia Tela ko te Pogai o te fakaaloalo o tino katoa, ko Ia Tela a tino kosu ne latou a fakalavelave ko fakatokatoka, ko oti ne ofa ne latou a te Feagaiina, kae e se-talitonu ia Koe mo Au failoga.

Sa taofigina mai ia au, O toku Aliki, a manogi gali o Tou gatu i Ou aso, kae sa-kave keatea mai ia au a manavaaga o Tau Fakaasiiga i taimi e sae mai iei a malifalifaaga o te mainaaga o Ou mata. E maalosi a Koe o fai ate mea e fiafia Koe kiei. E seai se mea e mafai o tekegina a Tou finagalo, io me e fakalavelave ki te mea ko oti ne fakatoka ne Koe mai i Tou maalosi.

E seai se Atua na ko Koe, ko te Mafi-Katoatoa, ko te Atamai-Katoatoa.

Vikiiga i Tou igoa, O te Aliki toku Atua! Au e molimau ia Koe se Kope funa e ufi i loto ia Koe mai loa i te vavau kae se Mea Faka-ofoofogina e se mafai o matafi e nofo loto i Tou kanoloto o Tou faiitega. E manakomia o fakaasi a Koe, a ko Koe ne kalaga atu ke mafua mai a te Lalolagi Matalasi mo te Lalolagi Foliki, kae fili ne Koe a Tagata mai i luga i mea faiite katoa, kae fai a ia pe la me ko te failoga o lalolagi e lua kona, O Koe ko te motou Aliki, ko te Tafasili i te Alofa!

Ne avaka ne Koe ke nofo i Tou nofoga mai mua o tino katoa o Tau foafoaaga. Ne faka-mafai ne Koe a Ia ke faka-matala Au mea lilo, kae sulu maina atu mo te mainaaga o Tau musumusuga mo Tau Faaliga, kae folafola atu Ou igoa mo Ou uiga lei. Mai ia Ia ne safe ne Koe a te ulu tala o Tau tusi o te foafoaaga, O Koe ko te Pule o te iunivesi te la ne fakafoliga ne Koe!

Au e molimau me i Tena fuaitino a te mea makeke mo te suavai ko oti ne fusi tasi kae tapani fakatasi. Mai i luga i Tena fatuatua ki Tau Fakatokaaga, mo Tena piki mau ki so se mea te la ko Koe, i te uke o te mainaga o Tou matagofie, ne fakaasi atu ki Ona mata, mai i maalo katoa o Tau Fakaasiiga mo te foafoaaga, a agaaga o Au tavini ko fakagasue i te olotou naunau ki Tou Maalo, a ko latou ko la e nofo i Ou lalolagi ko fakavave ki loto i Tou maalo faka-te-lagi. Mai i te nofo se toka ne fakaasi aka ne Ia i Tou auala, a vae o latou katoa ko la e fakatuanaki kia Koe ne fakamakeke kae fakatalitonu o fakaasi a Tau Talitonuuga i vasia o Au mea ola, kae o fakaasi atu foki a Tou nofoaaiga-a-aliki i Ou maalo katoa.

E pefea a te takutakua, O toku Atua, a Tou tugalima tafasili i te gali tenei, kae e pefea loa a te katoatoa o Tau foafoaaga, te la ne fai ne ia a so se loto malamalama mo te mafaufau ke ofo! Kae i te taimi te la ko fakataunu, a ko te mea te la ko leva ne valogina ko oti ne fakataunu, a Koe ne faipati a Tou laulaufaiva o tavae a Koe, kae fakaasi fakalei Ou feitu lilo mai mua o Tau foafoaaga, O Koe ko Ia a te Pule o igoa katoa, mo te Tufuuga o te lalolagi mo te lagi! Mai ia Ia a mea faiite katoa ne vikia a Koe, kae e fakamanatu a Ou vikiiga, a ko so se agaaga ne fakasino ki mua i te maalo o Tau Fakaasiiga mo Tau nofoaiga-a-aliki.

I te taimi e tasi, Koe ne sisi aka a Ia ki luga, O toku Atua, kae fakapei a Ia ki te lakei o te igoa o Ia Tela ne sautala mo Koe (Mose), kae mai i luga ia Ia ne faka-matala a mea katoa ko oti ne fakasino mai i Tau finagalo mo mea ko la ko oti ne fakaiku mai i Tau pogai e se mafai o mafulifuli. I sua taimi, a Koe ne fakasafe a Ia ki te igoa o Ia Tela ko Tou Agaaga (Iesu), kae uga mai a Ia ki lalo mai i te lagi o Tou finagalo, mo fai a te akokaoga o Au tagata, tena e fagai a latou ki te agaaga o te ola ki loto o latou fakamaoni i vasia o Au tavini mo latou ko la e usiusitai i vasia o Au mea faiite. I sua taimi foki, a Koe ne fakaasi kia Ia, faka-galigali ki te igoa o Ia Tela ko Tou Taugasoa (Muhammad), kae fai a Ia ke sulu maina mai i luga o te sikulagi o Hajaz, pe la me se mea-alofa o Tou maalosi mo se fakatalitonuga o Tou mafi. Mai ia Ia a Koe ne tuku ifo ki Au tavini a te mea te la ne mafai ne latou o kake-aka ki te maluga o Tou tafatasi, kae naunau olotou loto ki mea fakaofoofogina o Tou poto mo te atamai tuafia.

Au e fakatalitonu, O ko Koe Tela ko te Aliki o te foafoaaga katoa, mo te Manakoga o so se tino ko oti ne sala kia Koe, te la, i vasia o Au mea faiite, e fakatusa a Latou ki te laa te la e faitalia me e pefea a te uke o taimi e fanaka io me e to e tumau loa a te i ai mo te pau o te laa. So se tino e faka-kese a vasia o Latou ko se maua ne ia a te tina pogai tonu, kae ke oko ki te koulu fakaoti loa, ko se maua ne ia mea faka-ofoofogina o te faka-tasitasi mo molii o te mana mo te tafatasi. Au e toe molimau, ia Koe ko oti ne fakaiku mai me e seai i te laolagi nei e fakapau mo Latou, kae e seai foki ia Au mea ola e mafai o fakatusa a ia ki se isi o Latou, ko te mea ko Tou Tokotasi totino mo te seai-se-fakapaugina-lele loa e mafai o laveagia kae fakatumau.

Vikiiga, tavaeega e se maua o lau mo Tou igoa, O toku Atua! E mafai pefea o taku a Koe ki se tulaga e ttau io me o vikia a Koe fakalei, me ia Koe ko oti ne fakaasi a Ia mai i te maalosi o Tou mafi, kae fai a Ia ke maina atu i luga i te sikulagi o Tou finagalo, kae fai a Ia me ko te Aso-Foou o Au failoga, mo te Fale Tapuaki Malu o te fakaasiiga o Ou igoa mo Ou uiga gali? E pefea a te faka-ofoofogina, tena la, O toku Atua, a Tena natula mo mea katoa ko la ko oti ne faulu ne Koe kia Ia, mai i luga i tou maalosi mo te maalosi o Tou mafi! I taimi e tasi ne fakasae mai a Ia pe la me ko te vai o te Ola tonu loa, e aumai-gina mai i te lagi o Tou alofa, kae ligi ifo mai i kaumana o Tou alofa-kaimalie, ko Au mea ola katoa ke maua ia latou se ola fou, kae ke ola ki te leva o Tou Maalo. So se motiiga o te vai tena e lava i ei o fakaola a tino ko oti ne mate, kae o fakasaga a olotou mata i te auala o Au alofaaga mo mea-alofa, kae ke motu mai ia latou a te piki ki mea katoa na loa ko Koe. I sua taimi foki ne fakaasi mai a Ia me ko te Afi te la ne fakaka ne Koe a te lakau ola o Tou tafatasi, te la a tena velaaga ne liua i ei a loto o Au fagasele maalosi i taimi a Ia Tela ko te Fetu-Ao o te lalolagi ko sulu maina mai i te sikulagi o ‘Iráq. Au e faka-talitonu, O toku Atua, te la mai ia Ia a veli o manatu valea o tagata ne fakaka, a ko loto o tagata ko fakasaga tonu ki te koga e nofo i ei a Tou matagofie tafasili ite taulekaleka.

Au e akai fakamaoni kia Koe, O a Koe ko te Fakaekeega Tafasili i te Maluga, ke se liakina au mai i matagi iliili malie ko la e agiagi mai i taimi o Ou aso, aso ko la a te manogi suiti o te gatu o Tou alofa-kaimalie ko oti ne tufa tufa ki tua atu. Io me taofi au ne Koe mai i Tou Vasa tafasili i te lasi, te la a so se motiiga e tasi mai i ei e faipati mai penei: “E tafasili i te lasi a te famanuiaaga te la e faitali kia ia ko oti ne ala mai i tena moe ona ko te manavaaga o te Atua te la, mai i luga i Tena alofa-kaimalie, ko oti ne agina atu mai i luga o Ana mea ola katoa kae ko oti ne fakaagai kia Ia!”

E lavea ne Koe, O toku Aliki, me e pefea Au tavini e taofi faka-pagota ne latou loa ia latou mo olotou manakoga. Faka-magalo mai latou mai i olotou mafatiaaga, O toku Atua, mai i te maalosi o Tou nofoaiga-a-aliki mo te mafi, ko te mea ke mafai ne latou o saga atu kia Koe i taimi te la a Ia ko te Fakaasiiga o Ou igoa mo uiga lei ka fakaasi atu ki tagata.

Kilo alofa mai kia ia tenei e mativa kae nofo mao , O toku Aliki, a te kilo o Tou maukoloa, kae fakaalofa a tena loto mo sulu o Tou poto, ko te mea ke mafai ne ia o puke a muna fakavae o te lalolagi e se lavea, kae maua ne ia a mea lilo o Tou maalo faka-te-lagi, kae atafia a fakailoga mo mea-alofa o Tou maalo, kae puke ki fakaasiiga e tua fia o te lalolagi tenei kae tuku atu i mua o Ia Tela ko te Fakaasi o Tina Koe loa. Taki atu, tena la, ona mata, O toku Atua, ki luga i te sikulagi o Tou alofa-kaimalie, kae mautakitaki a tena loto i te piki kia Koe, kae faipati atu tena laulaufaiva o vikia a Koe, kae faka-mafai ke maua ne ia o taofi ke mau o te kafanoa o Tou alofa, kae ke piki ki te kapa gatu o Tou maukoloa, kae ke fakasalalau atu a Tou igoa i vasia o au mea faiite, kae ke toe lau atu Ou uiga gali ke salalau i koga katoa, i se auala te la e seai se mea e faka-lavelavegia ko se mafai i ei ne ia o fuli atu ki Tou igoa, ko te Maukoloa Katoatoa, kae e seai se veli e puni ne ia a ia mai ia Koe, Tela la i Ou lima e taofi i ei a te maalo o te faipati mo te maalo o igoa mo uiga lei katoa!

Taofi ne Koe a te lima o ia tena e salasala te la ko oti ne fakatonu ona mata kia Koe, O toku Aliki, kae futi mai i te pokooga o ona mafaufauga seai ne aogaa, ko te molii o te mautinoa tonu ke sulu maina i luga atu o te sikulagi o tena loto i aso ko la a te laa o te poto o Au mea faiite ko oti ne faka-pouligina ona ko te sulu maina o te Fetu-Ao o Tou matagofie; a aso te la a te masina o te atamai o te lalolagi ko segi mai i luga i te sae-maiga o Tou poto funa, mo te fakaasiiga o Tau mea funa tela e leoleogina fakalei loa, mo te fakasae maiiga o Tau mea funa, a aso ko la a fetu o mea e fai a tagata ko to ki lalo ona ko te fanaka ki luga o te tamilosaga o Tou tafatasi mo te fakalauefa atu o Tou fakatasitasi tafasili i te gali.

Au e akai kia Koe, O toku Atua, mai i Tau Muna tafasili ite maluga te la ko oti ne fakeke ne Koe me ko te Foo Masaki Faka-te-lagi ki luga i tagata katoa i loto i tou maalo, te Foo Masaki te la a tena maalosi ne fuli i ei a te fiti o te olaga o tagata ki te tina aulo piua. O ko Koe i Ou lima e i ai a maalo e lavea mo te se lavea, ke fakatonu ko taku filifiliiga ke olo tonu mo Tau filifiliga a ko toku manakoga ko Tou manakoga, a ko au ke lotomalie katoatoa mo te mea te la e manako Koe ki ei, kae ke fiafia katoatoa au mo te mea ko oti ne fakatonu ne Koe mo au mai i Tou maukoloa mo alofaga. E tonu a Koe e fai a te mea e loto Koe ki ei. Koe, i te tonuuga, ko te Matagofie-Katoatoa, ko te Atamai-Katoatoa.

E fiafia a te tagata ko oti ne lavea, kae maua ne ia a te suamalie o Tou manogi kae fakasaga a ia ki Tou maalo, kae tami foki a ia i mea ko la ko oti ne fakapatonu i Tou gali mo te alofa. E lasi lasi a te faka-manuiaaga mo ia ko oti ne talia ne ia a Tou afioga tafasili i te maluga, ko la a veli ne pono i ei a maalo mai ia Koe ne seki mafai o ponotia a ia mai i te kilo o ona mata kia Koe, O ko Koe Tela ko te Tupu o te vavau mo te Fakaola o so se ivi vaaivai! Fakamanuia, foki, a ia tela ne manava ne ia Ou manaogi gali, kae ko aveia ne Tau faipatiga i Ou aso. Fakamanuia, foki, a te tagata te la ko oti ne fuli atu kia Koe, kae faka-fanoanoa kia ia tela ne fuli tua kia Koe.

E vikia a Koe, ko te Aliki o lalolagi!

O ko Koe Tela e atafai fakalei kia latou katoa ko la i te lagi mo te lalolagi, kae pulepule i luga i te maalo o Tau foafoaaga mo Tau Fakaasiiga! Au e molimau i tino taki toko tasi katoa o te fai mea tonu ko oti ne lavea a tena fai mea se-tonu i mata o te fakaasiiga o te gali o te Fetu-ao o Tau Faimeatonu, ka ko toe pene tafasili i te lei o tusitusi ko oti ne fola fola atu ki te aunoa mo se maalosi mai i mua o te gasuesue o Tau Pene tafasili i te maluga.

Auala mai i Tou ola, O ko Koe ko te Pule o igoa katoa! A mafaufau o toe tino mafaufau loto loa ko mino i te mafaufau fakatalitali ki te vasa o Tou poto, mo te lagi o Tou atamai, mo te Mainaaga o Tou alofa-atafai. E mafai pefea a ia te la ko te foafoaaga o Tou fingalo o fai sena tagi ia ia e iloa ne ia a mea ko la ia Koe, io me o iloa a Tou uiga?

Tavaeega, e kiu a tavaeega kia Koe! Au e tauto ki Tou matagofie! A toku laulaufaiva i loto mo toku laulaufaiva i tua, e mataala kae funa, e molimau ia Koe ko oti ne faka-maluga mai i luga i te oko atu mo te maina o Au mea ola faiite, mai i luga i faipatiiga o Au tavini, mai i luga i fakamaoniiga o Au fagasele mo Au tino filifiliia, mo te masalolsalo o Au Pelofeta mo Au Faifekau.

Au e akai totuli kia Koe, O toku Aliki, mai i Tou Igoa te la ko oti ne fai ne Koe me ko te Aso-malulu o Tau Fakaasiiga mo Malumalu o Tau fakamaalosi, ke fakaeke mai kia Ia Tokotasi tenei ko oti ne faka se-gina pe la foki mo latou e fagasele kia Koe a mea ko la ne fai iei a Tou tafasili i te maluga, a Koe, i te tonuuga, ko te Maukoloa Alofa-Katoatoa, ko te Maalosi-Katoatoa, ko te Iloa-Katoatoa, ko te Atamai-Katoatoa.

Tavaeega e ia Koe, Te Aliki toku Atua! Au e fakamolemole kia Koe, mai i Tou Igoa te la e seki ai aka loa se tino kai tau o laveagia, kae ko tena taaua e seki ai se agaaga ola kai maua ne ia o fua, Au e akai totuli kia Koe, mai i luga a Ia Te la Ko te Ulu o te Vai o Tau Fakaasiiga mo te Aso malu o Au fakailoga, ke fai a toku loto mo fai a te koga nofo o Tou alofa mo te masausau o Koe. Sui aka, i ei, ki Tou Vasa tafasili i te takutakua, te la mai i ei ka tafe mai a te vai ola o Tou atamai mo vaitafe foliki manino o te fakamalugaga o Koe mo te tavaeega.

A lima o toku fuaitino e molimau ki Tou faka-tasitasi, a ko te laulu o Toku ulu e folafola atu a te maalosi o Tou nofoaiga-a-tupu mo te mafi. Ko oti au ne tu i te mataloa o Tou alofa-kaimalie mo te fakaotioti o te loto maulalo mo te takavale katoatoa, kae piki atu ki te kapa o te gatu o Tou alofa maukoloa, kae fakamau oku mata i luga i te sikulagi o Au mea-alofa.

Fakasino aka ne Koe mo au, O toku Atua, a mea ko la ne takutakua i ei a Tou afioga, kae feasoasoani mai kia au, mai i Tou alofa maalosi, ko te mea ke talai a Tau Fakatokaaga ko mate ke lele mai ki tua i olotou koga tausi, kae tele atu ki mua ia Koe, mo te mautinoa tonu ia Koe, kae fakatoka a te olotou kilo ki luga i te tulaga o Tau Fakatokaaga, mo te fale maalumalu o Tau Fakaasiiga.

A Koe, e tonu, ko te Tafasili i te Maalosi, ko te Tafasili i te Maluga, ko te Iloa-Katoatoa, ko te Atamai-Katoatoa.

A Tou fakatasitasi-fealofani e se mafai o faka-matalagina, O toku Atua, kia latou katoa na loa ko latou ko la ko lavea a Ia Tela ko te Faifekau o Tou tafatasi mo te Aso-Kamata o Tou tafatasi. So se tino te la e tofi ne ia se fili kia Ia, ko oti ne tofi ne ia se fili kia Koe, kae ko ia te la ko oti ne fakamau se taugasoa mo Ia ko oti ne fakatumau se taugasoa mo Koe. E seai, e seai, e seai e mafai o teke atu a Koe i te foafoaaga katoatoa. A Koe ko oti ne faka-malugagina mai i te kamataga loa mai luga atu i so se mea e faka-paugina pe la foki mo te kiloga. A tou tafatasi ko oti ne fakaasi atu ne te tafatasi o Ia Tela ko te Fale Tapuaki Malu o Tau Fakaasiiga. So se tino te la e se-talitonu ki te mea tenei, ko oti ne fakapelo ne ia a Tou tafatasi, kae fakaloi a Koe ki Tou nofoaiga-a-aliki, kae lotomalie mo Koe i Tou lalolagi, kae se-fakalogo ki Au tulafono.

Fesoasoani a Koe ki Au tavini, O toku Aliki, ke lavea a Tou tafatasi kae o fakalogo atu a Tou fakatasitasi, ko te mea ke mafai o fakatasi mai katoa i tafa i te mea te la e manako Koe ki ei i te Aso tenei te la a te laa o Tou uiga tonu ko maina atu mai i luga o te sikulagi o Tou finagalo, mo te masina of Tou tina tino ko oti ne fanaka mai i te Aso-Kamata o Tau fakatonuuga. A Koe ko Ia, O toku Aliki, te la a Tena poto e seai se mea e sao mai i ei, kae ko ia te la e seai se tino e ana mafai-gina o taofi. A Koe e fai a Tou fiafiaaga, mai i Tou nofoaiga-a-tupu te la e pulougina katoa a lalolagi katoa.

E iloa kii ne Koe, O toku Atua, a toku Fagasele Sili, me e seai se mea e mafai o fakagata ne ia a toku fia inu ona ko toku pokotia i te mavae mai ia Koe na loa ko te vai o Tou nofo-mai, a ko te sapolepole o toku loto e se mafai o fakagata vagana ko te vai ola o toku fetaui mo Koe. Tuku ifo, ki au, O toku Aliki, mai i te lagi o Tou alofa ke fakapilipili au ke pili atu ki te ipu o Au mea-alofa, kae fai aka au ke inu i te Uaina filifilia ko oti ne pono, Tena ponoga ko oti ne faka-matalatala i Tou igoa, kae mai i ei a te manogi gali o Ou aso ko oti ne fola fola atu ki tua atu. A koe, i te tonuuga, ko te Maukoloa-Katoatoa, te la ko Tena kaimalie e seai se gataaga.

A te iunivesi katoa e molimau ki Tou alofa-kaimalie. Ke iai se alofa, tena la, ki luga ia au mai i Ou alofaaga, kae kilo alofa mai kia au mai i te maalosi o Tou nofoaiga-a-tupu, kae fai aka au ke fiaifia au o fakapilipili atu kia Koe mai i Ou alofaaga tuafia. A Koe e tonu, ko te Tafasili i te Foai, ko te Mafi-Katoatoa, ko te Fakamagalo-Katoatoa, ko te Tafasili i te Maukoloa.

E maluga a Tou Igoa, O toku Atua mo te Atua o mea katoa, toku Matagofie mo te Matagofie o mea katoa, toku Manakoga mo te Manakoga o mea katoa, toku Maalosi mo te Maalosi o mea katoa, toku Tupu mo te Tupu o mea katoa, toku Aofiaaga mo te Aofiaaga o mea katoa, toku Fakagasuega mo te Fakagasuega o mea katoa! Sa faka-pokotiagina au, Au e akai fakamolemole kia Koe, ke se taofi mai au mai i te vasa o Ou alofa atafai, io me e faka-mao mai au i matafaga o te pili atu kia Koe.

E seai aka na ko Koe, O toku Aliki, e maua i ei soku lei, ako toku pili ki so se tino na ko Koe e seai saku mea e maua. Au e fakamolemole kia Koe ona ko te uke o Ou koloa ko la e fakaogaa ne Koe mo tino katoa na ko Koe, ke lau atu au fakatasi mo latou ko la ne mua-mata tasi kia Koe, kae e tu o tavini atu kia Koe.

Fakamagalo aka, O toku Aliki, Au tavini mo Au tavini fafine. A Koe, e tonu, ko te Fakamagalo-Katoatoa, ko te Tafasili i te Alofa.

O ko te Atua, Tela ko Ia a te Tino Tusi o Faifekau katoa, ko te Kamataga o Kamataga katoa, ko te Ulu-vai o Fakaasiiga katoa, ko te Vaikeli o Mainaaga katoa! Au e molimau me i Tou Igoa ne fakaaloalo ne te lagi o te malamalama, mo te vasa o te faipatiiga ko oti ne gasuke, a ko te vaasi-o-taimi o Tou atamai ko oti ne talai atu ki tino ko la e tautali i talitonuuga katoa.

Au e akai totuli kia Koe ke faka-maumea mai au ko te mea ke fakaseai ne au a tino katoa na ko Koe, kae ke fai au ke tutokotasi mai i so se tino na ko Koe. Vaiua ifo, tena, ki lalo ia au mai i kaumana o Tou mau-koloa a mea ko la ka lei au i lalolagi taki tasi o Ou lalolagi. Feasoasoani mai kia au, tena, mai i Tou alofa tupuola, ko te mea ke tavini au ki Tau Faka-tokaaga i loto i Au tavini ko te mea ke fakaasi atu ne au a mea ko la ka fai ne ia au ke masaua faeloa me e pefea a te leva o taimi e gata i ei a Tou maalo mo Tau pule.

Mea nei ko Tau tavini, O toku Aliki, te la mo tena fuiatino katoa ko oti ne fuli atu ki te sikulagi o Tou maukoloa, mo te vasa o Tou alofa-kaimalie, mo te lagi o Au mea-alofa. Tuku mai kia au a te mea te la e tau mo Tou afioga, mo Tou matagofie, mo Tou maukoloa lauefa, pe la foki mo Tou uiga gali.

Ko Koe, i te tonuuga, ko te Atua o te tupuola mo te maalosi, Te la e tau o tali a latou ko la e talo atu kia Koe. E seai aka foki se Atua na ko Koe, ko te Iloa-Katoatoa, ko te Atamai-Katoatoa.

E maluga a Tou igoa, O ko Koe Tela ko toku Atua kae e poipoi i loto i toku fatu! E iloa fakalei loa ne Koe kae e molimau me i so se mea te la e fakama kia latou ko la e fagasele kia Koe e tau foki o fakama kia Ia Tela ko te Faifekau o Koe mo te Aso-Kamata o Tau Fakaasiiga. Ikaai, a Ia e lauefa atu a te fakamaa ne oko ki ei i taimi ne taki a latou ke fola fola atu a mea lei ko la ko galo mai ia latou i taimi o Ou aso.

A latou konei ko Au tavini, O toku Aliki, ona ko te olotou alofa mo Koe ko oti ne liakina a olotou fale moe, kae kolomaki ne latou a fakalaveave ne fakatonu mai ne Koe i Tou auala. Au e tauto i Tou matagofie! I so se taimi a se isi o latou e molimau i Ou mua ki ana amio se-lei, a te fakamaa e ufi i oku mata, aua ia latou ko Au tavini ko la ko oti ne tami i te ipu o te faka-fanoanoa i Tau Fakatokaaga, ko la ko oti ne inu mai i te failoga o te fili i taimi a te mainaga o Ou mata ne avaka ki luga ia latou, a ko latou ne se-fiafia mai i tofotofooga ona ko te filemu ne seki maua ne latou i loto i kogaa-mea o Tou fale.

A te maalosi o Tou mafi e fai mo aku molimau! A toku fatu ko liua ona ko toku alofa mo latou ko la e fagasele kia Koe, a ko toku agaaga ola ko silia a tena amoga e pokoti i ei a latou i te fakaasiiga o Tau Fakatokaaga mo te sae mai o te vasa sooko o Tou alofa-atafai mo mea-alofa. A manavaaga e pusi mai ne latou, O toku Aliki, ko fai ne latou a toku manavaaga ke olo atu ki luga kia Koe, ka ko te kaaga o olotou loto ko pokotia foki ki toku loto i loto ia au.

Au e akai totuli kia Koe, O ko Koe te la ko te Aliki o mea katoa mo te Fakamaina o mea katoa lavea mo te se-lavea, ke talia ko tino taki tokotasi ia latou ke mafai o fai pela mene failoga o Tau takitakiiga i vasia o Au tavini, kae pe la me se fakaasiiga o te gali o te Fetuao o Tou alofa-kaimalie i vasia o Au mea ola faiite, ko oti, O toku Atua, ne fii a latou ke alofa kia Koe, kae ke tu i mua o te kalauna-a-tupu o Tou afioga. E seai aka foki se tulaga e maluga atu i te tulaga ko oti ne kalagina a latou. E fia a po, O toku Atua, ne seki mafai ne taku moe o oko atu kia latou ona ko te masausau kia Koe, kae e fakafia foki a aso ne fakamaumau ne latou i te fanoanoa i luga i mea ko oti ne oko atu kia Koe ona ko lima o Ou fili! Au e akai kia Koe, O ko Koe Tela ko te Pule o pule, mo Ia e Apai aka a latou ko tanumia i lalo, o fesoasoani kia latou ke mafai ne latou o feasoasoani ki Tau Fakatokaaga kae fakamaluga a Tau muna te la mai ia latou a Ou tavaeega e mafai o tufatufa atu ki tua i vasia o Au mea ola faiite, ka ko Ou uiga llei e toe llau i Ou lalolagi katoa. A Koe, e tonu, ko te Mafi-Katoatoa, ko te Tafasili i te Maluga, ko te Fakamagalo-Katoatoa, ko te Tafasili ite Kaimalie.

Tavaeega e io Koe, O te Aliki toku Atua! Mea nei ko Tau tavini te la i Tou maalo o Au igoa ne kalaga ne Koe ki Tou igoa, kae te la ne puti aka ne Koe mai lalo i kapakau o Tou alofa atafai mo fakamanauiiaga. E lavea ne Koe a ia, tena la, e fakavave i te auala o Au mea-alofa, kae fakavave atu ki mua ia Koe o salasala ki Tou maukoloa-alofa. Fakapei aka a ia, O toku Atua, ki te laugatu o Tau mea-alofa mo te gatu o Tou kaimalie mo te alofa, ko mea faiite katoa ke mafai o atafia ne latou mai ia ia a te manogi suamalie o te gatu o Tou alofa. Pulou aka, tena la, a te ulu ki te kalauna o Tou masausauaga, i se auala atamai te la a tena takutakua ke mafai o iloa i tua atu i vasia o Au tavini pe la me se tasi e alofa kia Koe kae piki mautakitaki ki Tau Fakatokaaga. Feasoasoani kia ia, tena la, i taimi katoa i lalo o so se fakanofonofoga o feasoasoani kia Koe kae ke masaua a Koe, kae ke faka-maluga Ou uiga lei i vasia o Au mea ola.

Au e tauto i Tou matagofie! O toku Atua! i taimi katoa e fakamisi au ki luga i Tou matagofie mo Tou nofoaiga-a-aliki e lagona ne au ia au ko oko loa a te agasala i vasia o latou ko oti ne soli tuakoi kia Koe i Tou lalolagi, kae i so se taimi e fakatalitali ki te tumu o koga maluga te la e seai aka foki e mafai o nofo i ei vagana ko Koe, e maua ne au ia au ko toe tino agasala mai ia latou katoa o mea ola ko la e nofo i Tou laufenua. Moi fai seai ko Tou igoa, a Ia Tela e Funa, kae ona ko Tou igoa, ko te Fakamagalo-Katoatoa, mo manogi suamalie o Tou igoa, ko te Tafasili i te Alofa-Fakamagalo, Au tino filifilia katoa ko oti ne laveagina i tafa o tino faigata mo tino masei.

E avatu a fakafetai kia Koe ona ko Tou alofa-fakamagalo ko pokotia kii ia latou ka ko Tou alofa atafai mo te alofa maukoloa ko ufi ia latou mai i feitu katoa.

Kae nei, ko oti ne fakaasi atu a mea, ne fai ne Koe ke sofi ifo ki lalo mai i taku Pene, au e akai fakamolemole kia Koe, mai i Tou igoa, te la ne avaka ne Koe ki luga atu i igoa katoa, kae ne fai ne Koe ke malusia a mea katoa i te lagi mo mea katoa i luga i te lalolagi, ke se liakina keatea mai ia ia te la ko oti ne fuli atu kia Koe, kae ke se liakina a ia mai i mea faka-ofoofogina o Tou alofa atafai mo mea lilo ko la e faka-maoni i ei a Tou alofa-fakamagalo. Fai aka a lima o Tau pule ke ka i loto i tena loto pe la me se lamepa e mafai i ei a ia o sulu maina i Ou aso, kae ke tagi lotu lotu atu i Tou igoa ko te mea ke seai se mataku e fakaatea a ia mai i te lele atu ki te ea o Tou alofa, mo te fanatu ki luga i te sikulagi o te fiafia mo te finafinau kia Koe, pe la foki mo taumafaiiga o Au mea ola faiite ke se-mafai o taofi a ia mai i te faka-lauefa atu o Tau muna, ko te mea ke mafai ne Koe o taofi a ia ke faka-mana pe la mo te mea e manakogina ne Koe kae e tau foki ki Tou afioga mo te matagofie.

Me e pefea a te maluga o te tulaga tenei, O toku Atua, kae e pefea a te tafasili i te lei a te tulaga tenei – auaa me koi foki vagana ko Koe e isi se maalosi o fakaasi atu a te mea e tau ki te faka-malugaaga o Koe kae e tau foki ki Tou tafasili i te takutakua. Kae e uiloa a Koe ko Ia Tela ko te Maukoloa Alofa Katoatoa, ko te Tafasili i te Alofa-Atafai. A atomu katoa o te lalolagi e molimau ia Koe ko te Fakamagalo-Katoatoa, ko te Atafai-Katoatoa, ko te Tafasili i te Foai Alofa, ko te Matagofie-Katoatoa, ko te Atamai-Katoatoa. Kilo aka, tena la, O toku Atua, mo mata o Tou alofa-kaimalie, kae avatu ki luga ia ia a te kilo o Tou alofa-kaimalie. Faka-fiafia a ia, tena la, ki siku leo gali o Ia Tela ko te Ulu-vai o Tau Fakaasiiga, i se auala atamai ko te mea ke mafai ne ia o liakina katoatoa a tena finagalo ki Tou fiafiaaga, kae fakamau ona fakamoemoega ki luga i mea ko oti ne fakasino mai ne Koe i Au Tapeleti. Faka-maalosi, tena la, a tena loto mai i Tou igoa, ko te Mafi-Katoatoa, ko te Fakamaoni, ko te mea ke mafai ne ia o futi mai a te lima o te maalosi, kae mai i ei e fesoasoani ki Tau Fakatokaaga i taimi a te molii o Tou gali e fakaasi atu ka ko te Fetu-Ao o Tou afioga ko sae aka ki luga.

Ona ko Koe ne kalaga kia ia ki Tou igoa, O toku Aliki, fakamatea mai a ia mai i Au tavini mo Tau galuega. E iloa lei ne Koe, O toku Aliki, me i te fakaasiiga au ne taumafai o fakaasi fua a Tau Fakatokaaga, kae e seki fuli ne au a se tino tokotasi vagana mo Tau Fakaasiiga mo te pogai o te fola fola atu o Tou alofa-kaimalie. Au e akai totuli kia Koe, mai i Tou Igoa taua Tela, i te taimi loa tenei, e faipati, ke tuku ifo ki lalo ki luga ia ia kae ki luga foki ia latou ko la e alofa kia Koe te la foki e fakataua i te lagi o Au mea-alofa mo te mau-koloa, ko te mea ke fonu a latou i te malosi o te naunau kia Koe, kae fakamaluga i Tau Feagaiiga, O ko Koe Tela ko Aliki o Aliki! Fakasino aka, tena la, mo ia pe la foki mo latou ko la ko fai mo Tou igoa, ko te Mau-Koloa- Katoatoa.

A Koe, e tonu, kote Mafi-Katoatoa, ko te Tafasili i te maluga, ko te Tafasli i te Maalosi, ko te Matagofie-Katoatoa, ko te Tafasili ite Lasi.

Toku Atua, Toku Afi mo toku Mainaaga! Ko aso konei ko oti ne fakaigoa ne Koe ki te Ayyám-i-Há¹ i Tau Tusi ko oti ne kamata, O ko Koe Tela ko te Tupu o igoa, mo te Anapogi ko oti ne fakatonu mai ne Tau Pene tafasili i te maluga kia latou katoa i te maalo o Tau foafoaaga ke tautali ki ei ko pilipili mai. Au e akai kia Koe, O toku Aliki, i aso konei mo mea katoa i te vaaitaimi tena ko piki mau ki te kafanoa o Au faka-tonuuga, kae puke mau ki te lima o Au takitakiiga, ke talia mai ki agaaga ola taki toko tasi katoa ke fakasino se koga mo latou i loto i tuakoi o Tou fale, mo se nofoga i te fakaasiiga o te matagofie o te mainaaga o Ou mata.

Mea nei, O toku Aliki, ko Au tavini ko la e seki ai ne mafaufauga masei ne mafai o taofi mai a latou mai i mea ko oti ne tuku ifo ne Koe i Tau Tusi. Ko oti ne ifo latou i mua o Tau Talitonuuga, kae maua ne latou a Tau Tusi mo te mautinoa tonu me ne aumai ia Koe, kae tautali ki mea ko oti ne fakatonu mai ne Koe kia latou, kae filifili foki loa latou o tautali ki mea ko la ko oti ne aumai ne koe kia latou.

E lavea ne Koe, O toku Aliki, me ne lavea ne latou a Koe pefea kae fakaasi tonu a so se mea te la ko oti ne fola fola mai i Au Mataupu Silisili. Avatu kia latou ke inu, O toku Aliki, mai i lima o Tou alofa a te vai o Tou favavau. Tusi ifo ki lalo, tena, mo latou a te taui ko oti ne fakaeke mo ia te la ko galo ifo a ia i te vasa o Tou nofo-mai, kae maua ne ia a te uaina filifilia i Tau feiloaiiga.

Au e akai totuli kia Koe, O koe ko te Tupu o tupu mo te Atafai o latou ko maua ne faka-lavelave, ke fakaeke kia latou a te lei o te lalolagi tenei mo te lalolagi ma vau. Tusi ifo mo latou, tena, te la e seai aka foki i Au mea ola faiite ko oti ne maua ne latou, kae lau a latou mo niisi o latou ko la e tamilomilo ia Koe, kae gasuesue i Tou noofoga-a-tupu i lalolagi katoa o Ou lalolagi.

A Koe, e tonu, ko te Mafi-Katoatoa, ko te Poto-Katoatoa, ko te Iloa-Katoatoa.

[The Intercalary Days, February 26 to March 1, inclusive, should be days of preparation for the Fast, days of hospitality, charity and the giving of presents.]

E tavaegina a Koe, O toku Atua. Ona ko oti ne fakatonu mai ne Koe ko te Naw-Ruz ke pe la me se kaiiga faka-manatu kia latou ko la ne faka-manatu ne latou a te Anapogi ona ko te alofa mo Koe kae fakaseai mai ia latou a mea katoa ko la e see lei kia Koe. Tuku ifo, O te Aliki, ko te afi o Tou alofa mo te vela ne mafua mai i te Anapogi ka sokotasi ne Koe ke velasia latou i Tau Fakatokaaga, kae fai latou ke saga fua ki Ou tavaeega mo te masausauaaga o Koe.

Ona ko oti ne fakapei latou ne Koe, O toku Aliki, ki lakeei o te Anapogi ne fakatonu mai ne Koe. Fakapei atu foki a latou mo lakei o Tau taliaaga, ona ko Tou alofa-kaimalie mo alofaaga se lausia. Aua i mea-fai a tagata e fakana katoa ki luga i Tou lei-fiafia, kae pogai mai katoa i Tau ikuuga. Ka manatu e Koe ia ia te la ne ofa ne ia a te anapogi e pau loa mo ia ne tautali i ei, a tagata tena e pau loa i vasia o latou ko la mai i te vavau ne tausi ne latou a te Anapogi. Kae kafai e iku ia Koe ia ia te la ne tausi ne ia a te Anapogi ko oti ne ofa ne ia, a ia tena e lau ia latou ko la ne pogai ki ei a te Gatu o Tau Fakaasiiga ke lailai i te pefu, kae ko oti ne kave keatea mai i vai manino o te Punaa-Vai o te ola tenei.

Koe ko Ia te la mai i ei a te fuka “E aogaa Koe i Au galuega: ko oti ne sau aka ki luga, a ko te fuafuaaga “Faka-logogina Koe i Tau faka-tonuuga” ko oti ne fola mai. Fakailoa atu a Tou tulaga, O toku Atua, ki Au tavini, ko te mea ke iloa ne latou a te tafasili i te lei o mea katoa e fakana ki luga i Tau ikuuga mo Tau muna, a ko te uiga lei o so se galuega e pogai mai i Tau taliaaga mo te lei fiafia o Tou finagalo, kae e mafai o lavea a gasuesueega a tagata e aofia katoa i te lima o Tau taliaaga mo Tau fakatonuuga. Fakailoa atu kia latou, me e seai se mea e mafai o motu latou mai i Tou Gali, i aso konei ko la ne faipatigina ne Keriso: A maalo katoa i o Koe, O Koe ko te Tamana o te Agaaga (Iesu)”; mo Tou Taugasoa (Muhammad) e tagi atu ki luga “Te Mana kia Koe, O Koe ko te Tafasili i te Fagasele, me ia Koe ko oti ne taala a Tou Gali, kae tusi mo Au fagasele filifilia a te mea te la ka fai i ei latou ke oko atu ki te nofoga o te fakaasiiga o Tou Igoa Tafasili i te Lasi, mai i ei ne maua ne tino katoa a te fanoanoa vagana ko latou ko oti ne motu mai ia latou na loa ko Koe, kae fuli atu latou kia Koe Tela Ko te Folafola o Koe mo te Faifekau o Ou uiga lei.”

A Ia Tela ko Tau Kaula mo latou e fakatasi mo Koe, O te Aliki, ko oti ne fakagata i te aso nei te olotou anapogi, mai taimi ne tautali latou ki ei i loto ite laumanafa o Tou fale, mo te olotou loto-nnauau o fakafiafia a Koe. Fakaeke ne Koe mo Ia, mo latou foki, pe la foki a latou katoa ko la ne ulufale atu i Tou nofo-mai i aso katoa a mea lei katoa ko oti ne fakasino ne Koe i Tau Tusi. Avatu kia latou, na la, a mea ko la ka silia i te lei o latou i ei, i te olaaga nei mo te olaaga mai i tua atu.

Koe, i te tonuuga, ko te Iloa-Katoatoa, te Atamai-Katoatoa.

[Prayer for Naw-Rúz: March 21, is the firt Day of the Bahá' Year]

O Koe ko te Aliki o te lavea mo te se-lavea, mo te Fakamaina o te foafoaaga katoatoa! Au e akai totuli kia Koe, mai i Tou nofoaiga-a-Tupu te la ne lilo mai i mata o tagata, ke fakaasi ki kogaa-koga katoa a failoga o Au fakamanuiaaga mo alofaaga o Tou alofa-kaimalie, ko au ke tu ki luga mo te manumaalo mo te fiafia kae fakamaluga atu a Ou uiga lei gali, O ko Koe ko te Tatafasili i te Alofa-Fakamagalo, kae faka-gasue aka a mea faiite katoa ne Tou igoa, kae tena ko faka-ka i ei a te afi o Tou faka-aloaloga i vasia o Au mea ola faiite, ko te lalolagi katoa ke mafai o fakafonu ki te mainaaga o te molii o Tou matagofie, kae ko mea katoa i te olaaga ke ula i te afi o Tau Fakatokaaga.

Sa-pelu gina ki luga, O toku Aliki, a te mea te la ko oti ne fola i Tou igoa, kae tamate atu a te lamepa te la ko te afi a Koe ne faka-ka ne ia. Sa taofigia, O toku Aliki, a te vai te la ko te ola tonu loa mai i te sali-ifo ki lalo, ko te vai te la mai i tena musumusuuga a sikuleo gali ko la e tavae kae fakamaluga a Koe ke mafai o lagona-gina. Sa fakaatea, Au tavini mai i manogi gali o te manavaaga te la ko agiagi mai i Tou alofa.

E lavea mai ne Koe, O ko Koe Tela ko te Fagasele mo te Matagofie-Katoatoa, a galu e se-nofo-toka kola o te tai-fanaka i loto i te vasa o toku loto, i toku alofa mo te nau kia Koe. Au e akai totuli ki Koe, i failoga o Tou afioga mo faka-talitonuuga o Tou nofoaiga-a-tupu, ke tataofi aka ki lalo mai i Tou Igoa Tela ne fai ne Koe ke Tupu i igoa katoa i te maalo o Tau foafoaaga. E maalosi Koe o pule i te mea e fiafia Koe ki ei. E seai aka foki se Atua, ko te Matagofie-Katoatoa, ko te Maukoloa-Katoatoa.

Ke fakaeke mai ne Koe, tena la, i tino taki tokotasi katoa ko la ne fuli atu kia Koe a mea ko la ka mafai ne ia ke maalosi i Tau Fakatokaaga, i se auala atamai te la a mafaufauga faka-supasupa o tino masei i vasia o Au mea ola faiite, io me ko sautalaga seai ne aoga a latou i vasia o Au tavini e mafai o isi se maalosi o pono-gia a ia mai ia Koe. A Koe, e tonu, ko te Feasoasoani-i-Mea-Faigata, ko te Mafi-Katoatoa, ko te Tafasili i te Maalosi.

Kia Koe ko tavaeega, O te Aliki toku Atua! Au e akai totuli kia Koe i Tou Igoa Tafasili i te Takutakua Tela ko oti ne pei ki loto i te falepuipui – i te fakai o Akká, kae e Tela – pe la mo te mea e lavea ne Koe, O toku Atua – ko oti ne to ki lima o Ou fili, kae e faka-mataku mai i pelu-tau a tino masei, ke fakamaalosi mai au i Tena Fakatokaaga, kae ke fakatonu mai oku mata ke kilo faeloa ki Tou fale, i se auala te la e seai aka foki e mafai ne ia o fuli au ki tua mai ia Ia.

Au e molimau, O toku Aliki, ia Ia ko oti ne tuku a Tena ola i Tou auala, kae ne manako mo Ia e seai aka na ko fakalavelave i te alofa e amo ne Ia mo Koe. Ko oti ne kufaki i auala katoa o te fa-kaitaua te la e mafai ne Koe o fakaasi i Tou nofoaiga-a-tupu ki Au tavini, kae fakamaluga a Tau muna i loto i Au mea-ola faiite. E fanaka a te masei o te fili, mo fakalavelave ne tuku ifo ki lalo ne Koe e ufi ia Ia mai i feitu katoa, ne lagona ne Ia a te pokotia o Ia mai i te manatu kia Koe, ko la ko lukuuga o latou katoa ko la e se-talitonu ia Koe kae faka-see a Au failoga ko gata a te faka-matakutaku o Ia.

Au e akai totuli kia Koe, O toku Aliki, ia Ia mo so se mea te la e soko kia Ia, ke faka-agai atu oku lagona kia Ia pena foki loa mo Ia ko oti ne fakasaga Ona lagona ki luga ia Koe. Au e molimau i Tena alofa ko Tou alofa, ka ko Tena Fuaitino ko Tou Fuaitino, a ko Tena gali ko Tou gali, a ko Tena Fakatokaaga ko Tena Fakatokaaga.

Sa tuku liakina au, O toku Aliki, mo te mea te la ia Koe, kae sa faka-pokotiagina au ke pulipuli ia au a te manakoga o Koe i Ou aso. A Koe e tonu ko te Mafi-katoatoa, ko Tafasili i te Maluga, ko te Silisiliese-Katoatoa, ko te Atamai-Katoatoa.

E tavaegina Tou igoa, O te Aliki toku Atua! Au e akai totuli kia Koe i Tou Igoa te la mai i ei ne kini a te Itula, kae vau o fano a te Toetu, a ko te mataku mo te polepole ne i luga ia latou katoa i te lagi mo latou katoa i te lalolagi, ke vaiua ifo ki lalo, mai i te lagi o Tou alofa-kaimalie mo kaumana o Tou atafai, a mea ko la e fiafia ki ei a loto o Au tavini, ko la ko oti ne fuli atu kia Koe kae fesoasoani ki Tau Fakatokaaga.

Tausi ke sao mai i fakalavelave Au tavini mo Au tavini fafine, O toku Aliki, mai i matasana o fakatauuga seai-ne-aogaa mo mafaufauuga faka-supasupa, kae avatu kia latou mai i lima o Tou alofa a se motiiga-a-vai mai i te vai tafe tafe malielie o Tou poto.

Ko Koe, i te tonuuga, ko te Mafi-Katoatoa, ko te Tafasili i te Maluga, ko te Fakamagalo Katoatoa, ko te Tafasili i te Alofa.

Ko te Matagofie e io Koe, O toku Atua! E lagona ne Koe a Au tavini maalosi e tagi fanoanoa i te olotou mavae mai mo Koe, pe la mo latou foki ko la ko oti ne iloa ne latou a Koe ko tagi lotulotu ona ko te olotou mao mai mo Tou nofo-mai. Tala atu ne Koe a olotou mata faka-te-fuaitino, O toku Aliki, a mataloa o Tou alofa-kaimalie, ko te mea ke mafai ne latou o ulu mai i Tau taliaaga kae pe la mo te mea e tusa mo Tou finagalo, kae ke mafai o tu mai mua o tou kalauna-a-tupu o Tou afioga, kae puke ne latou a gauga-leo o Tou leo, kae ke faka-maina a latou ki te gali silisili o te mainaaga o Ou mata.

E maalosi Koe o fai a te mea e fiafia Koe kiei. E seai e mafai o teke atu a te maalosi mo te mafi o Koe. Mai anamua loa a Koe e tokotasi kae e seai e pau mo Koe, kae e pena loa ki te se-gata-mai e tumau Koe mai i luga atu o mea katoa mo so se fakamatalaga o Koe. Ke isi se alofa-fakamagalo, na la, i luga i Au tavini mai i Tou alofa mo te maukoloa, kae sa liakina a latou mai i matafaga o te vasa o Tou nofo-pili-mai. Ka fai e liakina a latou ne Koe, koi la i kona e faka-taugasoa kia latou; kae ka fai e tuku ne Koe ke mao mai ia Koe, koi la i kona ka fesoasoani kia latou? E seai aka foki se Aliki o latou na ko Koe, e seai aka e ifo a latou ki ei na ko Koe. Kilo Koe faka-alofa kia latou i Tou alofa-maukoloa.

A Koe, i te tonuga, ko te Fakamagalo-Katoatoa, ko te Tafasili i te Atafai.

E molimau ne Koe, O toku Atua, mene pefea a Ia Tela ko Tou gali ne kalaga kia Koe ke masaua, e uiloa a fakalavelave uke ne oko atu kia Ia, fakalavelave ko la e seai aka foki na ko Koe e mafai o lau. E lavea ne Koe me ne pefea, i Tena fale-puipui, ne toe lau ne Ia Ou vikiiga gali ko la ne fakamaalosi ne Koe a Ia. A mea kona ko Tena fina ko la Ana fili e seai se maalosi o fakagata a Ia mai i te takutaku o Koe, O ko Koe Tela ko te Pule o igoa katoa!

Tavaeega e o Koe aua ia Koe ko oti ne faka-maalosi a Ia ki Tou maalosi, kae fakafonu a Ia ki Tou maalosi katoatoa i se maalosi te la, vagana ko Koe kae katoa i Tena fakatautau ne pefu fua. A mainaaga o Tou gali se-matafi ko ufi katoa ia Ia ko fai i ei a mea katoa na ko Koe i Tena kilo pe la mene ata fua.

Kae kafai a Tau kalaga e se-maua o taofigina e oko mai kia au, ne tu au ki luga, fakaloto makeke gina ne Tou maalosi, kae kalaga atu kia latou katoa ko la i Tou lagi mo latou katoa ko la i Tou lalolagi ke fuli atu i te auala o Au alofaaga mo te sikulagi o Tau mau-koloa alofa. Niisi e fatufatu mai kia au, kae taumafai maalosi o fakamae au kae ta au. Ko niisi e inu ke fonufonu latou i te uaina o Tou alofa-atafai, kae fakavave atu ki kogaa-mea e tuku i ei a Tou nofoga-a-tupu.

Au e akai totuli kia Koe, O ko Koe Tela ko te Tufuga o te lalolagi mo te lagi mo te Kamataga o mea katoa, ke fakapilipili mai Au tavini auala atu i te manogi gali o te Gatu o Tau Faka-maalosiiga mo Tau Faka-asiiga, kae ke fesoasoani kia latou ke maua a Tau Fale Tapuaki Malu o Tou manakoga mo te maalosi. Mai ite vavau a Koe e auala atu i Tou tafasili ite maluga mai i luga i mea katoa, ka ko Koe e faka-maluga atu i mea katoa mai i te pilitakiiga ki te favavau i Tou faka-Atua mo te nofoaiga-a-tupu e seai sena fakatusa.

Ke fai a Tou alofa-fakamagalo, tena la, ke i luga i Au tavini mo Au mea ola. A Koe, e tonu, ko te Mafi-Katoatoa, ko te Mao mo te Se-mafa o Okogina, ko te Matagofie-Katoatoa, ko te Se-mafai o Fakanofogina.

E maluga Tou igoa, O toku Atua! O toku Atua! Au e fakamolemole kia Koe ki te pusaki gali o te Gatu o Tou alofa, te la mai i Tau Faka-tonuuga kae fano tonu mo Tou manakoga te la ne pusaki atu ki te lalolagi katoa, kae mai i te Fetu Ao o Tou finagalo ne pula maina, mai i te maalosi o Tou mafi mo Tou nofoaiga-a-aliki, mai i luga i te sikulagi o Tou alofa, o solo keatea mai i toku loto a mafaufauga e seai ne uiga mo fakatauga faka-supasupa, ko te mea ko toku alofa katoatoa ke fuli atu kia Koe, O ko Koe te Aliki o tagata katoa!

Au ko Tau tavini mo te tama o Tau tavini, O toku Atua! Au e piki-mau ki lima o Tou alofa kae taofi mau ki te kafanoa o Tou alofa atafai. Fakaeke mai kia au a mea lei katoa ko la ia Koe, kae fagai mai au mai i te Taipola te la ne aumai ki lalo i loto i kaumana o Tou manuia mo te lagi o Au faka-manuiaaga.

Ko Koe, i te tonuuga loa, ko te Aliki o lalolagi, mo te Atua o latou katoa ko la i te lagi mo latou katoa ko la i te lalolagi.

Seiloa ne au, O toku Atua, me sea a te Afi tenei e fakaka ne Koe i Tou fenua. A te lalolagi se-mafai lele ne ia o pono tena mainaaga, io me ko te vai e mafai o fakagata a tena ulaaaga. A tagata katoa o te lalolagi e see-kafi o teke a tena maalosi. Sili i te lasi o te faka-manuiaaga o ia tela e fakapilipili ki ei, kae lagona ne ia a tena ulaaga.

A niisi, O toku Atua, ne fai ne Koe, mai i Tou alofa-maalosi, ke mafai o fakasae atu ki ei, kae ko naai tino e taofi mai ne Koe ona ko te pogai o mea a olotou lima ne fai i Ou aso. So se tino ko oti ne fakavave atu ke maua ne ia ko oti, i tena loto finafinau o taumata ki luga i Tou taulekaleka, ko avatu a tena ola i Tou auala, kae fanatu ki luga ia Koe, aunoa mo se fakapiki lele loa ki se isi mea aka na loa ko Koe.

E akai fakamaulalo atu au kia Koe, O toku Aliki, mai i te Afi te la e ula kae ka i te lalolagi o te foafoaaga, ke sae keatea a te veli te la e fakatuai ne ia au mai i te fakasae atu ki te nofoaga o Tou malu, mo te tu atu i te mataloa o Tou faitoa. Fakaeke mai ne Koe mo au, O toku Aliki, mea lei ko la ne aumai ki lalo ne Koe i Tau Tusi, kae sa faka-pokotiagia au ke mao au mai ite lafiiga o Tou alofa.

E maalosi Koe o fai a te mea e fiafia Koe ki ei. E tonu, ia Koe ko te Maalosi-Katoatoa, ko te Toe-Kaimalie.

E maluga a Tou igoa, O toku Atua! Fesoasoani a Koe mai i Tou alofa atafai ki Au tavini mo Au tavini fafine ke toe lau Ou uiga lei kae ke mautakitaki i te olotou alofa kia Koe. E fia a lau lakau ko la ona ko kaumatagi o tofotofooga ne fai ne latou ke to ifo ki lalo, kae e fia foki, a latou, ko la e piki mautakitaki ki te lakau ola o Tau Fakatokaaga, ne nofo tumau aunoa mo se gasukesuke mai i luga i tofotofooga ko la ne pokotia kia latou, O ko Koe Tela ko te omotou Aliki, ko te Tafasili ite Alofa-Fakamgalo!

E tuku kia Koe ne au a fakafetai aua ne fai ne Koe ke iloa ne au a tavini ko la ne liakina katoatoa, mai i te maalosi o Tou mafi mo Tou nofoaiga-a-tupu, a tupua o olotou manakoga se lei, kae e seki taofigina ki tua ne mea ko la e isi ia Au mea ola faiite mai i te fuli atu ki te auala o Tou alofa-atafai. A mea konei ne fakagasue maalosi ne latou a veli ke to ki lalo ko ala iei a tino e nofo i fakai lasi ote fuaitino o tagi, ka ko te mataku mo te polepole ko nofo i luga i tino o te loto masei mo te amio leaga ko la, e fakapei i olotou ulu mo olotou fuaitino ki failoga o te poto, kae teke maalosi kia Koe kae fuli keatea mai i Tou gali.

Au e akai kia Koe, O toku Aliki, mai i te afioga e se mafai o faka tusa mo Tou Igoa mai i te Vavau, ke faka-mafai Au fagasele ke fesoasoani kia Koe. Fakatonu aka, tena la, ke tumau a olotou mata kia Koe, kae tusi ifo ki lalo mo latou a mea ko la ka fai ne latou a loto katoa ke lifu a ko mata katoa ke fiafia.

A Koe, e tonu, ko te Feasoasoani i taimi faigata, ko te Ola-ia Ia.

O te Atua! A tofooga ne aumai ne Koe pe la me se sinu ki mea pakia o latou katoa ko la e faka-tuanaki ki Tou finagalo; a te masausauaaga o Koe ko te vailakau foo masaki ki loto ko la ko pili atu ki Tou fale, a te pili atu kia Koe ko te olaga tonu o latou ko la ko Au fagasele; A Tou nofo-mai ko manakoga maalosi o latou ko la e loto fiafia o kilo ki Ou mata; ko te mao mai ia Koe, mo te motu mai ia Koe ko te mate kia latou ko la ko oti ne lavea ne latou a Tau mea-tonu!

Au e akai totuli kia Koe ona ko manavaaga o latou ko olotou agaaga ola ko gaegae kia Koe ne faipati atu ki te olotou nofo mao mai i Tou fale, mo tagitagi o Au fagasele ko la e fanoanoa i te olotou mavae mai ia Koe, ke putiputi aka au ki te uaina o Tou poto mo te vai o te ola o Tou alofa mo te fiafiaaga. Puke mau aka ki Tau tavini fafine, O toku Aliki, te la ko puli a mea katoa na ko Koe, kae te la ne fakafiafia a ia i Tou alofa, kae fanoanoa a ia i mea ne oko atu kia Koe ona ko lima o latou masei mai i Au mea faiite. Fakaeke atu ne Koe mo ia ki mea ko la ko oti ne fakaeke ki nisi o Au tavini fafine ko la e tamilo fakapukupuku i te kalauna o Tou afioga, kae agatilo, i te afiafi mo te vaveao, ki Tou gali.

A Koe, e tonu, ko te Aliki o te Aso o te Fakamasinoga.

Te Matagofie ea ia Koe, O te Aliki toku Atua! Mea nei ko aso ko la ko oti ne fakatonu ne Koe a tagata katoa ke tautali i te Anapogi, te la ona ko ia ka fakamaa a olotou agaaga kae fakamaa katoa latou mai i te piki ki so se tino na loa ko Koe, mai i olotou loto ka mafai ne latou o olo atu ki luga auaa ko tau ki te fale o tau afioga kae e mafai foki o tau ki te nofoga o te faka-asiiga o Tou tafatasi. Aumai, O toku Aliki, ko te anapogi tenei ke fai pe la me se vaitaafe o te vai-ola kae ke fua mai i ei a te uiga te la ko oti ne fakaeke aka ne Koe. Fakamaa aka ne Koe i te mea e mafai a loto o Au tavini ko la ne see mafai ne te masei o te lalolagi o fakatuai mai i te fuli atu ki Tou Igoa Matagofie-Katoatoa, kae ko la ko nofo aunoa mo se mafuli ne te logoaa mo te pakalaga o latou ko la ko fulitua mai i Au faka-iloga tafasili i te malifalifa ko la ne aumai tasi mo te oko mai o Au Faifekau ko la ko oti ne fa-uu mo Tou nofoga-a-aliki, Tou maalosi, Tou afioga mo Tou matagofie. Mea nei ko tavini, ko la i te taimi loa tena ne logo i Tau kalaga, e tele atu ki te koga e vau i ei a Tou alofa-kaimalie kae seki talave lele loa ona ko mafulifuliiga mo avanoaaga o te lalolagi nei io me ko nisi faka-lavelave aka o tagata.

Au ko ia, O toku Atua, te la ne molimau ki Tou tasi, te la ne fakatalitonu ki Tou tafatasi, te la e ifo maulalo mai mua o te faka-asiiga o Tau afioga, kae e lavea mo te loto fanoanoa a te gali o te mainaaga o Tou matagofie maina. Au ko oti ne talitonu kia Koe mai i tua ko oti ne iloa ne au Koe, Tela ne fakaasi mai a Koe ki mata o tagata e auala atu i te maalosi o Tou nofoga-a-aliki mo te maalosi. Kia Koe ne fuli atu au, motu lele mai loa i mea katoa, kae piki mautakitaki ki te kafanoa o Au mea-alofa mo alofaaga. Ko oti ne talia ne au a Tau mea tonu, mo te tonu o tulafono faka-ofoofogina katoa mo faka-matalaaga ko la ko oti ne tuku ifo ne Koe. Ko oti au ne anapogi ona ko te alofa mo Koe mo te tautali ki Tau faka-tonuuga, kae ko fakaoti a taku anapogi mo Ou tavaeega i toku laulaufaiva pe la foki loa mo te tautali ki Ou fiafiaaga. Sa fai gia au, toku Aliki, ke lau ia latou ko la ne anapogi i te ao, kae i te po ko fai olotou taga i mua o Koe kae ko se talitonu ki te mea tonu, se talitonu i Au fakailoga, teke atu ki Au faka-talitonuuga, kae fakasee Au faipatiiga.

Tala ne Koe, O te Aliki, oku mata mo mata o latou katoa ko la ne saala kia Koe, ko te mea ke lavea Koe ne Ou tina mata loa. Mea nei ko tau ikuuga kia matou i te Tusi te la ne aumai ki lalo ne Koe Tela ko Ia ko oti ne filifili ne Koe mai i Tou loto, Tela ko Ia ko oti ne faka-kese aka ne Koe ki alofaga mai i luga i Au mea faiite katoa., Tela ko Ia ko oti ne fiafia o fauu ki Tou nofoga-a-aliki, kae ko Ia Tela ko oti ne alofagia kae fakaeke ki Tau Fekau mo Au tino katoa. Tavaeega e Koe, na la, toku Atua, pela mo Tou alofa-kaimalie ko oti ne fai matou ke lavea a Ia kae talia so se mea ko oti ne tuku ifo mai ia Ia, kae avatu ki luga ia matou a te faka-aloalo o maua a te fakatasi mo Ia Tela ko oti ne feagaiiga mai ne Koe i Tau Tusi mo Au Tapeleti.

E lavea mai ne Koe au, o Toku Atua, o oku mata e faka-saga kia Koe, piki mautakitaki ki te kafanoa o Tou alofa-kaimalie faka-te-lagi, ka piki mau ki te mata o Tou alofa-atafai mo alofaaga e se lausia. Sa-lepegia, au e akai kia Koe, oku faka-moemoega ke oko atu ki mea ko oti ne iku ia Koe mo Au tavini ko la ko oti ne fuli atu ki te koga e nofo Koe i ei mo te lafiiga o Koe, kae tautali ki te Anapogi ona ko te alofa mo Koe. Au e fakaasi tonu, O toku Atua, i so se mea te la e vau mai ia au e seai lele loa se aogaa mo Tou nofoga-a-aliki kae e se tau foki ki Tau afioga. Kae e uiloa, Au e akai totuli kia Koe mai i Tou Igoa te la ne fakaasi a Koe, i te matagofie o Ou igoa tafasili i te lei, ki mea faiite katoa, i te Faka-asiiga Tela ko oti a Koe, ona ko Tou Igoa tafasili ite malifalifa, fakamaina atu ne Tou gali, o tuku mai ke inu au i te uaina o Tou alofa-kaimalie mo te suamalie tonu o Ou alofaaga, ko la ne tafi mai ite lima tau-matau o Tou finagalo, ke mafai ne au o tuku taku kilo ki luga ia Koe kae e motu lele mai i so se mea na ko Koe, ko te lalolagi mo mea katoa ko la ko oti ne faiite i ei kee mafai o sae mai mua ia au pela me se aso vave te la seki talia ne Koe ke faiite.

Au e toe akai kia Koe, O toku Atua, ke to vaiua ifo ki lalo, mai i te lagi o Tou finagalo mo kaumana o Tou alofa-kaimalie, a te mea tela ka fulu ne ia tatou mai i te manogi masei o motou agaasala, O ko Koe Tela ko oti ne faka igoa a Koe ki te Atua o te Alofa-Kaimalie! A Koe, e tonu, ko te Tafasili i te Maalosi, te Matagofie-Katoatoa, te Fai-Meaalofa.

Sa liakinagina, O toku Aliki, a ia te la ko fuli atu kia Koe, io me fakasala a ia te la ko faka-pilippili atu kia Koe o kave keatea ke mao mai i Tou fale. Sa lepegia a faka-moemoega o latou e akai kae finafinau o fakaloa atu a olotou lima o saala a Tou alofa-kaimalie mo alofaaga, kae sa faka-seaigia a Au tavini fakamaoni ki mea faka-ofoofogina o Tou alofa-atafai mo te alofa-kaimalie. Te Faka-magalo mo te Tafasili i te Alofa-Lauefa ko Koe, O toku Aliki, Koe e maalosi o fai a te mea e fiafia Koe ki ei. A mea katoa na ko Koe e seai ne aogaa i mua o te fakaasiiga o Tou mafi, ko galo i mata o te faka-talitonuuga ki Tou maumea, e aunoa mo se aogaa o latou ma fakatusa ki fakaasiiga maina o Tou nofoga-a-aliki, kae mativa loa ki te mativa mai i maalosi katoa mafai e mata ki mata mo failoga mo faka--talitonuuga o Tou maalosi. Sea aka foki se lafiiga mai i tafa o Koe, O toku Aliki, te la e mafai ne au o tele o lafi ki ei na ko Koe, kae e tefea foki a te koga malu e mafai ne au o fakavave ki ei? E seai, a te maalosi o Tou mafi e fai mo taku molimau! Seai aka foki se puipui na ko Koe, seai se koga mo tele ki ei na ko Koe, seai se lafiiga na ko Koe. Fai aka au ke tami, O toku Aliki, ki te suamalie faka-te-lagi o Tou masausauaga mo tavaeega. Au e tautoo ki Tou mafi! So se tino te la ko oti ne tami i te magalo ka fakaseai katoa a ia mai i mea o te lalolagi mo mea katoa i te lagi, kae ka fakasaga atu ona mata kia Koe, fakamaa mai i te masausau o so se tino na ko Koe.

Faka-maalosi na la a toku agaaga, O toku Atua, ki Tau masauaaga faka-ofoofogina, ke mafai ne au o fakamaluga a Tou igoa. Se lau gina au mo latou ko la e faitau ia Au pati kae e se maua o saala ki Au mealofa funa ko la, e fakatonu mai ne Koe, e aofia i ei, kae e fakavave ne latou a agaaga o Au mea faiite mo loto o Au tavini. Fai aka au, O toku Aliki, ke lau au ia latou ko la ko oko loa i te pokotia i manogi suamalie ne agiagi mai i Ou aso kae fai a latou ke tuku ifo a olotou ola mo Koe kae fakavave atu ki te koga tela ka mate i ei a latou ona loa kote naunau a loto o kilo ki Tou gali mote fia oko atu kia Koe. Kae moi fai ke isi se tino e sili atu kia latou i te olotou auala, “Koutou e olo ki fea?” ka tali atu latou penei, “Ki te Atua, te Pule-Katoatoa, te Feasoasoani i Mea Faigata, te Ola Fua ia Ia!”

Agasala ne fai ne latou ko la ko fuli tua mai ia Koe kae ko amio fiasili kia Koe e se maua ne latou o fakatuai a te alofa o latou mo Koe, io me ko te fakasaga atu o latou kia Koe, io me ko te fuli atu ki te auala o Tou alofa. Latou konei ko latou ko la e fakamanuia ne te Lukuuga-faka-te-lagi mai i luga, ko la e fakamana ne tokoukeega o tino i Fakai lasi, mo mai tua atu ia latou ko piki i olootu mualae a Tau pene tafasili i te maluga ko oti ne tusi: “Latou konei! A tino o Bahá. Mai ia latou ko oti ne fakasae aka a te gali o te mainaaga o akoakoga.” Tela la ko oti ne fakaeke aka i Tau pule mo Tou finagalo, i te Tapeleti o Tau ikuuga e se mafai lele o fuli.

Faka-salalau atu, tena la, O toku Atua, a te olotou takutakua mo te takutakua o latou koi ola io me ko mate kae ko oti ne faka-tamilomilo ne latou. Tuku mai kia latou a te mea tela ko oti ne fakaeke aka mo latou fai mea tonu i vasia o Au mea faiite. E maalosi Koe o fai a mea katoa. E seai aka foki se Atua na ko Koe, te Maalosi-Katoatoa, te Fesoasoani i Mea Faigata, te Mafi-Katoatoa, te Toe Alofa Tafasili

Sa faka-gata a motou anapogi ki te anapogi tenei, O toku Aliki, pe la foki mo feagaiiga ko oti ne fai ne Koe mo te feagaiiga tenei. Ke talia mai ne Koe a mea katoa ko oti ne fai atu ne matou mo te alofa kia Koe, ona foki ko Tou fiafiaaga, mo mea katoa ko la ko liakina ne matou seki fai ona ko te fakalogo o matou ki manakoga se lei kae se fakamaoni. Faka- mafai aka matou, tena la, ke piki mau ki Tou alofa mo Tou faifiaaga lei, kae tausi matou mai i te masei o latou ko oti ne se-talitonu kia Koe kae fakaloi Au faka-iloga tafasili i te malifalifa. A Koe, i te tonuuga, ko te Aliki o te lalolagi nei mo sua lalolagi. E seai aka se Atua i Ou tafa, te Malu, te Tafasili i te Maluga.

Faka-lauefa a Koe, O te Aliki toku Atua, a ia Tela ko te Kamataga mai ite Vavau, te Mea Lilo Faka-te-lagi, te Uiga se Lavea, te Aso-kamata Faka-te-lagi, mo te Faifekau o Tou Nofoga-Aliki, te la mai ia Ia ko poto katoa o taimi ko teka mo poto katoa o taimi mai mua ka faka-maina, mai ia Ia a penina o Tou atamai funa ka taala, a ko te fakaofoofogia o Tou igoa taaua ka faka-matala ko oti ne tofi ne Koe a te Tino Faka-salalau o Ia tela Tena igoa a te mataimanu B mo te mataimanu E ka soko kae fusi tasi, auala atu i Tou afioga, Tou nofoga-a-aliki mo Tou mafi ka fai ke iloagina, e auala atu ia Ia Tela Au muna ko oti ne kave atu ki tua atu, ako Tau Muna ko faiite, e auala atu ia Ia Tela a loto o Au fagasele filifilia ko tuku fakasagi, a ko latou katoa i lagi mo latou katoa i te lalolagi ko luku fakatasi, Tela ko faka-igoa ne Koe kia ‘Alí-Muhammad i te maalo o Ou igoa, mo te Agaaga o Agaaga i Tapeleti o Tau faka-asiiga se mafai o fuli, Tela ko oti ne fauu ne Koe ki Tou tina igoa, i luga i Tou igoa a nisi igoa aka katoa ko oti, mai i luga i Tou manakooga mo te maalosi o Tou mafi, ko oti ne fai ke foki atu, kae ia Ia Tela ko fai ne Koe a Ou uiga lei katoa mo Ou tofiiga ke maua ia latou a te tina fakaotiiga o latou. Ea a Ia a igoa ko la e moe funa i loto i Tau fale malu tapuaki e seai se popooga, i loto i Tou lalolagi e see lavea mo Ou fakai lasi faka-manuiagina.

Toe fakalauefa ne Koe, na la, a latou ko la e talitonu ia Koe mo Au fakailoga kae ko fuli atu kia Koe, mai i vasia o latou ko oti ne iloa ne latou a Tou faka-tasitasi i Tena Faifekau Fakamuli – se Faifekau te la ko oti ne fai mai ne Ia i Ana Tapeleti, mo Ana Tusi mo Ana Mataupu Silisili, pe la foki mo kupu gali katoa mo faipatiiga taaua ko avaifo ki luga ia Ia. Ko te Faifekau foki tenei Tela Tena feagaiiga ko oti ne fakatonu mai ne Koe ke na fakatu a Tena feagaiiga ia Ia loa. Ko Ia tela ko Ona tavaeega e fakamanatu ne te Bayan. I loto a Tena tafasili i te lei katoatoa ko oti ne faka-malugagina, kae faka-tumau a Tena mea tonu, ka faka-salalau a Tena nofoga-a-aliki, mo Te Fakatokaaga ko faka-tonutonu. Faka-manuia ki tagata te la ko fuli atu kia Koe, kae faka-taunu a mea ne fakatonu mai ne Koe, O ko Koe Tela ko te Aliki o te lalolagi mo te Manakoga o latou katoa ko oti ne iloa ne latou a Koe!

Tavaeega e o Koe, O toku Atua, mo Tou fesoasoani ke lavea kae alofa kia Ia. Na la, au e akai totuli kia Koe ona ko Ia mo Latou Ko la ko Aso Kamata o Tou faka-te-lagi, mo te Faifekau o Tou Tulaga Aliki, mo Koga Tausi o Tau Feagaiiga, mo Koga e teu i ei a Tou fakamalosi, ke fai aka matou ke tavini kae fakalogo kia Koe, kae faka-maalosi mai matou ke fai pe la me ne fesoasoani o Tena Fakatokaaga mo te lepeega o latou teke kia Koe. E maalosi Koe o fai a te mea e fiafia Koe ki ei. E seai aka foki se Atua na ko Koe, te Mafi-Katoatoa, te Matagofie-Katoatoa, te Tasi te la a Tena fesoasoani e saala gina ne tagata katoa!

Te Atua e molimau ki te fakatasitasi o Tena faka-Atua mo te tokotasi o Ia loa ia-Ia. I luga i te kalauna-fakatupu o te favavau, mai i tulaga maluga o Ia e se okogina ki ei, a tena laulaufaiva e fakasalalau atu me e seai aka foki se Atua na ko Ia. A Ia, e tu saoloto mai i mea katoa, e fai mo molimau ki Tena tafatasi, ko te fakaasi o Tena natula ia-Ia loa, ko te faka-mana o Tena uiga tonu. A Ia, e tonu, ko te Maalosi-Katoatoa, ko te Mafi-Katoatoa, kote Gali.

A ia e maluga atu i luga i Ana tavini, kae tu atu i luga i Ana mea ola faiite. I Tena lima ko te kamataga o te pule mo te mea tonu. E faiite ne Ia a te tagata ke ola mai i Ona failoga, kae fai ne Ia a latou ke mate mai i Tena kaitaua. E se mafai o faka-fesiligina i Ana mea ne fai ka ko Tena mafi e pau mo mea katoa. A Ia ko te maalosi ko te Faka-filemu Katoatoa. E puke ne ia i Ana lima a maalo o mea katoa, kae i Tena lima taumatau e fakamau i ei a te Maalo o Tena Fakaasiiga. A Tena maalosi, e tonu, e aofia i ei a te foafoaaga katoatoa. Manumaalo mo te takitakiiga ea Ia; a mafi katoa mo maalo katoa ea Ia; ko matagofie katoa mo te takutakua ea Ia. A Ia, e tonu, kote Matagofie-Katoatoa, kote Maalosi-Katoatoa, ko te Se-fakatulafonogina.

Tavaeega e io Koe, kia Ia ko laulaufaiva of mea faiite katoa ko oti, mai i te favavau, ne kalagina, kae e ui i ei ne seki mafai o oko atu ki te lagi o Tou mana e favavau mo te gali. A mata o mea katoa ko oti ne tala ke lavea a te gali o Ou mata maina. A lima o latou ko la e pili atu kia Koe, mai i taimi loa te la a te fakavae o Tou nofoaiga-faka-aliki manumaalo mo te fakatuuga o Tou maalo mana, ko oti ne sisi aka ki luga kia Koe, kae e ui i ei e seai se tino ne mafai o puke ki te kapa o te gatu te la e pei ki ei a Koe Faka-te-Lagi mo te silisiliese o Koe Tonu loa. Kae e uiloa e seai e mafai o fakaseke ia Koe ko a afea loa, mai i mea gali o Tou kaimalie mo te alofa mataefa, e tafasili i te maluga atu i mea katoa, e maalosi o fai a mea katoa, kae e pili atu ki mea katoa iloo a latou kia latou eiloa.

E mao mai i ei, tena, mai i Tou matagofie e kilokilo mai se isi ki Tou gali fakaofoofogina mo se mata vagana ko Tou mata, io me o fakalogologo ki sikuleo e fakasalalau i ei a Tou nofoaiga-faka-aliki mafi-katoatoa mo so se taliga vagana ko Tou taliga. Ko to maluga a te maluga o Koe mo se mata o se mea ola o lavea a Tou gali, io me ko te maina o so se loto o fanaka ki koga maluga o Ou poto e se-kafi o fuagina. Kafai a manu eva o loto o latou ko la e pili kia Koe e fai ke mafai ne latou o lele ki te leva o Tou nofoaiga-faka-aliki maalosi o Koe e mafai o tu leva, io me e fanatu ki te leva o te emipaea Tou mana Faka-te-Lagi, ka maua ne latou o sopoia atu i tapula ko la a te lalolagi se-tumau tenei ko oti ne fakaeke atu kia latou, io me sopia atu i ana tapula. E mafai pefea, tena la, a ia tela ko tena faiiteega e puipuigina ne tapula, o oko atu kia Ia Tela ko te Aliki o te Maalo o Ia Tela e pule i te silisiliese mo te gali?

Matagofie, e se fuafuagina ate matagofie e io Koe, toku Fagasele-llei! Pe la mo Koe ko oti ne fakasino ite gataaga fakaoti te la a latou kola e apai aka a olotou loto kia Koe e mafai o olo aka ki uga ko te fakaasi tonu o te olotou vaaivai o ulu ki loto i kogaa-koga nofo o Tou fakatasitasi mana kae malifalifa, ka ko tulaga tafasili i te maluga ko la a latou e taumafai ke iloa a Koe e mafai o oko a te fakamateaaga fua ote olotou vaaivai o maua a kogaa koga nofo o Tou poto maluga Au, tena, e akai fakamolemole kia Koe, i te vaaivai tenei te la ko te fagasele o Koe, te la ko oti ne fakatonu mai ne Koe me se koulu o latou ko la ko oti ne oko atu ki Tou kogaa-koga nofo matagali o Ou mata ko aofia i ei a mea katoa, mai i maalosi o Tou Finagalo te la a te foafoaaga katoatoa ne mafua mai, ke se liakina a latou ko la a olotou fakamoemoega ia Koe o mea gali o Tou alofa fakamagalo, io me o taofi mai ia latou ko oti ne salasala atu kia Koe a kope taua o Tou alofa atafai. Faka-ka aka, tena, i loto i olotou loto a te molisua o Tou alofa, ko tena kaa-aga ke mafai o kai katoa ne ia mea vagana ko Tou masausauaga gali, kae e seai se lailaiiga e toe mai i loto i kona vagana ko molimau tauaa o Tou nofoaiga-faka-aliki tafasili i te mana, te la mai i te laufenua e nofo iei e seai se leo e mafai o lagona vagana ko te leo e fakamaluga iei a Tou alofa-fakamagalo mo te mafi, ko te lalolagi e sasale iei e seai se mainaaga e sulu i ei vagana ko te mainaaga o Tou gali, kae i loto i agaaga taki toko tasi e seai se mea e mafai o maua i ei vagana ko te fakaasiiga o Ou mata mo alofaaga o Tou matagofie, ko Au tavini ke fiafia o fakaasi atu a mea fua ko la e fakafiafia kia Koe kae e tautali katoatoa ki Tou finagalo tafasili ite maalosi.

Matagofie kia Koe, O toku Atua! A te maalosi o Tou mafi e fai mo aku molimau! E seai soku falotoloto-lua me kafai a manavaga tapu o Tou alofa-kaimalie o te matagi agi malielie o Tou alofaga mataefa e gata, i se taimi e mutana ifo ite kemo ote mata, o manava i luga i mea faiite katoa, a te foafoaaga katoa ka tanumia, ka ko mea katoa i te lagi mo te lalolagi ko olo ifo ki te seai lele loa. Fakalasi, tena la, a molimau lei o Tou maalosi malifalifa! Fakalasi ate maalosi o Tou mafi maluga! Fakalasi aka a te afioga o Tou takutakua saofia katoatoa, mo te pokotia maalosi o Tou finagalo! E pena a Tou takutakua te la kafai e fakasaga tonu a mata o tagata katoa i te mata o tasi o Au tavini, kae kumi ki loto a olotou loto katoa ki loto i tena loto, kae kafai a Koe e faka-mafai a ia ke lavea i loto ia ia a mea katoa ne faiite ne Koe mai i Tou maalosi kae tufuga mai i Tou mafi, kae kafai a ia e mafaufau, ki te favavau, i luga i lalolagi o Tau foafoaaga mo te salalau o Ou tugalima, e aunoa mo se fakalavelave e maua ne ia me e seai aka foki se mea ne faiite aofia mai i lalo o Tou maalosi manumaalo, kae fakamaalosi i Tou nofoaiga-faka-aliki aofia fakatasi.

E lavea mai au, tena, O toku Atua, e siga pakuu ki luga i te pefu i Ou mua, kae e fakaasi tonu atu ki toku vaaivai ka ko Tou pulega sili, ko toku mativa mo Tou maumea, ko toku mausolosolo ka ko Tou favavau, ko toku tafalalo ka ko Tou matagofie seai se gataaga. Au e iloa ne au me e seai aka foki se Atua na ko Koe, kae e seai aka foki se fakatusa o Koe, e seai e pau io me e fakataufai mo Koe. I Tou silisiliese e se-maua-fakaoko ki ei ko oti, mai i te vavau, ne fakamaluga mai i luga atu i tavaeega a so se tino vagana ko Koe, kae ka tumau pena ki te se gata mai, i Tou tokotasi e se fakapaugina mo te matagofie, ke fakamana mai i te fakaaloalo o se isi vagana ko Koe loa ia Koe.

Au e tauto i Tou mafi, O toku Fagasele! Ke fapatigia a so se mea faiite e se fetaui kia Koe tafasili i te maluga, ke tuku atu a se tavaeega ki so se mea ola a Koe e se aoga lele loa ki Tou matagofie silisiliese. Ikaai, a takutakuga pena ne soli tulafono manafai e faipatigina i loto ite fale o Tou mana, a ko tavaeega pena e tusa, e se malalo ifo ite soli tulafono i mata o fakatalitonuuga o Tou nofoaiga-faka-aliki Faka-te-Lagi. Aua ite takutaku fua o se tasi o Au mea ola e mafai o fai pe la me se fakapatonuuga ia latou e isi i mua o te fale o Tou tokotasi mo te fakatasitasi. A se fakapatonuuga pena e seai lele kae se tina soli tulafono tuku fakasau, se amioga se-lei kii, ite tonuuga se uiga masei kae se agasala mataga.

Tena, au e molimau mo toku agaaga ola, toku agaaga, mo toku fuaitino katoatoa, me kafai a Latou Kola ko Aso-Kamata o Tou fakatasitasi tafasili i te mana mo Faifekau o Tou tafatasi malifalifa e mafai o lele pe la mo te eva o Tou nofoiga-faka-aliki e tumau mo Tau pulega aofia katoatoa e oko kiei, a latou e se-kafi i te fakaotiiga o oko atu ki kogaa-koga kola ne fakaasi mai ei ne Koe a te malifalifa o Tou Igoa e tasi tafasili i te mafi. Matagofie, matagofie a Tou silisiiese e se-maua o oko-kiei. Matagofie, matagofie a te silisiliese o Tou faka-tupu mo te maluga silisili o Tau pulega mo te maalosi.

A mafaufau tafasili i te maluga ne maua ne tino poto, i so se mea tonu e maua, i te salasala a latou ki fatu-taua o Tou poto, ko oti ne maua; a mea tonu malifalifa tonu ko la ne fakaeke aka kia latou atamai, kae me e pefea foki a mea funa kona, i olotou taumafaiiga o fuafua a mea lilo o Tou atamai, ko oti ne maua, ne mea faiite katoa mai i te maalosi ola toe tupu aka o te Agaaga te la ne maanava ki te Pene ko oti ne tufuuga ne Ou lima. E mafai, pena la, ne se mea pe la mo Tau Pene ne fiita e mafai o iloa a kope taua o Tau Fakatokaaga ko la, pe la mo tau fakatonuga, ko oti ne fakaoaga ne te Pene? E mafai pefea ne ia o iloa a Maikao ko la ne taofi i Tau Pene, mo Ou alofaga fakamagalo ko oti ne fakaeke ki ei? E mafai pefea a ia, te la e se maua ne ia o oko mai ki te tulaga tenei, o fai ke atafia a te isi o se foafoaaga te la ko Tou Lima e puke mai ne Maikao o Tou mafi? E mafai pefea o oko atu a ia ki te malamalama o te natula o Tou finagalo te la e fakaolaola a tena gasue ne Tou Lima?

Matagofie, matagofie a Koe, O toku Atua! E mafai pefea au o fakamoemoe ke fano au ki luga ki te lagi o Tou finagalo tafasili i te mana, io me maua se taliaaga ki te fale malu tapuaki o Tou poto Faka-te-Lagi, e iloa i ei ne au i mafaufau o tino atamai kae poto e se maua ne latou o fuafua a mea funa o Ou tugalima – tugalima ko la ne mea faiite o Tou finagalo?

Tavaeega e o Koe, O te Aliki, toku Matai, toku Pule-Aofia, toku Tupu. Nei ko oti au ne fakaasi tonu kia Koe a toku vaaivai mo te vaaivai o mea faiite katoa, kae ko oti ne fakapatino a toku mativa mo te mativa o te foafoaaga katoatoa. Au e kalaga atu kia Koe mo toku laulaufaiva mo laulaufaiva o latou katoa i te lagi mo te lalolagi, kae akai totuli kia Koe mo toku loto mo loto of latou katoa ko la ko nofo mai i lalo o te ata o Ou igoa mo Ou uiga lei, ke se ponogina mai a matou mai i mataloa o Tou alofa-kaimalie mo te alofa-atafai, io me ke fakamae a te matgi iliili malie o Tou tausiga mataefa mo alofaaga ke fakagata mai i te agiagi i luga i agaaga ola, io me o fakasaoloto ko omotou loto ke saga ki se isi na ko Koe, io me ko omotou mafaufau ke fakalavelave i se isi masausauaga na ko te masausauaaga o Koe Tonu loa.

Mai i te matagofie o Tou mafi, O toku Atua! Moi fai a Koe e fakatu ko au ke tupu i luga i Ou maalo, kae fakatu au i luga ite kalauna-a-tupu o Tou nofoaiga-faka-aliki, kae ke avatu, mai i Tou maalosi, a mea fai galuega o te foafoaaga katoatoa ki oku lima, kae moi fai a Koe e fai ko au, i se taimi e mutana ifo i te minute, ke saga ki mea konei kae ke seiloa a mausauaga gali ko la e sokotaki mo Tou Igoa tafasili i te mafi, tafasili i te tonu katoatoa, a toku agaaga e tumau loa a te se lotomalie, ako te poipoi o toku loto e tumau. Ikaai, au i te tulaga tena, e lavea au ko te mativa o mativa, mo te fakaalofa o fakaalofa.

Fakalauefa a Tou igoa, O toku Atua! Nei a Koe ko oti ne fai ke maua ne au a te mea tonu tenei, au e akai totuli kia Koe i Tou Igoa te la e seai se peluuga a pepa e mafai o tusi ki ei, te la e seai se loto e maua o fakataugina kae e seai se laulaufaiva e mafai o faipati – se Igoa te la ka tumau o funa ki te leva o Tou Uiga Tonu, kae ka tavaegina ki se leva o Koe Tonu e fakamalugagina – ke taala, koituai a te tausaga nei o oti, ko failoga o Tou fanaka ki luga e se-maua o faka-kinaugina mo te manumaalo, ko te foafoaaga katoatoa ke mafai o fakamaumea ne Tou mau-koloa, kae ke mafai o fakamaluga mai i te pokotia faka-tupu o Tou nofoaiga-faka-aliki malifalifa, ko tino katoa ke mafai o tu ki luga o talai a Tau fakatokaaga.

A Koe e, tonu, ko te Mafi-Katoatoa, ko te Tafasili i te Maluga-Katoatoa, ko te Matagofie-Katoatoa, ko te Atafai Katoatoa, ko te Pule Katoatoa.

Ko vikiiga katoa, O toku Atua, e o Koe Tela ko te Puna o matagofie silisili ese mo te aofiaaga malu, te tupua-lagi mote malu, te nofoaiga-malu mo te maalo, te maluga mo te gali, te faka-mataku mo te maalosi. So se tino e finagalogia ne Koe, e fai ne Koe ke faka-pilipili atu ki te Vasa Lasi, kae so se tino e manatu Koe ki ei e avatu ne Koe te faka-manuiaaga ke iloa ne ia Tou Igoa Tafasili i te Kalevaleva. Latou ko la i te lagi mo te lalolagi, e seai se tino e mafai o teke atu a te faka-galuegaga o Tou finagalo maluga. Mai i te vavau e pule ne Koe a te iunivesi katoa kae ka tumau ia Koe o fai Tau pule i luga i mea faite katoa. E seai aka foki se Atua na ko Koe, ko te Mafi Katoatoa, ko te Tafasili i te Maluga, ko te Maalosi-Katoatoa, ko te Atamai-Katoatoa.

Fakamaina, O te Aliki, a mata o Au tavini, ko te mea ke kite ne latou a Koe, kae fakama olotou loto ke mafai o fuli atu latou ki te kogaa-mea o Tau faka-manuiaaga faka-te-lagi, kae ke matea ne latou me koi a Ia Tela ko te Faifekau o Koe loa ia Koe mo te Punavaai o Tou Uiga Tonu. E tonu, ia Koe ko te Aliki o lalolagi katoa. E seai aka foki se Atua na ko Koe, ko te Se-Mafai o Taofiigia, ko te Maalosi-Katoatoa.

[Praise and Gratitude]

Ko te matagofie e io Koe, O toku Atua! Pula aka Koe ki toku ulu ko toka o takato ki lalo mai mua o te pelu-tau o Tou Finagalo, a ko toku ua ko toka o amo a filifili o Tou Manakoga, toku fatu ko naunau ke fai pe la me se taketi o matasana o Tau Fakatonuuga, ko oku mata e fakatalitali ke kilo ki luga i alofaaga mo faka-asiiga o Tou Alofa-Fakamagalo faka-ofoofogina. I so se mea te la e siga mai ki luga ia au mai ia Koe ko te manakoga faka-fiafia o latou ko la e fia inu ke fetaui a latou mo Koe, ka ko te faka-moemoega maluga o latou ko oti ne fakapilipili atu ki kogaa-mea e nofo i ei a Koe.

Mai i te matagofie o Tou mafi, O ko Koe ko toku Fagasele-Lei! Ke tuku faka-taulaga atu a toku ola mo Faifekau o Tou Fuaitino, ke avatu a toku agaaga ola i te auala o latou ne Fakaasi ne latou a Tou Gali faka-ofoofogina, ke faka-taulaga a toku agaaga mo Tou Agaaga, a toku fuaitino mo Tou Fuaitino, ko toku matagofie mo Tou matagofie. E pe la loa me ko tuku atu katoa ne au a mea konei ona ko Koe, pe la foki ona ko Au fagasele.

E uiloa a toku fuiaitino e mae i tofooga ne oko mai kia au mai ia Koe, e uiloa ne pokotia i fakaasiiga o Tau Fakamasinoga, ka ko toku agaaga ola e fiafia aua la ne kau fakatasi atu i te vaai o Tou Gali, pe la foki mo te oko atu ki matafaga o te vasa o Tou nofo ki te favavau. E pe la loa mo te tino alofa e liakina ne ia a tena fagasele, io me e liakina ne ia a te pogai o te manakoga o tena loto? Ikaai, a matou e talitonu ia Koe, kae nofo fakatalitali mo te faka-moemoega ke ulu atu ki te koga e nofo-mai a Koe.

E maluga a Tou igoa, O te Aliki toku Atua! E molimau ne Koe me ia Koe e silia atu mai i luga o mea faiite katoa, a ko Tou alofa-kaimalie e sopoia atu i tino katoa i te lagi mo te lalolagi. Kae kafai ko tonu ia Koe ke suke a te veli o Tou nofoaiga-a-aliki, kae ke vikia a Tau muna, kae ke fakaasi a Tou maukoloa mo te alofa-kaimalie, ne avaka ne Koe a Tau tavini tokotasi, kae fili a Ia mai i luga i Au mea faiite katoa, kae fakamatea aka loa a Ia tokotasi ona ko Tau pogai, kae fakapei a Ia ki te gatu o Tau takitakiiga, kae ufi a Ia i lalo i te tai o Tau aifioga mo te matagofie, kae faka-malu a Ia mai i mea katoa ko la seai ko te takuatakua o Tou matagofie mo te maalosi o Tou mafi, kae fai atu kia Ia ke kalaga atu ki mua o latou katoa i te lagi mo te lalolagi, kae kami mai a te toko-ukega o tino ki te Faifekau a Koe mo te Fakaasiiga o Au failoga.

I taimi foki tena ne fakasalalau atu ne Ia a Tau Fakatokaaga, kae tu ki luga o fai a galuega ko la ne fakatonu atu kia Ia i Tapeleti o Tau fakatonuuga, kae oko ki luga i Au mea faiite a Toe Fakamataku Lasi. A nisi ne fuli atu kia Koe, kae motu a latou mai i mea katoa vagana ko Koe, kae fakamana a olotou agaaga mai i te lalolagi mo mea katoa ko la i ei, kae ne to lasi a te fiafia ia latou i te suamalie o Tou leo te la ne ala i ei latou o liakina a mea katoa ko oti ne faiite ne Koe i Tau foafoaaga. Ko nisi ne lavea ne latou a Koe kae ne fakatalave, ko nisi ne talia ne latou a te lalolagi ke vau i te va o latou mo Koe ko ala i ei o taofigina a latou i te lavea o Koe. Ko nisi ne kilo fakatauemu kia Koe, kae fuli a olotou tua mai ia Koe, kae manako latou o fakalavelave a Tau galuega. Kae e ui i ei kilo aka kia latou katoa e kalaga atu kia Koe, kae fakatalitali ki mea ko la ne feagaiiga mai i Au tapeleti. Kae i te taimi ne vau i ei a te Tokotasi te la ne Valogina kia latou, ne seki lavea ne latou a Ia, kae e se-talitonu i Au fakailoga, kae faka-see a Au alofaaga, kae olo seke kii loa mo Tou auala kae faka-see ne latou Au tavini, mai i luga i te malapulapu o olotou mata ne fakamaina i ei a mata o te Lukuuga mana faka-te-lagi.

Au e akai kia Koe, O ko Koe Tela ko te Aliki o igoa katoa, ke leoleo Au fagasele mai i Ou fili, kae ke faka-maalosi a latou i te olotou alofa kia Koe mo te faka-taunuuga a te mea e fiafia Koe ki ei. Puipui ne Koe a latou, ko olotou laga-a-vae ke se seke keatea, ko olotou loto ke se pulougina pe la me ne pono ne se veli mai ia Koe, ko olotou mata ke se mae i te kiloga ki se mea vagana loa ko Koe. Fai aka latou ke lasi i te fiafia mai i te suiti o Tou sikuleo faka-te-lagi te la ko motu i ei latou mai i kopikopiiga katoa vagana ko Koe, kae ka fuli katoatoa kia Koe, kae fakamaluga Koe i faka-nofonofoga katoa, kae fai atu penei: “Vikiiga e o Koe, O te Aliki te motou Atua, pe la loa mo Koe ko oti ne faka-mafai ko matou ke lavea a Koe a te tafasili i te matagofie mo te maluga. Matou, mai i luga i Tou alofa-kaimalie, ka piki mau kia Koe, kae ka motu matou mai i so se mea na ko Koe. Ko talitonu matou ia Koe ko te Fagasele o lalolagi mo te Tufuuga o te lalolagi mo te lagi!”

Te silisiliese io te Atua, ko te Aliki o te foafoaaga katoatoa!

E maluga kae matagofie a Koe, O te Aliki toku ATua! A Koe ko Ia Tela mai i te vavau ne pei ki te gatu o te afioga, mo te pule mo te maalosi, kae ka tumau ki te favavau o olo tasi mo te fakaaloalo, mo te maalosi mo te matagofie. A latou o te iloa, tasi kae katoa loa, e tu ki luga kae ofo i mua o failoga mo alofaaga o Ou tugalima, ka ko te atamai, aunoa mo se tino e sao, e seai se iloa o fakamatala a te feitu lilo o Latou Kola ko Faifekau o Tou mafi mo te maalosi. So se tagata o te iloa ko oti ne fakaasi tonu ki te aunoa mo se maalosi o fanaka ki luga i koga maluga o Tou poto, ka ko so se tagata o te iloa ko oti ne fakamatea mai a tena se-mafai o fuafua a te natula o Tou Uiga Tonu.

Ko oti ne pono a te auala te la e fano kia Koe, a Koe ko oti, i Tau pulega kae mai i te maalosi o Tou finagalo, ne kalaga ke tu mai a Latou Kola ko Faifekau o Koe, kae ko oti ne fakaeke a Latou mo Tau fekau ki Au tino, kae fai a latou ke fai mo Aso-Kamata o Tau fakamaalosiiga, ko Kope Taua o Tou Poto, mo Koga Tausi o Tau Fakatokaaga, ko te mea ko tagata katoa ke mafai, mai ia Latou, o fuli atu olotou mata kia Koe, kae ke mafai o fakapilipili atu ki te maalo o Tau Fakaasiiga mo te lagi o Tou alofa atafai.

Au e akai totuli kia Koe, tena la, ia Koe mo Latou, ke tuku ifo ki lalo, mai i te lima taumatau o te kalauna-a-tupu o Tou alofa-atafai, ki luga ia latou katoa i te lalolagi, te la ka masolo keatea mai i te lailaiiga o olotou soli tuakoi o teke atu kia Koe, kae fai a latou ke tapuaki katoatoa kia Koe, O ko Koe i Ou lima ko te kamataga o mea-alofa katoa, ko te mea ke mafai latou o tu ki luga o tavini a Tau Fakatokaaga, kae motu mai a latou mai i mea katoa na ko Koe. A Koe ko te Mafi-Katoatoa, ko te Matagofie-Katoatoa, ko te Se-Mafai o Taofigina.

O toku Atua, toku Matai, toku Fagasele-Lei! Au ko Tau tavini o te tama tagata o Tau tavini. Ko oti ne puke mau ne au a te kafanoa o Tou alofa-atafai, kae piki mau ki te kapa o te gatu o Tou iloa-poto atafai. Au e akai kia Koe, i Tou Igoa Tafasili i te Takutakua, Tela a Koe ko oti ne tofi me ko te Palanesi mautakitaki i vasia o fenua, a ko Tau Fakatalitonuuga e Se-mafai-o-se ki tagata katoa, ke se liakina au, io me tuku tiaki au mai i oku mafaufauga faitogafiti. Tausi aka ne Koe mai lalo ote ata o Tou Se-mafai-lele-o-agasala Tafasili i te Maluga, kae fakamafai aka au ke fakalauefa a Koe kia Koe Tonu loa i vasia o te lukuuga o Au mea ola. Sa taofigina mai ia au a te manogi Faka-te-Lagi o Ou aso, kae sa liakina au mai i manogi suiti e agiagi mai i te Aso Kamata o Tau Fakaasiiga. Fakaeke aka ki luga ia au a mea lei o te lalolagi nei mo sua lalolagi, mai i te maalosi o Tou alofa-atafai te la ko oti ne siomia i mea faiite katoa ka ko Tou alofa-fakamagalo ko oti ne silia atu i te foafoaaga katoatoa. A Koe ko Ia Tela e taofi i Ou lima a te maalo o mea katoa. E fai ne Koe a so se mea e manako Koe ki ei mai i luga i Tau fakatonuuga, kae filifili, mai i te maalosi o Tou mafi, a so se mea e manako Koe ki ei. E seai e mafai o teke atu a Tou finagalo; e seai e mafai o fakamaumau a te maalosi o Tau fakatonuuga. E seai aka foki se Atua na ko Koe, ko te Mafi-Katoatoa, ko te Matagofie-Katoatoa, ko te Tafasili i te Maumea-Mataefa.

E lavea ne Koe, O toku Atua, a Tau tavini te la e nofo i te fale-puipui tenei, e motu katoatoa mai i sose tino na ko Koe, ko ona mata e fuli atu ki te auala o te Aso-Kamata o Tou alofa-fakamagalo, ko tena loto e nnau ki faka-asiiga gali o Tou alofa-mana. A Koe, O toku Aliki, ko oti ne luku fakatasi aka a famai ko la ne oko aka kia ia i Tou auala. E lavea ne Koe a ia e salasala se auala mo Au mea ola faiite ko la ne soli tuakoi kae teke atu kia Koe, ko la e nofo i te va o ia mo Au fagasele, ko la ko oti ne fakatumau a tena koga-nofo i te fenua tenei kae agasala atu kia Koe, pela foki mo te faka-lavelave ki Au tavini mai i te fuli atu kia Koe.

Mo mea katoa konei e tuku atu ne au a taku fakafetai kia Koe, O toku Aliki! Au e akai totuli kia Koe ke feasoasoani mai kia au mo latou ko la e alofa mai kia au o faka-lauefa a Tau Muna, kae ke fakafonu mai matou mo se maalosi te la ko masaki o te lalolagi nei pe la foki mo faka-lavelave ka seai ne olotou malosi o pono mai matou i te masaua o Koe kae fakamaluga a Ou uiga llei. E maalosi a Koe o fai a mea katoa; malifalifa a Koe i luga i mea katoa.

A so se tino taua e seai kae se pologa te la ko Tou lima ne mafua mai i ei, kae ko ia loa te la maumea o maumea se faka-alofa i mua o te pooko o Tou maumea. A ia tafasili i te malu o malu e maulalo ma fai ko fetaui mo fakaasiiga o Tou matagofie, a ko pule mo tupu tafasili i te mafi e seai me se faka-alofa fua manafai ko fakafetaui mo faka-talitonuuga maalosi o Tau pulega.

Ofa ki lalo, O toku Atua, a te veli o manatu e seai-ne-aoga ko la ne faka-lavelave ki te kiloga o Au tino, ko tino katoa ke fakavave ki mua ia Koe, ke mafai o sasale i te auala o Tou fiafiaaga, kae e sasale i auala o Tau Talitonuuga. Matou, O toku Atua, ko Au tavini mo Au tino faigaluega. A Koe ko lava loa kia matou ko te mea ke mafai ne matou o faka-se-aoga a te lalolagi pe la foki mo latou ko la i loto iei. Matou e lotomalie katoatoa mo mea ko la ko to mai ki luga ia matou i Tou auala, kae fai atu penei: “Tavaeega e io Koe, te la i Ou lima e maua i ei a tulaga o te fakaasiiga mo te foafoaaga, pe la foki mo maalo katoa i te lalolagi mo te lagi!”

Tavaeega e io Koe, O te Aliki toku Atua, toku Matai! E lagone ne Koe a manavaaga o latou katoa, e uiloa e manako kii o pula ki Ou mata, kae e mavae mai ia Koe kae mao mai i Tou kogaa-koga nofo. A Koe e molimau ki tagi fanoanoa a latou ko la e iloa ne latou a Koe, me ona ko latou e faka fenua kese mai mo Koe mo te olotou finafinau o fetaui mo Koe. Au e akai totuli kia Koe i loto ko la e seai aka foki ne mea i iei na ko kope taaua o Tou masausauaaga mo tavaeega, kae fakaasi atu fua a fakamanoiiga o Tou takutakua mo fakatalitonuuga o Tou mafi, ke fakaeke mai ki Au tavini ko la e manako kia Koe a te maalosi ke olo atu latou ki te nofoaga o te fakaasiiga ote gali o Tou matagofie kae ke fesoasoani kia latou ko la olotou fakamoemoega ko oti ne fakamau ke ulu atu ki loto ia Koe ki loto ite Fale Tapuaki malu o Ou alofaaga mo te alofa-fakamagalo silisiliese.

E seai soku gatu, O toku Atua! Faka pei aka au ki te gatu o Ou alofaaga atafai. Au ko fia inu, tuku mai ke inu au ite vasa o Ou alofaaga mataefa. Au se tino foou; futi atu ke pili atu ki te kamataga o Au mea-alofa, au ko masaki, fakaseai mai a taku amoga, mai i te maalosi o Tou mafi kae mai i te maalosi o Tou finagalo, ko te mea ke mafai ne au o lele i kapakau o te motu mai keatea kae ki mua i te toe tumu loa i te maluga kae matagofie o Tau foafoaaga. A Koe, e tonu, e fai a te mea e filifili Koe kiei. E seai aka foki se Atua na ko Koe, ko te Feasoasoani-i-Mea-Faigata, ko te Matagofie-Katoatoa, ko te Se-mafai-o-Taofigina.

E matagofie a Koe, O toku Aua! E iloaa ne Koe i toku fakamoemoega lasi loa i te fakaasiiga o Tau Fakatokaaga ko te fakaasiiga o Koe kae e seai ko au, ke fakaasi a Tou matagofie kae seai ko toku matagofie. I tou auala, ke maua a Tou fiafiaaga, ko oti au ne liakina a te moe, fakamanava, lifu, fiafia. I taimi katoa mo fakanofonofoga katoa a taku kilo ko oti ne fakamau ki luga i Au akoakoga, ka ko oku mata e fakasaga atu ki mea ko oti ne fakatonu mai ne Koe ke tautali ki ei i Au Tapeleti. Ko oti au ne ala aka i tafa taeao katoa ki te mainaaga o Ou tavaeega mo Tou masausauaga, kae oko atu ki afiafi katoa i te manavaaga ote manogi gali o Tou alofa fakamagalo.

Kae kafai a te foafoaaga katoatoa e gasukesuke aka, ka ko te lalolagi katoa ko polepole, ka ko manogi suamalie o Tou igoa, ko te Tavaegina-Katoatoa, ko pili o fakagata a te manavaaga i luga i Ou kogaa-koga nofo, a matagi o Tou alofa fakamagalo ko pilipili o faka-filemu i Ou kogaa-laufenua, e fai ne Koe, mai i te maalosi o Tou mafi, avaka au ki luga i loto i Au tavini, kae fai au ke fakaasi atu kia mua a Tou nofoaiga-faka-aliki i loto i Au tino. Mai i ei ne tu au ki luga i mua o Au mea ola katoa, fakamaalosigina ne Tou fesoasoani mo Tou maalosi, kae fai atu ki te saofiaaga katoatoa ke avatu kia Koe, kae fakasalalau atu ki Au tavini Ou alofaaga mo Au mea-alofa, kae kami atu a latou ke fuli atu ki mua i te Vasa, so se motiiga a vai ko la e tagi, fakasalalau atu ki tino katoa ko la i te lagi mo i luga ite lalolagi ia Ia ko te, i te tonuuga, ko te Punaa-vai o te ola katoatoa, mo te Fakaola o te foafoaaga katoatoa, ko te Pogai o te faka-aloalo o lalolagi katoa, mo te Fagasele-Lei o so se loto maina, mo te Manakoga o latou katoa kola e pili atu kia Koe.

E ui i ei a matagi maalosi o te kaitaua o latou amio se-llei e agi kae tuki ki luga i te Lamepa tenei, a Ia, e seki ai loa se taimi, i Tena alofa mo Tou alofa mataefa, ne fakalavelavegina mai i te tufa atu o te manogi gali o Tena mainaaga. Ko agasala ne fai atu kia Koe e gasolosolo loa o lasi, a toku manako ke fakaasi atu a Tau Fakatokaaga ko fanaka foki loa o maalosi, kae e mu mea aka a te pooko o fakalavelave, - kae ki te mea tenei a Tou matagofie e fai mo aku molimau – se fuafuaaga e lasi o Tou nofoaiga-faka-aliki mo Tou maalosi ko tausi ne au mo Au mea ola faiite.

Kae ite fakaotiga, au ko pei ne latou soli tuakoi ki loto ite falepuipui o te fakai ko ‘Akká, ako oku kaaiga ne faka falepuipui i Baghdád. A te maalosi o Tou mafi e fai mo aku molimau, O toku Atua! A so se fakalavelave ne oko mai kia au i Tou auala ne faopoopo mai ki toku lifu kae mu mea aka a toku loto fiafia. Au e tauto ia Koe, O ko Koe Tela ko te Tupu o Tupu! E seai se tupu o te lalolagi ne isi sena maalosi o fakalavegina au mai i te masaua o Koe io me o fakamaluga a Ou uiga llei. Kae moi fai ke tapani fakatasi a latou – me ko oti foki ne tapani fakatasi mai i mua - o teke mai kia au, kae faka asiasi a olotou pelu-tau mo olotou tao velo fakamataku kia au, e se lave au o fakalauefa a Tou igoa ke lavea ne tino katoa ko la i te lagi mo i luga i Tou lalolagi, Ikaai, kati e tagi au kae fai atu penei: “ A te mea nei, O toku Fagasele, ko oku mata ko tuku atu ne au ki Ou mata, kae e tenei a toku agaaga te la ko fai taulaga mo Tou agaaga, ka ko te mea nei ko toku toto te la e nofo i oku uaua, i te olotou manako o ligi atu ona ko te alofa mo Koe i Tou auala

E ui i ei – a Koe e lavea mai au, O toku Atua – au e nofo i se koga i loto i pui e seai se leo e mafai o lagona vagana ko te leo-tuafoki, e ui i ei a mataloa o te faigofie mo te faka-mafanafana e pono katoa kia matou, ka ko te pogisa matolutolu ko siomia ia matou mai i feitu katoa, e ui i ei a toku agaaga ko oti ne fakaula ne tena alofa mo Koe, tela e seai lele se mea e mafai o fakagata a te afi o tena alofa io me o fakmama a te ulaaga o tena manakoga. Te avakaaga ki luga a tena leo, e tagi maluga i loto i Au tavini, kae kalaga atu, i taimi katoa mo fakanofonofoga katoa, kia Koe.

Au e akai kia Koe, i Tou Igoa tafasili i te Takutakua, ke tala aka a mata o Au tavini, ko te mea ke mafai ne atou o lavea a Koe e malifalifa mai i luga atu o te sikulagi o Tou afioga mot e matagofie, kote mea ke se mafai latou o fakalavelavegina mai i te tagitagi a ulosa ki fakalogo aa a te leo ote Lupe o Tou tafatasi tafasili ite maluga, io me e fakagata gina ne kogaa vai o te faitogafiti mai i te kau atu ki te piua uaina o Tou alofa mataefa mo te solooga o mea-alofa e se mafai o gata.

Luku a latou, tena la, fakatasi faka-pukupukui i te Tulafono Faka-te-Lagi tenei, ko te feagaiiga ko oti ne fakatu ne Koe mo Pelofeta katoa mo Au Faifekau, ko olotou tulafono ko oti ne tusi ki lalo ne Koe i Au Tapeleti mo Au Tusitusiiga Tapu. Avaka a latou ki luga, tena, ki koga maluga ke mafai ne latou o atafia a Tau Kalaga.

E maalosi a Koe o fai a te mea e fiafia Koe kiei. A Koe, e tonu, ko te Se-Mafai-o-Okogina, ko te Matagofie-Katoatoa.

E matagofie io Koe, O te Aliki toku Atua! E lavea mai ne Koe au e nofo i te fale-puipui tenei te la e takato mai i tua o kogaa-tai mo maunga, kae e iloa fakalei loa ia au ne kolomaki loa ona ko te alofa mo Koe pe la foki ona ko Tau Faka-tokaaga. A Koe ko Ia, O toku Atua, Tela ne apai aka au ki luga i Tau faka-tonuuga, kae fai mai kia au ke nofo i Tou nofoga, kae ke kalaga atu ki tagata katoa ki te fale o Tou alofa-fakamagalo. Ko Koe Tela ne fakatonu mai au ke fai a mea ko la ne fakasino ne Koe mo latou i te Tapeleti o Tau faka-tonuuga kae ne tusi i te pene o Tau Fakaasiiga, pe la foki mo Ia Tela ko oti ne kau tasi mo au i te tiute o faka-ka a te afi o Tou alofa i loto o loto o Au tavini, pe la foki mo te futiiga mai o tino katoa o te lalolagi ke pilipili mai ki kogaa-koga nofo i ei a Tou kalauna-a-tupu.

Kae i taimi, pe la mo Tau faka-tonuuga, ne tu au ki luga o kalaga atu, mai i Tau taliaaga, a Au mea ola faiite katoa, mo latou ko la e se faka-logo i vasia o Au tavini ne teke mai katoa kia au. Ko nisi ne fuli keatea mai ia au, ko nisi ne fakasee ne latou a taku mau, a ko niisi ne fakalave, ako nisi ne numi valevale, e uiloa a Tau faka-maoniiga ne fai fakalei atu loa ki mua o tino o talitonuuga katoa, pe la foki mo Tau faka-talitonuuga e fakaasi ki tino katoa o te lalolagi, pe la foki mo failoga o Tou mafi te la e fakaasi mai mo te maalosi kae siomia i ei a te foafoaaga katoatoa.

Ako au e tekegina ne oku tino, e uiloa, pe la mo te mea e iloa e Koe, a latou e fagasele kia au ako au ne manako kia latou a mea ko la e manako foki loa mo au. A latou konei ko latou ko la, i te iloaga ne latou ia au ne pei ki te fale-puipui, ne fai ne latou a mea se lei ki au ko la e seki ai aka loa se tagata i te lalolagi ko oti ne fai ne ia.

Au e akai kia Koe, tena, O toku Atua, mai i Tou igoa te la ne vae ne Koe a te mea tonu mo te se-tonu, o fakama aka a olotou loto mai i faka-osoosoga tiapolo katoa, kae fai aka ke mafai ne latou o futi atu ke pili atu kia Ia Tela ko te Aso-Kamata o Ou igoa mo Ou uiga gali.

E iloa ne Koe, O toku Atua, ia au ko oti ne motu mai a sokooga katoa ko la e fusi i ei au ki so se mea ola a Koe vagana ko te sokoaga maluga te la e fusi tasi i ei au ki so se mea te la e piki kia Koe, i te aso tenei o te fakaasiiga o Koe tafasili ite maluga, te la ne sae mai i Tou igoa, ko te Faka-aloalogina-Katoatoa. E iloa ne Koe ia au ko oti ne fakaseai a sokoga katoa ko la ne sui tasi i ei ki so se tino o oku kaaiga vagana ko latou ko la e fiafia i te pili o latou ki Ou mata tafasili ite malifalifa.

E seai soku finagalo na ko Tou finagalo, O toku Aliki, kae e seai se manakoga e fakataua ia au na ko Tou manakoga. Mai i taku pene e tafe mai i ei a faka-tonuuga ko la ko oti ne fai mai ne Tau pene maluga, a ko toku laulaufaiva e seai se mea e faipati ki ei vagana ko te Agaaga Tafasili i te Takutakua ko oti ne faka-salalau mai i te maalo o Koe mai i te pilitakiiga. Au e gasuesue ne te seai na loa ko matagi o Tou finagalo, kae e seai e manava au kiei vagana ko muna ko la, mai i Tau taliaaga mo Tau faka-maalosi manava, e mafai i ei ne au o fakasalalau.

Tavaega e io Koe, O ko Koe Tela ko te Fagasele-Gali o latou katoa ko la e iloa a Koe, mo te Manakoga o loto o latou ko la e faka-tuanaki kia Koe, pe la eloa mo latou ko oti ne fai ne Koe mo fai a taketi mo famai ko oti ne pokotia kia au ona ko toku alofa mo Koe, mo te pogai o taua ne fai kia au i Tou auala. A Tou matagofie e fai mo aku molimau! E mafai ne au, aunoa mo se pogai, o lagona a te seai-se-onosai o fili ko la ne fetaui mo au ona ko toku alofa mo Koe. Mai i te toe aso ne fakaasi ne Koe a Koe kia au, ko oti ne talia mo au a so se vaega faka-lavelave. I minute katoa o toku olaga a toku ulu e tagi kia Koe kae fai atu penei: “Kafai, O toku Aliki, ne avaka au mai i luga i te mata poini o te tao velo i Tou auala!” a ko toku toto e fai atu kia Koe penei: “Fakalanu a te lalolagi fakatasi mo au, O toku Atua, ona ko Tou alofa mo Tou fiafiaaga!” E iloa mai ne Koe ia au e seki ai aka loa se taimi ne sala au ke puipui a toku fuaitino mai i so se faka-lavelave, kae ko au ne tumau o nofo faka-talitali ki mea ko oti ne fakaeke mai ne Koe mo au i te Tapeleti o Tau faka-tonuuga.

Ke lavea, tena O toku Atua, toku nofo tokotasi i vasia o Au tavini mo toku mao mai i Ou taugasoa mo Au tino filifilia. Au e akai totuli kia Koe, mai i vaiua o kaumana o Tou alofa-fakamagalo, te la ne fai ne Koe ke pula a Ou tavaeega mo te faipatiiga a ko pula lakau o Tou atamai mo te fakamaoniiga ko sae aka ki luga i loto o latou katoa ko la ko oti ne iloa ne latou a Tou tafatasi, ke avatu ki Au tavini mo tino katoa a fuataga o te lakau ola o Tou fakatasitasi, i aso konei i taimi ko oti ne fakatu ne Koe a te kalauna-a-tupu o Tou alofa-fakamagalo. Sa faka-lavelavegia a latou, O toku Aliki, mai i te maua ne latou a mea ko la e isi ia Koe, kae tusi ifo ki lalo mo latou a mea ko la ka feasoasoani kia latou ke mafai ne latou o olo aka ki luga i te tumu o Tou alofa-tauanoa mo alofaaga. Tuku atu foki kia latou, ke inu ite vai ola o Tou poto, kae fakaeke mo latou a te lei o te lalolagi nei mo te lalolagi ma vau.

A Koe e tonu, ko te Aliki o Bahá, mo te Fagasele o tena loto, mo te Faka-moemoega o tena manakoga, ko te Faka-malosiiga o tena laulaufauva, mo te Kamataga o tena agaaga ola. E seai aka se Atua na ko Koe, ko te se-mafai o Okogina, ko te Tafasili i te Maluga. Ko Koe, e tonu, ko te Mafi-Katoatoa, ko te Tafasili i te Maluga, ko te Fakamagalo-Katoatoa, ko Tafasili i te Alofa-fakamagalo.

E fakaaloalogina a Koe, O te Aliki toku Atua! Au e tuku atu kia Koe a te fakafetai aua ne faka-mafai au ke lavea ne au a te Faifekau o Koe, mo te motu mai au mai i Ou fili, kae tuku aliali mai i mua o oku mata a olotou amio se-lei mo amioga masei ne fai i taimi o Ou aso, pe la foki mo te fakaseai mai ia au a te faka-pikiiga kia latou, kae fai au ke fuli katoatoa atu ki Tou alofa-fakamagalo mo alofaga kaimalie. Au e tuku atu foki kia Koe a fakafetai ona ko tuku ifo ki lalo ia au mai i kaumana o Tou finagalo a mea ko la ka fakamana i ei au mai i faka-osoosoga a latou masei mo musumusuuga a latou ko la e se-talitonu aua ia au ko oti ne fakamau fakalei loa a toku loto i luga ia Koe, kae ko tele keatea mai ia latou ko la e fakaloi ne latou a te mainaaga o Ou mata. Tena foki au e fakafetai kia Koe auaa ne faka-mafai mai au ke tumau a te maalosi i Tou alofa, kae ke mafai o faipati atu a Ou tavaeega kae fakamaluga a Ou uiga lei, pe la foki mo te aumai ke inu au i te ipu o Tou alofa-fakamagalo te la e silia atu i mea katoa e lavea mo te se-lavea.

A Koe ko te Mafi-Katoatoa, ko Tafasili i te Maluga, ko te Faka-aloalogina Katoatoa, ko te Alofa-Katoatoa.

Taveega e io Koe, O toku Atua, e lavea mai au ne Koe e loka i te Falepuipui tenei, kae eiloa fakalei loa ia au ne ulu ki loto nei ona loa ko Koe mo te faka-aloaloga o Tau muna mo te faka-salalauga o Tau Fakatokaaga. Au e tagi atu kia Koe, i te taimi loa tenei, O ko Koe Tela ko te Aliki o lalolagi katoa, o akai totuli atu kia Koe, i Tou Igoa e seai se-fa-lotoloto-lua i ei, ke fakapilipili mai a loto o Au tavini ki te Aso-Kamata o Ou tofiiga tafasili i te maluga mo te Fale Maalu Tapuaki o Au fakailoga tafasili i te malifalifa.

Kae ko fakalavelave kola ne oko mai kia au i Tou auala, O toku Atua, ne mafai foki pefea a toku loto o fiafia i Ou aso, kae moi fai se ko toto ko la ne maligi mo te alofa mo Koe, ne mafai foki pefea o pokotia a mata o Au fino filifilia mai i mua o mata o Au mea-ola faiite? Au e tauto ki Tou Mafi! A te lakei te la e fakasafe i mata o Au fagasele ko toto ko la, i te olotou alofa mo Koe, e tafe mai ki tua i olotou mualae ki luga i olotou mata.

E lavea ne Koe, O toku Atua, i ivi takitasi i toku fuaitino ko tagitagi pe la me se paipa mo pese o Tau faka-maalosi, e fakaasi mai i ei a failoga o Tou tafatasi mo alofaaga manino o Tou fakatasitasi. Au e akai kia Koe, O toku Atua, mai i Tou igoa te la e salasala a mea katoa ke avaka ki luga a tavini ko la e fia faka logologo ki te leo o sikuleo ko la ne olo aka ki luga mai i te lima taumatau o te kalauna-a-tupu o Tou matagofie. Fai a latou, tena la, ke inu mai i te lima o Tou alofa mana o te uaina o Tou alofa-fakamagalo, ko te mea ke mafai o fakatalitonu ki olotou loto, kae fai a latou ke fuli keatea mai i te lima fakamaui o manatu fakasupsupa ki te lima taumatau o te talitonu-faka-patonu mo te talitonu katoatoa.

Nei la ko oti ne takitaki ne Koe a latou ki te mataloa o Tou alofa mana, O toku Aliki, sa liakina latou keatea, i Tou alofa-maukoloa; kae nei ko oti ne kalagina ne Koe a latou ki te sikulagi o Tau Fakatokaaga, tausi a latou mo a e se oloatu kia Koe, mai i Tou alofa-kaimalie mo alofaga. E maalosi a Koe o fai a te mea e manako Koe ki ei. E seai se Atua na ko Koe, ko te Maluga, ko te Iloa-Katoatoa.

Matagofie e io Koe, O te Aliki toku Atua! A te laulaufauva o toku fuaitino mo te laulaufaiva o toku loto, oku lima mo oku totooga o toku fuaitino, so se uaua e mavanavana i loto ia au, so se laulu o toku ulu, e faipati katoa ia Koe ko te Atua, e seai aka foki se Atua na ko Koe. Mai i te vavau A Koe ko se fuafuagina ite maluga mai i luga atu i fakapauuga mo fakatusaaga, kae fakamana mai i so se mea e sokotaki ki te foafoaaga ne faiite kae fakagali ne Koe. Mai i te vavau a Koe e tokotasi, kae e seai aka e faitasi i te afioga o Tou tokotasi, kae ne tumau pena mai iluga atu i mafulifuliiga mo avanoaaga ko la e pokotia katoa i ei Au mea ola.

Kae kafai e finagalo Koe o fakaasi a te maalosi o Tou nofoaiga-faka-aliki mafi, kae takitaki a te auala o Ou tino, ne avaka ne Koe ki luga mai i loto i Au mea ola a se Tasi o Au tavini, Tela ne uga mai ne Koe mo failoga o Tou nofoaiga-faka-aliki, Tela ne fakafonu ne Koe ki alofaaga manino o Tou tafatasi ke mafai ne Ia o fakataunu a Tau fakamaoniiga ki mea faiite katoa, kae fakasako a Tau molimau fakatalitonu i mua o tagata katoa.

I taimi loa a Ia e fakaasi me ko Ia, pe la mo te tonu a Koe, ka kalaga ki Au tavini ke fuli ki te auala o Au mea-alofa kae fuli atu olotou mata ki te sikulagi o Tou poto, a failoga o te se fealofani ko sae mai i vasia o latou. Ko niisi ne fakalogo ki Tau kalaga kae, aunoa mo se talave, ne tautali ki Tau kalaga. Ko niisi ne fuli a olotou tua kia Koe, kae tautali ki manakoga faitogafiti.

Au e fakamolemole kia Koe, O toku Atua, i Tou Igoa Tafasili i te Lasi, ke puke atu a fenua katoa mai i te maalosi o te Muna te la ne fakasopo aka ne Koe me kote tupu o muna katoa, ko te Muna te la a penina lei o Tou atamai funa ne suke aka ki luga, ka ko mea lilo taua e ufi i loto ia Koe ne fakaasi aka. Sa liakina a latou, i Tou alofa atafai mo te mataefa, ki mea ne manako a Koe mo latou, kae sa fakamae gina a latou ke to mao mai i matafaga o te vasa o Tou nofo-mai.

So se olaga, me e lavea io me e se lavea, O toku Aliki, e molimau i Tou alofa-fakamagalo ko oti ne silia atu kia luga ia latou, au e akai atu kia Koe, mo mata o Tou alofa fakamagalo. Ko Koe ko te Fakamagalo-Katoatoa, ko te tafasili i te Alofa-Atafai. Fakamasino a latou pe la mo te mea e tau ki Tou matagofie, mo Tou afioga, mo Tou takutakua mo Tou alofa mataefa mo Tou alofa atafai. Sa fakamasino gina a latou e tusa mo tapula ko oti ne fakatu ki luga ia latou, io me ko mafulifuliiga uke o te lalolagi tenei.

E iloa ne Koe, O toku Aliki, ia au se tasi o Au tavini. Ko oti ne tami au i te suamalie o Tau lauga, kae fakapatino ki Tou fakatasitasi mo Tou tokotasi, kae tuku atu oku mata ki mua ite Kamataga o Ou igoa tafasili i te lei mo te Aso-Kamata o Ou uiga silisiliese, kae talosaga ke fakamafai ne Koe o ufi aka au ki lalo i te vasa o Tou tafatasi kae ke nofo au mai i lalo o te vai mafi o Tou fakatasitasi.

Feasoasoani mai au, i Tou alofa maalosi, O toku Aliki, ke fai a te mea e finagalo Koe o fai, kae sa taofigina mai ia au a mea ko la e nofo mo Koe. Tena la fakamaina mai au ki mea fakaofoofogina o Au faipatiiga ko te logoaa mo kopikopiaaga o te lalolagi nei ke seai se maalosi o latou o kave au keatea mai i te fuli atu kia Koe, kae ke se-mafai ne latou o lue keatea a toku tumau i Tau Fakatokaaga, ke fai mo fakalavelave ki taku kilo mai i te sikulagi o Tou alofa atafai. Feasoasoani mai kia au, tena la, O toku Atua, ke fai a te mea e fiafia a Koe kiei, kae ke fai a mea i Tou finagalo. Tusi ifo ki lalo mo au, tena la, a lei o te lalolagi tenei mo te lalolagi ma vau, kae fakasino mai mo au a te nofoaga o te mea tonu i Tou nofo-mai. E maalosi a Koe o fai a te mea e loto Koe ki ei. E seai aka foki se Atua na ko Koe, kote Se-Mafai-o-Okogina, ko te Matagofie-Katoatoa, ko Tafasili ite Takutaku.

Ko tavaeega katoa e io Koe, O te Aliki o lalolagi mo te Pogai o te fakaaloalo o te foafoaaga katoatoa!

Ko matafi nei ko mea katoa ko oti ne ola lei kii anamua i te Palataiso o Tou tafatasi maalosi, O toku Atua! Ko fea a kaumana vaiua o Tou alofa-fakamagalo? Ko oti ne kati a kaula o te Lakau Ola o Tou fakatasitasi o te gatu o Tou afioga mo te atamai; tefea a te taimi-malulu o Au mea-alofa mo maukoloa? E takato a te Vaka o Tau Fakatokaaga aunoa se gasuesue i luga i te tai o Tau foafoaaga; ko fea a matagi o Tou alofa kaimalie mo alofa tauanoa? E ufi mai i feitu katoa ko Tau Lamepa mai i kaumatagi o te se-fealofani e agi mai i fenua taki tasi, e tefea a te lalolagi o Tou alofa-kaimalie mo te puipuiiga?

E lavea ne Koe, O toku Atua, me e pefea a mata o latou mativa ko fakasaga tonu ki luga i te sikulagi o Au maumea, me e pefea a loto o latou faka-alofa ko fakamau i te auala o Tou mafi. Au e akai kia Koe, O ko Koe Tela ko te Manakoga tokotasi faeloa o latou ko la ko oti ne lavea ne latou a Koe, mo te Pogai o te fakaofoofogia o te foafoaaga katoatoa, ke se-fakapokotiagina a latou, nei aua ia Koe ko oti ne fakalata mai a latou ki Tau Muna tafasili i te maluga, ke mao mai i te Fale Tapuaki malu te la ne fakatu ne Koe i Tou igoa, ko te Matagofie-Katoatoa.

Ko oko loa a te olotou fakalavelave, O toku Aliki, kae ko siomia latou ne te masei. Tuku ifo ki lalo, tena, mai i te lagi o Tau pule Au lukuuga e se-lavea, ko te mea, ke taofi ki luga a fakailoga o Tou manumaalo, e mafai ne latou o feasoasoani a latou i Tou fenua, kae ke mafai ne latou o puipui a latou mai i Ou fili.

Au e akai kia Koe, O toku Atua, mai i Tou igoa te la ne vaiua ifo ki lalo mai i kaumana, kae e tafe mai i ei a vai, mo te afi o Tou alofa ko oti ne faka-ka salalau i Tou maalo, ke fesoasoani a Tau tavini te la ko oti ne fuli atu kia Koe, kae ko oti foki ne faipati ki Ou tavaeega. Kae e tonu ia ia o fesoasoani kia Koe. Fakamaalosi, tena, a tena loto, O toku Atua, i Tou alofa mo Tau Talitonuuga. E lei atu mo ia ilo a mea katoa ko la ko oti ne faiite i Tou lalolagi, mo te lalolagi me i so se mea i loto e tau o tanumia ifo ki lalo, ka ko mea ko la e ia Koe e tumau pena me e pefea a te tumau o Ou igoa tafasili i te maluga. I Tou Matagaofie! Kafai a te lalolagi e tumau ki te leva o te tumau o Tou maalo, ke fakamau a olotou alofaaga ki luga i ei e se mata-tau mo latou ko la ne inu, mai i lima o Tou alofa-fakamagalo, a te uaina o Tou nofo-mai, e pefea a te lasi atu manafai ko iloa ne latou a tena mausolosolo kae ko talia ne tena se-tumau. A avanoaaga ko la e maua ne ia, mo mafulifuliga ko la a mea katoa e sokotaki ki ei e tumau o pokotia, molimau foki ki tena se-tumau.

So se tino ko oti ne lavea a Koe ka fuli ki te seai aka foki na ko Koe, kae ka sala mai ia Koe e seai aka foki na ko Koe. Ko Koe ko te Manakoga tokotasi faeloa o te loto o ia ko la ona mafaufauga e piki mau ki luga ia Koe, pe la foki mo te Fakamoemoega maluga o so se tino tela e fakatuanaki kia Koe.

E seai aka se Atua na ko Koe, ko te Mafi-Katoatoa, ko te Feasoasoani-i-Mea-Faigata, ko te Matagofie-Katoatoa, ko te Tafasili i te Maalosi.

E fakalauefa-gia a Tou igoa, O toku Atua, ona ko te mea te la ko oti ne fakaasi ne Koe i te Aso te la ko te Tupu o Aso, ko te Aso te la ne fakasalalau ne Koe ki Au Tino filigia mo Au Pelofeta i Tau Tapeleti tafasili i te takutakua, ko te Aso te la ne avatu ne Koe a te gali o te matagofie o Ou igoa katoa ki luga i mea faiite katoa. E takutakua a tena faka-manuiaaga o so se tino te la e agai tonu atu a ia kia Koe, kae ulu atu ki Tou nofomai, kae maua a sikuga leo o Tou leo.

Au e akai totuli kia Koe, O toku Aliki, mai i luga i te igoa o Ia Te la e tamilomilo i te faka-aloalo o te maalo o Ou igoa, te la ka fesoasoani a Koe mo te alofa kia latou ko la e pele kia Koe ke faka-maalu a Tau muna i loto o Au tavini, kae o faka-salalau ki tua atu a Ou tavaeega i loto i Au mea faiite, ko te fiafia mo te lifu o Tau faka-asiiga ke fakafonu a agaaga ola o latou katoa ko la i Tau lalolagi.

Ona ko latou ne takitaki gia ne Koe, O toku Aliki, ki te vai ola o Tou alofa-kaimalie, talia aka, mai i luga i Tou maukoloa lauefa, ko te mea ke se taofigia a latou ki tua mai ia Koe; kae ona ko oti ne kalagina ne Koe ki koga koga o Tou kalauna-a- tupu, sa afuli gina a latou mai i Tou nofo mai, mai i luga i Tou alofa-atafai. Tuku ifo kia matou a mea ko la ka fai a latou ke motu katoatoa mai i so se mea na ko Koe, kae fai aka latou ke mafai o lele ki luga i te ea o Tou nofo pili mai, i se auala te la e se mafai lele loa ne te fanaka ki luga o te kau teke, io me ko fakatauuga a latou ko la ko se talitonu i Tou Fuaitino tafasili ite maluga mo te mafi.

E maluga a Tou Igoa, O ko Koe i Ou lima ko te maalo o igoa katoa, kae puke ne Tena mafi ko mea katoa i te lagi mo katoa i te lalolagi! Au e akai fakamolemole kia Koe, ia Ia Tela ko Tou Igoa Tafasili i te Maliflifa Tela a Koe ko oti ne fai mo taketi ki matasana o Tau fakatonuuga i Tou auala, O ko Koe ko te Tupu ote favavau, ke ofa ki lalo a veli ko la ne pono Au mea ola mai i te sikulagi o Tou matagofie, ko te mea ke mafai ne latou o fiafia o fuli atu olotou mata ki te auala o Tou alofa-fakamagalo, kae fakapilipili atu ki te Aso-Kamata o Tou alofa-kaimalie.

Sa liakina Au tavini kia latou eloa, O toku Aliki! Au mai a latou mai ite faka-pokotia o Au faipatiiga ki te maalumalu o Tau faka-maalosiiga, mo te Ulu-vai o Tau Fakaasiiga, mo te Koga Tausi Kope Taua o Tou atamai. A Koe ko Ia Tela a Tena mafi mo te maalosi e molimau gina ne mea katoa, ko Tena pogai e seai se aka mai i mea katoa ko oti ne faiite i Tou lagi mo Tou lalolagi e mafai o fakatuai gina.

Fai a latou, na la, ke manumaalo, O toku Atua, Au tavini ko la ko oti ne tuku tonu olotou mata ki mua ia Koe, kae fakasaga olotou sasale ki te nofoaga o Tou alofa-atafai. Tuku ifo, na la, ki luga ia latou a mea ko la ka tausi i ei latou ke saogalemu mai i te fakamataku o mafuli atu ki se isi aka na ko Koe, mo te fakamau olotou mata ki luga i se isi aka vagana ko Koe.

E maalosi a Koe o fai a te mea e loto Koe ki ei, kae e pule pe la mo te mea e fiafia Koe kiei. E seai aka se Atua vagana ko Koe, ko te Atua o te matagofie mo te atamai.

Matagofie e io Koe, O te Aliki toku Atua! Au e akai totuli kia Koe i Tou Igoa, ko te Tataofi, ke taofi mai ia matou a te fakamasei o Ou fili ko la ko se-talitonu i Tau fakatalitonuuga, kae kaitaua ki Tou gali. Fakatakavale ite maalosi o Tou Igoa, ko te Tausi-ki-lalo-Katoatoa a mea tupu, pela mo latou ko oti ne see ki Au Faifekau mai mua atu ko teka Tela ko sae mai nei mo te Tou igoa foou, ko te Matagofie-Katoatoa. Taofi aka, i Tou igoa, ko te Akoako, ki luga ia latou e fai muna ki Tau Fakatokaaga kae fakatauemu ki Au faipatiiga tafasili i te mafi, kae fakalavelavegina mai i te maua o te tulaga tafasili i te maluga tenei. Faka-mafai aka au fagasele, mai i Tou Igoa, ko te Manumaalo, ke sopoia atu i Ou fili mo latou amio se-llei i loto i Au mea ola. Ofa gina, i Tou Igoa, ko te Poto mote Atamai, a te veli tela e muni i ei a faiga a latou te la ko oti ne fakalailaigina a Tou fakaaloalo kae fakafoliki a Tau Talitonuuga i loto i Ou tino. Fusi tasi, i Tou Igoa, ko te Toe Fakafou o feitu se-llei, a loto mafatia o latou ko la e alofa mo Koe, kae fakamanuia alofa a latou i olotou mea e fai. Akoako a latou, i Tou Igoa, ko te Iloa-Katoatoa, a mea gali o Tou atamai, ko te mea ke mafai e latou o piki mautakitaki ki Tau Talitonuuga kae sasale i auala o Tou fiafiaaga. Tausi a latou ke sao i Tou Igoa, ko te Tataofi, mai i te masei o ia teke mo amio matamua o latou amio leaga mo te masei fakamae o te kau kosu kae matamua. Puipui aka a latou, i Tou Igoa, ko te Tausi, i loto i te olo-tau o Tou mafi mo te maalosi, ko te mea ke fiafia a latou e tausi gina mai i matasana o te faletonu ko la e pei pei atu kia Koe. Fakamana Au tavini, i Tou Igoa te la ko oti ne fakamanuia ne Koe mai i luga atu i igoa aka katoa, te la ko oti ne fakapatino aka ne Koe mo Ou alofaaga, te la e fakaasi ne Koe a Tou gali, ko aso konei a te Pene o Tau ikuuga ko oti ne tusi fakallei loa, tela i Tau finagalo mo te atamai, ko leva ne fakaeke i Tau Tapeleti e se-mafai o mafuli. Ona ko Tau tulafono, i Tou Igoa, ko te Manumaalo, a tino o Tou lalolagi, ke mafai o fuli atu ki Ou mata kae liakina a latou ona ko te alofa mo Koe ona foki ko Tou fiafiaaga.

Tuku ifo ki lalo, O toku Aliki, Ou fili, kae taofi atu a latou i Tou maalosi mo te mafi, kae tuku atu a latou ke pokotia ne te pa-aga o Tou kaitaua. Fai latou ke tami aka, O toku Atua, i Tou afioga fakamataku kae fakasala, aua ia latou ko se talitonu i te mea tonu o te Tasi ia Ia Tela latou ko oti ne talitonu, Tela ne vau kia latou mo Au failoga mo Au alofaaga manino mo fakatalitonuuga o Tou maalosi mo fakaasiiga uke o Tou mafi. Luku, na la, fakatasi aka a latou ko Au fagasele i lalo ote ata o te Lakau Ola o Tou tafatasi, mote Faifekau o te mainaaga malialifa o Tou fakatasitasi.

A Koe, e tonu, ko Tokotasi a Tena maalosi e se fuafuagina, Tena kaitaua e faigata. E seai aka foki se Atua na ko Koe, kote Mafi-Katoatoa, kote Tafasili ite Maalosi.

E lauefa a Tou igoa, O te Aliki toku Atua, pe la loa mo te faiga ne Koe au ke faka-logologo ki Tou leo, kae kalaga mai au kia Koe, kae tala oku mata ke kilo tonu ki Tou gali, kae fakamaina a toku loto i Tou poto, kae faka-manuia mai oku fatafata mai i fa-lotoloto lua o latou fakatupu fakalavelave i Ou aso. Au ko te tasi, O toku Atua, te la ne moe kii loa i tena moega, kae poi atu, a faifekau o Tou alofa tuafia ko oti ne uga mai ne Koe ki lalo ia au, a ko te matagi faka-alofalofa o Tou alofa-atafai e agiagi i luga ia au, kae fago ne ia au ki luga, kae fai ko oku mata ke saga tonu atu ki te kogaa-koga tapu o Tou poto, kae fakamau oku mata ki te malifalifa o te mainaaga i Ou mata.

Au se mea ola kae mativa, O te Aliki, Kilo mai kia au e piki mau ki te kapa o te gatu o Tou maumea. Au ne tele mai i te pouliga mo te nofo se-toka ki te mainaaga o te molii o Ou mata. Moi fai Au – kae ko Tou matagofie e molimaugina –ne siki atu a te fakafetai kia Koe, mai i taimi ne faka-galue i ei a Tou maalo ki te leva o te lagi o Tau pulega, koi siki maua loa ne au o taui atu Au fakamanuiaaga se lausia.

Au e akai totuli kia Koe, O toku Aliki, i Tou igoa, a te Kufaki Katoatoa, pe la foki mo Tou igoa te la ne fakeke mai ne Koe me ko toe mea faigaluega e fusi i ei a Koe mo Au tavini, ke talia mai ke mafai ne au o lele o lafi i Tou mataloa, kae talanoa atu Ou tavaeega. Tusi ifo, tena la, mo au, i Ou lalolagi katoa, a te mea te la ka mafai i ei au o ulu mai lalo o Tou malu kae mai i loto i tuakoi o Tou fale.

Koe, e tonu, ko te Mafi Katoatoa, ko te Tafasili i te Maukoloa, ko te Tafasili i te Maluga, e Fakamagalo Katoatoa, ko te Tafasili i te Kaimalie.

Tavaeega katoa e io Koe, O te Aliki, toku Atua! E seiloa ne au o usu pefea a Ou tavaeega, o fakamatala a Tou matagofie, o kalaga ki luga i Tou Igoa. Kafai e kalaga ki luga i Tou Igoa, ko te Pule-Katoatoa, Au e futiigia ke lavea a Ia Tela e puke i Tena lima a kogaa-koga e fakaoti ki ei a mea faiite katoa e seai na se atigi mea fua e fakana ki luga ia Koe, kae se mea ne faiite mai i te muna e tasi ne puna mai i tou muagutu. Kae kafai e faka-salalau ne au a Koe i Tou igoa Tela ko te Tuku-fakatasi-katoatoa, e maua ne au fakavave me ia Ia e seai na ko te to ki laloi luga i te pefu, ite mataku ona ko Tou mafi-kaitaua, ko Tou nofoaiga-a-tupu mo te maalosi. Kae kafai e taumafai au o faka-matala a Koe mai i te fakamana o te tafatasi o Koe, e iloa ne au fakavave i se mafaufauga pena ne manatu fua o oku ne faiite mai i oku manatu faka-supasupa, a ko Koe mai i anamua loa e silia atu a te maluga mai i luga i manatu valea ko la ne faiite mai i loto o tagata.

Ko te matagofie o Tou mafi e fai mo aku molimau! So se tino te la e fai me e iloa ne ia a Koe ko oti, mai i te uiga o tena mau tena, ne molimau ki ei a tena valea; kae sose tino te la e talitonu ia ia ko oti ne oko atu kia Koe, a atomu katoa o te lalolagi ka molimau-gia ki tena aunoa mo se maalosi kae fakailoa atu ki tena takavale. Koe ko oti, tena, mai i te uiga o Tou aofa-fakamagalo ne sopoia a maalo o te lalolagi mo te lagi, kae ko talia ne latou mai i Au tavini a te faka-maluga mo te faka-aloalo e avatu ne latou kia Koe mo te maluga o Koe, kae ko oti ne fakatonu a latou ke faka-masaua a Tou matagofie, ko te mea ko failoga o Tau takitakiiga ka mafai o fola atu i Ou fakai lasi mo alofaga o Tou alofa-fakamagalo ke fakaoko ki tua atu i Ou fenua, ko te mea ko tino taki toko tasi katoa ke mafai ne latou o oko atu ki te koga ko oti ne fakasino ne Koe mo latou mai i Tau faka-tonuuga, kae fakaseke kia latou mai i luga i Tou finagalo mo te pogai e se-mafai o mafulifuli.

Mai i te otiiga ne molimau, tena, ki toku vaaivai mo te seiloa mo te vaaivai mo te seiloa o Au tavini, au e akai totuli kia Koe, mai i te segia i te maina o Tou gali, ke se-faigia se mea ke se oko atu Au mea ola faiite atu ki matafaga o Tou vasa tafasili i te mana. Futi mai a latou, O toku Atua, mai i ite suamalie Faka-te-Agaaga o Ou sikugaleo, ki te kalauana-a-tupu o Tou matagofie mo te nofoga o Tou mana e seai-se-gata-mai. A Koe, e tonu, ko te Tafasili i te Maalosi, ko te Pule Tafasili i te Maluga, ko te Foai-Takuatakua, ko te Tafasili i te Maluga, ko te Manakoga-Katoatoa.

Talia, tena, O toku Atua, ko Tau tavini te la ko oti ne fuli atu kia Koe, ko oti ne fakamau a tena kilo ki luga ia Koe, kae piki mau ki te kafanoa o Tou alofa-fakamagalo mo alofaaga, ke mafai o kau-fakatasi i te vai o te ola o Tou alofa-fakamagalo mo te alofa-tauanoa. Fai aka a ia, tena, ke fanaka ki luga ki te tumu o te koga te la e faka-moemoegia, kae sa-taofigia a ia mai i mea ko la e pule ne Koe. A Koe, e tonu, ko te Faka-magalo-Katoatoa, ko te Tafasili ite Maukoloa.

Tavaeega e io Koe, o te Aliki toku Atua! I taimi katoa e taumafai au o taku a Koe, au e fakalavelavegia ne te maluga o Tou tulaga mo te fonu maligiligi o te lasi o Tou mafi. Moi fai e tavae ne au a Koe salalau i te kauloaloa o Tou maalo mo te leva o taimi o Tou nofoaiga-a-tupu, e maua ne au i aku tavaeega o Koe e tau fua mo latou ko la e pau foki loa mo au, ko la a latou ko Au mea ola ne faiite, kae ne mafua mai i te maalosi o Tau puleega kae ko oti ne faka-fuaitino mai i te maalosi o Tou finagalo. Kae i so se taimi a taku pene e tusi ne ia a te matagofie ki sose tino tokotasi o Ou igoa, au e mafaufau me e mafai o lagona ne au a leo o tena tagi fanoanoa mai i tena mao mai mo Koe, kae e mafai o atafia ne au a tena tagi auaa ko tena mavae mai ia Koe. Au e molimau i mea katoa vagana ko Koe ko Au foafoaaga katoa kae e kapu i loto i Tou lima. I te talia a so se faifaiiga io me ne tavaeega mai i Au meaola faiite se faka-talitonuuga o te gali o Tou alofa mo alofaaga maukoloa, te la se fakaasiiga o Tou kaimalie mo te atamai.

Au e akai totuli kia Koe, O toku Aliki, i Tou Igoa Tafasili i te Takutakua te la ne fakamavae ne Koe a te mainaaga mai i te afi, mo te mea-tonu mai i te se-talitonu, ke tuku ifo ki lalo ia au mo latou ko la ko aku fagasele ko la e nofo tasi matou a te lei o te lalolagi tenei mo te sua lalolagi. Aumai ifo kia matou, tena la, Au mea-alofa gali ko la e funa mai i mata o tagata. A Koe, e tonu, ko te Tufuuga o te foafoaaga katoatoa. E seai aka foki se Atua na ko Koe, ko te Mafi-Katoatoa, ko te Matagofie-Katoatoa, ko te Tafasili i te Maluga.

O ko Koe, Tela ko Tau afioga faka-mataku a mea katoa ne polepole i te mataku, Tela e pule i Ou lima a faiga mea a tagata katoa, te la Ko Tena alofa mo te kaimalie e saga katoa atu ki ei a mata o Au mea faiite! Au e akai totuli kia Koe, mai i Tou Igoa te la ko oti ne fakaeke me ko te agaaga o igoa katoa ko la i te maalo o igoa, ke puipui a matou mai i musumusuga a latou ko la ko oti ne fuli keatea mai ia Koe, kae fakase a te mea-tonu e uiiga mo te tafasili i te malu mo te maluga o Koe, i te Faka-asiiga tenei te la ko fai a te maalo o igoa ne gasuesue i te mataku.

Au se tasi o Au tavini fafine, O toku Aliki! Ko oti ne fuli oku mata ki te malumalu o Au alofaaga kaimalie mo te fale tapuaki malu faka-moemoegia o Tou matagofie. Fakama mai au i mea katoa seai mai ia Koe, kae faka-maalosi au ke alofa kia Koe kae ke fakataunu a Tou fiafiaaga, ko te mea ke fiafia au i te faka-talitali ki Tou gali, kae motu keatea mai ia Au a mea faiite katoa, kae ke mafai, i taimi katoa, o fai atu penei: “Fakamaluga a te Atua, te Aliki o lalolagi!”

Fai aku meakai, O toku Aliki, mo fai a Tou gali, a ko aku mea inu ko te molii o Tou nofo-mai, a ko toku faka-moemoega ko Tou fiafiaaga, a ko taku galuega ko Tou tavaeega, a ko toku taugasoa ko Tou masausauaga, a ko toku feasoasoani ko Tou nofoaiga-a-tupu, a ko mu mea e nofo ai au ko Tou koga nofo, a ko toku fale ko te nofoga te la ko oti ne faka-maluga ne Koe mai i tuakoi a latou ko oti ne pono pe la me se veli mai ia Koe.

A Koe, i te tonuuga, ko te Atua o te maalosi, o te kaumalolo mo te matagofie.

Vikiiga e Koe, O te Aliki toku Atua! I taimi katoa e masaua ne au a Koe kae mafaufau ki Ou uiga lei, Au e poko saale i se laumatagi kae fonu au i te fiafia ia Koe te la ko se maua ne au o faipati a Tou igoa kae fakamaluga a Koe. Au ko lele ki tua ki koga maluga te la ko lavea i ei ne au me e pau mo te masausauga o Koe i Tou lalolagi, mo te tina vikiiga o Koe i vasia o Au tavini. Me e pefea a te leva o te ola o Koe, me e pefea a te leva o te tumau o fakaoko atu Ou tavaeega ki tua atu i vasia o Au mea ola faiite mo Tou masausauaga ka vikia ne Au tagata a Koe.

A so se tagata e ola mo te mafaufau matakite i va o Au tavini e fakamaalosi ia au e ola ki te se-gata mai kae e se-mafai o galo, pe la foki loa mo te masausauga o Koe e favavau kae ka tumau pena ki te leva o te ola o Tou tina Tino, a ko Ou vikiiiga e favavau kae ka tumau pena ki te leva o Tou nofoaiga-a-aliki. Mai i te mea e mafai o fai a Koe e vikia ne latou ko Au tino filifilia ko la e kalaga atu kia Koe mo latou ko la e uiga fakamaoni i va o Au tavini. Ikaai, a te tavaeega te la mai i so se tino, i te foafoaaga katoatoa, a te vikiiga tena kia Koe e vau mai i te fuaitino tafasili ite maluga tenei kae foki atu foki ki ei, pe la loa mo te laa te la, e uiloa e maina, e oko atu a tena gali ki so se me te la e sae ki ona vae. Mai i te laa tenei e vau i ei, kae foki atu foki ki ei, a te mainaaga te la e oko ki mea katoa.

E maluga, e see maua o fua a te maluga o Koe mai i luga atu o so se taumafaiiga o fua a te mataefa o Tau Fakatokaaga, mai i luga atu o so se fakapauga e taumafai se tino o sala, mai i luga atu i taumafaiiga a so se laulaufaiva e faipati ki tena taua! Mai loa i te vavau a Koe ko leva ne nofo mai, tokotasi aunoa mo se isi i Ou tafa, kae ka tumau, ki te favavau, o pena, i te tumu fakaotioti o Tou uiga tonu kae e se-mafai o okogina a te maluga o Tou silisiliese.

Kae kafai a Koe e loto ke fakailoa a Koe ki tagata, ne fakaasi mai a Koe i te fakasae mai o Faifekau o Tau Fakatokaaga mai i taimi ki taimi, kae fakasino mai a latou taki tokotasi me ko te failoga o Tau Fakaasiiga i vasia o Au tino, mo te Aso Malulu o Tou tina Uiga tonu e se lavea i vasia o Au mea ola, ke oko ki te taimi te la, e tusia mai ne Koe, Au Fakaasiiga katoa mai mua ko tuku fakatasi katoa ia Ia Tela ko oti ne tofi ne Koe me ko te Aliki o latou katoa i te lagi o fakaasiiga mo te maalo o te foafoaaga, a Ia Tela ko oti ne faka-tumau ne Koe me ko te Tupu o Aliki o latou katoa i lagi mo latou katoa i te lalolagi. Ko Ia Tela ko oti ne tofi ne Koe me ko te Takitaki ala o Tau Fakaasiiga Tafasili i te Takutakua mo te Fakailoa o Tou Gali Tafasili mai-Anamua-loa. I te mea tenei a Koe e seai aka foki se pogai na loa ko te taumafai kia latou ko la ko oti ne fakaasi Ou igoa tafasili i te llei kia latou katoa i te lagi mo te lalolagi. Ko Ia Te la ko oti ne fakatonu mai ne Koe ke fakatu a Tena feagaiiga mo mea faiite katoa.

Kae i taimi ne fakataunu i ei a Tau valoaga mo te taimi te la ne tusia mai, a Ia Tela ko te Pule o Igoa mo Uiga lei katoa ko fakaasi atu ki tagata. Mai i kona a mea katoa i lagi mo mea katoa i te lalolagi ne polepole i te mataku vagana ko latou ko la ne tausi ne Koe mai lalo i Tau puipuiiga kae tausi mai lalo i te maluuga o Tou maalosi mo Tau fuafuaga alofa. I kona ne siga atu ki luga ia Ia, mai i lima o Au mea ola ko la ko oti ne agasala atu kia Koe, te la e seai se laulaufaiva o se isi o Au tavini e mafai o toe fakamatala.

Kilo ifo, tena, kia Ia, O toku Atua, se kiloga o Tou alofa-kaimalie, kae tuku ifo ki lalo ia Ia mo latou ko la e alofa kia Ia a mea lei katoa ko oti ne fakatoka i te lagi o Tou finagalo mo te Tapeleti o Tau fakatonuuga. Feasosoani kia latou, tena, mo Tau faka-mafanafanaaga, me ia Koe, e tonu, ko te Mafi-Katoatoa, ko te Tafasili i te Maluga, ko te Matagofie-Katoatoa, ko te Fakaofoofogina-Katoatoa.

Ko matagofie katoa e io Koe, O te Aliki toku Atua! Au e molimau mo Koe me ia Koe ne molimau kia Koe loa ia Koe, mai i te aso ne faiite ne Koe a te foafoaaga io me ne faipati ki ei, ko Koe ko te Atua, kae e seai aka se Atua na ko Koe. Mai i te vavau a Koe ko oti, i Tou tafatasi malifalifa, ne se fuafuagina a te maluga mai i luga atu i te fakatau o Au tavini ki Tou tafatasi malifalifa, kae ki te favavau ka tumau pena, i Tou tokotasi e se-maua-o-mafai-o-oko-kiei, e mao ki luga atu i te tavae o Au mea ola. E seai ne pati a se isi tino vagana ko Koe e mafai o faipati te la e tau kia Koe, kae e seai se fakamatalaaga a se tagata e uiga mo Koe e mafai o tau tonu ki Tou natula. Katoa ko la e ifo ki Tou fakatasitasi ko numi o fuafua a te feitu funa o Tou tafatasi, kae katoa ko oti ne fakaasi tonu ki te vaaivai o maua a te iloa o Tou uiga tonu kae o saale ki te tumu maluga o Tou poto. A latou ko la mafi ko oti katoa ne iloa a te olotou vaaivai ako latou atamai e iloa a te olotou valea. Latou ko la e iai ia latou a te mafai o fakalata mai a nisi ne seai lele loa manafai e fakatusa ki fakaasiiga o Tou nofoaiga-faka-aliki fakaofoofogina, ka ko latou ko la faka-maluga kae to ki lalo i te seai manafai ko aumai ki mua o faifekau o Tou matagofie mataefa. A te mainaaga o mainaaga tafasili i te maina e fano fua o se lavea ona ko Ou mata malifalifa kae gali, mo laulaufaiva o tino tafasili i te lei ma faipati e olo o se lei mai i lalo o te tafeega e se maua o taofigina o Tau faipatiiga mana, mo fakavae o faka-nofonofooga mafi e gasuesue mai i mua o te maalosi pakini ki mua o Tou maalosi fakaofoofoogina.

Ko ai i kona, O toku Atua, e mafai o tau ke masauagina mafai a Koe ko masaua, kae maua i fea a ia te la e lava a te iloa o fakapatino ki Tou natula io me e tau o takutaku i te kogaa-koga nofo a Tou tafatasi malifalifa? Mai i te vavau a Koe e tokotasi kae e seai aka foki na ko Koe, kae ki te favavau a Koe ka tumau te tasi pe la mo te nofoga nei. E seai se Atua na ko Koe, ko te Atua o te maalosi, te matagofie mo te atamai.

Matagofie e io Tou igoa, O te Aliki toku Atua! Au e akai totuli kia Koe i Ia Tela ko Tou Masauaaga maluga kae silisili, Tela a Koe ko oti ne tuku ifo ki lalo i Au mea ola katoa kae fakamau ki Tou igoa, ko te matagofie-Katoatoa, Tela a Tena finagalo ko oti ne fakaeke mai me ko Tou finagalo, Tela a Koe ko oti ne iku me ko Koe ko te fakaasi o Tou Tina Tino Tonu. Ka ko Tena uiga tonu ko te Aso-Kamata o Tou atamai, ko Tena loto ko te koga tausi kope taua o Tau fakamaalosiiga, ko Tena fatafata ko te maalumalu o Ou uiga tafasili ite lei mo Ou tofiiga maluga, ko Tena laulaufaiva ko te uluvai o te vai o Tou tavaeega mo te kamataga o vai tafe-malielie o Tou atamai, ke tuku ifo ki luga ia matou a mea ko la e mafai i ei matou o fakaseai a mea katoa vagana ko Koe, kae fai a matou ke fiafia ki mea ko la ko oti ne fakaeke mai ne Koe e tusa mo Tau tonu e se kafi o mafulifuli. Faka uta aka matou ke maalosi, na la, O toku Atua, ke liakina a matou kae piki mautakitaki kia Ia Tela ko te Faifekau o Koe, ko te Tafasili i te Tavaegina, ko te Tafasili i te Maluga. Aumai kia matou mea ko la e lei katoatoa mo matou, kae tusi ifo ki lalo mo Au tavini ko la ne se talitonu ki te Fatagata (Mírzá Yaḥyá), kae ne talitonu makeke ia Koe, kae ko oti ne fakatu i luga ite kalauna-a-tupu o te faka-patonu ko la ko musumusuuga o te Tasi o Masei ko vaaivai o fakalavelave a latou mai i te fuli atu olotou mata ki mua i Tou igoa, ko te Alofa fakamagalo Katoatoa.

E maalosi a Koe o fai a te mea e fiafia a Koe ki ei kae fakaeke ne Koe a te mea e loto Koe ki ei. E seai aka se Atua na ko Koe, ko te Pule-Aofia Katoatoa, ko te Maluga-Katoatoa, ko te Mafi-Katoatoa, ko te Alofa-Mataefa Katoatoa, ko te Iloa-Katoatoa, ko te Atamai-Katoatoa.

O ko Koe ko Tou masausauaga ko te fiafia o agaaga ola o latou katoa e finafinau kia Koe, Tou igoa ko te fiafiaaga o loto o latou katoa ko la e fakatuanaki katoatoa ki Tou finagalo, ko Tou tavaeega e fagasele ne latou ko la ko fakapilipili atu ki Tou kogaa koga nofo, ko Ou mata ko te manakooga maalosi o latou katoa ko la ko iloa ne latou a Tau mea tonu, ko Au tofotofooga ko te fakagata masaki o latou ko la ko oti ne talia ne latou a Tau Fakatokaaga, ko Tou fakalavelave ko te manakoga maluga o latou ko la ko oti ne motu keatea a so se mea e piki a so se isi tino ki ei vagana ko Koe!

Matagofie, e se fuafuagina a te matagofie o Koe, i Ou lima a te empaea o so se mea i lagi mo so se mea i te lalolagi, a Koe, Tela mai i te muna e tasi mai i Tou gutu, ne fai ko mea katoa ke palele taimi e aoga i ei kae liua ki lalo, kae Ko Koe, i se isi pati aka, ne fai a so se mea ke mavae, ke soko tasi kae toe fakatasi! Fakalauefa a Tou igoa, O ko Koe Tela e isi se maalosi i luga i mea katoa i te lagi mo me katoa i luga i te lalolagi, Ko Tena maalo e aofia i ei so se mea i te lagi o Tau Fakaasiiga mo te maalo o Tau foafoaaga. E seai e pau mo Koe i Ou kogaa koga nofo; e seai e mafai o fakatusa i te iunivesi ko oti ne faiite ne Koe. E seai se mafaufau e mafai o maina ia Koe, kae e seai se taumafaiiga a se agaaga ola ko oti ne oko atu kia Koe. Au e tauto i Tou mafi! Moi fai se tino e lele, i so se kapakau, ki te leva e taliagina ne Koe kae salalau i loto ite pooko o Tou poto, e seai foki loa sena maalosi o sopoia atu i tuakoi o te lalolagi se-tumau tenei ko oti ne fai mo ia. E mafai la pefea, tena la, a se tagata pena o manatu ke eva a ia i se malaga pena ki te ea o Tou nofo-mai tafasili ite maluga?

A ia, e tonu, e faka uta ki te malamalama te la e fakamatea mai i ei a tena vaaivai kae fakaasi tonu ana agasala, aua kafai so se mea faiite e fai sena tagi ki so se faiiteega ola, ka fai ko fakapatonu mo te feitu gali seai se gataaga o Tau Fakaasiiga, se agasala lasi e tafaga atu i so se agasala aka i kogaa koga nofo katoa o Tau faiitega mo te foafoaaga. Koai i kona, O toku Aliki, te la, kafai ko Koe ko fakaasi a matemateega muamua loa o failoga o Tou nofoaiga-faka-aliki malifalifa mo te mafi, e isi se maalosi o fai sena tagi mo ia ki se isi foafoaaga ola aka? Ko te faiietega ola ia ia loa e seai lele manafai e aumai mata ki mata mo feitu mafi kae gali e uke o Tou Tina Tino e Se-mafai o Fakatusagina.

E mao, e se fuafuagina i te mao, a Tou maluga atu i mea katoa. O ko Koe Tela ko te Tupu o Tupu! Au e akai fakamolemole kia Koei ia Koe loa ia Koe mo Latou ko la Ko Faifekau o Tau Fakatokaaga mo Aso-Kamata o Tau puleega ke tusi ifo ki lalo mo matou a mea ko la ko oti ne tusi ne Koe mo Au tino filifilia. Sa taofigina mai ia matou a mea ko oti ne fakaeke ne Koe mo Au fagasele, ko la, i taimi loa ne oko ki ei a Tau kalaga, ne fakavave kia Koe, kae kafai a matagofie o te mainaaga o Ou mata e tufa atu kia latou, a latou e siga fakavave loa ki lalo i te olotou fakaaloalo mai i mua o Ou mata.

Matou ko Au tavini, O toku Aliki, kae i loto i lima o Tou maalosi. Kafai e polopoloaki mai a matou ki te polopoloakiiga te la ne fai ki luga ki tupulaga ko teka mo tupulaga mai i tua atu, a Tau ikuga e iloa tonu loa me se mea fai meatonu ako Tau faiga e tavaeegina. E maalosi a Koe o fai a te mea e fiafia Koe kiei. E seai aka se Atua na ko Koe, ko te Mafi-Katoatoa, ko te Matagofie-Katoatoa, ko te Feasoasoani-i-Mea-Faigata, ko te Ola-loa-ia-Ia.

Kia Koe ke tavaegia, O ko Koe Tela ne fakalogo mai a Tou taliga ki manavaaga o latou ko la ko oti ne avea keatea a te fakapiki ki so se tino tokotasi na loa ko Koe, kae Tela ne lagona a te leo o te fanoanoa o latou ko la e tapuaki katoatoa kia Koe! Ne puke aka ne Koe a latou katoa ko la ne siga ki lalo i lima o latou ko Au mea ola faiite ko la ko oti ne soli tuakoi kae teke atu kia Koe. Ko Tou mafi ko taku molimau. O ko Koe Te la ko te Tupu o lalolagi o te fai-mea-tonu mo te Pule o fakai lasi o te alofa! A faka-lavelave lasi ko la ne tupu ko te mea ke tigaina mai i ei te la e seai lele loa se pene, i te foafoaaga katoatoa, e mafai o matemate ne ia. Kafai se tino e taumafai o faipati kia latou, e maua ne ia a te seai lele se maalosi o fakamatala a latou.

Kae ona ko fakalavelave lasi, tena la, konei ne tupu i Tou auala mo te alofa mo Koe, a latou kona ne pokotia i ei e siki atu a te olotou fakafetai, mai lalo o tulaga katoa, kia Koe kae fai atu penei: “O ko Koe Tela ko te Faka-fiafia o motou loto mo te Pogai o te motou faka-aloalo! Kafai a kaumana o Tau ikuuga e vaiua ifo ki lalo ia matou, a matasana o te masaki, e mafai a matou, i te alofa o matou kia Koe, o se maua o onosai. E avatu ne matou Ou tavaeega mo te fakafetai, auaa ia matou ko lavea kae ko iloa ia Koe ko oti ne fakaeke mai kia matou a mea fua ko la e tafasili i te lei kia matou. Kafai a omotou fuaitino, i taimi katoa, e maafagia ki lalo ne fakalavelave, kae e uiloa a omotou agaaga ola e lifu i se fiafiaaga tafasili i te lasi. Matou e tauto ki Tou mafi, O ko Koe Tela ko Manakoga o loto mo te Fakamalugaga o omotou loto! A so se fakalavelave e oko mai kia matou ona ko te omotou alofa mo se fakamaoniiga o Tou alofa atafai, kae so se fakalavekave te la e kaa me se afi se failoga tena o te malifalifa o Tou mainaaga, kae so se toofoga fakafanoanoa tena se fakamokomokoga fua o te tau-laa, kausakiiga katoa se manavaaga filemu, ka ko so se tigaina tena se alaavai o te fiafia.”

A ia tela, O toku Aliki, e seai se onosai i faka-lavelave e oko atu kia ia i Tou auala, e seki inu i te ipu o Tou alofa io me ne tami i te magalo o Tou masausau-aaga. Au e akai faka-molemole kia Koe, mai ia Ia Tela ko te Tupu o igoa katoa mo te olotou Tupu, Te la ko Ia ko te Fakaasi o uiga lei katoa mo te olotou Tufuuga, mo latou ko la ko oti ne lele loa ki luga kae faka-pilipili atu kia Koe kae eva atu i te olotou malaga ki te ea o Tou nofo-mai, kae ko oti ne kufaki a filifili se tau ona ko Koe, ke talia ko Ou tino katoa ke mafai o feasoasoani mo te alofa ke lavea ne latou a Ia Tela ko te Faifekau o Tou Uiga Tonu, Te la, ona ko kalaga mai ki tagata katoa kia Ia, ko mafua i ei o faka-fenua kese kae lafo ki loto i te falepuipui.

A te atafai o Tou alofa-kaimalie, O toku Atua, e silia atu fakafia i te vela o Tou kaitaua, a ko Tou alofa-atafai e silia atu fakafia i te vela o Tou se-fiafia, a ko Tou gali e silia atu i Tau fai-mea tonu. Taofi aka ne Koe, mai i luga i Ou alofaaga mo mea-alofa, a lima o Au mea faiite, kae sa liakina a latou ke mavae mai i te alofa te la ko oti ne fakaeke ne Koe pe la me se auala ke mafai ne latou o lavea a Koe. Ko te matagofie o Tou mafi e fai mo aku molimau! Moi fai se mea pena ke tupu, a agaaga ola taki tasi katoa loa ko tagi tigaina, so se tagata e fonu i te malamalama ka numi, kae so se tino e nofo mo ia a te poto ka ofo, vagana ko latou ko la ko oti ne fakmafanafana i luga i lima o Tau Faka-tokaaaga, kae ko oti ne fai pe la me ne maua ne latou a faka-asiiga o Tou alofa mo Au mea-alofa.

Au e tauto ki Tou mafi, O toku Atua! Moi fai e faka-aloalo ne Koe Au tavini ke tusa mo te olotou taui i Ou Aso, a latou e tonu loa e se tau ki se mea na ko Tau polopolo-akiiga mo te faka-salaaga. A Koe, tena la, ko te Tokotasi Te la e loto lasi i te alofa, Te la a Tena gali e tafasili i te lasi. Sa kilo ki lalo ia latou, O toku Atua, mo te kilo o Tau fai-mea-tonu, kae mo mata o Tou alofa-atafai mo te malamalama. Fai aka, tena, a latou ke tusa mo Tou alofa kaimalie mo alofaaga se mafai o lau. A Koe e maalosi o fai so se mea te la e fiafia Koe ki ei. A Koe ko te Se-Fakatusagia. E seai aka foki se Atua i Ou tafa, ko te Aliki o te kalauna-a-tupu mai i te koga maluga ki lalo i te lalolagi, ko te Pule o te lalolagi tenei mo sua lalolagi. A Koe ko te Atua o te Maukoloa, ko te Fakamagalo-Katoatoa, ko te Foai Tafasili i te Lasi, ko te Tafasilii i te Kaimalie.

Faka-manuia aka ne Koe, O te Aliki toku Atua, a Tokotasi ko Ia Tela a mea funa o Tou tafasili i te mana ko oti ne fakaasi atu, te la mai ia Ia a fakaasiiga o Tou faka-Atua ko oti ne tapuakigina, te la mai ia Ia a penina gali o Tou poto mo te atamai ko oti ne maua, te la mai ia Ia a Au fakailoga mo alofaaga ko oti ne fakaoko ki tua atu, te la mai ia Ia a Tau muna ko oti loa ne fola fakalei atu mo te maina, te la mai ia Ia a te mainaaga o Ou mata ko oti ne sulu atu a ko te maalosi o Tou nofoaiga-a-tupu ko oti ne fakatumau. Fakamanuia ne Koe a latou katoa ko la, ona ko Koe katoatoa, ko oti ne fuli atu kia Koe. Tuku ifo, foki la, ki luga ia Ia mo latou ko la a Tou alofa kaimalie tafasili i te gali e mafai o tau o mo te mana o Koe. Ko Koe, e tonu, ko te Mafi-Katoatoa, ko te Fesoasoani i Mea Faigata, ko te Matagofie-Katoatoa, ko te Ola ia Ia.

E vikiia a Koe, O te Aliki toku Atua! Koe ko Ia Tela ne faiite a mea katoa mai i luga i te muna ne faipatiiga ona ko Tau faka-tonuuga, kae fou a te foafoaaga katoatoa ne te maalosi o Tou nofoaiga-a-tupu mo te mafi. A tagata tafasili i te mafi e masiasi i mua o faka-asiiga o Tou matagofie, kae ko latou ko la e fonufonu i te maalosi e polepole mataku ma fetaui ki mata mo faka-talitonuuga o Tou mafi. A so se tagata mo te iloa e faka-seai a tena kiloga ma fai ko faka-fetaui mo te malifalifa o te mana o Ou mata, a ko ia te la e fonufonu i te uke o ana koloa e mativa kae faka-alofa ma fai ko lavea ne ia a te salalau mo te uke o Tou maumea.

Au e akai totuli kia Koe i Tou Igoa ko te Matagofie-Katoatoa, te la ne fakaeke aka ne Koe a tino katoa o te maalo o Tau faka-asiiga pe la foki mo tino masakisaki o te lagi o Tou finagalo, ke talia ko toku agaaga ola ke fakapilipili atu ki te suamalie o te leo o te Manu eva o te Lagi te la e fakalagi i luga i kaula o te lakau ola o Tau faka-tonuuga ia Koe ko te Atua, tela e seai aka foki se Atua na ko Koe.

Faka - koukou aka au i te vai o Tou alofa, O toku Aliki, kae fai aka au me ia Koe katoatoa, kae fai foki aka au ke oko atu ki te Fale Tapuaki Malu o Tau Faka-tokaaga mo te Fale faka-ofoofogina o Tou Nofomai. Tuku mai, tena la, mo au a mea katoa ko oti ne tuku ne Koe ma tino filifilia i vasia o Au tavini fafine, kae vaiua ifo kia au a mea ko la ka fakamaina i ei oku mata kae fakapula i ei a toku loto.

A Koe e maalosi o fai a te mea e loto Koe ki ei, kae fakaeke ne Koe a te mea tela e fiafia Koe ki ei.

Tavaeega e io Koe, O te Aliki toku Atua! E lavea ne Koe a toku mativa mo toku faka-alofa, oku fakalavelave mo oku manakoga, ko toku seai-lele-se-maalosi mo toku tafalalo, aku tagi faoanoa mo aku tagi lasi, ko te tigaina o toku agaaga ola o mea faigata ne oko mai kia au. A te maalosi o Tou mafi e fai mo aku molimau! E pena a te pooko o toku tafalalo tela ko Au tavini ko la ne olo mao mai i Tou auala ne muna kaitaua mai kia au. E iloa ne Koe i au e lavea ne au a te failoga o Tou igoa i vasia o Au mea ola. A Koe e iloa me i toku tulaga se ata fua o Tou tulaga, ka ko oku uiga lei e toe lau pe la me ko Ou uiga lei, te la i loto i toku kanoloto e se-mafai o maua vagana ko fakaasiiga o Ou failoaga, ka ko toku uiga tonu ko ata fakafoki o fakamaoniiga o Tou fakatasitasi.

A mea katoa konei a Koe ko oti fakailoa ki tua atu i Au mea ola, i se auala te la e seai e mafai o lavea au, vagana ko ia te la e fano mo Tou igoa. Au e tauto i Tou matagofie! Oku tagi fanoanoa e seai mo mea ko oti ne oko ki luga ia au i Tou auala, kae ona ko toku iloa ne au a ko toku faka-alofa i loto o tagata ko la e alofa kia Koe ko oti ne lue ke gasuesue, ka ko agaaga ola o Ou fili ko fonufonu i te fiafia ko ala i ei latou o fiafia atu ia latou ko la ne motu mai a latou mai i mea katoa vagana ko Koe kae ko oti ne fakavavave atu ki mua i te vaitaafe o Tou masasauaaga mo tavaeega. E se-fuafuagina a te olotou se-fakalogo manafai e fetaui mo Au fagasele, e lue a olotou ulu i te teke ki Tau Fakatokaaga kae fai atu penei: “Te fea a tou Aliki Tela e fai mai a koe i te aso mo taimi ote po? E mafai o maua a Ia i fea Tela e fai ne koe me ko tou Aliki, te la a Ia e kalaga atu ki tagata katoa ke fuli atu?” Ko olotou fakamatamata mo te fakamaualuga ne ga-solosolo o makeke ke oko ki taimi ko se-talia ne latou a te maalosi o Tou mafi kae liakina a Tou nofoaiga-faka-aliki mote maalo.

A tou matagofie e fai mo aku molimau! Au e fiafia i oku tigaina mo tigaina o latou ko la e alofa mai kia au ona ko au ne mae i Tou auala. Seai ko au io me ko latou, tena la, ne mafai o kufaki a maseiiga mo se-leiiga e faipatigina ne Ou fili teke kia Koe, ko te Se-Mafai-o-Taofigina. E pefea a te leva ne nofo i ei a Koe ki lalo, O toku Atua, i luga i te kalauna-a-tupu o fuafuatau mo te onosai? Faipati a Koe a Tau muna o te kaitaua, O ko Koe Tela e seai ne mata e mafai o lavea! E fagasele-lei a Tou alofa-fakamagalo ki luga ia latou fakamaoni o Au tavini, kae e tau lei a tau polopoloakiiga o latou amio se-lei i vasia o Ou fili, Tuku ifo ki lalo i luga ia latou, na la, O toku Aliki, a mea ko la ka se mafai o fakase o fakaasi kia latou a te maalosi o Tou kaitaua mo te faanaka ki luga a Tou maalosi, te la ka mafai i ei a latou o lavea ate pa-mafa o Tou mafi mo lauefa o Tou maalosi. Kafai e se talia ne Koe, O te Atua, o feasoasoani a latou ke alofa kia Koe, feasoasoani atu a Koe, tena la, a Koe loa ia Koe mo Ia Tela ko Tena Masausauaaga.

Au e akai fakamolemole i Tou igoa, te la ne fai a te vasa o Tou kaitaua ke sou, ke akoako a latou ko la ne fakapelo ne latou a Tau mea tonu kae liakina keatea Au taviliiga. Fai ke malalo a latou, tena la, i Tou mafi mo te maalosi, kae fakamaluga a latou katoa, ona ko Koe, fakatumau a olotou mata ki mua ia Koe ko te mea mai ia latou a failoga o Tou fakaaloaloaaga ke mafai o mataala i vasia o fenua katoa, ka ko Ou alofaaga ke fola atu kia tua i vasia o tino katoa, ko latou katoa ke molimau ia Koe ko te Atua, e seai aka foki se Atua na ko Koe, ko te Atua o te maalosi, ote afioga mote matagofie.

Faka-lauefagia a Koe, O te Aliki toku Atua! Au e akai kia Koe i Tou Igoa te la ko oti ne fakatu mai i luga i nisi igoa katoa, te la a te veli o te lagi ko oti ne ofa ki lalo a ko te Fetu o te Aso o Tou gali ko fanaka ki luga, sulu mo te maina o Tou Igoa, ko te Maluga, ko te Tafasili i te Maluga, o faka-mafanfana mai au ne Tou feasosoani gali kae ke tausi au i te malu o Tau tausi mo te puipuiiga.

Au ko te tasi o Au tavini fafine, O toku Aliki! Kia Koe e foki atu ki iei, kae ia Koe ne tuku ne au a toku talitonu. Talia mai ke mafai au o na faka-mautinoa a toku alofa mo Koe, kae i te faka-taunuuga o te mea tena e faka- fiafia llei kia Koe, pe la mo te fulitua mai o latou amio se lei i vasia o Au tino, pe la foki mo te pakalaga o latou gutu lua i vasia o Au mea faiite, kae fai ne latou mo mea e taofi mai ki tua ia Koe.

Fai aka ne Koe ke se pono a oku taliga, O toku Aliki, ko te mea ke mafai ne au o faka-logologo ki kupu ne aumai ia Koe, kae faka-maina toku loto kit e mainaaga o Tou poto, kae faipati a toku laulaufaiva ko te mea ke mafai o taku a Koe kae usu a Ou tavaeega. Mai i Tou mafi, O toku Atua! Toku agaaga ola e fai kaaiga ki te seai mai i Ou tafa, a ko toku loto e saala ki te seai aka na ko Koe tonu.

E sea aka foki se Atua mai Ou tafa, ko te Matagofie-Katoatoa, ko te Tafasili i te Foai, ko te Fakamagalo, ko te Alofa-Atafai.

Mea nei, O toku Atua, ko aso ko la ko oti ne fakatonu mai ne Koe ko Au tavini ke tautali i te Anapogi. Mai i ei ne faka-lakei ne Koe a te faka-tomuaaga o te Tusi o Au Tulafono te la ne fakaasi ki Au mea faiite, kae faka-fonu katoa a Koga-Tausi o Au tulafono i mata o latou katoa i Tou Lagi mo latou katoa i luga i Tou lalolagi. Ko oti ne fakafonu a itula taki tasi katoa o aso mo uiga lei fakapitoa, fui faka-matala kia latou katoa vagana ko Koe, Tela Tena poto e aofia i ei a mea faiite katoa. Ko oti, foki, ne faka-sino ki agaaga taki tokotasi katoa a se tusaga o te uiga lei tenei pela loa mote Tapeleti o Tau faka-tonuuga mo Mataupu Silisili o Tau faka-masinoga e se mafulifuli. Lau pepa taki tasi o Tusi mo Mataupu Silisili konei ko oti ne tufatufa ne Koe ki tino taki tokotasi katoa o te lalolagi.

Mo au fagasele talitonu ko oti ne fai ne Koe, pe la loa mo Tau tulafono, e fakaavanoa, i vaveao katoa, a te ipu o Tou masauaaga, O ko Koe Tela ko te Pule o pule! Ko latou konei ko fonufonu i te uaina o Tou atamai tuafia tela ko liakina ne latou a olotou moeega ona ko te olotou finafinau o fakamanuia Ou tavaeega kae faka-maluga Ou uiaga, kae fakaseai a te olotou malolooga ona ko te loto maalosi o faka-pilipili atu kae aofia i loto iTou alofa. Olotou mata, i taimi katoa, ko fakasaga tonu atu ki te Kamataga-ote-Aso o Tou alofa-kaimalie, a ko faka-saga atu foki ki te Ulu-Vai o Tau faka-maalosiiga. To ifo a te vaiaua, na la, ki luga ia matou mo latou mai i kaumana o Tou alofa-kaimalie a te mea te la e ttau ite fuafuaaga i te lagi o Tou alofa o te kaimalie.

E maluga Tou Igoa, O toku Atua! Mea nei ko te itula ko oti ne taala ne Koe a mataloa o Tou alofa i mua o mata o Au mea faiite, kae taala foki fakalauefa a mataloa o Tou alofa-atafai kia latou katoa i Tou lalolagi. Au e akai totuli, ona ko latou katoa ko la ne maligi olotou toto i Tou auala, ona kote olotou finafinau kia Koe, ne fakaseai a latou a mai i Au mea ola-katoa, a ko latou foki ko aveaia ne te manogi gali o Tau faka-maalosiiga, tela a so se totooga o fuaitono o latou ko lagi atu a Ou tavaeega kae polepole i te faka-msausauaaga o Koe, ke se taofi mai ia matou a mea ko la ko oti ne tusi mai i loto i Tau Fakasiiga – se Fakaasiiga tela tena maalosi e fai ne ia so se lakau ola ke tagi pela mo te Kaaga o te Lakau ne fakaasi kia Mose mai anamua, Tela ne sautala mo Koe, se Faka-asiiga ne mafai i ei a sose kilkili o toe fakaleo a Ou tavaeega, a ko fuafatu ko fakamana ne latou a Koe pela mo taimi i aso o Muhammad, Tou Taugasoa.

Latou konei, O toku Atua, ko la ko oti ne faka-mafai ne Koe o taugasoa kia Koe kae sokotaki mo Ia Tela ko te Fakaasiiga o Koe. A matagi o Tou finagalo ko oti ne tufatufa atu ki tua atu ke oko ki taimi ko toe aumai fakatasi mai lalo i Tou ata, kae fai atu ke ulu ki loto i laumanafa o Tou fale. Tenei la ko oti ne fai ne Koe ke nofo mai lalo o te malu o te fakamalu o Tou alofa-kaimalie, fesoasoani aka kia latou ko te mea ke maua ne latou se tulaga e ttau ki te tulaga o latou. Fai aka latou ke se aofia, O toku Aliki, ia latou ko la ona ko te fiafia ite pili o latou kia Koe, ne taofigia mo aa e lavea ne latou Ou mata, kae, mai i luga ite fetauiiga mo Koe, ne fakaseai mai ia latou a Tou nofomai.

Mea nei ko Au tavini, O toku Aliki, ko la ne ulu fakatasi mo Koe, i te Toe Fale-puipui Tafasili te Takutakua, ko la ne tautali i te Anapogi i loto i ona olo pe la mo te mea ko oti ne fakatonu ne Koe a latou mai i Tapeleti o Au puleega mo Au Tusi i Tau fakatonuuga. Tuku ifo, ki luga ia latou ke mafai o fakaseai lele mai ia latou a mea ko la e se fiafia Koe ki ei, ko te mea ke piki-mau katoatoa kia Koe, kae motu a latou mai i mea katoa na loa ko Koe.

To ifo, kia matou, O toku Atua, a te mea te la e lei mai i Tou alofa-kaimalie kae tau foki mai i Tou alofa-lauefa. Fakamafai aka matou, O toku Atua, ke ola i Tou masauaaga kae ke mate i te alofa mo Koe, kae aumai kia matou a mea-alofa o Tou nofomai i lalolagi katoa mai tua, lalolagi ko la e se iloa ki tino katoa na ko Koe. Ko Koe a te motou Aliki mo te Aliki o lalolagi katoa, mo te Atua o latou katoa ko la ite lagi mo latou katoa ko la i te lalolagi.

E puke ne Koe, O toku Atua, a mea ko la e pokotia i ei Au fagasele i Ou aso. Tou matagofie ko taku molimau! A te leo fanoanoa o Au fagasele filifilia ko oti ne faka-maluga aka i Tou maalo. A niisi ne faka-lavegia ne latou ko la e se talitonu i Tou fenua, kae taofi foki ne latou ke seai se faka-pilipili atu kia Koe kae ke se oko atu ki te fale o Tou matagofie. A ko niisi ne maua ne latou o faka-pilipili atu kia Koe, kae ne taofi latou mo aa e lavea ne latou Ou mata. A ko niisi foki ne taliagina, i te olotou loto finafinau o taumata ki Ou mata, ke ulu atu ki loto i Tou fale, ako te mea ne talia ne latou ko veli o mafaufauuga o Au mea ola mo mea see ne fai ne te kau teke i vasia o Ou tino ke fakanofo i te olotou vasia mo Koe.

Mea nei ko te itula, O toku Aliki, ko oti ne fai ne Koe ke sili atu i so se itula aka, kae ko oti ne faka-kaaiga ki filifiliiga i Au mea faiite. Au e akai totuli kia Koe, O toku Atua, ona ko Koe mo latou, ke fakaeke mai i se taimi i tausaga nei a te mea tela ka faka-maluuga iei a Ou fagasele. Ke fai aka ne Koe, i te vasia taimi o tausaga nei a te mea tela ka mafai ne te Fetuaao o Tou maalosi ke sulu maina i luga o te sikulagi o Tou matagofie, kae fakamaina atu ki te mafi o Tou nofoga-a-tupu, a te lalolagi katoa.

Fai aka ke manumaalo a Tau Fakatokaaga, O toku Aliki, kae faka takavale ne Koe Ou fili. Tusi ifo ki lalo, na la, mo matou a te lei o te olaaga nei mo te olaaga ma vau. A koe ko te Tonu, Tela e iloa a mea funa. Seai aka foki se Atua na ko Koe, te Fakamagalo-Katoatoa, te Alofa-Lauefa Katoatoa.

E maluga e ia Koe, O te Aliki toku Atua! E tuku atu ne au kia Koe a te fakafetai auaa ko oti au ne fai ne Koe pe la me se taketi o fakalavelave e uke mo se maaka o tofotofooga uke, ko te mea ko Au tavini ke kufaki a se olaga foou ka ko Au mea ola katoa ke mafai o fakaola.

Au e tauto ki Tou matagofie, O ko Koe ko te FagaseleTafasili i te Gali o lalolagi mo te Manakoga of latou katoa ko la ko oti ne atafia ne latou a Koe! Ko te pogai e tasi e manako au o ola ko te mea ke mafai ne au o fakaasi a Tau Fakatokaaga, kae saala atu ki fakasokooga o te olaaga ko te mea ke mafai au o patele i te fili ona ko Tou auala.

Au e akai faka-molemole kia Koe, O ko Koe Te la e kalaga mai ki loto o latou katoa ko la e pilipili atu kia Koe ko la ko lele ki luga i te ea o Tou nofo mai, ke tuku ifo ki lalo ia Au fagasele a mea ko la e mafai i ei ne latou o faka-seai a mea katoa na ko Koe. Faka-fonu aka latou, tena, mo se faipati tonu ko te mea ke tu latou ki luga o talai a Tau Fakatokaaga, kae ka kalaga atu ki Tou igoa, i mua o mata o latou katoa ko la e nofo i Tou lagi mo Tou lalolagi, i se auala atamai ko la e amio mataga a Falaoa ne fai ki lua i te kau teke i loto i Au tavini e se mafai o manumaalo o taofi a latou mai ia Koe.

A Koe, e tonu, ko te Atua o te maalosi, ko te Atua o te matagofie, ko te Atua o te tupu ola mo te atamai.

Faka-lauefa a Tou igoa, O te Aliki toku Atua! Taofi aka ne Koe toku mata e faka-moemoe ke kilo ki luga i mea faka-ofoofogia o Tou alofa-kaimalie, ka ko toku taliga e keu o fakavave ki te suamalie o Tou leo, mo toku fatu e finafinau ki te vai ola o Tou poto. E lavea ne Koe a Tau tavini fafine, O toku Atua, e tu i mua o te fale o Tou alofa-kaimalie, kae kalaga atu kia Koe i Tou igoa tela ko oti ne fili ne Koe mai i luga i niisi igoa aka katoa kae faka-tumau mai i luga o mea katoa i te lagi mo te lalolagi. Tuku ifo ki lalo ia ia fafine a manavaaga o Tou alofa-kaimalie, ko te mea ke mafai ne ia o kave keatea katoatoa mai ia ia, kae ke futi atu katoatoa ki luga i te nofoga te la, e malifalifa i te matagofie o Ou mata, e tufa atu fakamao a te fiafia o Tou nofoaiga-a-tupu, kae fakatu me ko Tou kalauna-a-tupu. E mafai ne Koe o fai a te mea e manako Koe ki ei. E seai aka foki se Atua i Ou tafa, te Matagofie-Katoatoa, te Tafasili i te Gali.

Sa liakina ki tua, au e akai totuli kia Koe, O toku Aliki, latou ko la e saala kia Koe, kae sa fuli keatea a latou ko la e faka-saga a olotou sasale ki mua ia Koe, kae sa faka-seai gina latou katoa i Tou alofa-atafai mo latou katoa la e alofa kia Koe. Ko Koe ko Ia, O toku Aliki, Tela ko oti ne kalaga a Ia me kote Atua o te Alofa-kaimalie, te Toe Tafasili ite Atafai. Ke maua se alofa, tena la, i luga i Tau tavini fafine te la ko oti ne saala atu ki Tou maluuga, kae faka agai ona mata kia Koe.

Ko Koe, e tonu, ko te Fakamagalo-Katoatoa, ko te Tafasili i te Atafai-Kaimalie.

E maluga a Tou igoa, O toku ATua! A e tauto me e seai se mafaufauga o Koe, e pefea, a te gali, e mafai lele o fanatu ki te lagi o Tou poto, kae e seai se tavaeega o Koe, e uiloa a te malifalifa, e mafai o lele ki luga ki te ea o Tou atamai. Mai i te favavau ko oti a Koe ne fakamaluga atu i te maluga o ote maina o te iloa o Au tavini, kae e se-fuafuagina a te maluga mai i luga atu o taumafaiiga a Au pologa o fakamatala a Tou feitu lilo. Se a ate maalosi e mafai ne se mea ola faletonu o fai sena tagi manafai e fetaui mata ki mata mo Ia Tela e Seki-Faitegina?

Au e molimau i mafaufauga tafasili ite maluga o latou ko latou ko la e ofo i Tou fakatasitasi, ako fakatauuga tafasili i te mautua o latou katoa ko la e lavea ne latou a Koe, pe la me se fuaaga o mea ko oti ne faiite mai e auala i te Pene o Tau fakatonuuga, ka ko oti ne aumaigina ne Tau finagalo. Au e tauto i Tou matagofie, O Koe Tela ko te Fagasele o toku agaaga mo te Punaavai o toku olaaga! Au e fakatau ki toku vaaivai o fakamatala a te gali silisiliese o Tou afioga. E iloa ne au i te mea tenei, au e akai totuli kia Koe, mai i Tou alofa-fakamagalo te la ko oti ne aofia i ei a te foafoaaga katoatoa, ke talia mai ia Au tavini a mea kola e mafai ne latou o fakaasi atu i Tou auala. Feasoasoani kia latou, na la, mai i Tou alofa maalosi, ke fakamaluga a Tau muna kae kae ke faka-ka a Tou tavaeega.

E maalosi a Koe o fai a te mea e fiafia Koe kiei. A Koer, e tonu, ko te Matagofie-Katoatoa, ko te Atamai-Katoatoa.

E seiloa ne au, O toku Atua, me sea a te Afi tenei e faka-ka ne Koe a te Lamepa o Tau Fakatokaaga, io me ko te Kilasi e tausi i ei mai i Ou fili. Mai i Tou mafi! Au e ofo i feitu fakaofoofogina o Tau Fakaasiiga, mo alofaaga o Tou matagofie. Au eiloa ne au, O ko Koe Tela ko te Manakoga o toku loto, te la ka fai a te afi e patele ki te vai e mafai o mate loa i te taimi tena, kae kafai a te Afi te la ne faka-ka ne Koe e se-mafai lele o mate, e uiloa a koga tai o te lalolagi ko oti ne ligi katoa ki ei. Kafai i se taimi e patele a te vai ki ei, a lima o Tou maalosi, pe la mo te mea e fakatonu mai i Au Tapeleti, ka fuli ne ia a te vai kite oela te la ko fai i ei mo fafie ki tena afusaga.

Au, e pena foki, e iloa, O toku Atua, i so se lamepa katoa, kafai ko tuku aliali ki te kaitaua o te matagi, me ko gata a te ka o ia, Pela mo Tau Lamepa, na la, o te Fagasele o lalolagi, au se maua o mafaufau me sea ate maalosi vagana ko Tou maalosi e mafai o tausi ke saogalemu i te fia o tausaga mai i kaumatagi konei e tumau a te agi tonu ki ei mai i fili masei i vasia o Au mea ola.

Au e tauto ki Tou matagofie, O toku Atua! A Tau Lamepa te la ne faka-ka ne Koe a te mainaaga i loto i te tapanekolo o tagata ne tagi aka kia Koe kae fai atu penei: O ko Koe te tasi tokotasi Fagasele! E fia a te leva e liakina mai au ne Koe? Apai aka au ki luga ia Koe, au e talosaga kia Koe. E uiloa a toku manakoga tenei ko te manakoga o se mea ola, kae e iloa ne Koe i toku manakoga tonu ko te mea ke fakataulaga au i Tou auala. A Koe ko ia Tela ne fai a toku manakoga ke pau mo Tou manakoga, ka ko toku finagalo ke pau mo Tou finagalo. Tausi aka ne Koe Au fagasele, au e akai fakamolemole kia Koe, i te malu o Tou alofa fakamagalo te la e malusia kae aofia i ei a mea katoa, ko tigaina e maua ne latou ke fiafia o se fakaseke mai ia latou i te fuli atu ki te auala o Tou igoa, ko te Mataofie-Katoatoa, ko te Alofa Mataefa Katoatoa.”

Matagofie e o Koe, O toku Atua! A Koe e iloa me i toku alofa mo Koe e seki sala au ki se moe, i te fakasalalauga o Tau Fakatokaaga au ne liakina ne au a so se auala o te tokaaga malie, ko te tautaliiga ki so se mea e fai mai ne Koe i Au Tapeleti e seki talave au o fai a Tou loto. Ona kote pogai tenei, au ne logomae te la e seki ai aka loa se tagata i tino e nofo i Ou kogaa koga nofo ne logomae pe la mo au.

Ko tou matagofie e fai mo aku molimau! E seai lele se mea e mafai o taofimai ia mai i te masaua o Koe, e ui i ei a fakalavelave katoa o te lalolagi e poko kia luga ia au mai i feitu katoa. Oku lima mo tootooga katoa o toku fuaitino e kalaga mai ki te toka o latou o ofa ki lalo i Tou auala ona ko Tou fiafiaaga, kae e naunau ke tufatufa atu latou pe la me ne pefu mai i Ou mua. O ko latou ko la e tautua mo Koe e mafai o taimi ki te magalogalo o Tou alofa!

Au e akai fakamolemole kia Koe ke tuku mai so se mea ko oti ne sala atu kia Koe mo te vaai ola o Tou alofa mataefa, ko te mea ke motu a ia mai i kopikopiaaga ki so se isi tino vagana ko Koe. Ko Koe, e tonu ko te Iloa-Silisiliese, ko te Matagofie-Katoatoa, ko te Mafi-Katoatoa.

E maluga a Tou igoa, O te Aliki toku Atua! E pefea a te takutaku a Tou mafi mo Tou nofoaiga-faka-aliki, pefea a te lauefa o Tou maalosi mo Tou laufenua! Ko oti ne kalaga ko Ia Tela e faipati i Tou igoa i mua o latou katoa i Tou lagi mo i Tou lalolagi, ko oti ne fakatonu a Ia ke tagi i vasia o Au mea ola.

Koi fano a te muna mai i Ona laugutu, na la, a ko faifeau i vasia o Au tino ko fuli keatea mai ia Ia, ako latou poto i vasia o Au tavini ko kaitaua ki Ana failoga. Tena la a te afi o te teke e faka-ka i Tou fenua, ke oko ki taimi ke tu ki luga a tupu o tamate a Tou mainaaga, O ko Koe Tela ko te Tupu o tupu!

A te kaitaua ne poloo se gasuesue ko oku kaaiiga mo oku fagasele ne tausi faka-pagota i Tou fenua, ka ko latou ko la e fagasele kia Koe ne taofigina a olotou kilo ki Tou gali mai i te mafuli atu i te auala o Tou aalofa-fakamagalo. A te fai taua tenei e seki mafai ne te afi e ka iloto ia latou o tukutu ifo ki lalo. A te fili i te otiiga ne fakapagota a Ia te la ko te Faifekau o Tou gali mo te Fakaasi o Au failoga, kae sai a Ia ite fakai-falepuipui o ‘Akká, kae taumafai ko fakalavelave a Ia mai ite masausau o Koe mo te faka-lauefaaga o Tou igoa. A Tau tavini, na la, e se-mafai o taofiigina mai i te fakataunuuga o te mea ko oti ne fakatonu ai ne Koe kia Ia ke fakataunu. Mai i luga ite sikulagi o fakalavelave ne sisi aka ne Ia ki luga a Tena leo kae ne tagi atu a Ia, kalaga atu ki pagota katoa o te lagi mo tino nofo katoa i te lalolagi ki te pooko mo te lasi o Tou alofa-fakamagalo mo kogaa koga nofo o Tou alofa atafai. I ao mo po e avatu faeloa ne Ia ki lalo a failoaga o Tou maalosi malifalifa kae fakaasi atu a alofaga maina o Tou afioga, ko te mea e seai se agaaga o Au mea ola e mafai o futi atu kia Koe, kae e tau o liakina a latou loa ia latou ko saga au i ei kia Koe, kae ke mafai o tele mai keatea i te masei kae sala atu kite fale tapuaki malu o Tou maukoloa, kae fakavave mai keatea mai ite se-fakafiafia o te koga koga nofo o Tou afioga mo te matagofie.

Mea nei se Lamepa ko te mainaaga o Tou Uiga tonu ne faka-ka ne ia, ka ko te mainaaga a matagi o te se-fealofani e se mafai lele o tamate. Mea nei ko te Vasa te la ne fakagsue i ei a te maalosi o Tou nofoaiga-faka-aliki mafi, ko ana galu ne pokotia i ei a latou fapaupau ko la ko se talitonu i te Aso o te Fakamasinoga e se mafai lele o taofi. Mea nei ko te Laa o te mea tonu e maina i te lagi o Tou finagalo mo te matagofie ko veli o tino galue o te agasala mo faletonu o latou masei e se mafai lele o fakapouli.

Au e avatu a e fakafetai, O toku Atua, auaa ia Koe ko oti ne ofo au pe la me se taulaga i Tou auala, kae fai au pe la me se taketi mo matasana o te puapuaga o alofaga mo Tou alofa ki Au tavini, kae fakapatino aka au mai i auala kesekese katao o te fakalavelave mo te toe fakaolaaga o Au tino.

E pefea a te magalo ki taku tami o te manogi o aku fanoanoa ne tuku mai ne Koe, kae e pefea a te pele ki toku loto a te natula o Tau kiloga atamai! Tanumia ate agaaga ola te la e tele mai i faka-matakutakuuga a tupu i te taumafaiiga ke fakasao a ia i Ou Aso! Au e tauto i Tou matagfoei! So se tino te la ne inu i te vaai ola o Au alofaga e se mafai o mataku ki se fakalavelave i Tou auala, io me e mafai o fakaseke a so se fakalavelave mai i te masausau o Koei io me ko te fakamanatu o Ou tavaeega.

Au e akai totuli kia Koe, O ko Koe Tela ko te Kovana mo te Pule-Aoao o igoa katoa, ke puipui latou kola ko oti ne kaula mai ki tua mai ia au (Afnán), tela a Koe ko oti ne fai me e kaaiga atu kia Koe, kae kia ia a Koe ko oti, i Tau Fakaasiiga, ne fakaasi a Ou alofaga fakapitoa, kae ki ei a Koe ko oti ne kalaga ke fakapilipili atu kia Koe kae fuli atu ki te sikulagi o Tau Fakaasiiga. Sa taofi mai ia latou, O toku Aliki, a maligiiga o Tou alofa-fakamagalo io me ko te malifalifa o te Fetu Ao o Tou alofa atafai. Fakamafai aka a latou ke fakapatino a latou i vasia o Au tino, ko te mea mafai a latou o fakamalu a Tau muna kae talai atu a Tau Fakatokaaga. Feasoasoani kia latou, O toku Atua, ke fai a Tou finagalo mot e fiafiaaga.

Seai aka se Atua na ko Koe, ko te Maalosi-Katoatoa, kote Tafasili ite Malu, ko te Tafasili ite Maluga.

Te mana e io Koe, O toku Atua! Kae ona ko fakalavelave ko la e tumau i Tou auala, e mafai pefea o iloa fakalei a latou ko la e alofa tonu mo Koe; kae moi fai see ko tofotofooga ko la ne faka-fesagai ona ko te alofa mo Koe, e mafai pefea o fakaasi a te tulaga o ia te la e tagi mo Koe? Tou mafi e molimau ne ia au! A taugasoa o latou katoa ko la e tapuaki kia Koe ko loimata o latou ko la e maligi, a ko latou ko la e faka-mafanafana ne latou tino ko la e saala kia Koe ko musumusuuga-fita e faipati ne latou, a ko meakai a latou ko laa e fakavave ke fetaaui mo Koe ko malipilipiiga o olotou loto mafatia.

Ko te suamalie ki taku tami o te kona o te mate ne tupu i Tou auala, kae e pefea ate taaua i taku fakatau a matatao o Ou fili mafai e faka-fesagai mo te faka-malugaaga o Tau muna! Tuku au ke inu i Tau Fakatokaaga, O toku Atua, a so se mea te la e manakogina ne Koe, kae tuku mai kia au i Tou alofa a mea katoa ko la ko oti ne fakaeke ne Koe. Mai i Tou Matagofie-Mana! Au e manako fua ki te mea te la e manako foki Koe ki ei, kae pole fua ki te mea te la e pole Koe ki ei. Ia Koe ko oti au, i taimi katoa, ne tuku atu toku faka-tuanaki katoatoa mo te talitonu fakamaoni.

Fakatu aka ki luga, au e fakamolemole kia Koe, O toku Atua, a tino ko la e fesoasoani ki te Fakatokaaga tenei ko la e aogaa mo Tou igoa pe la foki mo Tou maalo-tupu, ko te mea ke masaua au ne latou i vasia o Au mea ola, kae sisi ki luga a fuka o Tou manumaalo i Tou fenua.

E maalosi Koe o fai a te mea e fiafia Koe ki ei. Seai se Atua na ko Koe, te Fesoasoani-i-Mea-Faigata, te Ola-Fua-ia-Ia.

Te Matagofie e ia Koe, O toku Atua! Tokotasi o Au tavini fafine, teka ne talitonu ia Koe mo Au failoga, ko oti ne ulu atu ki lalo o ata o te lakau ola o Tou tafatasi. Tuku atu kia ia ke inu, O toku Atua, i Tou igoa, ko te Maina mo te Funa, o Tau uaina filifiia te la e mafai o kave a ia keatea mai ia ia loa, kae fai a ia ke tapuaki tonu loa ki Tou faka-masausauaaga, kae motu keatea mo te katoatoa mai i so se tino na ko Koe.

Nei la ko oti ne fakaasi ne Koe kia ia a te poto o Koe, O toku Aliki, sa-liakina gina a ia, mai i Tou gali, Tou alofa-kaimalie; ka nei ko oti ne kalagina e Koe kia Koe, sa faigia mai i Tou alofa ke tele mai ia Koe. Tuku atu kia ia, tena, a te mea te la e tafasili i te gali mai i mea katoa ko la ko oti ne maua i Tou lalolagi. A Koe, e tonu, ko te Tafasili i te Maukoloa, Tela a Tena alofa e tafasili i te lauefa.

Moi fai e fakaeke aka ki luga i se tasi o Au mea faiite a te tusa o maalo o te lalolagi o mo te lagi, e se mafai foki loa o galo ifo pe la me se foititi kii loa a te pooko o Tou maalo. E lasi atu a Koe i te Tasi o Mea Tafasili i te Lasi ko tagata ko manako faeloa o kalaga atu kia Koe, auaa i te igoa tena ko te tasi fua mai i Ou igoa katoa ko la ne faiite mai i te manakoga foliki o Tou finagalo.

E seai aka foki se Atua na ko Koe, ko te Atua o te maalosi, ko te Atua o te matagofie, ko te Atua o te poto mo te atamai.

A loto ko la e naunau kia Koe, O toku Atua, ko oti ne ka ne te afi o te fakatalitali mo Koe, ako mata o latou ko la e alofa mo Koe ko mae i te tagiiga ona ko te mavae mai i Ou kogaa koga nofo ka ko te leo o te fanoanoa pe la mo latou ko la ne fakamau a olotou fakamoemoega ki luga ia Koe ko galo atu i Ou laufenua katoatoa.

A Koe ko oti a Koe, O toku Atua, ne puipui a latou, i Tou nofoaiga-faka-aliki mafi, mai i fakaotiotiiga e lua. Kae mo te faka-kaaga o olotou agaaga ola mo te manavanavaaga o olotou loto, a latou ka malemu i loto i olotou loimata, kae mo fai seai ko te lofiiga o olotou loimata ko oti a latou ne ka i te afi o olotou loto mo te velasia o olotou agaaga ola. Au e mafaufau, a latou pe la me ne agelu ko la ne faiite ne Koe mai i te kiona mo te afi. E kafi ne Koe, e uiloa a te manako maalosi o te olotou fatalitaliiga, O toku Atua, o pono a latou mai o Tou nofo-mai, io me e atuli a latou keatea, e uiloa se manakoga pena, mai i te mataloa o Tou alofa fakamagalo? A fakamoemoega katoa ko toka o fakaseai i loto o Au tino filifiia, O toku Atua! Ko fea a matagi ili malielie o Tou alofa atafai? A latou ko sui fakapiki mai i feitu katoa ne Ou fili; ko fea a failoga o Tou manumaalo te la e fakafeagaiiga mai ne Koe i Au Tapeleti?

A Tou matagofie ko toku molimau! I te mafaaga o te ata ao i taaimi katoa a latou ko la e alofa ia Koe e ala ki luga o sala ki te ipu o te fanoanoa e tuku i mua o olotou mata, aua ia latou e talitonu ia Koe kae e iloa foki Au failoga. E uiloa au e talitonu katoatoa me ia Koe e lasi a tou alofa atafai kia latou ilo a latou kia latou eloa, e uiloa e lavea ne au ia Koe ne fakamae a latou aunoa o se pogai aka na loa ko te talaiiga o Tau Fakatokaaga, kae ke mafai a latou o olo aka ki te lagi o Tou favavau mo kogaa koga nofo o Koe, kae e seai e iloa foki loa ne Koe faka lei a te vaaivai o niisi o latou mo te se lava o te onosai o olotou tigaina.

Fesoasoani kia latou mai i Tou alofa atafai maalosi, au e akai fakamolemole kia Koe, O toku Atua, ke mae mo te onosai i te olotou alofa mo Koe, kae sa kofugina a olotou mata ki te veli pe la mo te mea ko oti ne fakatonu mai ne Koe mo latou mai i tua o te Fale Tapuaki Malu e se-mafai o seai a Tau puipuiiga, ko te mea ke tele latou ki mua ke fetaui mo te mea ko leva ne fakaeke mo latou i Tou auala, ke fakataufai i te teleega ki mua mai i tua o fakalavelave i te olotou alofa mo Koe. Kae kafai e seai ko ia, fakaasi aka la ne Koe a tulaga o Tou fanaka ki luga, kae fai a latou ke manumaalo i luga atu i Ou fili, ko Tou nofoaiga-faka-aliki ke mafai o fakaasi atu kia latou katoa ko la e nofo i Ou kogaa koga nofo, mo te maalosi o Tou mafi e fakaasi i vasia o Au mea ola. E maalosi a Koe o fai a te mea e manako Koe kiei. E seai aka se Atua na ko Koe, ko te Iloa, ko Atamai-Katoatoa.

Faka mautakitai aka ne Koe, O toku Atua, a Tau tavini ko oti ne talitonu ia Koe ke feasoasoani ki Tau Fakatokaaga, kae tausi aka ia ke sefe mai i faka-matakuuga katoa i loto i te olo-maalosi o Tau tausi mo Tau puipuiiga, ite olaaga nei mo te olaaga ma vau. A Koe, e tonu, e pule pela mo te mea e fiafia Koe kiei. E seai se Atua na ko Koe, ko te Fakamagalo-Katoatoa, ko te Tafasili ite Kaimalie.

Matagofie kia Koe, O toku Aliki, Vaiua ifo ki lalo, au e akai fakamolemole kia Koe, mai i kaumana o Tou alofa-atafai ko sofisofi ki tua, ka fulu a loto o Au tavini mai i so se mea te la e taofigina mai i te lavea Ou mata, io me taofigina a latou mai i te fuli atu kia Koe, ko te mea ke mafai katoa ne latou o lavea a Ia te la ko te Aofaga-Faiite mo te Tofuuga. Feasoasoani kia latou, tena la, O te Atua, ke oko atu, mai i te maalosi o Tou nofoaiga-faka-aliki mafi ki luga i se tulaga e mafai o fakavasega fakavave a te manogi se-lei mai i te gatu o Ia Tela ko Tino Kave o Tou igoa tafasili i te maluga kae silisiliese, ko te mea ke mafai o fuli atu katoa a olotou alofaaga kia Koe, kae e mafai o fiafia a se fakatasiiga pili kii mo Koe te la kafai a mea katoa i te lagi mo te lalolagi e tuku atu kia latou, e fakatau ne latou me e se –tau ke iloa ne latou, kae e se-talia e latou o fakagata mai i te masausau o Koe mo te fakamalugaaga o Ou uiga llei.

Puipui, au e talosaga kia Koe, O toku Fagasele, ko te Manakooga o toku loto, nei a Tau tavini te la ko oti ne sala ki Ou mata, mai i matasana a latou ko la ko se-talitonu ia Koe mai i koga tausi o latou ko la ko se talitonu i Tau mea tonu. Fai aka a ia, tena la, ko te mea ke mautakitaki katoatoa ia Koe, ke fakapula a Tou igoa, kae ke fakatumau a tena kilo ki luga i kogaa-koga nofo o Tau Fakaasiiga. A Koe, e tonu, ko Ia Tela, e seki ai aka loa se taimi ne fuli keatea a latou ko la ne tuku a olotou fakamoemoega ia Koe mai i te mataloa o Tou alofa-atafai, io me o fakalavelavegina a latou ko la e sala kia Koe mai i te oko atu ki kogaa-koga nofo o Tou alofa-atafai. E seai se Atua na ko Koe, ko te Tafasili ite Maalosi, ko te Maluga-Katoatoa, ko te Feasoasoani-i-Mea-Faigata, ko te Matagofie-Katoatoa, ko te Aofia fakatasi-Katoatoa, ko te Se-Fakanofogina.

E fakalauefa, O te Aliki toku Atua, a Tou Igoa, te la ne pulougina a lakau ola o te fatoaaga o Tau Faaliga mo te lau-usiusi, kae ne mafai o tau a fuataga kaina o te mana i vaaitaimi o te Tau-malulu i taimi a te manogi gali o Au mea-alofa mo fakamanuiaaga ko oti ne agiagi i luga i mea katoa, kae fai a latou ke aumai ki mua a so se mea ko la ko oti ne leva ne fakaeke gina mo latou i te Maalo o Tau fakatonuuga e se mafai o mafulifuli mo te Lagi o Tau ikuuga e se mafai o fakase gina. Au e akai fakamolemole kia Koe i te Igoa loa tenei ke se fakafita gina au ke mao mai i te fale o Tou mana, io me e liakina au mai i te koga koga tafasili i te maluga o Tou tafatasi mo te fakatasitasi.

Faka ka, i ei, O toku Atua, i loto i oku fatafata a te afi o Tou alofa, te la a tena ulaaga e mafai o sunu ne ia a mea katoa vagana ko toku masausauaga ia Koe, ko so se mafaufauga masei ke mafai o fakamalalo kii loa i loto ia au, ko te mea ke seai lele loa vagana ko te fakamalugaga o Tou matagofie tafasili i te gali. Mea nei ko toku fakamoemoega tafasili i te maluga, ko toku manakoga maalosi, O ko Koe e pule i mea katoa, kae te la a Tena lima ko te maalo o te foafoaaga katoatoa. A koe, e tonu, e fai a te mea e filifili ne Koe. E seai se Atua i tafa o Koe, ko te Mafi-Katoatoa, ko te Matagofie-Katoatoa, ko te Fakamagalo-Katoatoa.

Tavaeega e io Koe, O te Aliki toku Atua! Au e akai fakamolemole kia Koe i Tou Igoa te la ne fai ne ia ke soko-ga-pelepele a so se motiiga o vasa o Tou alofa-kaimalie mo te alofa-fakamagalo, kae ke sulu maina i loto i atomu takitasi katoa a mainaaga o Au fakamanuiaaga mataefa mo alofaaga, -au e akai fakamolemole kia Koe ke fakalakei aka a agaaga ola taki tasi katoa ki lakeiiga o Tou alofa, ko te mea ke seai e toe i luga i te lalolagi e seki fuli atu kia Koe, io me ne fakatamala o motu mai a ia mai i mea katoa na loa ko Koe.

A Koe ko oti, e tonu, O toku Atua, ne mae a Ia Tela ko te Faifekau o Koe Tonu loa te la ne fakapokotia i vaega kesekese o te fili ko te mea ko Au tavini ke mafai o olo aka ki luga i te tumu fakaoti o Ou alofaaga matalei, kae ke oko atu ki te koga te la a Koe ko oti, mai i Tou iloa atamai mo alofaaga atafai, ne fakaeke mo latou i loto i Tapeleti o Tau ikuuga e se-mafai o mafulifuli. Ko te matagofie o Tou mafi e fai mo aku molimau! Kafai a latou, i minute katoa o olotou ola, ke tuku atu a latou pe la mene taulaga i Tou auala, e mutana foki loa a te mea e fai ne latou ma fakatusa ki lakeiiga uke e tausi mo latou ne Koe.

Talia aka, na la, au e akai fakamolemole kia Koe, ko olotou loto ke mafai o tuku atu ki mua ia Koe, ko olotou ata ke mafai o fuli ki te auala o Tou fiafiaaga-lei. E maalosi a Koe o fai a te mea e loto a Koe kiei. E seai aka se Atuaa na ko Koe, ko te Se-Mafai o Oko ki ei, ko te Matagofie-Katoatoa, ko te Fakamagalo-Katoatoa.

Fakamaulalo, na la, ke talia aka, O toku Atua, mai i Tau tavini a mea ko la ko oti ne fakaasi mai ki mua ona ko tena alofa mo Koe. Fakamakeke aka a ia, na la, ko te mea ke mafai o puke mau ki Tau Muna tafasili i te malu, kae ke fakamatalatala a tena laulaufaiva o fakamanatu Ou tavaeega, kae fai a ia ke luku atu mo Ou tino ko la e pili atu kia Koe. A Koe ko Ia i loto i Tena pule ko te empaea o mea katoa. E seai aka se Atua na ko Koe, ko te Mafi-Katoatoa, ko te Feasoasoani-i-Mea-Faigata, ko te Matagofie-Katoatoa, ko te Se-Mafai o Taofigina.

Faka-lauefagina a Tou igoa, O Koe te la e i Ou lima ko agaaga o latou katoa ko la e matea ne latou a Koe, kae i Tou lima faka-atamai ko te fakaotiga o latou katoa ko la i te lagi mo latou ko la i te lalolagi! E fai ne Koe, i te maalosi o Tou mafi, a te mea e loto Koe ki ei, i se faiga o Tau filifiliiga, a te mea e fiafia Koe ki ei. A loto o toe tagata loto faigata e seai se aogaa ma fai e fakatusa ki faka-maoniiga maalosi o Tou finagalo, mo loto fui fai o latou ko la e faigata ia latou o mafulifuli mai i luga i Au mea faiite e olo fua o malepelepe i mua o faka-asiiga se lausia o Tou finagalo.

Koe ko ia Te la, mai i te muna i Tou gutu, ko oti ne fagai a loto o Au tino filifilia ko te mea ke oti latou, i te olotou alofa mo Koe, ke motu a latou mai i so se mea na ko Koe, kae tuku atu a olotou ola fai lafoga a olotou agaaga i Tou auala, kae fai, ona ko Koe, mea ko la e seki fai aka loa ne so se tino.

Au se tavini fafine tokotasi a Koe, O toku Aliki! Ko oti ne fuli atu oku mata ki te kogaa-mea o Tou alofa-kaimalie, kae sala atu ki mea faka-ofoofogia o Au mea-alofa e se mafai o laugina, pe la katoa mo tootooga o toku fuiatino e molimau ia Koe ko te Manuia-Katoatoa, a Ia Te la a Tena alofa kaimalie e tuaefa i te lasi.

O ko Ou mata ko te pogai o toku faka-moemoega, Tena gali ko toku nofoga malu, Tena fale ko toku koulu, Tena masausauaaga ko toku manakoga, Tena atafai ko toku mafanafanaga, Tena alofa ko toku faka-magalooga, Ona vikiiga ko toku taugasoa, Tena pili mai ko toku faka-moemoe, Tena pili mai ko toku finafinauga sili tena! Sa faka-fanoanoagina au, au e akai totuli kia Koe, o taofi mai ia au a mea katoa ko oti ne fakeke ne Koe mo au tino filifilia i vasia o Au tavini fafine, kae aumai kia au a te lei o te lalolagi nei mo te lalolagi ma vau.

Koe, e tonu, ko te Aliki o te foafoaaga. E seai aka foki se Atua mai i Ou tafa, Te Faka-Magalo Katoatoa, ko te tafasili ite Maumea.

Matagofie a Koe, O te Aliki toku Atua!! Au e talosaga kia Koe, ia Ia Tela ko te Aso-Kamata o Au failoga mo te Faifekau o Ou igoa, mo te Koga Tausi o Kope taua o Tau fakamaalosiiga, mo te Kogaa koga Tausi o Tou atamai. ke tuku ifo ki luga i Au fagasele a mea ko la ka fakamafai i ei a latou o piki mautakitaki ki Tau Fakatokaaga, kae ke iloa a Tou fakatasitasi, kae ke fakamatea a Tou tafatasi, kae ke molimau ki Tou faka-atua. Avaka a latou ki luga, O toku Atua, ki koga maluga ke lavea i mea katoa a alofaaga o te maalosi o Ia Tela ko te Faifekau o Tou Tina Tino matagofie-katoatoa kae malu.

A Koe ko Ia, O toku Aliki, Tela e fai a te mea a Ia e loto kiei, kae fakaeke a te mea a Ia e fiafia ki ei. So se pule o te maalosi e galo mai i mua o fakaasiiga o Tou mafi, so se alaa-vai o te fakaaloalo e seai se aogaa manafai e fakafetaui mo molimau uke o Tou matagofie takutakua.

Au e akai akamolemole kia Koe, ia Koe kae i so se mea te la ko Koe, ke talia ko au ke mafai o fesoasoani ki Tau Fakatokaaaga kae faipai ki Ou tavaeega, kae tuku atu a toku loto ki luga i kogaa koga nofo o Tou matagofie, kae motu au mai i mea katoa ko la e se-sokotaki kia Koe. E seai aka se Atua na ko Koe, ko te Atua o te maalosi, ko te Atua o te matagofie mo te atamai.

Tavaeega e io Koe, O te Aliki toku Atua! E lavea ne Koe a toku numi valevale, mo te pooko o toku tigaina, mo te mae o toku agaaga ola, mo fakalavelave ko oko mai kia au. Mai i Tou matagfoofie! A toku loto ko tagi kia Koe ona ko mea ne oko mai ki luga i aku fagasele i Tou auala, ka ko oku mata ko sofisofi i loimata mo latou ko la, i aso konei, ko oti ne olo atu ki luga kia Koe, ko la ko oti ne liakina a te lalolagi i olotou tua, kae tuku mau a olotou mata ki matafaga o Tou alofa fakamagalo taulekaleka.

Fakapei aka olotou gatu, O toku Atua, ki te gatu o Tou alofaaga mo te gatu o Tou alofa atamai, te la a Koe ko oti ne tusi mo Koe Loa ia Koe kae laga i lima o Au alofaaga mataefa e se-lausia. Avatu kia latou, na la, ke inu mai i lima o Tou alofa-kaimalie, ki ipu o Tou alofa-fakamagalo e se-mafai o fuagina. Fai aka latou, tena foki, O toku Fagasee-Lei, ke nofo i loto i kogaa koga nofo o Koe kae tamilomilo i Tau Fale Tapuaki Malu malifalifa. E maalosi a Koe o fai a te mea e fiafia Koe kiei.

Kae nei e akai fakamolemole au kia Koe, i te favavau o Koe, ke fakamafai au ke onosai i mea tupu konei ko la ko kosu i ei a te Lukuuga Mana i luga o pa-kalaga i te fanoanoa ka ko tino i te Palataiso favavau ke tagi, kae mai i olotou mata katoa ko oti ne kava ki pefu ne pukegina mai ne Au tavini kae ko oti ne fuli ki Tou Igoa, ko te Tafasili i te Fakamalu ko te Tafasili i te Maluga. E seai aka se Atua na ko Koe, ko te Mafi-Katoatoa, ko te Se-Mafai-o-Okogina, ko te Fakamagalo-Katoatoa, ko te Atafai-Tafasili.

Au tavini katoa, O toku Atua, e saga aka loa kia latou, se faigina i te lasi o fakalavelave, ne fakaiku mai ne Koe ko oti ne siomia ia latou mai i feitu katoa. Toku laulaufaiva, tena, ko fakalavelave i te fakamaluuga o Au tino filifilia, a ko toku loto i te masaua o latou ko la ko fagasele kia Koe kae e pule gina ne Tou finagalo.

Sa kilo mai ki toku tulaga, O toku Atua, io me ko toku fakatamala o tavini mo Koe, ikaai kae kilo mai ki vasa o Tou alofa fakamagalo mo alofaaga, mo mea ko la e tau ki Tou matagofie mo Tau fakamagalo kae e tau fokinki Tou alofa-fakamagalo mo fakamanuiaaga. A Koe, e tonu, ko te Fakamagalo-Katoatoa, ko te Tafasili ite Kaimalie.

Tavaeega kia Koe, O te Aliki toku Atua! A Koe e lavea a se laulaufaiva o so se tino e mafai o faipati na ko Koe, kae fai mo molimau ki mea e se mafai ne se muagutu o toe lau. A lolo o te tigana ko fakmatalatala, ka ko matagi o Tau fakamasinoga ko agi, ka ko kaumana ko vaiua ifo ki lalo a matasana o tofotofooga, ka ko lagi o Tau fuafuaaga ko ligi ifo pe la me ne matasana o tofotofooga.

E lavea ne Koe, O toku Aliki, me ko Au tavini, ko la ne talitonu ia Koe ne fakamatea Au failoga, kae ne to ki loto o lima kui o Ou fili, ko mataloa o te faigofie mo agalelei ne pono kia latou, me ne vaaivai pefea i te Olo-Tau te la e seai se lei io me se fakamoemoega e mafai o maua i ei. A latou ne tigaina i Tou auala te la e seai se tagata mai mua ne tigaina pena. E tenei e fai mo aku molimau a latou ko la e nofo pili ki Tou kalauna-a-tupu, mo latou i luga i te lalolagi, pe la foki mo te Luikuuga Mana mai i luga.

Latou, O toku Atua, ko Au tavini ko la, ona ko te alofa mo Koe, ko oti ne liakina a olotou fale, ko oti ne faka-gasuesue ne matagi ili malielie o olotou manakoga mo Koe te la ko oti i ei ne mavae mai keatea a so se sokooga i Tou auala. Ko Au tavini ko la e nofo i Tou fenua ko oti ne soli tuakoi o teke kia Koe, ka faka-fenua-kese mai i Ou fakai lasi, kae puke latou pe la me ne pagota, kae avatu a latou ki tino galue masei i vasia o Au tino mo latou tino fuifai i vasia o latou amio se-lei i Tou kogaa-koga nofo. I te otiiga, a latou ne fai ke nofo i te koga tenei te la e seai aka foki se koga, e pefea a te mataga, i laufenua katoa, e mafai o fakatusa ki ei. A latou ne pokotia i tofotofooga ko la a kaumana i luga ko tagi kae pa a fatili ona ko fakalavelave uke ko pokotia ia latou i te olotou alofa mo Koe kae ona ko Tou fiafiaaga.

E iloa fakalei ne Koe, O toku Atua, me e seai aka foki i luga i Tou lalolagi e mafai o fai sena tagi ia ia e kaaiga kia Koe vagana ko latou, a niisi o latou ko oti ne pokotia i te mate fakamatulo ona ko Koe, ka ko niisi tino ne fakatalia ke ola mai. Ko latou kona pe la mo matou, O toku Atua, e seki tau o fakatagi me kaaiga kia Koe, auaa ko motou mea se-lei mo matou se-fakalogo ko fai mo fakalavelave i te oko o matou ki pokooga o te vasa o Tou tafatasi, mai i te ufiiga o matou ki lalo i te vai o Tou alofa malifalifa, kae e uiloa a motou laulaufaiva, O toku Atua, e fai mo molimau, ka ko omotou loto e fakatalitonu, ko motou tootooga fuaitino e fakaasi tonu ki Tou alofa fakamagalo ko oti ne siomia a mea faiite katoa ka ko Tou atafai ko silia atu ia latou katoa i te lagi mo latou katoa i te lalolagi.

Au e akai totuli kia Koe, i Tou Igoa Tafasili I te Lasi, ne auala atu i ei a mea faiite katoa o nofo katoa ki lalo ka ko te foafoaaga katoatoa ne gasuke, ke tuku ifo ki lalo mai i kaumana o Tou alofa-fakamagalo a mea ko la ka fakagata i ei a latou mai i so se fakalavekave pela foki mo so se mea kaitaua kia Koe. Avaka ki luga, tena la, ki koga maluga te la e seai se fakalvaelave e mafai o taofigina a latou mai i Tou masauaaga gali, io me so se fakalavelave e mafai o taofi a latou mai i te fuli atu kia mua i te fale o Tou tafatasi malilifa.

Mai i Tou mafi, O Koe ko te Fagasele-Lei o Bahá mo te manakoga o Tena loto! Au ne tagi atu, i faka-nofonofoga katoa, kia Koe o fai atu penei: “Moi fai au ko oti, e vau a te aso tenei, ne fakapilipili atu kia Koe!” Kae kafai e lagona ne au a pusiiga o manava o Au tino ko la e fakatuanaki katoatoa kia Koe, mo Au tavini ko la e fiafia i te nofo pili o latou ki Tou kogaa-koga nofo, te la e seai aka foki e faka-taugasoa ki ei na ko Koe, kae e seai aka foki ne lafi ki ei na ko Koe, kae ko oti ne filifili mo latou, i Tou auala, a se mea e seki aka loa se tagata ko oti ne fili ne ia i aso o te Faifekau o Tou fakatasitasi malifalifa mo Aso-malulu o Tou nofoaiga-faka-aliki tafasili i te mana, tena i ei ko fanoanoa a toku loto ka ko toku agaaga ola ko se-fiafia, kae tagi atu au kia Koe, o akai fakamolemole ke puipui aka a latou, mai i te maalosi te la ko oti ne aofia i ei a te foafoaaga katoatoa o te lavea mo te se-lavea, mai i so se mea te la e mataga kia Koe. Mea nei seai mo latou, ka ko Tou igoa ke mafai, auala atu ia latou, o nofo i vasia o Au tavini, mo Ou masausauaga ke tumau o nofo i Ou laufenua.

E iloa ne Koe, O toku Atua, i Au tavini katoa ko oti ne fuli tua mai ia Koe kae tu ki luga o teke atu a Koe. E iloa ne Koe e seai se tokotasi e fakalogo kia Koe na loa ko latou ko la e talitonu i Tau Fakaasiiga, te la mai i ei a fakavae o te iunivesi katoatoa ko oti ne faka-gasuke, ka ko agaaga ola o tagata katoa ko polepole, mo latou katoa ko la ne to a olotou moe ko oti ne fakavave. Ko Koe, O toku Atua, ko te Atua o te alofa mataefa, Tena alofa atafai e se fuafuagina ite lasi.

Tuku ifo ki lalo, tena la, ki luga ia latou a mea ko la ka fakatalitonu ki olotou loto, kae faka-filemu a olotou agaaga ola, kae fakamaalosi a olotou agaaga, kae fakafelesi a olotou fuaitino. A Koe, e tonu, ko te olotou Aliki mo te Aliki o lalolagi.

Tavaeega e io te Atua, ko te Aliki o te foafoaaga katoatoa!

Ko te matagofie kia Koe, O ko Koe kote Aliki o lalolagi katoa, mo te Fagasele o latou katoa kola e iloa ne latou a Koe! E lavea mai ne Koe au e sagasaga i lalo ote pelu-tau e sai ki se filo, kae e iloa fakallei me i se tulaga penei au seki fakatamala i toku tiute ki mua i Tau Fakatokaaga, io me ne fakatamala o tufa atu ki tua atu Ou tavaeega, kae fakapula Ou uiga llei, kae avatu a mea katoa kola ne fakasino mai mo au i Au Tapeleti. E uiloa ate pelu-ttau ko toka o to mai ki luga i toku ulu, e kalaga atu au ki Au fagasele ki se kalaga tela a loto o latou ko aveia ki mua ite sikulagi o Tou afioga mote mana.

Fakalei aka fakalei a olotou taliga, o toku Aliki, ko te mea ke mafai a latou o fakavave atu ki sikuleo suamalie kola ko oti ne olo aka ki luga mai ite lima taumatau o te kalauna-a-tupu o Tou matagofie. Au e tauto ki Tou mafi! Kafai se tino e tiuni fakalei ona taliga kit e olotou pese a ia ka lele ki luga ie maalo o Tau fakaasiiga, tela a sose mea faiite katoa ka fakasalalau atu ia Koe ko te Atua, kae e seai aka foki se Atua na ko Koe, ko te Silisiliese ko te Feasoasoani-i-Mea-Faigata, Ko te Ola-loa-ia-Ia. Fulu aka ke ma ne Koe, O toku Atua, a mata o Au tavini, ka kave atu a latou ne te suamalie o Au faipatiiga ko fakalavelave ko seai se maalosi o taofi a latou mai ite fuli atu kia Koe, mote tuku a olotou mata ki mua ite sikulagi o Tau Fakaasiiga.

A te pogisa ko pulou gina I fenua katoa, O toku Atua, ko mafua iei ate taulasiiga o Au tavini ke polepole. Au e akai totuli kia Koe, mai i Tou Igoa Tafasili ite Lasi, ke avaka ki luga i fakai lasi katoa a se foafoaaga fou tela ke fuli atu ki mua ia Koe, kae ka masaua a Koe i vasia o Au tavini, kae ka taala atu ona ko olotou muna mo te atamai a fuka o Tou manumaalo, kae ka motu mai a latou i mea faiite katoa. E maalosi a Koe o fai a Tou fiafiaaga. E seai aka se Atua na ko Koe, ko te Tafasili ite Maalosi, a Ia a Tena feasoasoani e manakogina ne tagata katoa.

Ko te matagofie ei o Koe, ko Koe i Ou lima ko te lagi o te pule katoatoa mo te maalo o te foafoaaga. E fai ne Koe, i Tou nofoaiga-faka-aliki, a te mea e loto Koe ki ei, kae fakaeke, mai i te maalosi o Tou mafi, a te mea e fiafia Koe ki ei. Mai i te kamataga o te favavau a Koe ne fakamaluga mai i luga atu i tavaeega o mea faiite katoatoa, ka tumau pena ki te favavau mai luga atu o te faka-malu o so se tino o Au mea ola faiite. A te olaga e molimau foki loa ki te seai-o-se-olaga manafai ko faka-fesagai mata ki mata mo fakaasiiga uke o Tou tafatasi silisiliese, ka ko mea faiite taki tasi katoa e fakaasi tonu, ona ko tena natula, ki tena seai-lele-loa manafai e fakatusa ki te gali mana o te mainaaga o Tou fakatasitasi. A Koe ko oti, ia Koe loa, ne tutokotasi mai i so se tino vagana ko Koe, kae toe foki ate maumea, ia Koe loa ia Koe, ko fakaseai mo so se tino vagana ko Koe. So se fakamatalaaga e fai ne latou ko la e tapuaki ki Tou fakatasitasi o fakamatala a Koe, ka ko so se tavaeega e fai ne latou ko la e fakatuanaki kia Koe e tavae a Koe, ne seai na loa ko lailaiiga o te pene ko la a maikao o Tou mafi mo te maalosi ko oti ne fakagalue – maikao ko olotou gasuesueega e pulepule mai ne te lima o Tau ikuuga – ko te lima tena e galue ona ko te maalosi o Tou mafi.

A Tou matagofie e fai mo aku molimau! E mafai pefea ne au, i te iloa ne au a te mea nei ko te mea tonu, o fakamoemoe ke takutaku fakallei a Koe kae fakamanatu Ou tavaeega? I so se auala e fakamatala ne au a Koe, i so se uiga lei o Koe e toe lau ne au, e se-mafai lele ne au na ko te fakamisi kae lagona a te ma i te mea e mafai ne toku laulaufaiva o faipati io me ko taku pene o tusi.

Ko te uiga tonu o te poto, O toku Aliki, e fakasalau ki tena seai lele se maalosi o iloa a Koe, mo te numi, i tena agaaga ola, e fakaasi tonu ki tena faivalevale i mata o te fakaasiiga o Tou nofoaiga-faka-aliki mafi, kae msaua, i tena agaaga tonu, e fakapatino tonu a tena pulipuli mo te fano o seai se aoga mai i mua o fakaasiiga o Ou failoga mo fakamaoniiga o Ou tavaeega. Sea la, tena, a te mea e mafai ne te mea ola fakaalofa tenei o maua, kae ko te kafanoa fea a te agaaga ola tenei e tau o piki kiei?

Au e akai totuli kia Koe, O ko Koe ko te Aliki o lalolagi, mo te Fagasele o latou ko la e iloa ne latou a Koe, mo te Manakoga o latou katoa ko la i te lagi mo i luga i te lalolagi, mai i Tou Igoa, tel a a te tagi a latou e tagitagi atu ko oti ne avatu ki te lagi o Tou mana maluga, te la a so se tino e salasala ko oti ne lele ki te tumu maluga o Tou fakatasitasi mo te silisiliese, mai I ei a tino e se katoatoa ne faka-katoatoa, ka ko latou ne fakamalalo ne fakamaluga, ko te laulaufaiva o so se tino gutu tavili ke faka-matalatala, ka ko tino masaki ke fagata a olotou masaki, ko so se mea te la e se-tau ki Tou mana kae e se tau foki ki Tou takutakua mo Tou nofoaiga-faka-aliki ke fai ke taliagina kia Koe,- Au e akai totuli kia Koe ke fesoasoani mai matou i Ou lukuuga faka-te-lagi e se-lavea mo te potukau o agelu o Tau Fakatokaaga. Fai aka ne Koe, tena la, ke talia a galuega ne fai ne matou ona ko te alofa mo Koe, kae ona ko Tou fiafiaaga. Saa liakina gina a matou keatea, O toku Atua, mai i te mataloa o Tou alofa fakamagalo, kae sa ofagina a motou fakamoemoega i mea fakaofoofogina o Tou alofa atafai mo alofaaga.

A omotou lima, ko omotou fuaitino, O te Aliki, e fai mo molimau ki Tou fakatasitasi mo te tafatasi. Tuku ifo ki lalo ia matou a Tou mafi mo te maalosi, ko te mea ke mautakitaki matou i Tau Talitonuuga kae feasosoani kia Koe i vasia o Au tavini. Fakamaina omotou mata, O toku Aliki, ki te malifalifa o Tou gali, kae fakamaina a omotou loto ki te gali o Tou poto mo te atamai. Tusi aka matou mo latou ko la ko oti ne fakataunu a olotou ofo ki Tau Feagaiiga i Ou aso, kae ko la, mai i te alofa o latou mo Koe, ko oti ne motu a latou mai i te lalolagi te la e nofo i ei.

E maalosi a Koe o fai a te mea e fiafia Koe ki ei. E seai aka foki se Atua na ko Koe, ko te Maalosi-Katoatoa, ko te Silisili-i-Mea katoa, ko te Pule Tafasili I te maluga, ko te Feasoaosani-i-Mea-Faigata, ko te Ola-loa-ia-Ia.

Koe ko Tou pili mai ko toku loto, ko Tou nofo-mai ko toku faka-moemoega, ko Tena masausauaaga ko toku manakoga, ko Tena fale matagofie ko toku koulu, ko Tena koga nofo ko taku taketi, ko Tena igoa ko toku faka-leiiga masaki, ko Tena alofa ko te mainaaga o toku loto, ko Toku tavini ko toku faka-moemoega tafasili i te maluga! Au e akai totouli kia Koe i Tou Igoa, te la ko oti ne faka-mafai ne Koe latou ko oti ne lavea ne latou a Koe ke eva ki luga ki toe kogaa koga tafasili i te maluga o Tou poto kae faka-maalosi a latou ko la e tapuaki kia koe mo te fakamaoni ke olo atu ki luga i kogaa mea o te fale o Au mea-alofa mana, ke fesoasoani mai kia au ke fuli atu oku mata kia Ou mata, kae fakamau oku mata ki luga ia Koe, kae ke faipati au e uiga mo Tou matagogife silisiliese.

Au ko ia, O te Aliki, ko oti ne fakapuli a mea katoa na ko Koe, kae fuli atu ki te Asofoou o Tou alofa kaimalie, te la ko oti ne fakaseai a mea katoa na ko Koe mo te faka-moemoega ke pilipili atu ki Tou fale. Kilo mai kia au, mo oku mata e avaka ki luga ki te Nofoga te la e sulu maina atu mo te gali o te mainaaga o Ou mata. Tuku ifo ki luga ia au, O toku Fagasele, ke mafai ne au o lotomau i Tau Fakatokaaga, ko faka-lotoloto-lua o tino se lei ke see fai mo mea e faka-lavelave ki toku fuli atu kia Koe.

Koe, e tonu, ko te Atua o te Maalosi, ko te Feasoasoani i Mea Faigata, ko te Matagofie Katoatoa, ko te Mafi Katoatoa.

Tavaeega e io Koe, O te Aliki toku Atua! A Koe ko Ia tela a te gali katoatoa o Tena matagofie ko oti ne fakamaluga a latou ko la ko te kamataga o te fakaaloalo, ko te maalosi i Tona mafi ne fakamaalosi a latou ko la ko ulu-vaai o te eneti mo te mafi, ko te kogaa-mea o Tena finagalo ko oti ne fakamasiki aka ki luga a Faiakoga o Tau Fakatokaaga i luga atu ia latou katoa i te lagi mo latou i te lalolagi, mo te ola-maua mai tafeega e maua mai i Tena Pene ne fakavave Ii ei a agaaga ola o latou i te lalolagi o te foafoaaga.

Au ko ia, O toku Aliki, te la, e katoatoa mo Koe, ko oti ne fuli atu ona mata kia Koe, te la e uiloa e fakapatino a Tou maalosi mo Tou nofoaiga-faka-aliki, ko oti ne fakatonu ona kalafaga ki mua i Tou kogaa-koga nofo faga-selegina, mo Tou fale fakamalu kae fakamanuiagina. I te tulaga tenei ko oko au ki te Fakai lasi (Baghdád) te la, i te matagofie katoatoa o Ou igoa, ne fakaasi ne Koe a Koe ki mea faiite katoa. I te fakai tena ne faipati au mo Au fagasele; kae mai i loto i pui o te Fale ne manava ne au a te manavaaga o Tou mana kae atafia a manogi gali o Tou faka-taugasoa mai. Sa liakina gina au mai i Tou nofo-mai, O toku Aliki, io me e atuli gina au keatea mai i matafaga o Tou alofa mo Tou fiafiaaga-lei. Auaa i tino fakaalofa e seai se lafiiga mo latou vagana a ia e potupotu atu i te mataloa o te Tou maumea, ka ko latou ko la e liakina gina e se mafai o maua se filemu ia latou vagana ko talia ki loto Ii te fale o Ou alofaaga.

E mataefa a Tou igoa, O toku Aliki, ne fakamafai ne Koe au ke iloa a te Faifekau o Koe loa ia Koe, kae ko oti ne fakatalitonu mai au ki te mea tonu a kupu ko la ne oko ifo ki lalo mai ki luga ia Koe. Faka-mafai mai au, au e akai fakamolemole kia Koe ke piki mautakitaki i so se mea a Koe ko oti ne fakatonu ke tautali au kiei. Feasoaosani mai kia au ke puipui a penina o Tou alofa ko la, i Tau fakatonuuga, ko oti ne tausi ne Koe i loto i toku fatu. Tuku ifo ki lalo, tena la, i minute katoa o toku olaaga, O toku Atua, a mea ko la ka tausi i ei au mai i te seai aka foki na ko Koe, kae ka fakamau oku vae i Tau Fakatokaaga, a Koe, e tonu, ko te Atua o te matagofie, ko te Atua o te maalosi, ko te Atua o te poto mo te atamai. E seai aka se Atua na ko Koe, ko te Foai-fua Takutakua, ko te Alofa-Mataefa Katoatoa, ko te Mafi-Katoatoa, ko te Fakamagalo-Katoatoa.

Tavaeega e io te Atua, ko te Matagofie-Katoatoa, ko te Aofia-Fakatasi-Katoatoa.

E mana e io Koe, O te Aliki toku Atua! O te Aliki toku Atua! E tuku atua kia Koe a fakafetai pe la mo te kalagagina mai a Koe kia au i Ou aso, kae fagai mai au ki Tou alofa mo Tou poto. Au e akai totuli kia Koe, i Tou igoa tela a penina gali o Tou atamai mo Tau faipatiiga ne aumai ki tua o koloa o loto o Au tavini ko la ko pilipili atu kia Koe, kae e te la a te Fetu-Ao o Tou igoa, ko te Atafai, ko oti ne sulu atu a tena mainaaga ki luga i tino katoa i Tou lagi mo i luga i Tou lalolagi, ke tufa mai kia au, mai i Tou alofa-fakamagalo mo te maukola, mo Au alofaaga fakaofoofogia kae funa.

Mea nei ko aso muamua o toku olaaga, O toku Atua, ko la ko oti ne sokotaki ne Koe ki Ou aso. Nei la ko oti ne fakaeke mai ne Koe ki luga ia au se faka-aloaloga maluga, sa taofigia mai ia au a mea ko la ko oti ne fakaekegia ne Koe mo Au tino filifilia.

Ko au, O toku Atua, se tega foliki te la ko oti ne toki ne Koe ki lalo i te laukele o Tou alofa, kae ne fai ke sae mai i te lima o Tou alofa-maukoloa. A tega tenei e nau, tena la, ki te kano-loto, ki vai o Tou alofa-fakamagalo mo te vai-ola o Tou alofa-atafai. Tuku ifo ki lalo ia ia, mai i te lagi o Tou alofa-kaimalie, a mea ko la ka mafai i ei o ola mai lalo o Tou malu kae e i loto i tuakoi o Tou fale. Ko Koe ko Ia Tela e fakasiusiu a loto o latou katoa ko la ko oti ne lavea a Koe mai i te vaitafe-foliki mo te puna-vai o Tau vai ola.

E tavaegia a te Atua, ko te Aliki o lalolagi.

Au e akai totuli kia Koe, O toku Aliki, mai i te Masauaaga o Koe ko la ne fakaola aka i ei a mea katoa ki te olaaga, kae mai iei a mata katoa ne fai ke maina, ke se fakalavelavegia a fakamoemoega ko oti ne fakatonu ne au ki uga i mea e pule Koe iei. Fakagalue aka au, tena la, i Tou alofa fakamagalo, ke ulu atu mai lalo i Tou ata te la e pulou gia a mea katoa.

Ko Koe, O toku Aliki, ko toku Manakoga tokotasi, ko toku Koulu, ko toku Fakamoemoega tokotasi, ko toku Taketi tumau, ko toku Kogaa-koga nofo mo toku Lafiiga. Ke mafai a te pogai o taku malaga fakamoemoegina mo fai a Tou Gali fakmanuiagina, tafasili i te malifalifa, tafasili i te tavaegina. Au e akai kia Koe, O toku Aliki, i so se mea te la ia Koe, ke tuku mai, mai i te lima taumatau o Tou mafi, a te mea te la ka fakamaluga i ei Au fagasle, kae ofa ki lalo Ou fili.

E seai aka foki se Atua na ko Koe, ko Koe tokotasi ko toku Fagasele i te lalolagi tenei mo te laolagi ma vau. Ko Koe tokotasi ko te Manakoga o latou katoa ko la e iloa ne latou a Koe.

Tavaeega e io te Atua, ko te Aliki o lalolagi.

Tavaeega e io Koe, O toku Atua, ia Koe ne fakamaoni ki te Pene o Tau Fakaasiiga ko oti ne tusi i luga i Tapeleti ne tuku ifo ki lalo ne Koe kia Latou ko la ne fili ne Koe iluga atu i Au mea ola katoa, kae mai i ei ne tala ne Koe a mataloa o Tou alofa fakamagalo, kae tufatufa ki tua atu a te mainaaga o Tau takitakiga. Ko te matagofie kia Koe me ko oti ne tuku fakasau mai ne Koe a mea ko la mai i te vavau ko oti ne ufi i loto i te Fale Tapuaki Malu o Tou afioga, Tou silisiliese mo te matagofie, kae mai i ei ko oti ne fola atu ne Koe mai i te lagi o Tau Fakaasiiga ka fakalakei a itukau o te tusi ki Au fakamaoniiga.

Kae i te taimi ne fakataunu a te Ofo kae sae mai a Ia Tokotasi ne Feagaiiga mai, a Ia ne seki talia ne Au tavini ko la e fai pela ia latou e talitonu ia Ia Tela ko Tou Ulu-Atua ne fakaasigia, Tela ko Koe ne fakaeke me ko Ia ko te Takitaki-ala o Tau fakaasiiga, mai i Tena oko mai a mata o pagota o tou kogaa-koga nofo o Tou fakatasitasi ne fiafia.

E iloa, O toku Aliki, i olotou fakamasakooga ko oti ne iloa ne latou a Koe kae e talitonu i Au failoga, io me ko olotou fakamasakooga ko la ko oti ne se talia ne latou a Tou nofoaiga-faka-aliki. I taimi katoa e kalaga au kia latou mo Koe kae fai atu penei: “O tino! Mafaufau ki muna a te Aliki ko te outou Atua kona ia koutou mo mea kona ke tuku ifo ki lalo mai i te lagi o Tou finagalo mo te maalosi,” e faomea kia Koe, kae fuli atu olotou tua kia Koe, kae e uiloa, pel a loa me ko Koe e iloa – i pati taki tasi ko oti ne olo atu i muagutu o Tou finagalo ko oti ne maligi a te sausau manogi o manavaaga o Tou alofa fakamagalo.

A niisi ko oti ne filifili ke piki kia ia te la e llau pela me e se tau o sautala mo so se isi o Au tavini ko la e onoono i Tou mataloa (Mírzá Yaḥyá), e pefea atu e manakomia o ulu atu ki te fale te la a te Laulaufaiva o Tou afioga ne faipati. Fakama ne Koe a olotou loto mo olotou mata, O toku Aliki, ko te mea ke mafai ne latou o lavea ki olotou mata kae malamalama i olotou loto, ko latou ke fiafia o fakapilipili atu I Au faipatiiga kit e Aso-Malulu o Tau fakamaalosiiga, kae futi mai ke pili ki tafeega malielie o te ala-vai foliki o Tou poto.

A Koe ko Ia, O toku Aliki, Tela ko oti, i laina taki tasi katoa o Tau Tusi, ne faulu ki loto a te feagaiiga mo latou ona ko au, kae faka patonu me e seai ne Au mea ola e mafai o kalo mai i ei. A Koe ne fai mai – a ko Tau muna ko te mea tonu: “A te tasi o mataimanu mai ia Ia e maluga atu i mea katoa ko la ko oti ne aumai ki lalo i loto i te Bayán.”

A Koe ne mafaufau, tena la, O toku Atua, me ne solituakoi pefea ki Tau Fakatokaaga, kae atafia a mea a olotou lima ne fai i Ou aso. A latou ne see kii loa kia au tel a a te Lakau Ola o Tau Fakaasiiga ne fanoanoa, ka ko pagota o Tau Fale Tapuaki Malu o Tau afioga mo latou ko la i fakai lasi o Ou igoa ne tagi. E seiloa ne au, O toku Atua, me se a a te pogai ne tu mai a latou ki luga o teke au, kae ne a foki a fakatalitonuuga ne fuli i ei a latou keatea mai ia ia Koe ko te Aso-Kamata o Au failoga. Au e akai totuli kia Koe, O ko Koe Ko te Aliki o igoa katoa mo te Tufuuga o lagi, ke fesoasoani kia latou ke amio fakamaoni ki te Fakatokaaga, ke fiafia latou o maua a te manogi suamalie o te gatu o Tou alofa fakamagalo, kae faka agai atu olotou mata ki mua i te sikulagi e maina ki te mainaaga malapulapu o te mainaaga o Ou mata. A latou e vaaivai, O toku Aliki, ko Koe ko te Aliki o te mafi mo te maalosi. A latou e seai ka ko tino faka-alofa, a ko Koe ko te Pule Aofia katoatoa, ko te Tafasili i te Kamalie.

E iloa lei e Koe, O toku Atua, me i toku olaaga katoa au ne seki sala atu loa ki se mea e lei au iei. Ko oti ne ofo atu ne au a toku agaaga mo toku fuaitino katoa mo te fakamalugaaga o Tau muna i loto i Au mea ola faiite mo te fakamaluuga o Tou igoa i loto i Au tavini. Ne tuku mai ne Koe kia au a se Fakamaoniiga ko latou ko Faiakoga o Tau Fakaasiiga mo Aso Malulu o Tau fakamaalosiiga ko oti ne fakagasuesue ki luga i se auala e fai maalosi ona ko te loto naunau, mo Tau Fakatokaaga ke fakatonutonu, ko Au muna ke fakaasi atu, ka ko Au alofaaga maina ke se ponogina.

E iloa ne Koe, O toku Atua, ia au ne manako fua ki te mea e manako Koe ki ei, kae e fiafia fua ki te mea e fiafia Koe ki ei. Au moi faipati atu i mua o Au tavini a mea ko la ne fai ne Koe, mai i luga i Tou alofa mataefa, e fakamaalosi mai au ko la foki ne fakatonu mai a Koe ke faipati gia ne au i loto i Au mea ola, a latou teke i loto i Ou tino ka kaitaua mai kia au. Kae moi fai au e tausi a te filemu kae e fakagata o fakamanatu a mea fakaofoofogina o Ou tavaeega, a totooga katoa o toku fuaitino ka gasukesuke o fakamaluga a Koe. E seiloa ne au me se a a te vai ne faiite mai au ne Koe iei, io me ko te afi ne faka-ka ne Koe i loto ia au. Au e tauto i Tou matagofie! Au ka se gata a te takutaku o Koe, e uiloa a latou katoa i Tou lagi mo latou katoa i Tou lalolagi ka tu ki luga o teke mai au. Ia Koe ka fakalauefa ne au, i fakanofonofooga katoa, mo se loto e motu katoatoa mai i te piki ki te lalolagi mo mea katoa ko la i loto i te lalolagi.

Tavaeega e io Koe, ko te Fagasele-Lei o loto o latou katoa ko la e iloa ne latou a Koe.

E maluga a Tou igoa, O te Aliki toku Atua! E lavea ne Koe me ko taku kilo e fakamau ki mua o Ou alofaaga fakamagalo, kae me ne pefea oku mata e ofe atu ki luga ite sikulagi o Tou alofa atafai, ko Tou alofa-kaimalie, kae me ne pefea oku lima o fola atu ki te lagi o Au mea-alofa. A Tou mafi e fai mo aku molimau! So se totooga o toku fuaitino e tagi atu kia Koe kae fai atu penei: “O ko Koe Tela ko te Fagasele-Lei o lalolagi, mo te Aliki o mea katoa i te lagi mo i luga i te lalolagi, mo te Manakoga e tasi o loto ko la e fakatuanaki kia Koe! Au e akai fakamolemole kia Koe, i Tou Vasa te la ne kalagina a pagota katoa o te lagi mo latou katoa i te lalolagi, ke fesoasoani ki Au tavini ko la ko oti ne taofi mai i te mafuli atu ki ei, pe la foki mai i te oko atu ki ona matafaga. Fai aka a latou, na la, O toku Atua, ke motu mai i mea katoa na ko Koe, kae fakamafai a latou ke faipati ki Ou tavaeega kae fakamaluga Ou vikiiga gali. Aumai kia latou, na la, O toku Atua, mo te Uaina filifilia o Tou alofa-fakamagalo, ko te mea ke mafai o fai a latou ke puli a ia i so se isi aka na ko Koe, kae ke tu ki luga ke tavini atu ki Tau Fakatokaaga, kae ke mautakitaki i te olotou alofa mo Koe. Ko Koe, e tonu, ko te Aliki o olotou olaaga mo te Pogai o te olotou tapuakiiga. Kafai a latou e atuli keatea ne Koe, ko ai la ka onoono ki luga ia latou; kae kafai e kave keatea ke mao mai ia Koe, koi i kona e mafai o feasoasoani kia latou o olo atu ki Tou Nofo-Mai? A e tauto i Tou mafi! E seai se lafiga e mafai o tele ki ei vagana ko Koe, e seai se maluuga o sala ki ei vagana ko Tou malu, kae e seai se puipuiiga vagana ko Tau puipuiiga. Faka-fanoanoa kia ia tela ko oti ne fai sena Aliki mai i tafa o Koe, kae fakamanuia a latou ko oti ne ave keatea mai ia latou a kopikopiaaga katoa ki latou e nofo i Tou lalolagi, kae e piki mau ki te kapa o te gatu o Tou alofa-mataefa. A latou konei ! ko tino o Bahá, mai i mua o latou katoa i te lagi mo latou katoa i te lalolagi. E seai aka se Atua na ko Koe, ko te Iloa-Katoatoa, ko te Atamai-Katoatoa.

Tavaeega e io te Atua, ko te Aliki o lalolagi katoa.

E seiloa ne au, O toku Atua, me ko au e tau o faipati ki mea gali o Tou tavaeega i vasia o Au tavini, kae tuku atu ki mua ia latou a mea funa o Tou alofa fakamagalo mo mea funa o Tau Fakatokaaga, io me e tausi a latou e ufi i loto i te koga tausi i toki fatu. E ui i ei a ia te la e alofa e se manako ke iloa mai ne se isi a sautalaaga pili mo tena fagasele, kae i sose taimi a tau fakatonuuga o fakapula a Tau Fakatonuuga e se-mafai o fakalave ne oko mai loa kia au, kae ka fakalogo au ki ei aunoa mo se fakatalave. Ka fakapula ne au a Koe, aunoa mo te pogi ki matasana o te mae manafai e vaiua ifo ki lalo kia au mai i kaumana o Tau ikuuga.

Au e tauto i Tou mafi! E seai fua ko lukuuga o te lalolagi io me ko latou i te lagi e mafai o taofi au mai i te fakaasi atu o mea ko fakatonu mai au ke fakaasi. E seai soku finagalo i mua o Tou finagalo, kae e se-maua ne au o faka taua i mata o Tou manakoga kae ke motu atu keatea a kopikopiaaga katoa ki se isi tino vagana ko Koe.

A te mea e manako au i ei, tena la, O toku Atua, ko Koe ke fakatonu mai au ke tala keatea a te veli e pono i ei a mea e funa i Tou poto, ko te mea ko latou ke fakatuanaki katoatoa kia Koe, i te olotou naunau kia Koe, ke lele atu latou ki luga i te ea o Tou tafatasi, ko latou agasala ke maua ne te polepole kae ke mafai o fakafoki atu ki te afi tafasili i te mao, ko te koga nofo ko oti ne fakasino mo latou ne Koe mai i te maalosi mo te mafi o Tou nofoaiga-faka-aliki.

A Koe e mafaufau, O toku Aliki, me ne pefea Au fagasele ne fakamaegina ne Ou fili, kae lagona mai i feitu katoa a olotou manavanavaaga ona ko mea ne oko kia latou i Tou auala. E iloa ne Koe, O toku Aliki, i te olotou manakoga e tasi ko te salasla atu ki Ou mata, ka ko te Pogai taaua o te olotou fakamalu kia Koe. A latou ko la ne fai ne latou a mea see kia Ia e seai aka foki se pogai na loa ko te fuli keatea mai ia Ia, kae ke tamate a te afi te la ne faka-ka ne Koe ki lima o Tou maaalosi mafi-katoatoa.

Talaagina a laugutu o Tou finagalo, O toku Aliki, kae fakasaoloto a te muna ke vau mai i ei ko te mea ke puipiui ki ei a te lalolagi mo mea katoa ko la i ei. E fia a te leva ne kilo Koe ki mea konei, kae fakalave, O toku Atua? A te pogisa ko siomia i te lalolagi katoa, ka ko Ou alofaaga ko toka o tele atu ki tua i Ou kogaa koga nofo salalau katoa.

Fakamagalo mai au, O toku Atua, mo aku me ne faipati ne au, aua ia Koe ko te Tasi e iloa a mea katoa, kae ia Koe e ufi i ei a mea funa ko la e lilo mai i tino katoa na ko Koe. Kafai a Tau feagaiiga ko vauvau o fakataunu, ka fakaasi ne Koe a mea ko la ka fakaasi, kae tataofi a mea e manako Koe o taofi. E tau fua o manako matou ki mea ko la e manako Koe mo matou. E ia Koe ko te poto o mea katoa, kae ia Koe ko te tonuuga o mea katoa. Ko Koe, e tonu ko te Mea Tonu, kote Iloa o ma e se-lavea.

Fakamagalo mai au, tena la, aku agaasala mo agaasala a latou ko la e alofa mai kia au, kae tuku mai kia latou a mea lei o te lalolagi nei mo te sua lalolagi.

A Koe, e tonu, ko te Fakamagalo-Katoatoa, ko te Atafai Tafasili.

Tavaeega e io Koe, O toku Atua! A Koe e lavea a te vaaivai o Au fagasele mo te fanaka ki luga o Ou fili, a te faka—alofa o Au tino filifilia mo te matagofie o latou ko la ne ita i Tau Fakatokaaga kae fakaloi Au failoga. A latou ne fakaloi Au failoga ne se-fakaoga Au alofaaga, kae ne seki mafai ne latou o toe taui atu a Koe ona ko mea lei ne tuku aka ne Koe kia latou, ka ko latou ko la e ita ki Tau Fakatokaaga, ne avatu ne latou kia Koe a fakafetai mo mea ko la ne poko ia latou i te olotou finafinau o kau fakatasi i mea-alofa a Koe e se gata kite favavau.

E pefea a te magalo o te mafaufauga o Koe i taimi o te fili mo tofotofooga, kae e pefea a te faka fiafia o fakamana a Koe manafai ko siomia ne matagi maalosi o Tau ikuuga! A Koe e iloa lei, O toku Atua, ia au ne kufaki mo te onosai so se mea e patele mai kia au i Tou auala. Ikaai, au e atafia ne au i totooga katoa mo oku lima o toku fuaitino e naunau ki fakalavelave, ko te mea ke mafai au o fakaasi a Tau Fakatokaaga, O ko Koe Tela ko te Aliki o igoa katoa! A vai o Tou alofa ne tausi au mai i te maalo o Tau foafoaaga, ka ko te afi o toku masaua o Koe ne sunu au i mua o latou katoa i te lagi mo te lalolagi. E takutakua a toku fakamanuiaaga, kae takutakua foki a te fakamanuiaaga o te afi tenei te la a tena ulaaga e tagi atu penei: “E seai aka se Atua na ko Koe, Tela ko te Pogai o te fakaaloalo o toku fatu, mo te Kaataga mo te Kogaloto o toku agaaga ola!”

A Tou matagofie e fai mo aku molimau! Kafai a mea katoa ko la i lagi mo mea katoa ko la i te lalolagi e fusi fealofani fakatasi o sala ke fakalave au mai ite masaua o Koe mai i te fakamanatu Ou tavaeega, e seai lele loa se maalosi o latou mai i luga ia au, kae ka se-mafai ne latou o fakataunu. Kae moi fai a latou fapaupau e aumai o tamate au, a toku toto, i Tau fakatonuuga, e avaka ki luga a tena leo kae fai atu penei: “E seai se Atua aka na ko Koe, O ko Koe Tela ko te Manakoga o toku loto katoatoa!” Kae moi fai a kano o toku fuaitino e sunu i ulo o te ita, a te manogi o ia e oko atu kia Koe kae tagi atu penei: “Te fea a Koe, O te Aliki o lalolagi, a Koe ko Manakoga Tokotasi o latou ko la e iloa ne latou a Koe!” Kae moi fai au e pei ki te afi, oku lefu – au e tauto i Tou matagofie – e faipati atu penei: A te Talavou ko oti, e tonu, ne oko ki te mea ne manakomia ne tena Aliki, ko te Matagofie Katoatoa, ko te Iloa-Katoatoa

E pefea, na la, e mafai ne se tagata o mataku ki tupu tuku fakatasi o fakapakia a ia i Tau Fakatokaaga? Ikaai, ikaai, au e tauto ia Koe, O ko Koe Tela ko te Tupu o tupu! E Tena a toku alofa mo Koe ko se mataku i ei ki so se tino, e uiloa a maalosi katoa o te lalolagi ko tuku fakatasi o teke mai kia au. Tokotasi kae e seai-se-feasoasoani e iai ia au, i te maalosi o Tou mafi, o tu ki luga o talai a Tau Fakatokaaga, seai-lele-se-mataku ki lukuuga o tino teke.

Kia latou kola e nofo i te lalolagi au e tagi ki luga kae fai atu penei: “Mataku ki tou Atua, O koutou tavini o te Atua, kae sa fakamae ko koutou ke taofi mai keatea mai ite Uaina piua te la e tafe mai i te lima taumatau o te kalauna-a-tupu o te alofa fakamagalo o tou Aliki, ko te Tafasili i te Alofa Fakamagalo. Au e tauto i te Atua! E lei atu mo Koe i mea ko la e nofo mo Ia ilo a mea ko la e nofo mo koutou mo mea ko la ne sala ne koutou kae konei loa koi sala ki ei i te olaaga seai se aoga kae masa lele loa. Liakina a te lalolagi, kae tuku a oulua mata ki te Sikulagi matagofie katoatoa. So se tino ko oti ne tami i te uaina o Tena masausau ka puli a so se isi masausauga aka, kae so se tino ne lavea a Ia ka liakina a ia mai i kopikopiaaga i te lalolagi tenei mo mea katoa kola e piki ki ei.”

Au e akai fakamolemole kia Koe, O toku Atua mo toku Matai, mai i Tau muna te la mai I ei ne talitonu a latou ki Tou fakatasitasi ne lele ki luga i te ea O Tou poto, o latou kol a e mautakitaki ia Koe ko oti ne olo aka ki luga i te lagi o Tou tafatasi, o fakamaalosi Au fagasle ki mea ko la ka fakatalitonu a olotou loto i Tau Fakatokaaga. Faka uta a latou ki te tumau kae e sei aka se mea e fakalave a latou mai i te fuli atu ki mua ia Koe.

A Koe, e tonu, ko te Maukoloa Mataefa, ko te Alofa Lima Mafola, ko te Fakamagalo, ko te Atafai.

E lavea ne Koe, O toku Atua, me ne takamiomio i te magi o Au tavini ko la ko oti ne fuli keatea mai i Tou gali kae kaitaua atu ki mea ko oti ne aumai ki lalo mai i te lima taumatau o te kalauna-faka-tupu o Tou afioga. A Koe ne vau, O toku Atua, i kaumana o Tou agaaga mo Au faipatiiga, kae tena, a te foafoaaga katoatoa ne gasue kae polepole, a totooga o latou ko la ne fakapelo ki Au fakamaoniiga ne polepole, O ko Koe i Tau pule ko te faka-aliki o mea katoa!

A Koe ko Ia, O toku Atua, Tela ko oti ne kalaga ki tagata katoa ke fuli atu ki te aula o Tou alofa-fakamagalo, kae kalaga atu kia latou ki te sikulagi o Tou alofa atafai mo maukoloa mataefa. E seai, tena la, e fakalogo ki Tau kalaga, vagana ko latou ko oti ne liakina a mea katoa na ko Koe, kae fakavave atu ki te Aso Kamata o Tou gali, mo te Maalumalu o Tau fakamaalosi mo Tau fakaasiiga.

E iloa ne Koe, O toku Atua, e seai e mafai o maua i luga i te lalolagi ke masaua a Koe vagana ko latou. E lavea ne Koe me ne pefea a te kau teke i vasia o Au mea ola ne puke a olotou lima kia latou. Ko niisi, O toku Atua, ne maligi olotou toto i Tou auala, ko nisi aka ne liakina a olotou fale kae faka agai atu olotou mata ki mua i te nofoaga o Tou kalauna-faka-tupu, kae ne fakalave mai i te oko atu ki kogaa koga nofo o Tou matagofie takutakua, ka ko niisi aka ne pei ki te faepuipui kae mai i lalo i te alofa tauanoa o latou amio leaga.

Au e akai fakamolemole kia Koe, O ko Koe Tela e puke i Ou lima a te pule o te maalosi e se-maua o taofigina, ke fakamafanafana a latou mai i te mea gali o te maalosi o Tou mafi. Ko te faka-fanoanoa, O toku Aliki, ko pokotia ia latou i Tou auala, e malu a latou mai i te maalosi o Tou nofoaiga-faka-aliki; ka ko te nofo se toka ko pokotia kia latou i te olotou alofa mo Koe, fai a latou ke manumaalo, mai i Tou mafi mo Tau puleega, mai i luga i Ou fili.

E ikoa ne au, O toku Atua, ia Koe ko oti ne fakatonu mo latou a mea ko la e sili atu i so se mea i Tou lagi mo Tou lalolagi, au e faka-taua a te manakoga ko Koe ke mafai o lavea a latou i Ou aso e fakamalu kae fakaaloalogina ne Au mea ola. E maluga a Koe mai i luga atu o Tau foafoaaga. Katoa e i loto i Tau pule, e nofo falepuipui i te pokooga o Tou lima. E seai se Atua na ko Koe, ko te Maalosi Katoatoa, ko te Iloa-Katoatoa, ko te Atamai-Katoatoa.

Fakalauefa a Tou igoa, O toku Atua! Au e tauto me kafai Au tavini e fuli atu ki mua ia Koe mo mata ne faiite ne Koe a latou mo taliga ne fakaeke ne Koe kia laou, ka mafai ne latou o amo a te muna e tasi ne tuku ifo mai i te lima taumatau o te kalauna-faka-tupu o Tou afioga. Ko te muna tena ko lava loa o fakamaina a olotou mata, kae fakatalitonu olotou loto, kae fai a olotou agaaga ola ke lele ki luga ite ea o Tou matagofie takutakua, kae ke olo aka ki luga ki te lagi o Tou nofoaiga-faka-aliki.

Au e talo kia Koe, O ko Koe ko te Aliki o igoa katoa mo te Pule o te laolagi mo te lagi, ke talia mai ko tino katoa ko la e pele kia Koe ke taki toko tasi o fai pe la se ipu o Tou alofa fakamagalo i Ou aso, ko te mea ke mafai o fakavave a loto o Au tavini. Fakauta aka a latou, O toku Atua, ke pe la mo te vaiua e ligi ifo mai i kaumana o Tou alofa atafai, pe la mo te matagi e agi agi mai a te manogi tumau o Tou alofa-kaimalie, ko te mea mai i ei a te laukele o loto o Au mea ola ke mafai o ufi ki lanu launiu, kae e mafai o aumai ki mua a mea ko la ka tufatufa atu a te manogi ki koga katoa o Tou laufenua, ko te mea ko tino taki tokotasi katoa ke mafai o atafia a te manogi suamalie o te Gatu o Tau Fakaasiiga. E maalosi a Koe o fai a te mea e finagalo Koe kiai.

A te maalosi o Tou mafi e fai mo aku molimau! So se tino ne inu Ii te ipu ne aumaigina ne te lima o Tou alofa fakamagalo ka fakaseai a mea katoa mai i ei na ko Koe, kae ka mafai, mai i te muna mai i tena gutu, o ufi i te fiafia a agaaga ola o Au tavini ko la ne moe i moega o te pulipuli mo te fakatamala, kae fai a latou ke fuli atu a olotou mata ki te Failoga Tafasili i te Takutakua, kae sala mai ia Koe e seai aka foki na ko Koe, kae akai mai ia Koe a mea fua ko la ko oti ne fakapatino mo latou ne te pene o Tau fakamasinoga kae fakamatea i te Tapeleti o Tau ikuuga.

Tuku ifo ki lalo, tena la, O toku Atua, mai i Tou Igoa Tafasili i te Takutakua, ki luga i Au fagasele a mea ko la, i fakanofonofooga katoa, e fakapilipili atu a latou kia Koe. Ko Koe, e tonu, ko te Mafi-Katoatoa, ko te Matagofie-Katoatoa, ko Tena feasoasooani e manakogina ne tagata katoa.

Oku mata e fiafia, O toku Atua, mafai au e mafaufau ki fakalavelave ne olo ifo ki luga ia au mai i te lagi o Tau fakatonuuga, te la e siomia au mai i feitu katoa pe la mo te mea ko oti ne fakatumau ne Tau pene e-se-mafai-o-fuli. Au e tauto kia Koe! So se mea e io Koe e fakafiafia kia au, e uiloa e mafai o kona pe la mo toku mate.

A Ia Tela ko Tou Agaaga (Iesu), O toku Atua, ne fanatu keatea tokotasi ki te pogisa o te po mai mua i te aso fakaoti o Ia i te lalolagi, ne siga a Ia ki Ona mata ki te laukele kae sala atu kia Koe kae fai atu penei: “Kafai ko Tou finagalo, O toku Aliki, ko toku Fagasele-Lei, talia ko te ipu tenei, mai i Tou alofa atafai mo te alofa mataefa, me ne avatu ia au.”

Mai i Tou gali, O ko Koe Ko te Aliki o igoa katoa mo te Tofuuga o lagi! E mafai ne au o sogi a te manogi o muna ko la, i Tena alofa mo Koe, ko oti ne muagugtu mai ne Ona laugutu, e mafai o lagona a te ulaaga o te afi te la ko ula i Tena agaaga ola i tena naunau o lavea a Ou mata mo tena fakatalitalii ki te Aso Kamata o te mainaaga o Tou tafatasi, mo te Maalumalu o Tou fakatasitasi silisiiese.

Kia au – kae ki te mea tenei a Koe ia Koe ko taku molimau – e kalaga atu kia Koe kae fai atu penei: “E seai soku finagalo loa ia au, O toku Aliki, mo toku Matai mo te Pule, mai mua o fakaasiiga o Tou finagalo, e seai se uiga i mata o te fakaasiiga o Tou uiga. Au e tauto i Tou matagofie! Au e manako fua ki te mea e manako Koe ki ei, kae fakataaua fua a te mea e fakataaua ne Koe. A te mea ko oti ne fili mo au ko te mea foki ko oti ne fili ne Koe mo au, O ko Koe ko te Pule o toku agaaga ola!” Ikaai, au e maua ia au ko te seai lele loa manafai e fetaui mata ki mata mo fakaasiiga uke o Ou igoa, e pefea atu la a te mutana manafai ko fetaui mo te malifalifa o te matagofie o te mainaaga o Koe Tonu loa. O au ko te faka-alofa se fiafia! Moi fai au e taumafai o fakamatala a Koe, a se taumafaiiga pena se molimau o te agaasala, kae autu tonu ki toku se-fakalogo i mata o aofaaga manino kae malifalifa o Tou tafatasi. Koi aka foki vagana ko Koe e mafai o fai sena tagi ia ia e tau o atafia i mata o Tau fakaasiiga, kae ko ai a ia e lava a te iloa o tau o avatu Ou tavaeega, io me o mita ia ia e tau o fakamatala a Tena matagofie? Ikaai – kae ki te mea tenei ko Koe loa ia Koe ko fai mo molimau - i te mea tenei e aunoa mo se fesili ko oti ne fai ke mautinoa ia Koe ko te Atua tokotasi, ko te Se-Fakatusagina, Ko Tena feasoasoani e manakomia ne tagata katoa. Mai I te favavau a Koe e tokotasi, e seai aka e fakamataa a Koe, kae ka nofo pena e seai aka e pau io me e fakataufai mo Koe. Kafai a te foafoaaga o mea e pau mo Koe e laveagina, e mafai pefea o tausi ia Koe ko te Se-Fakatusagina, io me ko Tou faka-Atua e se fuafuagina i te malu mai i luga atu i tino e fakatusa atu mo Koe ? A te fakamoemoega o mafaufauga lei kii loa ko la ko oti ne iloa a Tou fakatasitasi ne seki mafai ne latou o oko atu a te iloa o teTasi o Koe ko oti ne faiite mai i te muna o Tau fakatonuuga, e pefea la a te seai lele se maalosi o lele ki luga i te ea o te poto o Tou Tina Tino loa. A tavaeega katoa taki tasi te la e mafai ne so se laulaufaiva io me se pene e mafai o toe lau, so se mafaufauga e faiite mai ne so se loto, e fakatapu mai i te tulaga a Tau Pene tafasili i te malu ko oti ne fakasino mai, e pefea la a te toetoe o te se oko ki ei mai i koga maluga a Koe ko oti a Koe loa ne lasi a te fakamalugaaga mai i luga atu i te fakatau mo te fakamasakooga o so se mea ola. Aua i te taumafaiiga se-tumau o mafaufau ki failoga o te Seki-Faiitegina pe la me ne makosukosuuga o te motiiga mai i mua o te kaitaua o Au vasa sousou. Ikaai, fakatapu, O toku Atua, ko te mea ko au ke fakanatu o fakamatala a Koe, aua i so se me e pena mo fakatusaaga e tau o soko ki te mea ko oti ne faiite ne Koe. E mafai la pefea ne so se fakapau mo fakatusaga o lei kia Koe, io me e oko atu kia Koe?

Mai i Tou matagofie, O toku Atua! E uiloa e lavea ne au kae talitonu katoatoa me e seai se fakamatalaga e maua o fai na ko Koe mo Koe e tau ki Tou silisiliese, kae e seai se matagofie e fakasino mo Koe ne so se tino na ko Koe e mafai o fanatu ki luga ki te ea o Tou nofo mai, kae moi fai au e taofi a toku filemu, kae fakagata o fakamana a Koe o toe lau a mea gali o Tou matagofie, a toku loto e mafai o palele, ka ko toku agaaga ka liua keatea.

Toku masauaaga o Koe, O toku Atua, e fakagata i ei a toku fia inu, kae fakafilemu i ei a toku loto. Toku agaaga ola e fiafia i te fesokotakiiga mo Koe, pe la mo te pepe e fiafia i fatafata o Tou alofa-fakamagalo; ka ko toku loto e gaegae kia Koe pe la mo ia e fia inu ki te vai o te ola o Tou alofa mataefa, O ko Koe ko te Atua o te alofa fakamagalo, i Ou lima ko te faka-aliki o mea katoa!

Au e avatu a fakafetai kia Koe, O toku Atua, ia Koe ko oti ne fakamae au ke masaua a Koe. Se a foki na ko te masaua o Koe e mafai o maua a te fakafiafia ki toku agaaga ola, io me e fakafiafia ki toku loto? Fesokotaki mo Koe e fakamafai ne ia au ke fakaseai a te masaua o Au mea ola katoa, ka ko toku alofa mo Koe e fakauta mai kia au ke kufaki ne au a te mae tela ko te kau teke e fakamae kia au.

Avatu, tena la, ki oku fagasele, O toku Atua, a te mea ka fakafiafia a olotou loto, kae fakamaina olotou mata, kae fakafiafia ki olotou agaaga. E iloa ne koe, O toku Aliki, i te olotou fiafiaaga ko te mea ke lavea a te fakamaaluga o Tau muna. Ave keatea ne Koe a te veli, tena, la, O toku Atua, a te mea te la ka fakafiafia ki olotou mata, kae fakaeke mo latou a te llei o te lalolagi tenei mo te lalolagi te la e seki vau.

A Koe, e tonu, ko te Atua o te maalosi, o te mafi mo te alofa-mataefa.

E lavea mai ne Koe, O toku Atua, me e pefea a mea see ne fai ne Au mea faiite ko la ko fuli atu a olotou tua kia Koe kae ko tu i te va o Ia Te la i loto ko Ia ko Tau Ulu-atua ko fakaasi mo Au tavini. Tuku ifo kia luga ia latou, O toku Aliki, a mea ke fai a latou ke saga loa ki fakalavelave o latou taki toko tasi. Fai aka, ko te saua o latou ke nofo foki loa mo latou, ko te laufenua te la e nofo Ii ei ke maua se filemu.

A Tau tavini fafine tokotasi, O te Aliki, ko oti ne sala atu ki Ou mata, kae lele i luga i te ea o Tou fiafia. Sa taofigia mai ia ia, O toku Aliki, a mea ko la ne tuku atu ne Koe mo au tino filifiia i vasia o Au tavini fafine. Fai aka ke mafai ne ia o fiafai kii loa ki Tau muna ko te mea ke faka-masaua ne ia a Ou tavaeega i vasia o latou.

E maalosi a Koe o fai a te mea e fiafia Koe ki ei. E seai aka foki se Atua na ko Koe, ko te Mafi-Katoatoa, Te la a Tena fesoasoani e manakogina ne tagata katoa.

Toku Atua, Toku Fagasele-Lei! E seai se koga mo so se tino o tele ki ei manafai Au tulafono ko tuku ifo, e seai se lafiga e mafai o maua mo so se agaaga ola mai i tua o Au fakaasiiga mo Au fakatonuuga. Ko oti ne fakamaalosi ne Koe a te Pene ki mea funa o Tou favavau, kae fakatonu atu ke talai ki tagata a mea ko la e seiloa ne ia, kae fai a ia ke kau fakatasi i te vai ola o te mea tonu mai i te ipu o Tau Fakaasiiga mo Tau fakamaalosiiga.

E seki leva, na la, kae ne sala ne te Pene i luga i te tapeleti a te mataimanu e tasi o Tou atamai lilo, kae e lagona atu a leo fanoanoa o Au tavini maalosi ko sae aka ki luga mai i feitu katoa. Tena i ei, ne to ifo ki lalo a te mea tonu ne ala i ei a pagota o te fale malu tapuaki o Tou matagofie o tagi ka ko tino e nofo i fakai lasi o Tau fakaasiiga o musumusu.

E atafia ne Koe, O toku Atua, me ne pefea a Ia Tela ko te Faifekau o Ou igoa i aso konei ne fakamatakutaku ne pelu-tau o Ou fili. I se tulaga pena a Ia ne tagi kae kalaga atu ki tino katoa o Tou lalolagi mo latou i Tou lagi kia Koe.

Faka-piua aka, O toku Atua, a loto o Au mea ola ki te maalosi o Tou nofoaiga-faka-aliki mo te mafi, ko te mea ko Au muna ke olo pooko ki loto ia latou. E seiloa ne au a mea i olotou loto, O toku Atua, io me e iloa ne au a olotou mafaufauga kia au mo Koe. Au e mafaufau ia latou e manatu ki te pogai ne kalagina a latou ne Koe ki Tou sikulagi tafasili i te maluga ko te mea ke fakamaluga a te matagofie o Tou afioga mote maalosi. Aua me moi lotomalie a latou ia Koe ne kalaga atu kia latou ke toe faiite a olotou loto kae fai a olotou agaaga ola ke tumau-ki-te-favavau, e se mafai lele ne latou o tele mai i Tau puleega lei, io me e liakinaa a te ata o te lakau ola o Tou tafatasi. Kave keatea, tena, mai i mata o Au mea ola, O toku Atua, ko te mea ke mafai ne latou o iloa a Ia Tela e fakaasi atu a te faka-Atua me ko te Tasi Tela ne fakamana mai i mea katoa kola e tau atu kia latou, kae Tela, ona loa ko Koe, e kalaga atu kia latou ki te sikulagi o Tou fakatasitasi, i se taimi te la ko minute katoa o Tena olaga ne fonu i mea faigata. Moi fai a Tena fakamoemoega ko te tausi o Ia loa ia Ia, e se mafai lele ne Ia o liakina a te mea tena Ii te alofa o Ona fili.

Au e tauto i Tou matagofie! Ko oti ne talia ne au ke tofoogina ne fili uke aunoa mo se pogai na loa ko te toe fakaolaaga o mea katoa i te lagi mo te lalolagi. So se tino te la ne alofa kia Koe, e se mafai o lagona a te piki ki ia loa, vagana mo te pogai o te fakalauefaaga o Tau Fakatokaaga; kae so se isi te la e iloa a Koe e mafai o lavea seai aka foki na ko Koe, kae e se mafai o fuli ki se isi aka na ko Koe.

Faka-mafai aka Au tavini, O toku Atua, ke maua a mea e manakomia ne Koe i Tou Maalo. Fakamasani a latou, na la, mo mea a Ia Tela ko te Kamataga o Ou tofiiga maluga ko oti, i Tena alofa mo Koe, ne lotomalie o liakina ona ko te toe fakaolaaga o agaaga ola, ko te mea ke fakavave atu ke maua ne latou a te Vaitafe te la ko te Ola tonu, kae fuli a olotou mata ki te auala o Tou Igoa, ko te Tafasili i te Alofa-Fakamagalo. Sa liakina a latou loa kia latou, O toku Atua! Fuli mai a latou ki Tou alofaaga lauefa, ki te lagi o Tau fakamaalosiiga. A latou e faka-alofa, ka ko Koe ko te Pule-Aofia-Katoatoa, ko te Fakamagalo-Katoatoa, ko te Tafasili ite Atafai.

Te Matagofie e a Koe, O toku Atua! A gasuesuenga muamua loa o te vasia taimi tenei ko te tau-malulu o Tou alofa-kaimalie ko oti ne sae mai kae e ufi i Tou lalolagi mo te lau-usiusi. A kaumana o te lagi o tou alofa lauefa ko to me se vaiua ki luga i te fakai lasi tenei te la ko ana pui-tuakoi ne falepuipui i ei a Ia Tela ko te manakoga mo te fakaolataaga o Au mea ola katoa. Mai i ei a te laukele o te fakai lasi tenei ko oti ne fakafonu, a ko ana lakau ola ko pei olotou gatu mo lau-lakau mage, mo tino i loto i te fakai lasi tenei ko fiafia.

A a loto o Au fakagasele, e fiafia fua i te Vaaitau Ola Faka-te-Lagi o Au alofaaga fakamagalo atafai, te la mai i ei a loto ka fakatoka, a ko agaaga ka fakafoou, ka ko tagata o te olaaga ka fua mai a olotou fuataga.

A lakau foliki ko la ko oti ne ola aka, O toku Aliki, i loto o Au fagasele ko oti foki ne goto ifo ki lalo. Tuku ifo kia latou, mai i kaumana o Tou agaaga, a te mea te la ka fai ne ia a lakau foliki kii o Tou poto mo te atamai ke ola i olotou fatafata. Fiafia, na la, olotou loto mo te fakapulaaga ki Tau Fakatokaaga mo te fakamalugaga o Tou nofoaiga-a-tupu.

A olootou mata, O toku Aliki, e fuli katoa fakatalitali ki te auala o Au mea-alofa, a ko olotou mata ko mau ki luga i te sikulagi o Tou alofa-kaimalie. E maalosi Koe, mai i Tou mafi silisili i te maluga, i mea katoa. E seai aka se Atua na ko Koe, ko te Mafi-Katoatoa, ko te Fesoasoani i Mea Faiagata, ko te Ola Fua ia Ia.

E lavea ne Koe, O toku ATua, me ko AU tavini ne piki mmau pefea ki Ou igoa, kae ne kalaga kia latou ite aso mo timi ote po. Ne seki leva, na la, ko fakaasi mai a Ia e auala atu i Tena muna ate maalo o igoa mo te lagi o te favavau ne faiite iei, ko latou ko maofa mai keatea mai ia Ia kae ko se-talitonu i Au failoga tafasili ite takutakua. I te fakaotiga ne faka-fenua kese ne latou a Ia mai ite fenua tonu ne fanau a Ia, kae fai a Ia ke nofo i loto i Ou fakai lasi tafasili ite seai ne tino iei, e ui iei ate lalolagi ne faiite aka ne Koe ona ko Ia. I loto iei, ko te Falepuipui Tafasili ite Takutakua, ne fakatu ne Ia iei a Tena nofoaga. E uiloa ko mmae kii a Ia mai i tofotofooga, pela mo te mata o te foafoaaga e seki lavea aka loa ne ia, ne kalaga atu a Ia ki tino ke olo atu kia Koe, O ko Koe Tela ko te Fakasino ote iunivesi!

Au e akai totuli kia Koe, O ko Koe ko te Fakatonutonu o fenua katoa mo te Fakaola o so se ivi ko pala, ke faka-mafai aka mote alofa Au tavini ke lavea a Ia Tela ko te Faifekau o Koe mo te Fakaasi o Tou mafi malifalifa, kote mea ke mafai o kati ki lalo i Tou maalosi, a fa-tagata fakasupasupa o olotou manakoga se-llei, kae ke ulu mai lalo ite ata o Tou alofa-fakamagalo tela e aofia katoa iei, mai i Tou igoa, ko tetafasili ite Maluga, kote Matagofie-Katoatoa, ko oti ne sopoia atu ite foafoaaga katoatoa.

E seiloa ne au, O toku Atua, e pefea a te loa e tumau ite moe o AU tavini i luga i moega ote pulipuli mo manakoga tevolo, kae e tumau i te mao mai ia Koe kae pono atu mai I Tou nofo-mai. Futi mai a latou ke pili atu, O toku Atua, ki te koga o Tau fakamaalosiiga, mai iei a latou kola e ofo i Tou fakatasitasi ko lele atu i kapakau o manakoga kia Koe, kae ko latou kola e mautakitaki kia Koe ko oti ne oko atu kia Ia Tela kote Maalumalu o te Fetu Ao o Tau foafoaaga.

Vae aka mai i lalo, O toku Aliki, a veli kola e ponogina a latou mai ia Koe, ko te mea ke mafai o lavea a Koe e malifalifa mai i luga atu ite sikulagi o Tou tafatasi kae tufatufa atu a Tou mainaaga mai ite maalumalu o Tou nofoaiga-faka-aliki. Mai i Tou matagofie! Kafai e maua ne latou ate suamalie o Tou masauaaga kae puke ne latou ate gali silisiliese o mea kola ne tuku ifo ki luga ia latou mai ite lima taumatau o te kalauna-a-tupu o Tou afioga, ka liakina keatea a mea katoa e nofo mo latou, kae tele atu ki mua ite togavao o te loto naunau kia Koe, ko te kiloga o Tou alofa-kaimalie ke mafai o fakasaga atu kia latou ka ko te mainaaga o te Fetu Ao o Tou gali ke mafai o tufa atu ki luga ia latou.

Tuku a olotou loto, O toku Aliki, ke aveia keatea i Tou masauaaga, ka ko olotou agaaga ola e fakamaumea ne Ou maukoloa, ka ko olotou finagalo e fakamaalosigina o fakapula atu a Tau Fakatokaaga i vasia o Au mea ola. A Koe, e tonu, kote Foai fua Takutakua, ko te Fakamagalo-Katoatoa, ko te Tafasili ite Atafai.

E maluga a Tou igoa, O toku Atua! E lavea ne Koe me ko au ne se-fiafia kii i vasia o Au tavini, kae e lavea a mea kola ne oko mai kia au i Tou auala. E iloa fakallei ne Koe i au ko oti ne faipati a te muna kae mai i Tau taliaaga, oku laugutu e seki mataala aka loa vagana mai i Tau fakatonuuga kae olo tasi mo Tou fiafiaaga, ko so se manavaga e manava ne au ko oti ne fakaola ki Ou tavaeega mo Tou masausauaga, aua ko oti ne kalagina ne au a tagata katoa kite seai aka foki se koga e olo kiei na loa ko te koga masani e olo kiei manafai e kalagina, ko au o oti ne fakatonu kia latou ke tautali fua ki mea kola e fai iei latou ke fakapilipili kite Aso-Malulu o Tou alofa-kaimalie, mo te Maalumalu o Ou alofaaga, mo te Sikulagi o Au maumea, mo te Faifekau o Tau fakamaalosiiga mo Tau fakaasiiga.

E iloa llei ne Koe, O toku Atua, ia au ne fakatamala i toku tiute ki mua i Tau Fakatokaaga. I taimi katoa mai lalo o fakanofonofooga katoa au ne agiagi, ki so se auala, a matagi iliili malie o Tau fakamaalosi, e tufatufa atu ate manogi gali o te gatu o Tou alofa-fakamagalo, ko te mea ke fiafia Au tavini o maua a tena manogi, kae mai iei e mafai iei o fuli atu ki mua ia Koe.

Aue akai fakamolemole kia Koe, O toku Atua, i Molii o Tou fakatasitasi mo te Kogaa-Koga Tausi o Tau fakaasiiga, ke tuku ifo ki lalo mai i kaumana o Tou alofa-fakamagalo ko te mea ke fulu ke ma a loto o latou kola ko oti ne fuli atu kia Koe. Solo atu keatea, mai i olotou loto a mea katoa kola e fai ne latou Au tavini ke kaitaua ki Tau Fakatokaaga. Ko Tou finagalo e pule-sili atu iI toku finagalo, O toku Atua, ka ko au ko oti ne fakaasi atu a mea kola e se fiafia kii loa au iei. Ke isi se alofa-fakamagalo, tena la, i luga ia au, O ko Koe Tela mai ia latou katoa kola e fakaasi ate alofa-fakamgalo ki tino katoa ko Koe loa ate Tafasili ite Alofa-Fakamagalo!

Feasoasoani ki Au tavini, O toku Atua, ke feasoasoani ki Tau Fakatokaaga, kae avatu kia latou ke inu kote me ke favave a olotou loto i Tou koga nofo, koituai o isi aka se mea e fakalavelave kia latou mai ite masaua o Koe mo te fakamaluga Ou uiga llei, ko te mea ke mafai ne latou o liakina a olotou fale i Tou igo, kae kalaga atu ki tino katoa kia Koe. Tausi a olotou mata, O toku Atua, mai ite fuli atu ki so se mea na ko Koe,mo olotou taaliaga mai ite fakalogologo ki muna a latou kola ko oti katoa ne fuli keatea mai i Tou gali kae fakapelo Au failoga.

E tafasili ite maluga a Koe mai i luga i mea katoa. E seai aka se Atua vagana ko Koe, ko te Iloa-Katoatoa, ko te Atamai-Katoatoa.

A Koe ko te matagofie, oO te Aliki toku ATua! E lavea ne Koe a toku tafalalo mo toku kogaa-koga nofo, kae e fai mo molimau ki toku numi, ko aku tagitagi, ko oku fakaavelave mo pokotiaaga ne oko mai kia au i vasia o Au tavini kola e llau Au kupu kae faka-loi a te olotou Tino Fakaasi, tela e kalaga ki Ou igoa kae fakamasei ate olotou Tufuga, tela e salasala ke fakapilipii atu kia Ia Tela ko ia ko Tou taugasoa kae tamate a Ia Tela ko te Fagasele-llei o lalolagi.

Tala aka ne Koe olotou mata, O toku Atua, mo Toku Matai, kote mea ke mafai ne latou o kilo ki luga i Tou gali, io me ko latou ko foki atu kite pu tafasili ite malalo ote afi. E maalosi a Koe o fai ate ate e loto Koe kiei, ko Koe, e tonu, kote Matagofie-Katoatoa, ko Atamai-Katoatoa.

A te matagfie o Tou afi, O toku Atua, e fai mo aku molimau! I taimi katoa e masaua ne au a Koe, au e taotaomia ne te lasi o te maalosi o te maluga o Tou tulaga mo te pooko lauefa o Tou mafi; ka ko taimi katoa e taofi ne au ate filemu, io, au e fosi gina ne toku alofa mo Koe mo te maalosi o Tou finagalo, ke fakamatalatala a toku laulaufaiva kae takutaku a Koe. A ia tela e mativa kae faka-alofa, O toku Atua, e kalaga kit tena Aliki, ko te Pule Aofia Katoatoa, ka ko ia tela e takaseasea fakaalofa o maalosi katoa e masaua a tena Matai, kote Maalosi-Katoatoa. Kafai a Ia e loto ke talia a te fakatagi a Tena tavini, a Ia, e tonu, e se silia atu in Tena alofa maumea; kae kafai a Ia e liakina a ia, a Ia e to ia latou ko la e fakamasino mote fakamaoni. A Ia e talia, O toku Atua, tela ko oti ne tuku tonu ona mata ki mua ia Koe, ka ko ia tela e fai valevale e se masaua a Ia ia Ona aso e maua a se taliaaga. Fakamanuia a ia tela ko oti ne tami i te magalo o Tou masaua mot e tavaeega. E seai, e uiloa ko te tuuga ki luga a tino katoa ote lalolagi e taua atu kia kia ia, e mafai o fakatuai a se tagata mai ite fakasaga atu ona vae ki mua ite auala o Tou fiafiaaga mo auals o Tou Fakatokaaga.

Kilo aka, tena la, O ko Koe tela ko te Fagasele-Llei o Bahá, ki luga i loimata o ia e maligi mai mua o Koe, kae lavea a pusiiga o manava e muagutu mai ne ia, O ko Koe Tela kote manakoga o tena loto! Au e tauto i Tou mafi, mo Tou afioga mo Tou matagofie! Moi fai au e togi mai kia au mai ia Koe a mea fakafiafia katoa o te Palataiso, ke tausi i aku ki te leva o Tou nofoaiga, kae kafai au, i se leva e mutana ifo ite minute, e sona fai ate masausau o Koe, au e tonu gisi loa, e liakina keatea a latou mai ia au kae e gata foki iei ate masausau kia latou. Au ko te tasi, O toku ATua, ona ko te alofa mo Koe ko oti ne liakina ate lalolagi mo mea lei katoa mai iei, kae talia katoatoa so se fakalavelave e fegai ona ko te masausau o Koe.

Au e akai fakamolemole kia Koe, O ko Koe Tela ko toku Taugasoa mo toku Fagasele-llei, ke avaka ki luga a te veli tela ko pono ite va o Koe mo Au tavini, ko te mea ke mafai ne latou o lavea a Koe ki Tou tina mata kae kave keatea mai ia latou a kopikopiaaga ki so se tino na loa ko Koe. A Koe, e tonu, kote Mafi-Katoatoa, ko te Fakamagalo-Katoatoa, ko te Alofa Atafai. E seai aka foki se Atua na ko Koe, ko te Tafasili ite Maluga, ko te Ola-loa-ia-Ia, ko te Maluga-ia-Ia-loa, ko te Matagofie Katoatoa, kote Atamai-Katoatoa.

Tavaeega kia Koe, aua ia Koe, e tonu, kote Aliki ote lalolagi mote lagi.

Vikiiga kia Koe, O te Aliki toku Atua! Au ko te tasi ne sala atu ki fiafiaaga lei o Tou loto, kae fakasino toku auala kit e nofoga o Au mea-alofa taaua. Au ko ia te la ko oti ne liakina katoa aku mea, kae tele kia Koe o lafi, tela ko ti ne tuku ana mata ki te tapaneki o Tau fakaasiiga kae nofo i loto ite gali o te lafiiga o Tou matagofie. Au e akai totuli kia Koe, O toku Aliki, Ona ko Tau kalaga te la ne sala atu ki te mmalu o Tou atamai a latou ko la ne lavea ne latou a Tou tafatasi, a ko latou ko la talitonu ne tele ke atea ke mao mai ia latou loa kae fakapilipili atu ki Tou igoa, te Tafasili i te Maluga, te Matagofie-Katoatoa, te la ne aumai i ei ki lalo Au kupu, kae fakataunu a Tau muna, kae fakaasi a Tau faka-talitonuuga, a ko te laa o Tou gali ko sae, a ko Tau faka-maoniiga ko fakatumau, a ko Tau failoga ko tuku faka-aliali mai, Au e akai totuli kia Koe ke fakasaoloto mai au ke mafai au o lau ia latou ko oti ne inu i te uaina te la ko te ola mai i lima o Tou alofa atamai, kae ko oti ne fakaseai a latou, i Tou auala, a te piki ki Au mea faite katoa, kae ko oko loa ite konaa i Tou atamai lauefa te la ko fakavave atu latou ki te malae o te galue mote mae mo Ou vikiiga i olotou laugutu mo Tou masausauaga i olotou loto. Tuku ifo foki, ki luga ia au. O toku Atua, a te mea te la ka fulu ne ia au mai i so se mea seai ko Koe, kae fakasao mai au i Ou fili ko la ko see talitonu ki Au failoga.

E maalosi Koe o fai a te mea e manako Koe ki ei. Seai se Atua na ko Koe, ko te Fesoasoani i Mea faigata, ko te Ola fua ia Ia.

Tavaeega e io Koe, O te Aliki toku Atua! E lavea kae e iloa ne Koe ia au ko oti ne kalaga ki luga i Au tavini ke se fuli ki se isi koga aka na loa ko te auala ki Ou manakooga, kae e fai atu foki kia latou ke se tautali ki se isi mea aka na loa ko mea ko oti ne fakatonu mai i Tau Tusi Tafasili ite maina, ko te Tusi te la ko oti ne tuku mai pela loa mo Tau Faka-tonuuga tumau kae e se mafai o mafulifuli.

E se-maua new au o fai se pati, O toku Atua, vagana ko talia mai au ne Koe, kae e se maua o gasue au ki so se koga vagana ko oti ne maua se saolotooga mai ia Koe. Ko Koe, O toku Atua, Te la ne faiite ne Koe au ona ko te maalosi o Tou mafi, kae aumai kia au i Tou alofa kaimalie ko te mea ke fakaasi Tau Fakatokaaga. Tela la ne pokotia kii au mai i Ou fili ko ala i ei a toku laulaufaiva o se maua o tavae a Koe kae fakalauefa atu a Tou mana.

Tavaega katoa e io Koe, O toku Atua, mo mea katoa ko oti ne fakaeke mo au e ui mai i Tau Faka-tonuuga mo te maalosi o Tou nofoaiga-a-tupu. Au e akai fakamolemole kia Koe ke fakamaalosi aka au mo latou ko la e alofa kia Koe, kae tausi matou ke mautakitaki matou i Tau Fakatokaaga. E tauto au i Tou mafi! O toku Atua! A te taema O Tau tavini ka pono pela mo te veli mai ia Koe, a ko tena mana ko te iloa o Koe. Ka fakafonu au i te maalosi o Tou igoa ko seai se mea e mafai o fakamae mai kia au, kae mo Tou alofa i toku loto e seai foki se isi fakalavelave i te lalolagi e mafai o mataku au i ei.

Tuku ifo, na la, O toku Aliki, ki luga ia au pela foki ki luga ia Au fagasele a mea ko la e mafai i ei matou o puipuigina mai ia latou ko la ko liakina ne latou a Tau mea tonu kae ko se talitonu ki Au faiiloga.

Ko Koe e tonu ko te Silisili ese Katoatoa, ko te Toe Maumea-Kaimalie-Katoatoa.

E faka-aloalogia a Koe, O te Aliki toku Atua! Ko oti a Koe, i Tou Palataiso tafasili i te maluga, ne fakasino ki Au tavini a tulaga kola kafai se tino ia latou e tala atu a tena veli ki mata o tagata a latou katoa i te lagi mo latou katoa i te lalolagi ka se-maua o faipati. Mai i Tou mafi! Mo fai a tupu e molimau se faka-aloalogia tagasili ite takutakua penei a latou, e tonu, kae ave keatea a latou mai i olotou maalo kae piki mmau ki mea ko la ko oti ne ulu mai ki lalo o te malu o Tou alofa-faka-magalo e se-fuafuagina kae saala atu ki te malu o Tou igoa faka-aloalogia katoatoa.

Au e akai kia Koe, O ko Koe Tela ko te Fagasele o muna mo te Manakoga o latou katoa kola ko oti ne iloa ne latou a Koe, mai i Tou igoa, e auala atu ia Koe ne faka-gasuesue a ia tela e tonu mo Koe kae fakapilipili atu kia Koe a ia tela e fiafia Koe ki ei, ke pula a mata o latou katoa ko la e fagasele kia Koe, ke fiafia ia latou e se ponogia ne veli mai ia Koe pela mo tino o te lalolagi e ufi ne te vli, kae mai i te kiloga mai i tua e mafai ne latou o atafia a failoga mo masauaga ko Tou maalosi, kae mai i loto e maua a mea ko oti ne fakaeke ne Koe mo latou i lalolagi o Tou matagofie.

E maalosi a Koe o fai a Tou fiafiaaga. A Koe ko te tasi tokotasi Fagasele i te lalolafgi nei mo sua lalolagi. E seai se Atua na ko Koe, ko te Tafasili ite Maluga, ko te Matagofdie-Katoatoa.

E matagofie a Koe, O te Aliki toku Atua! I taimi katoa e taumafai au o taku a Koe, au e fakalavegia ne aku agasala fulafula-aki mo aku soli-tuakoi tafasili i te masei kia Koe, ako au e iloa aka ne au ko seai a Tou alofa-kaimalie katoatoa ia au, kae e aunoa mo se maalosi o fakamanatu a Ou tavaeega. A toku talitonu lasi i Tou mau-koloa, e ui iei, e fakaola ne ia a toku fakamoemoega ia Koe, a ko toku talitonu ia a Koe ka saga mai kia au i se auala gali kae faka-maukoloa kae fakamaalosi au ke sisi Koe ki luga, kae ka akai atu kia Koe ki mea kola e pule ne Koe.

Au e akai fakamolemole kia Koe, O toku Atua, mai i Tou alofa-fakamagalo tela ko sili atu i mea faiite katoa, kae kia latou katoa kola ko ufi ki lalo i vasa o Ou igoa e molimaugia, ke sa liakina mai au kia au loa, aua i toku loto e fai-gofie o agasala. Taui mai au, tena la, mai i loto ite puipiui-olo o Tau puipuiiga mo te malu o Tau tausiiga. Au ko ia, O toku Atua, tela e tasi loa a tena manakoga tela ko oti ne fakaiku mai ne Koe mai i te maalosi mo Tou mafi. A te mea fua e tasi ko oti ne filigia ne au mo au ko au ke fesoasoanigia ne Au galuega mo pulepulega o Tou finagalo, kae ke lagogia ne alofaaga o Tau ikuuga mo te fakamasinoga.

Au e akai kia Koe, O ko Koe Tela ko te Fagasele o loto kola e tagi kia Koe, mai i Faifekau o Tau Fakatokaaga mo Aso-malulu o Tau fakamaalosiga mo latou Fakamatala o Tau afioga, mo Fale-Tausi o Tou poto, ke sa liakina au keatea mai i Tou Koga-nofo kae mana, i Tou Tempolo mo Tou Tapaneki. Lago mai kia au, O toku Aliki, ke maua ia au a Tou fale mana, kae ke tamilomilo ia Koe, kae ke tu mote loto maulalo i Tou mataloa.

A Koe ko Ia a Tena maalosi e vau mai i te pilitakiiga ki te pilitakiiga. E seai se mea e galo mai i Tena poto. A Koe, e tonu, ko te Atua o te maalosi, ko te Atua o te matagofie mo te atamai.

E tavaeegia a te Atua, ko te Aliki o lalolagi!

O ko Koe kote mataku o Ia Tela ne siga ki luga i mea katoa, mai i mua ite gali o Ona mata ko mata o tagata katoa ko punou ifo ki lalo, ite fakaasiiga o Tena nofoaiga-faka-aliki ne ifo katoa ki lalo a ulu mote maulalo, ki te puleega a Ia ko loto katoa o latou ne faka-filemu, kote se-llei o Tena afioga ne fai ne ia ko faavae katoa o mea ke polepole, ka ko te maalosi o Tau Fakasiiga, mote maalosi o Tou mafi, mot e faka-malugaaga o Tau muna, mote tafasili ite maluga o Tau nofoaiga-faka-aliki, ke lau atu matou mo latou kola a te lalolagi ko seai se maalosi o taofi mai ite mafuli atu ki mua ia Koe.

Fai aka au, O toku Aliki, ke aofia ia latou kola, ia latou loa ia latou, ne taua fakamaalosi i Tou auala. Tusi ifo ki lalo, tena la, mo au a te taui ko oti ne fakaeke ne Koe mo latou i Tapeleti o Tau fakanofoooga. Fakanofo aka foki au i luga ite nofoaga o te meaa tonu i Tou nofo-mai, kae soko atu au mo latou fakamaoni i loto i Au tavini.

Au e akai fakamolemole O toku Aliki, i Au Faifekau, mo Au Tino Filifilia, mo Ia Tela ko oti ne fakamau a Tau sainaga i luga i te Faifekau o Tau Fakatokaaga i vasia o Au mea ola, Tela a Koe ko oti ne fakalakei ki lakeiiga o Tau taliaaga i vasia o latou katoa e nofo i Tou lagi mo Tou lalolagi, ke fesoasoani aofa mai kia au ke oko atu ki mea ko oti ne fakaeke ne Koe mo Au tavini kae fakatoonu ne Koe ke tautali kiei i Au Tapeleti. Fulu keatea, tena la, aku agasala, O toku Atua, i Tou alofa atafai mo te mataefa, kae fai au pela mo latou kola e se mataku io me e oko kiei ate fanoanoa.

A Koe, e tonu, kote Mafi-Katoagtoa, ko Feasoasoani-i-Mea-Faigata, kote Ola-loa-ia-Ia.

Matagofie e io Koe, O toku Atua! Oku mata ko oti ne fakammau tonu ki luga I Ou mata, a ko oku mata, e tonu, ko Ou mata, a toku leo ko Tou leo, a ko taku Faka-asiiga ko Tau Faka-asiiga, a ko au ko Koe, a ko taku Faka-tokaaga ko Tau Fakatokaaga, a ko toku manakoga ko Tou manakoga, a ko au katoatoa ko Koe katoatoa, a ko toku nofo maluga ko Tou nofoaiga-a-tupu, ko toku matagofie ko Tou matagofie, a ko toku maalosi ko Tou maalosi.

Au e akai totuli kia Koe, O ko Koe ko te Faka-tonutonu o maalo mo te Tupu o te favavau, ke tausi Au tavini fafine i loto i Tau tapanekolo o te ma-takalekale, kae solo keatea a amioga katoa a latou ko la e seai ne tauliaaga o latou i Ou Aso. Tapale aka ki tua, tena, mai ia latou, O toku Atua, a fa-lotolotolua mo manatu seai ne aogaa katoa, faka-mana katoa a latou mai i so se mea e e soko kia Koe, O ko Koe Tela ko te Aliki o igoa, mo te Kamataga o faipatiiga katoa. Ko Koe Tela i Ou lima ko te pulepulega o te foafoaaga katoatoa.

E sea aka foki se Atua na ko Koe, ko te Mafi-Katoatoa, ko te Tafasili i te Maluga, ko te Matagofie-Katoatoa, ko te Ola-lo-ia Ia.

Ko taavaeega katoa e io Koe, O te Aliki, toku Atua! E fakaofoofogina ate Afi tela ne faka-ka ne Koe i loto i toku fatu! Oku sokooga lima e molimau ki te maalosi o tena vela, kae puna mai iei ate maalosi kaina o tena ulaaga. Kafai a toku laulaufaiva o toku fuiatino e taumafai o fakamatala a Koe me kote Tasi Tela a Tena maafi e silia atu i mafa katoa o toe tino mafi i loto i tagata, ate laulaufaiva o toku loto e faipati mai kia au penei: “Mea nei ko pati fua kola e mafai o ttau ki mea kola e pau a olotou foliga mo natula. A ko Ia, ite tonuuga, e silia ese atu seai se gataaga ite maluga atu ise takutakuga o Ana mea ola katoa.”

A te maalosi o Tou mafi e fai mo aku molimau, O taku Fagasele Llei! A sokooga taki tasi katoa o toku fuaitino, e fakatau au, e taki fakaeke iei se laulaulaiva tela e tavae kae fakamana a Koe kae fakalauefa a Tou igoa. Fakaekegina ne te maalosi o Tou alofa, ate kaitaua tela e fakagasue a latou o teke atu kia Koe e se mafai lele loa o fakamataku mai kia au; mo te tavaeega o Koe i oku laugutu, a pulepuleega o Tau ikuuga e se mafai foki o fonu au ite fanoanoa. Fakamakeke, tena la, a Tou alofa i oku fatafata, kae faigina au ke faka-fesagi ki taua a tino o te lalolagi e mafai o fai mai kia au. Au e tauto kia Koe! A laulu taki tasi katoa o toku fogaulu e faipati penei: “Kae mo fakalavelave kola e fetaui mo koe i Tou auala, e mafai pefea ne au o tami ite suamalie faka-te-lagi o Tou alofa atafai?”

Tuku ifo ki lalo, tena la, O Toku Aliki, ki luga ia au mo latou kola e alofa kia au, a mea kola e fai a latou ke mautakitaki i Tau Talitonuuga. Faka-mafai aka a latou, tena la, ke fai a latou mo Lima o Tau Fakatokaaga i vasia o Au tavini, ko te mea ke mafai ne latou o tufa tufa ki tua atu Au failoga, kae fakaasi atu a Tou nofoaiga-faka-aliki. E seai aka foki se Atua na ko Koe, Tela ko te maalosi o fai a sso se mea e loto a Ia kiei. A Koe, e tonu ko te Matagofie-Katoatoa, ko te Tavaegina-Katoatoa.

Tavaeega e iluga ia Koe, O toku Atua! Au se tokotasi o Au tavini, te la e talitonu kia Koe mo Au fakaasiiga. E matea ne Koe me ko au ne saga tonu atu au pefea ki te mataloa o Tou alofa, kae fuli atu oku mata ki te kogaa-mea o Tou alofa-kaimalie. Au e akai totuli kia Koe, i luga i Ou fakaekeega tafasili ite maluga mo Ou uiga lei tafasili i te malu, ke tala mai ki oku mata mataloa lasi o Au faka-manuiaaga. Fesoasoani mai, ko te mea, ke fai te mea tela e onomea, O ko Koe Tela ko te Aofiaaga o igoa katoa mo uiga lei!

Au e mativa, O toku Aliki! A ko Koe ko te Maumea. Au ne tuku tonu oku mata kia Koe, kae fuli tua atu au mai i mea katoa na ko Koe. Sa fakagata mai ia au, au e fakamolemole atu kia Koe, ite matagi iliili malie o Tou alofa atafai, kae sa fakagata mai ia au a mea ko la ko oti ne faka-malu ne Koe mo latou filifilia mai ia Au tavini.

Kave keatea a te veli mai i oku mata, O toku Aliki, ko te mea ke matea ne au me ne aa mea ko oti ne finagalo ne Koe mo Au mea ola, kae maua i fakaasiiga katoa o Ou tugalima, a te fakaasiiga o Tou maalosi katoatoa. Nikoi aka toku agaaga, o toku Aliki, ki Au failoga tafasili i te mafi, kae futi mai au keatea mai ite pooko o oku mafaufauga masei mo manakoga tiapolo. Tusi aka ki lalo, mo toku lei i te lalolagi nei pela foki mo te sua lalolagi. E maalosi Koe o fai a te mea e fiafia Koe kiei. Seai aka foki se Atua i kona na ko Koe, ko te Malu-Katoatoa, te la Tena fesoasoani e sala ne tagata katoa.

E avatu ne au a fakafetai kia Koe, O toku Aliki, me ne fago ne Koe au mai i taku moe, kae ne fakagasue mai au ki luga, kae faiite i au a te mafaufauga ke matea a te mea te la nese mafai ne taulasiiga o Au tavini o iloa. Tela la, fai au ke mafai, O toku Aliki, o kilo mo te alofa mo Koe, pela foki mot e taku lei o Tou fiafiaaga, so se mea ko oti ne mafaufau ne Koe. A Koe ko Ia tela Tena Mafi mo Tena puleega e molimau a mea katoa.

Seai aka se Atua na ko Koe, ko te Mafi-Katoatoa, ko te Fai Mea-Lei.

Tavaeega e io Koe, O toku Atua! E lavea ne Koe me e pefea Au tavini fakamaoni ne to ki lima o latou masei, kola ko se talitonu i Tou igoa, ko te Se-mafai o Taofigina, kae fakapelo a Tau afioga, mo Tau nofoaiga-faka-aliki mafi. A olotou muagutu e faipati ne latou a mea ne faipatigina ne te kau Iutaia anamua.

Avatu kia mua, tena la, mai i te fagasele o Tou matagofie, O toku Aliki, ate lima o Tau pule, mai iei ke feasoasoani a Koe ki Au fagasele kola, e uiloa ko fitaa i Tou auala mo tofotofooga e kosu ne latou a pagota o te maalo o Tau fakatokaaga ke tagi, e seki mafai o fakalave a te fuli atu kia mua ite sikulagi o Tau Fakaasiiga.

Fakamau aka, tena la, a te sitampa o Tau puipuiiga sako iolotou loto, O toku Aliki, eiloa la a te masauaaga o se isi aka na ko Koe ko ulu mai ki loto. Fai aka latou ke mafai, tena, o fakailoa aatu a Tou igoa i loto i vasia o Au mea ola, kae tufa kia latou mot e tina mea ko oti ne fakasino ne Koe mo latou ko Au fagasele kola e fiafia ia latou e pili kia Koe.

E maalosi Koe o fai a Tou fiafiaaga. A Koe e tonu ko te Matagofie-Katoatoa, tela ki ei e tagi katoa mo se fesoasoani.

E maluga a Tou igoa, O te Aliki toku ATua! E lavea ne Koe me e pefea Au tavini i koga valevale e aofia iei mo fakalavelave me e pefea a olotou fili ne tu ki luga o teke a latou kae ne see kii loa latou ki taugasoa kona. A Tou matagofie e fai mo aku molimau! Moi fai a tino amio se-llei katoa ote lalolagi e tapani a latou fakatasi o teke mi kia tatou, kae liakina a tatou kite afi tela e seki ai aka loa se tagata ne faka-ka ne ia, e seai se maalosi o latou o fakanumi a te kilo a tatou mai ite sikulagi o Tou igoa, kote tafasili ite Faka-Maluga, kote Tafasili ite Maluga, kae ka e se maua ne latou o fuli a tou loto keatea mai i te nofoaga o Tou matagofie malifalifa.

Au e tauto i Tou mafi! A mata-sana kola e pu a tatou iei i Tou auala ko lakeiiga o tou koga tapuaki, ka ko tao-velo kola e poko i tou fuaitino ite alofa o tatou mo Ia pela mo te silika ki tou fuaitino. Mai i matagofie o Tou mafi! E seai lele se mea e mafai ne Au tavini o fai vagana ko te pene o Tau ikuuga tela e se-mafai lele o fuli ko oti ne lomi i loto ite tapeleti tafasili ite maluga kae taua.

Ko tavaeega katoa e io Koe i taimi katoa mo fakanofooga katoa. A Koe, e tonu, ko te Atua o te poto mo te atamai.

Tavaeega e io Koe, O toku Atua! A Koe e lavea me e pefea a Ia Tela ko Tou Mainaaga ko oti ne pono ite fakai-e-pui-ki-olo ko ‘Akká, kae ko tigaina ona ko mea a lima o latou amio masei ne fai, ko olotou manakoga faitogafiti ne taofi iei a latou ki tua mai i te mafuli atu kia Koe, O ko Koe Tela ko te Tupu o igoa uma lava!

Au e tauto i Tou matagofie! Fakalavelave, e uiloa a te fakafanoanoa, e se mafai lele o taofi au mai i te masaua o Koe, io me mai ite fakamanatu a Ou tavaeega. So se kaitaua e mafua ona ko te alofa mo Koe se alofaga o Tou alofa fakamagalo ki luga i Au mea ola, so se tigaina e pokotia i Tou auala se mea-alofa mai ia Koee fakasopo atu ki luga i Au tino filifilia. Au e molimau i oku mata, kola e maina mai i luga ite Aso- Malulu, ko oti ne tuku faksagi ne fili, ka ko toku fuaitino ko oti ne fakalakei ne ia mai mua o latou katoa ite lagi mo latou i luga ite lalolagi

Au e talosaga kia Koe, i Tou Igoa Tafasili ite Lasi, ke feasoasoani kia latou kola e talitonu kia Koe mo Au failoga ke tumau ite olotou alofa mo Koe kae ke fakasino a latou ki mua ite Malumalu o te Fetu-Ao o Tou alofa-kaimalie. Fakamaalosi a latou, tena la, o Toku Atua, mo mea kola ka fakamaatala iei a olotou laulaufaiva o tavae a Koe, kae ka futi atu latou ke pili atu kia Koe ite olaga nei mo te olaga ma vau.

A Koe e tonu ko te Mafi-Katoatoa, ko te Matagofie-Katoatoa, ko te Fai-mealofa-Kaimalie.

E matagofie e i Tou igoa, O te Aliki toku Atua! Au e akai totuli kia Koe mai i Tou maalosi te la ko oti ne siomia ne ia a mea faiite katoa, kae mai i Tou Nofoaiga-a-Tupu te la ko oti ne oko atu kit e foafoaaga katoatoa, kae mai i Tau Muna te la e funa i loto i Tou atamai mai iei te la ne faiite ne Koe a Tou lagi mo Tou lalolagi, ke mafai ne matou o tumau i omotou alofa mo Koe mo te motou usiusitai ki Tou fiafiaaga, kae fakammau a motou mata ki luga i Ou mata, kae fakamanatu a Tou matagofie. Faka fonu matou i te maalosi, tena, o Toku Atua, ko te mea ke fola ki tua atu a Ou fakailoga i vasia o Au mea faiite, kae ke puipui a Tau Faka-tokaaaga i Tou lalolagi. A Koe ko leva ne iai o tu tokotasi mai I te faipati o so se mea o Au mea faiite, kae ka nofo loa pena pe la loa mo Tau nofoga mai i te favavau.

Ia Koe Koe ne tuku ne au katoatoa a toku talitonu, kia Koe ne fuli atu oku mata, ki te kafanoa o Tou atamai atafai e piki i ei au ki ei, kae ki te ata o te malu o Tou alofa-kaimalie ne fakavave ei au ki ei. Sa liakina au pe la me se tasi fanonoa mai i tua i Tou mataloa, O toku Atua, kae sa taofi mai ia au a Tou alofa, aua me ko Koe tokotasi fua e saala au kiei. E seai aka se Atua i Ou tafa, ko te Fakamagalo-Katoatoa, ko te Tafasili i te Maumea-Lauefa.

Tavaeega kia Koe, O ko Koe Tela ko te Fagasele o latou ko la ko oti ne iloa ne latou a Koe!

Ko Koe ko Au tofotofoga ko vailakau fakagata masaki mo latou ko la e pili atu kia Koe, ko Tau pwlu ko te toe manakoga taaua o latou ko la e alofa kia Koe, ko Tau matasana ko te faka-moemoega sili o loto o latou ko la e nnau atu kiaKoe, ko Tau tulafono ko te faka-moemoega tasi sili o latou ko la e matea a Tau meatonu! Au e akai kia Koe, ki Tou suamalie faka-te-lagi mo te malifalifa o te matagoefie o Ou mata, ke tuku ifo ki lalo ia matou mai i Tou nofoga maluga a mea ko la e mafai i ei matou o faka-pilipili atu kia Koe. Faka-mmau aka, na la, a omotou vae ke mmau, O toku Atua, i Tau Fakatokaaga, kae fakamaina a omotou loto ki te mainaaga o Tou poto, kae fakamaina a omotou fatafata ki luga i te mainaaga o Ou igoa.

Au ko ia, O toku Atua, tela ko oti ne agai atu ona mata kia Koe, kae fakmmau ana fakamoemoega ki uga i mea gali o Tou alofa-kaimalie mo te fakaasiiga o Tou maukoloa. Au e talosaga kia Koe me ia au ka se-fai ne Koe ke fuli keatea mai mo te fanoanoa mai i te mataloa o Tou alofa-fakamagalo, io me e liakina mai au kia Au mea faiite ola ko la ko oti ne faka-see a Tau Fakatokaaga. Au ko ia, O toku Atua, ko Tau tavini mo te tama tagata o Tau tavini. Ko oti ne lavea ne au a Tau mea-tonu i Ou aso, kae ko oti ne fakatonu oku kalafaga ki matafaga o Tou tafatasi, kae folafola atu ki Tou tokotasi saogalemu, kae fakailoa atu ki Tou fakatasitasi, mo fakamoemoega ki Tau fakamagalo mo te fakaseai o agasala. E maalosi a Koe o fai ate mea e loto Koe ki ei, e seai se Atua mai i Ou tafa, ko te Matagofie-Katoatoa, ko te Fakamagalo-Katoatoa.

Kia Koe ko tavaeega, O te Aliki toku Atua! Au e molimau ia Koe ko te Atua, kae e seai aka foki se Atua na ko Koe. A koe mai ite favavau e se-fuafuagina a tou mana mai i luga atu i tavaeega a so se tino vagana ko Koe, kae mai i luga atu i se famatalaaga a so se o Au mea ola. A mea faiite katoa e moimau ki Tou fakatasitasi, ka ko tini katoa i Tou maalo k oti ne fakaasi tonu ki Tou tafatasi. Ate uiga tonu ote falotolotolua o tino talitonu i vasia o Au mea ola e se mafai lele o oko atu kia Koe, Aua ite falotolotolua o tagata ia Koe ko te falotolotolua o Tau foafoaaga; e pefea o oko atu kia Koe? A tavaeega katoa tagata mo fakamanaaga o Koe e fai ne Au tavini; e pefea a latou o fai pela ia latou e ttau kit e kogaa koga noofo o Tou tafatasi?

Au e tauto i Tou matagofie! Ate uiga tonu o te poto e seai se maalosi o iloa a Tou natula, mo te uiga tonu loa i loto o taveega taki tasi o Koe e se oko ki te nofoaga o Tou matagofie takutakua mo Tou maalosi luku fakatasi katoatoa. So se faipatiiga tela e sala ke fakamatala a koe, so se poto tela e taumafai o iloa a Koe, e seai kae se fakaasiiga fua o Tau mea ne faiite, kae e fakaseai ne Tou finagalo, kae faiite mai tusa mo Tau galuega.

Au e akai fakamolemole kia Koe, O ko Koe teka e lilo ki tino katoa na ko Koe, kae e mafai o iloa mai se isi koga aka na ko Koe, mai ite mea se ne fakamae ki luga ia Ia Tela Kote Aso-Malulu o Tau Fakatoaaga mai i lima o latou tafalalo i vasia o Au mea ola, mo ea ne oko ki luga ia Ia i Tou auala, ke talia ko au ke mafai, i taimi katoa ke liua kia Koe, kae fakamau a taku kilokilo ki luga i te sikulagi o Tau finagalo kae mautakitaki i Tou alofa.

Au ko oti, O toku Aliki, ne fuli atu kia Koe tusa mo te mea ko oti ne fakatonu mai ne Koe kia au i Tau Tusi, kae ko oti ne fakasaga atu oku mata ki te sikulagi o Tou alofa-kaimalie pela mo te mea e fakasaoloto mai kia au i Au Tapeleti. Sa pei gina au ki tua ite mataloa o Tou alofa atafai, au e akai fakamolemole kia Koe, kae tusi ifo ki lalo mo au ate taui tela ne fakasino mo ia tela ko oti ne ulu ki loto i Tou nofo-mai, kae tu ki luga o tavini kia Koe, kae aveaia ne motiiga e faksiusiu atu ki luga ia ia mai ite Vasa o Ou alofaaga i Ou aso, mo matagofie o te Fetu Aso o Au mea-alofa ko la ko tufatufa ki luga ia ia ate fakaasiiga o te maina o Ou mata.

E maalosi Koe o fai ate mea e fiafia Koe kiei. E seai aka se Atua na ko Koe, ko te Feasoasoani-i-Mea-Faigata, ko te Ola-loa-ia-Ia.

E maluga a Tou Igoa, O te Aliki toku Atua! Au ko Tau tavini te la e puke mau kit e kafanoa o Tou alofa atafai, kae piki mau ki te gatu o Tou maumea. Au e faka-molemole kia Koe ki Tou igoa te la ko oti ne fai ne Koe mea ola katoa, matea mot e se matea, kae mai Ii te manava te la ko te ola tonu ne agiagi i luga i te foafoaaga katoatoa, ke fakamaalosi mai au ne Tou maalosi te la e siomia i ei a lagi mo te lalolagi, kae leoleo mai au mai masaki katoa mo mea faigata. Au e fakamaoni ia Koe ko te Aliki o igoa katoa, mo te Fakamaluuga o latou ko la e fiafia kia Koe ki ei. E seai aka foki se Atua na ko Koe, ko te Mafi-Katoatoa, ko te Iloa Katoatoa, ko te Atamai-Katoatoa.

Ke tuku mai ne Koe kia au, O toku Aliki, mea ko la ka lei i ei au i lalolagi katoa o Ou lalolagi. Fakasoa mai kia au, na la, ki mea ko la ne tusia ne Koe mo Ou tagata filifiia i vasia o au mea ola. Koe mo Ou tagata filifilia i vasia o au mea ola., tela e se mafai ne te losi o te tagata losi, io me ko te faka-osoosooga a tagata amio masei, io me ko te fulitua o latou ko la ko tumuli mai mo Koe, kae ko oti ne fakamao mai i te kilo atu kia Koe.

E tonu, ia Koe ko te Fesoasoani i mea Faigata maii i te maalosi o Tau pulega fakatupu. E seai se Atua i kona na ko Koe, ko te Mafi-Katoatoa, ko te Tafasili i te Maalosi.

E malu silisili e o Koe, O Toku Atua! Ko tuku atu kia Koe a fakafetai, me ko oti a Koe ne fakaasi mai kia au Tela ko te Asofou o Tou alofa, mo te Kamataga o te Ata-Ao o Tou alofa-kaimalie, pela foki ko te Fakavae o Tau Fakatokaaga. Au e akai totuli atu kia a Koe i Tou igoa, mai i mata o latou ko la e pili atu kia Koe ko masinasina, a ko loto o latou ko la e mautakitaki kia Koe ko kapakau atu olotou malaga kia Koe, ke talia ko te mea ko au, i taimi katoa mo nofonofooga katoa, ke puke mau ki Tou kafanoa, kae se fakapiki ki sose tino na ko Koe, kae ke tausi oku mata ke agi tonu ki te siku lagi o Tau Fakaasiiga, kae ke fai a mea ko la ko oti ne tusilima mai ne Koe mo au i loto i Au Tapeleti.

Fakapei, o toku Atua, toku fuaitino mo toku agaaga ki gatu o Tou manakoga mo Tou alofa-kaimalie. Tausi ke malu au, mai i sose mea tela e masei kii kia Koe, kae fesoasoani alofa mai kia au mo latou ko la e tino mai kia au ke fakalogo kia Koe, kae fakagata a sose mea tela e fakaala ne ia so se mafaufauga masei io me se manakoga matagaa ia au.

Koe e tonu, te Aliki o tagata katoa, mote Pule o te lalolagi nei mot e sua lalolagi. E seai aka se Atua na ko Koe, ko te Iloa-Katoatoa, ko te Atamai-Katoatoa.

O te Atua, mo te Atua o Igoa katoa, mo te Tofuga o lagi! Au e akai totuli kia Koe mai i Tou Igoa te la a Ia ko te Aso Foou o Tou mafi mo te Malumalu o Tou maalosi ko oti ne fakaasi, te la a so se makeke ko oti ne fai ke tafe, a ko sose mea mate ko oti ne faka ola, a ko so se agaaga e gasuesue ko oti ne faka-talitonugia - Au e akai faka-molemole atu kia Koe ke faka-mafai aka au ke motu mai au mai i mea katoa na ko Koe, kae ke tavini atu Tau Fakatokaaga, kae ke manako fua au ki te mea te la e manako Koe ki ei mai iuga i Tou maalo, kae ke fakagalue a te mea ko te fiafiaaga lei o Tou loto.

Au e akai totuli kia Koe, na la, O toku Atua, ke fakaeke mai mo au a mea ko la e fai ne latou au ke lava a toku maumea ko te mea ke mafai ne au o tufatufa mo so se tino na ko Koe. E lavea mai au ne Koe, O toku Atua, mo oku mata e agai atu kia Koe, mo oku lima e piki mmau ki te kafanoa o Tou alofa-kaimalie. Tuku ifo kia au a Tou alofa-kaimalie, kae tusi aka mo au a mea te la ko oti ne tusi ne Koe mo latou ko oti ne filifili ne Koe.

E maalosi a Koe o fai a te mea e fiafia Koe ki ei. E seai aka se Atua na ko Koe, ko te Faka-Magalo Katoatoa, ko te Lava-i-so se Mea Katoatoa.

Matagofie e io Koe, O ko Koe ko oti, mai i te gasuesue o Tau pene maluga, ne taofi a te lukuuga o Tau foafoaaga, kae fakaasi mai a penina ote vasa o Tou atamai mai i muna e seai se laulaufaiva ne tavili ne ia mai i mua o latou katoa ite lagi mo te lalolagi. Au e tauto ki Tou mafi ko oti ne siomia katoa iei ate univesi katoatoa, mo Tou alofa fakamagalo ko silia atu ia mea faiite katoa. A maalosi o te lalolagi e seki manumaalo aka loa o teke atu kia Koe, io me ko te maalosi o,fenua o te lalolagi ne mafai o fakalavelave atu ki Tau galuega. Ko oti ne fakaasi ne Koe i Ou lalolagi so se mea a Koe e manako ki ei mai ite maalosi o Tou nofoaiga-faka-aliki, kae ko oti ne fakaeke a mea katoa tusa o te fiafiaaga llei o Tou finagalo. Mai ite vavau ko oti a Koe ne nofo i toe koga maluga o Tou laufenua mo Tou nofoaiga-faka-aliki e se-fakalavelavegina, kae ka tumau mai ite favavau o nofo i kogaa koga o Tou afioga mo te matagofie tafasili ite se-mafai o oko kiei.

Au e akai fakamolemole kia Koe, i Tou Igoa tela iei ko te manogi o te gatu o Tou nfo-mai ko agiagi mai, ka ko te matagi ili malilie o Tou alofa atafai kae mataefa e fao i luga i mea faiite katoa, ke fesoasoani alofa mai kia au, i taimi katoa mo feitu katoa, ke talai a Tau Fakatokaaga, kae fakamafai au ke masaua a Koe o fakamana Ou uiga llei. Tuku mai, na la, Ou lima mafi ke saigina au, O toku Atua, kae fakaeke mo au ate mea e ttau ki Tou alofa-mataefa i lalolagi katoa o Ou lalolagi.

E lavea ne Koe, O toku Aliki, me ne pefea au ne fakasaga ki mua ite vasa o Tou alofa atafai kae faka-aloalo ki kogaa koga nofo o Ou alofaaga. Sa liakina mai au, au e talo kia Koe, a motiiga kola e fakasiusiu mai ite vasa o Au mea-alofa; io me e taofi ne Koe mai ia au a maligiiga o kaumana o Ou alofaaga-fakamagalo. Au ko ia, O toku Atua, tela e piki mau ki te malifalifa o te kapa o Tou gatu, kae puke mau ki Tau kafanoa mafi tela e seai e mafai o motu. Au e tauto ia Koe ko oti ne faiitegina au, tausi mai au, puti[uti aka ki luga, fagai au, kae tausi ke tumau au, ko te mea ke mafaiau o lavea a Ia Tela ko te Aso Malulu o Au failoga, ko te Fakaasi o Au mea-alofa manino. Au e tuku atu kia Koe, tena la, tavaeega maluga, O te Aliki toku Atua, ia Koe ko oti ne fakamae au ke maua ate tulaga maluga tenei mo te nofoaga fakamalu tenei. A Koe, e tonu ko te Foai Tafasili, ko te Mafi-Katoatoa, ko te Alofa-Mataefa Katoatoa, ko Fakamagalo-Katoatoa, ko te Kaimalie Tafasili.

Fakamaina oku mata, O toku Aliki, ki matagofie o te sikulagi o Tau Fakaasiiga, kae fakamaina toku loto kite malifalifaaga o te Fetu-Ao o Tou poto mo te atamai, ko te mea ke mafai ne au o fakamau katoatoa ki mua i Ou mata, kae ke liakina a te fakapiki ki so se tino vagana ko Koe, i se auala atamai tela a mafulifuliiga mo avanoaaga ote lalolagi e seai ne olotou maalosi o fakatuai au mai ite lavea o Ia Ko te Faifekau o Koe Loa ia Koe, mo te Fakaasi o Au failoga, mo te Aso-Malulu o Tau Fakaasiiga, mo te Koga Tausi o Tau Fakatokaaaga.

A Koe, e tonu, kote Mafi-Katoatoa, ko te Puipuiiga, ko te Matagofie-Katoatoa, ko Atamai-Katoatoa.

Tavaeega e io Koe, O toku Atua! Ate tavini tenei o Koe e molimau me e seai aka foki na ko Koe e mafai o fakamatala a Koe, io me ko Koe e se-mafai o fakamatala gina ne so se tino vagana ko Koe. A mafaufauga o latou ko oti ne iloa ne latou a te tonuuga o Koe, e uiloa a te olo atu o latou ki luga i te lagi o Ou tavaeega, e se mafai lele o fakamoemoe o sopo atu mai tua atu o tuakoi ko la, i Tau fakatonuuga mo te ikuuga, ko oti ne fakatu ke mau i olotou loto. E mafai pefea ne te mea ola te la ko te seai lele loa o maina ia Ia Tela ko te Favavau o Aso, io me e mafai ne ia o fakamatala katoatoa a tena nofoaiga-faka-aliki, Tena matagofie, mo Tena silisiliese? Ikaai, kae e fai a Koe mo aku molimau, O ko Koe ko te Kovana o fenua! So se mea faiite ko oti ne iloa a tena vaaivaiiga, mo te maalosi o Tou mafi, ko oti ne fakaasi tonu ki tena fakaalofa ka ko Tou matagofie takutakua.

Au e akai fakamolemole kia Koe i Tou Fakaotioti te la e pau mo te Tomua o Koe, mai i Tau Fakaasiiga te la e pau mo Tau Mea Funa, ke talia ko latou ko la e fagasele kia Koe, ko olotou tamaliki, ko olotou kaaiga, ke mafai o fai me ne tino fakaasi atu a Tou ma-takalekale i vasia o Au mea ola, mo fakasiiga o Tou mana i loto i Au tavini. Ko Koe, e tonu, e maalosi o fai a te mea e fiafia Koe kiei.

A Koe, e tonu, ko te Feasoasoani-i-Mea-faigata, ko te Ola-loa-ia-Ia.

Au e avatu kia Koe a fakafetai, O toku Atua, mai i ei ko oti a Koe ne fai au me se taketi mo matasana o Ou fili i Tou auala. Au e tuku atu kia Koe a tavaeega maluga, O ko Koe ko te Iloa o mea lavea mo te se-lavea mo te Aliki o mea katoa, aua ia Koe ko oti ne fakamaegina au ke pei ki loto i te falepuipui ona ko te alofa mo Koe, kae fai au ke inu i te ipu o te fanonoa, ko te mea ke mafai ne au o fakaasi a Tau Fakatokaaga kae fakamana a Tau muna.

Ko toku fakalavelave fea e toe lau ne au i Ou mua, O toku Aliki? E toe lau ne au mai i Ou mua a aso mua ko la ne siga au i lima o tino galue o te masei i vasia o Au mea ola, io me e fakamatala ne au a te kaitaua te la ne siomia ia au i aso kona ona ko Tou fiafiaaga?

Fakafetai kia Koe, O ko Koe ko te Aliki of igoa katoa; ko te matagofie kia Koe, O ko Tufuuga o lagi, mo mea katoa ne fakatumau au i ei i aso kona i lima o Au tavini ko la ne solisoli tuakoi o teke atu kia Koe, mo Ou tino fui fakalogo ko la ne fakamasino mai kia Koe.

Lau aka matou, e akai fakamolemole atu kia Koe, mo latou ko la ne tu mautakitaki i Tau Fakatokaaga ke oko ki taimi ko olotou agaaga ola ko lele atu ki te lagi o Tou alofa atafai mo te vanimonimo o Tou alofa-kaimalie.

A Koe, e tonu, ko te Fakamagalo-Katoatoa, ko te Tafasili i te Alofa-Fakamagalo.

Matagofie e io Koe, O toku Atua! Oku mata ko oti ne fakammau tonu ki luga i Ou mata, a ko oku mata, e tonu, ko Ou mata, a toku leo ko Tou leo, a ko taku Faka-asiiga ko Tau Faka-asiiga, a ko au ko Koe, a ko taku Faka-tokaaga ko Tau Fakatokaaga, a ko toku manakoga ko Tou manakoga, a ko au katoatoa ko Koe katoatoa, a ko toku nofo maluga ko Tou nofoaiga-a-tupu, ko toku matagofie ko Tou matagofie, a ko toku maalosi ko Tou maalosi.

Au e akai totuli kia Koe, O ko Koe ko te Faka-tonutonu o maalo mo te Tupu o te favavau, ke tausi Au tavini fafine i loto i Tau fale malu tapuaki o te ma-takalekale, kae solo keatea a amioga katoa a latou ko la e seai ne tauliaaga o latou i Ou Aso. Tapale aka ki tua, tena, mai ia latou, O toku Atua, a fa-lotolotolua mo manatu seai ne aogaa katoa, faka-mana katoa a latou mai i so se mea e soko kia Koe, O ko Koe Tela ko te Aliki o igoa, mo te Kamataga o faipatiiga katoa. Ko Koe Tela i Ou lima ko te pulepulega o te foafoaaga katoatoa.

E sea aka foki se Atua na ko Koe, ko te Mafi-Katoatoa, ko te Tafasili i te Maluga, ko te Matagofie-Katoatoa, ko te Ola-lo-ia Ia.

Te matagofie e io Koe, O toku Atua! Au e akai fakamolemole kia Koe i Tou igoa, ko te tafasili ite Alofa Fakamagalo, ke puipui Au tavini mo Au tavini fafine manafai a matagi o tofotofooga ko olo mai i luga ia latou, mo Au tofotofooga se lausia ko poko kia latou. Faka-mafai aka latou, na la, O toku Atua, ke sala o lafi i loto ite olo-tau maalosi o Tou alofa mo Tau Fakaasiiga, ko te mea ke seai i Ou fili io me ko latou amio se-llei i loto i Au tavini; kola ko oti ne ofa ne latou a Tau Feagaiiga mo Tau Fakanofooga, kae fuli keatea mo te fakamaualuga mai ite Aso-malulu o Tou Uiga tonu mo te Fakaasi o Tou matagofie, ke tumau o teke atu kia latou.

Ko latou loa ia latou, O toku Aliki, ko oti ne faitali ite mataloa o Tou alofa atafai. Tala aka ne Koe i olotou mata ki kii o Ou alofaaga mataefa. E maalosi Koe o fai a te mea e loto Koe ki ei, o fakaeke a te mea e fiafia Koe kiei. Ko latou konei, O toku Aliki, ko oti ne saga tonu a olotou mata kia Koe, kae fuli atu ki te koga e nofo Koe i ai. Fakamasino atu a latou, tena la, pe la mo te mea e tau ki Tou alofa fakamagalo te la ko oti ne silia atu i lalolagi.

[ ]

O toku Atua mo toku Matai! Au ko Tau tavini mo te tama tagata a Tau tavini. Au ko ala mai i toku moega i te vaveao tenei i taimi te la a te Fetuao o Tou tafatasi ko oti ne sulu maina mai i te Asomalulu o Tou finagalo, kae ko oti ne maina atu a tena mainaaga ki te lalolagi katoa, pe la loa mo te mea ko oti ne fakasino i loto i Tusi o Tau Fakamasinoga.

Vikiiga ei luga ia Koe, O toku Atua, ia matou ko ala mai ki te silisiliese o te mainaaga o Tou poto. Tuku ifo ki lalo, ki luga ia matou, O toku Aliki, a mea ko la ke mafai i ei ne matou o tiakina a so se tino vagana ko Koe, kae ka fakaseai a se pikkiga o matou ki so se mea na ko Koe. Tusi ifo ki lalo, tena, mo au, pela foki mo latou ko la e pele kia au, pe la foki mo latou e pili mai kia au, tagata mo fafine, a te lei o te lalolagi nei mo te lalolagi ma vau. Tausi matou ke saoga-lemu, tena, mai i Tau puipiiga e se-mafai o faka-takavale, O ko Koe ko te Fagasele o te foafoaaga katoa mo te Manakoga ote iunivesi katoatoa, mai ia latou ko oti ne fai ne Koe me ko fakaasiiga a te Musmusuga a te Tiapolo, te la e musumusu i fatafata o tagata. E maalosi Koe o fai a te mea e fiafia Koe kiei. A Koe, e tonu, ko te Mafi-Katoatoa, ko te Feasoasoani-i-mea Faigata, ko te Ola-ia-Ia.

Fakamanuia a Koe, O te Aliki toku Atua, a Ia Tela a Koe ko oti ne fakammau i luga i Ou Tofiga tafasili i te maluga, kae mai iei a Ia ko oti ne vaevae ne a mea lei mo mea masei, kae feasoasoani alofa kia matou ke fai a mea ko la e alofa kae manakomia maalosi a Koe ki ei. Fakamanuia a Koe, tena, O toku Atua, a Latou ko la ko Au Muna mo Au Mataimanu, mo latou ko la ko fakatummau a olotou mata kia Koe, kae fuli atu ki Ou Mata, kae fakalogo ki Tou kalaga.

A Koe, e tonu, ko te Aliki mo te Tupu o tagata katoa, kae e maalosi i luga i mea katoa.

O te Atua, Toku Atua! Sa-fakamao a Koe mo au, aua i fakalavelave mo fakalavelave ko aputuputu mai kia au. O te Atua, toku Atua! Sa-liakina mai au kia au eloa, aua i te velaaga o faka-lavelave ko i luga ia au. Mai i te tina susu, ne aumai i fatafata o Tou alofa-kaimalie, tuku mai ko au ke inu, auaa i toku fia inu ko pokotia kii au i ei. Mai i lalo i te malu o kapakau o Tou alofa-kaimalie, fakamalu aka au, auaa i oku fili katoa mo te leo talia e tasi ko i luga katoa ia au. Tausi aka au ke pili ki te kalauna-a-tupu o Tou afioga, mata ki mata ko te fakaasiiga mo fakailoga o Tou matagofie, auaa i te fanoanoa ko pokotia masei kii loa kia au. Mai i fuaga kaina o te Lakau Ola o Tou Se-gata-mai fagai aka au, auaa i te seai se maalosi ko i luga ia au. Mai i ipu o te fiafia, ko la ne tuku mai ne lima o Tou alofa atafai, fagai mai au, auaa i te fanoanoa tuafia ko lasi kii a tena pokotiaaga ki luga ia au. Fakapei aka au ki te gatu suisui o Tou nofoaiga-a-tupu silisiliese, auaa i te mativa ko oko loa a tena fakamasei kia au. Faka-mafanafana ne te tagi tagi o te Lupe o Tou Favavau, fai aka ke moe au, auaa i faigata ko tu loa i te faka-otiiga i te masei ko oko mai ki luga ia au. Mai i mua o te kalauna-a-tupu o Tou tafatasi, i te vasia o te ulaaga o te gali o Ou mata, kae fai aka au ke tautali, ona ko te mataku mo te polepole ko kini masei ki loa kia au. Mai i lalo o te vasa o Tau faka-magalooga, fakafesagai mo te nofo-se-toka o te manu lasi o te matagofie, ufi aka au, auaa ko aku agasala ko tanumia faka-masei kia au.

Te matagofie e io Koe,O te Aliki toku Atua! Au e akai totuli kia Koe i Tou Igoa te la a Ia ko Tou Gali ko oti ne fakatumau i luga i te kalauna-a-tupu o Tau Fakatokaaga, mo Tou Igoa te la mai i ei e fuli ne Koe a mea katoa, kae luku tasi mai a mea katoa, kae kalaga o fakamasino a mea katoa, kae taui atu a mea katoa, kae tausi a mea katoa, kae fakatumau a mea katoa – Au e akai totuli kia Koe ke puipui a te tavini fafine tenei te la ne tele mai ke lafi ia Koe, ko oti ne nofo mai lalo ia Ia Tela a Koe ne fakaasi mai, kae tuku a tena talitonu katoatoa ia Koe.

A ia fafine e masaki, O toku Atua, kae ko oti ne ulu mai lalo o te malu o te Lakau Ola o Tau fakagata masaki; pokotia, ko oti ne tele ki te Fakai Lasi o Tau puipuiiga; masaki, ko oti ne sala atu ki te Ulu-vai o Au alofaaga; ko oko loa i ana fanoanoa, ko oti ne fakavave atu ke maua a te Vaikeli o Tou tokaaga-malie; mafa a te amoga i te agasala, ko oti ne fakaagai tonu ona mata ki mua Ii te fale o Tau fakamagalo.

Fakapei aka a ia fafine, i Tou nofoaiga-faka-aliki mo Tou alofa-kaimalie, O toku Atua mo o taku Fagasele, ki te gatu o Tau fakamafanafanaaga mo Tau fakagata masaki, fai a ia ke inu i te ipu o Tou alofa fakamagalo mo Au alofaaga. Puipui aka a ia, tena la, mai i so se fakalavelave, famai, mai i s ose mae, masaki, mai i so se mea te la e masei kia Koe.

A Koe, i te tonuuga, e maluga atu i mea katoa na ko Koe. Ko Koe, e tonu, ko te Fakagata Masaki, ko te Ola-loa-ia-Ia, ko te Tausi, ko te Fakamagalo-Katoatoa, ko te Tafasili ite Alofa-Fakamagalo Katoatoa.

A Koe ko Ia, o toku Atua, mai i Ou igoa ne fakalei i ei a masaki o tino masaki kae ke toe fakalei a famai o latou, ko latou fia inu ne inu, ko latou e tigaina ne faka-filemu, ka ko latou se-fakalogo ne takitakigina, ko latou ko la ne fakamalalogina ne fakamaluga, ko latou ko la mativa ne fakamaumeagina, ko latou se maina ne fakamainagina, ko latou ko la e pupu ne fakamainagina, ko latou ko la fanoanoa ne fakafiafiagina, ko latou ko la makalili ne fakamafanafanagina, ka ko latou ne tanumia i lalo ne avaka ki luga. Mai i Tou igoa, O toku Atua, a mea faiite katoa ne fakagasue ki luga, ko lagi ne fola atu, ka ko te lalogai ne fakatu, ko kaumana ke avaka ki luga kae fai ke to mai a vaiua i ei ki lalo i te lalolagi. Mea nei, e tonu, se alofaaga o Tou alofa atafai ki Au mea ola faiite katoa.

Au e akai fakamolemole kia Koe, tena la, i Tou igoa te la mai i ei ne fakaasi mai ne Koe a Tou Ulu-Atua, kae fakamaluga a Tau Fakatokaaga mai i luga atu i foafoaaga katoatoa, mai i Ou tofi tafasili i te maluga taki tasi mo uiga tafasili i te mautua, mo uiga lei katoa te la a Koe tafasili i te maluga mo te malifalifa ne fakamanatu, ke tuku ifo ki lalo i te po nei mai i kaumana o Tou alofa atafai a vaiua o Tau fakagata-masaki ki luga i te ia foliki tenei, Tela ko oti ne fakasoko ne Koe ki luga ia Koe tafasili i te matagofie-katoatoa i te maalo o Tau foafoaaga. Fakapei atu a ia ki te gatu, O toku Atua, mai i Tou alofa atafai, ki te gatu o fuaitino lei mo te tupu ola, kae puipui a ia, O taku Fagasele, mai i so se fakalavelave o te nofo se-toka, mai i so se mea e fakamae kia Koe. A Tou mafi, e tonu, e pau ki mea katoa. A Koe, e tonu, ko te Tafasili ite Maalosi, ko te Ola-loa-ia-Ia. Tuku ifo ki lalo, tena la, ki luga ia ia, O toku Atua, a te lei o te lalolagi tenei mo sua lalolagi ma vau, ko te lei o te tupulaga mua mo tupulaga nei. A Tou mafi mo Tou atamai, e tonu, e pau kiei.

E matagofie a Koe, O te Aliki toku Atua! Au e akai fakamolemole kia Koe i Tou igoa, te la ne sapai aka ne Koe a failoga o Tau takitakiiga, kae tufa tufa atu a te mainaaga o Tou alofa-kaimalie, kae fakaasi a te nofoaiga-faka-aliki o Tou Tulaga Aliki; mai i ei a te lamepa o Ou igoa ko oti ne sae mai i loto i Ou uiga gali, a ko Ia Tela ko te Fale Tapuaki Malu o Tau fakatasitasi mo te Faifekau o te se fakapiki lele ko maina atu ki mua; mai i ei ko auala o Tau takitakiiga ko iloa atu, mo auala o Tou fiafiaaga-lei ko oti ne fakamatea fakalei; mai i ei ko fakavae o te mea see ko oti ne fai ke gasuesue, mo fakailoga o te masei ko oti ne solo keatea; mai i ei ko punaa-vai o te atamai ko puna mai ki tua, ka ko taipola faka-te-lagi ko tuku ifo ki lalo, mai i ei ne tausi ne Koe Au tavini kae tuku atu kia latou a te fakaleiiga o masaki; mai i ei ne fakaasi ne Koe Ou alofaaga fakamagalo atafai ki Au tavini kae fakaasi atu a Tau fakamagalo i loto i Au mea ola faiite - Au e akai fakamolemole kia Koe ke tausi a ia te la ko puke mau kae ko foki atu kia Koe, kae piki mau ki Tou alofa-fakamagalo, kae puke ki te kapa o Tou alofa atamai atafai kae kilo mao. Tuku ifo ki lalo, na la, ki luag ia ia a Tau fakagata-o-masaki, kae fai a ia ke katoatoa, kae fakafonu atu a ia mo te fakatalitonu e aumai ia Koe, mo te tokaaga malie mai i Tou afioga maluga.

A Koe, e tonu, ko Fakagata-o-Masaki, ko te Tausi, ko te Feasoasoani, ko te Mafi-Katoatoa, ko te Maalosi, kote Matagofie-Katoatoa, ko te Iloa-Katoatoa.

E matagofie a Koe, O toku Atua! Au e avatu kia Koe a tavaeega, ko te mea ke fakamafai au ne Koe o fakaasi atu Au faipatiiga, kae fakaasi Au fakatalitonuuga mo Au fakamaoniiga, ko so se takatalitonuuga ko oti ne fai ke tamilomilo i toku feagaiiga, ka ko so se fakamaoniiga ke aofia i ei a toku fiafiaaga. E lavea au ne Koe, O toku Aliki, e takato i te alofa tauanoa o Ou fili, ko la e se-talia ne latou Au failoga, kae e se-talitonu i Tau fakamaoniiga, kae fuli keatea mai i Tou gali, kae iku ia latou ke fakamaligi a Tou toto. Au e akai totuli kia Koe, O ko Koe ko te Aliki o igoa katoa, mai i Tou igoa te la ne fakafilemu ne Koe a mea faiite katoa, ke fesoasoani alofa ki Au tavini mo Au fagasele ke piki mau ki Tau Fakatokaaga. Avatu kia latou, na la, ke inu ko te mea ke fakavave a olotou loto i Ou aso. Faka mafai aka latou, tena la, ke fakamau a te kilo a latou i taimi katoa ki luga i Tou fiafiaaga, ke avatu kia koe a fakafetai mo fakatalitonuuga o Tau fuafuaaga e se-mafai o mafulifuli. Aua ia Koe e, tonu, e tavaeegina i mea katoa ko oti ne fai ne Koe i taimi ko teka, io me ka fai ne Koe i taimi mai mua, kae fakalogo-gina i sose mea e manakogia ne Koe i o me ka manako koe Ki ei, kae ka alofa-gina i mea katoa e manako io me ka manako Koe ki ei. E kilo Koe ki luga ia latou ko la e pele kia Koe mo mata o Tou alofa-kaimalie, kae tuku ifo ki lalo mo latou a mea fua ko la e lei kia latou auala mai i tou alofa atafai mo Au mea-alofa.

Matou e akai kia Koe, O ko Koe Tela ko te Kaumana o te Alofa Mataefa mo te Fakamafanafana o te puapuaga, ka feasosoani mai Koe kia matou ke masaua a Koe, ke fai ke iloa a Tau Fakatokaaaga, kae ke tu ki luga o fesoasoani kia Koe. E ui loa a te vaaivai, ka ko matou ko oti ne piki mau ki Tou Igoa, ko te Tafasili ite Maalosi, ko te Mafi-Katoatoa.

Fakamanuia a Koe, O toku Atua, a latou ko la ne tu mautakitaki i Tau Fakatokaaga, kae ko mafaufauga se-lei o tino galue ki te tiapolo e se kafi ne latou o ave keatea a latou mai i te fuli atu kia mua i Ou mata, ko la ne fakavave atu mo olotou loto katoatoa ki mua i Tou alofa atafai, ke oko ki taimi ko tami latou i te vai ko te ola tonu mai i lima o Tou alofa mataefa.

E maalosi a Koe o fai a Tou fiafiaaga. E seai aka foki se Atua na ko Koe, ko te Mafi, ko te Tafasili ite Alofa.

Au e vikia a Koe, O toku Atua, i te manogi gali o Tou alofa-kaimalie ko piki vakevale au i ei, mo matagi ili malie o Tou alofa-atafai ko takitaki ne latou au ki Au mea-alofa e lausa. Fai aka au ke inu, O toku Aliki, mai maikao o te vai ola o Tou alofa-lauefa te la ne mafai i ei a tino taki tokotasi o kau atu ki ei o ave keatea mai ia ia a te piki ki mea katoa na loa ko Koe, kae ke eva atu ki luga i se kogaa-koga o te motu mai i Au mea ola katoa, kae ke kilo tonu a ia ki luga i Tau kilooga-alofa mo Au mea-alofa tafasili ite uke.

Fakatoka aka au, i faka-nofonofoga katoa, O toku Aliki, ke tavini a Koe kae fuli atu au ki te agamalu o Tau Fakaaliga mo Tou Gali. Ka fai ko Tou fiafiaaga, fai aka au ke tupu pe la me se lakau ola foliki i te lauelele o Tou alofa-kaimalie, ko te matagi malie o Tou loto ka fago ne ia au kae ma ofe atu au ke olo tonu mo Tou fiafiaaga, i se faka-nofooga te la so se gasuesuega io me se ai e tuku katoatoa kia Koe.

Koe ko Ia, Te la Tena igoa se Mea Funa ko oti ne fakaasi atu, mo te Igoa Tafasili i te Leoleogina-Fakalei ko oti ne folafola atu, mo pono o te Kilasi e ponogina ko tala, ka fanatu a tena manogi ki mea faiite katoa, mea mai anamua mo mea i taimi mai mua. A ia ko fia inu, O toku Aliki, te la ko oti ne fakavave atu ke maua ne ia a te vai ola o Tou alofa-kaimalie, mo te tino masei ko oti e naunau ke ufi a ia mai lalo o te vasa o Tou maumea.

Au e tauto ki Tou matagofie, O te Aliki ko te Fagasele o te lalolagi mo te Manakoga o latou katoa ko oti ne lavea ne latou a Koe! Ko pokotia kii au ne te mavae mai ia Koe, i aso a te Fetu Ao o Tou nofo-mai ko sulu atu tena mainaaga ki Au tino. Tusi ifo, na la, mo au a te tauii ko oti ne iku mo latou ko oti ne agai atu ki Ou mata kae ko oti, mai i Tau taliaaga, ne talia ki loto ite fale o Tou nofoga aliki, kae ko oti, mai i Tau ikuuga, ne fetaui mata ko mata mo Koe.

Au e akai kia Koe, O toku Aliki, mai i Tou igoa a te gali te la ko oti ne ufi katoa i ei a te lalolagi mo lagi, ke faka-mafai aka au ke liakina a toku finagalo ki te mea te la ko oti ne iku i loto i Au Tapeleti, ko te mea ke gata o maua i loto ia au a se isi manakoga aka vagana ko te mea te e manako Koe ki ei mai i te maalosi o Tou nofoaiga-a-aliki, kae fakasao mai na ko mea ko la ko oti ne fakasino mo au i Tou finagalo.

Ka fuli au ki fea, O toku Aliki, seai lele soku maalosi o maua se isi auala aka vagana ko te auala ko oti ne fakatonu mai ne Koe mo Au tino filifilia? A mea likiliki katoa e faipati ia Koe ko te Atua kae molimau me e seai aka foki se Atua na ko Koe. A koe mai i te vavau loa e maalosi o fai a te mea e manako Koe ki ei, kae e fakatonu a te mea te la e fiafia Koe ki ei.

Fakaeke mai mo au, O toku Atua, a mea ko la ka fakatonu i ei au, i taimi katoa, o fanatu kia Koe, kae fai aka ke mafai au o pikki mau i taimi katoa ki te kafanoa o Tou alofa, kae faka-salalau atu a Tou igoa, kae ke kilokilo foki ki so se mea te la e tafe mai i Tau pene. Au e faka-alofa kae mativa, O toku Aliki, a ko Koe ko te Pule-Katoatoa, ko te Tafasiili i te Maluga. Kilo alofa mai kia au, na la, mai i mea faka-ofoofogina o Tou alofa-kaimalie, kae tuku ifo ki luga ia au, i minute taki tasi katoa o toku ola, a mea ko la ne toe faiite ne Koe a loto o latou o Au mea ola faiite katoa ke lavea ne latou a Tou faka-tasitasi mo Au tino katoa ko la e tapuaki katoatoa kia Koe.

A Koe, e tonu, ko te Mafi-Katoatoa, ko te tafasili ite Maluga, ko te Iloa-Katoatoa, ko te Atamai-Katoatoa.

E matagofie a Koe, O toku Aliki, e lavea ne Koe a toku tigaina mo mea katoa ko oti ne poko mai kia au i lima o niisi o Au tavini ko la e taugasoa mai kia au, ko la ko oti ne se-talitonu i Au failoga tafasili i te malifalifa, kae ko fuli tua mai i Tou Gali tafasili i te malipolipo. Au e tauto i Tou matagofie! Kona a fakalavelave e fanoanoa i ei au, te la e seai se pene i te foafoaaga katoatoa e mafai o atafia io me o fakamatala a latou.

Au e akai fakamolemole kia Koe, O Koe Tela ko te Tupu o igoa mo te Tufuuga o te lalolagi mo te lagi, ke fesoasoani mai kia au mai i alofa maalosi o Koe ko te mea ke seai lele se mea e iai sena maalosi o taofi mai au mai i te masaua o Koe, io me o fakamanatu Ou tavaeega, io me o taofi mai au i te tautali ki mea ko oti ne fakasino mai ne Koe kia au i Au Tapeleti, ko te mea ke tu au ki luga o tavini a Koe mo toku ulu e se kafu ka fakavave atu au mai i toku koga nofo, tagi atu ki Tou igoa i vasia o Au mea ola faiite, kae fakasalalau atu Ou uiga gali ki Au tavini. Ka oti a mea ko la ne fakatonu mai ne Koe, kae avatu a te mea ko oti ne tusi mai ne Koe ki lalo, a latou amio se-llei i vasia o Au tino ka siomio ne latou au kae fai mai kia au ate mea e loto kae fia fia kiei i Tou auala.

I toku alofa mo Koe, O toku Aliki, a toku loto e nau faeloa kia Koe i se nau te la e seki ai aka loa se loto kai fai pena. Tenei au mo toku fuaitino i te va o Ou lima, mo toku agaaga i mua o Ou mata. Fai a te mea kia latou e fiafia Koe ki ei, aua i te fakamalugaaga o Tena muna, mo te fakaasiiga o te mea ko oti ne tausi i loto i kope taaua o Tou poto.

E maalosi a Koe o fai a te mea e loto Koe ki ei, kae e mafai o fakaeke atu a te mea te la e fiafia Koe kiei.

Tavaeega maluga e io Tou igoa, O toku Atua! E se-maua ne au se tino i Tou lalolagi e mafai kae e tau o fuli atu kia Koe, io me e mafai o fakalogo fakalei ki mea ko oti ne puna mai i te gutu o Tou finagalo. Au e akai totuli kia Koe, tena la, O ko Koe ko te Pule Aofia o te foafoaaga katoatoa mo te Tupu o te lalolagi o Au mea faiite, ke fesoasoani mai mo te alofa ki Au mea ola faiite ke fakataunu a mea ko la e fakafiafia kae e lei kia Koe, ko te mea ke mafai o tu ki luga o tavini ki Tau Fakatokaaga i loto i Au mea ola faiite, kae ke faipati atu ki Ou tavaeega i mua o latou katoa ite lagi mote lalolagi.

A Koe ko Ia, O toku Aliki, ko Tena alofa mataefa ko silia atu i mea katoa, ko Tena maalosi ko silia atu i mea katoa, ko Tena alofa fakamagalo o aofia i ei a mea katoa. Taumata aka, na la, ki luga i Au tino mo mata o Tou alofa atafai, kae sa liakina a latou kia latou loa ki olotou manakoga faitogafiti i Ou aso. Me e pefea a te mao o te sola o latou mai ia Koe, kae e pefea a te masei o te fuli tua atu ki Ou mata, kae e uiloa a Koe, i Tou uiga-tonu, ko te mataeafa o Tou alofa katoatoa, kae, i te uigatonu o Tou agaaga, ko te Tafasili i te Alofa-Fakamagalo. Fakamasino atu latou pe la mo alofaaga e seki fakaasi gina loa o Tou alofa-maumea mo Au mea-alofa. A Koe, e tonu, ko te Tasi e io Ia a te mafi te la e molimau-gina ne mea katoa, kae ko Tena afioga mo te maalosi katoatoa e molimau-gina ne te foafoaaga katoatoa.

E seai aka se Atua na ko Koe, ko te Feasoasoani i Mea Faigata, ko te Ola-loa-ia-Ia.

Toku Atua, ko Koe Tela e tapuaki ne au, Tela ko Tafasili i te Maalosi! Au e molimau me e seai se fakamatalaga a so se mea faiite e mafai o fakaasigina a Koe, e seai se tavaeega e mafai o faipatigina ke fakamataka a Koe. E seai se iloa o so se tino i te lalolagi katoatoa, io me ko te poto o so se tino, e mafai, pe la mo te mea e tau kia Koe, o ulu ki loto i te fale nofo o Tou mana, io me o fakamatala o Tou feitu lilo. Se a a te agaasala ne taofigia a pagota o te fakai-lasi o Tou igoa ke mao kii mai i te Sikulagi matagofie-katoatoa o Koe, kae liakina a latou mai i te fakapilipili atu ki Tou Vasa tafasili i te lasi? A te mataimanu e tasi o Tau Tusi ko te matua o faipatiiga katoa, ako te muna mai i ei ko te kamataaga o foafoaaga katoatoa. Se a te loto seai se fakafetai i Au tavini e fakaasi atu ko ala i ei o taofi mai ia latou, taki toko tasi kae katoa loa, mai i te lavea o Koe? A se motiiga o te vasa o Tou alofa fakamagalo e lava o tamate a ulaaga o mone, mo te sipaka o te afi o Tou alofa e lava o faka-ka a te lalolagi katoa.

O ko Koe Tela ko Iloa-Katoatoa! E uiloa a te se-fakalogo o matou, koi piki mau loa matou ki Tou alofa mataefa; e uiloa a te valea o matou, ako matou koi kilo loa a motou mata ki te vasa o Tou atamai. Ko Koe ko te Alofa-Mataefa katoatoa Tela e se-fakavaaivai mai i te uke o agaasala mai i Tou alofa mataefa, mo te tafe mai o Au mea-alofa e se-fakagata mai i te se-kau o tino o te lalolagi. Mai i te favavau a te mataloa o Tou alofa-atafai e tumau o matala. A se motiiga mai ite vasa o Tou alofa fakamagalo e mafai o lakeigina a mea katoa ki lakaeiiga o te mana, mo te fakasiusiu o vai o Tou alofa mataefa e mafai o fai ne ia a te foafoaaga katoatoa ke maua a te maumea tonu.

Se sau gina ki luga a te veli, O Koe ko te Funa o Mea ! Mai i te favavau a alofaaga o Tou alofa-mataefa ko oti ne siomia I te iunivesi, ka ko gali o Tou Igoa Tafasili i te Takutakua ko oti ne oko atu ki luga i mea faiite katoa. Mai i peau o te vasa o Tou kaimalie a te tai o te loto fiafia mo te loto fiafia-o-fai-a-mea ko fakaasi atu. A Koe ko Koe ailoa. E seai aka foki na ko Koe e tau o faipatigina vagana ko ulu ki lalo i Tou ata, ka maua se saolotoga o ulu ki loto i kogaa koga e nofo Koe iei.

So se mea e pokotia matou iei, e akai totuli atu matou kia Tau fakamagalo mai i anamua loa, kae salasala ki Tou alofa salalau-katoatoa. Kote motou fakamoemoega ia Koe ka se liakina a se tasi mai i Tou alofa, kae ka se liakina a se agaaga ola e tasi mai i te lakeiiga o te fakapaugina o tino mo te fai mea tonu. A Koe ko te Tupu o te alofa-lauefa katoatoa, kote Aliki o mea-alofa katoa, kae e sili atu i luga ia latou katoa i te lagi mo te lalolagi.

Ave keatea a toku fanoanoa ne Tou maukoloa mo Tou kaimalie, O te Atua, toku Atua, kae fakaseai lele loa a toku manavase ne Tou nofoaiga-a-tupu mo Tou mafi. E lavea mai ne Koe au, O toku Atua, mo oku mata e agai tonu kia Koe i se vaaitaimi a te amoga o te fanoanoa ko tanumia i luga ia au mai i feitu katoa. Au e akai totuli kia Koe, O ko Koe Tela ko te Aliki o mea katoa, kae e siliga a te pulougia o mea katoa ko la e lavea mo te se-lavea, mai i Tou Igoa te la ko oti ne ta-taofi ne Koe a loto o agaaga ola o tagata, mo peau o te Vasa o Tou alofa-kaimalie mo te gali o te Fetu Ao o Tou maukoloa, ke lau atu au mo latou ko la e aunoa se mea ne mafai o kave keatea a olotou mata o fakasaga atu kia Koe, O ko Koe ko te Aliki o igoa katoa mo te Tufuuga o lagi!

E lavea mai ne Koe, O toku Aliki, a mea ko la ko oti ne oko mai kia au i Ou aso. Au e akai to tuli kia Koe, mai ia Ia Tela ko te Aso Malulu o Ou igoa mo te Fale Tapuaki o Ou uiga lei, ke fakaeke aka mo au a mea ko la ka mafai i ei au o tu ki luga o tavini mo Koe kae sisi ki luga a Ou uiga llei. Ko Koe, e tonu, ko te Mafi-Katoatoa, ko te Maalosi-Katoa, Tela ko masani o tali a talosaga a tagata katoa.

Kae, ko toe mea, Au e akai atu kia Koe i te mainaaga o Ou mata ke faka-manuia mai aku mea e fai, kae fesuiaki aku kaitalafu, kae fakalave mai oku manakoga. A Koe ko Ia Tela Tena maalosi mo Tena Maalo a laulaufaiva katoa ko oti ne molimaugia, kae ko Tena afioga mo Tena nofoaiga-a-tupu so se loto malamalama ko oti ne ana iloagina. E seai se Atua na ko Koe, Tela e lagona kae toka o tali.

Faiite aka ia au a te loto e maa takalekale, O toku Atua, kae fakafoou se mafaufau filemu i loto ia au, O toku Faka-moemoeega! E auala i te agaaaga o te maalosi fakammau aka au i Tau Fakatokaaga, O toku Fagasele Sili, kae i te mainaaga o Tou matagofie fakaasi mai kia au a Tou auala, O Koe ko te Koulu o toku manakooga! Mai i te maalosi o Tou mafi maluga sau aka au ki luga i te lagi o Tou mana, O te Koga ne vau i ei au, kae i te matagi iliili malie o Tou foafoaaga seai-se-gataaga faka-fiafia aka au, O ko Koe Tela ko toku Atua! Fai aka Tou sikuleo seai se gataaga ke manava mai se tokaaga malie ki luga ia au, O toku Taugasoa, kae fai aka a maumea o Ou uiga mai i te favavau ke fakasao mai au i mea katoa na ko Koe, O toku Matai, kae fai aka a te tala lei o te fakaasiiga o te Kano-loto maa o Koe ke aumai ne ia a te fiafia, O ko Koe Tela ko te toe maina o toe maina mo toe mea lilo i mea lilo katoa!

Au e avatu a tavaeega kia Koe, O toku Atua, ona ko Koe ko oti ne fago au mai i taku moe, kae aumai au ki mua talu mai taimi ne galo i ei au, kae fakatu aka au mai i toku moega. Au ne ala aka i te tafataeo tenei mo oku mata e kilo tonu ki te gali o te Fetu Ao o Tau Fakaasiiga, tela mai iei a lagi o Tou maalosi mo Tou afioga ko oti ne fakamainagia, kae e iloagina Au fakailoga, e talitonu ki Tau Tusi, kae puke mau ki Tou Kafanoa.

Au e akai totuli kia Koe, i te maalosi o Tou finagalo mo te maalosi futi-mai o Tau fekau, ke fai aka a mea ko la ne fakaasi mai ne Koe i taku moega me ko te fakavae tonu tena mo fale tafasili i te lasi o Tou alofa ko la i loto o Au fagasele, ka ko te mea-faigaluega tafasili i te lei mo te fakaasiiga o mea-alofa o Tou alofa-fakamagalo mo Tou alofa-kaimalie.

Ke fakaeke mai mo au mai i Tau Pene tafasili i te maualuga, O toku Aliki, a te llei o te lalolagi nei mot e sua lalolagi. Au e molimau me i loto i Tou lima e kaku i ei a mea katoa. E fuli ne Koe a mea katoa pe la mo te mea e fiafia Koe ki ei. E seai aka foki se Atua na ko Koe, ko te Tupu-mafi, ko te Fakamaoni.

A Koe ko Ia Tela e mafuli mai i Tena fakatonuuga a te tafalao ki te matagofie, mo te vaaivai ki te maalosi mo te vaaivai ki te mafi, mo te mataku ki te tokaaga malie, mo te faletonu ki te mautinoa tonu. E seai aka foki se Atua na ko Koe, ko te Mafi, ko te Fai-Mealofa.

E seai se tino e faka-fanoanoa ne Koe te la ko oti ne sala atu kia Koe, io me e taofi ne Koe mai ia Koe a so se tino te la e manako kia Koe. Fakaeke ne Koe mo au a mea lei o te lagi o Tou kaimalie, mo te vasa o Tou maukoloa. A Koe, e tonu, ko te Mafi-Katoatoa, ko te Tafasili i te Maalosi.

Toku Atua Tela e tapuaki kae ifo ne au! E molimau au ki Tou tafatasi mo Tou fakatasitasi, kae e fakamaonia au ki Au mea-alofa, i taimi ko teka mo taimi nei. Ko Koe ko te Kaimalie-Katoatoa, te la a Tou alofa-kaimalie ko ligi ifo pe la me ne vaiua lotu ki tino maluga mo tino malalo katoa, mo te gali o Tena alofa ko oti ne fakaasi ki luga ia latou fakalogo pe la foki mo latou teke.

O te Atua o te alofa-fakamagalo, i mua i Tena mataloa a te alofa ma-takalekale ne punou atu, kae e siomia faka-pukupuku i te gali o Tena Fakatokaaga alofa-atafai, te la e i loto a te agaaga tonu, ne tamilomilo, matou e akai totuli kia Koe, kae akai ki Tou alofa mai ana mua loa, kae salasala ki Au mea-alofa nei, ko te mea ke mafai ne Koe o alofa kia latou katoa ko la ko faaliga o te lalolagi o tino, kae ke se taofigina foki a latou mai i maligiiga o Tou alofa kaimalie i Ou aso.

Katoa e mativa kae e se lava, a ko Koe, e tonu, ko te Aofiaaga-Katoatoa, ko te Pule-Katoatoa, ko te Maalosi-Katoatoa.

Au ko oti ne ala i Tou malu, O toku Atua, kae ko fai a ia te la e salasala ke nofo i loto i te Lafiiga o Tau puipui mo te Olo-Maalosi o Tau tausi. Fakamaina aka a toku kano loto, o toku Aliki, mo mea gali o te Aso-Kamata o Tau Fakaasiiga, pe la mo te fakamaina ne Koe a toku fuaitino mai i tua ki te mainaga o tafataeao o Tou alofa-kaimalie.

O toku Atua, ko te Atua o te manuia mo te alofa-fakamagalo! Koe kote Tupu te la mai i Tena faka-tonuuga a te foafoaaga katoa ko oti ne kalagagina ke ola; a ko Koe foki Te la ko te Manuia-Katoa Tokotasi a faiga o Au tavini se ki fakagata aka loa ne latou a Ia mai i te fakaasi atu o Tena alofa kaimalie, io me kai fakatuai aka loa ne latou a fakaasiiga o Tena manuia.

Fai aka a te tavini tenei, au e akai faka-molemole atu kia Koe, ke faka-mafai aka a te mea te la ko te pogai o tena faka-olataga i lalolagi taki tasi o Ou lalolagi katoa. Ko Koe e tonu eiloa, ko te Mafi-Katoatoa, te Toe Tafasili i te Maalosi, te Iloa-Katoatoa, te Atamai-Katoatoa.

Toku Atua, ko te Fakamoemoega o toku fakaaloalo, ko te Koulu o toku manakoga, ko te Alofa-lauefa Katoatoa, ko te tafasili i te Alofa-Atafai! Ea Koe a te ola katoatoa a ko te maalosi katoa e nofo i lima o Tau pule. So se tino e fakamaluga ne Koe e ave aka ki luga atu o agelu, kae maua a te tulaga” “E tonu, Ne sapai aka ne Matou a ia ki se koga maluga!”; kae so se tino e fakamalalo ne Koe e malalo ifo i te pefu, ikai, i te seai lele loa.

O Kote Atamai-kilo-mao Faka-te-Lagi! E uiloa e masei, e agasala, and muna se-tau, e sala loa ne matou mai ia Koe a “nofoaga o te mea tonu,” kae naunau ke lavea a mata o Tupu Maluga-Katoatoa. Ea Koe o fakatonu, ako nofoaiga-faka-aliki katoa ea Koe, a ko te lalolagi o te mafi e ifo mai i mua o Tau muna. Mea katoa e fai ne Koe ko te tina fai mea tonu tena, ikaai, ko te kanoloto o te alofa-atafai. E tasi a te vae o te mainaaga mai i te gali o Tou Igoa, ko te Alofa-Fakamagalo katoatoa, e lava o ave keatea kae fakaseai a se lailaiiga e tasi o agasala mai Ii te lalolagi, mo se manavaaga e tasi mai i te agiagi malielie o Aso o Tau Fakaasiiga e lava o fakaeke ki tino katoa mo ne gatu foou.

Tuku mai a Tou maalosi, O ko te Mafi Tokotasi, ki Au mea ola faiite vaaivai, kae fakavave a latou pe la me ko mate, ke mafai a latou o maua a Koe, kae ke mafai o takitaki atu ki te vasa o Tau takitakiiga, kae ke mafai o tumau a te fakatuanaki i Tau Fakatokaaaga. Kafai a te manogi gali o Ou Tavaeega ko salalau ki tua atu ne sose laulafaiva kesekese o te lalolagi, mai i Saegalaa, io me mai i te Togalaa, ka tonu, ka tauaa kii kae lasi a te tavaeega o ia. Kafai a laulaufaiva, na la, e fakaseai mai ia latou a te manogi gali tena, ko tonu i ei me ko seai se aoga o faipatiiga gina a latou, i muna io me ko mafaufauuga.

E akai matou kia Koe, O ko te Atamai kilo Mao, ke fakaasi a Tou auala ki tagata katoa, kae ke takitaki a latou ki te mea tonu. A Koe, e tonu, kote Mafi-Katoatoa, ko te Tafasili ite Maalosi, ko te Poto-Katoatoa, ko te Lavea-Katoatoa.

Tavaeega e io Koe, O toku Atua, pela loa mo te fuli ne Koe a mata o Au tavini ki luga ite lima taumatau o te kalauna-a-tupu o Au mea-alofa, kae ko oti Foki ne fai a latou ke motu mai i mea katoa na ko Koe, ko te mea ke mafai ne latou o lavea a Tou nofoaiga-faka-aliki kae fakamatea a Tou matagofie. Au e molimau ki te maalosi o Tau Fakatokaaga, mo te lauefa o te pokotia o Tau fakatonuuga, ki te se-mafai lele o mafulifuli a Tou finagalo, ki te seai-se-gataaga o Tau fakatonuuga. A mea katoa e moe faka-falepuipui i lima o Tou mafi, mo te foafoaaga katoatoa e mativa manafai e fakafetaui mata ki mata mo fakamaoniiga o Tou maumea.

Fakatonu ne Koe, tena la, O toku Atua, toku Fagasele, toku Manakooga maluga, mo Au tavini pe la foki mo mea faiite ne Koe pe la mo te mea e tau ki Tou gali mo Tou mataefa, kae e tau ki Tou alofa-kaimalie, pe la foki mo Tou alofa-atafai mo mea-alofa. A Koe, e tonu, ko Ia Tela a te alofa-fakamagalo ko oti ne ufi katoa i ei a lalolagi katoa, ko Tena alofa-atafai e aofia katoa i ei a tino i te lalolagi mo latou ko la i te lagi. Koi i kona ko oti ne tagi atu kia Koe, kae e seki tali aka loa a tena talosaga? E maua i fea a ia tela ne fanatu kia Koe, kae e seki maua ne Koe o fakafeagai kiei? Koi a ia e mafai o fai sena molimau ia ia ne fakamau a tena kilo kia Koe, kae te la a te mata o Tou alofa-kaimalie e seki mai ki ei? Au e molimau ia Koe ko oti, kae masaua ne Koe koi tuai o masaua ne latou a Koe. Ate alofa-atafai katoa e io Koe, O ko Koe i Tena lima ko te maalo o mea-alofa faka-te-lagi mo te kamataga o fakatonuuga taki tasi katoa e se-mafai o mafulifuli.

Tuku ifo ki lalo, na la, O toku Atua, kia latou katoa ko la e salasala kia Koe ko te mea ke ofa keatea a mea katoa ko la e se sokotaki kia Koe, kae ka futi atu ke pili a latou kia Koe. Feasoasoani kia latou, i Tou alofa-atafai, ke alofa kia Koe kae ke tautali ki mea ko la e fakafiafia kia Koe. Talia mai, na la, ko te mea ke mafai a latou o olo tonu i te auala ki Tau Fakatokaaga, ko te auala te la ne mole I ei a alaga-vae o latou ko la e fakalotolotolua i vasia o Au tino. A Koe, e tonu, ko te Maalosi-Katoatoa, ko te Mafi Katoatoa, ko te tafasili ite Lasi.

E maluga kae e matagofie a Koe, O toku Atua! Au e akai faka-molemole kia Koe i manavaaga o Au fagasele mo loimata ko maligi ne latou ko la e faitali ke lavea ne latou a Koe, ke sa taofigina mai ia au a Ou alofaaga-atafai i Tou Aso, io me e fakaseai au mai i te sikuleo o te Lupe te la e faka-malugagia a Tou tafatasi mai i mua o te mainaaga te la e sulu maina mai i Ou mata. Au ko te tokotasi te la e nofo i te puapuagatia, O te Atua! Kilo mai kia au e piki mau ki Tou Igoa, ko te Pule-Katoatoa. Au ko te tokotasi te la e mautinoa me ka goto ifo ki laloo; kilo mai kia au e piki mau ki Tou Igoa, ko Te Tumau ki te se gata mai. Au e akai kia Koe, tena, kia Koe loa, ko te Maluga, ko te Tafasili i te Maluga, ke sa liakina au kia au loa ki oku manakoga faitogafiti. Puke aka ne Koe a toku lima ki te lima o Tou maalosi, kae fakasao mai au mai i te pokooga o oku manatu seai ne aoga mo manatu faka-supasupa, kae fakama mai au i mea katoa kola e se-fakafiafia kia Koe.

Fai aka au, tena, ke fuli atu katoatoa kia Koe, ke tuku a toku talitonu kia Koe, ke sala a Koe me ko te Lafiiga, kae ke tele atu ki Ou mata. A Koe, e tonu, ko Ia Tela, mai i te maalosi o Tena mafi, e fai a so se mea e manako a Ia ki ei, kae fakatonu, mai i te maalosi o Tena finagalo, a so se mea e filifili ne Ia. E seai e mafai o agai atu a te faka-galuega o Tau tonu, e seai e mafai o fakaseke a te auala o Tou filifiiiga. A Koe, i te tonuuga, ko te Mafi-Katoatoa, ko te Matagofie-Katoatoa, ko te Toe Tafasili ite Maukoloa.

E maluga a Tou igoa, O ko te Aliki toku Atua! A Koe e lavea ia au ko oti ne mafuli atu kia Koe, kae fakamau oku mata i te ala o Tou alofa-atafai mo Au mea-alofa. Au e akai totuli kia Koe, i Tou igoa te la ne faka-mafai ne Koe a latou katoa ke lavea ne latou a Tou fakatasitasi kae kau atu i te uaina o Tou alofa-fakamagalo, mo latou katoa ko la ko fakapilipili atu kia Koe ke inu i te vai o te ola o Tou alofa-kaimalie, ke kave au keatea mai i manatu valea katoa, kae ke tuku atu oku taliga i te auala o Tou alofa-atafai, O ko Koe Tela ko te Aliki o tagata katoa!

Feasoasoani mai mo te alofa, O toku Atua, i aso o te Faifekau o Tau Fakatokaaga mo te Aso-malulu o Tau Fakaasiiga, ke ofa ki lalo a veli ko la e pono ne latou au mai i te lavea o Koe, pe la foki mai i te ufi o au mai lalo o te vasa o Tou poto. Taofi aka au ne Koe i lima o Tou maalosi, kae talia aka ko au ke mafai o kave atu keatea a te sikuleo suamalie o te Lupe o Tou tafatasi, ko te mea ko au ke fakagata o atafia a te foafoaaga katoatoa i mata o so se tino vagana ko mata o Koe, O Koe ko te Koulu o toku manakoga, kae ka lavea i te lalolagi matea tenei seai aka foki vagana ko fakamaaoniiga o Tou mafi, O ko Koe ko te Atua ote alofa-fakamagalo!

Au se mea ola faiite e seai se aoga, O toku Aliki, ka ko Koe ko te Aofiaaga-Katoatoa, ko te Tafasili i te Maluga; ka ko au ko te vaaivai katoatoa, ka ko Koe ko te Mafi-Katoatoa, ko te Fakaeke Tafasili i te Maluga mai i te kamataga mo te fakaotiiga. Sa taofi mai ia au a te manogi gali o Tau Fakaasiiga, kae sa lepe gina oku fakamoemoeega ko la ko oti ne tuku ifo mai i te lagi o Au mea-alofa. Fakaeke ne Koe mo au, O toku Atua, a te lei o te lalolagi nei mo te lalolagi ma vau, kae talia mai kia au a te mea te la ka lei au i lalolagi katoa o Ou lalolagi, aua e se iloa ne au a te mea e feasoasoani io me e masei kia au. A Koe, i te tonuuga, k ote Iloa-Katoatoa, kote Atamai-Katoatoa.

Ke iai a te alofa-fakamagalo, O toku Atua, ki luga i Au tavini ko la e malemu i te vasa o faipatiiga tiapolo, kae fakasao mai a latou i te maalosi o Tou nofoaiga-faka-aliki, O ko Koe Tela ko te Aliki o igoa katoa mo uiga lei! Koe ko Ia Tela mai i te favavau ko oti ne fakaeke a te mea te la e fiafia Koe ki ei, kae ki te favavau ka tausi foki a mea kona. E seai aka se Atua na ko Koe, ko te Fakamagalo-Katoatoa, ko Tafasili i te Alofa Fakamagalo.

O ko te Atua, toku Atua! Ko oti ne liakina ne au a toku fale, kae piki mau au ki te kafanoa o Tou alofa, kae ko oti ne fuli atu au katoatoa ki Tau tausi mo Tau puipuiiga. Au e akai totuli ki Tou maalosi te la e puipui ne Koe Au fagasele mai ia latou ko la se fakalogo kae faitonu, kae mai i so se pule sauaa; mo so se tino se lei te la ko fano mao mai ia Koe, ke tausi au mai i fakalavelave mai i Tou alofa-lauefa mo Tou alofa-kaimalie. Ke mafai au, na la, o foki ki toku fale mai i luga i Tou maalosi mo Tou mafi. Ko Koe, e tonu, ko te Mafi-Katoatoa, ko te Fesoasoani-i-Fakalavelave, ko te Ola-ia-Ia.

Mai i te manogi gali o te vai e tafe o Tou favavau tuku mai kia au ke inu, O toku Atua, mo fuaga kaina o te lakau ola o Tou fuaitino ke mafai au o tami, O toku Fakamoemoega! Mai i punaaga vai manino o Tou alofa fai aka ke inu au, O toku Matagofie, kae mai i lalo o te malu o Tou atamai favavau seai se gataaga ko au ke nofo i ei, O toku Mainaaga! Mai i loto i te laufenua o Tou nofo pili mai, mai i Tou nofo-mai, fai aka au ke mafai o gasuesue, O toku Fagasele, kae i te lima faka-ata-mai o te nofoaiga-a-tupu o Tou alofa-kaimalie, fakanofo aka au i ei, O toku Manakoga! Mai i lau matagi manogi gali ili malielie o Tou fiafiaaga, fai aka se laumatagi ke fano i luga ia au, O toku Koulu, kae ki malugaga o te palataiso o Tau mea tonu, fakasaoloto aka au ki ei, O toku Fagasele Tokotasi! Ki pese a te lupe o Tau fakatasitasi fai aka au ke fakalogo, O ko te Malifalifa Tokotasi, kae i luga i te agaaga o Tou maalosi mo Tou mafi fakavave aka au, O toku Fakasoasoa! I te agaaga o Tou alofa tausi au ke tummau, O toku Faka-mafanafana, kae i te auala o Tou fiafia-lei, faka makeke oku saelega, O toku Tufuuga! I loto i te fatoaaga o Tou tummau ki te se-gata mai, i mua o Ou mata, fakanofo aka au i ei ki te se-gata mai, O ko Koe Tela e alofa mai kia au, kae i luga i te nofoaga o Tou matagofie, faka-tummau aka au, O ko Koe Tela ko toku Pule! Ki te lagi o Tou alofa-atafai apai aka au ki luga, O toku Fakaola, kae ki te Fetua o Tau takitakiiga taki aka, O ko Koe ko toku Fiafaiiga! Mai i mua o fakaasiiga o Tou agaaga e se-lavea, kami atu au ke iei i kona, O ko Koe Tela ko toku Kamataga mo toku Faka-moemoega Tafasili i te Maluga, kae ki te uiga tonu o te manogi o Tou gali, te la ka fakaasi mai ne Koe, fai aka au ke foki atu, O ko Koe Tela ko toku Atua!

E maalosi Koe o fai a te mea e fiafia Koe ki ei. Ko Koe, e tonu, ko te Tafasili i te Maluga, ko te Matagofie-Katoatoa, ko te Tafasili i te Maluga Katoatoa.

O ko Ou Mata Ko la ko te pogai o oku fakamoemoega, Tena gali ko toku lafiiga, Tena kiloga mao ko toku taugasoa, Tena alofa ko te pogai ne fai i ei au penei, Tena takuga ko toku faka-mafanafanaaga, Tena pili mai ko toku manakooga, Tena nofo mai ko toku manakoga sili mo toku faka-moemoega maluga. E akai fakamolemole atu au ke se taofi mai ia au a mea ko la ko oti ne fakaeke aka ne Koe mo latou filifilia mai i Au tavini. Aumai kia au, na la, a mea lei o te lalolagi nei mo te sua lalolagi.

Ko Koe, e tonu, kote Tupu o tagata katoa. E seai aka foki se Atua na ko Koe, ko te Fakamagalo-Katoatoa, ko te Alofa Kaimalie-Katoatoa.

O toku Atua, Tenei a Tau tavini mo te tama tagata a Tau tavini te la e talitonu ia Koe mo Au failoaga, kae tuku ona mata kia Koe, ko motu lele mai i mea katoa na ko Koe. Ko Koe, e tonu, e ia latou ko la e fakaasi atu a te alofa ko te toe alofa sili.

Fakamasino a ia, O ko Koe te la e fakamagalo a agasala a tagata kae fakagalo a olotou se, pe la mo te mea e tau i te lagi o Tou alofa mo te vasa o Tou kaimalie. Tuku atu kia ia a te saolotooga ki Tou alofa kaimalie silisili te la ne iai mai mua o te fakavaeega o te lalolagi mo te lagi. E seai aka se Atua na ko Koe, ko te Fakamagalo-Katoatoa, ko te Toe Sili i te Alofa.

Na la, ke taku ne ia, faka ono taimi a te faka-talofa “Alláh-u-Abhá,” Ka oti ko lau faka sefulu iva taimi a fuaipu taki tasi konei:

Matou katoa, e tonu, e tapuaki ki te Atua.

Matou katoa, e tonu, e ifo i mua o te Atua.

Matou katoa, e tonu, e talitonu katoatoa ki te Atua.

Matou katoa, e tonu, e tuku atu a tavaeega ki te Atua.

Matou katoa, e tonu, e fakafetai ki te Atua.

Matou katoa, e tonu, e onosai i te Atua.

(Ka fai se fafine, ke fai a ia pela: Tenei a Tau tama fafine mo te tamaliki fafine a Tau tama fafine, etc.)

O toku Aliki! Fai aka a Tou gali mo fai a taku meakai, ka ko Tou nofo-mai ko taku mea inu, mo Tou fiafiaaga ko toku fakamoemoeega, ka ko tavaeega o Koe ko mea e galue au ki ei, mo te masausauaaga o Koe ko toku taugasoa, ka ko Tou nofoaiga-faka-tupu ko toku fakamafanafanaga, ko Tou koga-nofo ko toku fale, ka ko toku koga nofo-tumau ko te nofoaga te la ko oti ne fakatapu ne Koe mai i fakatuakoiiga ko oti ne fakaeke ne latou ko la ko pono ne se veli mai ia Koe.

A Koe, e tonu, ko te Mafi-Katoatoa, ko te Matagofie Katoatoa, ko te Tafasili i te Maalosi.

E mana e io Koe, O te Aliki toku Atua! Se fakafoliki a ia te la ko oti ne fakamaluga ne Koe mai i luga i te maalosi o Tou nofoaiga-a-tupu e seai se gataaga, kae e se ave keatea ke mao mai ia ia te la ko oti ne talia ne Koe ke ulu atu ki te fale malu o te favavau o Koe. Sa liakina a ia, O toku Atua, a ia te la ko oti ne pulougina e Koe ne ne Tou tulaga Aliki, kae sa tiakina a ia mai i te kilo ona mata kia Koe, O toku Manakoga, kia ia te la ko oti ne fai pe la me se tino takaseasea seai sena koga nofo tumau? Sa fakafoliki foki ne Koe a ia te la ko oti ne apai aka ki luga, io me fakapuli a ia te la ne masaua e ia Koe?

Vikiiga, kae vikia fakafia a Koe! A Koe ko Ia Te la mai i te vavau loa ko te Tupu o te foafoaaga katoatoa mo tena Fakagasueega Muamua, mo Koe e nofo tumau me ko te Aliki o mea faiite katoa ki te se gata mai kae fakaeke ne Koe a mea katoa. Vikiia a Koe, O toku Atua! Ka fai ko fagata a Tou alofa ki Au tavini, koi foki, ka fakaasi atu a te alofa ki luga ia latou; kae kafai ko se talia ne Koe o fakapelepele Au fagasele, ko oi foki ka atafai ne ia a latou?

Vikiiga, se mafai o gata a Ou vikiiga! A koe e alofagina ne Tau meatonu, kae kia Koe e tapuaki katoa matou; kae eiloa mai Koe i Tau fai meatonu, kae kia Koe e molimau katoa a matou. A koe, e tonu, e fagasele i Tou alofa-kaimalie. Seai aka foki se Atua na ko Koe, ko te Feasoasoani i Mea Faiagata, ko te Ola Fua-ia-Ia.

Tou igoa ko te faka-gataaga o toku masaki, O toku Atua, a ko te masausauaga o Koe ko te vailakau fakagata o toku masaki. Te pili kia Koe ko toku fakamoemoeega, a ko te alofa mo Koe ko toku taugasoa. Tou alofa kaimalie kia au ko te fakagataaga o toku masaki mo toku fesoasoani i te lalolagi nei mo te sua lalolagi. A Koe, e tonu, ko te Maumea-Lauefa Katoatoa, te Iloa-Katoatoa, te Atamai-Katoatoa.

O te Atua, toku Matai, te Koulu o toku Faka-moemoeega! Mea nei, ko Tau tavini, ko salasala o moe i te fale o Tou alofa-kaimalie, kae ka malolo mai i Tou gali, kae akai atu ki Tau tausiiga mo Tau leoleooga.

Au e fakamolemole kia Koe, O toku Aliki, ki Ou mata ko la e see moe, ke leoleo mai oku mata ke see kilo ki se isi mea aka na loa ko Koe. Faka-maalosi, na la, olotou kiloga ko te mea ke kite ne latou Ou fakailoga, kae ke matea ne latou a te Sikulagi o Tau Fakaasiiga. Ko Koe ko Ia Tela koi tuai o fakaasi mai a ko leva ne mataku kae polepole a maalosi katoa.

E seai aka se Atua na ko Koe, ko te Mafi-Katoatoa, ko te Talia-Katoa, ko te Seai-e-mafai o Pulegina.

E mafai pefea ne au o manako o moe, O te Atua, toku Atua, i mata o latou ko la e finafinau kia Koe e alaala faeloa ona ko te olotou mavae mai ia Koe; kae e mafai pefea au o takato ki lalo o malolo ako agaaga o Au fagasele e fitaa i te olotou mao mai mo Tou nofo-mai?

Ko oti au ne fai faka-patonu, O toku Aliki, ko toku agaaga mo toku fuaitino katoatoa ke i te lima taumatau o Tou mafi mo Tau puipuiiga, kae moe a toku ulu i te aluga o Tou maalosi, tu fua ki luga pe la loa mo Tou finagalo mo Tou fiafiaaga. Koe, e tonu, ko te Tausi, ko te Leoleo,ko te Mafi-Katoatoa, ko te Tafasili i te Maalosi.

Mai i Tou mafi! E see sili au, me e ala io me e moe, na fua ko te mea te la e manako Koe ki ei. Au ko tau tavini kae e i Ou lima. Fesoasoani alofa mai kia au ke mafai ne au o fai ke salalau atu a te manogi o Tou fiafiaaga-lei. Tenei, e tonu, ko toku fakamoemoega mo te fakamoemoega o latou e fiafia i te pili atu kia Koe. Vikiiga e o Koe, te Aliki o lalolagi!

Toku Atua, toku Atua Fagasele, toku Tupu, toku Fakamoemoega! Se a a te laulaufaiva e mafai o tuku atu a fakafetai kia Koe? Au ne se fakalogo, a ko au ne fago ne Koe. Ne fuli tua atu au kia Koe, kae ne fesoasoani alofa mai Koe ke fuli atu au kia Koe. Au ko mate, kae ne fakaola au ne Koe ki te vai o te ola. Au ko vaaivai, kae ne fakaola au ne Koe ki te vaai faka-te-lagi o Tau faipatiiga te la e tafe mai i te Pene o te Alofa-Kaimalie Katoatoa.

O te Kiloga Faka-te-Lagi! A te foafoaaga katoa e mutana atu i te lauefa o Tou maumea; sa taofi mai i ei a te vai o Tou kaimalie, io me taofi mai ne Koe i te vasa o Tou atafai. Au e akai totuli kia Koe ke lago kae fesoasoani mai i taimi katoa i so se nofonofooga, kae saala atu ki te lagi o Tou alofa mo Au mea-alofa mai i te vavau. Koe, e tonu, ko te Aliki o te alofa mafola, mo te Tupu o te malo se gata mai.

O te Atua toku Atua! Au e akai kia Koe i te vasa o Tau fakaleiiga o masaki, mo te matagofie o te Fetu Ao o Tou alofa-kaimalie, mo Tou Igoa te la ne faka-filemu Au tavini, mo te maalosi salalau o Tau Muna tafasili i te maluga mo te maalosi o Tau pene lauiloa, mo Tou alofa-kaimalie te la ne vau muamua i te faiitega o mea katoa i te lagi mo te lalolagi, ke ave keatea au mai i te vai o so se masei mo te se toka, pe la foki mo so se vaaivaiiga mo te se maalosi.

E lavea ne Koe, O toku Aliki, a Tau tavini e akai totuli atu i te mataloa o Tou alofa, kae ko ia te la ko oti ne tuku atu ana fakamoemoega kia Koe kae piki mau ki te kafanoa o Tou alofa. Sa liakina a ia, Au e akai fakamolemole atu kia Koe, a mea ko la e salasala ne ia mai i te vasa o Tou alofa-kaimalie mo te Fetu-Ao o Tou alofa-atafai.

E maalosi a Koe o fai a te mea e fiafia Koe ki ei. E seai aka foki se Atua na ko Koe, ko te Fagamagalo-Katoatoa, ko te Tafasili-i-te-Kaimalie

Ko ala au i te tafataeao tenei ona ko Tou alofa, O toku Atua, a ka liakina ne au a toku kaaiga mo te fakamoemoe katoatoa kia Koe, kae ka tuku atu toku fuaitino ki Tau tausiiga. Tuku mai, na la, kia au, mai i te lagi o Tou alofa, se fakamanuiaaga mai ia Koe, kae ko au ke mafai o toe foki ki toku kaaiga mo te saogalemu, pe la eloa mo te faka-mafai ne Koe au ke fanatu mai lalo o Tau puipuiiga mo oku manatu faka-mau tonu ki luga ia Koe.

E seai aka foki se Atua na ko Koe fua, ko te Tokotasi, ko te Se-Fakatusagia, ko te Iloa-Katoatoa, o te Atamai-Katoatoa.

Tavaeega e io Koe, Tela ko toku Atua mo te Atua o tagata katoa, ko toku Manakoga mo te Manakoga o latou katoa ko la e lavea ne latou a Koe, mo toku Fagasele mo te Fagasele a latou ola ko oti ne fakapatino mai a Tou tafatasi, mo te Pogai o toku lifu mo te lifu o latou ko la e fakapilipili atu kia Koe, mo toku Loto mo te Loto o latou ko la e fakatuanaki katoatoa kia Koe, mo toku Fakamoemoega mo te Fakamoemoega o latou ko piki mau olotou loto kia Koe, mo toku Lafiga mo te Lafiga o latou katoa ko la ne fakavave atu kia Koe, mo toku Kogaa-koga Nofo mo te Kogaa-Koga Nofo o so se tino te la ko afe atu ia Koe, mo toku Koulu mo te koulu o latou katoa ko la ko oti ne fakatonu ki mua ia Koe, mo toku Pogai mo te Pogai, o latou ko la ko oti ne fakatonu a te olotou kilo ki luga ia Koe, mo toku Palataiso mo te Palataiso o latou ko la ko oti ne olo atu ki luga ia Koe, mo toku Fetu-fakatonu mo te Fetu-fakatonu of latou katoa ko la e naunau kia Koe, mo toku Fiafia mo te Fiafia o latou katoa ko la e alofa kia Koe, mo toku Mainaaga mo te Mainaaga o latou katoa ko la ne se kae toe akai ki se fakamagalo ne Koe, mo toku Lasi i te Fiafia mo te Lasi o te Fiafia o latou katoa ko la e masaua a Koe, mo toku Olo-maalosi mo te Olo-maalosi of latou katoa ko la ko oti ne tele kia Koe, mo toku Kogaa-koga Nofo mo te Kogaa-koga Nofo o latou katoa ko la e mataku ia Koe, mo toku Aliki mo te Aliki o latou katoa ko la e nofo i lagi mo te lalolagi!

Kia Koe ko tavaeega aua ko oti a Koe ne faka-akoi au ki te suamalie o Au faipatiiga, kae tuku tonu atu au ki mua o te sikulagi mai i luga te la a te gali o te Fetu-Ao o Ou mata ko maina atu, kae fai au ke fuli atu kia Koe i se taimi a taulasiiga o Au mea ola faiite ko oti ne mavae mai ia Koe.

A Koe ko Ia, O toku Atua, Tela ko oti ne tala a te keiti o te lagi ki te kii o Tou Igoa, ko te Fakamanuiagagina-Katoatoa, ko te Maalosi-Katoatoa, ko te Matagofie-Katoatoa, ko te Tafasili i te Lasi, ko oti ne kalagaina a tino katoa ki te vasa o Tou nofo-mai. Ne seki leva ne avaka a Tou leo suamalie ki luga, mai i luga atu i pagota katoa o te Maalo o Igoa mo te Lukuuga Mana i luga ne makosu. Mai i tau kalaga a te manogi gali o te gatu o Tau Fakaasiiga ne agiagi mai i luga i mea ola faiite ko la e alofa kia Koe, pe la foki mo Au tino ko la e naunau kia Koe. Ne olo aka ki luga kae tele atu ki mua ke maua ne latou a te Vasa o Tau fonotaga, mo te Sikulagi o Tou gali, mo te Fale Tapuaki Malu o Tau Fakaasiiga mo Tou afioga, mo te Kogaa-Koga Nofo o Tou Nofo-Mai mo Tou matagofie. A latou ko oko loa i te vale i te uaina o te olotou toe sokotaki mo Koe, te la e ave keatea ne latou a mea katoa ko la e fakapiki ki so mea ea a latou mo mea a nisi tino.

A mea nei ko Au tavini ko la a te maalosiiga o ia teke ne seki mafai o fakamafuli a latou mai i te tuku tonu a olotou mata ki luga Ii te Fale Tapuaki Malu o Tou afioga, k ola foki a lukuuga o te faka-masei ne takavale o fakamatakutaku kae ave keatea a te olotou kilo mai i te Aso-kamata o Au failoga mo te Malumalu o Au faka-talitonuuga.

Au e tauto i Tou matagofie, O Koe ko te Aliki o mea katoa mo te Fakamaina o mea katoa e lavea mo te se-lavea! So se tino te la ko oti ne inu mai i lima o Tau vai ola alofa-mataefa o Tou alofa ko se toe mafai ne ia o fakasaoloto a mea kola e sokotaki ki Au mea ola faiite o taofi ki tua mai ia Koe, a ia e se fanoanoa mai i te se-talia a latou katoa kola i Tou lalolagi ke fakapatino a Koe. Mai i mua o latou katoa kola ite lagi mo ite lalolagi a tagata ka tagi ki luga, kae fakasalalau atu ki tino katoa ate gasese o te Vasa o Tou alofa-maukoloa mo te gali o Mainaaga ote lagi o Au alofaaga.

Fiafia kii a tagata te la ko oti ne fuli atu ki mua i kogaa-koga nofo o Tou nofo-mai, kae fakaseai a ia mai i mea katoa vagana ko Koe. A ia e tonu eloa e fakamaluga te la ko oti ne fakaasi tonu ki Tou matagofie, kae fakamau ona mata ki luga ite Fetu Ao o Tou alofa-kaimalie. A ia e fonu i te maina te la e iloa ne ia a Tau Fakaasiiga kae ko oti ne iloa ne ia Ou alofaaga e uke, Au failoga, mo Au fakamaoniiga. A ia se tagata e maina te la ona mata ko oti ne fakamaina ki te mainaaga o Ou mata, kae te la, i taimi loa ke oko mai a tau kalaga, ko te mea loa ko lavea ne ia a Koe. A ia se tagata e lagona ne ia te la ko oti ne takitaki atu ki Tau lauga, kae fakapilipili atu ki te vasa fonufonu o Au faipatiiga.

E lavea ne Koe a te tino fou tenei, O toku Aliki, te la ko oti ne fakavave ke maua ne ia a Fale-Nofo tafasili i te maluga i te malu o Tou alofa-fakamagalo atafai, mo te agaaga ola faka-alofa tenei te la ko oti ne tuku tonu atu ona mata ki mua i te vasa o Tau fagata masaki.

Kilo, na la, O Koe toku Atua Tela e fakaka a toku agaaga ola i te afi, i luga i loimata e maligi mai ia au, mo manavaga e faipati ne au, mo te tigaina e pokotia ki ei a toku fatu mo te afi te la e kai ne ia au. A Tou matagofie e fai mo aku molimau, O Koe, ko te Mainaaga o te laolagi! A te afi o Tou alofa te la e ka tumau i loto ia au ko ka lafulafu i loto ia au te la so se isi i vasia o Au mea ola faiite e vau kia au, kae tuku mai a tena taliga kia au, e se mafai ke se lagfona a tena logoa maalosi i loto i oku uaua takitasi.

Au ko avekese ne te suamalie o Au faipatiiga, kae ko vale kii i te uaina o Ou alofaaga fakamagalo atafai, ko toku leo ko se mafai o taofigina, io me ko oku lima akai ke se toe mafai o gata a te fola atu kia Koe. E lavea e Koe, O toku Aliki, me fakamau pefea oku mata i te auala o Tou alofa-atafai. Oku taliga ki mua i te maalo o Tau faipatiiga, ko toku laulaufaiva ko fakamatalatala o fakamailoga Ou tavaeega, ko oku mata ko tuku tonu ki mua i Ou mata te la e ola atu i mea katoa ko oti ne faiite ne Tau muna, ka oku lima ko sisi ki luga i te lagi o Tou alofa-maukoloa mo alofaaga.

E taofi ne Koe keatea mai ia Koe a te tino foou te la ne kalagagina ne Koe ki tena Fale tafasili i te maluga mai i lalo i te malu o kapakau o Tou alofa-fakamagalo, io me liakina keatea a te mea ola faiite tafalalo tenei ko oti ne fakavave atu ke maua a matafaga o te vasa o Tou maumea? E puni ne Koe a te mataloa o Tou alofa atafai i mata o Au mea ola faiite mai tua i te talaaga ke matala i te maalosi o Tou mafi mo Tou nofoaiga-faka-aliki, io me e pono a mata o Au tino ako ko leva ne fakatonu a latou ke fuli atu ki te Aso kamata o Tou Gali mo te Malumalu o te gali o Ou mata?

Ikaai, kae ki te mea tenei a Tou matagofie e fai mo aku molimau! A te mea tenei seai ko oku mafaufauga kia Koe, io me ko mafaufauga o latou ko Au tavini ko la e fakapilipili atu kia Koe, io me ko latou ko la loto fakamaoni i vasia o Au tino.

E iloa, e lavea, kae e lagona, O toku Aliki, me mai mua o so se lakau ola e lagona ne au a te manakoga ke apai ki luga a Tou leo kia Koe, kae mai mua i so se fatu au e manako o pusi a toku manava kae tagi. Moi fai ko Tau pogai ne faiite iei au, O toku Atua, ke piki mai kia au mo fakalavelave, io me fakamafai au ke fakaasi a Tau Fakatokaaga i te maalo o Tau foafoaaga?

A koe e lagona, O toku Atua, oku manavaaga mo oku taletale, kae lavea mai a toku seai-lele-se-maalosi, mo toku mativa, mo toku faka-alofa, mo toku fanoanoa, mo toku se-fiafia. Au e tauto ki Tou mafi! Au ko oti ne tagi i se tagi te la ne seki mafai ne au o taku a Koe, io me o siki ki luga a Koe, kae tagi au mo se tagi lotulotu te la a sose matua i tena fanoanoa ne numi kia au, kae puli ia ia a tena tigaina mo pusiiga o manava ne muagutu mai ne ia.

Au e akai totuli kia Koe, O toku Aliki, i Tou Vaka, mai i te maalosi o Tou finagalo ne fakaasigina kae fakamaalosi a pokotiaaga o Tau fekau ne fakaasi, kae ne tele i luga i te fenua mo te tai mai i te maalosi o Tou mafi, ke se pukegina au mai i aku agaasala mo aku solituakoi. Au e tauto i Tou matagofie! A vai o Tau fakamagalo mo Tau alofa fakamagalo ko oti ne fakamaalosi mai au , kae ko oti i Tau faifaiiga, i tausaga ko teka, mo latou fakamaoni o Au tino filifilia, pela foki mo latou kola ko Au Faifekau kola e fakasalalau atu a Tou tafatasi.

Au e iloa ne au, O toku Aliki, aua au ko kavea atu loa ne mea-alofa manino o Tou alofa-kaimalie, kae vale kii loa i te uaina o Tau faipatiiga, te la so se mea e lavea ne au e mafai o maua vave ne me e fai a te mea tena ke iloa a Koe kia au, kae e fakamasaua kia au Au fakailoga, mo Au alofaaga, mo Au fakamaoniiga. Mai i Tou matagofie! I taimi katoa e suke aka oku mata ki luga i Tou lagi, e masaua ia au a Tou maluga mo Tou silisiliese, mo Tou matagofie e se fakatusagina kae mataefa; kae i so se taimi e fuli atu a taku kilo ki Tou lalolagi, ko lavea i ei ne au a fakamaoniiga o Tou maalosi mo alofaga o Tou alofa-mataefa. Kae e lavea ne au a te tai, e maua aka ne au me e faipati mai kia au e uiga mo Tou afioga, mo te maalosi o Tou mafi, mo Tou nofoaiga-faka-aliki mo Tou gali kese. Kae i sose taimi e mafaufau au ki mauga, e maua a fakailoga o Tou manumaalo mote tulaga o Tou pulega.

Au e tauto i Tou mafi, O Koe ei i loto i Ou lima ko tino katoa, mo te fakaotiiga o fenua katoa! Au ko ula valevale ona ko toku alofa mo Koe, kae ko vale i te uaina o Tou tafatasi. Ko lagona ne au a musumusuuga o te matagi ko te tagi o Tou faka-maluga mo tavaeega, kae e mafai o laveagina i te gasuesue o te vai o te leo tela e fakasalalau Ou uiga lei mo Ou uiga aoga, kae e mafai o taofi mai a gatetega o laulakau o mea lilo kola ko oti ne fakaekegina fakatumau i Tou lalolagi.

E fakamana a Koe, O te Atua o igoa katoa mo te Tufuuga o lagi! E avatu ne au kia Koe a fakafetai auaa a Koe ko oti ne fai ke iloagina ki Au tavini i te Aso tenei te la e a te vaitafe o te ola tonu ko tafe mai i maikao lima o Tou alofa lauefa, mo te vaaitaimi o Tau fakaasiiga mo Tou nofo-mai ko oti ne sae mai auala atu i Tau fakaasiiga kia latou katoa ko la i Tou lagi mo latou katoa ko la i Tou lalolagi.

Mea nei ko te Aso, O toku Aliki, te la a te pula o tena maina ko oti ne fakamaluga ne Koe ke mai i luga atu i te maina o te laa mo tena gali. Au e molimau ite mainaaga e fanatu ki tua atu o te matagofie o te mainaaga o Ou mata, kae e pogai mai i te mainaaga o te taeao o Tau Fakaasiiga. Mea nei ko te Aso te la a latou faka-alofa ko oti ne fakapei ki gatu o te mautinoa tonu, ka ko masaki ko pei ki te gatu o te fakagata masaki, ka ko tino mativa ko fakapilipili atu ki te vasa o Au maumea.

Au e tauto ki Tou Gali, O ko te Tupu o te favavau Tela e nofo i luga i Tou nofoaga kalauna tafasili i te matagofie! A Ia Tela ko te Aso-Kamata o Au failoga mo te Fakaasi o Ou alofaaga tafasili ite maina, e uiloa a te mataefa o Tena atamai mo te silisiese o Tena poto, ne fakaasi tonu a Tena seai-se-maalosi o iloa Ana faipatiiga tafasili i te mutana, mafai e fakatusa ki Tena Pene tafasili i te maluga, - e pefea atu a Tena se-mafai o maina i te natula o Tou Tina Tino Tonu matagofie mo Tou Uiga Tonu tafasili i te faka-aliki!

E se kafi ne au o mafaufau, O toku Atua, ki ne pati e mafai i ei o takutaku a Koe, kae e seiloa foki ne au o fakamatala io me o sisi pefea a Koe ki luga. Moi fai au e taumafai o fakamatala a Koe ki Ou igoa, e lavea fakavave ne au i te maalo o igoa konei ne faiite foki loa ne te gasuesue o Ou maikao kae e polepole ona ko te mataku ia Koe. Kae kafai e tai mu mea atu o sisi ki luga a Ou uiga gali, e faimaalo mai kia au ke fakaasi ne au i uiga lei konei ko Tau foafoaaga foki loa, kae e nofo i loto i Tau pulega. E se-tau mo latou Kola ko Faifekau o igoa mo uiga lei konei ke tu mai i mua o te mataloa o te fakai lasi o Tau Fakaasiiga, e pefea a te mutana ifo o te maluga te la ko oti ne faka tu ne Koe a te kalauna-a-tupu o Tou afioga.

Au e tauto ki Tou mafi, O ko Koe ko te Tupu o igoa mo te Tufuuga o lagi! So se mea te la ko oti ne fakaeke atu mo te gatu o muna e seai aka foki na ko Tau foafoaaga te la ne kamata o mafua ai i Tou lalolagi kae faka-galue mai i te faka-galuega o Tou finagalo, kae e seai-se-aoga lele loa ki Tou maluga kae e se oko foki ki Tou gali silisili.

Talu mai taimi ne mafai i ei o fakaasi atu a Koe tafasili i te maluga te la e se fuafuagina a te maluga mai i luga i mea katoa ne faiite i te lalolagi nei, kae e maluga atu i te oko ki ei mo te poto o te iloa o Au tino filifilia mo Au fagasele, mo te malifalifa o te mainaaga o Tou fakatasitasi ko fakaasiigina, me e saoloto io me e nofo se-saoloto, ia Koe ko te Tokotasi ia Koe loa ia Koe, tokotasi i Tau Fakatokaaga, tokotasi i Tau Fakaasiiga. E lasi a te fakamanuiaaga o te tagata te la, i tena alofa kia Koe, ko oti ne motu mai ia ia a mea e piki katoa mai i sose tino vagana ko Koe, kae fakavave atu ki te sikulagi o Tau Fakaasiiga, ke maua a te Ipu te la ne fai ne Koe ke sili atu i kogaa-tai katoa o te lalolagi.

Au e fakamolemole totuli kia Koe, O toku Atua, mai i Tou maalosi, mo Tou mafai, mo Tou nofoaiga-faka-aliki, te la e ufi ne latou a tino katoa ko la i Tou lagi mo i luga i Tou lalolagi, ke fakailoa atu ki Au tavini a te Auala maina tenei mo te Auala tonu tenei, ko te mea ke iloa ne latou a Tou fakatasitasi mo Tou tafatasi, i se iloa tonu ko la a masalosaloga o latou e se talitonu e se mafai o ofa ne latou, io mo ko mafaufauga fakasupasupa o latou ko la e se fakalogo e mafai o pono ne latou. Fakamaina, O toku Aliki, a mata o Au tavini, kae fakamaina a olotou loto ki te gali o te mainaaga o Tou poto, ko te mea ke mafai ne latou o maina i te mataefa o tulaga tafasili i te maluga tenei, kae ke iloa a te Sikuagi tafasili i te malifalifa tenei, ko te fiafiaaga o te pakalaga a tagata ke se-mafai o fuli a latou keatea mai i te saga atu a te olotou kiloga ki mua i te mainaaga malifalifa o Tou fakatasitasi, kae ke fakalavelave a latou mai i te fakasaga atu olotou mata ki te Sikulagi o te motu mai ia Koe.

Mea nei ko te Aso, O toku Aliki, te la ne fakasalalau ne Koe ki tino katoa me ko te Aso te la a Koe ne fakaasi a Tou Tina Tino Tonu, kae fakaoko atu a Tou mainaaga, kae maina atu kii i luga i Au mea ola faiite katoa. A Koe ko oti, na la, ne ulu ki se feagaiiga mo latou, i Au Tusi, mo Au Mataupu Silisili, mo Au Kofuuga Pepa, mo Au Tapeleti e uiga mo Ia, Tela ko te Aso-Kamata o Tau Fakaasiiga, ko oti ne tofi a te Bayán me ko te Fakatomuaaga o Faifekau Tafasili i te Takutakua mo te matagofie-katoatoa tenei, mo te malifalifa kae tafasili ite maluga i te Fakasae-maiinga.

Kae ka fai a te sikulagi o te lalolagi ko maina, a Ia Tela ko te Igoa Tafasili i te Takutakua ne fakaasi, ne se-talitonu katoa a latou ia Ia mo Ana failoga, vagana ko latou ko kave ne te manogi suamalie o Tou faka-mana mo tavaeega vagana ko Koe, Tela a te poto ne oko atu kia latou katoa i Tou lagi mo latou katoa i luga i Tou lalolagi.

E iloa lei ne Koe, O toku Atua, k te Fakaasi o te Bayán (the Báb) ko oti ne fakatonu ki tino katoa e uiga mo Tau Fakatokaaga, mo Tau Fakaasiiga, mo Tau nofoaiga-faka-aliki. Ne fai mai ne Ia, kae suamalie a Tena faipaiiga: “Faetete i te Bayán mo ana Tusi ma taofi ne ia a koe mai ia Ia Tela ko te Alofa-Atafai Katoatoa, io me mai i Tena nofoaiga-faka-aliki.” Na la, a Ia ne toe tusi penei: “Moi fai a Ia e fai mai I se kupu e se silia atu i te tasi o kupu, e se tau a ia o se fakalogo kia Ia. Fakavave a koe kia Ia, ko te mea ke fiafia a Ia o fanaifo ki luga ia koe a te mea te la e fiafia a Ia ki ei, me se alofaaga o Tena alofa-atafai kia koe. A Ia e tonu ko te a Pule o Ana tavini, mote Tupu ote foafoaaga.”

E lavea ne Koe, na la, O ko Koe Tela ko te Fagasele o te lalolagi mo te Fakaasi o te Igoa tafasili i te Takutakua, me ne vau pefea a Ia ki lalo mo te maalo o Ana failoga, kae i se auala te la ne gasue a atomu o te lalolagi mo molimau i te lalolagi katoatoa ko oti ne fakafonu ki failoga konei. Kae e ui iei, e uiloa a te Fakaasiiga tafasili i te malifalifa kae matagofie-katoatoa, mo failoga te la e seai aka foki e mafai o tauloto ne ia vagana ko Koe, O ko Koe ko te Tupu o igoa, e lavea ne Koe me ne maofa keatea pefea mai ia Ia Tela ko te Aso-malulu o Tou Uiga Tonu, kae fai pona ki Tokotasi Tela ko te Ulu-vai o Tou atamai mo Tau muna. A latou ne manako o inu ko te mea ke lauiloa a latou, ko ala iei o se-talia Ou alofaaga, mo Au fakatalitonuuga, mo Au failoga, te la a so se tagata o te iloa e atafia i so se mea e fakapula ne Tou mataefa, mo Tou nofoaiga-faka-aliki, kae fakapatino a Tau Fakaasiiga mo Tou mafi. Ko magoi a te outou fakamasei kia Ia te la ko fai i ei a pagota o te Fale Tapuaki Malu o te matagofie-katoatoa mo te Lukuuga mana mai i luga o fanoanoa, kae faipati ki fakamaseiiga kia Ia ko ala i ei a agaaga ola o Au tino filifili mo loto o latou ko la e pele kia Koe ke liua. Ko oko loa a te se-tonu a olotou mea ne fai ko ala i ei o liakina a Au failoga tafasili ite malifalifa, kae piki mau ki manatu fakasupasupa, O ko Koe Tela ko te Pule o Igoa mo te Aliki o te Kalauna-a-Tupu i luga mo i lalo i te lalolagi!

Ko Koe, O toku Atua mo te Fiafiaaga o toku loto, kote Tokotasi Tela ko oti ne fakasafe ki ei a Tau Tapeleti, te la e seai e ana iloagina vagana ko Koe, mo te takutaku o te Aso tenei tela ne fakaigoa ne Koe ki Tou igoa, ko te mea ke seai e ana laveagina vagana ko Koe tafasili i te maluga, kae e seai aka foki e masaua ne te mafaufau vagana ko Tou masauaaga gali.

Seki leva a Ia ne fakaasi me ko fakavae o kaaiga o te lalolagi ko gasuesue kae polepole, ako latou ne akoako fakalei ko matapo, ako latou atamai ko numi valevale, vagana ko latou ko la ko oti, i te maalosi o Tou mafi, ne fakapilipili atu kia Koe, kae maua ne latou a te uaina filifilia o Tau Fakaasiiga mai i te lima o Tou alofa-atafai, kae inu a latou i Tou igoa, kae fakapula atu penei: “Tavaeega e io Koe, O ko Koe ko te Manakoga o lalolagi! mo te matagofie e io Koe, O ko Koe Tela ko te Fiafiaaga o loto e gaegae atu kia Koe!”

Toku Atua, toku Matai, toku Fakamoemoega Tafasili i te Maluga, mote Koulu o toku manakoga! A Koe e lagona kae e lavea a manavaaga o te Tokotasi ne fakasee-gina, mai i te vaikeli pouli tenei te la a manatu valea o Ou fili ko oti ne faiite mai I ei, kae mai Ii te poko se maina tenei te la a manatu fakasupasupa o latou amio se lei mai i Au mea ola faiite ko oti ne keli ne latou. Mai i Tou Gali, O ko Koe Tela Tona matagofie ko oti ne fakaasi aliali atu ki mata o tagata! Au e onosai i fakalavelave ko la e oko mai kia au ona ko toku alofa mo Koe, io me ko falavelave ko la e feagai mo au i Tou auala. Ikaai, e iai ia au, mai i Tou maalosi, ne fili mo latou mo aku loa ia au, kae e fakamalu ia latou i vasia o Au mea ola faiite ko la e fiafia ia latou e pili atu ia Koe, mo latou ko Au tavini kola e mautaktaki ki Koe.

Au e akai totuli kia Koe, na la, O ko Koe te la kote Fakamaina o te lalolagi mo te Aliki o fenua, i te taimi loa tenei, manafai a lima o te fakamoemoega, ko piki mau au ki kapa o te gatu o Tou alofa fakamagalo mo Tou alofa lauefa, ke fakamagalo Au tavini ko la ne lele ki te ea o Tou nofo-pili-mai, kae fakasaga atu olotou mata ki te gali o te mainaaga o Ou mata, kae fuli atu ki te sikulagi o Tou fiafiaaga-lei, kae fakapilipili atu ki te vasa o Tou alofa-fakamagalo, ko olotou olaga katoa ko te faipati faeloa ki Ou tavaeega, kae ko ula i te afi o te alofa mo Koe. Fakaeke ne Koe kia latou, O toku Atua, mai mua mo mai itua o te mate, a mea kola e fai iei a te silisiiese o Tou alofa lauefa mote lei katoatoa o Tou alofa-kaimalie.

Talia mai, O toku Aliki, ko latou kola ko oti ne olo atu ki luga ia Koe ke mafai o malolo atu kia Ia Tela a Tena taugasoa tafasili Ii te maluga, kae e nofo mai lalo o te ata o te Fale Tapuaki Malu o Tau afioga mo te Kogaa-Koga Nofo o Tou matagofie. Fakasiusiu mai, O toku Aliki, ki luga ia latou mai ite vasa o Tau fakamagalo a mea kola ka mafai i ei o fai a latou me e tau o nofo, ki te leva loa o Tou nofoaiga-faka-aliki, i loto i te maalo mo Tou maalo fakasilisili mo Tou lau fenua tafasili i te maluga katoatoa. A Koe e maalosi o fai a te mea e fiafia a Koe kiei.

Sa liakina gina a Au fagasele, O toku Aliki, a manogi suamalie o te Aso tenei te la a feitu lilo o Tou igoa, ko te Ola-loa-ia-Ia, ne faka-masakosako, ako latou katoa ko la ko oti ne puipui i loto i kope taua o Tou atamai ko oti ne fakaasiigina. Mea nei ko te Aso, O toku Aliki, te la a atomu taki tasi katoa o te lalolagi ko oti ne gasuesue kae tagi atu penei: “O ko Koe Tela ko te Fakaasi o failoga mo te Tupu o te foafoaaga! Au, e tonu, e atafia ne au a te manogi o Tou nofo-mai. Au e mafaufau ia Koe ko oti ne fakaasi a Koe, kae tala a te mataloa o te toe feiloai mo Koe mai i mua o latou katoa i Tou lagi mo latou katoa i luga i te lalolagi. Au e fakaosooso mai i te manogi gali o Tou gatu, O toku Aliki, i te lalolagi ko oti ne fakamaalu mai i luga i Tou nofo-mai, kae ko oti ne manava ki te manogi gali o Tau fetauiiga. E seiloa ne au, na la, O ko Koe ko te Fagasele o te lalolagi mo te Manakoga o fenua, ko te kogaa-koga te la a te kalauna-a-tupu o Tou afioga ko oti ne fakatu, io me ko te nofoaga te la ko oti ne faiite mo fai a Tau mea tuku vae, kae ko oti ne fakamaina ki te gali o te mainaaga o Ou mata.”

Au e tauto i Tou matagofie, O ko Koe Tela ko te Aliki o mea katoa mo te Pule o mea katoa lavea mo te se-lavea! So se tagata o te malamalama ko oko loa i te mio aka a tena mafaufau ona ko Tou poto, mo so se tagata ko oti ne fakafonu ki te iloa ko oko loa a te numi i tena taumafai o fuafua a failoga o Tou matagofie lauefa, ko latou katoa ko lavea ne latou a te olotou vaaivai o lavea, mo te olotou seva o lele ki te, lagi te la mai i ei a tokotasi o Mainaaga o Faifekau o Tou poto mo Aso-Kamata o Tou atamai ko oti ne sulu maina atu ki mua. Koi a ia e tau o fakamatala a te tulaga maluga kii loa tenei mo te nofoaga malu tenei – ko te nofoaga te la, pe la mo Tau fakatonuuga, e sopoia atu i te malamalama o Au mea ola faiite mo molimau o Au tavini, te la mai i te vavau loa ne nofo muni mai i te maina mo te poto o tagata, ko oti ne pono ki Tou igoa, ko te Ola-loa-ia-Ia.

Au e tauto ki Tou matagofie mo Tou nofoaiga-faka-aliki te la e pulou gina a maalo o te lalolagi mo te lagi! Kafai so se tino o Au Tino filifilia mo Au Faifekau e talosaga fakapoko ki luga i fakamaoniiga uke o Tau Pene tafasili i te maluga – se Pene te la e fakagasue ne maikao o Tou finagalo – kae kafai a ia e fakamisi ki luga i feitu lilo o ia, mo ana alofaaga, mo mea katoa e fakaasi mai ne ia , a ia ka numi kii loa ko ala i ei a tena laulaufaiva o se maua ne ia o fakamaluga kae fakamatala a Koe, ka ko te loto ko se-mafai lele ne ia o malamalama a Koe. Aua me kafai a ia, i se taimi e tasi, e maua me mai i te Pene tenei e tafe mai i ei ki mea faiite katoa a te vai te la ko te ola tonu, ako te Pene tena ko oti ne fakaigoa ne Koe a pu-ili ko la ka fai ne latou a tino mate ke tu fakavave mai i olotou pusa mate. I sua taimi a ia ka maua ne ia me e vau mai I te Pene tenei a te afi pela mo te mea e mafai ne Tau Fakaasiiga o faka-ka, pe la loa mo Ia Tela ne sautala mo Koe (Mose) i luga i Sinai ko oti ne lavea atafia atu.

E pefea a te taulekaleka, na la, o alofaga uke o Tou mafi, kae e pefea a te lasi o fakamanoiiga kesekese o Tou maalosi! A latou tauloto ko oti, aunoa mo se tino e toe, ne fakaasi ki te olotou valea manafai ko fakafeagai mo te mainaaga o te Mainaaga o Tou poto; mo mafi ko oti katoa ne fakaasi ki te olotou vaaivai manafai ko fakafeagai ki mata ote Vasa soko o Tou maalosi; mo te maumea taki tokotasi katoa ko oti ne fakailoa a te olotou mativa i loto i te punaaga mai o Kope Tauaa o Tou maumea; ka ko latou atamai kae faka-te-lalolagi ko oti foki ne fakapatonu a te olotou mativa ausagi lele loa i tafa o te matagofie o te Mainaaga o Tou gali; ka ko latou maluga ko oti katoa ne molimau ki te olotou maulalo manafai ko mata ki mata mo te taulekaleka o te Fetu-Ao o Tou matagofie; ka ko latou ko la e pulepule ko fai mo molimau ki te olotou galogalo-ifo mo te galogalo-ifo o nisi; kae maua aka ne latou a te se-gata-mai o Tou afioga, mo Tou nofoaiga-faka-aliki, mo te Tou Tafasili i te Maluga, mo Tou maalosi.

Toku Atua, mo te Atua o mea katoa, mo toku Tupu mo te Tupu o mea katoa, mo te Fagasele o toku agaaga, mo te Koulu o toku manakoga! E iloa leei ne Koe aua ia au ne takutaku kia Koe, i te aso tenei, i te igoa o Au mea ola faiite ko oti ne motu mai a latou mai i mea katoa vagana ko Koe, ka ko au e avaka Ou uiga lei ki luga mai i te laulaufaiva o latou ko Ou tino ko oti ne iloa ne latou a Tou tafatasi, ke mafai o fiafia o ligi atu mai i manavaaga ko la e faipatigina i te olotou alofa mo te naunau kia Koe a te mea ko liua i ei a mea katoa e mafai i ei o fakalavelave Au tavini mai i te fakamau a olotou mata ki mua i te lagi o Tou poto mo te maalo o Au failoga.

Tenei, na la, O toku Atua mo te Atua o igoa katoa, mo te Tufuuga o te lalolagi mo te lagi, ko te Aso te la a Ia i Tena loto ko maina aka i te afi ka o Tou nofo-mai e kalaga atu kia Koe. E maua i fea a te mavae mai ia Koe, O toku Atua, ko te toe fakatasi mo Koe e mafai o iloa fakallei i te sae maiiga o te Mainaaga o Tou fakatasitasi, mo te fakaasiiga o te matagofie o te Laa o Tou tafatasi? Au e akai atu ki se fakamagalo mai ia Koe, O toku Atua, mo mea katoa ko oti ne faipatigina, pe la foki mo mea katoa ko oti ne teka atu ki tua, kae e tenei koi tafe atu loa ki tua atu mai i taku Pene i Ou aso. Au e molimau ia Koe ko oti ne fakatonu i te fai talosaga e se tau mo au, kae mo Ia Tela ko oti, i Tau fakatonuuga kae ke olo tonu mo Tou fiafiaaga, e tomua atu ia au. Ikaai ko oti a Koe ne fakatonu mai i te fakaasiiga o kupu e tau o faka-uiga tonu ki te Faifekau mafi, mo te Fakasalalauga Tenei te la ko oti ne fakasafe i luga i Kofuga a Pepa o Tau afioga mo Tapeleti te la e fakamau i ei a te akauni tena.

Au e avatu kia Koe a fakafetai, O ko Koe Tela ko oti ne faka-ka a Tau afi i loto i toku agaaga ola, kae sulu atu a vae o Tou mainaaga ki loto i toku fatu, ko Koe ko oti ne akoako Au tavini me e takutaku pefea ne latou Au, kae fakaasi atu kia latou auala e mafai ne latou o talosaga kia Koe, auala atu i Tou laulaufaiva tafasili ite mana mo te maualuga, mo Tau faipati tafasili ite matua mo te taua. Kae mo Tau saolotooga, ko ai e mafai o fakamatala a Tou mafi mo Tou matagofie; kae moi fai e seai ko Au akoakoga, ko ai a te tagata e mafai o maua ne ia auala o Tou fiafia i te maalo o Tau foafoaaga?

Au e akai totuli kia Koe, O te Atua o te alofa lasi mo te Tupu o mea faiite katoa, ke puipui Au tavini mai i mafaufauuga e mafai o faiite mai i olotou loto. Avaka a latou ki luga, na la, ki koga maluga ko olotou lagaa-vae ke se masolo I ei a fakamaoniiga o Ou tugalima, ko la ko manakoga uke o taimi o Tou atamai ko oti ne fakaeke aka, ko mea lilo ko oti ne funa ne Koe mai i mata o Ou tino mo Au mea ola faiite. Sa taofigina a latou, O toku Aliki, mai i te vasa o Tou poto, io me e liakina ne Koe a latou i mea ko oti ne fakaeke mo Au tino filifilia ko la e pili atu kia Koe, mo latou ko la ko Au tino fakana gina ko la e mautakitaki katoatoa ia Koe. Tuku atu kia latou, na la, mai i Tou tai of te iloa tonu a mea ko la ka faka-filemu i ei a te nofo-se-toka o olotou loto. Fuli, O te Alikia toku Atua, a te pouliga o olotou manatu fakasupsupa ki te mainaaga o te talitonuga katoatoa, kae fai a latou ke tu ki luga, kae ke sasale mo te loto makeke i Tou Auala tonu, ko Tau Tusi ke mafai o se fakalavelave a latou mai i te lavea a Ia Tela ko tena Fakaasi, mo Ou igoa mai i te iloa a te tokotasi Tela ko te olotou Tofuuga, mo te olotou Fakasoasoa, mo te olotou Kamataga, mo te olotou Tupu, mo te olotou Fakamafua, mo te olotou Fakamasei, mo te olotou Matagofie, mo te olotou Fakamaulalo, mo te olotou Kovana, mo te Puipui Nofoaiga-faka-aliki o olotou Tino Kave.

A Koe ko te Tokotasi, O toku Atua mo Toku Pule, Tela ne aumai ki lalo a Tau Tusi ko te me ke mafai ne Koe o fakaasi a taku Fakatokaaga, kae fakamana a taku Muna. Mai i ei ne mafai ne Koe o ulu ki se Feagaiiga, e uiga mo au, mo mea katoa ko oti ne faiite i Tou lalolagi. E lavea ne Koe, O ko te Fagasele o te lalolagi, me ko latou fai mo fakalavalave i vasia o Au mea ola faiite ko oti ne fai ne latou a te Feaagaiiga tena pe la me se pui maalosi mo latou, kae auala mai i ei ko oti ne tapale keatea mai i Tou Gali, kae e se fakalogo ki Au failoga.

Koe ko Ia, O toku Atua, Tela ko oti ne fakatonu a latou i Tau Tusi Lasi, kae fai atu penei: “Mataku koe ki te Alofa-Atafai Tafasili i te Lasi, O tino o te Bayán, kae sa fakafiti mai ia Ia Tela ko oti ne fakaeke ne au a te Bayán ke fai mo lau e tasi o Tena Palataiso. Au, e tonu, e fakatau me se mea-alofa mai ia au kia Ia. Kafai i Tena fiafiaaga e talia ne ia, a Ia, e tonu ko te Alofa-Maukoloa tafasili; kae kafai e pei ne Ia keatea kae e se talia foki ne Ia o ata-mafaufau kiei, a Tena ikuuga e tonu, a Ia, i te tonuuga, ko te Tavae-gina i Ona uiga, kae e tau o fakalogo ki Ana manakoga. E seai se tino ko oti ne fakasaoloto ke faipati se-llei kia Ia.”

E lavea ne Koe, O toku Atua, me ne pefea a ia tenei te la ne fakaseegina ne to ki loto i lima o latou e teke ki Tou saolotooga, kae maofa mai keatea mai i Tou nofoaiga-faka-aliki. A Ia, te la e tamilomilo i ei a Tau fakamaoniiga, kae i tena igoa kae mo te nofoaiga-faka-aliki o Tau fakamaoniiga e tagi atu ki mea faiite katoa, ko oti ne logomae i ana aso e seai se pene e mafai ne ia o toe lau, ko logofio ne fakaitaita ko te mea a Ia Tela ko Tou Agaaga (Iesu) ka fanoanoa, ako tino katoa i Tou Maalo mo latou pagota i Tau Fale Tapuaki Malu i lalolagi mai i luga atu ko tagi i se fanoanoa e se fuafuagina i te lasi mo te kona.

Kafai se tino e fakalogo fakallei a tena taliga ki loto, a ia ka lagona a tagi mo tagi fanoanoa a mea ola faiite katoa mai i luga atu o mea ko la ne poko kia Ia Tela ne fakaseegina ne te lalolagi. I lima o latou ko la ko oti ne fai-feagaiiga i te Aso o te Mavaeega. Tefea a te agaaga ola o ia te la fai mea tonu, O toku Atua, te la ka fakamasino fakalei ne ia a Tau Fakatokaaaga, kae e tefea a te tagata o te iloa ke sala mai te la ka lavea a Koe mo Ou mata? E isi se tagata o te lagona te la e lagona a Koe mo Ou taliga, io se tino e fonu i te poto i te faipati e mafai ne ia o faipati a te mea tonu i Ou aso?

Au e tauto i Tou matagofie, O Koe Tela e lavea mai au mai i Tou sikulagi matagofie-katoatoa, kae lagona a te leo o te Lakau Ola mai mua atu te la e seai e mafai o fano mai tua atu i ei! (the Lote Tree beyond which there is no passing!) Kafai se tasi e mafaufau i Au Tusi te la ne fakaigoa ne Koe ki te Bayán, kae mafaufau koe i tou loto ki mea ko la ne fola fola mai i ei, e maua ne koe i Tusi taki tasi konei e fakailoa mai i ei a taku Fakaasiiga, e fakasalsalau mai i ei a toku Igoa, e molimau ki toku Tina Tino Tonu kae fakasalalau atu a taku Fakatokaaga, toku tavaeega, mo toku Fanaka-ki-luga, mo te mainaaga o toku Matagfoie. Kae e ui iei, e uiloa a Tau fakasalalauuga, O toku Atua, e uiloa a muna a Koe ne faipati, O toku Fagasele, a Koe ko oti ne lavea kae lagona a fakalavelave kia au, mo olotou amio se-lei i oku aso.

Au e molimau ki toku tulaga i taimi nei, O toku Aliki, kae fakakotua atu ki te finagalo o ia te la ko oti ne fuli mai a tena tua kia Koe (Mírzá Yaḥyá), ia Koe ko te Atua, kae e seai aka foki se Atua vagana ko Koe. Mea nei, e tonu, ko te Aso te la a Tusitusiiga Tapu, mo Tau Tusi, mo Au Tapeleti, ko oti ne fakaeke aka. Kae ko Ia Tela e faipati, i te tonuuga, ko te Kope e Puipui fakalei, mo te Mea Funa e lilo, mo te Tapeleti e Tausi, mo te Mea Lilo e Se-mafai o Maofa, mo te Tusi ko oti ne Pono. A Ia, i te tonuuga, e tau o fakalogo ki ei i so se mea te la e fakatonu ne Ia, kae fakasino, kae fakaasi kae e alofagina i mea katoa a Ia, mai i Tena nofoaiga-faka-aliki, e fakasino, kae mai i Tena maalosi, e fakaeke. So se tino e fakatuai ki se mutana atu i te kemo o te mata, i te tonuuga, ko oti ne fakaseai a Tou saolotooga, kae liakina atu a mea katoa ko la ko oti ne fakaasi mai i Au Tusi, mo Au Mataupu Silisili, kae tuku ifo ki lalo ki Au Tino fiifilia, mo Au Pelofeta, mo Au Faifekau, mo Tino Tausi o Tau Fakaasiiga.

Au e akai fakamolemole kia Koe, O Koe i Ou lima ko maalo o te lalolagi mo te lagi, kae i Ou lima e nofo i ei a latou katoa koa iloto i kogaa-fenua o Tau Fakaasiiga mo Tau foafoaaga, ke se-taofigina a mata o Au alofaaga mai ia latou ko la e fakatumau ne latou a fakalavelave i Tou auala, kae tami ki te ipu o te fanoanoa i te olotou alofa kia Koe, kae oti ne pei ki te falepuipui i Tou igoa, kae kolomaki a mea ko la e seai aka foki i Au mea ola faiite e seki fepaki aka mo latou. A latou ko Au tavini, O toku Aliki, ko la ko oti ne tali atu kia Koe i taimi loa tena e ave atu ne Koe a Tau kalaga, ko oti ne tuku tonu a olotou mata kia Koe i te taimi loa tena a te mainaaga o Ou mata ne avaka ki luga ia latou, kae fuli atu kia Koe i te taimi a Tou sikulagi tafasili i te maluga ko sulu maina atu ki te mainaaga o Tou igoa auala atu ia latou katoa i Tou lagi mo latou katoa i luga i te lalolagi ko matapo atu. Fakaeke atu mo latou, O toku Aliki, a mea ko la ne fakaeke ne Koe mo au tino filifilia ko la ne fakafetaui ne latou mo te fiafia a matasana a tino se-talitonu i Tau Fakatokaaga ona foki ko te alofa mo Koe, kae fakavave atu ke maua ne latou a te tulaga o fakalavelave ona ko Tou igoa i olotou laugutu mo Tou masausauaaga i olotou loto. A Koe ko te Tokotasi, O toku Atua, Tela ko oti ne fai-feagaiga mai i loto i Au faipatiiga maina ke masaua a latou i Au Tusi me se taui o olotou galuega i Ou aso.

Fakamanuia a latou, O toku Atua, kae tusi atu kia latou a te matagofie te la e sulu maina mai i luga o te sikulagi o Tou finagalo, kae tufa atu a tena gali mai i te maalo o Tau muna. Ufi ifo ki lalo a latou, O toku Aliki, mai i lalo o te vasa o Tou alofa-fakamagalo, kae fakamaina a latou mo te mainaaga faka-vaveao o Tau Fakaasiiga. Fakamagalo, na la, O toku Atua, a olotou tamana mo olotou matua, mai i Tou alofaaga, mo Tou alofa-maukoloa, mo Tou alofa fakamagalo atafai. Aumai, na la, ki luga ia latou mai i te lima fakaata mai o Tou Palataiso tafasili i te maluga a te manogi gali o te gatu o te matagofie Gali o Koe. E maalosi a Koe o fai a te mea e fiafia Koe kiei. A Koe, e tonu, ko te Kovana, ko te Fakaeke, ko te Alofa Maukoloa katoatoa, ko te Fakamagalo Katoatoa, ko te Tafasili i te Kaimalie.

Tavaega e io Koe, O Koe ko te Fagasele o te lalolagi, mo te Fakaekeega o loto o latou ko la ko oti ne lavea ne latou a Koe.

Au e akai totuli kia Koe, O toku Atua, ona ko Tau Fakailoga mafi, mo te fakaasiiga o Tou alofa i vasia o tagata, ke se ave au keatea mai i te mataloa o te fakai lasi o Tou nofo mai, kae ke se faka-fanoanoa oku faka-moemoeega ko oti ne faka-saga ki luga i faka-asiiga o Tou alofa kaimalie i vasia o Au mea faiite. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, ona ko Tou Leo tafasili i te suamalie mo Tau Muna tafasili i te maluga, ke faka-pilipili atu au ki te faitotoa o Tou mataloa, kae fai aka au ke se to mao mai i te ata o Tou alofa-kaimalie mo te fakamalu o Tou alofa-lauefa. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, ona ko te matagofie o Tou fulumata maina mo te mainaaga o te moli o Ou mata, te la e sulu mai i te sikulagi tafasili i te maluga, o futi atu au i te manogi gali o Tou gatu, kae fai aka au ke inu mai i te uaina filifiligina o Tau faipatiiga. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, mai i luga i Tou laulu te la e gasuesue mai mua i Ou mata, pe la mo Tau pene tafasili i te maluga te la e gasuesue i laupepa o Au Tapeleti, o faka-matala a te manogi gali mo uiga lilo ote maalo o Tau foafoaaga, ko te mea ke fakatu aka au ki luga ke tavini kia Tau Fakatokaaga kae ke se siga au ki tua, ke se lave au i faka-masakooga a latou ko la e muimui ki Au fakailoga a ko saga fakaatea mai i Ou mata. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, ona ko Tou Igoa te la ko oti ne fai ne Koe me kote Tupu o Igoa, te la ne pokotia kii iei a tino katoa i te lagi mo latou katoa i te lalolagi, ke mafai ne au o kilo ki te Fetu Ao o Tou Gali, kae tuku mai kia au a te uaina o Tau faipatiiga. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili ite Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, mai i te Fale Tapuaki Malu o Tau afioga i luga i toe koga maluga matagofie, mo te Fakamalumalu o Tau Faka-asiiga i luga i toe mauga maluga, o fesoasoani kaimalie mai kia au ke fai ne au a mea ko la ko oti ne finagalo kae manako Koe kae fakamaina a te pogai o Koe. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, mai i Tou Gali te la e sulu maina mai iluga i te sikulagi o te fakavavau, se Gali i te taimi loa te la e fakaasi i ei, a te maalo o gali e ifo o tapuaki, kae faka-lauefa atu i se maalosi pe la mo tagi o leo e uke, o tuku mai ko te mea ke mate au ki mea katoa ko la ea aku kae ola ki so se mea te la e ia Koe. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili ite Lasi, ko te Toe Tafasili i te Maluga, ko e Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, mai i te Fakaasiiga o Tou Igoa, te Fagasele-Tokotasi, Tela Mai i ei a loto o Au fagasele ne malemu ako agaaga of latou katoa I te lalolagi ne lele ki luga, o fesoasoani mai ke masaua Koe i vasia o Au mea faiite, kae fai atu Ou tavaeega i vasia o tino. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, on ko te gaseseega o te Lakau Ola Faka-te-Lagi mo musmusuuga o Tau faipatiiga i te maalo o Ou igoa, ke kave keatea au mai i so se mea te la ka se fiafia Koe ki ei, kae futi atu au ke pili ki tulaga te la a Ia ko te Aso foou o Au fakailoga ko sulu atu ki mua. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili ite Lasi, ko te Toe Tafasili i te Maluga, ko te Toe Tafasili i te Silisili-ese, kae piki mmau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, mai i te Tusi te la, i taimi loa te la ne kave atu mai i te muagutu o Tou finagalo, ne fai ne ia a vasa ke sou, mo matagi ke agi, mo fuaga-lakau ke fakaasi, a ko lakau ko ola mai, ako mea katoa mai mua ke tanumia, a ko veli katoa ke maofa ki lalo, a ko latou ko la e pikimau kia Koe ke fakavave atu ki te mainaaga o mata ote olotou Aliki, te Se-mafai o Taofiigia, o fakailoa mai kia au a mea e funa i maumea o Tou poto kae fakalilo i koga e teu I ei a Tou atamai. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili ite Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, ona ko te afi o Tou alofa te la e ave keatea a te fia moe mai i mata o Au tino filifiligina mo Au fagasele, kae mai i luga foki o masausauuga mo tavaeega a latou mo Koe i te itula o te vaevao, o fakapatino mai au pe la mo latou ko oti ne maua ne latou a te mea te la ko oti ne aumai ne Koe i Tau Tusi kae fakaasi e auala atu i Tou finagalo. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, toku Aua, ona ko te mainaaga o Ou mata te la mai i ei ne futi maalosi a tino ke fakapili atu kia Koe ke fetaui mo te mae o Au fakatonuuga, a ko latou ko la e piki-mai kia Koe o fakasaga atu ki pelu o Ou fili i Tou auala, ke tusi ifo ki lalo i Tau Pene tafasili i te maluga mo au a mea ko la ko oti ne tusi ne Koe mo latou fakamaoni mo latou flifiligina. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, ko te Toe Tafasili i te Mafi, ko te Toe Tafasili i te Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Au e akai totuli kia Koe, O toku Atua, ona ko Tou Igoa te la mai i ei ne fakasalalau ne Koe a te kalaga ki Au fagasele, mo latou ko la ko oko loa i te fia oko atu kia Koe, mo tagi a latou ko la e fiafia ona ko te pili atu o latou kia Koe, mo te tagitagi o latou ko la e piki-mau kia Koe, kae mai i ei ko oti ne fakataunu ne Koe a manakoga, ona ko Tou alofa mo Au mea-alofa, kae ona ko Tou Igoa ne fanaka i ei a te vasa o te fakamagalo i Ou mata, mo kaumana o Tou alofa-lauefa ko to ifo pe la me se vaiua iluga i Au tavini, o tusi aka ki lalo ko tino takitasi katoa ko la ko oti ne fuli atu kia Koe, kae tautali ki te Anapogi ne fakatonu mai ne Koe, a te taui mo latou ko la e se tavili vagana ko fakasaoloto ne Koe, kae ne fakaseai katoa a mea a latou ona ko Tou auala mo te alofa kia Koe.

Au e akai totuli kia Koe, O toku Aliki, ona ko Au failoga, mo Au fakasiiga manino, mo te mainaaga sulu o te Fetu Ao o Tou Gali, mo Ou Kaula, ke solo keatea a agasala a latou ko la ne piki-mau ki Au tulafono, kae tautali ki te mea ko oti ne fakasino ne Koe mai I Tau Tusi. E lavea ne Koe au, O toku Atua, e taofi ki Tou Igoa, ko te Toe Tafasili i te Mana, ko te Toe Tafasili i te Maina, te Toe Tafasili i te Mafi, ko te Toe Tafasili it e Lasi, ko te Toe Tafasili i te Maluga, ko te Toe Tafasili i te Silisili-ese, kae piki mau ki te kapa o te gatu te la ne piki katoa ki ei a tino i te lalolagi nei mo te lalolagi ma vau.

Tavaeega e io Koe, O te Aliki toku Atua! Au e fakatagi kia Koe ia Ia Tela ko Koe ko oti ne kalaga ke faka fuaitino mai, Tela a te Fakaasiiga ko oti ne fakaeke ne Koe me ko Tau Fakaasiiga totino mo Tena Mea Funa ko fai me ko Tau Mea Funa totino. Auala atu i Tena Tomua ko oti a Koe ne fakapatonu mai ki Tou Tomua, kae auala atu i Tena Fakamuli ko oti ne fakapatonu mai a Tou Fakamuli totino. Mai i te maalosi o Tena mafi mo te pokotia o Tena nofoaiga-faka-aliki a te mafi ko oti ne taofi a Tena pulega, kae auala i Tena matagofie a latou ko la e fonu i te pule ko oti ne fakapatino mai a Tou afioga mo te takutakua. Auala atu i Tena fanaka ki luga silisiliese a Tou nofoaiga-faka-aliki mo te malo akuku fakatasi ko oti ne iloa, kae auala atu i Tena fingalo ko Tou finagalo totino ko oti ne fakaasi. Auala atu i te mainaaga o Ou mata a te gali o Ou mata totino ko oti ne sulu atu kia mua, kae auala atu i Tena Fakatokaaga a Tau Fakatokaaga totino ko oti ne fai ke laveagina. Auala atu i te maalosi fakasolo o Tena faipatiiga a te lalolagi katoa ko oti ne fai mo fai a mea e maua ne ia a failoga gali mo alofaga o Tena nofoaiga-faka-aliki, mo lagi ko oti ne fakafonu ki luga i fakaasiiga o Tou afioga e se fakatusagina, ako kogaa-tai ko oti ne fakamaumea ki penina mana o Tou poto mo te atamai, ako lakau ola ko fakafonu ki fuaga-lakau kaina o Tou poto. Auala atu ia Ia a mea katoa ko oti ne pese atu Ou tavaeega, ako mata katoa ko oti ne fuli i te auala o Tou alofa-fakamagalo. Auala atu ia Ia a mata o latou katoa ko oti ne fakatonu ki luga i te gali o te mainaaga o Ou mata, ka ko agaaga ola o latou katoa ko oti ne fakapale ki fakaasiiga o Tou mataefa faka-te-lagi.

E pefea a te lasi o Tou maalosi! E pefea a te maluga o Tou nofoaiga-a-aliki! E pefea a te matagofie o Tou mafi! E pefea a te silisii o Tou afioga! E pefea a te tafasili i te maluga o Tou matagofie – kote matagofie te la ko Ia ko Tau Faifekau ko oti ne fai ke iloa kae ko oti ne fakamaumau ia Ia me ko te failoga o Tou alofa-kaimalie mo alofaga maukoloa. Au e fai mo molimau, O toku Atua, me auala atu ia Ia ko Au failoga tafasili i te malifalifa ko oti ne fakakasi aka, ka ko Tou alofa fakamagalo ko oti ne siomia i ei a te foafoaaga katoatoa. Kae mo Ia, e mafai pefea ne te Lupe o te Lagi o pese atu ana pese io me ko Naitinikale Faka-te-Lagi, e pe la mo te pule a te Atua, ko oti ne pese atu a tena sikugaleo?

Au e molimau me e se leva i te vauuga a te Muna Muamua loa, mai i te maalosi o Tou finagalo mo te pogai, mai i Tena gutu, mo te Kalaga Muamua ko oti ne fanatu mai i Ona laugutu kae mafuli a te foafoaaga katoatoa, mo mea katoa i lagi mo mea katoa i te lalolagi ne fakagasue ki te pokooga o latou. Mai i te Muna tena a mea tonu mo mea faiite katoa ne gasusue, ne mavaevae, fakamavae, maofaofa, fusitasi kae tuku fakatasi, e fakaasi mai i ei, i te lalolagi se-tumau tenei mo te maalosi i te lagi, a fuaitino o te foafoaaga fou, e fakaasi mai i ei, i lalolagi e se-lavea a failoga mo alofaaga o Tou fakatasitasi mo te tafatasi. Mai i Tau Kalaga tena ne fakasalalau atu ki au Tavini katoa a te pili o oko mai o te Fakaasiiga tafasili i te lasi mo te sae mai o Tau Fakatokaaga tafasili Ii te tonu katoatoa.

Ne seki leva a te Fakaasiiga ne folafola mai ki mata o tagata kae sae mai a failoga o te se fealofani i vasia o tino o te lalolagi, kae seai se nofo-toka i tino i te lalolagi mo te lagi, ka ko gasuesue katoa a fakavae o mea katoa. A te maalosi o te seai se-fealofani ne sae mai ki tua, ko te uiga o te Muna ne mafola atu ki tua, ka ko atomu katoa taki tasi i loto i mea faiite katoa e manakomia a tena iloga mo te uiga fakakese. A mone ne faiite ke ka ulaula ki luga, ka ko fiafiaaga o te Palataiso ne fakasae atu ki mata o tagata, kae faka-fanoanoa kia ia te la e tu fakamatamata mai ia Koe, kae e se talitonu ia Koe kae fakaloi ne ia Au failoaga i te Fakaasiiga tenei te la a mata o latou e teke ko fuli ki te uli ako mata o latou ko la e fai ne latou a te mea tonu ko fuli ki te kena, O ko Koe ko te Pule o igoa mo uiga llei katoa, Tela e puke i Tau pule a te maalo o so se mea ko oti ne faiite i te lagi mo te lalolagi!

Tavaeega e io Koe, tena la, O toku Atua – a tavaeega a Koe ko oti ne fakasino kia Koe Totino tonu, kae e seai vagana ko Koe e mafai o iloa io me o atafia. A Koe ko Ia, O ko toku Aliki, Tela ko oti ne fai ke iloa a Tena Tino Tonu kia aku i te taimi ko Au tavini ko se maua ne latou o lavea a Koe – tavini ko la, ona ko sokooga e fusi tasi i ei a latou kia Koe, ko oti ne pulepule i luga ia latou katoa i te lalolagi kae ko oti ne mitamita a latou i luga i tino. Moi fai au, O toku Atua, e exsasaisi mai i te mata ote pole ki sua pole tafasili i te maluga i luga i te lalolagi, kae moi fai au e tuku mai a maumea katoa kola i loto, kae moi fai au e fakamaumau a latou i Tou auala, koi tumau loa ate seai lele soku maalosi o ko atu ki te tulaga tenei, vagana au ne fesoasoanigina kae fakamaalosi ne Koe. Kae moi fai e talosaga au kia Koe, O toku Atua, ki te tumau o te matagofie o Tou afioga ke tumau fakatasi mo te pokotia o Tau nofoaiga-faka-aliki, a tavaeega pena e se-mafai o fakatusa mo se isi tavaeega tela a Koe, pela me se alofaga o Tou alofa-kaimalie, kae mai iei a Koe ko oti ne fai mai kia au ke sisi ki luga Ou uiga llei. Kafai e tena ate gali mote llei ote tasi o tavaeega o Koe tela ko oti ne akoako mai au ne Koe, e pefea ate se fuafuagina ite lasi atu e ttau ate gali o te tulaga o te Tokotasi Tela ko oti ne iloagina a Koe, Tela ko oti ne ulu atu ki Tou Nofo-mai, ka tautali fakamaoni ki te auala o Tau Fakatokaaga!

Ko oti ne atafia ne au fakallei, kae ko au foki pe la me ko talia katoatoa ne au, ia Koe mai i te vavau loa e se-fuafuagina a te maluga mai i luga atu o mea katoa, kae ka tumau ki te favavau o nofo atu mai i luga o te fakatau a Au mea ola faiite. E seai e mafai o fai ne tavaeega e tau mo Koe vagana ko Koe i Tou Tina Tino tonu loa, io me ko latou ko la e pau mo Koe. A Koe ko oti a Koe, e tonu, i taimi katoa, kae ka tumau pena ki te favavau, e se fuafuagina a te fakamaluga mai i luga atu i mea katoa e fakatusa io me e pau mo Koe, mai i luga atu o te mafaufau o te pau io me ko te fakatusa. Ko oti i ei, tena la, ne laveagina a Koe me ko te Tasi Tela ko se-fakatusagia, mo Tena natula e seai e maua o nofo mo ia, e iloa fakalei aka loa aunoa mo se falotolotolua i so se tino te la e tavae a Koe a tena tavaeega e tau fua ki se isi te la foki e pau mo tena natula, kae e isi foki ne ana fakatapulaaga, kae e se-mafai lele o fakamatala fakalei a te maluga o Tena nofoaiga-faka-aliki, io me o sasale ki te maluga o Tou afioga mo te mana. E pefea a te suamalie, tena la, ko te tavaeega o Koe e tuku atu ki Tou Tina Tino tonu loa, mo te fakamatalaga e kave ne Koe ki Tou Tina Tino tonu loa!

Au e molimau, O toku Atua, ia Koe ko oti, mai i te favauvau, ne tuku ifo ki lalo i Au tavini e seai aka foki na loa ko mea ko la e fai ne latou ke lele ki luga kae fakapilipili atu kia Koe, kae olo aka ki luga i te lagi o Tou tafatasi tafasili i te maluga. Ko oti ne fakatu ne Koe a Ou tapula i vasia o latou, kae fakaeke ia latou ke tu ki luga i vasia o Au mea ola faiite pe la mene fakamaoniiga o Tau fakamasinoga-tonu mo failoga o Tou alofa-fakamagalo, kae fai pe la me ko te olo-maalosi o Tau puipuiiga i vasia o Au tino, ko te mea ke seai lele se tagata i Tou lalolagi e soli-tuakoi ki tena tuakoi. E pefea a te lasi o te fakamanuiaaga o ia, ona ko tena alofa mo Tou gali mo Tou fiafiaaga, e tataofi a manakoga o te faitogafiti kae tautali ki akoakoga ko oti ne fakamoe mai ne Tau Pene tafasili I te taua! A Ia, I te tonuuga, e lau mo latou ko oti ne maua a mea lei katoa, kae tautali ki te auala o te takitakiiga.

Au e akai totuli kia Koe, O toku Aliki, i Tou Igoa te la ne faka-mafai i ei ne Koe a Au tavini mo Ou tino ke iloa ne latou a Koe, te la mai i ei ne futi atu ne Koe a loto o latou kol a ko oti ne iloa ne latou a Koe ki kogaa-koga o Tou tafatasi malifalifa, mo agaaga ola o Au fagasele ki luga i te Aso Kamata o Tou fakatasitasi, - Au e akai totuli kia Koe ke talia ko au ke maua se feasoasoani ke tautali ki te anapogi katoatoa ona ko Koe loa, O ko Koe Tela e fonufonu i te malu mot e matagofie! Fakamaalosi mai au, tena la, O toku Atua, ke lau fakatasi mo latou ko la ko oti ne piki mau ki Au tulafonomo akoakoga ona ko Koe tokotasi, olotou mta e piki mau ki Ou mata. A latou konei, e tonu, ko olotou uaina fua aka loa ko la ne puna mai i te gutu o Tau finagalo tafa muamua, te la ko tena mea inu piua o Tau kalaga gali fakaofoofogina, te la a te Vaitafe faka-te-lagi ko Tou alofa, ko te Palataiso ko te mataloa ki loto i Tou nofo-mai mo te fakatasi mo Koe. Aua ia Koe ko te Kamataga mo te olotou Fakaotiiga, ko te olotou Fakamoemoega Tafasili Ii te Maluga, mo te olotou Fakamoemoega Maluga. E segia a te mata te la e kilo ki luga i so se mea e se-fiafia a Koe ki ei, kae takamiomio a te agaaga ola te la e sala ki mea e olo kese mo Tou finagalo.

Fakasaoloto mai, O toku Atua, mai i Tou Tino totino mo mai ia latou, ke talia, mai i Tou alofa atafai mo Tou alofa-kaimalie, a galuega ko oti ne fai ne matou, e pefea loa e se oko aka ki te matagofie o Tou tulaga mo te maluga o te koga e nofo Koe iei. O ko Koe Tela e tafaga a te pele ki loto o latou ko la e finafinau kia Koe, mo te Fakagata-Masaki o agaaga ola ko oti ne lavea a Koe! Vaiua ifo ki lalo, tena la, ki luga ia matou mai i te lagi o Tou alofa-fakamagalo mo kaumana o Tou atamai matagofie a mea ko la ka fulu fakama a matou mai i se lailaiiga foititi ki loa o manakoga masei mo te faitogafiti, kae futi atu matou ke fakapilipili atu kia Ia Tela ko te Faifekau o Koe tafasili i te maluga kae matagofie silisiliese. A Koe, e tonu, ko te Aliki o te lalolagi tenei mo te sua lalolagi, mo te maalosi o fai a mea katoa.

Ke fakaamanuia ne Koe, O te Aliki toku Atua, a te Poini Muamua, Tela ko te poini ne faiite mai i ei a te foafoaaga kae mai i ei ne fai ke takamiomio a lalolagi o te lavea mo te lalolagi o te se-lavea, Tela ne fakatino ne Koe me ko te Tasi te la e tau o foki atu kia Koe, ona ko te Fakaasi o so se mea e fakaasi mai ne Koe. Fakamanuia atu foki a latou ko Au Tusi (His Letters) ko la e se fuli keatea mai ia Koe, kae ko oti ne fakatumau fakalei i Tou alofa, kae piki mau ki Tou fiafia-lei. Fakamanuia ne Koe, pena foki, ki se leva me e pefea a te leva o te nofo mai o Koe i Tou Tina Tino totino, a latou ko la ne pokotia ki ei a te mate faka-matulo i Tou auala. A Koe, e tonu, ko te Fakamagalo-Katoatoa, ko te tafasili ite Alofa-Fakamagalo.

E tena foki, Au e akai totuli kia Koe, O toku Atua, mai ia Ia Tela ko oti ne fakasalalau ne Koe kia matou katoa i Au Tapeleti katoa mo Au Tusi mo Au Peluga-a-Pepa mo Au Mataupu Silisili, auala atu ia Ia Tela ko maalo o igoa ko oti ne polepole, mo mea katoa ko la e nofo funa i olotou fatafata ko la ne tautali i olotou manakoga masei kae tiapolo ko oti ne fakaasi, - Au e akai totuli kia Koe ke fakamaalosi mai matou i te motou alofa mo Koe, ke fesoasoani ke faka-taugasoa ki Ana fagasele kae teke atu Ana fili. Puipui mai matou, O toku Atua, mai i te faitogafiti e fai ne latou kae faka loi a Tou nofo-mai, kae fuli keatea mai i Ou mata, kae fakaiku ia latou ke fakagata a Tou ola Tela ko te Faifekau a Koe ko Tou tina Koe ailoa.

O toku Atua mo toku Matai! E iloa ne Koe me ne fakamasiasi pefea ne latou a Tau Fakatokaaga kae faka-se-aava kia Koe i vasia o Au mea ola faiite, kae e pefea o fusi tasi mo Ou fili, ko te mea ke fakafoliki a Tau Fakaasiiga kae fakamasei a Koe. Taofi mua aka a latou ki te maalosi o Tou toasa mo te mafi, O toku Atua, kae fakaali a olotou amioga fakama mo olotou masei, ko sose mea e nofo lilo i olotou fatafata ke mafai o laveagina ki tino ko la e nofo i Tou laufenua, O ko Koe ko te Kave o tofotofooga, ko te Tufuuga o maalo, mo te Fakaeke o alofaaga! E seai se Atua vagana ko Koe, Ko te Matagofie Katoatoa, ko te Tafasili i te Alofa-maukoloa.

Tavaeega e io Koe, O te Aliki toku Atua! A laulaufaiva o mea faiite katoa e molimau ki Tou nofoaiga-faka-a-aliki mo Tau pule-katoatoa, kae fakasalalau atu ki toku mativa mo toku puapuagatia manafai ko mata ki mata mo fakaasiiga o Tou maumea. Kilo, O toku Atua, na la, ki luga ia ia agasala te la a tena taumata, i taimi katoa, e tuku tonu loa ki luga i te kamataga o Tau fakamagalo, mo ona mata ko oti ne ofe ki luga i te sikulagi o Tou alofa atafai mo Au mea-alofa.

Talu mai I te aso ko oti ne faiite ne Koe au mai i Tau fakatonuuga, O toku Atua, kae fago aka mai i luga i te matagi ili malielie O Tou alofa fakamagalo atafai, ko oti ne se talia ne au o toe fuli atu kise isi aka na ko Koe, kae ko oti, mai i te maalosi o Tou nofoaiga-a-aliki mo Tou mafi, o tu ki luga o faka agai atu Ou fili, kae ko oti ne kalagagina ki tino katoa ki te matafaga o te vasa o Tou tafatasi mo te lagi o Tou fakatasitasi matagofie silisiliese. Ko oti ne sala ne au, i oku aso katoa, ke se leoleogina au mai i te masei o latou soli tulafono i vasia o Au mea ola faiite, kae ke saga au o fakamaluga a Tou igoa i vasia o Au tino. Ko oti au, tela la, ne puapuagatia ise tulaga e seki oko aka loa ki ei a se isi o Au mea ola faiite.

E fia aso, O toku Atua, ne fakamaumau ne au i se tulaga tafasili i te nofo tokotasi mo latou soli tuakoi i vasia o Au tavini, kae e fia foki a po, O taku Fagasele, ne takato fakapagota i lima o latou masei i vasia o Au mea ola faiite! I te kogaloto o oku fakalavelave mo tigaina ke tumau au o fakamanatu Ou tavaeega mai i mua o latou katoa i te lagi mo i luga i te lalolagi, kae e seki fakagata loa a te fakamalugaga a Tou matagofie gali i maalo o Tau Fakaasiiga mo Tau Foafoaaga, e uiloa a mea katoa ko la ne mafai ne au o fakaasi e tai tato i te lauefa mo te afioga o Tou tafatasi, kae e se taulia atu ki Ou taveega mo Tau pule katoatoa.

Au e tauto i Tou matagofie, O ko Koe Tela ko te tokotasi Fagasele! Au se leai loa i mua o kogaa-koga nofo o Tou matagofie tafasili ite takutakua. I taimi katoa e taumafai au o fakamaluga a se uiga llei e tasi o Koe, a toku fatu e taofigina ne ia au, aua e seai aka foki na ko Koe e mafai o lele ki te ea o te maalo o Tou nofo-pili-mai, io me o fakatale atu ki te lagi o Tou nofo-mai.

A Tou mafi e fai mo aku molimau! Au e iloa fakalei ne au me kafai e ifo aku mai mua o se lima e fonu i pefu, mai i taimi nei ke oko ki te fakaotiga te la e seai sena fakaotiiga, o fakamailoga a te vasia o Tou igoa, ko te Tufuuga, e koi tumau loa a toku mao mai i te pefu, kae e se kafi ne au o fakapilipili atu ki ei, kae e maua ne au i se fakaava penei e se tau ki ei, io me me ko sopoia atu i fakatapuga ko la ko oti au ne fakatulafono ki ei. Kae moi fai au e tu ki luga o talai a se isi o Au tavini, kae ke faitali i tena mataloa ki se leva te la a Tou maalo e ola i ei mo te leva o Tau puleega maluga, pe la se fakaasiiga o te sokoga e fusi i ei a ia ki Tou igoa, ko te Tufuuga, e pena foki au, - kae e fai a Tou matagofie mo fai aku molimau, - ko oti ne fakaasi tonu atu a toku takavale lele o avatu kia ia a te tavini e lava, mo toku , se-lava o fai a te mea e tau ki tena tulaga. Mo te pogai tenei aua e lavea ne au ia latou a te seai lele eloa vagana ko te sokoga te la e fusi ia latou ki Ou igoa mo Ou uiga gali. E mafai, na la, mo se tagata o manumaaloo fakamaluga fakallei a te Tasi e auala atu i te gasuega o Tena maikao a igoa katoa mo te olotou maalo ka kalagagina ke tumau, kae ko uiga lei katoa i te olotou maalo ne faiite, a ko Ia, mai i sua gasukega o te maikao tena, ne fusitasi a mataimanu ko te B mote E (BE) kae laga tasi a latou, e fakaasi i ei a mafaufauga tafasili i te maluga o Au tino filifili ko la e fiafia ki te pili o latou kia Koe kae e se maua ne latou o maina i ei, kae ko te atamai pooko o latou o Au fagasele ko la e mautakitaki kia Koe e seai se maalosi o fakatau ki ei.

Au e tauto ki Tou matagofie, O ko te Fagasele o toku agaaga ola! Au e numi manafai au e mafaufau ki aofaga o Ou tugalima, mo fakamanoiiga o Tou mafi, kae maua aka ia au a te se-mafai lele loa o fakamatala a te feitu lilo o Au failoga pito-sili i te foliki, kae tafaga atu o iloa a Koe. Au e akai totuli kia Koe, na la, O toku Atua, i Tou Igoa te la ne fai ne Koe a tino katoa ko la e alofa kia Koe ke lele ki te ea o Tou finagalo, kae ko oti ne takitaki a latou katoa ko la e nau kia Koe ki loto i te Palataiso o Tou pili-mai mo Tou nofo-mai, ke agiagi mai i te lagi o Tou alofa-kaimalie a te manogi gali o te mautinoa tonu ki luga ia latou fakaalofa i vasia o Au fagasele, i aso konei a kaumatagi o tofotofooga ko pokotia kia latou mai i fetu katoa, kae pokotia atu kia latou mo te maalosi ko la a agaaga ola o tagata ko maua ne fakalavelave mo te fakavae o mea katoa ko polepole i mea ko la ne tuku ifo mo latou mai i te lagi o Tau pogai e se-mafaii o mafulifuli. A latou ne polepole kii i te mataku te la a te lamepa o olotou alofa mo Koe mo te masausau o Koe ko toka o fakaseai i manavaaga o olotou fatu. E maalosi a Koe o fai a te mea e fiafia Koe kiei. A Koe, e tonu, ko te Fakamgalo-Katoatoa, kote Tafasili i te Kaimalie.

E lagona ne Koe, O toku Atua mo toku Matai, ki pusiiga o manava o latou ko la e pele kia Koe, kae lagona mai i feitu katoa a olotou tagi, ona ko mea ko oti ne oti ne siga ki luga ia latou i lima o latou o olotou loto ko oti ne fakaseai mai iei ate manogi suamalie o Tou alofa. E seai aka e mafai o faka-taugasoa io me o lago kia latou, io me se isi mea e palegina a olotou fili mai i te fakamae o latou. Aunoa mo se fakalave, e fai ne latou a te mea e manako latou ki ei, kae fai foki kia latou pe la mo te mea e fiafia latou kiei.

Tuku atu na la, O toku Aliki, a mea fakaofoofogina o Tou feaoasoani ki Au fagasele, kola e seki sala ki se isi feasoasoani aka na ko Koe, kae e seki fuli atu ki se isi tino na loa ko Koe kae ko olotou mata ko nofo faktalitali ke lavea a mea fakaofoofogina o Ou alofaaga mo Au mea-alofa. Ke iai se alofa, tena la, i luga ia latou, O toku Atua, mai i luga i alofaaga o Tou alofa fakamagalo e se fakatusagina, kae fakamalu a latou i loto i te puipui-olo o Tau puipuiiga mo Tou alofa-kaimalie. A Koe ko te Tokotasi, O toku Aliki, Tela mai i te vavau ko fai mo te Lafitaga o latou ko la e mataku, mo te Puiiga o latou ko la e faka-alofa. Sa taofigina, au e akai totuli kia Koe, mai i mea ola e se-maalosi, a alofaga mo te kaimalie o Tou alofa mataefa e se faka-nafagina, kae e se liakina a latou ki te alofa tauanoa o latou ko olotou uiga tonu ko oti ne faiite mai ite afi o Tou kaitaua mo Tou ita, kae e seki maua aka loa ne latou a te manogi gali o te atafai mo te fai-mea-tonu, kae ko la ne numi kii i te fakaloiloi o te lalolagi ko ala i ei o se-talitonu ki Au fakamaoniiga, kae fusi tasi mo Koe, ko fakaloi Au failoga, kae maligi atu a toto o latou ko la e pele kia Koe, kae ko oti foki ne fakatalitonugina ne Koe. Au e tauto i Tou mafi, O taku Fagasele! A latou ko oti ne iku ki mea ko la e seki aka loa se tagata mai mua ko oti ne fakaiku ki ei, te la la ko maua tonu ne latou a Tou kaitaua mo te velaaga o Tou ita. Taofi atu a latou mai i te maalosi o Tou nofoaiga-a-aliki, kae fakatonu mai i luga ia latou, vagana ke foki atu a latou kia Koe, kae ulu atu mai i lalo o te ata o Tou alofa-kaimalie, kae e fakamagalogina ne Koe. Ko oti a Koe mai i te vavau e maluga atu i mea katoa, kae ka tumau pena ki te favavau. A Koe, e tonu, ko te Mafi-Katoatoa, ko te Tafasili ite Maluga, ko te Fuafuatau, ko te Atamai-Katoatoa.

E matagofie e ia Koe, O te Aliki toku Atua! Kilo a Koe ki luga I te tokotasi ko oti ne faka-se-gina, te la ko logofio ne logomae mai latou teke i vasia o Au mea ola faiite mo tino se fakalogo i vasia o Ou fili, e ui a ia ko oti ne se talia o manava i se manavaaga e tasi vagana e aumai a Tau faka-saolotooga mo Tau ikuuga. Au e takato e moe i luga i toku moega, O toku Atua, kae poi aka, a te matagi ili malielie o Tou alofa atafai mo Tou alofa kaimalie ko agi mai luga ia au kae ala i ei au auala atu i te maalosi o Tou nofoaiga-a-aliki mo Au mea-alofa, kae fai atu kia au ke tu au ki luga i mua o Au tavini, ke fai atu Ou tavaeega o Tou nofoaiga-faka-aliki kae faka-mana a Tau muna. Mai taimi tena a tau lasiiga o Au tino ko kaitaua kia au. Au e tauto i Tou matagofie, O toku Atua! E seki mafaufagina ne au me ia latou ka fakaasi mai a uiga pena, aua e iloa ne au me ia Koe ne fakasalalau ne Koe a te Fakaasiiga tenei kia latou i Kofuuga a Pepa o Au fakatonuuga mo Tapeleti o Tau ikuuga, kae ko oti ne fakafeagaiiga mo Latou e uiga mo te talavou tenei i muna katoa ne tuku ifo ki lalo ne Koe ki luga i Au mea ola faiite mo Ou tino.

Au e segi, tena la, O toku Atua, kae e seiloa o fakaasi oku uiga kia latou. I taimi katoa e taofi ne au a te filemu, kae e fakagata a te fakamaluga a Ou uiga gali, a Tou agaaga e fakaoso ne ia a toku tagi mai i mua ia latou katoa ko la i luga i Tou lagi mo latou katoa i luga i te lalolagi; ako taimi katoa au koi tumau, a manavaaga e agiagi mai i te feitu fakaata-mai o Tou finagalo mo te tavini e vau i luga ia au, kae fakagasuke au ki luga, au pela me se lau lakau e takato i te alofa-fakamagalo o te matagi o Tau ikuuga, kae ko kavegina keatea ne so se mea e fakasaoloto ne Koe io me e fakatonu ne Koe. A tagata katoa o te iloa atamai te la e mafaufau ki mea ko oti ne fakaasi atu ne au, e fai pe la i Tau Fakatokaaga e se io i oku lima, kae i Ou lima, kae ka iloa i te pulega o te maalosi e se nofo i taku pule kae i te Tau pule, kae e nofo tulafono i te mafi o Tou nofoaiga-a-aliki. Kae e uiloa, e lavea ne Koe, O toku Atua, a tino o Tou lalolagi ko fakatasi o teke mai kia au, kae fakamae kia au i minute katoa o toku olaga a mea ko la e fai ne latou a mea tonu o Au tino filifilia mo tino fakatuanaki ke polepole.

Au e akai totuli kia Koe, tena la, O toku Atua, mai i Tou Igoa te la ke takitaki ne Koe Au fagasele ki te vai ola o Tou alofa atafai mo Ou alofaaga, kae e fakapilipili atu a latou ko la e nau kia Koe ki te Palataiso o Tou pili-mai mo Tou nofo-mai, ke tala aka a mata o Ou tino ko te mea ke iloa i Tau Fakaasiiga o faifekau o Tau fakatasitasi tafasili i te maluga, mo te kamataga o molii o Ou mata mo Tou gali. Fulu aka a latou, tena la, O toku Atua, mai i fakatau fakasupasupa katoa mo mafaufauga e seai ne aoga, ko latou ke mafai o manava atu ki te manogi gali o alofaga se lausia o Tou alofa-fakamagalo, ko la e agiagi i aso o Ia Tela ko te Faifekau o Koe, mo te Aso-Kamata o Tau Fakatokaaga, ko te mea ke se mafai ne latou o fai a mea ko la ka fakaoso ne latou a Tou toasa mo te kaitaua.

E iloa lei ne Koe, O toku Atua, ia Au e iloagina me se tokotasi o tino o te Bayán, kae fesokotaki mo latou i te alofa mo te fakatasitasi, kae kalagina atu a latou kia Koe i taimi o ao mo te po, mai i luga i mea fakaofoofogina o Tau Fakaasiiga mo Tau fakamaalosiiga, kae fakatummau i lima o pagota o fakai lasi o Tau mea ne faiite e seai se maalosi o toe masaua. Au e tauto ki Tou mafi, O taku Fagasele! I tafa taeao katoa e ala au o maua ne au ia au ne faiite pe la me se taketi ki matasana o te olotou loto masei, a ko po katoa, mafai ko takato au ki lalo o malolo, e maua ne au ia au ko to ki tao-velo o te olotou kaitaua. E uiloa ko ti ne fakailoa mai ne Koe a mea lilo o olotou loto, kae faka-tulaga au mai i luga o latou, e se talia ne au ke sukesuke ne au a olotou mea ne fai kae ne saga au kia latou mo te onosai, kae masaua faeloa a te taimi ko oti ne fakanofo ne Koe. Kae kafai a Tau feagaiiga e oko mai o taunu, mo te taimi ko fakataunu, ne avaka ne Koe ki luga ki se mao e se-iloa, a te veli o funaaga, kae poi aka, a pagota katoa o maalo o Tau Fakaasiiga mo Tau foafoaaga ne gasue kae polepole, vagana ko latou ko la ne faiite ne Koe, mai i te afi o Tou alofa, mo te manavaaga o Tou finafinau, mo te vai o Tou alofa-kaimalie, mo te fatu o Tou alofa-atafai. A latou konei ko latou ko la ne fakamana ne te Lukuuga mana mai i luga mo tino o Fakai Lasi mai i te favavau.

Au e avatu a tavaeega kia Koe, na la, O toku Atua, aua ko oti ne tausi ne Koe a latou ko la ko oti ne fakapatinoa a Tou fakatasitasi, kae ko oti ne fakamasei a latou ko la ke oti ne fusi tasi mo Koe, kae ko oti ne vae a latou taki tasi mai i sua tino e auala mai i te muna te la ne vau mai i te gutu o Tou finagalo, kae tafe ifo ki lalo mai i te pene o Tau galuega. Tela la Au tavini ko oti, ko la ne faiite mai i te muna o Tau fakatonuuga, kae faigina ne Tau finagalo, e fatufatu mai kia au, kae teke maalosi kia au ko fakaloi i ei ne latou a Koe, kae se talia au failoga kae ko oti ne tu aka ki luga o teke a Koe.

A Tou matagofie e fai mo aku molimau, O taku Fagasele! A Taku pene ko seai se maalosi o fakamatala a mea a olotou lima ne fai o teke a Ia Tela ko te Faifekau o Tau Fakatokaaga, mo Aso-malulu o Tau Fakaasiiga, mo te Malumalu o Tau faka-malosiiga. Mo mea katoa konei e avatu ne au kia Koe a tavaeega. Au e tauto ki Tou matagofie, O toku Atua! A toku fatu e naunau ki mea ko oti ne fakaeke aka ne Koe i te lagi o Tau ikuuga mo te maalo o Tau fakasoasoaaga. Me i sose mea e pakuu ki luga ia au i Tou auala ko te fagasele o toku agaaga mo te koulu o toku manakooga. A te mea tenei, i te tonuuga, e tau o fakasino ki te seai aka foki na ko Tou maalosi mo Tou mafi.

Au ko te tokotasi, o toku Atua, te la, mai i luga i te alofa e nofo mo au kia Koe, ko oti ne fakaseai mo mea katoa ko la i te lagi mo te lalolagi. E fakatau au ki te alofa tenei, e seai se tokotasi, e uiloa ko tino katoa o te lalolagi ko fusitasi o fakamae au. O, ko toku toto e mafai, i te taimi tenei, o maligi i luga i mata o te lalolagi mai i mua o Koe, kae ka se lavea ne Koe au i te tulaga te la ko lavea ne Koe Au tavini ko la ko oti ne fakapilipili atu kia Koe, mo latou o Au mea ola faiite amiotonu ko la ne fili ne latou a Koe!

Au e avatu kia Koe a fakafetai, O toku Atua, aua ko oti ne iku ia Koe mai I te maalosi o Tau ikuuga, kae ka tumau o fakaiku mai i Tau filifiliiga mo te pogai. Au e akai kia Koe, O taku Fagasele, mai i Tou Igoa e auala atu ia Koe ne sisi ki luga a failoga o Tau Fakatokaaga, kae ligi atu a te gali o te mainaaga o Ou mata, ke ave ifo ki lalo i luga ia au mo i luga i Au tavini ko la e fakatuanaki katoatoa kia Koe a mea lei katoa ko oti ne fakaeke aka ne Koe i Au Tapeleti. Fakatu aka matou, na la, i luga i nofoaga o te meatonu i Tou nofo-mai, O ko Koe i Ou lima ko te maalo o mea katoa!

A Koe, e tonu, ko te Mafi Katoatoa, ko te Matagofie-Katoatoa, ko te Tafasili i te Alofa-Fakamagalo.

(Te Tapeleti tenei e faitau i Tanu o Bahá’u’lláh mo te Báb. E faitaugina saale foki i fakamanatuga o te katoaaga o tausaga takitasi o La galo.)

Ko vikiiga ne tafe mai i Tou afioga tafasili i te malu, mo te matagofie e sulu mai i Tou Gali tafasili i te maina, e nofo i luga ia Koe, O Koe Tela ko te Faifekau o te Gali Silisili, e nofo i luga ia Koe, mo te Tupu o te Favavau, mo te Aliki o latou i te lagi mo te lalolagi! Au e molimau me mai i luga ia Koe a te nofoaiga-a-tupu o te Atua mo Tena maalo, mo te afioga silisili o te Atua mo Tena matagofie, ne fakaasi, a ko Fetu-Ao o te gali mai i te vavau ko oti ne oko atu te olotou mainaaga ki te lagi o Tau faka-tonuuga te la e se mafai o mafuli, a ko te Gali o te Se-lavea ko sulu maina mai luga atu o te sikuagi o te foafoaaga. Au e molimau, tena la, ite gasue malie o Tau Pene a Tau faka-tonuuga “Ke fai ne Koe” ko oti ne faka-maalosi, a ko te Mea-lilo a te Atua ko oti ne fakaasi, a ko mea faiite katoa ko oti ne kalaga-gina ke tu mai, a ko Fakaasiiga katoa ko oti ne tuku ifo ki lalo.

Au e molimau, tena, mai i Tou gali a te gali o te Faka-gasele Tokotasi ko oti ne fakaasi, kae mai i Ou mata a mata o te Manakoga Tokotasi ko oti ne sulu maina atu, te la mai i te muna mai ia Koe ko oti ne iku ia Koe i vasia o mea faiite katoa, gasue katoa latou ko la e fakatuanaki kia Koe ke olo atu ki te tumu o te matagofie, a ko tino agasala e to ifo ki te poko tafasili i te malalo.

Au e molimau ia ia te la ko oti ne iloa a Koe ko oti ne iloa a te Atua, a ko ia te la ko oti ne oko ki Tou nofo-mai ko oti ne oko atu ki te nofo-mai o te Atua. Lasilasi, te la la, a te faka-manuiaaga o ia te la e talitonu kia Koe, mo Au failoga, kae e fakamaulalo a ia i mua o Tou nofoaiga-a-tupu, kae faka-aloalogia a tena fetauiiga mo Koe, kae ko oti ne oko atu ki te fiafiaaga lei o Tou finagalo, kae tamilo faka-pukupuku ia Koe, kae e tu i mua o Tou nofoga-a-tupu. Faka-fanoanoa kia ia te la ko oti ne agasala kia Koe, ko oti ne fulitua mai ia Koe, kae faka-sea-aoga Au failoga, kae teke atu ki Tou nofoga-a-tupu, kae tu ki luga o teke atu kia Koe, kae fakaasi atu a te miita i Ou mata, kae fakase Au faka-talitonuuga, kae fulitua mai i Tau pulega mo Tou maalo, kae ko lau a ia mo tino agasala ko la olotou igoa ko oti ne tusi ne maikao mai Tau ikuuga iluga i Au Tapeleti mana.

Faka-agi, tena, i luga ia au, O toku Atua, mai i te lima taumatau o Tou alofa-kaimalie mo Tou alofa-atafai, a manavaga mana o Au alofaga, ko te mea ke ave ne latou au keatea mai ia au loa pe la foki mo te lalolagi ki te fale o Tou nofo-pilimai mo Tou nofo-mai. E maalosi Koe o fai a te mea e fiafia Koe ki ei. A Koe, e tonu, e maluga atu i mea katoa.

A te faka-masausauga o te Atua mo Ona tavaeega, mo te matagofie o te Atua ko Tena gali, e nofo i luga ia Koe, O ko Koe Te la ko Tena Gali! Au e molimau i te mata o te foafoaga e seki taumata aka loa ki se tokotasi ko oti ne fakase pe la mo Koe. A Koe ne galo ifo i aso katoa o Tou olaga mai lalo ote vasa o faka-lavelave lasi. I te taimi e tasi a Koe e saisai ki filifili mo sekelo; kae i sua taimi a Koe ne puapuaga i pelu-tau o Ou fili. Kae, e ui iei, ne fakatonu ne Koe a tagata katoa ke tautali i mea ko la ko oti ne fakaasi mai kia Koe ne Ia Te la ko te Iloa-Katoatoa, ko te Atamai-Katoatoa.

Ke fai a toku agaaga mo fai a taulaga ki mea see katoa ne pokotia a Koe i ei, mo toku agaaga ola (soul) ke pe la me se togi o mea faigataa katoa ne pokotia kia Koe. Au e akai totuli ki te Atua pela foki mo latou ko la olotou mata ko oti ne faka-maina ki te gali o te mainaaga o Ou mata, mo latou, ona ko te alofa mo Koe, ko oti ne tautali katoa kia mea ko oti ne fai atu kia latou, o fakaseai a veli kola e pono i te va o Koe mo Au mea faiite, kae ke aumai kia au a mea lei katoa o te lalolagi tenei mo te lalolagi ma vau. A Koe, e tonu, ko te Mafi-Katoatoa, ko te Tafasili i te Maluga, te Matagofie-Katoatoa, ko te Fakamagalo-Katoatoa, ko te Tafasili i te Atafai.

Fakamanuia ne Koe, O te Aliki toku Atua, te Lakau Ola Faka-te-Lagi (the Divine Lote-Tree) mo ona lau, mo ona kaula foliki, mo ona kaula lasi, mo ona lito foliki, pela foki mo ona somo ola, me pefea loa ate leva e tumau i ei a Ou igoa tafasili i te lei mo uiga tafasili i te maualuga. Puipui a te mea, tena, mai i te amio se lei o ia faitaua mo lukuuga o te masei. A Koe, e tonu, ko te Mafi-Katoatoa, te Tafasili i te Maalosi. Fakamanuia foki ne Koe, O te Aliki toku Atua, Au tavini mo Au tavini fafine ko ti ne oko atu kia Koe. A Koe, e tonu, ko te Maumea-Lauefa Katoatoa, Te la a Tena alofa e seai se gataaga. E seai aka se Atua na ko Koe, ko te Fakamagalo-Katoatoa, ko te Tafasili i te Kaimalie.

Au e molimau, O toku Atua, ia au ne faite ne Koe ke iloa Koe kae ke tapuaki atu kia Koe. Au e fakatalitonu, i te taimi nei, ki toku vaaivai kae ki Tou mafi, ki toku mativa kae ki Tou maumea.

E seai aka se Atua na ko Koe, ko te Feasoasoani i Mea Faigata, ko te Ola-fua ia Ia.

[Talo fakapitoa toetoe, e fai fakatasi i luasefuu ituala, i tutonu]

So se tino tela e talo, ke fulu ona lima, kae i taimi e fulu i ei ona lima, ke fai atu penei:

Faka-maalosi oku lima, O toku Atua, ke mafai o taofi a Tau Tusi mo te mautakitaki ko latou i te lalolagi ke seai se olotou maalosi i ei. Na la, puipui a ia, mai i te kosuuga a so se tino te la e se kau i ei. A Koe, e tonu, ko te Mafi-Katoatoa, ko te Sili i te Maalosi.

Kae e fulu ona mata, kae ke fai atu penei:

Ko oti ne fuli atu oku mata kia Koe, O toku Aliki! Fakamaina a latou i te moli o Ou foliga. Na la, puipui a latou, mo aa e fuli kise isi aka foki na ko Koe.

Ke tu a ia ki luga kae fuli atu ona mata ki te Qiblih (Te poini o te Fakamoemoega, te la ko Bahji, ‘Akka), kae fai atu penei:

E molimaugia e te Atua me e seai aka foki se Atua na ko Ia. Ea Ia a maalo o Fakaasiiga mo te faiiteega. A Ia, i te tonuuga, ko oti ne fakaasi a Ia Tela ko te Puna-Vai o te Fakaasiiga, Tela ne sautala i luga ia Siona, mai i ei a te Kiloga Tafasili i te Maluga ko oti ne sulu atu, ka ko te Lakau Ola (Lote-Tree) te la mai i ana tua seai se tino e mafai o fano i ei ko oti ne faipati, te la e ui atu i ei a Ia te la Tena kalaga ko oti ne fakasalalau atu kia latou katoa ko la i te lagi mo te lalolagi: “Kilo, a te I-ai-Katoatoa ko vau. Te lalolagi mo te lagi, te gali mo te malo sili e a te Atua, te Aliki o tagata katoa, mo te Pule o te Nofoga Aliki maluga mo te lalolagi i lalo!”

Ke ifo a ia ki lalo, mo ana lima i luga i ona tulivae, kae fai atu penei:

E maluga a Koe mai luga i aku tavaeega pe la foki mo tavaeega o so se tino i oku tafa, mai luga i aku faka-matalaaga mo tavaeega a latou katoa ko la i te lagi mo latou i te lalolagi!

Ko tu a ia mo ana lima e mafola, ana alofilima e fakasaga ki ona mata kae fai atu penei:

Sa fanoanoa, O te Atua, a ia te la ko oti, mo maikao e akai totuli, e piki ki luga i te kafanoa o Tou alofa-kaimalie mo Tou alofa-atafai, O ko Koe Tela e fakaasi a te alofa–kaimalie ko Toe Alofa-Kaimalie katoatoa!

Ke sagasaga a ia ki lalo kae fai atu:

Au e molimau ki Tou fakatasitasi mo Tou tafatasi, ia Koe ko te Atua, te la e seai aka foki se Atua na ko Koe. Ko oti a Koe, e tonu, ne fakaasi a Tou Talitonuuga, fakataunu a tau Feagaiiga, kae tala ke matala a te mataloa o Tou alofa-kaimalie kia latou katoa ko la i te lagi mo te lalolagi. Fakamanuiiaga mo te filemu, fakatalofaga mo te matagofie, e i luga i Au fagasele, ko la a mafulifuliiga mo avanoaaga o te lalolagi e seki mafai o fai ko latou ke mafuli keatea mai ia Koe, kae te la ko oti ne fakapalele a olotou maalosi, i olotou fakamoemoega ke maua ne latou a te mea te la ia Koe. E tonu ia Koe ko te Faka-magalo-Katoatoa, ko te Maukoloa-Katoatoa.

(Ilo a te talo loa, kafai se tino e fili ke fai ne ia a muna konei:

“Te Atua e molimau me e seai aka foki se Atua na ko Koe, te Fesoasoani i Fakalavelave, te Ola-fua-ia-Ia” ko lava i ei. E pena foki, e lei mafai a ia, koi sagasaga, kae fili ne ia o fai atu penei “Au e molimau ki Tou fakatasitasi mo Tou tafatasi, a ko Koe ko te Atua, kae e seai aka foki se Atua na ko Koe.”)

(If anyone choose to recite instead of the long verse these words: “God testifieth that there is none other God but Him, the Help in Peril, the Self-Subsisting,” it would be sufficient. And likewise, it would suffice were he, while seated, to choose to recite these words: “I bear witness to Thy unity and Thy oneness, and that Thou art God, and that there is none other God beside Thee.”)

[Ko te talo fakapitoa e se loko loa, ke fai i aso katoa, i te taeao, tutonu, mo te afiafi]

A ia te la e fai ne ia a te talo tenei, e tu a ia ki luga kae saga atu ki te Atua, i te koga te la e tu a ia, ke saga atu ona mata ki te faka-matua mo te fakamaui, pe la loa a ia e faitalitali ki te alofa-kaimalie o tena Aliki, te Toe Alofa-Kaimalie Katoatoa, te Alofa-Atafai. Ke fai atu ia penei:

Ko Koe Tela ko te Aliki o igoa katoa mo Ia Tela ne Faiite ne Ia a lagi! Au e akai maulalo kia Koutou Ko la Ko te Aso-Fou o Tou Uiga Tonu e se lavea, te Tafasili i te Maluga, te Matagofie-Katoatoa, ke talia a taku talo pe la me se afi e ka ne ia keatea a veli e pono ne latou au mai i Tou gali, mo te mainaaga te la ka taki ne ia au ki te vasa o Tou Nofo-mai.

Ke sisi ona lima ki luga ite agaaga talosaga ki mua ote Atua – fakamanuia kae fakamaluga a ia – kae fai atu penei:

O ko Koe Tela ko te Manakoga o te lalolagi mo te Fagasele a Malo! E lavea mai ne Koe au e fuli atu kia Koe, kae ko fakaseai ne au ate piki ki so se mea na loa ko Koe, kae piki mau ki Tou kafanoa, mai i ei a lalolagi katoatoa ne gasue ona ko ia. Au ko Tau tavini, O toku Aliki, mo te tama a Tau tavini. E lavea mai au e tu kae toka o fai a Tou finagalo mo Tou manakooga, kae e seai aka foki se mea e manako au ki ei vagana ko te mea e fiafia Koe ki ei. E fakamolemole au mo te aava kia Koe mai i te Vasa of Tou alofa-kaimalie mo te Fetu-Ao o Tou alofa-atafai ke fai mai ki Tau tavini a so se mea Tela e finagalo kae fiafia Koe ki ei. I Tou mafi e maluga atu i taviliga mo tavaeega katoa! So se mea te la e fakaasi mai ne Koe ko te manakoga o toku loto mote fagasele o toku agaaga. O te Atua, toku Atua! Sa kilo mai ki oku faka-moemoega mo aku mea e fai, kae kilo ki Tou finagalo tela ko siomia i lagi mo te lalolagi. Mai i Tou Igoa Tafasili i te Taaua, O Koe ko te Aliki o fenua katoa! E manako fua au ki te mea te la e manako Koe ki ei, kae fiafia fua ki te mea te la e fiafia Koe ki ei.

Ke totuli a ia ki lalo, kae ifo tena mualae ki te one, kae fai atu penei:

E maluga a Koe i so se faka-matalaaga, mo so se faka-munaaga na loa ko Koe.

Ke tu a ia ki luga kae fai atu penei:

Fai aka a taku talo, O toku Aliki, pe la me se vai o te ola e salisali ko te mea ke mafai ne au o ola ki te leva o Tou nofoaiga, kae ke mafai ne au o faipati a Koe i lalolagi katoa o Ou lalolagi

Ke toe sisi ona lima ki luga i te agaaga talosaga, kae fai atu penei:

O ko Tou mavae atu mai i loto mo agaaga ko liua, mo Tou alofa ko fai pe la me se afi ko faka-ka ne ia a te lalolagi katoa! E akai fakamolemole ki Tou Igoa ne auala mai i te taofiiga ne Koe a te lalolagi katoatoa, ke se taofi mai ia au a mea ko la ia Koe, O ko Koe e pule i tagata katoa! E lavea ne Koe, O toku Aliki, a ia kese tenei e fakavave ki tena fale mai i lalo o te malumalu o Tou afiooga te la ei i loto o Tou alofa-kaimalie; ko ia se fakalogo tenei e saala ki te vasa o Tau fakamagalo; a ko ia tafalalo tenei e saala ki te malae o Tou silisili ese; mo ia mativa tenei e fakapilipili atu ki Tou maumea. Ko Tau pati ko te fakatonuuga o so se mea te la e finagalo ne Koe. E molimau au ia Koe e tavaeegia i Au mea e fai, kae fakalogogina ki Ou manakooga, kae e tumau a te se mafai o taofiiga i mea e loto Koe ki ei.

Ke toe sisi ona lima ki luga, kae taku ne ia fakatolu a te Toe Igoa Tafasili I te Lasi (“Allah-u-Abha”). Ke toe ifo mo ona lima i luga i ona tulivae mai mua o te Atua – fakamanuia kae fakamaluga a ia – kae fai atu penei:

E lavea ne Koe, toku Atua, me ne fakagasue pefea a toku agaaga i loto i totooga o oku lima mo toku fuaitino, i te loto finafinau o ifo kae talo kia Koe, mo te manakoga lasi o masaua a Koe kae fakamaluga a Koe; me ne molimau pefea ki te laulaufaiva o Tau Fakatonuuga te la ko oti ne molimau i te malo o Tau faipatiiga mo te lagi o Tou poto. Au e fiafia, O toku Aliki, o akai kia Koe a mea katoa ko la ia Koe, ko te mea e fakaasi i ei a toku mativa, kae fakalasi a Tou mataefa mo Tou maumea, kae e mafai foki o fakaasi a toku vaaivai, kae fakaasi i ei a Tou maalosi mo Tou mafi.

Ke tu a ia ki luga kae sisi on lima fakalua ite agaaga talosaga, kae fai atu penei:

E seai aka foki se Atua na ko Koe, te Mafi-Katoatoa, te Uke-Katoatoa. E seai aka foki se Atua na ko Koe, te Fakaeke, i te kamataga mo te fakaotiiga. O toku Atua, toku Atua! Tau faka-magalo e faka-makeke ne ia au, ko Tou alofa-kaimalie ko oti ne fakamaalosi ne ia au a ko Tau kalaga ko fakatu aka ne ia au kae taki atu au kia Koe. Me koi au ke toa katoa o tu ite faitotoa o te fakai-lasi ote pili atu ki te nofo-mai o Koe, io me fuli atu oku mata ki molii kola ko sulu mai ite lagi o Tou finagalo? E lavea ne Koe, O toku Aliki, a ia seai se aoga tenei e potupotu atu i te mataloa o Tou alofa-kaimalie, pela foki mo te agaaga se tumau tenei e salasala ki te vaitaafe o te ola se gata mai mai i lima o Tou alofa. A Koe ko te fakatonu i taimi katoa, O Koe ko te Aliki o igoa katoa, a ko au ko te talia o te fakalogo ki Tau finagalo, O Ko Ia ne Faite ne Ia a lagi!

Ke isi ona lima fakatolu, kae fai atu penei:

E tafasili atu a te takutakua o te Atua ia latou takuatakua katoa!

Ke totuli a ia, kae ifo tena mualae ki te one, kae fai atu penei:

Ko to maluga katoa a Koe mo tavaeega a latou ko la e pili atu kia Koe ke mafai ne latou o olo atu ki te lagi o Tou nofo-mai, io me ko manueva o loto o latou ko la fakatuanaki kia Koe o oko atu ki te mataloa o Tou faitotoa. Au e molimau ia Koe ko oti ne faka-mana mai i luga i uiga lei mo uiga mana mai i luga i igoa katoa. E seai aka foki se Atua na ko Koe, ko te Tafasili i te Maluga, ko te Matagofie-Katoatoa.

Ke sagasaga a ia kae fai atu a ia penei:

Au e molimau ki te mea tela e molimaugia ne mea faiite katoa, i te Lukuuga Mana mai luga, fakatasi mo latou katoa mai i te Palataiso tafasili i te maluga, mai i luga atu i te Laulaufaiva o te Matagofie mai i te Sikulafgi tafasili i te matagofie-katoatoa, ia Koe ko te Atua, e seai aka foki se Atua na ko Koe, a ko Ia Tela ko oti ne fakaasi ko te Mea Lilo kae Funa, te Fakailoaga Taaua, te la mai ia Ia a mataimanu ko te B mo te E (Be) ko oti ne soko kae sui fakatasi. Au e molimau me ko Ia Tela Tena igoa ko oti ne fakavae ki lalo ne te Pene mai i te Toe Kogaa Koga Maluga, te la ko oti ne tusi i loto i Tusi a te Atua, ko te Aliki o te Nofoaiga-a-Tupu mai luga pela foki i lalo i te lalolagi.

Ke tu tonu a ia ki luga kae fai atu penei:

O te Aliki o mea katoa mo te Pule of mea katoa e lavea mo te se lavea! E lavea ne Koe oku loimata mo te pusi a toku manava, fakatasi mo te lagona o aku musuuga, mo aku tagi, mo te fanoanoa o tou loto. Mai i Tou mafi! A toku soli tuakoi ko taofi mai au mai i te fakapili atua kia Koe; a ko aku agasala ko taofi ne latou ke mao mai au i te fale o Tou mana. Tou alofa, O toku Aliki, ko maumea au i ei, a ko te motu o au mai ia Koe ko fakamasei ne ia au, pe la mo toku mao mai ia Koe ko tanumia au i ei. E akai au kia Koe i Ou kalafaga i te vao matua, mai i pati konei “Au tenei. Au tenei” ko la ne muagutugia ne Ou taugasoa filifilia ite vao matua tenei, kae mai i te manavaaga o tau Fakaasiiga, mo matagi iliili malie o te Vaveao o Tau Fakaasiiga, o fakaeke aka ke mafai ne au o kilo ki Tou gali kae tautali ki so se mea ko la i Tau Tusi.

Ke fai fakatolu ne ia a te Igoa Tapu, kae ifo ki lalo mo ana lima i luga i ona tuli kae fai atu penei:

Tavaeega kia Koe, O toku Atua, me ia Koe ne fesoasoani mai ke masaua a Koe kae tavae a Koe, kae ne fakaasi mai a Koe kia au Tela Ko te Aso-Kamata o Au fakailoga, kae fai ne Koe au ke ifo mai mua o Tou Aliki-a-Lagi, kae fakamaulalo au mai mua o Tou Atua-a-Lagi, kae masaua ia au a mea ko la ko oti ne faipatigia ne te Laulaufaiva o Tou gali kese.

Ke tu ki luga kae fai atu penei:

O toku Atua, toku Atua! Toku tua ko piko i te mafa o aku agasala, a ko toku se fakalogo ko fakamasei ne ia au. I so se taimi e mafaufau au ki aku mea se lei ne fai a ko Tou alofa, a toku fatu e liua i loto ia au, a ko toku toto ko velasia i loto i oku uaua. Ona ko Tou Gali, O ko Koe te Manakooga o te lalolagi! E mafuli a te lanu i oku mata o kilo atu kia Koe, a ko oku lima fia salasala ko taema mana fola atu ki te lagi o Tou alofa. E lavea e Koe, O toku Atua, i oku loimata ne taofi ne latou a te masaua ne au a Koe kae fakamaalosi atu o Ou uiga lei. O ko Koe te Aliki o te Nofoga-a-Tupu i luga mo te lalolagi i lalo nei! Au e akai fakamaulalo kia Koe mai i fakailoaga o Tou Maalo mo mea lilo o Tou Laufenua o fai ki luga i Au tavini fagasele a te mea tau ki Tou alofa, O te Aliki o mea katoa, kae te la e ttau ki Tou alofa kaimalie, O te Tupu o te lavea mo te se lavea!

Ke taku ne ia a te Toe Igoa Tapu faka tolu taimi, totuli mo tena mualae i te laukele, kae fai atu penei:

Tavaeega kia Koe, O toku Atua, me ko oti ne aumai kia matou a feitu e mafai i ei o fakapilipili atu kia Koe, kae ko oti foki ne tuku mai kia matou a mea lei katoa ko la ne aumai ne Koe i Au Tusi mo Au Tustusiiga Tapu. Puipui mai matou, e akai atu matou fakamaulalo, O toku Aliki, mai ia latou ko la fakasupasupa mo mafaufauuga se lei. A Koe, i te tonuuga, ko te Mafi, ko te Iloa-Katoatoa.

Ke kilo aka a tena ulu ki luga, kae sagasaga a ia, kae fai atu penei:

Au e molimau, O toku Atua, ki mea ko la ko oti ne molimaugia ne Ou Tino Filifilia, kae fakatalitonu ne latou ko la i te Palataiso maluga pe la foki mo te molimau a latou ko la ko oti ne tamilomilo ne latou a Tou Nofoaga-a-Tupu mafi. A malo o te lalolagi mo te lagi ea Koe, O te Aliki o lalolagi!

[The Long Obligatory Prayer - Ko te Talo fakapitoa loa, e fai faka-tasi i te luasefulu itula]

[“Ke iloa me i pati mo taaga katoa o te talo faka-pitoa e iai a faka-nofonofooga, mo feitu lilo ko la e seai se atamai o tagata e maua ne ia o iloa, io me ne pati mo tusi e mafai o faka-matala”—

‘Abdu’l-Bahá, Prayers, Meditation and the Devotional Attitude]

Ona a Koe ko oti, O toku Atua, ne fakatu a Koe I luga i te nofoaga-a-tupu o Tou fakatasitasi malifalifa, kae fanatu ki luga i te nofoaga o te alofa fakamagalo o Tou tafatasi, ko tau i ei mo Koe o solo atu keatea mai i loto o mea ola katoa a so se mea te la e taofigina a latou mai i te ulu atu ki loto i kogaa-koga nofo o Au mea-lilo Faka-te-lagi, kae e mafai o ponotia a latou mai i te Fale Tapuaki Malu o Tou Faka-Atua, ko loto katoa ke mafai o fakaasi mai a Tou gali, kae e fakaasi mai a Koe, kae faipati mo Koe, ko mea ola faiite katoa ke fakaasi mai a alofaaga o Tou nofoaiga-a-aliki maualuga, kae tufatufa atu ate gali o te mainaaga o Tau pulega tafasili i te mana, kae ko latou ko la i te lagi mo i luga i te lalolagi ke mafai o fakamaluga kae fakalauefa a Tou fakatasitasi, kae avatu kia Koe a te matagofie, ona ne fakaasi mai a Koe kia latou auala atu ia Ia Tela ko te Fakaasi o Tou tafatasi.

Faka-mavae aka, Au tavini, O toku Atua, i gatu o te fuaitino mo manakoga, io me e talia aka ko mata o Au tino ke mafai o sau aka ki luga ki se maluga ka mafai I ei ne latou o lavea i olotou manakoga e seai aka foki na loa ko musmusuuga o te matagi malielie o Tou matagofie favavau, kae ke mafai o lavea ia latou loa ia latou e seai aka foki na ko fakaasiiga o Tou Uiga alofa fakamagalo, ko te lalolagi mo mea katoa i ei ke fulu faka-ma mai i mea ko la e kese mai ia Koe, io me ko so se mea te la e fakaasi mai kae e seai ko Koe. A mea katoa konei e mafai o fakataunu i Tou maalo uma lava e auala atu i Tau muna fakatonu, “Ke fai,” ko te mea loa ko taunu! Ikaai, e pa makini atu foki i te mea tenei, kae e ui i ei e se maina i ei a tino.

E mana, e se fuafuagina a te mana o Koe, O toku fagasele! Au e tauto i Tou matagofie! E lavea ne au i te taimi tenei ko kooti ne talia ne Koe katoa ko la ne fai talosaga kia Koe, i te po fakamanuiagina tenei te la, pe la mo te faka-ikuga a Koe, e masaua a Ia Tela ko te Taugasoa o Tou gali mo te Taofi o Ou mata, ko pili o oti au ne taku ne Koe, io me kalaga mai ke mafua mai au i loto i te fale o Tou mana. Au e atafia ne au ia Koe ko oti ne fai ne Koe a mea katoa me ko fakaasiiga o Tou manakoga, mo fakaasiiga o Ou tugalima, mo koga e tausi i ei a Tou poto, mo kope taua o Tou atamai. Au e lavea, tena la, me moi fai a fakaasiiga o Ou igoa mo Ou uiga lei ne taofi e uiloa a te folikii pe la mo te mafa o te kati e tasi o te tega masitati, mai i so se mea ko oti ne faiite mai i Tou maalosi kae faiite mai i Tou mafi, a fakavae o Ou tugalima e seai se gataaga ko se katoatoa, ka ko fatu taua o Tou atamai Faka-te-Lagi ko se katoatoa foki. Aua i tusi o te faka-seai, e uiloa a te mao ne kave keatea mai i te manogi gali mana o Tou poto, kae e pefea foki e puli ia latou a gali faka-ofoofogina o te ata-ao o Tou gali, ko la e tufatufa mai i te lagi o Tau afioga, e tau o tumau i Tou lalolagi, ko te mea ko muna ko la e fakatalitonu a Koe ke mafai o faka-maluga.

A Tou mafi e fai mo aku molimau, O toku fagasele! Ate foafoaaga katoa ko oti ne kalagagina ke isi ke fakamaluga a Tou manumaalo kae ke fakatu a Tou maluga, pe la foki mo tuakoi katoa ko la ko oti ne fakatu ne Koe ko failoga o Tou nofoaiga-a-aliki, kae fakasalalau a te maalosi o Tou mafi. E pefea a te takutakua, e pefea a te silia i te takutakua, a fakaasiiga fakaofoofogina o te maalosi o Tou mafi. A latou tafasili i te tafalalo i vasia o Au mea ola faiite ko oti ne faiite ne Koe pela me se fakaasiiga o Ou uiga lei, kae ko te alofaga tafasili ite fakama o Ou tugalima ko oti ne fili ne Koe me ko te talitali o Tou igoa tafasili i te mafi. A te mativa, ne fakatonu mai ne Koe, ko oti ne fai me ko te auala e fakaasi iei a Tou maumea, ka ko te fakatauemu ko te auala e tau atu ki Tou matagofie, ka ko te agasala ko te pogai e fakagalue ieie a te fakamagalo. Mai ia latou e fakaasi ne Koe me ia latou e foki atu katoa kia Koe, kae e kau katoa ki Ou uiga fakaofoofogina mo Ou uiga tafasili i te llei.

Ona ko oti a Koe ne fakaiku, O toku Atua, ke fai a mea faiite katoa ke ulu ki loto i te fale tapuaki malu o Tou alofa atafai mo alofaga tafasili i te maluga, kae ke agiagi i luga i te foafoaaga katoatoa a manogi gali o te gatu o Tou fakatasitasi silisiliese, kae ke kilo ifo ki luga i mea katoa mo mata o Tou maukoloa alofa mo Tou fusitasi, au e akai totuli kia Koe, tena la, mai i Tou alofa, tela ko oti ne fai ne Koe me ko te ala-vai taua o te fakaasiiga o Tou mana favavau, mo te kalo-afi te la e ka i loto i loto o latou ko Au mea ola faiite ko la e naunau kia Koe, ke faiite, i te taimi loa tenei, mo latou ko la ko Ou tino ko la e mautakitaki kia Koe, pe la foki mo Au fagasele ko la e alofa kia Koe, mai i te uiga tonu loa o Tou alofa maukoloa mo Tou alofa-kaimalie, kae mai i te kanoloto agaaga o Tou alofa-atafai mo Tou matagofie, Tou Palataiso mana tafasili i te maluga, kae ke fakamaluga mai i luga atu i mea katoa vagana ko Koe, kae ke fakamana mai i so se mea na ko Koe. Faiite, aka, i loto iei, O toku Atua, mai i molii e tufa atu ne Tou nofoaga-a-tupu, a tavini fafine ko la ka pese ne latou a sikuleo o Tau mea ne faiite tafasili i te gali mo te suamalie, ke mafai o fakalauefa a Tou igoa ki muna ko la e seki lagona aka loa ne se isi o Au mea ola faiite, me ko latou ne pagota o Tou lagi io me ne tino e nofo i Tou lalolagi, io me e maina i ei a se isi o Au tino. Tala aka, tena la, a mataloa o te Palataiso tenei ki mata o Au fagasele, ko te mea ke fiafia a latou o ulufale atu i Tou igoa, kae i te maalosi o Tou nofoaiga-a-aliki, ko tuakoi faka-aliki e tuku mai ne Koe ki Au tino filifilia mo mea-alofa tafasili i te maluga ne faka-mealofa ki Au tino fakatuanaki ke fakatonu, ko te mea ke sisi ki luga Ou uiga gali ise sikuleo te la e seai e mafai o fai sena pati io me o fakamatala, kae e seai se tino lele mai i Ou tino e mafai o faiite mai a te ata ke sae mai ise foliga o se isi o Au tino filifilia, io me o fakatautau ki te fakatusa o Au fagasele, ko te mea ke seai e se iloa ne ia o atafia a te kese o Ou taugasoa mai i Ou fili, io me o fakamatea a latou ko la e fakatuanaki kia Koe mo latou ko la e makeke o teke kia Koe. E maalosi a Koe o fai a te mea e loto Koe kiei, kae e maalosi kae maluga a Koe i luga i mea katoa.

E maluga, e se fuafuagina a te maluga o Koe, O taku Fagasele, mai i luga atu o taumafaiiga o so se isi o Au mea ola faiite, me e pefea a te poto, o iloa a Koe; e maluga, e se fuafuagina a te maluga o Koe mai i luga o so se taumafaiiga a tino katoa, me e pefea a te poko o te olotou fakatau, e se-mafai lele loa o sopoia atu i fakatapulaaga o te foafoaaga, io me o fanatu ki luga atu i tulaga o te lalolagi mafulifuli tenei, io me o ofa a tuakoi e se mafai o fuligina ko oti ne fakatonu ne Koe. E mafai pefea, na la, a so se mea te la ko oti ne faiite i Tou finagalo te la e pulepule mai i luga i te foafoaaga katoatoa, o isi sena maalosi o lele atu ki te ea mana o Tou poto, io me ke oko atu ki nofoaga o Tou maalosi tafasili i te maluga?

E maluga, e se fuafuagina a te maluga o Koe mai i luga atu i taumafaiiga a te mea ola koi tupu aka o lele ki te nofoga-a-tupu o Tou favavau, io me ko te mativa mo te masei o oko atu ki te tumu maluga o Tou matagofie e ola loa-ia-ia katoatoa! Mai i te vavau a Koe ne fakamatala ne Koe kia Koe loa, kae fakamaluga, i Tou Uiga Tonu, a Tou Uiga Tonu ki Tou Uiga Tonu. Au e tauto i Tou matagofie, O toku Fagasele Tafasili! Koi i kona mai i tafa o Koe e mafai o fai sena molimau me e iloa ne ia a Koe, kae koi vagana ko Koe e tau o taku a Koe? Ko Koe ko Ia Tela, mai i te vavau, e nofo i Tena kogaa-koga, i te matagofie o Tena fakatasitasi malifalifa, mo te gali o Tena taulekaleka mana. Kafai e isi se tasi vagana ko Koe e tau o taku, i maalo katoa o Tau foafoaaga, mai i kogaa-koga tafasili i te maluga aunoa mo se mate i ei ki lalo i te levolo o te lalolagi seai se aoga tenei, e mafai pefea, tena la, o fakaasi atu me ko oti ne fakatu ne Koe i luga i te nofoga-a-tupu a Tou fakatasitasi, e mafai pefea ne uiga gali o Tou tafatasi mo Tou tokotasi katoatoa o vikiia?

Au e molimau, i te taimi loa tenei, ki te mea ko oti ne molimau a Koe e uiga mo Koe tonu loa, seki leva ko oti ne faiite ne Koe a lagi mo te lalolagi, a ko Koe ko te Atua, kae e seai aka foki se Atua i Ou tafa. A Koe ko oti mai i te vavau loa e maalosi, e auala atu i Faifekau o Tou mafi, o fakaasi a failoga o Tou maalosi, kae ko oti a Koe ne fai ke iloa, e auala atu i te Aso-Malulu o Tou poto, a muna o Tou atamai. E seai aka foki se isi vagana ko Koe ko oti ne maua e tau o takugina i mua o te Fale Tapuaki Malu o Tau fakatasitasi, kae e seai aka foki vagana ko Koe ko oti ne fakatalitonu a ia e mafai o tavaegina i loto i kogaa-koga tapu o Tou tafatasi.

Tavaeega e io Koe, O toku Atua, ia Koe ko oti ne fakaasi Au alofaaga mo Au maukoloa; ka ko te matagofie ke i luga ia Koe, O taku Fagasele, me ko oti ne fakaasi a te Fetua-Ao o Tou alofa-kaimalie mo Ou alofaaga fakamagalo atafai. Au e avatu kia Koe a fakafetai e mafai i ei o tautai a kalafaga o latou e se-fakalogo ki mua i te gali o te mainaaga o tafataeo o Tau takitakiiga, kae faka-mafai a latou ko la e nau ki mua ia Koe ke maua a te nofoaga o te fakaasiiga o Tou gali malifalifa. Au e avatu kia Koe a fakafetai ke mafai i ei a tino masaki o fakapilipili atu ki te vai o Tau fakagata masaki, kae e mafai o fesoasoani kia latou ko la e mao mai mo Koe ke olo atu ki te vai ola o Tou nofo mai. Au e avatu kia Koe a fakafetai ke mafai o fakamavae a fuaitino o Au tavini i gatu o te mate mo te fakatauemu, kae fakapei atu a latou ki gatu o Tou favavau mo Tou matagofie, kae takitaki a latou mativa ki luga i matafaga o Tou mana mo te maumea e lava katoatoa. Au e avatu kia Koe a fakafetai e mafai i ei ne te Lupe Faka-te-lagi o usuusu atu, i luga i kaula o te Lakau Ola o te Seai-se-Mate, a tena pese: “E tonu, Koe ko te Atua. E seai se Atua aka na ko Koe. Mai i te vavau ko oti Koe ne fakamaluga atu mai i luga o tavaeega o so se tino vagana ko Koe, kae e i luga atu i sose fakamasakoga o se isi tino vagana ko Koe." E avatu ne au kia Koe a fakafetai e fai iei a te Naitigikale o te Matagofie ke ligi atu kia mua a tena sikuleo i toe lagi tafasili i te maluga: “Ali (te Báb), i te tonuuga ko Tau tavini, Tela ko oti ne fakapatino ne Koe mai I Au Faifekau mo Au Tino filifilia, kae fai a Ia me ko te Faifekau o Koe i mea katoa ko la e sokotaki atu kia Koe, kae e fakasaga tonu ki Ou uiga lei mo fakamaoniiga o Ou igoa.” E avatu ne au kia Koe a fakafetai ko la e fakagasuke a mea katoa o fakamaluga a Koe, kae o fakamana a Tou Uiga Tonu, kae e mafai o fakamatalatala a laulaufaiva o tino katoa o fakalauefa atu a te nofoaiga-a-aliki o Tou gali. E avatu ne au kia Koe a fakafetai e mafai o fakafonu a lagi mo te lalolagi ki failoga o Tou Uiga Tonu tafasili ite maluga, kae o fesoasoani a mea faiite katoa ke ulu atu ki te Fale Tapuaki Malu o Tou pili-mai mo Tou nofo-mai. E avatu ne au kia Koe a fakafetai e mafai i ei a mea faiite katoa o fai pe la mese tusi o faipati e uiga mo Koe, kae pe la mese peluga a pepa te la e mafai o tala a Ou tavaeega. E avatu ne au kia Koe a fakafetai e mafai i ei o fakatu a Faifekau o Tau nofoaiga-a-aliki i luga i te nofoaga-a-tupu o Tau pulepulega, kae fakatu aka a Tino Fakamatala o Tou matagofie i luga i te nofoaga o Tou Faka-Atua. E avatu ne au kia Koe a fakafetai e fai iei a te lakau ola amio fai togafiti ke fua mai ki fuataga llei e auala atu i manavaaga mana o Ou alofaga, kae fakaola a fuaitino o latou katoa ki te matagi iliili malielie o Tou alofa-atafai tafasili i te maluga. E avatu ne au kia Koe a fakafetai e mafai i ei o akoako a mea katoa i te tonuuga o Tou poto mo te uiga tonu o Tou atamai, kae ka se-taofi a mea ola faiite tafalalo mai i mataoa o Tou alofa-fakamagalo mo Tou alofaga maukoloa. E avatu ne au kia Koe a fakafetai e mafai i ei mo latou katoa i te lagi mo te lalolagi o fakaseai mo mea faiite katoa, e auala atu i kope taua o Tou maumea e lava katoatoa, kae e mafai o fesoasoani a mea faiite katoa ke oko atu ki te tumu o Au alofaaga mafi-katoatoa. E avatu ne au kia Koe a fakafetai e mafai o feasoasoani a loto o fagasele maalosi ke lele ki te ea o te fakapilipili kia Koe, mote nau kia Koe, kae fakaka a te Mainaaga o Mainaaga i loto i te fenua ko Iráq. E avatu ne au kia Koe a fakafetai te la e motu mai a latou mai i te pili atu kia Koe mai i mea faiite katoa, kae futi atu a latou ki te nofoaga-a-tupu o Ou igoa mo Ou uiga lei. E avatu ne au kia Koe a fakafetai e fai i ei a Koe ke fakamagalo a agasala mo soli tuakoi katoa, ka ke fakatau a manakoga o tino o talitonuuga katoa, kae ke faka-agi atu a te manogi gali o te fakaseai o sala i luga i te foafoaga katoatoa. E avatu ne au kia Koe a fakafetai ke mafai o iloa a Tou tafatasi ke solo atu ki te maluga o Tou alofa, kae fai a latou kola e fakatuanaki kia Koe ke olo aka ki luga i te Palataiso o Tou nofo-mai. E avatu ne au kia Koe a fakafetai e mafai i ei o faka-lotomalie a manakoga o latou katoa ko la e sala kia Koe, kae e iloa a pogai o latou ko la ko oti ne lavea ne latou a Koe. E avatu ne au kia Koe a fakafetai e mafai i ei o solo keatea mai i loto o tagata a fakatauuga e fakatapula gina, kae tusi i luga a failoga o Tou fakatasitasi. E avatu ne au kia Koe a fakafetai tela e fai i ei ne Koe mai i te vavau loa a te matagofie o Tou Uiga Tonu, kae fakamaluga mai i luga i tino katoa, fili mo latou e fakapau, O ko Koe e i Ou lima ko lagi o te alofa-atafai mo alofaga maukoloa, mo maalo o te matagofie mo te afioga!

E maluga a Tou igoa, O ko te Aliki toku Atua, mo tou Matai! E molimau a Koe, kae lavea, kae e iloa a mea ko oti ne oko ki luga ia Au fagasele i Ou aso, mo tofotofooga tumau, mo fakalavelave e tapolopolo, mo tigaina e seai-se-gata, ko la ne tuku aumai ki lalo ona ko Tau ikuuga. E tena a te olotou fakalavelave ka ko te lalolagi ko fai mo auala mo latou, ka ko latou ko siomia ne fakamaoniiga o Tou kaitaua mo failoga o te mataku mai ia Koe i fenua katoa, mo mataloa o Tou alofa-fakamagalo mo te alofa-kaimalie ko pono teke mai ia latou, mo te fatoaaga o olotou loto ko fakaseai a matulutuluga sofi ki tua o Tou alofa atafai mo Ou alofaaga e se lausia. E taofi ne Koe, o Toku Atua, a alofaga pena kia Koe mai ia latou a mea e fakaofoofogina ki Tou fanaka o manumaalo? E maofaofa a Koe, o taku Fagasele, a fakamoemoega o latou ko la e fakatuanaki kia Koe ko oti ne fakapiki ki luga ia Au alofaaga uke mo meaalofa? E taofi ne Koe, O toku Matai, a latou ko la ko lavea a Koe mai i matafaga o Tou poto mana, io me ko fagata ne Koe o fakato mai a te vaiua ki luga i loto o latou ko la e manako kia Koe a motimotiiga o Tou alofa atafai tafasili i te maluga? Ikaai, ikaai, kae ki Tou matagofie e fai mo aku molimau! Au e molimau i te minute loa tenei i Tou alofa fakamagalo e sili atu i mea faiite katoa, ka ko Tou alofa kaimalie e kapu i ei a mea katoa i te lagi mo mea katoa i te lalolagi. Mai i te kamataga o te vavau a mataloa o Tou alofa ne matala ki mata o Au tavini, ka ko matagi malielie o Tou alofa atafai e agiagi ki luga o loto o Au mea ola, mo vaiua sofisofi ki tua o Tou alofa ko maligi ki luga i Ou tino mo latou i Tou lalolagi.

E iloa lei loa ne au ia Koe ko oti ne fakatuai o fakaasi atu a Tou manumaalo i te maalo o te foafoaaga ona ko Tou poto te la e ufi katoa a feitu lilo o Tau ikuuga, mo mea funa ko oti ne fakasino mai i tua i veli o Tau galuega e se-mafai o fakafoki, te la la ko latou kola ko oti ne uku atu mai i lalo o te ata o Tou alofa fakamagalo tafasili i te maluga ke mafai o motu mai keatea mai ia latou ko oti ne fai fakamasei ne latou a Koe, kae fuli tua mai i Tou nofo-mai i se taimi ko fakaasi ne Koe a Tou Gali silisili i te maluga.

E maluga, e se fuafuagina a te maluga o Koe, tena la, O taku Fagasele! Pe la loa mo Koe ko oti ne vaevae, i Tou lalolagi, Au fagasele mai i Ou fili, kae ko oti ne fakatonutonu a Tau fakamanoiiga tafasili i te pa-mafa mo Tau Faka-talitonuuga e se-mafai o fano seke kia latou katoa i te lagi mo te lalolagi, ke iai a te alofa-fakamagalo, na la, kia latou faka-alofa ne aumai ki Tou laufenua tenei, ona ko mea ne oko kia latou i Tou auala. Faamaluga a latou, na la, O toku Atua, e auala atu i te maalosi o Tou mafi mo te maalosi o Tou finagalo, kae avaka ki luga a latou ke fakasalalau atu a Tau Fakatokaaga, e auala atu i Tou nofoaiga-faka-aliki mo te pogai tafasili i te maluga.

Au e tauto i Tou matagofie! A taku tina galuega i te fakaasi atu o Tou fanaka ki luga ko te faka-mana o Tau Fakatokaaga, kae ke faka-lauefa a Tau muna. Au e mafaufau pe la me kafai e fakatuai ne Koe a te aumai ki lalo a Tou manumaalo kae fakaasi atu a Tou maalosi, a fakailoga o Tou nofoaiga faka-aliki ka tanumia i Tou laufenua, ako alofaaga o Tau pule ka fakaseai i Tou maalo salalau.

Toku fatafata ko logomae, O toku Atua, ka ko fanoanoa mo te kaitaua ko pulougina au mai i feitu katoa, aua e lagona ne au mai i nisi o Au tavini a taveega katoa na lo ko Ou tavaeega gali, kae lavea i vasia o Au tino a fakamaoniiga o mea katoa na loa ko fakamaoniiga o mea ko la ko oti ne fai mai ne Koe kia latou mai i Tau fakatonuuga., kae fakasino tonu mo latou mai i luga i Tou finagalo faka-aliki, kae fakaeke kia latou ne Tau tonu e se-vaogina. Ko olo mao kii mo Koe te la kafai se tasi o Au fagasele e moli atu kia latou a alofaaga gali o Tou fakatasitasi, a faipatiiga taua pe la mene fatu taua ka molimau ki Tou tafatasi tafasili i te maluga, ka tuku olotou maikao ki olotou taliga, kae fakaitaita kae fakatauemu kia ia. A mea katoa konei ko oti ne fakamau ki lalo e auala atu i Tou nofoaiga faka-a-aliki te la e mataefa kae akuku fakatasi, kae maua e auala atu i Tou tulaga tafasili i te maluga kae mafi.

E mana, e se fuafuagina a te mana o Koe, O toku Matai! Kilo, na la, ki luga i loto ko la, i te olotou alofa mo Koe, ko oti ne pakia i matasana o Ou fili, ka ko ulu ko la ne mafua mai i ei a matatao ona ko te fiafia ki Tau Fakatokaaga mo te faka-mana o Tou Igoa. Ke isi se alofa, na la, i luga i loto kona ko la ko oti ne kaigina ne te afi o Tou alofa, kae pokotia ne fakalavelave ko la ko Koe fua e ana iloa gina.

Ko maluga katoa mo te faka-aloalo kia Koe, O toku Atua! E iloa lei ne Koe i mea ko la, ki se fia o tausaga, ko oti ne tupu i Ou aso, kae koi tumau loa o tupu ki te itula tenei. E seai se tagata e iloa ne ia, io me se laulaufaiva e mafai o faipati, me sea a te mea ne pakuu ki luga i Au tino filifilia i taimi katoa konei. E seai se mea e fakamalu ki ei, io me maua se koga e lafi ki ei ke nofo latou i te saogalemu. Fuli, na la, O toku Atua, a te olotou mataku ki fakamaoniiga o Tou filemu mo Tou sikuliti, mo te olotou faka-aunoa ki te nofoaiga-a-aliki o Tou matagofie, mo te olotou mativa ki Tou maumea kae lava-katoatoa, mo te olotou tigaina ki fakaofoofogina o Tou tokaaga-malie katoatoa. Talia mai kia latou a te manogi gali o Tou mafi mo Tou alofa-fakamagalo, kae aumai ki luga ia latou, mai i luga i Tou alofa-kaimalie, a mea ko la ka mafai i ei ne latou o fakaseai mo latou katoa vagana ko Koe, kae ka motu a latou mai i mea katoa na ko Koe, ko te nofoaiga-a-aliki o Tou tafatasi ke mafai o fakaasi mo te tafasili i te maluga o Tou alofa-atafai mo Tou maukoloa-atafai ke mafai o fakaasi atu.

E se fai ne Koe, O toku Atua, o kilo ki luga i loimata ko mailigi mai i Au fagasele? E se alofa Koe, O taku Fagasele, ki mata ko puni ona ko te mavae mai ia Koe, kae ona ko fakagata a failoga o Tou manumaalo? E se lavea ne Koe, O toku Matai, a loto ko pagopago ne latou a kapakau o te lupe o te nau mo te alofa kia Koe? Mai i Tou matagofie! A mea ko oti ne aumai o olo ko fakamoemoega ko pilipili o fakaseai mai i loto o Au tino filifilia, ka ko manavaaga o te manavase ko toka o i luga ia latou, ona ko mea ko oti ne oko ki luga ia latou i Ou aso.

E lavea au, tena la, O toku Atua, me ko au ne tele pefea mai ia au kia Koe, kae liakina a toku fuaitino ko te mea ke maua ne au a te taulekaleka o te mainaaga o Tou Uiga Tonu, kae tue keatea a mea katoa ko la e taofi ne latou au mai ia Koe, kae fai ne latou au ke faka-puli a Koe, ko te mea ke mafai ne au o o manava a te manogi gali o Tou nofo-mai mo Tou masausauaga. E lavea me ko au ne laka ki luga i te pefu o te fakai lasi o Tau fakamagalo mo Tou maukoloa-alofa, kae nofo i loto i te laukele o Tou alofa-fakamagalo maualuga, kae e saala kia Koe, auala atu i te nofoaiga-a-tupu o Ia Tela ko Tau Faka-masauaaga kae Tela ko oti ne sae mai i te gatu o Tou Gali tafasili ite piua mo te maualuga, ke tuku ifo ki lalo, i se taimi o tausaga tenei, ki luga i Au fagasele a mea ko la ka mafai I ei ne latou o kave keatea mo sose tino vagana ko Koe, kae ka saoloto latou o lavea a fakamaoniiga o Tou finagalo faka-aliki mo te pogai o fakatakavale, i se atamai ka sala ne latou e seai aka foki na ko te mea e manako Koe kiei mai i luga i Tau fakatonuuga, kae ka manako ki e seai aka foki na ko mea e manako Koe ki ei vagana ko mea e manako Koe ki ei e auala atu i Tou finagalo. Fakamanuia, tena la, olotou mata, kae fakapu a olotou taliga, ke mafai ne latou o fakalogologo ki sikugaleo o te Lupe o Tau tafatasi tafasili i te maluga. Fakafonu, na la, a olotou loto mo mea fakaofoofogina o Tou alofa, kae tausi olotou laulaufaiva mai i te takutaku o sose tokotasi vagana ko Koe, kae puipui a olotou mata mai i te fuli atu ki se isi vagana ko Koe. E maalosi a Koe o fai a te mea e fiafia a Koe ki ei. Ko Koe, e tonu, ko te Mafi-Katoatoa, ko te Feasoasoani i mea Faigata, kote Ola-loa-ia-Ia.

Puipui aka, na la, O toku Fagasele, e auala atu i Tou alofa mo latou kae e auala atu i te alofa o latou mo Koe, a te tavini tenei, ko oti ne tuku taulaga atu katoa ana mea mo Koe, kae fakaaoga a so se mea ne tuku ne Koe kia ia i te auala o Tou alofa mo Tou fiafia-lei, ke tausi a ia mai i mea katoa e se-fiafia a Koe ki ei, mo so se mea te la e fakatuai a te ulu atu o ia ki loto i te Fale Tapuaki Malu o te mana o Tou nofoaiga-a-aliki, mo te mafai o oko atu ki te nofoaga o Tou tafatasi e se-fakatusagina. Lau aka ia, na la, O toku Atua, fakatasi mo latou ko la e seai lele se mea ne fakasaoloto ne latou ke pokotia a latou mai i te lavea a Tou gali, io me o fai talosaga fakapoko ki fakamaoniiga gali o Ou tugalima e favavau, ko te mea ke mafai o fakatasitasi mo te seai aka foki se tino vagana ko Koe, kae e se fuli atu ki se isi aka na ko Koe, kae ke maua i so se mea ko oti ne faiite ne Koe i maalo o te lalolagi mo te lagi na ko Tou Gali faka-ofoofogina mo te fakaasiiga o te taulekaleka o Ou mata, kae ke goto mai lalo o vasa soko o Tau atamai e pule aoao i mea katoa mo tai galu o Tou tafatasi tafasili i te mana, ko te mea ke puli ia ia a mea katoa vagana ko te taku mai o te tafatasi maluga o Koe kae atuli atu keatea mai i tena agaaga ola a sose lailaiiga o fakatauga se-lei, O ko Koe i Ou lima ko maalo o igoa katoa mo uiga lei-katoa.

E maluga a Tou igoa, O ko Koe ko te Koulu o toku manakoga! Au e tauto i Tou matagofie! E pefea a te lasi o toku manakoga ke oko atu ki se motuuga e katoatoa te la moi fai ke sae mai ki oku mua a mata kona e muni mai i loto i potu o te amio matakalekale, mo te gali te la ne ufi ne Koe ki te veli mai i mata o te foafoaaga katoatoa, ako mata kola ne fakamana ne Koe mai i te lavea o mea katoa, kae moi fai e tapale a te veli mai ia latou i te matagofie katoa o te taulekaleka o Tou gali e seai-se-fakatusa, e se talia ne au ke taumata au ki luga ia lato, kae ka lavea ne a latou ona loa ko te pogai ke atafia ne au a tugalima lilo o Koe, kola e numi iei a mafaufau o latou kola ko fakapilipili atu kia Koe, kae fakaofo ne latou a agaaga ola o latou katoa ko oti ne lavea ne latou a Koe. Au e mafai, mai i Tou maalosi mo Tou mafi, o lele ki tumu maluga tela e seai lele se maalosi e mafai o taofi gina au ki tua mai i fakamaoniiga uke o Tou maalo salalau, io me e isi se aofaga i te lalolagi e mafai o ponogina au mai i fakaasiiga o te mana o Tou Faka-Atua.

E mana, e se fuafuagina a te mana o Koe, O toku Atua, mo toku Fagasele, mo toku Matai, mo Toku Manakoga! Sa lepegina a fakamoemoega o tokotasi maulalo tenei ke oko atu ki matafaga o Tou matagofie, kae sa fakamotu kia ia seai lele se aoga tenei mai i te uke o Tou maumea, kae sa tuku tiakina a ia tenei e akai mai i mataloa o Tou alofa-atafai, mo Tou maukoloa atafai, mo Au mea-alofa. Ke iai se alofa-fakamagalo, tena la, ki luga ia ia tenei faka-alofa kae aunoa mo se koga e nofo i ei a te agaaga ola tenei te la e seai sena taugasoa ne maua na ko Koe, e seai sena takaga vagana ko Koe, kae e seai foki e fakamafanafana ne ia na ko Koe, kae e seai sena fagasele mai tafa ia Koe, io me e fiafia ki se manakoga na ko Koe.

Tuku mai, tena la, ki luga ia au, O toku Atua, a taumataga o Tou alofa fakamagalo, kae fakamagalo mai au i aku agasala mo agasala a latou ko la e pele kia Koe, kae ko la e aumai ki loto i te va o matou mo te fakaasiigaa o Tou manumaalo mo Tou alofa-atafai. Solo aka ne Koe, tena la, a motou agasala ko la ko ponogina a omotou mata mai i te gali o te Fetu -Ao o Ou alofaaga. E maalosi a Koe o fai a Tou fiafiaaga. E fakaeke ne Koe a so se tino e loto Koe ki ei, kae e se faka-fesiligina a te mea e manako Koe ki ei mai i te maalosi o Tou nofoaiga-a-tupu, io me e mafai of fakalavelavegina i so se mea e folafola mai ne Koe e auala atu i Tau fakatonuuga e se-mafai o fuligina. E seai aka se Atua na ko Koe, ko te Mafi Katoatoa, ko te tafasili I te Maalosi, ko te Ola-Katoatoa, ko te Tafasili i te Atafai.