The Universal House of Justice

Ridván 2024

To the Bahá’ís of the World

Dearly loved Friends,

Sa tasiri oti e rua na yabaki ni dua na sasaga vakasakiti yabaki ciwa. Era sa taura sara vakamatua na itokani ni Kalou na kena inaki. Ena vuravura raraba vaka-Bahá'í sa tubu cake tiko na titobu ni kila ka me baleta na veika e gadrevi me vakalevutaki cake kina na I lakolako ni taraicake nai itikotiko raraba ka vakayacora na veisau bibi e na i tikotiko raraba. Ia ena veisiga yadua e lako siviti, eda raica talega kina ni sa qai dredre cake tikoga na ituvaki ni vuravura, ka sa qai ca vakalevu cake tikoga na kena tawase. Na tiko veisei ka tubucake tikoga ena loma ni veitikotiko raraba kei na maliwa ni veimatanitu e tarai ira na tamata kei na veivanua ena vuqa sara na sala.

Oqo e gadrevi kina mai vei ira kece na yalo daukauwai e dua na kena i sau. Eda sa kila vinaka kece tu ni sega ni rawa ni namaka na itikotiko raraba nei Koya na Yaca Cecere Duadua me na sega ni tarai ira na veika cacawale ni tikotiko raraba. Ia, e dina ga ni tarai ira na veika rarawa oqo, ia e sega ni vakasesei ira; e rarawataka na nodra rarawa na kawatamata, ia e sega ni vakataotaki ira. Na lomaleqa mai vu ni yalo e dodonu me vakauqeta na sasaga torocake me taraicake na itikotiko era solia na vakanuinui me I sosomi ni yaluma, na duavata me isosomi ni tiko veisaqasaqa.

E vakamacalataka vakamatata ko Shoghi Effendi na kedrau yaco vata tiko e dua na karusa vakaikabakaba ena veika baleta na bula ni tamata" kei na dua na I lakolako ni veivakacokotaki ka taraicake tiko kina na waqa ni veivakabulai ni kawa tamata, na I vakaruru dina sara ni tikotiko raraba. Keitou marautaka ni raica, ena veivanua kei na veiyasana kece sara, o ira na vuniwai ni tiko veisaututaki era sa ogaoga vakalevu sara tiko ena kena tara ni ivakaruru oqo. Eda raica ena itukutuku kece ni dua na yalo e sa vakacaudrevi ena loloma ni Kalou, e dua na matavuvale sa dolava na nodratou itikotiko vei ira na itokani vou, ira na dauveitokoni era vakayagataka tiko na ivakavuvuli nei Bahá'u'u lláh me wali kina e dua na leqa ni bula veimaliwai, e dua na itikotiko ka vaqaqacotaka e dua na itovo ni veitokoni dina, e dua na yasa ni tikotiko se koro e vulica tiko me tekivutaka ka tokona na cakacaka e gadrevi me baleta na kena toso vakayalo kei na veika vakayago, e dua na I tikotiko e vakalougatataki ena kena basika mai e dua na Matabose Vakayalo vou.

Na iwalewale kei na I yaragi ni cakacaka ni Lalawa e rawa kina vei ira na yalo yadua mera solia e dua na cau ena veika e gadreva na kawatamata ena gauna oqo. E yawa sara mai na kena soli e dua na I vakamalumu walega me baleta na tauvimate ni gauna oqo, na kena vakayacori na Lalawa ena veisala eso ka tasereki kina na I tuvatuva maucokona balavu, yaco tiko ena veitabatamata era sa tekivu yavavala ena veitikotiko yadudua. Na veika kece oqo e dusia e dua na vakatulewa totolo, ka sega ni drotaki rawa: E dodonu me dua na tubu vakatotolo na kedra iwiliwili o ira era solia na nodra gauna, nodra igu, nodra vakanamata vagumatua ki na rawa-ka ni cakacaka oqo.

Na vanua cava tale, ia ena ivakavuvuli ga nei Bahá'u'lláh me baleta na duavata ni kawatamata e rawa ni kunea kina ko vuravura e dua na raivotu rabailevu me vakaduavatataka kina na kena veiwasewase duidui? E rawa vakacava me vakabula na raramusumusu ni bula veimaliwai ka wasei koya tu? O cei tale e rawa ni I vakatubu me rawa kina vei ira na tamata e vuravura mera kunea e dua na ivakarau vou ni bula, e dua na sala ki na tiko veisaututaki bula dede? Mo dodoka yani vei ira kece na liga ni veitokani, ni sasaga cokovata, na veiqaravi cokovata, na vuli cokovata, kei na toso ki liu me vaka e duabau ga.

Eda sa kila tiko na levu ni bula kei na kaukauwa e rawati ena dua ga na itikotiko mai vei ira na kena itabagone ka ra sa vakayadrati ki na raivotu nei Bahá'u'lláh ka ra sa yaco mera dauveitokoni ni Lalawa. Sa dodonu kina mera vakadeitaka na itabagone Bahá'í mera dolele yani vei ira na nodra icaba ka kauti ira mai ki na cakacaka oqo ena yalovinaka levu, yaloqaqa, kei na vakararavi e taucoko vua na Kalou! Mera gu ki liu na tamata kece, ia me ra vuka tubu na itabagone.

Na kena vakusakusataki na auwa oqo me kakua ni vakataotaka na reki digitaki e lako vata mai kei na veiqaravi. Na veikacivi ki na veiqaravi e sa dua na kaci veilaveti, ka veiologi. E vagolei ira kece na yalo yalodina, o ira sara mada ga era vakabibitaka na veikauwaitaki kei na itavi. Me vaka ni sala kece sara e tawana tu na yalo yalodina o ya ena rawa ni kunei kina na yalodina titobu kei na kauwai vakabalavu me baleta na nodra tiko vinaka na kena vo. Na itovo vakaoqo e solia na veiyaloni ki na dua na bula e gadrevi vakalevu. Na veigauna kamica duadua ki vei ira na yalo e sa vakacaudrevi tu sai ira ka dau vakayagataki kei ira na tacida kei na ganeda vakayalo, ena nodra qaravi e dua na itikotiko ka gadreva tu na kakana vakayalo.

Ena i Bulubula Tabu, ena yalo sa vuabale, keitou sa vakavinavinaka vei Bahá'u'lláh ena nona vakaturi kemuni cake ka tuberi kemuni ena Nona sala, ka keitou sa kerei Koya me vakadewa yani vei kemuni na Nona veivakalougatataki.

- The Universal House of Justice