The Universal House of Justice

Ridván 2019

To the Bahá’ís of the World

Dearly loved Friends,

Ena kena sa voleka tiko mai Soqoni Maraurtaki Duadua, sa kauta mai vei keda na yalo vakavinavina kei nanamaki---vakamuduo ena veika veivakurabuitaki esa rawata ko Baha’u’llah kei ira era muria na Nona I lawalawa, nanamaki kina veika ena kauta mai na vei siga ka tu matada,

Na toso ka tubu mai ena soqoni marautaki e vuravura raraba na runadrau na yabaki ni Nona Sucu o Baha’u’llah e tubu tikoga. Na toso totolo ni veivakatorocaketaki ni vei tikotiko Vaka Baha’I, tubu cake ni kena levu, kei na kena rawa ni kauta mai na kaukauwa mai vei ira na vuqa na lewe ni Vakabauta mai na veika sa rawati e vuravura raraba. E dua vei ira oqo, na kena e dua tani na tubu cake ni veivakatorocaketaki vakaitikotiko. Nai tuvatuva Yabaki Lima oqo e sala muria mai na ruasagavulu na yabaki ni nodra sasaga na lewe ni Vakabauta Vaka Baha’I e vuravura na vaka vinakataki vakaituvatuva ka vakalevutaki na veivakatorocaketaki vakaitikotiko oqo—ia e veivakuarabuitaki, enai matai ni rua veimama ni yabaki ni Tuvatuva yabaki Lima, nai wiliwili ni veiqaravi vakavuli esa sivia na veimama. Na lewe I vuravura raraba sa vakaraitaka ni ra sa tu vakarau me ra vakaitavi, ena dua na gauna e rawa, sivia na dua na milioni na lewe ni vanua ena veiqaravi vakavuli, ka vukei ira me ra vakasaqara ka vakaitavi ena tubu cake vakayalo. Ena gauna lekaleka vata oqo, nai wiliwili ni lawalawa ni masumasu vata sa voleka ni vakaruataki—edua na veisau ka gadreva dina na me vukea na kawa tamata ena tubu cake veisei ka vu mai na I Vurevure ni nuinui kei na Vakacegu. Na tubucake oqo e tiko kina na yalayala vakamareqeti, na masumasu vata esa kauta mai na yalo vou kina bula vakai tikotiko.

Veisemati kei na veituberi vei ira na vei taba yabaki kece, ka vakaukauwataka na I naki bibi ni veiqaravi oqo: nodra vuke na I vei tikotiko mera dua tani ena nodra I vakarau ni nodra qaravi Kalou kei na nodra veiqaravi kina kawa tamata raraba. E na gauna oqo esa matata vinaka ni ena vei Kalasita era vakaitavi kina na lewe levu ena veituberi VakaBaha’I ka sega ni cavuka ka vaka kina na nodra lako sivita na I katolu ni cavu i sausau. Keitou sa marautaka dina me laurai nai wiliwili ni kalasita era toso sara vakatotolo na tubu ena gauna oqo ka sa voleka ni vakaruataki mai na gauna e tekivutaki kina na Tuvatuva yabaki lima ka ena gauna oqo sa volekata na limanadrau. Na vakadidike lekaleka oqo ena sega ni rawa ni solia na dodonu kina nai vakarau ni veisau eso ka sa qaravi tiko. Nai rairai ni vo ni rua na yabaki mai oqo ena I Tuvatuva yabaki lima e sa na ramase sara. E vuqa na veika vinaka sa rawati ena yabaki sa oti ena kena wasei vakaraibalevu na veika vinaka e vulici mai na vei kalasita kaukauwa eso, me vaka eda nuitaka, era sai vurevure ni kilaka kei na dauveiqaravi. Na International Teaching Center, ko iratou Counsellors, kei ira na Auxillaries dau cakacaka era sega ni tarovi ira edua na ka ena nodra raica ni o ira na nodrai tokani ena veiyasai vuravura mera vakaivotavota ena toso totolo ni veika e vulici ka ra vakayagataka na veika bibi oqo kina nodra vei tikotiko. Keitou sa marautaka dina me keitou raica na tubu cake ni wiliwili ni Kalasita, kei na veitikotiko se koro era tiko kina, edua nai lawalawa veitokani sa bucini kina ena nodra cakacaka kei railesu e kunei kina na ka e gadrevi, ena dua na gauna, me rawa kina na tubu cake vaka yalo ena nodra i tikotiko. Era vakayagataka na kaukauwa ni vuli vakailawalawa, ka vukea na nodra vakaitavi kina tubu cake ni bula vakayago kei na bula vakayalo ni nodra I tikotiko, kei na nodra vakaitavi, na kedra I wiliwili na curuma na veiqaravi e tubu cake tikoga. Me vaka ni na yaco ga , na draki ni veisau e duidui mai na dua na vanua kina dua tale, e vaka kina na gacagaca ni tubu cake. Ia ena cakacaka vata, oi keda kece eda na rawa ni vakaitavi vakavinaka vaka vuqa kina tavi sa tu me qaravi Ena veivanua kece ni veiqaravi, e tiko kina na marau savasava ena noda vakaitavitaki ira na yalo eso ena veitalanoa yaga ka veivakauqeti ka liutaka, na toso malua se totolo, kina nodra vakayavalati na malumalumu vakayalo eso. Na ramase ni rarama ka vakacaudreva na utodra na lewe ni vakabauta, na levu ni kaukawa ni veisureti era vakila na kena katakata. Kivua e dua na uto ka vakila na loloma nei Baha’u’llah, na cakacaka cava tale e nanumi e rawa me da vaqara ia meda vakaqara ga na yalo loloma. Sa ira oqo eso veika vakamareqeti taudua ena veigauna kece ka rawa ni solia na bula lekaleka oqo. Na kena rawati me toso cake na I gagadre vakayalo oqo sa na yaco me veivakauqeti ena kena toro voleka mai na vakananumi ni ruanadrau ni yabaki ni nona sucu na Bab. Me vaka na vakananumi ni ruanadrau na yabaki sa oti, na vakananumi oqo e dua na gauna bibi ka vakamareqeti. E solia na gauna oqo vei keda kece na lewe ni vakabauta vaka Baha’i meda vakayadrati ira era tu tikivi keda ena nona Siga bibi na Kalou, kina solisoli vou ni solisoli vakalomalagi ka vakaraitaki mai ena nodrau yaco mai na rua na I Talai ni Kalou Bula, nodrai veitaravi na Lumuti Erau vakararamataka kina na vei yasai vuravura kece. Na vakarautaki ni veika ena rawati ena rua na wavoki vula tolu (cycle) mai oqo eda kila kece mai veika eda vulica mai na vakananumi ni yabaki ruanadrau ena rua na yabaki sa oti, kei na veika kece e vulici mai na soqoni koya me na vakayagataki ena mavumavuci ni marautaki ni Siga ni Sucu Drua ena yabaki oqo. Ni sa roro voleka tiko mai na vakananumi ni yabaki ruanadrau, keitou na dau nanuma kemuni ena Vanua Tabu, masulaka na nomuni veiqaravi me na ganita na cecere ni Bab ena rawati kina na toso ki liu ni Vakabauta e a tukuna taumada O Koya.

Na cava ni matai ni senitiuri ni Taba yabaki ni Bucibucini (Formative Age) sa vo ga oqo e rua vemama na yabaki. E sa na mai dregata na dua nadrau na yabaki ni cakacaka tabu me vakaukauwataka ka vakatetea na yavutu era a soli bula kina e vuqa ena Taba Yabaki ni Qaqa Ena gauna koya na lewe vakabauta Vakabaha’I era marautaka talega na vakananumi ni Nona sa kacivi yani ko ‘Abdu’l-Baha, ena gauna koya nai tokani lomani na Qasenvuli (Master) e sa sereki kina mai nai vesu ni vuravura oqo me laki veitokani kei na Nonai Tubutubu Turaga ena I tikotiko cecere vakalomalagi. Na soqo ni Nona lotu ni veibulu e a qaravi ena siga ka tarava, e dua na soqoni, ‘’ e tautauvata ni ra sega ni raica vakadua na vanua ko Palesitaina’’. Ni sa oti na soqoni koya, na Yagona Tabu e a laki vakadovori me vakacegu ena dua na rumu ena Nona Vanua ni Vakacegu na Bab. E dina ga, e a sa tatadrataka oti tu o Shoghi Effendi ni oqo ena dua ga na gauna lekaleka. E na tara e dua na Nona I Vanua Tabu (Shrine), me na vei raurau kei na Nona tutu ko ‘Abdu’l-Baha, ena kena gauna dodonu.

Sa yaco mai na kena gauna. Sa vakaroti na lewe ni Vakabauta e vuravura me tara na vale me na taqomaka vakadua ka tawamudu the yagodra tabu. Oqo me na tara ena loma ni Ridvan Garden, ena tiki ni qele tabu ena nona gaunisala na Lagilagi Totoka; na Nodra Qele Tabu ni vakacegu ko ‘Abdul-Baha ena vakadavori ena kedrau veimama na Vanua Tabu mai ‘Akka kei Haifa. Na cakacaka ni kena dorinitaki na vale oqo sa toso sara tiko, kei na vuqa na I tukutuku ena vakadewataki yani ena veivula se bera mai.

Na marau cecere e vuabale vei keda, ni da nanamaki yani kina yabaki mai oqo kei na veika na kauta mai. Keitou sa rai yani vei kemuni yadudua—kemuni ko ni vakaitavitaki kemuni ena veiqaravi vei Baha’u’llah, cakacaka vakagumatua ena vei matanitu me rawati na sautu—me rawa moni vakayacora nomuni veiqaravi cecere.

- The Universal House of Justice