The Universal House of Justice

Ridván 2026

To the Bahá’ís of the World

Dearly loved Friends,

Maanna Ukiunut Qulingiluanut Pilersaarusiap killiffiisa aappassaat anneq aallartippoq. Isigaavut nunarsuarmi inooqatigiit Bahá’ít ataatsimoorlutik siumukariartortut, Pilersaarutip toraarfigisaanut pissutissaqarluartumik tatiginnissuseqarlutik. Toraakkap ersarissusia qularnanngissusialu nalunanngilaq. Nunarsuarmi toqqissisimannginneq alliartuinnartoq tatineqaatiginagu, suliassartaa illernartoq nakkutigaat. Immikkuttaaq qiimmatsaatigeqisatsinnik malugisimavarput uppertut nutaat kiffartuussinerup iliuuseqarnissallu aqqutaani Upperisami sivisuumik aalajaallutik ingerlaarsimasut saniannut pillutik kajumeqalutik ingerlaaqataasut.

Alloriarnerit pingajussaanni sumiiffinni anguniagaqarfiusussat iluanni malunnartumik misigisassat kinguneqarluartut pikialaartut aqqutigalugit pissarsiassat siammartitigassallu imaaginnavissimapput. Nuannaarutigisimaqaarputtaaq ikinngutit sumiikkaluartulluunniit Siunnersortit decembarimi maani katersuunnerannut atatillugu alunaarusiarput qimerloorlugulu isumaliutigisarmassuk, pilersaarusiorlutillu iliuuseqarniaraangamik imarisaa aallerfigisarlugu.

Anersaaq angusassamik toraagaqartoq taamaattoq ingammik malunniussimavoq institut-it aqqutigalugit nunarsuaq tamakkerlugu ataatsimiittarnerni. Suli tassa ataatsimiinnernit taamaattunit tusartuarparput malunnaatilik ataaseq nalunaarutigineqartartoq: paasisimasaqarluni oqaloqatigiinnerit immikkooruteqarluinnartut, nooqatigiinnik uummaarissunik pilersitsiniarnermi toqqaannartumik misilittakkat paasisimasaqarluarnermit toqqammaveqartut, eqqoriaanermik ilimatsaassaqarnernillu aallaaveqartuunngitsut. Oqaloqatigiinneq taamaattoq sumiiffinni tamani ingerlaavartumik ilinniarnermit kiminneqarsimasarpoq. Oqaloqatigiinneq taamaattoq Bahá'í-t inooqatigiittut ilungersuutaasa pingaaruteqassusianik paasisimasaqassusermik ulikkaarsimavoq, ilungersuutillu taakku nunarsuup eqqissisimanngiffiusup saariarfissaqaranilu ilitsersorneqarnissamik ilungersunartumik pisariaqartitseqisup qanoq kinguneqarumaarnerinut. Akisussaaffeqartutut aalajangiusimasutullu misigisimassuseq tamanut siammarsimavoq, suliassallu siunitsinniittup annertussusia eqqumaffigineqarpoq. Amerlasuutigut oqaloqatigiinnerup tamatuma ilassutissatut isikkivik tamakkiisuusoq qulaajartarpaa, tassanilu siunersineqartarpoq nunaqqatigiit inuillu ataasiakkaat ilungersuutaat pilersaarutinik suliniutinillu tunaartarininniarnernik kisimik pissuteqarneq jortut, inooriaasermilli ilinniutinit guuterpaluttunit ilusilersorneqarsimasumit – iliuutsit, sunniivegiqatigiinnerit angusaqarluarniarnerillu aqqutigalugit.

Pimoorussisumik oqaloqatigiittarneq taanna, tunniusimalluni ilinniarusussusermik ersersitsisoq, siuarsarneqarpoq inooqatigiit akornanni, nunagisami najugarisallu immikkoortortaanni, allaat nunaqarfinnut eqqaamioriinnullu assigiinngitsutigut apuussimalluni, soorlu ataatsimiinnerni aqutsivinnit aaqqissuunneqarsimasuni aammalu sumiiffinni taamatut sammisaqarnissamut periarfissaqalerfiusimasuni. Tamannattaaq qularisassaanngitsumik ilanngunneqartassaaq Nuna Tamakkerlugu Ataatsimeersuartarnerni. Oqaloqatigiinneq taanna siammariartuinnartillugu, tamatuma malitsigisaanik inuit ataasiakkaat eqimattakkaajusullu ataatsimoorussat akornanni iliuusissat nukittorsarneqarlutillu annertusarneqarnissaat takussallugu qilanaaraarput. Tamatigullumi tamanna oqaloqatigiinneruvoq suli avammut siammarterneqartariaqartoq, ikinngutinut, eqqaamiunut tarninullu inuiassuit ataasiussusiat toqqammavigalugu isumamik anersaakkut timikkullu siuariartuutaassasumik assingusumik ilungersuuteqarluni pimoorussinissamut isiginnittaaseqartunut. Oqaloqatigiinnissamut tamatumunnga annertusaaniarluni periarfissat annertusarneqarput – pilersaarutaaqqaarsimanngikkaluarpata siusinaarluarluguluunniit pilersaarusiarineqarsimappata – tamakku tamarmik takussutissaapput inuiaqatigiit iluannut itinerusumik ulajartuinnarnermut, neriuppugullu tamakku tamarmik nalinginnaasunngoriartuinnalissasut.

Inuiaqatigiit nalinginnaasut akornanni Bahá’ít inuinnaat akornanni sunniiniarlutik suleriaasiannik siumuigaangamik, suleriaasiisa immikkuullarissusii ukuusut tupigusuutigalugit maluginiartarpaat: kikkut tamat atugarissaarnissaat pimoorunneqassasoq, ataasioqatigiinneq allanullu kiffartuussinissaq pineqartoq, tunaartarisassat ersarissut alinneqartut, naak ajornartorsiutit tamaasa aaqqiissuteqarfigissallugit akissutissanik tamakkiisunik peqareerpasinngikkaluarlutik. Peqatigiilluni ilungersuuteqarnerup anersaava atorlugu, Bahá’ít allanik suleqateqarnissaq peqatigiillunilu ilinniaqatigiinnissaq ujartorpaat; allanillu soorlu inuiaqatigiitiluanni oqartussaassuseqarnermik akisussaaffimmillu tigumiagaqartunik peqateqartarnerminni pimoorussillutillu pissutsinut tappissuupput. Inuiaqatigiit iluanni allannguinissaq ujartorpaat politikikkut qaqerusunneq imminullu siuarsarnissaq pinnagu, taamatullu ilisimaaraat Upperisaq saqqummeriartuinnartillugu, qanoq eqqortumik suussusia siunertaalu paasinarluartumik saqqummiutissallugu pingaaruteqartiginersoq. Sumiiffinni assigiinngitsuni inooqatigiit inuiaqatigiinnut avatangiisiminniittunut itinerujartuinnartumik attaveqartalernermikkut, pinngitsoortussaanngitsumik aqqusaagassat nutaat apeqqutillu nutaat akisassat puttussuuttarumaarput, tamakkulu inooqatigiit allaasussaanngitsumik piginnaaneqaleriartornerannik kinguneqassaaq.

Soorlu qanittukkut Siunnersortit ataatsimeersuarmata nalunaarusiatsinni nassuiaatigigipput, ukiuni kingullerni sisamani ineriartorneq pingaarutilik pitarukkiartorsimavoq, tassanilu inooqatigiit Pilersaarusiamut atatillugu iliuuseqartussatut saqqumiartuinnalersimapput. Immikkut pisariaqartitat iliuuseqarfigisassallu aalajangersimasut siuarsarniarlugit aaqqissuussipput, suleqatigiissutissatut aaqqissuussaminni imminnut tapersersoqatigiittarput iliuusissatullu sinaakkutissiat ataavartumik ineriartortut aqqutigalugit sullerinnerunissaq ilinniarlugu. Assersuutissaq immikkuullarissoq tassaavoq inuusuttut eqimattakkuutaat najugaqarfimmi

suleqatigiissut, ilutimillu akuunissaannut kaammattuisartut. Taakku suliniuteqarnerat soorunami annertuumik iluaquserneqassaaq aqutsivinnit asannittumik kaammattorneqarlutillu siunnersorneqarunik, taamaattoq inuusuttut namminneq iliuuseqaqqaartarniarlutik takutitsisarsimapput, kiffartuussinertillu aqqutigalugu kinguneqarluartussamik aqqutissarsiortarsimallutik. Ilungersuuteqarniartarnerat amerlavallaartutigut aporaannerit eqqissiviilliornerillu, aningaasarsiornikkut naligiinngippallaarneq, inuiaqatigiillu akornanni qunnerit itisuut pilersimasut pissutigalugit pilersarsimapput. Pissutsit taamaattut pissutigalugit inuusuttut unammillernartorsiortarnerat miserratiginngilarput, nersorpagullu assuarlernissamut ajattuinissamullu isuma salliutinnagu, aporfiit annertoorsuit taamaattut anigorniarlugit kinguneqarluartussamik qaangiiniarlutik aqqutissarsiortarmata.

Ikinngutit asangaakkat, ullut atukkavut qanorluunniit toqqissisimananngitsigigaluarpata, ernumaqqunasi nikalloqqunasilu kaammattorumavatsigit. ‘Abdu’l-Bahá-p tamatta kaammattorpaatigut Guutip tunissutai tatigeqqullugit, ”tamatigut neriuuteqartuaannaqqulluta”, neriunnitsigut ”aalajaatsooqqulluta”, ”tarnimullu ernumasumut neriuuteqalersitsisuusaqqulluta”. Nunarsuatta killingusaa taarsiartorpat, neriunneq isumalluutinngortarpoq qaqutigoortoq – taamaattoq isumalluutaavoq, Aqqit Annersaasa innuttai naammattumik pilluaqqusaapput inuiassuit siunissaat qularinngilluinnarlugu qanoq ittuunersoq aalajangiussimagamikku, tamannalu pissutigalugu namminneq misilittakkatik naapertorlugit ilikkarsimasatik pissutigalugit. Amerlaqaat neriunnermut ilissi uummataannut apuussinnaasassinnut kipisattut.

Inooqatigiit sivisoorsuarmik neriunnerup inneranik paaqqinnittuusimasutut assersuutissaalluartut tassaapput malersugaagaluaqalutik naammagittartuartut, pinertoqalutik aalajaallutik Upperisap Pileqqaarfiani najugallit Bahá’u’lláh-mut malinnittuusut. Takusigit qanoq malinnilluartuujuaannarsimatiginersut, toqqammavigisanut aalajaalluinnarsimatiginersut, naak ukiuni qulikkaani arlalissuarni naakkittaaqisumik naqisimaneqartaraluarlutik – qanorlu aalajaalluinnarlutik nunani allani uppeqatimik siuariartorsimanerannit ilikkagaqartarsimasut, qanorlu nammineq nunagisaminni innuttaaqatiminnut kiffartuussiniarlutik tuppallersaasarniarlutillu aalajangersimasartigisut. Nunaqqaterpassuarminnut neriunnerup napasuliaatut issimapput, sulilu taamaattuujuarlutik, misigeqatiginnerup paasisimasaqassutsillu puilaffii, kiffartuussinerullu aqqusernani ingiallortit tatiginartut. Sapaatit akunnerit qaammatillu kingulliit ikinngutit taakku asaqisavut, ataavartumik isummatsinniissimapput qinnuttuarsimavagullu, soorlumi qularinngikkipput aamma ilissi taamaassimassagisi, Naalakkamullu Asannittuartumut qinuvugut asannittumik paaqqutarinninnerminik pooqqullugit.

Guutip Siunertaa siuarsaqqullugu nammineq ilungersuutisi minnerunngitsumik Alloriusap Illernartup saavani qinnussisarnitsinnut pissutaasarput – ingammik maannakkut Ukiunut Qulingiluanut Pilersaarusiap alloriarfissaa nutaaq aallartilermat. Ilerfinut Illernartunut oqquiartortarnitsinni, ilungersuutisi pillugit qamanngavik qinuvugut Guutimit ikiorneqaqqullusi tapersersorneqaqqullusilu, ilissilu tamaviaaruteqartarnersi nukissamik qasujaassusermillu tunineqaqqullugu qinuvugut. Qanortoq pilertortumik iliuuseqarisi, ilinniarnissamut pilerisuttuullusi, qanortorlu qilammi naalagaaffimmit pilluaqqussutit ilissinnit pigineqalerlik.

- The Universal House of Justice