Ko matagofie katoa e io te Aso tenei, ko te Aso te la a manogi o te alofa-fakamagalo ko oti ne agi mai i luga i mea faiite katoa, se Aso ne fakamanuia gina i te fia o tausaga ko teka mo senetuli e se taitai o fakamoemoe o faka-taufai ki ei, se Aso te la a mata o Aso o te Favavau ko oti ne fuli ki mua i Tou nofoaga mana. Mai i luga i ei a leo o mea faiite katoa, kae mai tua atu ia latou ko te Lukuuga Mana mai i Luga, ne lagona fakalei atu: Fakavave mai koe, O Kalamelu, aua, i te mainaaga o mata o te Atua, ko te Pule o te Maalo o Igoa mo te Tofuuga o lagi, ko oti ne apai ki luga ia koe.”

Pukegina ne te fiafia, kae avaka a tena leo ki luga, kae fai atu a ia penei: “Ke mafai o fai a toku ola me se taulaga kia Koe, pe la mo Koe ko oti ne fakamau a Tau kilo ki luga ia au, ko oti ne tuku mai a Ou fakamanuiaaga ki luga ia au, ko oti ne fakasaga kia au Ou kalafaga. Mavaeega mai ia Koe, O ko Koe ko te Kamataga o te ola e se gata, ko folo ne ia au, ka ko toku mao mai i Tou nofo-mai ko oti ne fakaka keatea a toku agaaga ola. Tavaeega katoa e io Koe ona ko au ne fakamafai ke fakavave ki Tau kalaga, ona ko toku faka aloalo mai i Ou kalafaga, ona ko te fakavave o toku aagaaga ola e auala atu i manogi faka-maalosi o Tou Aso mo te leo tagi o Tau Pene, se leo ko oti ne ki Tau kalaga fakaeke ne Koe -mai-i-pu-ili i vasia o Au tino. Kae kafai a te itula o Tau Talitonuuga e se-mafai-o-taofigina ko tau o fakaasi ko oko kiei, ne manava ne Koe a se manavaaga o Tou agaaga ki Tau Pene, kae poi, a te foafoaaga katoatoa ne gasuke ki te fakavae, fakaasi atu i ei ki tino a mea lilo ko la e moe funa i loto i kope taaua a Ia Tela ko te Pule o mea faiite katoa.”

Ne seki leva kae oko atu a tena leo ki te Kogaa-koga tafasili i te fakamaalu ne fai a te Omotou tali penei: “Tuku atu a fakafetai ki tou Aliki, O Kalamelu. A te afi o tou mavae mai ia Au ko vave o fologina a koe, kafai a te vasa o Tou nofo-mai ko soko i ou mua, fakafiafia i ou mata mo mata o latou katoa i te foafoaaga, kae fakafonu mo te fiafia a mea katoa e lavea mo te se-lavea. Fiafia, aua i te Atua i te Aso nei ko oti ne fakatu i luga ia koe a Tena kalauna-faka-tupu, ko oti ne fai a koe me ko te aso-maalumaalu o Ana failoga mo te aso kamata o molimau o Tena Fakaasiiga. E gali mo ia te la e tamilomilo fakapukupuku ia koe, te la e fakailoa atu a te fakaasiiga o tou matagofie, kae e toe-lau i ei a alofaaga mataefa o te Aliki tou Atua ko oti ne vaiua atu ki luga ia koe. Puke aka a koe ki te Ipu o te Ola-e-Favavau i te igoa o tou Aliki, ko te Matagofie-Katoatoa, kae fakafetai kia Ia, pe la mo Ia, i alofaaga o Tena alofa-fakamagalo mo koe, ko oti ne fuli a te fanoanoa ki te fiafia, kae fuli a tou fanoanoa ki te fiafia gali, kae mai i ei a Ia ne maligi Ona loimata.

“Kalaga atu kia Siona, O Kalamelu, kae fakapula atu a tala faka-fiafia: A Ia te la ne funa mai i mata o tagata ko vau! Ko Tena nofoaiga-faka-aliki manumaalo katoatoa ko lavea atu; ko Tena matagofie manumaalo-katoatoa ko fakaasi. Faetete ia koe mana fakatuai io me e lave. Fakavave ki mua kae faka tamilomilo i te FakaiLasi o te Atua te la ko oti ne tuku ifo mai i te lagi, ko te Fatu (Kaaba) mana i luga te la e siomio i ei i te faka-aloalo ne fagasele a te Atua, ko te piua olotou loto, mo te lukuuga o agelu. Oh, e pefea a toku loto naunau o fakailoa atu ki so se kogaakoga o te lalolagi, kae avatu ki feitu takitasi katoa o fakai, a tala faka fiafia o te Fakaasiiga tenei – se Faaasiiga i te loto o Sinai ko oti ne fakapilipili mai, te la i tena igoa a te Vaofoliki Ka e kalaga atu penei: “Kia Koe te Atua, te Aliki o Aliki, e ia koe a maalo o te lalolagi mo te lagi.” E tonu ko te Aso tenei te la a te laukele mo te tai ne fiafia o fakatasi i te fakapulaaga tenei, ko te Aso ko oti ne fakaasi ki luga i mea ko la a te Atua, mai i te alofa i tua atu o te mafaufau o tagata, io me ko te loto, ko oti ne fakasino mo te fakaasiiga. Ko pili kae malaga mai a te Atua i Tena Vaka i luga ia koe, kae fakaasi ki tino o Bahá ko la ko oti ne tusi i loto i te Tusi o Igoa.”

Fakamana ki te Aliki o tino katoa, i te takuga o Tena igoa a atomu katoa o te lalolagi ne gasuesue polepole, ka ko te Laulaufaiva o te Matagofie ne gasuke o fakaasi a mea ko la e kofu i Tena poto kae takato funa i loto i te kogaa koga tausi kope taaua o Tena mafi. A Ia, e tonu, mai i te maalosi o Tena Igoa, ko te Maalosi Katoatoa, ko te Tafasili i te Maluga, ko te pule o latou katoa i lagi mo katoa i luga i te lalolagi.

Mea nei ko te Toe Tapeleti Tafasili i te Mana ne tuku ifo ki lalo mai i te maalo mana ki te tokotasi ko oti ne faka-agai ona mata ki mua i te Pogai o te faka-aloalo o te lalolagi, a Ia Tela ko oti ne vau mai i te lagi o te favavau, fakaekegina mo te matagofie silisiliese.

I te igoa o te Aliki, ko te Aliki o te matagofie silisili i te takutakua

Mea nei ko te Tusi mai i te nofo-mai o Matou kia ia te la a veli o igoa ne seki mafai o taofi ki tua mai i te Atua, ko Tufuga o te lalolagi mo te lagi, ko ona mata ke mafai o fakafiafia i aso o tena Aliki, ko te Feasoasoani-i-Mea-Faigata, ko te Ola-loa-ia-Ia.

Fai atu, O latou tautali i te Tama Tagata!2 (Iesu) Ko oti koutou ne pono mai ia Au ona ko Toku Igoa? Kaiaa la e se tuku oulua loto? Ao mo po e kalaaga koutou ki te outou Aliki, ko te Silisiliese, kae kafai e vau a Ia mai i te lagi o te favavau i Tena matagofie takutakua, e fakaseke koutou mai ia Ia kae tumau i te goto-ifo i te sefakalogo o koutou.

Mafaufau kia latou ko la ne seki talia ne latou a te Agaaga3 (Iesu) i taimi ne vau a Ia kia latou mo te laufenua e maina. E pefea a te toko uke o Falasaito ne muni a latou i falesa i Tena igoa, fanoanoa i te mavae o latou mai ia Ia, kae te la la i taimi ne matala i ei a mataloa o te toe fetauiiga kae maina mai a te Mainaaga faka-te-lagi malifalifa mai i te Kamataga o te Gali, ne seki talitonu a latou i te Atua, ko te Maualuga, ko te Mafi. A latou ne se kafi o oko atu ki Tena nofo-mai, e uiloa a Tena oko mai ne valo faka-feagaiiga mai kia latou i te Tusi a Isaia pe la foki mo Tusi a Pelofeta mo Faifekau. E seai se tino ia latou ne fuli ona mata ki mua i te Kamataga o te alofa mataefa faka-te-lagi na loa ko latou faka-alofa kae aunoa mo se maalosi o latou i vasia o tagata. Kae e ui iei, i aso nei, a tino katoa taki tokotasi e iai ia ia a te maalosi kae fakauta ki te nofoaiga-faka-aliki e mita i luga i Tena Igoa. E se gata i ei, masaua a ia te la ne fakamasino ne ia a Iesu ki te mate. A ia ko te toe tino atamai o ona tupulaga i tena fenua tonu, kae ko te tagata faika fua te la ne talitonu ia Ia. Masaua fakalei, kae fai mo latou ko la e tautali ki te poloakiiga tenei.

Mafaufau aka pena foki, i te uke o taimi ne nofo a faifeau (monks) ia latou loa i olotou falesa, kalaga atu ki te Agaaga (Spirit), kae i taimi ne fakasae mai a Ia i te maalosi o te Mea Tonu (power of Truth), ne seki mafai ne latou o fakapilipili atu kia Ia ka ko lau a latou i tino ko la ko galo mao atu. Fiafia a latou ko la ne liakina a latou kae tuku atu olotou mata ki mua ia Ia Tela ko te Manakoga o latou katoa ko la i lagi mo latou katoa ko la i luga i te lalolagi.

Latou e faitau i te Evagalio kae e ui i ei e ita ma lavea ne latou a te Aliki MatagofieKatoatoa, e uiloa a Ia ne vau i te maalosi o Tena fakaaloalo, Tena mafi mo Tena puleega matagofie. A matou, e tonu, e aumai ona ko koutou, kae nofo o kufaki a fakalavelave o te lalolagi ko te mea ke fakasao a koutou. Tele koutou ki te Tokotasi te la e tuku taulaga a Tena ola ko te mea ke fakasao a koutou? Mataku ki te Atua, O taugasoa o te Agaaga, kae sasale i kalafaga o latou taki toko tasi mai i te lagi ko la ko oti ne galo mao atu. A koe e mafaufau me a Ia e saala loa ki te mea e lei kia Ia, aua a Ia ko oti, i taimi katoa, ne fakamatakutaku ne pelu-taua o te fili; io me ko Ia e saala ki mea lei o te lalolagi, mai tua ifo ne falepuipui i toe fakai loa fakamataku? Ke fuafua-tau i tau fakamasinooga kae sa tautali i kalafaga o latou e se-faimea tonu.

Tala a mataloa o outou loto. A Ia Tela ko te Agaaga e tonu e tu i mua o koutou. Kaia la e tausi ke mao a Ia mai ia Ia Tela ko oti ne fakatagi ke futi mai a koe ke pili ki te Kogaa-Koga Malifalifa? Fai atu: A matou, i te tonuuga, ko oti ne tala atu kia koe a mataloa o te Maalo. E pono ne koutou a mataloa o te outou fale i Oku mata? A te mea tenei e tonu loa se mea see kii. A Ia, e tonu, ko oti ne toe vau mai i te lagi, pe la foki loa mo Tena vauuga ki lalo i te taimi muamua. Faetete i te mea ma fakapelo ne koe a te mea ne fakapula mai ne Ia, pe la loa mo latou mai i ou mua ko la ne fakaloi Ana faipatiiga. E tena a te fakatonuuga a te Tonu Tokotasi, ea e mafai o atafia ne koe.

A te vaitafe ko te Iolitana e soko ki te Vasa Tafasili i te Lasi, (the Most Great Ocean) a ko te Tama Tagata, i te vanu mana e tagi atu penei: “Au tenei, au tenei O te Aliki, toku Atua!”, ka ko te Sinai e tamilomilo faka pukupuku i te Fale, ka ko te Lakau-e-ka-i-te-Afi e tagi atu penei: “A ia Tela ko te Manakoga Toko tasi ko vau i Tena afioga malifalifa silsili.” Fai atu, Tenei! A te Tamana ko vau, ko oti ne fakataunu a mea ko la ne feagaiiga mai i te Maalo! E tenei ate Muna tela ne pono ne te Tama Tagata, tena ne fai atu kia latou i Ana tafa penei: “E se maua ne koutou o puke a mea konei.” Kae kafai a te taimi ne tusigina ko fakataunu a ko te Itula ko ta taimi, a te Muna ne maina ki mua mai i luga i te sikulagi o te Finagalo o te Atua. Faetete, O latou e talitonu i te Tama Tagata, ke mo a e pei ki outou tua. Puke mau ki ei. E aoga atu tenei mo koe i mea katoa ko la e nofo mo koe. E tonu a Ia ko pili atu kia koutou ko la e amio lei. A te Itula te la ne funa ne Matou mai i te poto o tino o te lalolagi mo fagasele agelu ko oti ne ta ko seke. Fai atu, e tonu, a Ia ko oti ne molimau ia Au, ka ko au e molimau ia Ia. E tonu, a Ia e seki tofi aka se isi tino na ko Au. Ki te mea tenei e fai mo molimau a latou ko la e mafaufau lei kae e maina a olotou agaaga ola.

E uiloa e pokotia ne mea faigata e se maua o laugina, e kalaga atu Matou ki tino ki te Atua, ko te Aliki o igoa. Fai atu, taumafai ke maua ne koe a te mea te la ko oti ne fegaiiga kia koe i Tusi a te Atua, kae sa-fano i auala o te vale. A toku fuaitino ko oti ne kufaki a te nofo-i-te-falepuipui ko te mea ke mafai koe o tala mai i te saisaiiga o koe. Tuku ou mata ki mua i Ona mata kae sa tautali i kalafaga o so se tino teke kae kaitaua. E tonu, a Ia ko oti ne fakasaoloto ke tafalalo a ia ko te mea ke mafai o oko atu ki te matagofie, kae e ui iei, a koutou e fakaasi atu i te vanu o te se fakalogo. A Ia, i te tonuuga, e nofo i te koga nofo tafasili i te tafalalo mo koutou, ka koutou e nofo i outou palesi totino.

Fai atu, e seki lagona ne koe a te Leo o te Tino Tagi (Voice of the Crier), e kalaga maluga i te vao o te Bayán, o avatu kia koe a tala-lei o te oko mai o tou Aliki, ko te Alofa-Fakamagalo Katoatoa? Tenei! A Ia ko vau i te ata-malusia o Tau Feagaiiga, faka-uta ki fakatalitonuuga mo molimau mautinoa, mo latou ko la e talitonu katoatoa ia Ia kae e fakamalu a Tena nofo-mai me ko te fakatonuuga katoatoa o te Maalo o te Atua (Kingdom of God). Fakamanuia ki te tagata te la e fuli atu ki mua ia Ia, kae faka-fanonoa kia ia te la e se-talitonu io e fakalotoloto-lua kia Ia.

Fakasalalau atu ki faifeau: Tenei! A ia Tela ko te Pule ko vau. Laka mai ki tua mai i tua o te veli i te igoa o tou Aliki, a Ia te la e takato i lalo i ua o tagata katoa. Fakapula atu ki tino katoa a tala-lei o te Fakaasiiga mafi kae matagofie tenei. E tonu, a Ia Tela ko te Agaaga o te Mea Tonu ko vau o takitaki a koe ki mea tonu katoa. A Ia e faipati seai ko musumusuuga mai ia Ia loa, kae ko fakatonuuga mai ia Ia Tela ko te Iloa-Katoatoa, ko te Atamai-Katoatoa.

Fai atu, tenei a te Tokotasi Tela ko oti ne fakamana a Tama tagata kae fakamalu a Tena Fakatokaaga. Pei keatea, O tino o te lalolagi, a mea ko oti ne puke mau koe ki ei ko la ne fakatonu mai a koe ne te Maalosi-Katoatoa, a Ia Tela ko te Kave o te Kope Taaua a te Atua. Fakalogo ou taliga kae tuku outou loto ki mua ia Ia ko te mea ke lagona ne koe a te Kalaga tafasili i te gali te la ko oti ne avaka ki luga mai i Sinai, ko te kogaa koga nofo o Tou Aliki, ko te Tafasili i te Matagofie. I te tonuuga, ka futi atu koe fakapilipili ki te Kogaa Koga te la e atafia ne koe a te gali o te mainaaga o Ona mata te la e maina atu mai i luga o te Sikulagi malifalifa tenei.

O a te lukuuga o faifeau! (concourse of priests) Liakina a peele, kae vau ki mua, aumai keatea i outou falesa. E tau mo koe, i te aso tenei, o fakasalalau ki luga a te Igoa tafasili i te Takutakua i vasia o fenua. E lei atu a koe ma filemu, ka ko fuafatu taki tasi mo lakau ola taki tasi katoa e pa-kalaga atu penei: “Ko te Aliki ko vau i Tena matagofie takutakua!”? E lei mo tagata te la e fakavave kia Ia. E tonu, a ia e lau i vasia o latou ko la a olotou igoa ka fakamau ki te se-gata-mai kae ka takugina i te Lukuuga Mana mai i Luga. E tena a te ea ko oti ne fakatonu mai ne te Agaaga o te Tapeleti fakaofoofogina tenei. A Ia te la e kalagina ki tagata i Toku Igoa, e tonu loa, mai ia Au, kae ka fakaasi atu a te mea te la ko silia atu i te maalosi o latou katoa i luga i te lalolagi. Tautali koe i te Auala o te Aliki kae sa sasale i kalafaga o latou ko la ko apulu ki lalo i te se-fakalogo. E lei mo ia te la e moe moe te la ko fakagasusue ne te Matagi Ili Malielie o te Atua (Breeze of God) kae tu ki luga mai i te mate, fakatonu atu ana kalafaga ki mua i te Auala o te Aliki. E tonu, a se tagata pena e fai, i mata o te Atua, ko te Tasi Tonu, pela me se fatu taaua i vasia o tagata kae e iloagina ne latou faka-te-lagi.

Fai atu: I te Sopoga-la a te Mainaaga o Tena Fakaasiiga (Light of His Revelation) ko maofa; i te Toga-la ko oti ne sae mai a failoga o Tena laufenua. Tuku i oulua loto, O tino, kae sa fai pe la mo latou ko la e tuli a olotou taliga ki poloakiiga a Ia Tela ko te Mafi-Katoatoa, ko te Tavaeega-Katoatoa. Fai aka a te Matagi Ilili Malielie a te Atua ke fago a koe. E tonu, ne agiagi atu mai i luga o te lalolagi. E lei mo ia te la ko oti ne maua a te manogi kona kae e lau a ia i vasia o latou ko la e mautinoa tonu.

O lukuuga o pisopo! (concourse of bishops) A ia ko te fetu o te lagi o Toku poto. A toku alofa-fakamagalo e se-manakomia ke siga koe ki luga i te lalolagi. A toku fai mea tonu, na la, e faipati mai penei: “Mea nei ne fakatonu mai ne te Tama Tagata (Son).” Kae so se mea ne puna mai i Tena muagutu faka talitonugia, aunoa me se mea se iei, kae faipati ki te mea tonu, e se-mafai lele loa o fuli. A peele, e tonu, e kini i ei a Toku Igoa, kae fanoanoa ia Au, ka ko Toku agaaga fiafia i se fiafiaaga mautinoa tonu. A te fuaitino o Ia Tokotasi Fagasele e naunau ki te sataulo, a ko Tena fogaulu e manako ki te tao velo, i te auala o te Matagofie-Katoatoa. A te fanaka ki luga o latou teke e se-mafai lele o faka-se a Ia mai i Tena galuega. Ko oti ne kalagina ne matou a mea faiite katoa ke oko atu ki te nofo-mai o te Aliki, ko te Tupu o igoa katoa. Fakamanuia a te tagata te la ko oti ne faka-agai ona mata ki mua i te Atua, ko te Aliki o te Aso o te Fakamasinoga.

O lukuuga a takitaki (monks)! Ka fai a koe e filifili ke tautali mai kia Au, ka fai ne au a koe mo sui o Toku Maalo; kae kafai e soli-tuakoi mai kia Au, ka fai ne Au i Toku logomae ko leva ne nofo mo Au, kae kufaki mo te onosai, ka ko Au, ko te Fakamagalo-Katoatoa, ko te Alofa-Fakamagalo.

O te fenua ko Syria! Se a te mea ko tupu ki tou nofo-fai-mea-tonu? A Koe, i te tonuuga, ko faka-maluga ne kalafaga o tou Aliki. Ko oti a koe ne atafia a te

manogi o te toe fetaui faka-te-lagi, io me ko koe ko lau ia latou e se fakalogo?

Peteleema ko ala mo te Matagi-Ili-Malielie o te Atua. E lagona ne Matou a tena leo e fai penei: O te Aliki tafasili i te alofa! E fakatu i fea a Tou matagofie? A manogi suiti o Tou nofo-mai ko fakavave mai au, mai tua i taku liuaaga ona ko toku mavae mai ia Koe. Tavaeega e io Koe me ia Koe ko oti ne apai aka a veli, kae vau i te maalosi o te matagofie mautinoa tonu.” E kalaga atu Matou kia ia mai i tua o te Fale Tapuaki Malu o te Afioga mo te Matagofie (Tabernacle of Majesty and Grandeur): “O Peteleema! A te Mainaaga tenei ko fanaka ki luga i te saega-la, kae fano malaga ki tua ite tooga-la, ke oko ki taimi e oko atu kia koe i te afiafi o tena olaaga. Fai mai kia Au: E lavea ne tama tagata a te Tamana, kae iloa a Ia, io me ko te mea e liakina ne latou a Ia, pe la mo tino mai mua atu ne liakina a Ia?” (Iesu) Tena i ei ne kalaga mai a ia penei: “A Koe, e tonu, ko te Iloa-Katoatoa, ko te Tafasili i te Iloa Fakalei.” E tonu, E lavea ne Matou a mea faiite katoa e gasuke o fai mo molimau, kae e ui i ei seiloa ne latou a Matou. A niisi e iloa a Matou kae fai mo molimau, ka ko tokoukega, e fai mo molimau kae e seiloa ne latou a Matou.

A te Mauga ko Sinai ko ala i te fiafia o lavea a Omotou mata. Ko oti ne avaka a tena leo gali ki luga i te tavaeega o tena Aliki o fai atu penei: “O te Aliki! Au e sogi ne au a te manogi o Tou gatu. Au e mafaufau ia Koe ko pili mai, fonufonu ki luga i failoga o te Atua. Ko oti a Koe ne faka-malu a kogaa koga konei i Ou kalafaga. E lasi a te fakamanuiaaga o Au tino, e mafai o seiloa ne latou kae e iloa fua ne latou a Koe kae manava ki Ou manogi suamalie; kae faka-fanoanoa kia latou ko la e to kii a olotou moe.”

Fiafia a koe te la ko oti ne fuli ou mata ki mua i Oku mata, a ko Koe ko oti ne

ofa ki lalo a veli, ofa ki lalo a fatagata kae laveagina ne koe a te Aliki mai i te favavau. A tino o te Qur’án ko oti ne tu ki luga o teke mai kia Tatou aunoa mo ne fakamaoniiga maina, fakaitaita mai a Tatou i so se minute mo fakaitaita foou. Ne mafaufau faka valea i fakalavelave e mafai o fakatuai i ei a Tou galuega. E fakasupasupa kii loa a te mea ne mafaufau ki ei a latou. E tonu, ko tou Aliki ko te Tasi Tela ko Ia e fakaeke a so se mea e fiafia a Ia ki ei.

E seki fano aka loa i tafa o se lakau ola kae e se faipati mai a Toku loto penei: O mo ni fai e kati a koe ki lalo i Toku igoa, a Toku fuaitino e faka-sataulo i luga ia koe.” E fakaasi atu ne Matou a te fuaiupu tenei i te Tusi ki te Tupu (Sháh) ke fai mo fakamasauaaga kia latou tautali o Talitonuuga, E tonu, a tou Aliki ko te IloaKatoatoa, ko te Atamai-Katoatoa.

Se faigia a mea ko oti ne fai soko ne latou mo mea e fanonoa koe i ei. E tonu kii loa ia latou pe la me ko mate, kae e se ola. Liakina a latou ki te mate, kae fuli a outou mata ki mua ia Ia Tela ko te Fakaola o te lalolagi. Faetete i munamunaaga a latou se fakalogo e fai mo mea e fanoanoa i ei a koe. Ke mautakitaki a koe i te Fakatokaaga, kae talai ki tino mo te atamai katoatoa. E pena a te fakatonuuga kia koe mai i te Pule o te lalolagi mo te lagi. A ia i te tonuuga ko te Mafi-Katoatoa, ko te Tafasili i te Alofa-Kaimalie. Ko pili kae fakamaluga ne te Atua a tou masauaaga kae tusi ki te Pene o te Matagofie a mea ko la ne faipati ne koe ona ko Tena alofa. A Ia e tonu ko te Puipui o latou e fai mea lei.

Ave a Toku masausauaaga ki te tasi e igoa kia Murád kae fai atu penei: “Fakamanuia a koe, O Murád, pe la mo te ave keatea a musumusuuga o ou

manakoga kae ko oti ne tautali kia Ia Tela ko te Manakoga o tino katoa.”

Fai atu: Fakamanuia a te tino moe te la e fago gina ne Toku Matagi-Ili-Malielie. Fakamanuia ki ia te la e seai sena olaga te la e fakavave mai i Aku manava-navaaga. Fakamanuia a te mata te la e fakamafanafana mai i te kilokilo ki Toku gali. Fakamanuia a te tino fai malaga te la e fakatonu ona kalafaga ki mua i te Fale Tapuaki Malu o Toku matagofie mo te afioga. Fakamanuia a ia te la ko manava-se te la e sala ki se lafiga mai i lalo o te malu o Toku fale. Fakamanuia a ia te la e fia inu te la e fakavave ki te vai e tafetafe malielie o Toku alofa-kaimalie. Fakamanuia ki te agaaga ola te la e umiti kae liakina keatea ona manakoga kai-manako ona ko te alofa mo Koe kae nofo i te taipola o te kaiga lasi tela e aumai ne Koe mai i te lagi o te alofa mataefa faka-te-lagi mo Au tino filifilia. Fakamanuia a ia tafalalo te la e takato kae piki mau ki te kafanoa o Tou matagofie; mo ia te la e oge kae ulu atu mai i lalo o te ata o te Fale Tapuaki o Tou maumea. Fakamanuia a ia te la e valea kae te la e salasala ki te vai o Tou poto; mo ia te la e se-fakalogo kae piki mau ki te kafanoa o Toku masauaaga. Fakamanuia a te agaaga ola te la ne maua ne ia a te ola mai i Toku manavaaga fakavave kae tali atu ki loto i Maalo faka-te-lagi. Fakamanuia a te tagata te la a manogi suamalie o te toe feiloai mo Au ko faka-gasuesue ke faka-pilipili atu ki te Aso Malulu o Toku Fakaasiiga. Fakamanuia ki te taliga te la ko oti ne lagona mo te laulaufaiva te la e fai mo molimau a ko te mata te la ko oti ne lavea ne ia kae atafia a Ia ko te Aliki, i Tena matagofie mo te afioga, e fakauta ki te silisiliese mo te maalosi. Fakamanuia a latou ko la ko oti ne oko atu ki Tena nofo-mai. Fakamanuia a tagata te la ko oti ne sala ki se fakamainaaga mai i te Fetu Ao o Taku Muna. Fakamanuia a ia te la ne fakapei a tena ulu ki te kalauna o Tena alofa. Fakamanuia a ia ko oti ne lagona ne ia a Toku fanoanoa ka ko oti ne tu ki luga o feasoasoani a Au i vasia o Aku tagata. Fakamanuia a ia te la ko oti ne tuku ki lalo a tena ola i Toku auala kae ne maua ne ia a tigaina lausa ona ko Toku igoa. Fakamanuia ki tagata te la, fakatalitonu ki Taku Muna, ko oti ne tu ki luga mai i vasia o tino mate o fakamanatu Ou tavaeega. Fakamanuia a ia te la ko oti ne ufigina ne Toku sikuleo gali kae ofa ki lalo a veli mai i te maalosi o Toku mafi. Fakamanuia kia ia te la e tumau ate fakatuanaki ki Taku Feagaiiga, te la ia ia a mea o te lalolagi e seki mafai o taofigina mai i te oko atu ki Toku fale mana. Fakamanuia ki tagata te la ne motu ma a ia mai i mea katoa na ko Au, kae ko oti ne lele atu ki te ea o Toku alofa, ko oti ne talia o ulu atu ki loto i Toku Maalo, fakasagai atu ona mata ki Oku kogaa koga matagofie, inu ki te vai ola o Toku alofa-mataefa, ko oti ne inu a tena ipu mai i te vaitafe faka-te-lagi o Toku alofa-atamai, fakamasani a ia mo Taku Fakatokaaga, taofi a mea ko la ne funa ne Au i loto i kope taaua o Aku Muna, kae ko oti ne sulu maina mai i te sikuagi o te poto faka-te-lagi kae o aga ifo ki Oku tavaeega mo te fakaaloaloga. E tonu, a ia ko Au. I luga ia ia e nofo i ei a Toku alofafakamagalo, Toku alofa-kaimalie, Toku alofa mataefa mo Toku matagofie.

Mea nei ko te Kalaga a te Matagofie-Katoatoa te la e fakapula mai i te Sikulagi Tafasili i te Maluga i te Falepuipui o ‘Akká

A Ia ko te Faiakoga, ko te Iloa-Katoatoa, ko te Logo-Katoatoa

Te Atua, ko te Tasi e Tonu, e molimau pela foki mo latou Fakaasi o Ona igoa mo uiga lei e molimau i te pogai tonu o Matou ko te avakaaga a te Kalaga kae fakasalalau a Tena Muna maluga ko te taliga o te foafoaaga katoatoa ke mafai, ma i te vai ola o faipatiiga faka-te-lagi, ke kave keatea mai i tala se-tonu kae ke tiuni ki te Muna mana, matagofie kae mauluga, ko oti ne aumai mai i te kogaa koga tausi o te poto o te Tufuuga o Lagi mo te Faiiteega o Igoa. Fiafia a latou ko la e fakamasino mo te fakamaoni.

O tino o te lalolagi!

Tala-Lei muamua

te la ko te Matua o Tusi ko oti, i te Fakaasiiga Tafasili i te Takutakua, ne tuku atu ki tino katoa o te lalolagi ko te tulafono o te taua mana ko oti ne solo keatea mai i te Tusi. Matagofie ki te Alofa-Fakamagalo Katoatoa, ko te Aliki o te alofa salalau, mai ia Ia ko mataloa o te alofa faka-te-lagi ko maatala i mata o latou katoa ko la i te lagi mo te lalolagi.

te lua o Tala-Lei

E saoloto ko tino mo kaaiga o te lalolagi ke taki fesokotaki tino ki sua tino i te fiafia mo te maina. O tino! Fesokotaki mo tino o talitonuuga katoa i te agaaga o te faka-taugasoa mo te fakatasitasi. E pena a te fetuao o Tena faka-saolotooga mo te pule e maina atu ki mua mai i luga atu o te sikulagi o te ikuuga a te Atua, ko te Aliki o lalolagi.

te tolu o Tala-Lei

e uiga mo te taulotooga o gana kesekese. A te fakatonuuga tenei ne aumai muamua loa mai i te Pene o te Tafasili i te Maluga: e fakatonu ki tupu o te lalolagi – ke mafai ne te Atua o feasoasoani kia latou – io me ko minisita o te lalolagi ke patipati fakatasi kae ke talia se gana e tasi o gana konei e fakaaoga io me ko se gana e tasi ke akoako ki tamaliki i akoga katoa i te lalolagi, kae e pena foki a te tasi o te gana e tusitusi. E tena i ei ko te lalolagi ka mafai o vau ke fai pe la me se fenua e tasi. E llei mo ia tela e fakavave ki Tena Kalaga kae tautali ki te mea tela e funa ne te Atua, ko te Aliki ote Kalauna-o-Tupu Mafi.

te fa o Tala-Lei

Kafai a se tupu – ke mafai ne te Atua o feasoasoani kia latou – e tu ki luga o puipui kae feasoasoni ki tino tigaina konei, a tino katoa e tau o fakataufai mo sua tino i te alofa kae tavini kia ia. A te mea tenei e tau o fakatulafono gia mo tino taki toko tasi katoa. E llei mo latou ko la e amio tautali ki te mea tenei.

te lima o Tala-Lei

I fenua taki tasi katoa ko la e nofo i ei a tino, e tau mo latou o amio ki maalo o fenua kona mo te usiusitai, fakamaoni mo te fai muna tonu. Tenei a te mea ko oti ne fakaasi i te loto o Ia Tela ko te Fakaeke, ko te Kalevaleva o Aso.

E manakomia kae e faka-tulafoniogina i luga i tino o te lalolagi, tasi kae katoa, o avatu a te fesoasoani ki te Fakatokaaga takutakua tela ne aumai i te lagi o te Finagalo o te Atua nofo-mai katoatoa, ko te mea ko te afi o te fai fili te la e ka i loto o niisi tino o te lalolagi e mafai, i te vai ola o te atamai faka-te-lagi kae mai i poloakiiga fakate-lagi mo fautuaaga, o fakagata, ka ko te mainaaga o te fakatasitasi mo te fealofani ke mafai o sulu maina atu ki luga i te lalolagi.

E fakataua ia Matou a te fakamoemoega me mai i taumafaiiga patonu o latou ko la ko faiakoga o te maalosi o te Atua – e maluga a Tena matagofie – a mea tau o te taua i te lalolagi e mafai o fuli ki mea fai galuega o toe faiite aka atiakeega ko te mea ko fakalaveave mo taua ke kave keatea mai i vasia o tagata.

te ono o Tala-Lei

ko te fakatuuga o te Filemu Foliki, a mea likiliki o ia ko oti ne fakaasi atu mai i te Pene a Matou Tafasili i te Maluga. Takutakua ko te fakamanuiaaga o ia tela e tausi kae tautali ki so se mea e fakaeke mai ne te Atua, ko te Iloa-Katoatoa, ko te Atamai-Katoatoa.

te fitu o Tala-Lei

Ko te filiiga o lava peipei mo te kati o te talafa mo tena teuteu e tuku ki te fuafuaaga a tagata. Kae faeteete, O tino, ia koutou mana fai pe la me ne mea fakakata a latou e seiloa.

te valu o Tala-Lei

A faiga llei a takitaki (monks) mo faifeau (priests) i vasia o latou e tautali ki te

Agaaga1 (Iesu) i luga ia Ia ko te filemu o te Atua – e fakamasaua i Tena nofo-mai. Te Aso tenei, na la, ko latou ke liakina a te olaaga nofo tokotasi kae ke kave olotou kalafaga ki mua i te lalolagi matala kae ke galue latou ki mea ko la e taaua kia latou mo niisi. Ko oti ne talia ne Matou ke fai a olotou avaga kae ke aumai ne latou a tino ko la e takutaku ne latou a te Atua, te Aliki o te lavea mo te se-lavea, te Aliki e o Ia a te Kalauana-a-Tupu Maluga.

te iva o Tala-Llei

Kafai a te tino agasala e motu katoatoa a ia kae fakasaoloto a ia mai i mea katoa na ko te Atua, e tau mo ia o akai ki se fakamagalo o te tina keatea mai ia Ia. A te fakaasi o agasala mo te se fakalogo i mua o tino e se-fakasaoloto, me e seki talia aka loa io me e ttau ke maua a te fakamagalo faka-te-lagi. Kae e se gata i ei a fakaasiiga o agasala i mua o tino e maua i ei a te fakatauemu mo te fakamalalo, ka ko te Atua – ke maluga a Tena matagofie – e se-manako ki te fakatauemu o Ana tavini. E tonu a Ia ko te Atafai, ko te Alofa-Fakamagalo. A te tino agasala e tau, i te va o ia mo te Atua, o akai fakamaolemole mai i te Vasa o te alofa-fakamagalo, akai fakatoese mai i te Lagi o te kaimalie kae fai atu penei:

O te Atua, toku Atua! Au e akai fakamolemole kia Koe i te toto o Au fagasele tonu ko la ko ufigina ne Tau faipatiiga suamlie ko ala i ei a latou o fakavave ki te Tumu o te Matagofie, ko te kogaa koga o te mate faka-matulo tafasili i te matagofie, ka ko au e akai fakamolemole kia Koe i mea lilo ko la e nofo i Tou poto mo penina ko la e tausi i te vasa o Tou alofa mataefa ke talia mai se faka-magalooga kia au mo toku tamana mo toku matua. Kia latou ko la e fakaasi atu a te Alofa-Fakamagalo, a Koe i te tonuuga ko te Alofa-Fakamagalo Tafasili. E seai aka se Atua na ko Koe, o te Fakamgalo-Katoatoa, ko te Alofa-Mataefa.

O te Aliki! A Koe e lavea a te uiga tonu o te agasala e fuli ki te vasa o Ou alofaaga ka ko ia vaaivai tenei e salasala ki te maalo o Tou maalosi faka-te-lagi mo te mea ola mativa tenei e lolo a ia ki mua i te fetu-ao o Tou maumea. Mai i Tou alofafakamagalo mo Tou alofa-atafai, sa faka-fanoanoa gina a ia, O te Aliki, io me e ponogina a ia mai i fakaasiiga o Tou alofa-mataefa i Ou aso, io me e liakina a ia keatea mai i te mataloa tela ko oti ne tala mataala ne Koe kia latou katoa ko la e nofo i Tou lagi mo Tou lalolagi.

E fanoanoa! E fanoana! Aku agasala ne taofi ne latou au ma fanatu ki te Kogaa Koga nofo o Tou mana ka ko aku se fakalogo ne fai ne latou au ke fano seke kii loa mai i te Tapanekolo o Tou afioga. Ko oti au ne tuku tonu ki te mea tela ne fakatapu ei au ne Koe ke fai kae ko oti ne ave keatea a te mea ko oti ne fakatonu mai ne koe ke fai.

Au e talosaga kia Koe i Ia Tela ko te Tupu o Aliki o Igoa ke tusi ifo ki lalo mo au ki te Pene o Tou alofa-mataefa a te mea tela ka mafai au o futi ke pili atu kia Koe kae fakagata au mai i aku fai-mea-se ko la e fai mo fakalavelave i te va o au mo Tau fakamagalo mo Tau fakaseai-o-mea-se-llei.

E tonu, a Koe ko te Maalosi, ko te Mataefa. E seai aka se Atua na ko Koe, ko te Mafi, ko te Atafai.

te sefulu o Tala-Lei

Mo fai se fakamailoga o te alofa mai i te Atua, ko te Fakaasi o te Fakapulaaga Tafasili i te Takutakua, ko oti a Matou ne kave keatea mai i Mataupu Silisili Mana mo Tapeleti a te tulafono e uiga mo te fakamaseiiga o tusi.

te sefulu tasi o Tala-Lei

E saoloto o tauloto a saienisi mo mataupu valevale (arts), ka ko saienisi kona e ttau o aogaa kae feasoasoani ki te fano ki mua mo te fakaavavae ki mua o tino. E tena ne fakatonu mai ne Ia Ko te Fakaeke, ko te Atamai-Katoatoa.

te sefulu lua o Tala-Lei

E fakatonu atu ki tino taki toko tasi katoa ke saga o galue i se galuega, pela mo te faka-aoga a te iloa (crafts), fakatau o mea (trade), mo galuega pena (and the like). Ko oti a Matou ne alofa o fakamaluga a tou galue i galuega pena ki te laina o talosaga ki te Atua, ko te Tasi o te Mea Tonu. Mafaufau koutou i oulua loto a te alofa o fakamanuiaaga a te Atua kae avatu a fakafetai kia Ia ite afiafi mo te fakavaveao. Sa fakamaumau ou taimi i te fakavalevale seai se galuega mo te paie. Galue a koe i mea ko la e aoga kia koe mo niisi. E tena mai i te Tapeleti tenei mai i te sikulagi o te fetu ao o te atamai mo faipatiiga e maina malifalifa.

A te toe tagata e se-manakomia lele loa i mata o te Atua ko latou ko la e sagasaga paie kae gutu akai. Puke ke mau a koe ki te kafanoa o koloa faka-te-fuaitino, kae tuku katoatoa a tou talitonu ki te Atua, ko te Pule o mea katoa. Kafai se tino e saga o galue i se galuega e fakaaoga a te iloa io me o fakatau (craft or trade), a galuega pena i te fakatau a te Atua me ne talosaga, kae e ui iai se fakamasauaaga foliki fua o te alofa mataefa kae salalau.

te sefulu-tolu o Tala-Lei

A tagata o te Fale Fai Fakamasinoga Tonu o te Atua e ia latou a te tiute o atafai a mea a tino. A latou, i te tonuuga, ko Sui o te Atua i vasia o Ana tavini mo aso kamata o te pule i Ana fenua.

O tino o te Atua! A te mea te la e akoako ne ia ate lalolagi ko te Fai-Mea-Tonu, aua a ia e lago ne pou e lua, ko te taui mo te fakasala. A pou e lua konei ko te kamataga o te ola o te lalolagi. I so se aso e isi se fakalavelave fou ka ko so se fakalavelave e isi se fooga o ia fakavave, a faifaiiga pena e ttau o kave ki Minisita o te Fale Fakamasinoga Tonu, ke mafai ne latou o fai ne aofaga e tusa mo manakoga o taimi. Latou ko la, ona ko te Atua, e tu ki luga o tavini a Tena Fakatokaaga, kae maua ne latou a faka-manuiaaga faka-te-lagi mai i te Maalo e se-lavea. E tau mo latou katoa o fakalogo kia latu kona. A mea katoa tau a te Atu fenua e tau o kave ki te Fale Fai Fakamasinooga Tonu, ka ko faiga o talosaga e tau o tautali ki ei e tusa mo

te mea ko oti ne fakaasi mai ne te Atua i Tena Tusi.

O tino o Bahá! Koutou ko maalumalu o te alofa o te Atua mo aso kamata o Tena

alofa-kaimalie. Sa fakalailai gina a oulua laulaufaiva ki te fakamasei mo te sona faipati se-lei ki so se agaaga ola, kae tausi a oulua mata mai i mea ko la e se-tau. Tuku atu kia mua a mea ko la e iai ia koe. Kafai e talia mo te lei, a tou fakaotiiga ko oti ne maua, kae ka fai e seki maua, o teke e seai se aoga. Liakina a te agaaga tena kia ia loa kae fuli ki te Aliki, ko te Puipui, ko te Ola-Loa-ia-Ia. Sa fai mo mea e pogai ki ei a te fanoanoa, kae mutana ifo loa mo se pogai ki te se-fealofani mo te fai taua. Ko te faka-maoemoega e fakataua ko koe ke maua a se akoakoga tonu i te ata malu o te lakau ola o tena alofa atafai kae fai a mea e tusa mo te mea e manako ki ei a te Atua. Koutou ko lau o te lakau ola e tasi mo motiiga o te vasa e tasi.

te sefulu-fa o Tala-Lei

E se-manakomia o fai ne malaga fakapitoa o aasi a koga malolo o tino mate.

Kafai a tino maluga kae maumea e togi ne latou a malaga pena ki te Fale-o-te-FaiMea-Tonu, ka faka fiafia kae talia i mua o te Atua. Fiafia a latou ko la e tautali i Tena akoakoga.

te sefulu-lima o Tala-Lei

E uiloa a te maalo faka-lipapalika (republic) i faifaiiga faka-te-malo e penefiti i ei a tino katoa o te lalolagi, ka ko te afioga fakatupu se failoga e tasi o te Atua. E se manakoa Matou o fai a fenua o te lalolagi ke fakaseai mai i ei. Kafai a latou atamai e tapani a vaega maalo ki te mea e tasi, ka lasi ate taui o latou i mata o te Atua.

I talitonuuga muamua a tulafono pena ko taaua mana, i va o lotu, fakamaseiiga o tusi, te fakatapu i te fakatasitasi mo te fakataugasoa mo niisi tino io me ko te faitauuga o naai tusi ko oti ne fakamoe mai ki lalo kae faka-patonu e tusa o nofonofooga o te taimi; na la, i te Fakaasiiga mafi tenei, i te Fakapulaaga takutakua tenei, a fakamanuiaaga uke mo alofaaga o te Atua ko oti ne pulou i luga i tagata katoa, kae mai i te sikulagi o te Finagalo o te Aliki Nofo-Mai Katoatoa, ko Tena ikuuga e se-mafai-o-se ko oti ne fakaasi mai pe la mo te mea ko oti ne fakaasi atu mai i luga.

E avatu a tavaeega ne Matou ki te Atua – e mana kae matagofie a Ia – mo so se mea ko oti ne fakaasi i te Aso fakamanuiagina tenei, matagofie kae e se-faka-tusagina. E tonu kafai a tino katoa i te lalolagi ne fakaeke mo vaega gana kesekese kae e soko loa a te tavae o te Atua kae fakalauefa a Tena Igoa ki te fakaotiiga te la e seiloa a te otiiga, a olotou fakafetai e se-lava o fakatalitonu a se alofaaga fua e tasi ko oti ne fai atu ne Matou i teTapeleti tenei. Ki te mea tenei e fai mo aku molimau a tagata katoa taki tokotasi atamai mo te kilo mao, o te maina mo te poto.

E akai fakamaoni atu Matou ki te Atua – e fakamaluga a Tena matagofie – mo so se mea te la ko oti ne fakaasi fakalei mai ne Ia i te Aso fakamanuia gina, matagofie kae e se fakapaugina. E tonu kafai a tino katoa i te lalolagi nei e fakaeke kia latou a gana kesekese kae e tumau o tavae a te Atua kae faka lauefa a Tena igoa ki te gataaga te la e se iloa a te gataaga, a olotou fakafetai ka se lava mo se tasi o alofaaga ko oti ne fakaasi atu ne Matou i te Tapeleti tenei. Ki te mea tenei e fai mo molimau a so se tagata o te atamai mo te matakite, o te malamalama mo te poto.

E akai fakamolemole matou ki te Atua – ke maluga a Tena matagofie – o fesoasoani a takitaki pule mo tupu, ko la ko lago o maalosi mo aso kamata o te matagofie, ke fakamaalosi Ana tulafono mo fakatonuuga. A Ia i te tonuuga ko te Silisiliese, ko te Maalosi-Katoatoa, ko Ia Tela e mafai o tali a te kalaga a taagata.

I toku Igoa, te la e tu maluga mai i luga i igoa katoa

Tavaeega mo matagofie e tau ki te Aliki o Igoa mo te Tufuuga o lagi, a Ia, ko galu o te Vasa o Tena Fakaasiiga te la e soko lepu i mata o tino o te lalolagi. A te Fetu Ao o Tena Fakatokaaga e maina tele loto i veli katoa taki tasi ka ko Tena Muna fakatalitonu e tu mai maluga atu i te oko o te faka-seai. Seai ko te fanaka ki luga o ia e teke io me ko te masei o ia amio se-lei ne mafai i ei o fakalavelave a Tena Galuega. E pefea a te matagofie o Tena nofoaiga-faka-aliki, e pefea a te maluga o Tena maalo!

Te Atua takutakua! E uiloa Ona failoga ko oti ne siomia i te lalolagi mo Ana faka-talitonuuga mo fakamaoniiga ko sulu malifalifa atu kae maina pe la mo te mainaaga, kae e ui i ei a vale e sae mai me ne faka-alofa, ikaai, kae fai taua. Kae e seiloa a latou ne loto malie mo te kau teke. Kae i taimi katoa e palane a latou o kati ki lalo a te Lakau ola e faka-tapugina (sacred Lote-Tree). Mai i te kamataga o te Fakaasiiga tenei a kope faka-galigali o te kai-manako ko oti, i te fuli atu ki te sauaa mo te masei, kae taumafai o tamate a te Mainaaga o faifekau faka-te-lagi. Ka ko te Atua, ne taofi a olotou lima, e fakaasi a te Mainaaga tenei mai i Tena maalosi faka tupu kae puipuigina ne te maalosi o Tena mafi ke oko ki taimi a te lalolagi mo te lagi ko fakamaina ne te mata fiafia mo te mainaaga. Tavaeega kia Ia i faka-nofonofooga katoa.

Matagofie e io Koe, O te Aliki o te lalolagi mo te Manakoga o fenua, O ko Koe Tela ko oti ne fai ke fakaasi i te Igoa Tafasili ite Takutakua te la a penina o te atamai mo faipatiiga ko oti ne sae mai mai i misa o te tai taaua o Tou poto, mo lagi o te fakaasiiga faka-te-lagi ko oti ne fakalakei mo te mainaaga o te sae mai o te Laa o Ou mata.

Au e akai totuli kia Koe, i te Muna te la mai i ei ko Tau faka talitonuuga ne fai fakallei i vasia o Au mea ola mo Tau feagaiiga ne fakataunu i vasia o Au tavini ke fakamaalosi Au tino ko mata o te Fakaokaaga ke vau i ei a Tou laufenua, ko tulaga o Tou maalosi ke mafai o toki i vasia o Au tavini, ka ko fuka o Tau takitakiiga ka mafai o sisi i kogaa koga katoa o Tou laufenua.

O toku Aliki! E lavea ne Koe a latou e piki mau ki te lopu o Tou alofa atafai kae puke mau ki te kapa o te gatu o Tou alofa kaimalie. Fakaeke mo latou a mea ko la ka futi mai latou ke pili atu kia Koe, kae taofi mai ia latou a mea katoa aka na ko Koe. Au e akai kia Koe, O ko Koe ko te Tupu o te foafoaaga mo te Puipuiiga o te lavea mo te se-lavea, ke fai a so se mea te la e tu ki luga o tavini a Tau Fakatokaaaga pe la me ko kogaa tai e fakagasuesue ne Tou manakoga, pela mo se tasi e kaa-lafulafu gina i te afi o Tau Lakau Ola e Tapu, mainaina mai i te sikulagi o te lagi o Tou finagalo. E tonu a Koe ko te mafi Tokotasi Tela e seai se maalosi o latou i te lalolagi io me ko te mafi o fenua e mafai o fakatakavale. E seai aka foki se Atua na ko Koe, ko te Tasi, ko te Se-Fakatusagina, ko te Puipui, ko te Ola-Loa-ia-Ia.

O ko Koe ko oti ne inu i te uaina a Tau faipatiiga mai i te ipu o Toku poto! A muna maualuga ne lagona i te aso nei mai i te gasukesuke o te Lakau Ola faka-telagi tela ko te Aliki o Igoa ko oti, mo lima o te maalosi faka-te-lagi, ne toki i te Palataiso Tafasili i te Maluga Katoatoa:

Lakeiiga muamua

ka ko te malifalifa muamua te la ne sae mai i te sikulagi o te Matua o Tusi ko te tagata te la e tau o iloa ne ia a ia loa ia ia kae lavea a te mea te la e fanatu ki te silisiliese io me ko te tafalalo, matagofie, io me ko te tafalalo faka-alofa, maumea io me ko te mativa. Kafai ko oko atu ki te tulaga o te fakataunu kae oko atu ki tena matua, a tagata e tu manakogina ki te maumea, ka ko se maumea pena tela e maua ne ia mai i luga i ana galuega fai ki ona lima io me ko te poto e takutakua kae tavaegina i te fakatau a tagata o te atamai, kae ma ise ko mata o tavini kola e fakatuanaki latou ki akoakoga o te lalolagi mo te fakamainaaga o ona tino. Latou, i te tonuuga, ko latou kave ipu o te vai o te ola o te poto kae takitaki atu ki auala e tau. E taki ne latou a tino o te lalolagi i te auala tonu kae fakamasani a latou mo mea ko la e lei ki te avaka o tagata mo te olotou faka-maalugaaga. A te auala tonu ko ia tena e takitaki ne ia a tagata ki te aso malulu o te kilo iloa mo te maalu malu o te malamalama tonu kae taki atu a ia ki mea ko la ka feasoasoani ki te matagofie, fakaaloalo, mo te takutakua.

E fakataua ia Matou a te fakamoemoega mai i te alofa-kaimalie o te AtamaiKatoatoa, ko te Iloa-Katoatoa, a te ponooga o pefu e mafai o fakaseai ka ko te maalosi o te kilo-iloa fakamaalosi aka, ko tino ke mafai o maua ne latou a te pogai ne kalagagina i ei a latou. I te Aso tenei, so se mea te la e fakafoliki ne ia a te tauaso kae mu mea aka a te kilooga e taaua ke onoono ki ei. A te kilooga tenei e fai pe la me se mea e galue o takitaki ki te poto tonu. E tonu i te fakatau a tagata o te atamai e fiafia ki te malamalama ona loa ko te manakoga o te kiloga. A tino o Bahá e tau i faka-nofonofooga katoa o tautali ki te mea te la e tau kae lei kae fesoasoani ki tino pena.

lua o Lakeiiga

ko te fesokotaki mo latou ko la e tautali i talitonuuga katoa i se agaaga o te fakataugasoa mo te fealofani, o fakapula atu ki te mea te la a te Sipika o Sinai ko oti ne tuku atu ki mua kae ke tautali mo te fakamaoni i mea katoa.

Latou ko la e fonu i te fakamaoni mo te fakatuanaki e tau o fesokotaki mo tino mo kaaiga katoa o te lalolagi i te fiafia mo te maina, pela loa mo te fesokotaki mo tino ko oti ne atiake i ei kae ka tumau o atiake a te fakatasitasi mo te filemu, te la mai i ei e ttau ki te tausiiga o te filemu i te lalolagi mo te toe atiakeega o fenua. Fakamanuia a latou ko la e piki mau ki te kafanoa o te alofa mo te alofa-fakamagalo atafai kae e saoloto mai i te fai fili mo te kaitaua.

A ia Tokotasi Tenei ne Faka Se-gina e akoako atu ki tino o te lalolagi ke tautali ki te kufaki mo te amio tonu, ko la ko molii e lua i te vasia o te pouliga o te lalolagi mo te lua o faiakoga mo te fakamainaaga o tagata katoa. Fiafia a latou ko la ko oti ne oko atu ki ei kae faka-fanoanoa a latou ko la e se-fakalogo.

tolu o Lakeiiga

e uiga ki uiga lei (good character). A te amio llei, e tonu, ko te gatu tafasili i te llei mo tagata mai i te Atua. Fakatasi mo te mea tenei a Ia ko oti ne fakasafe atu i ulu o Ana fagasele. Mai i Toku ola! A te mainaaga o te amio lei e silia atu i te mainaaga o te laa mo te fiafia mai i ei. Ko ia tela e oko atu ki ei e lau pe la me se fatu taaua i vasia o tagata. A te matagofie mo te avakaaga o te lalolagi e fakana ki ei. A te amio llei se auala e mafai i ei ne tagata o takitaki a latou ki te Auala Tonu kae e takigina ne te Fakapulaaga Takutakua (Great Announcement). Fiafia a ia te la e fakalakei ki uiga faka sina mo uiga llei o te Lukuuga Mana mai i Luga.

E tau mo koe o fakamau tonu a tau kilo i faka-nofonofooga katoa ki luga i te fai mea tonu mo te lei ki tino katoa. I Muna Funa (Hidden Words) a te faipatiiga maluga tenei ko oti ne fakaasi atu mai i te Pene Tafasili i te Maualuga a Matou (Our Most August Pen):

“O Tama Tagata a te Agaaga! A te mea tafasili i te fakapelepele o mea katoa i

Oku mata ko te Fai-Mea-Tonu, sa fuli tua mai i ei mafai e manako koe kia Au, kae sa fakatamala mai i ei me e fai atu ne Au kia koe. Mai i tena fesoasoani ka matea ne koe ki ou mata kae se ko mata o niisi tino kae ko iloa foki ne koe i tou poto kae se ko te atamai o ou tuakoi. Mafaufau ki te mea tenei i tou loto; me ko koe ne vau o fai pefea. E fakamaoni atu i te fakamasino tonu ko Taku mea-alofa kia koe kae

ko te failoga o Toku alofa-kaimalie. Fakatu atu i ou mua i ou mata.”

Latou ko la e fai mea tonu kae e fakamaoni ke lei ki tino katoa i olotou

fakamasinoga e tu i se tulaga tafasili i te maluga kae vasega maluga kii. A te molii o te fakatuanaki mo te fakamaoni e maina malifalifa mai i agaaga konei. Ko te fakamoemoeega maluga o tino mo fenua o te lalolagi ke see-fakaseaigina a te gali o mainaaga e lua konei.

fa o Lakeiiga

e uiga ki te faka-talitonu-gina (trustworthiness). E tonu a ia ko te mataloa ki te puipuiiga mo te nofo lei o tino katoa i te lalolagi mo se alofaaga o te matagofie o te Matagofie-Katoatoa. A Ia te la e kau atu i ei ko oti i te tonuuga ne kau i kope taaua o te maumea mo te manuia. Faka-talitonu-gina (trustworthiness) ko te mataloa tafasili i te takutakua te la e tau tonu ki te tokaaga malie mo te puipuiiga mo te nofollei o tino. I te tonuuga, a te tokaaga mautinoa o so se mea e fai ne fakana kae koi fakana ki ei. Ko kogaa lauefenua katoa o te maalosi, o te matagofie mo te maumea e fakamainagina ne tena mainaaga.

Seki leva i te taimi ko teka atu a muna mautua konei ne fakaasigina mai i te Pene

a te Tafasili i te Maluga:

‘Ka fai atu nei ne Matou kia koutou i te Faka-talitonu-gina (Trustworthiness) mo tena tulaga i te fakatau a te Atua, tou Aliki, ko te Aliki o te Kalauna-o-Tupu Mafi. I se aso e tasi o aso ne oko atu Matou ki te Motu Lanulauniu o Matou. I te oko atuga o Matou, ne lavea ne Matou ona vai taafe foliki e tafe a te vai, ko ona lakau ola e se fuafuagina i te ola, ka ko te mainaaga o te laa e tafao i te vasia o latou. Fuliiga o Omotou mata ki te faka ata-mai, ne lavea ne Matou a te mea e se-kafi ne te pene o fakamatala; io me e mafai o “tuku atu ki mua ki mata o te Aliki o Tino ke mafai o molimau i te matua koga mana, toe koga tafasili i te maluga, te la e fakamanuiagina, kae tafasili i te mana a te koga tena. Fuli i ei, tena la, ki te fakamaui kae kilo atu Matou ko te tasi o Gali o Toe Palataiso Silisiliese i te maluga, e tu i luga i se pou o te mainaaga, kae kalaga atu ki luga penei: “O koutou i te lalolagi mo te lagi! Kilo koutou ki Toku gali, mo Toku fiafiaaga maina, mo Taku fakaasiiga, mo Toku malifalifa. Mai i te Atua, ko te Tasi Tela e Tonu! Au ko te Faka-talitonu-gina mo te fakaasiiga o ia, mo te gali o ia. Ka taui atu ne Au a so se tino te la e piki mau kia Au, kae e lavea a Toku laina mo te tulaga, kae puke mau ki te kapa o Toku gatu. Au ko toe lakei takutakua loa mo tino o Bahá, a te gatu o te matagofie kia koutou katoa i te maalo o te foafoaaga. Au ko te mea fai-galuega tafasili i te maluga mo te maumea salalau o te lalolagi, mo te sikulagi o te mautinoa tonu mo tino katoa.”E tena i ei ne tuku ifo ne Matou mo koe a mea ko la ka aumai a tagata ke pili atu ki te Aliki o te foafoaaga.’

O tino o Bahá! Faka-talitonu-gina i te tonuuga ko toe gatu sili mo outou fuaitino mo toe kalauna matagofie mo outou ulu. Puke ke mau ki ei mai i te tonu a Ia Tela ko te Fakailoa-Katoatoa.

lima o Lakeiiga

e uiga ki te puipuiiga mo te tausiiga (protection and preservation) o tulaga o tavini a te Atua. E se-tau i so se tino o se-fakataua ia ia a te mea tonu o so se mea, ikaai e tau a ia o fakaasi atu a te mea e sako kae tonu. A tino o Bahá e se-tau o se-fakataua a so se agaaga ola a te taui e tau o kave ki ei, e tau o fai fakallei ki tino galue i mea tau iloa mo te aava, kae, ke se fai pela mo tino anamua, e se-tau o fakalailai a olotou laulaufaiva ki te sonafai mo te amio fapito.

I te Aso tenei a te laa o te tugalima-lei (craftsmanship) e sulu maina mai i luga atu o te sikulagi o te toga-laa ka ko te vaitaafe o te iloa i mataupu kesekese ko tafe ki tua i te tai o te kogaa koga tena. E tau mo so se tino o faipati mo te fuafuatau ki tino katoa kae atafia a te fakamanuiaaga tena. I te olaaga o te Atua! A te pati “Fuafuatau Fakapau” (Equity) e sulu maina kae malifalifa pe la loa mo te laa. A Ia e masani saale loa o tali a talosaga a tagata katoa.

I aso nei a te faipati tonu (truthfulness) mo te fakamaoni e pokotia kii loa i lima o te pelo, ka ko te fakamasino tonu (justice) e logomae i te masei o te seai se

fakamasinoga tonu (injustice). A te au o te faitogafiti ko oti ne ufitia katoa i ei a te lalolagi i se auala te la e seai kai lavea aka loa ne ia i so se feitu na ko potukau sotia kae e seai e lagona atu mai i so se fenua na loa ko te faka-fepakiiga o pelu-taua. E akai totuli Matou ki te Atua, ko te Tasi e Tonu, ke fakamaalosi a latou ko la e lago ki Tena maalosi te la ka fakafou ne ia a te lalolagi kae aumai ne ia a te tokaaga malie ki fenua.

ono o Lakeiiga

Te Poto (knowledge) ko te tasi o mea-alofa faka-ofoofogina a te Atua. E ttau mo tino taki toko tasi ke maua ne latou. A te poto pena i mataupu valevale mo mea e mafai o maua (arts and material means) mai i ei a te maumea ko fakaasi gina ona ko Tena poto mo te atamai tela ko oti ne fakaasi i Tusi mo Tapeleti mai i Tena Pene Tafasili i te Maluga – ko te Pene tela mai i tena kogaa koga tausi kope taaua pe la mo penina o te atamai mo te faipatiiga ko taulotooga o mataupu kesekese mo faiga o mea ki lima (arts and crafts) o te lalolagi ko oti ne aumai ki te mainaaga.

I te Aso tenei a mea funa o te lalolagi ko fakamoe i mua o mata o tagata. A itulau o nusipepa vave o sae mai e tonu ko kilo o te lalolagi. E fakaasi mai i ei a amioga lei mo taumafaiiga a tino mo kaaiga kesekese. E fakaasi mai a mea konei kae fai atu ke iloa gina a latou. A latou pe la me ne kilo e fakaeke ki te lagona, mata mo te faipati. Mea nei se mea faka-ofoofogina maalosi kae gali. Tena la, e tau mo tino tusi tala o ofa ki lalo a faka-osoosooga o manakoga tiapolo o fiafiaaga kae fakapei atu ki te gatu o te fakamasino tonu mo te fuafuatau fakapau (justice and equity). E tau mo latou o sukesuke ki loto i fakanofooga ki te mea e mafai o fai o fakapatonu a mea e iloa, ko tusi i ei ki lalo.

E uiga mo te Tokotasi tenei ne Fakaseegina, a te ukega o mea ne lipoti mai i nusipepa e seai ne mea tonu i ei. A te faipati mo te lei ki feitu katoa ki tino katoa mo te faipati tonu (fair speech and truthfulness), ona ko te maluga o te laina mo te tulaga o laua, e fai pela mo te laa e maina mai i luga o te sikulagi o te poto. A galu e olo aka ki luga mai i te Vasa e lavea llei ki mata o tino o te lalolagi mo te sofiiga o te Pene o te atamai mo faipatiiga ko lavea atu i kogaa koga katoa.

E lipoti mai i nusipepa i te Tavini tenei ko tele mai i te fenua ko Ṭá (Ṭihrán) kae ko fano ki ‘Iráq. Te Atua Alofa! E seki ai aka loa se minute e tasi ne muni a te Tokotasi ne Fakasee-gina tenei. Ikaai i taimi katoa ke tumau a Ia o fakatuanaki kae lavea atu i mua o tagata katoa. E seki olo aka loa Matou ki tua, io me e salasala Matou o tele ki se koga. I te tonuuga ko tino valea fua kola ne tele keatea mai i te Omotou nofo-mai. Ne liakina ne Maotu a te Omotou fenua tonu fakatasi mo te aava potukau leoleo i luga i manu, e sui gina a te aava maalo malu ko Pelesia mo Lusia ke oko ki taimi ne oko Matou ki ‘Iráq i te mana mo te maalosi e se lausia. E tavae gina a te Atua! A te Fakatokaaga te la ko te Tokotasi ne Fakaseegina tenei ko te Tino Amo e tu malifalifa pe la mo te laa. A te muni e seai sena saolotooga ki te tulaga tenei, io me e isi se avanoaaga mo te mataku mo te se-faipati.

A feitu funa o te Toe Tu mo mea ko la ne tupu i te Toe Ituala e maina fakalei loa, ka ko tino ko pulu ifo ki lalo i te se-fakalogo kae ufitia a latou i veli. “Kae kafai a tai ko puna i te vela… Kae kafai a Mataupu Silisili e fola atu.”1 (Qur’an: 81: 6 & 10) mai i te fai mea tonu o te Atua! A te Vaveao ko fano tonu o maina ka ko te moli ko oti ne sulu atu ka ko te po ko fano o seai. Fiafia a latou ko la e iloa. Fiafia a latou ko la ko oko atu ki te koga tena.

E matagofie a te Atua! A te Pene ko numi me sea a te mea ka tusi ka ko te Laulaufaiva ko mafaufau me sea a te mea ka faipatigina. E uiloa a te uke o fai-gataa e seki iloa aka loa kae mai i tua o te fia o tausaga ne kufaki i loto i te falepuipui, nofo sai-sai-tia, mo tofotofooga e se-fakafiafia loto, e atafia nei ne Matou a veli ko gasolo o matolu atu i mea ko la ko leva ne ofa ki lalo ne Matou, e pono i ei a te kiloga kae fai ne ia a te mainaaga o te malamalama ke pono. E se gata i ei e lavea ne Matou i faipatiiga e se-tonu ko fakalavelave fou konei ko lausa ko tafaga i te masei atu fakatusa ki aso mua atu.

O tino o te Bayán! Maataku koutou ki te Aliki alofa fakamagalo. Mafaufau ki taimi mua. Nea a olotou mea lei ne fai kae nea foki a olotou fuaga-lakau ne akutu mai? So se mea ne faipatigia ne latou e seai me ne loi katoa kae so se mea ne faiite ne latou e seai lele ne aoga o latou, vagana ko mea ko la a te Atua ne alofa o puipui mai i Tena maalosi.

Au e tauto i te ola o Ia Tela ko te Manakooga o te lalolagi! Kafai se tagata e mafaufau i tena loto ia ia, e saoloto mai i kopikopiaaga katoa o te lalolagi, fakavave ki te Mainaaga Tafasili i te Takutakua kae ofa gina kae faka-piua a ia mai i te pefu o manatu faka-supasupa mo te afusaga o moemiti seai ne aoga. Sea a te mea ne ala i ei a tino o taimi ko teka ke see ka koi foki ne taki-seegina a latou? A latou ka se talia ne latou a te mea tonu kae ko oti ne fuli atu ki mua i ona manakoga kaimanako. Ko te Tasi ne Fakaseegina tenei ne kalaga atu ki luga ona ko te Atua. So se tino e manako ki ei, fuli atu ki ei; so se tino e manako, fuli keatea. E tonu a te Atua e mafai kii o fakaseai a mea katoa, i taimi ko teka io me ko taimi mai i mua.

O tino o te Bayán! Ko tagata pe la mo Hádí Dawlat-Ábádí2 te la, mo te pulou laugatu mo te tokotoko,3 (te fakailoga o te mulla) ko oti ne fai pe la me ko te kamataga o te teke mo te fakalavelave kae ko oti ne fai mo amoga mafa ki tino mo manatu fakasupasupa te la i te vaaitami foki loa tenei a latou koi nofo fakatalitali loa ki te sae mai o se tino fakatusa i se koga fakaloiloi. Ke faetete a koe, O tagata o te malamalama.

O Hádí! Tuku mai a tou taliga ki te Leo o te Kaunisela faka-talitonu-gina (trustworthy Counsellor): avea ou kalafaga mai i te fakamaui ki te faka-ata mai, fuli keatea mai i manatu supa ki te talitonu. Sa-takigina a tino ki te mea se. A te Mainaaga faka-te-lagi e maina, a Tena Fakatokaaga e maina ka ko Ana failoga ko te aofia katoatoa. Tuku a outou mata ki mua i te Atua, ko te Fesoasoani-i-MeaFaigata, ko te Ola-loa-ia-Ia. Liakina a tou takitaki ona ko te Atua kae liakina a tino kia latou loa. A koe e valea i te tina mea tonu, a koe e se masani kiei.

O Hádí! Fai a koe ke tasi ou mata i te auala o te Atua. Kafai a koe e nofo i se lukuuga o tino e se talitonu, a koe ko fai pe la me se tino e se talitonu kae ka nofo koe mo latou talitonu, a koe foki e talitonu. Toe mafaufau a koe ki agaaga ola ko la ne tuku atu olotou ola mo olotou mea katoa i te fenua tena, ko te mea ke poloaki gina koe ke fago mai koe i tou moega. Mafaufau: ko ai e manakomia atu, ko ia te la e tausi a tena fuaitino, tena olaaga mo ona kope io me ko ia te la e liakina a mea katoa i te auala o te Atua? Fakamasino ne koe ke pau kae sa fai pe la mo latou ko la e se fai mea tonu. Puke ke mau ki te fakamasinoga tonu kae piki mau ki te fuafuatau fakamaoni (equity) ko te mea ke se mafai koe, i uiga kai-manako, o fakaaogaa a te talitonuuga pe la me se mea fakamatakutaku, io me ko se amanaia ne koe a te mea tonu ona ko te manako ki aulo. E tonu i ou uiga mataga mo te amio se-lei o tino pena mo koe ko to kii loa ki te masei ko ala i ei a te Pene o te Matagofie o gasue o fai ne faitioga penei. Mataku koe ki te Atua. A Ia Tela ne fakatomua ne Ia a te Fakaasiiga tenei ne fai mai: “A Ia ka fakasalalau i taimi katoa: ‘E tonu, e tonu Au ko te Atua, e seai aka se Atua na ko Au, ko te Feasoasoani-i-Mea-Faigata, ko te Ola-Loa-ia-Ia.”’

O tino o te Bayán! A koutou ko oti ne fakatapu mai i te fesokotaki mo fagasele a te Atua. Kaiaa ne fai i ei a te fakatapuuga tenei kae sea te pogai? A koutou ke fuafua tau, au e fakatonu a koutou mai i te Atua, kae sa fai mo latou ko la e se fakalogo. Kia latou ko la ne fakauta ki ei a te kilo tauloto, kae mai i mua o te Toe Gali Tafasili (Most Great Beauty), a te pogai o te fakatapuga tenei e iloa kae maina; e fai pena ko te mea ke seai se tino e mafai o iloa ne ia a mea funa mo uiga o ia (Hádí’s).

O Hádí! A koe e seki nofo ia Matou, tela la e seiloa ne koe a te Fakatokaaga. Sa fai ou uiga tusa mo ou manatu seai ne aoga. Mai i tafa o mea konei, iloilo a te Tusilima mo ou mata kae mafaufau ki mea ko la ne aumai o olo. Ke alofa koe kia koe mo tavini a te Atua kae e se fai a koe me ko te pogai o te se-fakalogo pe la mo tino mai i ou mua. A te auala e se-mafai o se ka ko te faka-talitonuuga e maina faeloa. Fuligina a te fakamasinoga e se-tonu ki te fakamasinoga tonu mo te se fuafua-tau mo te se fakamaoni ki te fuafuatau-fakamaoni. E taaua ia Matou a te fakamoemoega i manava-navaaga o te musumusuuga faka-te-lagi e fakamaalosi ne ia a koe a ko tou taliga i loto e mafai o logo i muna fakamanuiagina konei: “Fai atu, ko te Atua, tena tuku i ei a latou ke fiafia a latou i olotou fatufatuga”4 [Qur’an 6:91] A koe ko oti ne nofo i kona (Cyprus) kae ko oti ne lavea ne koe a ia (Mírzá Yaḥyá). Nei faipati ki mua mo te fakapau fakamaoni (fairness). Sa fuli faka kotua gina a te mataupu, kia koe io me ki tino. A koe e valea kae e seiloa ne koe. Tuku a tou taliga ki te Leo o te Tasi ne Fakasee-Gina kae fakavave ki mua i te vasa o te poto faka-te-lagi me e mafai ne koe o liakina a mea katoa na kote Atua. Fakalogo ki te Leo o te Kaunisela atafai (benevolent Counsellor) tenei, e kalaga atu ki luga, e seveligina kae tuku aliali atu, i mua o tupu mo olotou tino maluga, kae kalaga atu ki tino o te lalolagi, taki toko tasi mo tino katoa, kia Ia Tela ko Ia ko te Aliki o te Favavau. Mea nei ko te Muna mai i Tena sikulagi a te fetu ao o te alofa atafai e sulu malifalifa atu.

O Hádí! A te Tasi ne Fakasee-Gina tenei, liakina katoa loa a kopikopiaga o te lalolagi, ko oti ne taumafai maalosi o tamate a te afi o te fai fili mo te ita te la e ka lasi loa i loto o tino o te lalolagi. E tau mo tino taki toko tasi katoa fakamasino tonu kae fakapau mo te fakamaoni o avatu a fakafetai ki te Atua – ke maluga a Tena matagofie – kae tu ki luga o talai a te Fakatokaaga taaua tenei, ko te afi ke mafai o fuli ki te mainaaga, ka ko te ita ke fakavanoa ki te fai taugasoa mo te alofa. Au e tauto ki te fai mea tonu o te Atua! Mea nei ko te pogai tonu o te Tasi Tela ne Faka-seegina tenei. E tonu i te faka-salalauga o te Fakatokaga taaua tenei mo te fakaasiiga o te Mea Tonu a Matou ko oti ne kufaki a te fia mote fia o tigaina, faigata mo fakalavelave. A koe loa ia koe e fai foki mo molimau ki te mea tenei e fai atu ne Matou, e se maua ne koe o faipati mo te fakapau fakamaoni. E tonu i te Atua e faipati ki te muna tonu kae takitaki a te Auala. A Ia ko te Maalosi-Katoatoa, ko te Mafi, ko te Alofa-Llei.

Ke mafai a Omotou Matagofie o takato i luga i tino Bahá ko la ko te masei o te kau teke io me ko te fanaka ki luga o latou fai taua ne mafai ne latou o taofi a te Atua, ko te Aliki o lalolagi.

Mea nei ko te Tusi a te Atua, ko te Feasoasoani i Mea-Fai-Gata, ko te Ola-Loa-ia-Ia

A Ia ko te Tokotasi Tela e logo mai i te Tulaga o te Matagofie.

A te Atua e molimau me e seai aka foki se Atua na ko Ia ka ko Ia Tela ne sae mai ko te Mea-Lilo e Funa, ko te Failoga Taaua, ko te Toe Tusi Tafasili i te Takutakua mo tino katoa, mo te Lagi o te alofa mataefa mo te lalolagi katoa. A Ia ko te Failoga Tafasili i te Mafi i vasia o tagata mo te Aso Kamata o uiga tafasili i te maluga i te lalolagi o te foafoaaga. Mai ia Ia ko oti ne sae mai a te mea te la ne funa mai i taimi seai se kamataga kae pono mai i mata o tagata. A Ia ko te Tasi Tela ko te Faifekau ko oti ne fakasalalau i Mataupu Silisili, i taimi ko teka mo taimi nei. So se tino te la e fai ia ia e talitonu ia Ia mo Ana failoga mo fakatalitonuuga ko oti i te tonuuga ne fakamatea a te mea ko oti ne faipatigia mai ne te Laulaufaiva Silisiliese koi tuai o faiete ate lalolagi mo te lagi mo te fakaasiiga o te Maalo o Igoa. Mai ia Ia a te vasa o te poto ko soko aka i vasia o tino katoa ka ko te vaitafe o te atamai faka-te-lagi ko lofi mai ki tua i te finagalo o te Atua, te Aliki o Aso.

E lei mo te tagata e kilo mao tela e lavea kae atafia a te Mea Tonu, mo ia te la e nofo mo te lagona te la ko oti ne fakalogo ki Tena Leo gali, mo te lima ko oti ne puke ki te Tena Tusi mo te talitonu katoatoa mai i te Atua, ko te Aliki o te lalolagi nei mo mai i tua, ka ko ia e maalosi i te folau te la ko oti ne fakavave ki Tena sikukalagi taulekaleka, mo ia ko oti ne fakauta ki te maalosi e seai foki o se maalosi o se takitaki, io me se muimui e avaka ne takitaki o lotu e mafai o fakagalue. Kae fakafanonoa kia ia tela ko oti ne teke ne ia a te agalelei o te Atua mo Tena alofa mataefa, kae ko oti ne se talia ne ia a Tena alofa atafai mo te pulepulega; se tagata pena e lau mo latou ko la i te favavau salalau e fakapelo ne latou a te Atua mo Ana fakamaoniiga.

E takutakua a te fakamanuiaaga o ia te la ko oti i te Aso nei ne liakina keatea a mea ko la e nofo nei mo tagata kae piki ki mea ko la ne fakaeke mai ne te Atua, ko te Aliki o Igoa mo te Tufuuga o mea faiite katoa, a Ia Tela ne vau mai i te lagi o te favavau mai i te maalosi o te Igoa Tafasili i te Takutakua, e fonu i te pule e se lavea ko maalosi katoa i te lalolagi e se mafai o taofi a Ia. E fai mo molimau a te Matua o Tusi ki te mea tenei, e pa-kalaga mai i te Tulaga Tafasili i te Maluga.

O ‘Alí-Akbar!1 E soko loa a te lagona ne Matou a tou leo kae ne tali atu kia koe i se auala tavae e se mafai ne tino katoa o fakafeagai ki ei; te la ko taugasoa fakamaoni ne manava a te manogi gali o muna a te Alofa-Fakamagalo-Katoatoa, mo Ana fagasele tonu e atafia ne latou a te manogi gali o te toe fetauiga faka-te-lagi, kae i te olotou fia inu ne maua ne latou a musumusuuga o te vai o te ola. Fakamanuia ki te tagata te la ko oti ne oko atu ki te koga tena kae ko oti ne lavea a te taimi toetoe ne fakamatala mai ne te Pene a te Atua, ko te Feasoasoani-i-Mea-Faigata, ko te MafiKatoatoa, ko te Alofa-Mataefa Katoatoa.

Matou e molimau ia koe ko oti ne tuku atu ou mata ki mua i te Atua kae fano malaga mao ki te taimi e oko atu koe ki Tena Nofo-mai kae tuku tuku tou taliga ki te Leo o te Tasi ne Fakasee-Gina, Tela ne pei ki te falepuipui ona ko agasala a latou ko la e se-talitonu i failoga mo fakamaoniiga a te Atua kae e se-talitonu ki te alofa faka-te-lagi tenei mai i ei a te lalolagi katoa ko oti ne fai ke maina mai i ei. Fakamanuia ou mata, auaa ko oti ne fuli atu kia Ia, mo tou taliga, auaa ko oti ne lagona a Tena Leo, ko tou laulaufaiva, ko oti ne fakamanatu a te tavaeega o te Atua, ko te Aliki o aliki. Matou e talosaga ki te Atua ke fesoasoani alofa kia koe ke fai koe mo te fua o te talaiiga o Tena Fakatokaaga kae ke mafai koe o fakapili atu kia Ia i taimi katoa mai lalo o fakanofonofooga katoa.

A tino filifilia a te Atua mo Ana fagasele i te fenua tena e masaua ne Matou, kae tuku ne Matou kia latou a tala faka fiafia ko la ne tuku ifo ki lalo mo te fakaaloalo mai i te Maalo o te faipatiiga o te olotou Aliki, ko te Pule o Tupu o te Aso o Fakamasinoga. Taku taku ne koutou a Au kia latou kae fakamaina a latou ki te matagofie o Taku faipatiiga malifalifa. E tonu a tou Aliki ko te Alofa Atafai, ko te Alofa-Mataefa.

O koe ko ia ne fakalauefa a Oku tavaeega! Tuku mai a tou taliga ki mea ko la ne fakamuna mai ne tino o te masei ki luga ia Au i Oku aso. A niisi o latou e fai pe la: “A Ia ko oti ne fai a Tena tagi (claim) ki te faka-Atua (divinity)”; ka ko niisi e fai penei: “A Ia ko oti ne faiite a te loi o teke atu a te Atua”; a ko niisi aka e fai penei: “A Ia ko vau o tafutafu a te faka-ita loto.” Faitogafiti kae seai se aoga o latou. E tonu! A latou, i te tonuuga, e fakapologa ne mafaufauuga fakasupasupa.

Ka gata i konei a te fakaaoga ne Matou a te gana tafasili i te mautua.2 (Arabic) E tonu loa i tou Aliki ko te Aliki e maalosi, ko te Se-mafai o Taofigina. E fiafia matou o faipati i te gana faka Pelesia ko tino Pelesia, taki toko tasi mo tino katoa, ke mafai o iloa a faipatiiga a te Aliki alofa, kae aumai ki mua ke maua ne latou a te Mea Tonu.

Malifalifaaga muamua

te la ne sae mai ite Fetu-Ao o te Mea Tonu ko te iloa o te Atua – (which hath dawned from the Daystar of Truth is the knowledge of God)—fakamaluga a Tena matagofie. Ka ko te poto o te Tupu o aso mai i te vavau e se-mafai o maua vagana ko te iloa o Ia Tela ko te Mesentia o Igoa Tafasili i te Takutakua. A Ia, e tonu, ko te Sipika i luga i Sinai Tela ko sagasaga i luga i te kalauna-a-tupu o te Fakaasiiga. A Ia ko te Mea Lilo e Funa mo te Failoga Taaua. Ko Tusi katoa a te Atua mua mo fakamuli nei e fakalakei ki Ona tavaeega kae fakaaloalo a Tena matagofie. Mai ia Ia a te tulaga o te poto ko oti ne toki i te lalolagi ka ko te fuka o te tafatasi o te Atua ko oti ne atiake i vasia o tino katoa. A te oko atu ki te Nofo-Mai Faka-te-lagi e mafai fua o taunu manafai e oko atu ki Tena nofo-mai. Mai i Tena maalosi a mea katoa, mai i te taimi e seai sena kamataga, ko oti ne ufi i te veli kae funa, ko fakaasi atu nei. A Ia ko fakaasi mai i te maalosi o te Mea Tonu ko oti ne faipatigina a te Muna ko fai i ei a mea katoa i lagi mo te lalolagi ke ofo, vagana ko latou ne fiafia a te Mafi-Katoatoa ke aofia i ei. Te talitonu katoatoa i te Atua mo te iloa o Ia e se mafai o katoatoa vagana ko talia a te mea ko oti ne fakaasi mai mo te tautali o so se mea ne fakatonu mai ne Ia kae fakamau ki lalo i te Tusi ne te Pene o te Matagofie.

A latou ko la e fakagalo ifo a latou i te vasa o Ana faipatiiga e tau i taimi katoa o atafia ne latou a fakatapuuga mo tulafono ko la ne fakaasi mai faka-te-lagi. E tonu Ana tulafono e aofia i ei a te olo maalosi kii loa mo te puipuiiga o te lalolagi mo te tausiiga o ona tino – se mainaaga i luga ia latou ko la e fakapatino kae iloa a te mea tonu, mo se afi ki luga ia latou ko la e fuli keatea kae e se-talitonu.

lua o Malifalifaaga

ko te nofo tumau i te fakatuanaki i te Fakatokaaga a te Atua – e maluga a Tena matagofie – kae e se gasuesue i Tena alofa. Kae e tenei e se-mafai o maua vagana mai i te lavea katoatoa o Ia; ka ko te lavea katoatoa e se mafai o maua vagana ko te fakatuanaki talitonu ki pati fakamanuiagina konei: “E fai ne Ia a so se mea e loto a Ia ki ei.” Ko ia te la e piki mautakitaki ki muna maluga tenei kae inu mai i te vai o te ola o te faipatiiga te la e mafai o maua mai i ei, ka fakafonu a ia ki te fakamaoni ko tusi katoa o te lalolagi ka seai se olotou maalosi o fakaseke a ia mai i te Matua o Tusi. O e pefea a te matagofie o te tulaga maluga tenei, ko te laina fakamaluga gina, ko te toe pogai fakaotioti!

O ‘Alí-Akbar! Mafaufau me e pefea a te faka-alofa o te tulaga o latou ko la e se talitonu. A latou ka faipati ki pati penei: “E tonu a Ia e tavae gina i Ana uiga kae e tau o fakalogo ki Tena fakatonuuga.” E ui i ei kafai a Matou e seai se mea e fakaasi atu, ke oko loa ki te toe foliki pe la mo te mata o te nila, e tele fakakotua ki olotou manakoga mo auala kaimanako, a latou ka se talia ne latou mo te faka-matamata. Fai atu, e seai e ana maua o fuafua a te lauefa o te manakoga mo te atamai fakaoti o te Atua. I te tonuuga, moi fai a Ia e taku mai i te lalolagi ko te lagi, e seai lele loa e isi sena saolotooga o fakafesili a Tena pule. Mea nei ko te Poini o te Bayán ko oti ne molimau i mea katoa ko la ne tuku ifo ki lalo mai ia Ia mo te tonu i te fakatonuuga a te Atua, ko Ia Tela ne fakamaofa ate Vaveao ke malepe.

tolu o Malifalifaaga

e uiga mo galuega i mataupu kesekese fakatasi mo te saienisi (arts, crafts and science). A te poto pe la mo kapakau ki te olaaga o tagata, me se kakeega ki tena fanaka ki luga. A te fai ke maua a te poto e tau ki tino taki toko tasi katoa. A te poto ki mea tau saienisi, tena la, e tau o maua aua e aoga ki tino o te lalolagi, kae seai ko tino ko la e kamata ki pati kae fakaoti ki pati. E takutakua a te fakatagi a saienitisi mo latou e galue i te iloa (craftsmen) ki luga i tino o te lalolagi. Ki te mea tenei e fai mo molimau a te Matua o Tusi i te aso ne foki mai a Ia. Fiafia a latou e lei a olotou taliga fakalogologo. I te tonuuga, a te poto se tina kope taaua mo tagata, kae se fakavae o te matagofie, o te alofa-lauefa, o te fiafia, o te fakaaloalo, o te agalelei mo te fiafia kia ia. E tena ko oti a te Laulaufaiva o te Silisiliese i te Gali ne faipati i te Falepuipui tafasili i te Takutakua.

fa o Malifalifaaga

e uiga mo te Mana Faka-te-lagi (Divinity), te UluAtua (Godhead) mo mea pena. Kafai a tagata o te mataile e fakasaga a tena kilo ki mua i te fakamanuia gina, a te Lakau Ola (Lote_Tree) fakamatea mai mo ona fuaga-lakau kaina, a ia ka faka-

maumea ko ala i ei a ia o tusaoloto io so se mea kae fakapatino a tena talitonu i te mea te la a te Sipika i luga i Sinai ko oti ne faipati mai i te nofoaga-a-tupu o te Fakaasiiga.

O ‘Alí-Akbar! Fakamasani a tino mo kupu mana o te Aliki kae fakailoa kia latou a Tena Auala tonu, Tena Fakapulaaga mafi.

Fai atu: O tino, kafai a koutou e fakamasino mo te fakamaoni mo te fuafuatau, a koutou ka molimau ki te mea tonu o so se mea te la e tafe mai i te Pene Tafasili i te Maluga. Ka fai a koutou ko tino o te Bayán, ko te Bayán Pelesia ka takitaki a koutou ki te tonu kae ka lava a te fakatalitonu kia koutou; kae kafai a koutou ko tino o te Qur’án, mafaufau koutou ki luga i te Fakaasiiga i luga i Sinai mo te Leo mai i te Vao-foliki (Voice from the Bush) te la ne vau ki te Tama Tagata a Imrán [Moses].

Te Atua Agalelei! Ne mafaufaugina i te taimi o te faakasiiga a te Tokotasi o te Atua tonu i te mafaufau o te lavea o Ia ko leva ne atiake kae ko matua kae ko oko

foki ki te fakaotiiga. Kae e ui i ei, e manino lei e loa i tino se talitonu ki te mafaufau tenei e tumau loa i te seki atiake o latou kae ko oti, e tonu ne soloki ifo ki lalo.

O ‘Alí! A mea ne talia ne latou mai i te Vao-foliki (Bush) nei ko se talia ne latou mai ia Ia Tela ko te Lakau Ola o te lalolagi o te foafoaaga. Fai atu, O tino o te Bayán, sa faipati ki manakoga o mea e fiafia koe ki ei mo manakoga kaimanako o koe. A taulasiga o tino o te lalolagi e molimau ki te mea tonu o te Muna fakamanuia gina te la ne vau mai i te Vao-foliki (Bush).

Mai i te amiotonu o te Atua! Ko te vii o tavaeega ne fakaleo ne Ia Tela ne vau mai i mua o te Fakaasiiga, tenei a te Tokotasi ne Faka See-Gina e seki manava lele loa ne Ia se muna te la ne mafai o fakamataku ki loto o latou valea kae ne ala i ei a latou o tanumia ki lalo. A te faka-patino mafa ki luga i te tavaeega o Ia Tela a te Atua ka fakaasi mai – ke maluga Tena Faifekau - a te Báb i te kamataga o te Bayán ne fai atu: “Ko Ia Tokotasi Tela ka talai atu i so se fakanofooga katoa, “E tonu, e tonu, Au ko te Atua e seai se Atua na ko Au, ko te Aliki o mea faiite katoa! Ko Au tokotasi e tapuaki koutou ki ei.’” E pena foki i sua taimi a Ia, fakalauefa a Te Igoa o Ia Tela ka fakaasi mai, e fai atu: “Ko Au muamua loa e ifo kia Ia.” Nei ko tau a so se tino o toe mafaufau ki luga i te taaua o te “a Tokotasi tela e ifo” mo te “Tokotasi tela e ifogina,” ko tino o te lalolagi ke mafai o kau fakatasi atu i te motiiga o te vasa o te poto fakate-lagi kae ke mafai ne latou o atafia a te takutakua o te Fakaasiiga tenei. E tonu, a Ia ko oti ne sae mai kae faipati atu o talai a te Mea Tonu. E lei mo ia te la e fakamatea kae lavea a te mea tonu, kae faka fanonoa a ia tela e fakatauemu kae e se fakalogo.

O tino o te lalolagi! Tuku mai a outou taliga ki te Leo mai i te Lakau Ola (LoteTree) faka-te-lagi te la e pulou gina a te lalolagi kae sa fai pe la mo tino e fa-kaitaua i luga i te lalolagi – tagata ko la e teke ne latou a te Faifekau a te Atua mo Tena puleega e se lavea kae ko oti ne se-talia ne latou Ana mea-alofa ko latou i te tonuga e lau mo latou ko la e seai se aava kae fakataemu i loto i te Tusi a te Atua, ko te Aliki o tino katoa.

A te Matagofie ko oti ne maofa mai i luga i te sikulagi o Toku alofa atafai e nofo i luga ia koe mo latou ko la e nofo tasi mo koe kae fakalogologo ki au muna e uiga mo te Fakatokaaga a te Atua, ko te Mafi Katoatoa, ko te Taaveega Katoatoa.

A Ia ko te Tasi Tela ne faipati mai i te maalosi o te Mea Tonu i te Maalo o te Faipatiiga

O koutou ko fakatusa o te fakamasinoga tonu mo te fuafua tau fakamaoni mo te fakaasiiga o te faka aloalo mo alofaaga faka-te-lagi! Mo loimata mo te fanoanoa, a te Tasi ne Faka See-Gina e kalaga atu ki luga, kae fai atu penei: O te Atua, toku Atua! Fakasafe a ulu o Au fagasele ki te kalauna o te motu mai kae fakapei a olotou ulu ki te gatu o te amio tonu.

E tau mo tino o Bahá o tuku atu ki te Aliki a manumaalo mai i te maalosi o olotou faipatiiga kae akoako ki tino mai i olotou amio tonu mo uiga, pela loa mo te amio tonu e maalosi atu a tena pokotia i muna e fai.

O Ḥaydar-‘Alí!1 Ei i luga ia koe ko tavaeega o te Atua mo Tena matagofie. Fai atu: Fakamaoni, kope taaua, atamai mo uiga faka agelu e fesoasoani kii ki te fakamaluga o te tulaga o te tagata, kae ko te se-fakamaoni, fakapelo, valea, mo te fakaloiloi e tau tonu loa ki te faka folikiiga o tagata. I Toku ola! A te taaua o tagata e se i luga i ana lakeiiga fakagaligali io me ko tena maumea, kae i tena amio lei mo te malamalama tonu. A te taulasiiga o tino i Pelesia ko tosina kii i te faitogafiti mo mafaufauga fakasupasupa. Ea a te kese mao o te nofonofooga o tino konei mo te tulaga o agaaga loto toa ko la ne olo atu ki tua atu o te tai o igoa kae fakatu a olotou fale ie i luga i matafaga o te vasa o te motu mai keatea. E tonu e seai lele na ko naai tino o te tupulaga tenei ko oti ne maua ne latou a te avanoaaga o fakalogologo ki usuusuga a pese a lupe o te Palataiso tafasili loa i te maluga. “Ko naai o Aku taugasoa fua ne fakafetai fakamaoni.”2 [Qur’an 34:12] I te taulasiiga o tino a latou e fiafia loa ki mea tau fakaloiloi. E manako atu ki se motiiga mai i te tai o te se-tonu ki te vasa o te mea tonu. I te piki mau o latou ki igoa e fakaseai mai ia latou mai i te uiga tonu kae ko piki mau o latou ki manatu seai ne aogaa ko taofigina a latou mai i te Aso Kamata o failoaga faka-te-lagi. Ke talia mai ne te Atua ko koe ke fesoasoanigia mo te alofa i taimi katoa ke lepe keatea a fatagata faka-aitu kae lepe keatea a veli o mafaufauga o tagata. A te Pule katoatoa e i lima o te Atua, ko te Punaa-Vai o te fakaasiiga mo te fakamaalosiiga mo te Aliki o te Aso o te Toe Tu.

Ne lalgona ne Matou a te tino e fakafesili ne ia e uiga mo faiakoga o te Fakatokaaga. E tonu a ia ko oti ne faipati ki te mea tonu. Ko niisi agaaga ola se fakalogo e folifoli i laufenua i te igoa o te Atua, e galue maalosi ki te fakamaseiiga o te Fakatokaaga, kae e taku ne latou me ko te talaiiga o te Muna a te Atua; e uiloa a pepa paasi o faiakoga o te Fakatokaaga, pe la mo fetu, e sulu malifalifa i lagi o Tapeleti faka-te-lagi. So se tino e fuafua tau mo te fakamaoni e molimau ka ko so se tagata o te iloa e iloa fakallei i te Atua tonu e Tasi – ke maluga a Tena matagofie – ko oti ne soko loa a te fakamaina atu a feitu ko la ka avaka ki luga a te tulaga kae fakamaluga a te laina o tamaliki a tagata.

A tino o Bahá e ka maina i vasia o lukuuga pe la me se molii gako kae puke ke mau ki te mea ko oti ne faigia ne te Atua. A te tulaga tenei e tu tafasili i te maluga mai i luga atu i tulaga katoa. E lei mo ia te la ko oti ne liakina keatea a mea ko la e nofo mo tino o te lalolagi, kae e naunau atu ki mea ko la e a a te Atua, ko te Aliki Tupu o te favavau.

Fai atu: O te Atua, toku Atua! E lavea ne Koe au e tamilomilo i Tou Finagalo mo oku mata e fuli atu ki mua i te sikulagi o Tou alofa-mataefa, e faitalitali atu ki te fakaasiiga o te gali malifalifa o te laa o Ou alofaaga. Au e akai totuli kia Koe, O te Fagasele o so se loto maina mo te manakoga o latou ko la ko pilipili atu kia Koe, ke talia ko Au fagasele ke mafai o motu mai keatea mai i olotou loto, kae puke mau ki mea ko la e fakafiafia kia Koe. Fakapei a latou, O te Aliki, ki te gatu o te amio tonu kae fakamaina a latou ki te gali kese o te molii o te motu mai keatea. Kalaga atu ki te olotou feasoasoani ko lukuuga o te atamai mo te faipatiiga ko te mea ke mafai ne latou o fakamaluga a Tau Muna i vasia o Au mea ola kae fakapula atu a Tau Fakatokaaga i vasia o Au tavini. E tonu, e maalosi a Koe o fai a te mea e loto Koe kiei, ko te Mafi, ko te Fakamagalo-Katoatoa.

O ko koe te la ko oti ne fuli a tau kilo ki mua i Oku mata! I aso konei ne tupu a mea ko la ne faigia Au ke maua ne te fanoanoa tafasili i te masei. Ko nisi tino ne fai ne latou a agasala e fai pela ia latou e fakamaoni ki te Fakatokaaga a te Atua kae ne fai ne latou a mea ko la ne ala i ei o polepole a totooga o fuiatino o latou gali olotou uiga, fakamaoni, kae fakamasino tonu. Se tokotasi tino e lauiloa te la ne maua e ia a te alofa lasi mo alofaaga ne fakaoko atu ki ei ne fai ne ia a uiga ne ala i ei o sofi loimata mai i te mata o te Atua. I taimi mai mua ne faipati ne Matou a muna polopoloaki kae akoako, tena la ko fia a tausaga ne funa ne Matou a te mea tenei ko te mea ke mafai ne koe o fiafia o fakalogo kae salamo. Kae e seai loa se aoga. I te fakaotiiga ne fakamaumau ne ia a tena maalosi ki luga i te faipati faka masei ki te Fakatokaaga a te Atua i mua o mata o tagata katoa. Ne lepe ne ia a veli o te fuafuatau tonu fakamaoni kae e seai se alofa kia ia loa io me mo te Fakatokaaga a te Atua. Nei, na la, ko uiga o niisi tino taki toko tasi ko aumai ne latou a te fanoanoa e masei atu i uiga o latou mua ne fai. Akai totuli a koe ki te Atua, ko te Tasi Tonu, ko te mea ke mafai a Ia o fesoasoani ke fakamafai ko latou se fakalogo ke fakatoese kae salamo. E tonu, a Ia ko te Fakamagalo, o te AlofaMataefa, ko te Tafasili ite Kaimalie.

I aso konei se mea e tau mo tino taki toko tasi katoa o piki mau maalosi ki te fakatasitasi mo te fealofani kae saga o fakamaalosi a te talaiiga o te Fakatokaaga a te Atua, ko te mea ko agaaga ko la e se talitonu ke mafai ne latou o maua a te mea te la e tau ki te nofoaga maumea.

I te fakatoetoega, a kesekeseega i vasia o potooga ko fakaasi mai i ei a te vaaivai.

A potoooga taki tasi ko oti ne filifili a te auala mo ia kae ko piki mau ki se kafanoa.

E ui a te kivi ko tuku aliali mai mo te valea e mita latou i te olotou iloa mo te poto. Mai i tafa o potooga konei ko faka-taulaitu ko la e talitonu ki te Talitonuuga Islám, ko niisi ko la e saga maalosi ki se olaaga te la e fakaiku ki te paie mo te nofo tokotasi loa ia ia. Au e tauto ki te Atua! E fakamalalo a te tulaga o tagata kae fai a ia ke fete i te fakamatamata. A tagata e tau o aumai a fuaga lakau kaina. A ia tela e seai ne ana fuaga lakau kaina se lakau ola e seai se aoga, se lakau ola seai se aoga e tau ki te afi.

A mea ne faipati atu ne latou ko la mai i mua e uiga mo tulaga o te Fakatasitasi Faka-te-Lagi (Divine Unity) e iku ki te paie mo mafaufauga fakasupasupa. A tagata o te lalolagi konei ko oti ne tuku faka-atea ne latou a kesekesega o tulaga kae ko fai a latou pe la me ko te Atua, ka ko te Atua la e se fuafuagina i te maluga atu i mea katoa. A so se mea faiite e fakaasi Ana failoga ko la e sae mai ia Ia kae seai ko Iaia-Ia-loa. Ko failoga katoa konei e fakaasi mai kae e mafai foki o lavea i te tusi o te foafoaaga, ko peluuga a pepa e fakaasi mai i ei a te ata mo te fakasoasoaaga o te iunivesi kae se tusi e taaua kii. I ei so se tagata o te iloa e mafai o atafia ne ia a te

mea tela e tau tonu ki te Auala Tonu kae ka fakamafai a ia o maua ne ia a te Fakasalalauga Takutakua. Mafaufau ki vae o te laa te la a tena mainaaga e aofia i ei a te lalolagi katoa. A vae e aumai mai i te laa kae fakaasi mai i ei a tena natula, kae seai ko te laa loa ia ia. So se mea e mafai o lavea i te lalolagi e fakaasi fakamatea mai i ei a te maalosi o te Atua, Tena poto mo sofiiga o Tena alofa mataefa, ka ko Ia e se fuafuagina a te maluga atu i mea faiite katoa.

Muna a Keliso: “Ko oti ne talia ne Koe ki tamaliki a mea ko la e seai i tino tauloto kae atamai.” A toeaina poto o Sabzívar4 (Haji Mulla Hadi Sabzivari, se filosopa lauiloa kae se “poet” foki o Iran I te vaaitaimi o Baha’u’llah. Ne galo a ia i te 1873) e fai mai penei: “Kai ofo! E seai ne taliga logo, me moi penei a musumusuuga o te Vao-foliki (Bush) i luga i Sinai e mafai o lagona gina ne so se lakau ola.” I se Tapeleti ki se tagata o te atamai ne silisili a ia ki te uiga o te Meatonu Kamata (Elementary Reality), Matou ne fai atu penei ki te toeaina i muna penei: “Kafai a te faiga muna tenei e tonu loa ia koe, e mafai pefea a koe o fakatamala ke lagona ne koe a te Kalaga te la ne vau mai i te Lakau Ola o tagata mai i toe kogaa koga maluga o te lalolagi? Kafai ne lagona loa ne koe a te kalaga kae mataku kae manako koe o tausi a tou ola ko ala i ei a koe o nofo tumau se fakalogo ki ei, e seai aka loa se tino pena mo koe io me e se ttau o faipatigia, tena la a koe e masei ou taliga fakalogologo.” I te fakatoetoe, a tagata pena ko la a olotou muna ko te mitaaga o te lalolagi, ka ko olotou amioga ko te luma o fenua.

E tonu Matou ne fakatagi atu a te Pu te la e seai aka foki na ko Taku Pene o te Matagofie, kae kiloke, a tino katoa ne galo olotou mafaufau mai i ana mua, na loa ko latou ko la ne fiafia a te Atua o avatu kia latou pe la me se fakamateaaga o Tena alofa atafai. A Ia ko te Aliki o te alofa mataefa, ko te Favavau o Aso.

Fai atu: O lukuuga malu faka-te-lagi! Fai atu au faitiooga ki te Pene, te la i taimi e avaka a tena leo polepole, a te maalo o te faipatiiga e fakatoka o fakalogo, kae mai mua o se mataupu mafi mo te matagofie a se isi mataupu aka e galo atu fua ki te seai? Mataku ki tou Atua kae sa tautali ki ou manatu fakasupasupa mo fakatauuga faitogafiti, kae tautali kia Ia Tela ko vau kia koe fonufonu i te poto e se mafai o fakasekegina mo te mea tonu e se mafai o fakagasue gina.

E matagofie o te Atua! A te kope taaua a te tagata ko tena faipati, ka ko te Tasi ne FakaSee-Gina ne taofi ne Tena Laulaufaiva, aua ia latou e se-talitonu e nofo faitali o fai se amio se-llei; na la, a te puipuiiga e aumai ne te Atua, ko te Aliki o lalolagi katoa. E tonu, ia Ia ne tuku ne Matou a te Omotou fakatalitonu kae kia Ia ne fola atu katoa a omotou nofonofooga. Ko te Lava-Katoatoa e o Ia mo Matou pela foki a mea faiite katoa. Ko Ia te Tokotasi mai i Tena taliaaga, kae mai i te maalosi o Tena tonu, a te Fetu Ao ko sulu malifalifa mai i luga i te sikulagi o te lalolagi. E lei mo ia te la e atafia kae iloa ne ia a te Mea Tonu kae fanoanoa kia ia te la e fai-fitoi kae seai sena fakatuanaki.

Ko te Tasi ne Faka See-Gina ne atafai fakalei a latou atamai. I te atamai e uiga ki tagata ko olotou poto e se gata fua i muna ka ko olotou olaaga e ola ki te fakamaoni kae ne maua i ei a fuataga tumau. E tau mo tino katoa o fakaaloalo ki agaaga fakamanuia gina konei. Fiafia a latou ko la e tautali ki te muna a te Atua; fiafia a latou ko la e talitonu ki te Mea Tonu; fiafia a latou ko la e fakamasino mo te fuafuatau fakamaoni i mea katoa kae puke mau ki te Kafanoa o Tau Fakamasinoga Tonu e se-mafai o maofa.

A tino o Pelesia ko oti ne fuli keatea mai ia Ia Tela ko te Puipui mo te Feasoasoani. A latou e piki mau kae saga maalosi ki manatu seai ne aogaa o tino valea. E mautakitaki a latou ki manatu fakasupasupa konei ko seai aka foki e ana maua o motu mai a latou vagana ko te lima maalosi o te Atua – e maluga a Tena matagofie. Akai totuli a koe ki te Atua ko te mea ke ave keatea ne Ia i ona maikao maalosi faka-te-lagi a veli ko la ne pono i ei a tino kesekese mo kaaiga, ko te mea ke mafai ne latou o maua a mea ko la e lei ki te nofo toka, atiake, mo te gasolo ki mua mo te fakavave atu ki mua i te Taugasoa e se-fakatusagina.

A te muna a te Atua te la a te Pene a Abhá ko oti ne fakaasi kae tusi i luga i te

laulakau muamua

o te Palataiso Tafasili i te Maluga e tenei: E tonu loa au e fai atu penei: A te mataku ki te Atua ko te puipui tonu mo te olo-maalosi mautinoa tonu mo tino katoa o te lalolagi. Ko te auala mautinoa tonu mo te puipuiiga o tino katoa, ko te mea-faigaluega tafasili i te maluga mo tena tausiiga. E tonu, e i ai i te mafaufau o te tagata te la e kave ne ia keatea a ia mai i ei, kae puipui atu a ia, ki so se mea te la e fakatau ifo e seai se aoga kae e se tau, te la e iloa me ko te lagona o te taema. Ka ko te mea, tenei e i ai fua i naai tino; katoa e seki i ai ia latou a te mea tena.

A te muna a te Atua te la a te Pene Silisili i te Maluga ko oti ne fakamau i luga i te

lua o laulakau

o te Palataiso tafasli i te Maluga e penei: A te Pene o te Tafasili i te Maluga e fakatonu, i te taimi tenei, a fakaasiiga o te pule mo kamataga o te maalosi, te la ko tupu, ko nofoaiga aliki, ko pelesitene, ko latou pulepule, ko tino maluga o lotu mo atamai, e fakasino mai ko latou ke tautali ki te manakoga o Talitonuuga, kae ke puke mau ki ei. Te Talitonuuga ko te mea faigalueega taaua mo te fakatuuga o te nofo lei i te lalolagi mo te nofo toka i vasia o tino. A te olo o vaaivai a pou o talitonuuga e fakamaalosi i ei a latou valea kae fakalasi atu i ei a te olotou fakamatamata. E tonu au e fai atu penei: Ko te lasi o te to ifo o te talitonuuga, ko te lasi o te se fakalogo mo te fai o mea se lei. I te fakaotiiga e maua i ei a te faivalevale mo te numi. Fakalogo mai, O tagata o te iloa, ke faetete, a koe tela e fonu i te maina tonu!

A te muna a te Atua te la a te Pene Silisili i te Maluga ko oti ne fakamau i luga i te

tolu o laulakau

o te Palataiso Tafasili i te Maluga e penei: O tama tagata a tagata! Kafai ou mata e fuli atu ki mua i te alofa fakamagalo, liakina a mea ko la e penefiti a koe kae puke ke mau ki mea ko la e penefiti ki tino katoa. Kae kafai ou mata e fuli atu ki mua i te fakamasinoga tonu, filifili ne koe mo tou tuakoi a te mea te la e fili loa ne koe mo koe. A te loto maulalo e fakamaluga i ei a tagata ki te lagi o te matagofie mo te maalosi, ka ko te miita e fakamalalo a ia ki pokooga o te masei mo te maofaofa.

O tino o te Atua! E takutakua a te Aso mo te Kalaga mafi! I se tasi o Omotou Tapeleti a Matou e fakaasi atu a muna maluga konei: “Kafai a te lalolagi o te agaaga e fuli katoatoa ki te lagona o te logo o taliga, e mafai o fai a se fakatagi ke patino o logo atu ki te Leo te la e kalaga mai i te Sikulagi Tafasili i te Maluga; aua, a taliga konei ko lailai i tala loi kae seki ai aka loa, io me e tau o fakalogologo ki ei.” E llei mo latou ko la e fakalogo; fanoanoa kia latou ko la e fakalogo gataa.

A te muna a te Atua te la a te Pene Silisili i te Maluga ko oti ne fakamau i luga i te

fa o laulakau

o te Palataiso Tafasili i te Maluga e penei: O tino o te Atua! Akai totuli a koutou ki te Tokotasi Tonu – e matagofie a Tena Igoa – ko te mea ke mafai a Ia o puipui mo te alofa a fakaasiiga o te maalo o te maalosi mai i fakatauuga o te fuaitino kae sulu atu a te mainaaga fiafia o te fakamasino tonu mo te takitakiiga kia luga ia latou.

Tena Afioga Muḥammad Sháh, e uiloa a te takutakua o tena tulaga, ne fai ne ia a gasala e se fuafuagina i te matagaa. Tasi ko te fakatonu ne ia ke kave keatea a te Aliki o Laufenua o te Alofa atafai mo te Mataefa, ko te Poini Muamua; ka ko sua mea, ko te tamate o te Pelenise o te Fakai Lasi o te Atamai-o-Fakatoka-a-mea-ote-Atufenua mo te Manumaalo-i-te-Atamai-i-te-Tusi-Tala. (Prince of the City of Statesmanship and Literary Accomplishment).5

A mea see a tupu, pe la mo olotou alofaaga, e mafai o lasi. A te tupu te la e se pokotia i te miita o te maalosi mo te pule mai i te onoono ki te fakamasino tonu, io me e seai mai ia latou a te gali o te fetu ao ka nofo i se tulaga maluga kae silisili i vasia o te Lukuuga Mana mai i luga. E tau mo tino katoa ke fakaoko atu a te feasoasoani kae fakaasi a te alofa kaimalie ki se tino e maualuga kii a tena agaaga ola. E lei mo te tupu te la e puke mmau ki ona manakoga, kae tataofi a tena kaitaua kae manako atu ki te fakamasinoga tonu mo te fuafua tau fakamaoni ilo a te tupu te la e manako ki te seai se fakamasino tonu mo te sauaa.

A te muna a te Atua te la a te Pene Silisili i te Maluga ko oti ne fakamau i luga i te

lima o laulakau

o te Palataiso Tafasili i te Maluga e penei: mai i luga atu i mea katoa, a te toe mea-alofa tafasili i te takutakua mo te fakamanuia gali kese ko leva ne faka tumau kae ka tumau pena ko te Atamai (Wisdom). A te mea tena ko te Puipuiiga tafasili i tagata e se mafai o fakatakavale. E fesoasoani kia ia kae faka-maalosi kia ia. A te Atamai ko te Sui o te Atua mo te Fakaasi o Tena Igoa te Silisiliese. Mai i ei a te maualuga o te tulaga o te tagata ko fakaasi kae fai ke lavea. Ko te Faiakoga iloa-katoatoa mo te tafa-ki-mua o te akoga i te foafoaaga. A Ia ko te Takitaki kae e faka-lakei ki te lei tafasili i te maluga. Fakafetai ki tena akoakoga e pokotia ki tino i te lalolagi ko fakafonu i te agaaga taaua pe la me se fatu taaua te la e maina atu i te lagi. I te fakai lasi o te fakamasino tonu ko te Sipika e seai sena fakatusa Tela, i te tausaga e iva, fakamaina o te lalolagi ki tala fakafiafia o te Fakaasiiga tenei. Kae ko te Kamataga o te atamai tenei e seai se fakatusa te la i te kamataga o te fakavae o te lalolagi ne fanaka ki luga i te kakeega o te uiga tafa-i-loto kae kafai e faka tupu i luga i te tulaga o te faipati, mai i te faka galuega-aga o te Finagalo faka-te-lagi, ka talai atu e lua a Muna. Muamua e fakatomua ki te feagaiiga o te taui (reward), ka ko te lua ko te leo fakamataku o te fakasala (punishment). A te feagaiiga e ala mai i ei a te fakamoemoe mo te fakaetete e maua mai i ei a te mataku. Tela la a te fakavae o te lalolagi ko oti ne fakatu fakalei loa i te aava akoakoga fakavae konei. E maluga ko te Aliki, ko te Pule, mo te Pule o te Alofa Takutakua.

A te muna a te Atua te la a te Pene Silisili i te Maluga ko oti ne fakamau i luga i te

ono o laulakau

o te Palataiso Tafasili i te Maluga e penei: A te mainaaga o tagata ko te

Fakamasinoga Tonu (Justice). Sa tamate gina ki matagi o te teke mo te faitaua. A te pogai o te fakamasino tonu ko te sae mai o te fakatasitasi i vasia o tagata. A te vasa o te atamai faka-te-lagi e soko aka i loto i te muna maluga tenei, ka ko tusi o te lalolagi e se mafai o taofi a te taaua tafa-i-loto o ia. Kafai a tino e lakei ki te gatu tenei, ka lavea ne latou ate fetuao o te faipati, “I te aso tena a te Atua ka faka lotomalie a tino taki toko tasi katoa mai i Tena maumea, ”6 [Qur’an 4: 129] kae sulu malifalifa mai i luga atu i te sikulagi o te lalolagi. Ke talia ne koutou a te taaua o te faipatiiga tenei; ne fuaga-lakau kaina maualuga te la o te Lakau Ola o te Pene o te Matagofie ne fua mai. Fiafia ki te tagata te la e fakalogo ki ei kae e tautali ki ana akoakoga. E tonu au e fai atu, so se mea e tuku ifo mai i te lagi o te Finagalo o te Atua ko te auala e mafai i ei o fakatu a te nofo lei o te lalolagi mo te fai-mea-galuega mo te atiakega o te fakatasitasi mo te faka taugasoa i vasia o ana tino. E tena ko oti a te Laulaufaiva o te Tokotasi ne Faka See Gina ne faipati ki ei mai i Tena Falepuipui Tafasili i te Takutakua.

A te muna a te Atua te la a te Pene Silisili i te Maluga ko oti ne fakamau i luga i te

fitu o laulakau

o te Palataiso Tafasili i te maluga e penei: O koutou tagata o te atamai i vasia o fenua! Pono a outou mata ki te fakakesekese mo te masei, kae fakapiki a oulua kilo ki luga i te fakatasitasi. Puke ke mau ki luga i mea ko la e maua i ei a te nofolei mo te tokaaga o tino. A te laumanafa o te lalolagi e tasi a te fenua totino ka e tasi a te koga e nofo i ei. E tau mo koutou o liakina a te fia sili mo te fakamatamata te la e fai ne ia a te faka kesekese mo te kaitaua kae tuku a oulua loto ki so se mea te la e fai ne ia a te fealofani. I te fakatauuga a tino o Bahá a te matagofie o tagata e nofo i tena poto, tena amio lei, ko ona uiga tavaegia, tena atamai, kae seai ko tena fenua io me ko tena tulaga. O tino o te lalolagi! Ke talia a te taaua o te muna faka-te-lagi tenei. E tonu e mafai o fakatusa ki te foulua mo te vasa o te poto mo te mea mainaina mo te lalolagi o te lavea.

A te muna a te Atua tela a te Pene Silisili i te Maluga ko oti ne fakamau i luga i te

valu o laulakau

o te Palataiso Tafasili i te Maluga e penei: A akoga e tau muamua loa o akoako a tamaliki ki akoakoga fakavae o Talitonuuga (principles of religion), ko te mea a Feagaiiga mo te Fakamatakutaku (Threat) e tusi i loto i Tusi a te Atua (Books of God) ke mafai o fakagata a latou mai i mea e tapu kae lakei a latou ki tiute mo galuega o fakatonuuga; kae i se auala te la e se fakamataku ki tamaliki ko ala ki te faifitoi fakavalevale mo te fapito.

Se tiute e tau o fai ne Latou Tausi (Trustees) o te Fale Fakamasino Tonu o faipati fakatasitasi e uiga mo mea mai i tua ko la e seki fakaasi mai i te Tusi, kae e fakamaalosi a mea ko la e loto tasi latou ki ei. A te Atua e tonu e fakamalosi gina a latou ki so se mea e manako a Ia ki ei, ka ko Ia, e tonu ko te Fakasoasoa, ko te Silisiliese.

Ko oti Matou mai i mua ne fakaeke ko tino ke sautala i gana e lua, kae e ui i ei a taumafaiga e tau o fai ke tuku ifo ki lalo i te tasi, pena foki a te tusi tusi e faka aoga i te lalolagi, ko olaga o tagata ke se-faivalevale kae fakamaumau taimi i te tauloto o gana kesekese. Tela la a te lalolagi ka fai pela me se fakai lasi e tasi mo se laufenua e tasi.

A te muna a te Atua te la a te Pene Silisili i te Maluga ko oti ne fakamau i luga i te

iva o laulakau

o te Palataiso Tafasili i te Maluga e penei: I mea katoa a te fuafuatau (moderation) e manako gina. Ka fai se mea ko siliga i te fai soko ka fai mo kamataga o te mea masei. Mafaufau ki te malamalama (civilization) i te Togaa Laa (West), i te faka-manava-se kae fakamataku ki tino o te lalolagi. A te masini afi ko oti ne faiite, kae e fakatalitonu gia i te kaitaua o te mea tau o te ofa fakamasei mea tenei te la e seai aka foki ko oti ne molimau io me ne logo i ei. A te faka-seai o te faitogafiti ko la ko mau ki lalo i ona aka kae ko sausala e se maua o fai se faiga ki ei vagana ko tino o te lalolagi e fusi fakatasi i lalo i se fakanofooga e kau tasi katoa ki ei kae aofia a latou i se talitonuuga e salalau i te iunivesi. Tuku a oulua taliga ki te Kalaga o te Tokotasi ne Faka-See-Gina tenei kae tautali fakmaalosi ki te Filemu Foliki.

Mea fou kae fakaofoofogina e isi i te lalolagi kae e funa mai i mafaufau mo te iloa o tagata. A mea konei e mafai o fakamafuli ne latou a te ea katoatoa o te lalolagi ka ko te olotou poisini e mafai o fakamataku kii. Te Atua Takutakua! Ko oti ne molimau ne Matou a se mea e faka ofoofogina. A uila io me se maalosi e pau pena e fakagalue mai ne se tino galue kae galuelue ma i tena fakatonuuga. E se fuafuagina i te maluga o te Aliki o te Maalosi Tela ko oti ne fakaali a mea ko la ko oti ne iku mai i te maalosi o Tena fakatonuuga mafa kae e se lavea.

O tino o Bahá! A tulafono taki tasi ko oti ne folafola atu ne Matou se olo-tau tafasili i te mafi mo te tausiga o te lalolagi o tino. E tonu, a te Tokotasi ne FakaSee-Gina tenei e manako ki te seai aka foki na ko te oulua nofo tooka mo te faka-masikiiga o koutou.

A Matou e fakatonu atu ki tagata o te Fale o te Fai Fakamasinoga Tonu kae fakatonu a latou ke onoono fakalei ki te puipuiiga mo tausiiga lei o tagata, fafine mo tamaliki. E tau mo latou o kilo ki te lei katoatoa o tino i taimi katoa mo fakanofooga katoa. Fakamanuia a te takitaki te la e fai mo faka-mafanafanaaga kia latou e puke faka pagota, mo ia maumea te la e alofa kia latou mativa, mo ia te la e fakamasino tonu kae fakasao a latou ne see ki saolotooga fakalei kia latou e tanumia ki lalo, kae fiafia ki te tino tausi te la e tautali ki mea ne fai mai ne te Fakaeke, ko te Favavau o Aso ko oti ne fakaasi kia ia.

O Ḥaydar-‘Alí! I luga ia koe ko Toku matagofie mo Toku tavaeega. Aku akoakoga mo polopoloakiga ko oti ne siomia i te lalolagi. Kae e uiloa, e seai se fiafia mo te tala lei kae na ko te fanoanoa ne ala mai i ei, auaa a nisi o latou ko la e fai pe la ia latou e alofa kia Au ko gasolo aka loa o fakamatamata kae ko oti ne pokotia mai kia Au a fakalavelave e seki oko aka loa ki ne tino o talitonuuga mua io me ko tino maluga faka-te-lagi o Pelesia ne pokotia i ei.

Matou e fai atu: “A Toku falepuipui e seai Soku mae i ei, io me ko mea ko la ne oko mai ki luga ia Au i lima o Oku fili. A te mea te la e fakamasei kia Au ko amioga a aku fagasele ko la, e uiloa e kave ne latou a Toku igoa, kae fai ne latou a mea ko la a Toku fatu mo Taku pene ke tagi fanoanoa.” A faipatiiga pena ko foki foki loa o fakaasi mai, kae e uiloa a latou se fakalogo e seki mafai ne latou o maua a te lei mai i ei, aua a latou e nofo saisaitia loa ne olotou fakatauga se lei mo manakoga faitogafiti. Akai totuli a koutou ki te Tokotasi o te Atua tonu ko Ia ke fakamafai a tino taki toko tasi katoa ke salamo kae foki atu kia Ia. Me e pefea a te leva o te natula o tino e talia ne ia a fiafiaaga masei, agasala mo te soli agasala ka tumau. E fakataaua ia Matou a te fakamoemoe i te lima o te maalosi faka-telagi mo te ligi maiiga o fakamanuiaaga faka-te-lagi ka fakatumau ne ia a tagata katoa, ke mafai o pei latou ki te gatu o te fakamagalo mo te alofa mataefa kae puipui a latou ki mea ko la ka fakamae ki Tena Fakatokaaga i vasia o Ana tavini. A Ia, e tonu, ko te mea tonu, ko te Maalosi, ko te Maalosi-Katoatoa, ka ko Ia ko te Fakamagalo-Katoatoa, ko te Alofa-Fakamagalo Katoatoa.

A te muna a te Atua te la a te Pene Silisili i te Maluga ko oti ne fakamau i luga i te

sefulu o laulakau

o te Palataiso Tafasili i te Maluga e penei: O tino o te lalolagi! A te nofo faale-vao (living in seclusion) io me ko te nofo fakamao mai mo tino (asceticism) e se talia i mua o te Atua. E tau mo latou ko la e nofo mo te kilo mao mo te malamalama o

tautali ki mea ko la e ala iei o maua a te fiafia mo te mainaaga fiafia. A fakatauuga pena e puna mai i te kanofi o te paiee io me e faigina mai i te tinae o te manatu fakasupasupa i tagata poto kae e leaga. I taimi mua kae fakamuli ifo a niisi tino ko nofo i loto i vanu o mauga ka ko niisi ko olo saale ki tanu mate i po. Fai atu, fakalogo a outou taliga ki akoakoga mai i te Tokotasi ne Faka-See-Gina tenei. Liakina a mea ko la e nofo nei mo koutou kae puke ki mea a te Kaunisela fai mea tonu ko oti ne fai atu kia koutou. Sa faigina ia koutou mana seai ne mea-alofa e oko atu ko la ko oti ne faiite ona ko koutou.

sefulu tasi o laulakau

o te Palataiso Tafasili i te Maluga e penei: Matou e fakatonu atu kia latou ko la ko fuka o Ona igoa mo uiga llei ke taofi ke mau mai i taimi nei ki mea ko oti ne fai mai i te Fakaasiiga Tafasili i te Takutakua tenei, ke se-taliagina a latou ke fai mo pogai o te taua, kae, ke oko ki te fakaotiiga e seiloa a tena fakaotiiga, ke tausi olotou mata fakasaga tonu ki mua i te aso kamata o muna malifalifa konei ko la ko oti foki ne fakamau i loto i te Tapeleti tenei. A te taua e tau atu ki te maligii o toto kae e faka-ala ne ia a te nofo-se-toka i vasia o tino. Fakalogo ki te Leo o te Tasi ne Faka See-Gina kae sa fakapiko mai i ei.

Kafai se tino e mafaufau i tena loto a mea ko la ko oti, i te Fakaasiiga tenei, ne lofi mai ki mua mai i te Pene o te Matagofie, a ia ka fakapatonu i te Tasi ne Faka See-Gina ko oti ne fakamatea ia Ia e seai ne Ona mafaufauga o fakatu se tulaga io me se iloga taaua mo Ia. A te pogai ko te fakapilipili mai o agaaga ola, mai i te maualuga o Ana muna, ki te tumu maluga o te matagofie taulekaleka kae fakafonu a latou ki te iloa o atafia a mea kola ka tapale kae faka piua a tino o te lalolagi mai i te fai taua mo te faka kesekese ne fakaoso gia ne kesekeseega i Talitonuuga. Ki te mea tenei e fai mo molimau i Toku loto, Taku Pene, Toku fuaitino i loto mo Toku fuaitino mai i tua. Te Atua ke talia ko tagata katoa ke fuli atu ki kope taaua e laveagia i loto loa ia latou.

O tino o Bahá! A te kamataga o galuega tau mea-e fai ki lima, saienisi, poto kesekese (crafts, sciences and arts) ko te maalosi o te toe Iloilo (reflection). Ke fai se taumafaiiga mai i te manatu tenei ko mafai o maina mai a penina o te atamai mo faipatiiga ko la ka talai atu i ei a te nofo-lei mo te nofo fakatasitasi o tino katoa o te lalolagi.

I nofonofooga katoa, me e fai fili io me e lei, e fakaaloalo io me e pokotia, a te Tasi ne Faka See-Gina ko oti ne fakatonu ki tagata katoa ke fakaasi atu a te alofa, atafai, loto-alofa mo te fakatasitasi filemu. Kae kafai loa e tai isi se molimau o te atiake mo te fano ki mua, latou ko la e muni mai tua o veli ka faka-tau-tele atu ki mua kae fai muna se-llei o fakamasei atu i te pakia i lo ite pelu tau. E piki mau a latou i te fakaloiloi mo muna mataga kae pokotia a latou i te seai o kupu mai i te vasa ne fakaasi gia ne te Atua.

Kafai a veli konei e pono e seki fakafifi a Pelesia ko oti, i se lua tausaga, ne tataofi ki lalo mai i te maalosi o te faipatiiga, a te tulaga o te maalo mo tino ko oti ne avaka ki luga ka ko te Koulu Tafasili i te Maluga, ko maatala ona veli kae e se-funa, ko sae mai i te lasi o te matagofie. I te fakatoetoeega, i niisi taimi i se gana maina, ka ko niisi taimi aka i se fakatautauuga, Matou e fai atu me so se mea e tau o faipati gia. Tena la, kafai a Pelesia ko oti ne toe faiite, a manogi suamalie o te Muna a te Atua ko agiagi i luga i fenua katoa, pe la loa mo mea ko la ne sofi mai i te Pene Tafasili i te Maluga e tau kae e lei mo te matagofie, mo te fano ki mua mo akoakoga o tino mo itu-kaaiga katoa o te lalolagi. E tonu ko te fakagata o masaki katoa maluga, e se maina kae atafia ne latou.

Fakamuli nei a Afnáns mo Amín – i luga ia latou ko Toku matagofie mo te alofakaimalie – e oko atu ki te Omotou nofo-mai ke lavea a Omotou mata; pela mo Nabíl, te tama tagata a Nabíl mo te tama tagata a Samandar – i luga ia latou e nofo a te matagofie o te Atua mo Tena alofa-kaimalie – e nofo i ei kae inu i te ipu o te toe feiloai. Matou e akai fakamolemole ki te Atua ko te mea ko Ia ke fakaeke feasoasoani mo latou a mea llei o te lalolagi nei mo te sua lalolagi pela foki mote sofiiga o Ana fakamanuiaaga mo te alofa kae ke olo ifo kia latou mai i te lagi o Tena alofa mai i kaumana o Tena alofa atafai. E tonu ia latou ko la e fakaasi atu a te alofa ia Ia ko te Tafasili i te Alofa Fakamagalo, ia Ia ko te Agallei, ko te Alofa Mataefa.

O Ḥaydar-‘Alí! A tau sua tusi te la ne aumai ne koe e faka tomua ki te Júd8 (Bounty) ko oti ne oko ki te Omotou fale mana. Tavaeega o te Atua! Ne lakei ki te mainaaga o te fakatasitasi faka-te-lagi mo te motu mai kae ne ka i te afi o te alofa mo te atafai. Talosaga ki te Atua ko Ia ke talia mai a te fiafia ki mata kae fakamaina kia latou i se mainaaga foou, ko te mea ke mafai o atafia e seai se fakatusaaga io me se fakapauuga.

I aso nei a kupu o te Matua o Tusi e malifalifa kae e se-fakasee-gina pela mo te laa. E se mafai o fakasee gina mo faipatiiga i aso mua io me ko faipatiiga fakamuli nei. E tonu loa a te Tasi ne Faka See-Gina e manako e se manako o fakaasi atu a Tena Fakatokaaga foki loa mo molimau ne faiite mai ne niisi tino. A Ia ko te Tasi Tela e aofia a mea katoa, ka ko mea katoa i Ana tafa e fakatulafono gia. Fai atu, O tino, sukesuke a mea ko la e nofo nei mo koutou kae ka sukesuke ne Matou a mea ko la e sokotaki mai kia Matou. Au e tauto i te Atua! Seai ko tavaeega o tino o te lalolagi, io me ko mea a tino o te lalolagi e tau i te masauaaga o Tena Igoa. Mai ki te mea tenei e fai mo aku molimau a Ia Tela i fakanofooga katoa e fai atu penei, “E tonu a Ia ko te Atua, ko te Pule Takitaki o te Aso o te Fakamasinoga mo te Aliki o Nofoaiga a Tupu mafi.”

E matagofie e io te Atua! E mafaufau se tasi me ne aa a fakatalitonuuga io me ne pogai ko latou e se-talitonu i vasia o tino o te Bayán ko oti ne fuli keatea mai i te Aliki o tino. I te tonuuga a so se tulaga o te Fakaasiiga malifalifa tenei ko oti ne fakaasi i taimi ko teka io me ka fakamatea i taimi mai mua.

Moi fai a te Poini o te Bayán e nofo mai i te aso nei kae kafai a Ia, e se talia ne te Atua, e fakalave o fakapatino a te Fakatokaaga tenei, tena la a muna fakamanuiagina ko la ko oti ne sofi mai i te vai puuna o Tena Bayán e pokotia kia Ia. Ana muna, ko Ana muna ko te mea tonu, “E i loto i te tulafono mo Ia Tela a te Atua ka atili fakaasi mai ke liakina a ia te la ko te takutakua i te lalolagi.” Fai atu, O koe te la e seai se malamalama! I te Aso nei a Ia tafasili i te Maluga e fai atu penei: “E tonu, e tonu, au ko au muamua loa ne fakamaalu a Ia.” E pefea a te mutana o te poto o tagata kae e pefea ate vaaivai o te maalosi o atafia. A te Pene a Matou e fai mo molimau ki olotou mativa kae ki te maumea o te Atua, ko te Aliki o lalolagi katoa.

E maluga kae e matagofie a Ia Tela ko oti ne kalaga ke fakasae mai a te foafoaaga. A Ia ko te Mea Tonu faka-aliki, ko te Iloa o mea e se lavea. A te Matua o Tusi e fakaasi atu ka ko te Aliki o te alofa Mataefa e fakatu i luga i te nofoaga matagofie tafasili i te fakamanuia gina. A te Vaveao ko oti ne maapa mai, kae e ui i ai a tino e se maina. A failoaga ko oti ne fakasae mai, ka ko Ia Tela ne fakaasi mai ne Ia a latou ko siliga i te ofo i te fanoanoa. E tonu au ko oti ne kufaki a mea ko la ne fai ne latou i te lalolagi o te foafoaaga ke tagi fanoanoa.

Fai atu: O Yaḥyá (Azal), tuku mai a se kupu e tasi, kafai a koe e nofo mo te poto ne aumai i te lagi. A muna konei ne faipati mua gina ne Taku Takitaki-ala Tela i te itula tenei e fai atu penei: “E tonu, e tonu, Au ko te tino mua mua ne tapuaki kia Ia.” Ke fuafua-tau fakamaoni, O Toku taina. A koe ka fai e maua o faipati fakamatala a koe mafai e tuku mata ki mata mo te vasa soko o Tau faipatiiga? E isi ia koe a te maalosi o faipati a tou laulaufaiva mafai e faka-feagai mo te leo makaikai o Taku Pene? E isi ia koe a te maalosi mai i mua o fakaasiiga o Taku puleega? Fakamasino a koe ke fuafua-tau fakamaoni, au e fakatonu atu kia koe ne te Atua, kae kalaga mafai e tu koe i te nofo-mai o te Tasi ne Faka See Gina kae e lau atu ne Matou kia koe a kupu a te Atua, ko te Feasoasoani-i-Mea-Faigata, ko te Ola-Loa-ia-Ia. Faeteete i te kamataga o te mea pelo ma taofi ne koe mai i te Mea Tonu.

O ko koe te la ko oti ne fakamau a tau kilo ki luga i Oku mata! Fai atu: O koutou tino e se fakalogo! Ona ko te motiiga ko fakaseai ia koutou a te vasa o kupu faka-te-lagi kae ona ko te atomu (atom) e seai se aoga ko oti a koutou ne pono keatea mai i te mea gali o te Fetu Ao o te Mea Tonu. Ko ai aka foki ka ko Bahá e i ai a te maalosi o faipati ki mua i mata o tino katoa? Fakamasino a koe fakallei kae sa fai pe la mo latou e seai se fakamasino fakallei. Mai ia Ia a vasa ko soko aka, ko mea lilo ko oti ne folafola atu mo lakau ola ko oti ne sapai aka ki luga a olotou leo kae fakapula atu penei: A maalo o te lalolagi mo te lagi e a te Atua, ko te Fakaasi o failoga, ko te Kamataga o alofaaga manino. Tauloto ne koutou a te Bayán fakaPelesia ne fakaasi mai ne Ia Tela ne fakatomua ne Ia a te Fakaasiiga tenei kae kilo ki ei mo mata o te fuafuatau fakamaoni. E tonu a Ia ka takitaki a koe tonu ki Tena Auala. I te vaaitaimi tenei a Ia e fakasalalau a te mea a Tena laulaufaiva ko oti ne faipatigia ka ko Ia e sagasaga i luga i te nofoaga-a-aliki o Tena Igoa tafasili i te maluga.

A koe ne takutaku mai ne koe a fagasele o kogaa koga kona. Tavaeega o te Atua, a latou taki toko tasi ko oti ne maua ne latou a te fakaaloalo i te masaua ne te Tasi e Tonu – ke maluga a Tena matagofie – mo igoa o latou, taki toko tasi mo katoa loa mai i te Laulaufaiva o te Gali-ese i te maalo o te faipatiiga. E tonu e takutakua a te olotou fakamanuiaaga mo te fiafiaaga, pe la me ko latou ko oti ne inu i te uaina filifilia o te fakaasiiga mo te fakamaalosiiga mai i te lima o te olotou Aliki, ko te Atafai, ko Alofa-Fakamagalo. Matou e akai totuli ki te Atua ke fakamaalosi a latou ke fakaasi a te fakatuanaki e se-mafulifuli kae kalaga atu ki te olotou feasoasoani ki lukuuga i te atamai mo te faipatiiga. A Ia i te tonuuga ko te Mafi, ko te Silisiliese. Fakaoko atu oku alofaaaga kia latou ko tala fakafiafia a te Fetu Ao o te masaua ko oti ne maofa mai a tena mainaaga mai i luga i te sikulagi o alofaaga mataefa o te olotou Aliki, ko te Fakamagalo-Katoatoa, ko Alofa Fakamagalo Katoatoa.

Ne taku mai ne Koe a Ḥusayn. A Matou ko oti ne fakapei ki tena ulu a te gatu o te fakamagalo (forgiveness) kae lakei a tena ulu ki te kalauna o te fakaseai o agasala. E tau mo ia o miita ia ia loa i vasia o tagata i luga i te alofa mataefa malifalifa, maina kae tuku aliali atu. Fai atu: Se loto vaaivai. I te otiiga ne fakaasi atu ate kupu fakamanuia gina tenei, a koe pela loa me ne toe fanau mai i te tinae o tou matua. Fai atu: A koe e seai se agasala io me se mea see. E tonu a te Atua ko oti ne fakaseai a koe ki te vai ote ola o Tena fiapatiiga i Tena Falepuipui Tafasili i te Takutakua. Matou e akai fakamolemole kia Ia - fakamanuia kae fakamaluga a Ia - ke fakapatonu mo te alofa ia koe i te fakaaloalo kia Ia mo te fakalauefaga o Tena matagofie kae e fakamaalosi a koe mai i te maalosi o Ana lukuuga e see-lavea. E tonu, a Ia ko te Mafi-Katoatoa, ko te to Silisiliese.

A koe ne taku ne koe a tino o Tár.9 (se fakai e pili ki Isfahan) Matou ko oti ne fakaagai atu a Omotou mata ki mua i tavini a te Atua I kona kae akoako atu latou ke muamua o mafaufau ki mea a te Poini o te Bayán ko oti ne fakaasi e uiga mo te Fakaasiiga ko igoa katoa mo igoa o tofiiga ko oti ne fakagasuesue, ko fatagata o mafaufauga fakasupasupa ko malepelepe ko te Laulaufaiva Silisiliese ko oti, mai i te tulaga o te matagofie, ne fakasalalau atu: Mai i te amio tonu o te Atua! A te Kope Taaua e Funa, a te Mea Lilo e Se-Mafai o Maofa, ko oti ne suke atu ki mata o tagata, ko fai i ei a mea katoa, i taimi ko teka io me ko mai mua, o fiafia. A Ia e fai mai penei, ka ko Tena Muna ko te mea tonu: “I tavaeega katoa ne fai ne au kia Ia Tela e vau i Oku tua, a te tafasili i te takutakua e penei, a Taku fakaasiiga tonu tusi lima, e seai ne muna a Aku e mafai o fakamatala fakalei a Ia, io me e mafai o fakasino (reference) kia Ia i Taku Tusi, ko te Bayán, o fai se fakamasino tonu ki Tena Fakatokaaga.”

E se gata i ei a Matou e akoako kia latou ke tautali ki te fakamasino tonu, fuafuatau fakamaoni, fakamaoni, uiga lei (justice, equity, honesty, piety) ko te Muna a te Atua mo te olotou tulaga ka fakamaluga i vasia o tagata. E tonu au ko te Tasi Tela e akoako mo te fakamasinoga tonu. Ki te mea tenei e fai mo molimau a Ia Tela mai i Tena Pene a vaitaafe o te alofa fakamagalo ko taafe mai ka ko Tena faipatiiga a punaa vai o te ola ko taafe mai ki mua i mea faiite katoa. E se ffuafuagina a te maluga o te alofa atafai e aunoa mo ne tuakoi; kae e se fuafuagina ate fakamanuia o te alofaaga tenei.

O tino o Tár! Tuku a tou taliga ki te Kalaga a Ia Tela e fai a so se mea e loto a Ia kiei. I te tonuuga, e fakamasaua mai a Ia kia koe ki mea ko la e futi atu a koe ke pili ki te Atua, ko te Aliki o lalolagi. Ko oti ne fuli atu Ana mata ki mua ia koutou mai i te Falepuipui o Akká kae ko oti ne fakaasi mo koutou ko te mea ke mafai o tuku i outou mafaufauuga ki te se gata pe la foki mo oulua igoa i te Tusi tela e se maua o masolo kae e tumau aunoa mo se pokotia i te falotoloto lua o latou fai fitoi. Liakina keatea a mea ko la e iai i vasia o tagata kae puke ke mau ki mea ko la e fakatonu atu a koe ona ko te Manakoga o te Fakaeke, ko te Favavau o Aso. Mea nei ko te Aso tela a te Lakau Ola ko kalaga atu ki luga, o fai atu penei: O tino! E lavea ne koe Aku fuaga lakau kaina mo Aku lau lakau, tuku ou taliga ki Aku gasuesueega. Faetete i falotolotolua o tagata e taofi gina a koe mai i te mainaaga o te mea tonu. A te Vasa o te faipatiiga e ofo kae fai atu penei: “O koutou tino i te lalolagi! Kilo mai ki Aku vai ko tafe atu ka ko penina o te atamai mo te faipatiiga ko la ko oti ne ligi atu ne Au. Maataku a koutou ki te Atua kae sa fai pe la mo latou ko la e se fakalogo.”

I te Aso tenei se fakamanatuga fakafiafia e fai i te Maalo mai i luga; aua i so se mea ne fakafeagaiiga mai i te Mataupu Silisili tapu ko oti ne fakataunu. Mea nei ko te Aso o te fiafia lasi. E tau mo tino katoa o fakavave ki mua i te fale o Tena pili-mai i se fiafiaaga lasi, lifu, maa a te loto, fakaaloalo mo te lei o avatu a ia mai i te afi o te mao keatea.

O tino o Tár! Mai i te maalosi o Toku Igoa puke koe ki te ipu o te poto, inu a tou tusaga o fakaasi atu a te se-faifia ki tino o te lalolagi ko oti ne ofa ne latou a te Feagaiiga a te Atua mo Tena fakatalitonuuga, kae se talia Ana fakamaoniiga mo alofaaga manino, kae fai muna ki Ana failoga ko la ko siomia i kogaa koga katoa i te lagi mo te lalolagi.

A tino e se-talitonu i vasia o tino o te Bayán pe la me ne tino tautali o te lukuuga o te Shí‘ih kae sasale i olotou kalafaga. Liakina a latou ki olotou manatu fakasupasupa mo mafaufauga e seai ne aoga. I te tonuuga a latou e aofia i tino ko galo i te Tusi a te Atua, ko te Iloa-Katoatoa, ko te Atamai-Katoatoa. A kau lotu matuatua o Shí‘ih, taki toko tasi mo tino katoa, ko saga nei o fakatauemu kae fakafoliki a Tasi e Tonu mai i tulaga fai-lauga-o-lotu. Te Atua Alofa! Ko Dawlat-Ábádí10 foki ne tautali atu i ei. Ne fanaka a ia ki luga i tulaga fai-lauga-a-lotu kae avatu a te leo ko ala i ei a te Tapeleti o tagi i te tigaina mo te Pene ke tagi lotulotu. Mafaufau looto ki uiga mo amioga a Ashraf11 (Mirza Ashraf, te la ne mate faka matulo i te fakai lasi o Isfahan (see GPB p301) - ki luga ia ia ko Toku matagofie mo Toku alofa atafai – kaea e pena foki o mafaufau ki fagasele ko la ne fakavave ki te koga ne mate fakamatulo i ei a latou i Toku Igoa, kae tuku atu olotou ola i te auala o Ia Tela ko te Manakoga o te lalolagi.

A te Fakatokaaga e lauiloa, e sulu malifalifa pe la mo te laa, ka ko tino ko fai pela ne veli kia latou foki loa. E akai fakamolemole matou ki te Atua ko Ia ke mafai o fesoasoani alofa kia latou ke foki atu kia Ia. A Ia, e tonu, ko te Fakamagalo, ko te Alofa-Fakamagalo.

O tino o Tár! E avatu a Omotou alofaaga mai i te kogaa koga tenei kae akai fakamolemole ki te Atua – e fakamanuiagina kae fakamaluga a Ia – ke avatu kia koe ke inu a koe mai i tau filiga i te uaina o te fakamaoni mai i te lima o Ana alofaaaga. E tonu, a Ia ko te Aliki o te Alofa Mataefa, ko te Matagofie, ko te Tavaeega Katoatoa. Liakina a koutou kia koutou loa ko koutou ko tino koi foliki o te lalolagi – ko latou ko la e pokotia ne manakoga kai-manako kae fakapiki kia latou e fakamatala ne latou a manatu paie. E tonu a Ia ko tou Feasoasoani mo te Fakamafanafana. A Ia, e tonu, e maalosi o fai so se mea e loto a Ia kiei. E seai aka foki se Atua na ko Ia, Te Tasi, ko te Tafasili Seai Sena Soa, ko te Mafi-Katoatoa, ko te Takutakua Tafasili.

Ke mafai a te matagofie o te Omotou nofo-mai e nofo i luga ia latou ko oti ne tuku tonu a olotou mata ki mua i te Aso Kamata o Tena Fakaasiiga kae ko oti ne fakamatea kae iloa a te mea ko oti ne faipatigia ne te Laulaufaiva o te faipatiiga i te maalo o te poto i te Aso fakamanuiagina, matagofie kae e se-mafai o fakatusa gina.

I Toku Igoa, e kalaga atu ki luga i te Maalo o te Faipatiiiga

Taveega mo fakafetai e tau ki te Aliki o te maalosi lavea tela ko oti ne lakei a te falepuiupui takutakua tenei mo te nofo-mai o la maalu ‘Alí-Akbar mo Amín, ko la ko oti ne fakamaina ne laua ate mainaaga o te amio tonu, fakamaoni mo te fakatalitonu.1 (Ko Lima a te Fakatokaaga a te Atua, Haji Mulla ‘Ali-Akbar Shahmirzadi mo Haji ‘Abdu’i Hasan Ardakani, Amin-i-Ilahi (Trustee of Huququ;llah) ne falepuipui i Qazvin i tausaga 1891, kae oti ko toe kave ki te falepuipui i Tihran). Ko te matagofie o te Atua mo te matagofie o latou katoa i luga i lagi mo i luga i te lalolagi ke i luga ia latou.

A te Fakapulaaga Takutakua e fai mai: O tino o Pelesia! I taimi mua a koe ko failoga o te alofa-fakamagalo mo lakeiiga o te alofa mo te kaimalie. A kogaa koga o te lalolagi ne fakamaina kae fakagaligali ki te mainaaga o te lamepa o tou poto mo te ulaaga o tou atamai. E pefea a koutou o tu ki luga o fakamasei a koutou mo outou tauagasoa ki outou lima foki loa?

O Afnán, O a koe ko oti ne kaula mai i Toku Kaaiga mai i te favavau! Toku matagofie mo Toku alofa-kaimalie e nofo i luga ia koe. E pefea a te lasi o te tapanekolo o te Talitonuuga o te Atua! Ko silia atu i te pulou gina a tino katoa mo itukaaiga katoa o te lalolagi, kae, ko pili, o luku fakatasi a tino katoa loa mai i lalo o tena malu. A te aso o tavini ko oko mai nei. E fano se fia o tapeleti e tusi i ei a fakamaoniiga o alofaaga e fakaeke atu kia koe. Tu ki luga mo te manumaalo o Taku Fakatokaaga, kae, mai i te maalosi o tau faipatiiga, tataofi a loto o tagata. E tau o fakaasi atu ne koe a mea ko la ka maua i ei a te filemu mo te nofo-lei o latou se lei kae faka-alofa. Fakamaalosi aka outou fuaitino i outou taumafaiiga, ko te mea ke mafai o taala mai a te pagota i ona seni-filifili, ke mafai a ia o maua a te saolotooga tonu.

Fakamasinoga Tonu (Justice), i te aso nei, e fanoanoa i tena malaga, mo te Fuafuatau fakapau (Equity) e tagi fanoanoa mai lalo i te teke o te fakasauaa. A kaumana matolu o te sauaa ko faka pouli a mata o te lalolagi, kae kafu katoa i ei a tino. Mai i te gasuega o te Omotou Pene o te matagofie a Matou ko oti i te fakatonuuga a te Fakaeke silisiliese (omnipresented Ordainer), ne manava atu se ola fou ki so se fuaitino tagata (every human frame), ke suki atu ki loto i pati taki tasi katoa a se maalosi fou. A mea faiite katoa e fakapula atu a fakamaoniiga o te fakafoouga i te lalolagi salalau. Ko toe mea takutaku tenei, ko toe tala fakafiafia ne aumai ne te Pene o te Tokotasi ne Faka-See-Gina tenei ki tino katoa. Kaiaa la e mataku koutou, O ko Aku fagasele? Ko ai tena e mafai o fakafanoanoa koutou? A te patele ki se siuga e kafi o faka liua a te fatu makeke tena mai i ei ne fakafoliga mai a tupulaga fui fai tenei. A te faiga fua ke luku mai fakatasi ko lava loa o faka maofaofa atu a kautau o tino e seai ne fakamoemoega mo aoga o latou konei.

Fakalavelave mo te faitaua e tau fua ki manu fekai o te vao. Mai i ei i a te agalelei o te Atua mo te feasoasoani o muna mo uiga tavaegina ne ala i ei a pelu taua e seai ne olotou pausi teu o te komiuniti Bábí ke fakafoki ki olotou pausi teu. E tonu mai i luga i te maalosi o muna lei, a latou amio tonu e manumaalo faeloa i te maua ne latou a te fakatonuuga ki luga i mea kona i loto o tagata. Fai atu, O koutou ko fagasele! Sa liakina ne koutou a te atafai fakalei. Tuku a outou loto ki polopoloakiga a te Pene Tafasili i te Maluga kae faeteete i ou lima io me ko tou laulaufaiva ma fai ne ia se mea fakamae ki so se tino i vasia o tino katoa.

E uiga mo te fenua ko Tá [Ṭihrán] ko oti Matou ne folafola atu a te Kitáb-i-Aqdas te la ka fakatonu ne ia a tino katoa kae e taumafai fakamaoni loa o fai a olotou manakoga kaimanako. A ia sauaa2 (te la ko te Pelenise Mahmud Mirza, o te fenua ko Yá [Yazd], e tumau loa o fai a mea ko la a te Lukuuga Mana mai i Luga o sofi loimata ki toto.

O ko koe tela ko oti ne inu mai i te uaina o Taku faipatiiga kae ko oti ne fakamau a tena kilo ki te sikulagi o Taku Fakaasiiga! E fakaofoofogina a tino o Pelesia, ko la e seai ne nafa o latou i mea tau saienisi mo mataupu kese kese (arts), ko apulu ifo loa ki lalo i toe levolo tafalalo i vasia o itu-kaaiga o tino o te lalolagi. O tino! I te Aso fakamanuia gina, mo te matagofie tenei, sa fai ke seai ne outou tusaga e maua mai i te sofiiga lausa o mea-alofa ne aumai kia koe ne te Aliki alofa mataefa kae agalelei. I te Aso tenei a vaiua o te atamai mo faipatiiga ko ligi ifo ki lalo mai i kaumana o te alofa-fakamagalo faka-te-lagi. E lei mo latou ko la e fakamasino a Tena Fakatokaaga mo te fakamaoni, kae fakafanoanoa a latou ko la e seai se fai meatonu ia latou.

So se tagata e iai a te kilo mao, i te aso nei, ka talia ne latou i polopoloakiga a te Pene o te Tokotasi ne Faka-See-Gina ko oti ne folafola e aofia i ei a te maalosi maluga ki te fano ki mua o te lalolagi mo te fakamaluga o ona tino. Tu ki luga, O tino, kae, mai i te maalosi o te mafi o te Atua, ne iku ke maua a te manumaalo i luga ia koutou loa ia koutou, ko te mea ko te lalolagi katoa ke mafai, o saoloto mai i te ifo ki atua o manatu fakasupasupa – atua ko la ne mafua i ei a te luusi, kae e pogai kia latou a te puapuagatia o latou e tapuaki fakavalevale. A fa-tagata fapaupau e fai mo mea e pono i ei kae fakalavelave ki tagata i ana taumafaiiga o fano ki mua i te auala o te mea tonu. E fakataaua ia Matou a te fakamoemoe i te Lima o te maalosi faka-te-lagi ka tuku atu a tena fesoasoani ki tino kae fakasao a ia mai i tena tulaga tafasili i te tafalalo.

I te Tapeleti e tasi a muna konei ko oti ne folafola mai: O tino o te Atua! Sa fakalavelavegina koutou ki outou fakalavelave; kae tuku a outou mafaufauga faka saga fakalei ki luga i te toe faiiteega o te lei o tino katoa mo te fakaaloalo o loto mo agaaga o tagata. E mafai o fakataunu a te mea tenei mai i amioga piua mo te mana, mai i te ola amio tonu mo te amio lei. A uiga loto maalosi e fakapatino a te manumaalo o te Fakatokaaga tenei, ka ko faifaiiga faka-atua e fakamakeke i ei a tena maalosi. Piki mau ki te amio tonu, O tino o Bahá! Tenei, e tonu, ko te fakatonuuga o te Tokotasi-ne-Faka-See-Gina ko oti ne tuku atu kia koe, mo te filiiga muamua o Tena Finagalo e-see-mafai-o-taofigina mo koutou taki toko tasi.

O taugasoa! E tau mo koutou o toe fakafou kae e toe fakaolaola outou agaaga ola mai i te alofa agalelei te la i te Taimi-o-te-Maalulu tenei Faka-te-Lagi, ko vaiua ifo ki luga ia koutou. A te Fetu Ao o Tena matagofie ko oti ne sulu a tena mainaaga fiafia ki luga ia koe, ko kaumana o Tena agalelei e seai se gataga ko pulou gina ia koe. E pefea ate maluga o te taui o ia tela e fakamativa a ia mai i te alofa mataefa takutakua, io me e fakatamala o lavea a te gali o tena Fagasele-Lei, i Tena gatu fou. Kilokilo fakalei ki luga ia koutou, aua a te Tokotasi Tiapolo (Evil One) ko nofo faitali, ko toka o malei a koutou. Tataofi a koutou mai i ana faitogafiti masei, kae, takigina ne te mainaaga i te igoa o te Lavea-Katoatoa o te Atua, tele mai keatea mai i te pogisa tena e siomia ia koe. Ke fai a tau kiloga ke aofia a te lalolagi katoa, kae e se fakasino fua kia a koe loa. A te Tokotasi Tiapolo (the Evil One) ko ia tela e fakalavelave ki te fanaka ki luga kae pono ne ia a te fano ki mua faka-te-agaaga o tama a tagata.

E tau mo tino taki toko tasi katoa, i te Aso tenei, o puke mau ki so se mea tela e ati ake i ei a te lei, kae fakamaluga a te tulaga, o fenua katoa mo maalo fai mea tonu. Mai i kupu taki tasi mo katoa loa ko la ne folafola mai ne te Pene o te Tafasili i te Maluga (the Pen of the Most High), ko mataloa o te alofa mo fakatasitasi ko oti ne tala matala atu ki mata o tagata. I se taimi toetoe ko teka a Matou ne folafola atu – ka ko te Omotou Muna ne pati tonu - : “Fesokotaki mo taugasoa o talitonuuga katoa i se agaaga o te faka-taugasoa mo te fakatasitasi” So se mea tela ne ala i ei a tama a tagata o fakamasei a sua isi tino, ko oti ne tupu i ei a fakalavelave mo mavaevaega i vasia o latou, ko oti, mai i fakaasiiga o muna konei ne faka-se-aoga kae lepe keatea. Mai i te lagi o te Finagalo o te Atua, mo te pogai ki te faka-maumea o te lalolagi o tino mo te avaka ki luga a mafaufau mo agaaga o tagata, ko oti ne tuku ifo ki lalo a te mea tafasili i te lei mo te akoakoga o te lanu o tino katoa. A te uiga tonu mo te toe folafolaaga tonu gisi o so se mea a tino o aso mua ko oti ne faipati io me ne tusi ko oti, mai i te Fakaasiiga tafasili i te maalosi tenei, ko oti ne tuku ifo ki lalo mai i te lagi o te Finagalo o te Pule-Katoatoa, ko te Atua o te Se-Gata-Mai. Ko oti ne fakaasi mai anamua: “A te alofa o te fenua o koe se vaega o te Talitonuuga o te Atua.” A te Laulaufaiva o te Agalelei ko oti, tena la, i te aso o Tena faifekau ne folafola atu: “E seai ko ia ke miita i tena alofa ki tena fenua, kae mo ia tela e alofa ki te lalolagi.” Mai i te maalosi ne tuku mai ne muna maluga konei, ko oti ne toe fakamatala mai ne Ia se manakoga fou kae fakasaga atu se auala ki manu eva o loto o tagata, kae ko oti ne fakaseai a so se lailaiiga o te fakatapuga mo te puipui mai i te Tusi mana ate Atua.

A te Tokotasi ne Faka-See-Gina tenei ko oti ne fakatapu a tino o te Atua ke fai ne latou a se fakakinau mo te nofo se-llei (conflict and contention) kae ko oti ne fakatonu atu kia latou a te amio tonu mo amioga e tavaegina (righteous deeds and praiseworthy character). I te aso tenei a lukuuga e mafai o fakapatonu a te manumaalo o te Fakatokaaga ko uiga ko la e lei kae faka-atua. Fakamanuia a latou ko la e taofi mau kia latou kae fakafanoanoa kia latou ko la e fuli tua mai i ei.

O tino o te Atua! Au e fakatonu atu ke fakaaoga ne koutou a te fakaava (courtesy), aua a ia ko te pelenise o uiga lei katoa (prince of virtues). E lei mo ia tela e fakamaina ki te mainaaga o te fakaava kae e pei ki te gatu o te fakaaloalo. So se tino e i ai ia ia a te fakaava ko oti ne oko atu ki se tulaga maluga. Ko te fakamoemoe ko te Tokotasi ne Faka-See-Gina tenei mo tino taki toko tasi katoa aka ke mafai o maua ne latou a te fakaava, puke ke maau ki ei, kae tautali ki ei, kae fakasaga a outou kiloga ki luga i ei. Mea nei se fakatonuuga e manakomia tela ne tafe mai i te Pene a te Igoa Tafasili i te Takutakua.

Mea nei ko te aso a fatu taaua o te fakatuanaki ko la e moe funa i te kano loto o tagata ko tau o fai ke lavea. O tino o te Fakamasino Tonu! Ke fai koutou ke maina pela mo te mainaaga kae gali pela mo te afi ke ka i te Vao Foliki. A te manaaga o te afi o tou alofa e se taumate ka faka-ka kae fusi tasi a tino kese kese mo itu-kaaiga o te lalolagi, ka ko te kaitaua o te ulaaga o te fai fili mo te ita e se mafai o fakaiku ki te taua mo te fakamasei ofa mea. Matou e akai fakamolemole ki te Atua ke mafai ne Ia o puipui Ana mea ola mai i te aofaga masei a Ona fili. A Ia e tonu e maalosi atu i luga i mea katoa.

Ko tavaeega katoa ki te tokotasi te Atua tonu – ke maluga a Tena matagofie - ko oti a Ia, mai i te Pene o te Tafasili i te Maluga, ne tala a mataloa o loto o tagata. So se kupu ne folafola mai ne te Pene tenei ko oti ne folafola mai se mataloa mainaina kae maina tela e fakaasi i ei a mea galie-ese o se olaaga e faka-atua kae mana, piua kae matakalekale. A kamiga mo te fekau mai ia Matou e seki fakamoemoegina ke oko atu io me ke penefiti a se fenua e tasi io mene naai tino fua. A tino katoa i te fakalauefa o ia e tau o piki mau ki so se mea ko oti ne folafola kae tausi ki ei. Mai i ei ko fatoa maua ne latou a tina saolotooga. A te lalolalgi katoa ko fakamaina ki te agalelei malifalifa o Fakaasiiga a te Atua. I te tausaga e onosefulu a Ia Tela ne fakatomua mai a te mainaaga o Takitakiiga Faka-te-Lagi – ke mafai a te foafoaaga katoa o fai mo taulaga kia Ia – ne tu ki luga o fakasalalau a se fakaasiiga fou o te Agaaga Faka-te-Lagi, kae ne tautali atu i tua, luasefulu tausaga mai i tua, ne Ia Tela a Tena oko mai ne fai a te lalolagi mene maua ne ia a te matagofie feagaiiga gina, ko te mea-alofa gali tenei. E lavea i te saofiaaga o tino katoa ko oti ne fakaeke ki te mafai o iloa kae lagona a te Muna tafasili i te maluga a te Atua – ka ko te Muna e fakana ki luga i te lukuuga fakatasi o te toe fakaolaaga faka-te-agaaga o tino katoa.

I taimi koi nofo i te Falepuipui o Akká, ne fakaasi ne Matou i te Tusi o te Feagaiiga (Crimson Book) a mea ko la e lei mo te fano ki mua o tino katoa pela foki mo te toe faiietega o te lalolagi. A faipatiiga ne tuku atu ki mua ne te Pene o te Aliki o te foafoaaga e aofia i ei a akoakoga fakavae mo te faka-teleteleega o olaga o tagata:

Muamua: Se mea e tau mo minisita o te Fale Fakamasino Tonu (ministers of the House of Justice) o atiake a te Filemu Foliki (Lesser Peace) ko tino o te lalolagi ke mafai o manava mai i te amoga mafa o te silia kese o te fakamaumau. A te mea tenei se mataupu tafasili i te taaua mo te manakomia, pela foki loa mo te kaitaua mo te fai taua e fakapogai ki ei a te masaki mo te malaia.

Lua: A gana e tau o faka mutana ifo ki te tasi tela e akoako i akoga katoa i te

lalolagi Tolu: E manakogina mo tagata o puke fakamau loa ki mea ko la e atiake i ei a te fakataugasoa, te alofa, mo te fakatasitasi.

Fa: Tino taki toko tasi katoa, tagata io me se fafine, e tau o tuku atu ki se tino e fakatalitonugina a se tusaga o te mea e maua ne ia mai i te fakatau atu, toki lakau io me se isi galuega aka (trade, agriculture or other occupation), mo te akoakoga mo te tauloto o tamaliki, ke faka-aoga ki pogai konei mo te iloa o Tino Tausi o te Fale Fakamasino Tonu (Trustees of the House of Justice).

Lima: A te toki lakau (agriculture) e tau o fakapatino fakalei ki ei. E uiloa ne tusi atu nei i te lima o fakasolooga, ka e seai se fakalotolotolua i ei me e tomua atu i niisi mea aka. A te toki lakau (agriculture) ko tai lei ki loa a tena atiakega i fenua ko la lei, kae e ui i ei i Pelesia ko oti ne liakina aunoa mo se saga ki ei. Ko te fakamoemoega ko Tena Afioga te Tupu (Sháh) – ke feasoasoani a te Atua kia ia i Tena agalelei – ka fakasaga mai ki te mataupu taaua tenei.

Moi fai a tagata e tautali fakamaoni loa ki mea ne fakaasi mai ne te Pene Tafasili i te Maluga i te Tusi o te Feagaiiga (Crimson Book), ko mafai ne latou o fakaseai a tulafono ko la e fakagalue i te lalolagi. Ko niisi o akoakoga ko tafe faka fia mai katoa i te Pene Tafasili i te Maluga ko fakaasiiga o te maalosi mo maalu malu o te mafi ke mafai, i niisi taimi, o fakamaalosi a latou. E tonu, kafai a latou ko la e salasala fakamaoni e maua, so se mea e vau mai i te Finagalo lausa kae e se mafa-o-tekegina o te Atua, e mafai, mo Tena alofa, o fakaasigina. Kae e maua i fea a tino saala mo manatu fia silisili? Ko olo ki fea a latou e fuafua tau kae mafaufau lei? Nei e seai se aso e seke aunoa mo se afi o te faka sauaa e ula fakamataku, io me ko pelu taua o se kaitaua e se fakaoaoga. Te Atua Agalelei! A latou takutakua mo kaaiga o tupu i Pelesia e faka-taaua kae miita i uiga manu ko ala i ei o vaopuli atu a tino i te ofo i tala mai i ei.

I ao mo po a te Tokotasi ne Faka-See-Gina tenei e avatu a fakafetai mo tavaeega ki te Aliki o tagata, aua e molimaugina i muna polopoloaki mo fakamaalosi ne fai atu ne Matou e i ai se lei e ko tino ko fakaasi mai a uiga mo amioga ko la e talia i Omotou mata. E faka talitonu a te mea nei ona ko mea ne tupu ko la ne fakafiafia ki mata o te lalolagi, kae e seai aka foki na ko te kau kau mai o taugasoa i tulaga maluga ki te feitu o te fili. E tonu a amioga lei a tino e molimau ki te mea tonu o muna a te tino. E fakataaua ia Matou a te fakamoemoe ko taagata maluga i feitu tau lotu ka mafai o fakamaina a te lalolagi mai i te mainaaga fiafia o olotou amioga, kae ko Matou e fakamolemole ki te Mafi-Katoatoa – te matagofie kae maluga a Ia – ke talia ko tino taki toko tasi katoa ke mafai i te Aso tenei o tumau i te fakatuanaki i Tena alofa kae tu mautakitaki i Tena Fakatokaaga, A Ia, e tonu, ko te Puipui o latou ko la e tapuaki katoatoa loa kia Ia kae tautali ki Ana akoakoga.

O tino o te Atua! A tulaga e se mafai o lau ko la a te Omotou Pene o te Matagofie ko oti ne folafola ka ko mata e lausa ke oko atu kiei a te fakamainaaga tonu. Kae e uiloa a taulasiga o tino i Pelesia e tumau loa o seai ne aogaa kia latou a akoakoga i taimi kae e tumau o te se lava a te saienisi taaua mo mataupu kesekese (science and arts). Mai mua atu a muna tafamaualuga konei ne fakaasi fakapitoa ne te Pene o te Matagofie o fakamatea a te malu o te tokotasi o te fai-mea-tonu, ko latou ko la ko oti ne olo keatea ke mafai o toe piki mai ki te Mea Tonu kae fakamasani mo nofonofooga o te Tulafono a te Atua.

Ko latou ko la e se-talitonu kae e seai ne olotou talitonuuga ko oti ne tuku a olotou mafaufau ki mea e fa: muamua, ko te fakamaligi o te toto; lua, ko faka-

kaaga o tusi; tolu, ko te faka-keseega o tino o niisi talitonuuga aka; fa, ko te fakaseai lele o niisi komiuniti mo potukau. Kae nei la, mai i te agalelei mo te maalosi o te Muna a te Atua a feitu e fa konei ko oti ne lepe ki lalo, a ikuuga maina konei ko oti ne solo keatea mai i Tapeleti mo te ikuuga fa-kaitaua me ko oti ne fuli ki uiga lei faka-te-agaaga. E maluga a Tena pogai; matagofie a Tena maalosi; fakalauefa a Tena maalo! Nei ko tatou e akai fakamolemole ki te Atua – tavae a Tena matagofie – ke takitaki alofa ki te mea tonu a taugasoa o te potukau o te Shí‘ih ke fakagata a te olotou amio se-lei. Mai i laugutu o sui o te potukau tenei ne lau mai a pati masei kii loa seai se gata, kae e taku foki ne latou a te pati “Mal‘ún” (fakamalaia) – e faipatigina mo te fakaleo fakamafa a te mataimanu ‘ayn – ke fai mo mea faka fiafia a latou i aso taki tasi.

O te Atua toku Atua! E lagona ne koe a musumusuga o Ia Tela ko Tou Mainaaga (Bahá), e lagona a Ana tagi fanoanoa i te ao mo te po kae e iloa ia Ia e manako ki te seai aka foki mo Ia kae tela la e salasala loa o fakamana a agaaga ola o Au tavini kae fakasao mai a latou mai i te afi te la e maua ne latou i taimi katoa. O te Aliki! A lima o Au tavini fagasele ko sisi ki luga i te lagi o Tou alofa mataefa mo latou ko la ko Au fagasele alofa ko apai aka luga i toe koga maluga o Tou kaimalie. Sa faka fanoanoa gina a latou, au e akai fakamolemole kia Koe, i mea ko la e salasala a latou mai i te vasa o Au alofaga mo te lagi o Tou agalelei mo te fetu ao o Tou alofa mataefa. Feasoasoani kia latou, O te Aliki, ke maua e latou a uiga lei ko la ka fakamaluga i ei a olotou tulaga i vasia o tino o te lalolagi. E tonu a Koe ko te Maalosi, ko te Mafi, ko te Tafasili i te Kaimalie.

O tino o te Atua! Fakalogo tou taliga te la, mafai e tautaligina, ka mafai i ei o fakapatino tonu a te saolotooga, ko te nofo-lei, ko te tokaaga malie, ko te fakamaluga mo te fano ki mua o tagata katoa. Niisi tulafono mo akoakoaga fakavae e manakomia kae e tau kii loa mo Pelesia. Kae e uiloa, ko fakanofooga konei e tau o fakagalue e tusa mo manatu o tena Afioga – ke mafai ne te Atua o feasoasoani kia ia mai i luga i Tena agalelei – mo latou maluga i lotu kae poto mo niisi takitaki i tofiga maluga. Mafai e talia ne latou a se koga e tau o fakamatea tela ka fono a latou. I kona ka puke mmau latou ki te kafanoa o te faipati fakatasitasi kae talia kae fakagalue a mea ko la e taaua ki te nofo lei seai ne fakalavelave, ola lei, maumea mo te tokaaga malie o tino. Me kafai e isi ne fakanofooga aka mai i tafa tenei e fakagalue, e se tau o maua se numi mo te manava see.

E uiga mo tulafono fakavae ko la ne fakaasi atu mua ne Matou i te Kitáb-i-Aqdas mo niisi Tapeleti aka, a mataupu katoa ko oti ne tuku ki te tausiga a tupu fakamasino tonu mo pelesitene mo Tino Tausi o te Fale Fakamasino Tonu. I te otiga ne toe mafaufau Matou ki mea ko oti ne faipatigina, tagata taki toko tasi katoa, i mata i loto mo i tua, a te gali o te fetu ao o te fakamasino tonu tela e sae mai i ei.

A te faifaiiga a maalo te la e fai ne tino Peletania te la ko oti ne taliagina i Lonitoni (London) pe la me e lei, aua e lakei ki te mainaaga faka tupu mo te faipati fakatasitasi tino.

I te faiiteega o akoakoga fakavae mo tulafono se feitu e tasi ko oti ne fakamatea ko te fakasalaaga tela e fai mo fakanofooga taaua ki te nofo seai ne fakalavelave mo te puipuiiga o tagata. Kae e ui i ei, a te maataku i fakasalaga e fai ne ia mai i ite kilo mai i tua o tino ke se fai a mea ko la e se tau o fai, ka ko te mea loa tela e tausi kae tataofi ne ia a tagata mai i tua mai i loto foki e tumau loa ko te mataku ki te Atua. Ko te puipui tonu o tagata mo tena fatama faka-te-agaaga. E tau mo ia o puke faka mau ki mea ko la e kave a ia ki te alofaaga tafasili i te maluga tenei. E lei mo ia tela e tuku a tena taliga ki so se mea a Taku Pene o te Matagofie ko oti ne folafola atu kae tautali ki mea ko la ko oti ne fai atu kia ia ne te Fakaeke, ko te Favavau o Aso.

Tuku a outou loto, O tino o te Atua, ki polopoloakiga o te outou Taugasoa tonu, kae e se mafai o fakatusa gina. A te Muna a te Atua e mafai o fakatusa ki se lakau foliki, ko ona aka ko oti ne toki i loto o tagata. E tau mo koutou o tausi a tena ola mai i te vai ola o te atamai, mai i muna tapu kae mana, ko te mea ko ana aka ke mafai o mau takitaki mo ana kaula ke ola atu ki tua ki te lagi pe la foki ki tua atu.

O koutou ko la e i luga i te lalolagi! A te feitu takutakua e fakasino i ei a te uiga tafasili i mua o te Fakaasiiga Maluga tenei e aofia i ei ia Matou ko oti, i sua feitu, ne pono keatea lele mai loa i itulau pepa o te Tusi mana a te Atua so se mea te la e fakamafua i ei a te taua, loto ita mo amioga matagaa i vasia o tama a tagata, kae ko oti, i sua feitu, ne fakapatino ki lalo a mea taaua e manakogina ki te fealofani, malamalama, mo te fakatasitasi tonu kae nofo leva (enduring unity). E lei mo latou ko la e tausi ki Aku tulafono.

I taimi mo taimi a Matou e fakatonu ki Omotou fagasele ke olo keatea, ke tele mai, i sose mea tela e sogi ne latou a te fakamasei mo te fakamae. A te lalolagi ko nofo nei i te faivalevale mo te numi, ka ko mafaufau o ona tino ko maua ne te se tooka mo te sonafai. A Matou e akai fakamolemole ki te Mafi-Katoatoa ke fakamaina alofa mai ne Ia kia latou mo te matagofie o Tena Fakamasino Tonu. Ke mafai ne latou o maua a mea ko la e lei kia latou i taimi katoa mo so se

fakanofonofooga. A Ia, e tonu, ko te Pule-Katoatoa, ko te Tafasili i te Maluga.

Ko oti Matou ne seki leva ne faipati a muna maluga konei: Ke fai a latou ko la e tautali mo te fakamaoni ki te Tokotasi ne Faka-See-Gina tenei ke pela me se

kaumana vaiua i taimi o te fai mea alofa mo te kaimalie kae ke pela foki me se afi ka taofi a natula masei kae faka-te-fuaitino.

Te Atua Agalelei! Se mea ne toe tupu fakamuli nei ne ala i ei o isi se mea

fakaofoofogina. Ne lipoti mai i se tino3

ne fano ki te nofoga maluga o te tupu i Pelesia kae ne

manumaalo o maua ne ia a te agalelei o nisi o tino maluga mai i ona uiga takolekole. E fakaalofa tonu, e fakama a te mea masei tenei! E ofo me kaiaa a failoga o te matagofie maluga e mafai o tuku ifo loa ki lalo i te fakama e seai ne ana tuakoi. Se a a te mea ko tupu ki te olotou tulaga maluga? Ko tele ki fea a te fakamaalu mo te faka-aava? A te laa o te matagofie mo te atamai e tumau aunoa mo se manava o maina i luga i te sikulagi o Pelesia, ka ko aso nei ko apulu ifo loa ki lalo i se tulaga te la a nisi tino maluga ko talia e latou ke fai a latou pela mene mea tafao i lima o latou valea. A te tino tena ne fai atu mua ne tusi tusi ne ia a tala e uiga mo tino konei i nusipepa i Aikupito pe la foki i loto i te Beirut Encyclopedia ne ofo i ei a tino malamalama mo latou poto. Ne toe fano i ei a ia ki Paris tela ne lomi ne ia a te nusipepa e igoa ki te ‘Urvatu’l-Vuthqá [The Sure Handle] kae kave ne ia a kopi ki kogaa koga katoa o te lalolagi. Ne kave foki ne ia a te kopi ki te Falepuipui o ‘Akká, ne mafaufau a ia i te kaveega me ka isi se alofa atu kia ia kae kilo fakamama ki ana mea ne fai mai mua atu. Ka ko te, Tokotasi ne Faka-See-Gina ne seki faipai io me e isi ne mea ne fai kia ia. E akai fakamolemole Matou ki te Atua, ko te Tokotasi Tonu, ke puipui a ia kae ke fakamaina a ia ki te mainaaga o te fakamasino tonu mo te fuafuatau lei. E manakomia a ia ke fai atu penei:

O te Atua toku Atua! E lavea mai ne Koe au e tu i mua o te mataloa o Tau

fakamagalo mo te alofa kaimalie, kae fuli atu a taku kilo ki te sikulagi o Au meaalofa mataefa mo fakamanuiaaga e lausa. Au e fakamolemole kia Koe mai i Tou manogi gali mo te leo makaikai o Tau Pene, O te Aliki o tino katoa, ke feasoasoani alofa ki Au tavini pe la mo te mea e tau i Ou aso kae e lei foki ki te matagofie o Tau fakaasiiga mo Tou afioga. E tonu a Koe e maalosi o fai a so se mea e loto Koe kiei. Latou katoa ko la e nofo i lagi mo i luga i te lalolagi e fai mo molimau ki Tou maalosi mo Tou mafi, ki Tou matagofie mo Tou alofa lasi. Tavaeega kia Koe, O te Aliki o lalolagi mo te Fagasele-Lei o te loto o so se tagata o te malamalama!

E lavea ne Koe, O toku Atua, a te uiga tonu o te mativa e salasala ki te vasa o Tou maumea mo te fuaitino o te masei mo te faitogafiti e naunau ki te vai o Tau fakamagalo mo Tou alofa atafai. Talia aka ne Koe, O toku Atua, a te mea tela e tau ki Tou matagofie takutakua kae e tau foki ki te maluga o Tou alofa e seai ne ona tuakoi. A Koe e tonu ko te Alofa Mataefa Katoatoa, ko te Aliki o te agalelei lausa, ko te Fakaeke, ko te Atamai-Katoatoa. E seai aka se Atua na ko Koe, ko te tafasili i te Maalosi, ko te Aofia-Katoatoa, ko te Silisiliese.

O tino o te Atua! I te aso nei a tino taki toko tasi katoa e tau o fakasaga ona mata ki luga i te sikulagi o muna fakamanuia gina konei: “Ko Ia aka loa kae aunoa mo se feasoasoani o Ia e fai a so se mea tela e fiafia a Ia ki ei.” So se tino e maua ne ia a te tulaga tenei ko oti foki ne maua a te mainaaga o te uiga tonu o te fakatasitasi o te Atua i vasia o taugasoa e o latou mafaufauga fakasupasupa mo manatu seai ne aogaa. Tuku a outou taliga ki te Leo o te Tokotasi ne Faka-See-Gina tenei kae tausi a te maalu o outou tulaga. Se feitu tafasili i te manakomia kae taaua ko tino taki toko tasi katoa ke tautali i te mataupu tenei.

E se veligina kae e se ponogia, a te Tokotasi ne Faka-See-Gina tenei, i taimi katoa, e folafola atu i mata o tino katoa o te lalolagi a mea ko la ka ala i ei o taala a mataloa o te saienisi, mataupu kesekese, o te poto, o te nofo-lei, o te ola ola lei mo te maumea. E seai lele loa ne mea see a latou ko la ne fai mai ne tino teke ne manumaalo o fakaseai a te leo o te Pene Tafasili i te Takutakua, io me ko

falotolotolua o latou faifitoi io me ko latou muimui ne mafai o fakalavelave kia Ia mai i te fakaasi o te Muna Tafasili i te Tafamaualuga. Au e akai totuli fakamaoni loa ki te Atua ko te mea ke mafai ne Ia o kave keatea a tino o Bahá mai i mafaufauga seai ne aoga mo fakatauuga faitogafiti o taugasoa o Talitonuuga mai i mua atu.

O tino o te Atua! Tagata amio tonu o te iloa ko la e fakasino a latou ki te

takitakiiga o niiisi kae e fakasaoloto kae puipuigina mai i musumusuuga faitogafiti kae lotomasei, i mata o Ia Tela ko te Manakoga o te lalolagi, fetu mo te lagi o te poto tonu. E manakomia maalosi ke aga kia latou mo te aava. A latou ko puna-vai o te vai tafetafe malie, fetu e maina malifalifa, fuaga lakau kaina o te Lakau Ola fakamanuia gina, latou e talia a te maalosi faka-te-lagi, mo vasa o te atamai faka-te-lagi. Fiafia a ia tela e tautali kia latou. E tonu a se agaaga ola pena e lau i loto i te Tusi a te Atua, ko te Aliki o te Nofoaga-a-Tupu, i vasia o latou ko la e lei.

Ko te matagofie te la e vau mai i te Atua, te Aliki o te Nofoaiga-faka-Aliki mai i Luga mo te lalolagi mai i lalo, e moe iluga ia koe, O tino o Bahá, O koutou ko taugasoa o te Fakatokaaga (Crimson Ark), mo i luga ia latou ko la ne fakalogo a olotou taliga ki outou leo gali kae tautali ki mea ko la e fai atu i te Tapeleti mafi kae faka-ofoofogina tenei.

Mea nei ko te Tusi a te Atua, ko te Feasoasoani-i-Mea-Faigata, ko te Ola-loa-ia-Ia.

A Ia ko te Atua, fakamaluga a Ia, ko te Aliki o te atamai mo te faipati.

Taveega e io Koe, e se-fakatusagina i te afioga, maalosi mo te gali, matagofie e seai sena fakatusa, mafi mo te sili i te gali, ko to maluga a Ia mo mafaufauga o tino ke iloa ne latou a Ia io mo se tino e pau io me e tai pau o fai sena muna kia Ia. Ko oti a Ia ne fakamoe fakalei loa a Tena Auala tonu i muna mo faipatiiga tafasili ite mauutua. E tonu a Ia ko te Pule-Katoatoa, ko te Tafasili i te Maluga. I taimi ne kalaga ne Ia a te foafoaaga fou ke fakafoliga mai. ne uga atu ne Ia a te Fakamatea mo te Poini Maina (Manifest and Luminous Point) mai i te sikulagi o Tena Finagalo; ne paasi atu i loto i failoga katoa kae fakamatea mai a ia i foliga katoa ke oko ki taimi e oko atu ki te tumu fakaoti i te maluga, pe la mo te fakaotonuuga a te Atua, ko te Aliki o tagata katoa.

A te Poini tenei ko te kogaloto fakapitoa o te tamilosaga fakapukupuku o Igoa

kae fakapatino foki i ei a te tumu fakaoti o fakaasiiga o Tusi i te lalolagi o te foafoaaga. Mai i ei ko oti ne sae mai a fakatinoga o te Mea Lilo e se-mafai gina o ofa, ko te Failoga fakalakei, ko Ia te la e tu fakaaliali i te Igoa Tafasili i te Takutakua (Most Great Name) – se Igoa te la e tusi i te Tapeleti mainaina kae e tusi foki i te Peluga a Pepa mana, fakamanuia gina kae kena pela me se kiona. Kae kafai a te Poini ne sokotasi ki te lua o Matai-Tusi1 (i.e. te matai manu ‘B’, te la ko te lua o mataimanu o te alphabet) tela ne sae mai i te kamataga o te Mathání,2 e sopoia atu i lagi o fakamatalaga mo faipatiiga. Tena la ko te Mainaga favavau o te Atua e sulu maina a tena mainaaga fiafia, oso aka a te kogaloto o te loto o te vanimonimo o fakamaoniiga kae maua mai i ei a Mainaaga e lua. Te matagofie ko te Tokotasi Alofa Fakamagalo, kia Ia e seai se fakatauga e mafai o fakaasi, io me se fakailoaga e mafai o fakamatea, io me se masalosaloga e mafai o fakamatala. A Ia i te tonuuga ko te Fakaeke, ko te Alofa Mataefa, mai i te kamataga mo te fakaotiiga. Ne aumai ne Ia mo latou a mea e puipui mo tausi mai i te vasia o lukuuga o te maalosi mo te mafi. E tonu, a Ia ko te Feasoasoani-i-Mea-Faigata, ko te Mafi, ko te Se-Mafai o Taofi gina.

A te fakatomuaaga o te Tusi (Epistle) tenei e fakaasi fakalua, pe la loa mo te Mathání3

Tavaeega ki te Atua Tela ko oti ne fakamatea mai a te Poini, ko oti ne folafola mai a te poto o mea katoa, i taimi ko teka io me ko taimi mai mua – te Poini ko oti ne fili ne Ia e fakatomua a Tena Igoa kae Vau-mai-i-Mua o Tena Fakaasiiga Takutakua te la ne fai ne ia a totooga o fuaitino o tino katoa ke polepole mo te gali o Tena mainaaga ke sulu maina mai i luga atu i te sikulagi o te lalolagi. E tonu, mea nei ko te Poini ko oti ne fakaeke ne te Atua ke fai mo vasa o te mainaaga mo tauagasoa fakamaoni mai i Ana tavinii kae pela foki me se ulaaga o te afi kia latou agasala i vasia o Ana tino – ko latou ko la ne fakatau atu keatea a te mealoafa a te Atua ona ko te se talitonu, ka ko meakai mana faka-te-lagi ona ko te olotou pelo, kae taaki atu a olotou taugasoa ki se koga tafasili i te tafalalo. Mea nei ko tino ko la ko oti ne fakaasi atu a te fai taua salalau i te lalolagi kae ofa ne latou a te Feagaiiga i te Aso o Tena Malu (Being) faka ofoofoogina ko sagasaga i Tena nofoaga-a-tupu ka ko te te tino Valo (Crier) ko avaka a Tena Leo mai i te filemu o te nofo sao mai i fakalavelave mo te filemu i te Vanu mana.

O tino tautali o te Bayán! Mataku koutou ki te Alofa-Fakamagalo Katoatoa. Tenei a te Tokotasi Tela ko oti ne faka-mana ne Muḥammad, te Aposotolo a te Atua, kae i Ana mua ne te Agaaga,4 (Iesu) kae mai mua atu foki ia Ia ko te Tokotasi te la ne sautala mo te Atua.5 (Moses) Tenei a te Poini o te Bayán e kalaga ki luga mai i mua o te Nofoga-a-Tupu, kae fai atu: “Mai i te amiotonu o te Atua, ko oti koutou ne faiite ke faka-taaua a te Fakapulaga Tafasili i te Takutakua tenei (Most Great Announcement), ko te Auala Tonu gisi (Perfect Way) tenei te la e muni mai i loto i agaaga ola o Pelofeta, ko la ne fakataaua i loto o latou filifilia a te Atua kae ne tusi ki lalo ne te Pene matagofie o tou Aliki, ko te Pule o Igoa (Possessor of Names).”

Fai atu: Mate i tou kaitaua, O latou masei kae fa-kaitaua! E tonu a Ia Tela a Tena poto e seai e sao mai i ei ko vau. A ia Tela ne ala i ei a mata o te poto faka-te-lagi o fakafou i te fakamisikata ko vau. Mai ia Ia a te maalo o te faipati ka fakagaligali, so se agaaga e talia ko oti ne fakasaga tonu ona mata ki mua i te Aliki o Fakaasiiga, so se tino e malolo i ona tulivae ko oti ne tu ki luga, kae so se tino paiee ko oti ne tele ki mua ke maua ne ia a te Sinai o te fakapatino tonu. Mea nei ko te Aso te la a te Atua ko oti ne fakaeke se fakamanuiaaga kia latou amiotonu, se fakasalaaga mo latou se lei, se mea-alofa mo latou fakamaoni kae se ita o Tena kaitaua mo latou e seai se fakamaoni mo te aunoa se fakatuanaki mo te faifitoi. E tonu ia Ia ko oti ne fai ke lavea, faka lakei ne te Atua mo te nofoaiga-faka-aliki e se-lavea. Ko oti a Ia ne fakaasi te la e seai aka foki i te lalolagi io me ko te lagi e mafai o fakatusa ki ia Ia.

Mataku koutou ki te Alofa Fakamagalo Katoatoa, O tino o te Bayán, kae sa faigina a mea ko la ne fai ne latou e tautali i te Qur’án – latou ko la i ao mo po e fakaasi ia latou e talitonu ki te Talitonuuga a te Atua, kae kafai a te Aliki o tagata katoa e sae mai, ko fuli a latou kia Ia kae folafola atu se fakaikuuga sauaa kia Ia, te la i te Aso o te Toe-Foki-Mai, a te Matua o Tusi ne tagi lotulotu ona ko Tena fakalavelave. Fakamasaua a koutou kae mafaufau ki amioga mo pati a koutou, olotou tulaga mo uiga mo mea ne aumai ne koutou i taimi ako Ia Tela ne sautala atu i luga i Sinai ne faipati atu a Tena laulaufaiva, i taimi ne ili i ei a te Pu (Trumphet), kae matapo katoa a latou i te lagi mo te lalolagi vagana ko latou ko la e lau i vasia o tusi o te fakatalitonu.

O tino o te Bayán! Liakina a outou manatu fakasupasupa mo mafaufauga valea, tena la mo mata o te fuafua fakamaoni kilo ki te Aso Kamata o Tena Fakaasiiga kae mafaufau ki mea ko oti ne fakaasi mai ne Ia, ko muna a Ia ko oti ne fakaasi mai fakate-lagi mo tigaina ko oti ne oko kia Ia i lima o Ana fili. A Ia ko te Tokotasi Tela ne talia katoatoa a so se puapuagatia ona ko te folafolaaga o Tena Fakatokaaga mo te fakamaluga o Tena Muna. I taimi e tasi ne tigaina a Ia i te falepuipui i te fenua ko Tá (Ṭihrán), i sua taimi ko te fenua ko Mím (Mázindarán), kae i sua taimi foki ko te fenua muamua, ona ko te Fakatokaaga a te Atua, ko te Mafi Katoato, ko te Alofa Mataefa Katoatoa, a Ia ne saisai foki ki seni mo filifili.

O tino o te Bayán! Ko puli ia koutou Aku fakatagi, i Taku Pene ko oti ne fakaasi ka ko Toku laulaufaiva ko oti ne faipati? Ko oti ne fakatau keatea a Toku talitonu ki ou mafaufauga fakasupasupa mo Toku Auala ki ou manakoga kaimanako? Ko oti ne pei keatea ne koe a akoakoga fakavae a te Atua mo Tena masauaga kae ko oti ne liakina ne koe Ana tulafono mo takitakiiga? Mataku ki te Atua kae liakina a mafaufauga seai ne aoga ki latou matua kae liakina a fakatauuga supa kia latou ko la e gaosi ne latou mo fai a fakatauuga e se tonu kia latou ko la e fanau ne latou. Atiake ki mua mo mata maina kae fiafia mo loto aunoa se lailai ki mua i te sikulagi i luga i te Fetu-Ao o te talitonu e maina malifalifa i te manakoga o te Atua, ko te Aliki o Fakaasiiga.

Tavaeega e o te Atua Tela ko oti ne fai a te Toe Tafasili i te Se-Mafai o Se (Most Great Infallibility) me se puipui mo te maalu malu o Tena Fakatokaaga i te nofoaiga o te foafoaaga, e seki tuku ki se tino tokotasi a se tusaga ke kau fakatasi i te tulaga tafasili i te maluga kae maalu tenei – se tulaga te la se gatu ne laga gina ne maikao o te maalosi malifalifa mo Tena Fuaitino maalu. E se tau ki so se tino aka vagana ko Ia Tela e sagasaga i luga i te nofoaga-a-tupu mafi tenei o te “A ia e fai a te mea e fiafia a Ia ki ei.” So se tino e talia kae lavea a te mea ko oti ne tusi mai ki lalo ne te Pene o te Matagofie e tonu loa e fakamatea i te Tusi a te Atua, te Aliki o te kamataga mo te fakaotiiga, i vasia o faiakoga o te fakatasitasi faka-te-lagi, ko latou ko la e taofi mau ki te iloa o te tafatasi o te Atua.

Kafai a te tafeega mai o muna ko oko ki te tulaga tenei, a manogi gali o te tinaa poto ko tufa tufa atu ki tua atu ka ko te fetuao o te fakatasitasi faka-te-lagi ko sulu maina atu ki mua i luga atu o te sikulagi o Tena faipatiga mana. Fakamanuia a ia te la ona ko Tena kalaga ne fanatu a ia ki te tumu o te matagofie, tela ne futi atu a ia ke pili ki te Pogai fakaoti loa kae te la ne lavea i te leo maalosi o Taku Pene o te Matagofie te la a te Aliki o te lalolagi tenei ko oti ne finagalo mai. So se tino te la e fakatamala o inu i te uaina filifilia te la ko oti ne tala ne Matou mai i te maalosi o te Igoa o Matou, ko te Akuku-Fakatasi Katoatoa, ka se mafai ne ia o lavea a galiiga o te mainaaga o te fakatasitasi faka-te-lagi io me o puke ne ia a te uiga tonu e fakavae ki ei a Mataupu Silisili a te Atua, te Aliki o te lagi mo te lalolagi, ko te Pule tafasili i te maluga o te lalolagi tenei mo te sua lalolagi ma vau. A se tagata pena ka lau a ia i vasia o latou seai ne fakatuanaki i te Tusi a te Atua, ko te Iloa-Katoatoa, ko te Fakailoa Katoatoa.

O koe te maalu o te tino salasala!6 A matou e molimau ia koe e tautali fakamakeke loa mo te onosai i aso ne taofi a te Pene mai i te fakagalue ka ko te Laulaufaiva ne fakatalave foki o tuku atu kia mua a se fakamatalaga e uiga mo failoga, ko te Toe Tafasili i te Se-Mafai o Se (Most Great Infallibility). Ko oti a koe ne sili ki te Tokotasi ne Faka-See-Gina tenei ke tapale keatea mo koe ona veli mo mea ko la e pulou i ei, ke fakamatala a tena feitu lilo mo uiga, tena nofoga mo te tulaga, tena llei, tena tafasili i te maluga mo te fakamaluga. I te ola o te Atua! Kafai e kave keatea ne Matou a veli o penina o fakatalitonuuga ko la e nofo funa i loto i olotou kema o te vasa o te poto mo te fakatalitonu io me e fai a gali o mea funa faka-telagi ko la e funa i loto i potu o te faipati i te Palataiso o te malamalama tonu, tu mai ki tua i olotou kogaa koga nofo, mai i feitu katoa ko gasuesuega sauaa ka mu mea aka ki luga i vasia o takitaki o taliitonuuga ka ko koutou ka fai mo molimau i tino o te Atua e piki mau ki nifo o uolosa ko la ne teke ne latou a te Atua mai i te kamataga mo te fakaotiiga. Te la la a Matou ne tataofi a te Pene ki se taimi leva e tusa mo te atamai faka-te-lagi kae puipui foki o latou talitonu mai ia latou ko la ko oti ne fakatau atu a fakamanuiaaga faka-te-lagi ona ko se talitonu kae ko oti ne fili mo olotou tino a te nofooga o mone.7 [cf Qur’an 14:33]

O ko koe a te tino salasala te la ne faka-mealofa gina ki te mataile. Au e tauto mai ia Ia Tela e ofo i te Lukuuga Mana mai i luga mai i te maalosi o Tena Muna tafasili i te maluga! E tonu, a manu eva e nofo i kogaa koga o Toku Maalo mo lupe e nofo i te fatoaaga losa o Toku atamai e usu a leo kae fakatagi tagi pe la e loa me fakaofoofo gina ki tino katoa na ko te Atua, ko te Aliki o maalo o te lalolagi mo te lagi; kae moi fai a leo fakatagi tagi konei e fakaasi fakamutana pe la loa mo te pu o te nila, a tino kaitaua ka faipati ki pelo mo loi e seki ai aka ne tupulaga mai mua ko oti ne faipati pena, kae ka fai foki ne latou ne amioga ko la e se tasi i vasia tausaga ko teka mo senitenali ne fai pena. Ko oti ne se talia ne latou a te alofa o te Atua mo Ana fakatalitonuuga kae e faka pelo foki ne latou a fakamaoniiga a te Atua mo Ana failoga. A latou ko seke keatea kae ko fai ne latou a tino ke galo foki, kae e se atafia ne latou. A latou e tapuaki ki mafaufauga valea kae e seiloa ne latou. Ko oti ne ne puke ne latou a fakatauga valea mo olotou aliki kae ko liakina a te Atua, kae e se malamalama i ei. Ko oti ne liakina ne latou a te Vasa tafasili i te takutakua kae ko fakavave ki te kogaa-vai foliki, kae e se maina i ei. E tautali loa i a latou i olotou fakatauga fakasupasupa i taimi e fuli i ei keatea mai i te Atua, ko te Feasoasoani-iMea-Faigata, ko te Ola-Loa-ia-Ia.

Fai atu, mai i te amiotonu o te Atua! Ko te Alofa Fakamagalo Katoatoa ko vau tonu i te maalosi mo te afioga faka-tupu. Mai i Tena maalosi a fakavae o Talitonuuga ko galuelue ka ko te Naitigikale o te Faipati ko usu usu a tena leo i luga i te kaula tafa loa ki luga o te malamalama tonu. E tonu, a Ia Tela ne funa i te poto o te Atua kae ne tusi mai i loto i Mataupu Silisili Mana ko oti ne sae mai. Fai atu, mea nei ko te Aso ne sagasaga i luga i te nofoga-a-tupu o te Fakaasiiga a te Sipika (Speaker) i luga i Sinai ka ko tino e tu mai i mua o te Aliki o lalolagi. Mea nei ko te Aso te la a te lalolagi ne fakapula atu ana tala kae tuku aliali ana kope taaua; ka ko vasa ko oti ne aumai ne latou ki mua a penina mo te Lakau Ola faka-te-lagi ona fuaga-lakau kaina; ka ko te Laa ko oti ne sulu a tena mainaaga fiafia ka ko Masina ko oti ne fakamaalielie mai a olotou molii, ka ko Lagi ko oti ne fakaasi mai a olotou fetuu, ka ko te Taimi mo ana failoaga, ko te Toe Tu mo tena afioga fakamataku; ka ko pene ko fakamaatala a olotou mea e mafai o tusi ka ko agaaga ko oti ne fakaasi ali ali mai a olotou mea funa. Fakamanuia a tagata te la e lavea a Ia kae oko atu ki Tena nofomai, kae faka fanoanoa a latou ko la e teke kia Ia kae fuli keatea mai ia Ia. Au e akai totuli ki te Atua ke feasoasoani ki Ana tavini ke foki atu kia Ia E tonu a Ia ko te Faka-Seai o Agasala, ko te Fakamagalo, ko te Alofa-Fakamagalo.

O ko koe ko oti ne fakasaga ou mata i mua i te Kogaa Koga i Luga (Realm on

High) kae ko oti ne inu i Taku uaina fakapatino ma i te lima o te maukolo mataefa! Ke iloa ne koe a te pati “e se-mafai o se” (“Infallibility”) e uke ana uiga mo tulaga kesekese. I te uiga e tasi o ia e fakatino ki te Tokotasi Tela a te Atua ko oti ne fai ke sao mai i te see. E pena foki e fakatino ki agaaga ola taki toko tasi katoa ko la ne puipui ne te Atua mai i te agasala, soli tuakoi, fai taua, fai mea-e-se-faka atua, se talitonu mo nisi aka. Ka ko te Toe Tafasili i te Se-Mafai o Se (Most Great Infallibility) e fakapatino tonu ki te Tokotasi Tela a Tena tulaga e se fuafuagina i te maluga mai i luga atu i tulafono mo faka-taputapuga kae fakamana mai mea see mo mea ne puli. E tonu kii loa a Ia ko te Mainaaga te la e see tautaligina ne te pouliga a ko te Meatonu e se silia atu a te mea see i ei. Kafai a Ia e folafola atu i te vai ko liu uaina io me ko te lagi ko te lalolagi io me ko te mainaaga ko fuli ki te afi, a Ia e faipati ki te meatonu kae e se taumate ka fai eloa pena; e seai se tino ne tuku ki ei a te saolotooga o fakafesili a Tena pule io me o faipati me kaiaa, io me sea aka foki. So se tino te la e fai fesili ka lau a ia mo latou faitogafiti i te Tusi a te Atua, ko te Aliki o lalolagi. “E tonu a Ia ka se fakafesiligina ki Ana mea ne fai ka ko niisi aka katoa ka fakafesiligina ki olotou mea ne fai.”8 [cf. Qur’an 21:23] A Ia ko vau mai i te lagi e se lavea, mo te fuka e tusi i ei “A Ia e fai a so se mea e loto a Ia ki ei” kae e tautali mai a lukuuga o te maalosi mo te pule (hosts of power and authority) kae ko te tiute o latou i Ona tafa o tautali fakalei loa ki so se tulafono mo so se tulafono foliki ko oti ne fai mai ki luga ia latou, kae kafai a so se tino e fano seke mai i ei, pela foki loa loa mo te lauefa o te laulu, a tena galuega ka fakaseai ki te seai.

Mafaufau aka a koe kae fakamasaua aka a te taimi ne sae mai i ei a Muḥammad. Ana muna, ka ko Ana muna ko te mea tonu: “Malaga asiasi atu ki te Fale (Mecca)9 se tavini ki te Atua.”10 [Quar’an 3:91] E pena foki a te fai talosaga i aso taki tasi, anapogi, mo tulafono ko la ko sulu maina mai i luga atu o te sikulagi ote Tusi a te Atua, te Aliki o te Lalolagi mo te Faiakoga tonu o tino mo itu-kaaiga o te lalolagi. E tau mo tino taki toko tasi katoa o fakalogo kia Ia i so se mea ko oti ne fakaeke aka ne te Atua; mo so se mea so se tino e se talitonu kia Ia ko oti ne se talitonu i te Atua, i Ana kupu, i Ana Faifekau mo Ana Tusi. Kafai a Ia e folafola atu i te sao ko te see io me ko fakapelo ko te talitonu. A Ia e faipati ki te mea tonu pela eiloa mo te tonu o te Atua. Mea nei se tulaga ko agasala io me ko te solisoli tuakoi e isi io mene faipatigina. Mafaufau koe ki te fakamanuiaaga, ko kupu mana ne fakaasigina tela a te asi asi atu kite Fale e fakatonu atu ki tino taki toko tasi katoa. E tuku atu kia latou ko la e nofo mo te pule mai i tua ia Ia 11 (Muhammad) ke tautali ki so se mea ko oti ne tusi mai mo latou i te Tusi. E seai se tino ne tuku ki ei a te saolotooga ke fakaseke mai i tulafono mo tulafono foliki a te Atua. So se tino tela e fano seke e lau mo latou soli tuakoi i te Tusi a te Atua, te Aliki o te Nofoaga-aTupu Mafi.

O ko koe tela ko oti ne fakamau a tau kilo ki luga i te Maalu Malu o te Fakatokaaga a te Atua (Dawning-Place of the Cause of God)! Ke iloa ne koe mo te mautinoa katoatoa i te Finagalo o te Atua e se puipuigina ne tulaga (standards) a tino, ka ko te Atua e se fano i olotou auala. Kae e tau mo tino taki toko tasi katoa o puke mau ki te Auala tonu o te Atua. Kafai a Ia e fola fola atu i te fakaatamai ko te fakamaui io me ko saute ko matuu, a Ia e faipati ki te mea tonu kae e aunoa mo se falotolotolua ki ei. E tonu a Ia e tau o tavaegina i Ana galuega kae e tau o fakalogo ki Ana tonu. A Ia e seai se tino galue fakatasi mo Ia i Tena fakamasinoga io me se feasoasoani i Tena nofoaiga-faka-aliki. A Ia e fai a so se mea e loto a Ia ki ei kae fakaeke a so se mea e fiafia a Ia ki ei. Ke iloa foki i mea katoa mai i te maalosi o te muna mai i Tena nofo-mai, ka ko latou loa ia latou e aunoa se gasuesue io me se nofo toka i ei, vagana mai i Tena fakatonuuga mo Tena taliaaga.

O ko koe tela e lele i te ea o te alofa mo te faka taugasoa kae ko oti ne fakamau a tau kilo ki luga i mata o tou Aliki, te Tupu o te foafoaaga! Avatu a fakafetai ki te Atua, a Ia ko oti ne taala atu mo koe a mea ko la ne funa kae tausi i Tena poto ko tino taki toko tasi katoa ke mafai o iloa i Tena puleega o te se mafai o se tafasili i te maluga. A Ia e seai Sena soa io me se faiakoga (counsellor). A Ia i te tonuuga ko te Asokamata o akoakoga faka-te-lagi mo fakatonuuga mo te Punna-Vai (Fountainhead) o te poto mo te atamai, ka ko tino katoa mai tafa o Ia ko latou mai i lalo i Tena pulega, ka ko Ia ko te Pule tafasili i te maluga, ko te Fakaeke, ko te IloaKatoatoa, ko te Fakailoa-Katoatoa.

Kae pe la mo koe, i so se taimi e ufitia koe ne manavagia ola fakamaalosi o kupu kae o ave ia koe ne te piua, vai-o-te-ola e tuku mai ne te lima o te alofa o tou Aliki, ko te Pule tafasili ite maluga o te Aso o te Toe Tu, avaka a tou leo ki luga kae fai atu penei:

O toku Atua! O toku Atua! Au e avatu a fakafetai kia Koe ko Koe ko oti ne taaki au ki mua ia Koe, ko oti ne taaki au ki luga i Tou sikulagi, ko oti ne fakasaga tonu mo au a Tou Auala, ko oti ne folafola mai kia au a Tau fakamaoniiga kae fakamafai au ke tuku oku mata kia mua ia Koe, ka ko taulasiga o tokita mo kau lotu maluga i vasia o Au tavini fakatasi mo latou kola e tautali kia latou ko oti, aunoa lele loa mo se fakamaoniiga io me se fakatalitonuuga mai ia Koe, ko fuli atu keatea mai ia Koe. Fakamanuiaaga ki luga ia Koe, O te Aliki o Igoa (Lord of Names), te matagofie ke i luga ia Koe, O ko te Tufuga o lagi (Creator of the heavens), pela mo te mea ko oti a Koe, mai i te maalosi o Tou Igoa, ko te Ola-Loa-ia-Ia, ne aumai kia au ke inu i Tau uaina filifilia, ko oti ne fai ke fakapilipili atu au kia Koe kae fakamafai au ke lavea a te Aso-Kamata o Tau faipatiga (Dayspring of Thine utterance), ko te Faifekau o Au failoga (the Manifestation of Thy signs), ko te Punaa-Vai o Au tulafono mo fakatonuuga (the Fountainhead of Thy laws and commandments) mo te Kamataga o Tou atamai (Source of Thy wisdom) mo fakamanuiaaga. Fakamanuia a te fenua tela ko oti ne faka-maumea ne Ou kalafaga, tela a te kalauna-a-tupu o Tau nofoaaigafaka-aliki ko oti ne fakatu mo te manogi gali o Tou gatu ko oti ne tufatufa atu. Mai i Tou matagofie mo te afioga, mai i Tou mafi mo te maalosi, au e se manako ki oku mata na loa ko te mea ke lavea a Tou gali, io me ko taku falalogologo na loa ko te mea ke lagona ne au a Tau kalaga (Thy call) mo Au kupu (Thy verses).

O toku Atua! O toku Atua! Sa ponogina a mata mai i te pogai ko oti ne faiite ne Koe a latou, io me ko mata mai i te kilo atu ki Tou sikulagi, io me mai i te asiasi atu ki mataloa o Tou afioga, io me mai i te fakasae i te nofomai i Tou kalauna-a-tupu, io me mai i te ifoga ki lalo i mua o te gali o te Fetu Ao (Day-Star) o Tou alofa-mataefa.

Au ko ia, O te Aliki, tena loto mo tena agaaga ola, ko ona totooga o tena fuaitino, ko tena laulaufaiva i loto mo i tua e molimau ki Tou fakatasitasi (thy unity) mo Tou tafatasi (The oneness), e fai mo molimau ia Koe ko te Atua kae e seai aka foki se Atua na ko Koe. Ne aumai ne Koe a tino o fakamafua ke iloa ne latou a Koe kae tavini ki Tau Fakatokaaga, ko olotou tulaga ke mafai o siki aka ki luga i Tou lalolagi ka ko agaaga ola o latou ke avaka ki luga ona ko mea ko oti ne fakaasi mai ne Koe i Au Mataupu SiIisili, i Au Tusi mo Au Tapeleti. Kae ne seki leva i Tau fakaasiiga o Koe kae folafola Au failoga ne fuli keatea a latou mai ia Koe kae ko se talia ne latou a Koe kae teke a mea ko la ko oti ne fakaasi ne Koe ki olotou mata mai i te maalosi o Tou mafi mo Tou maalosi. Latou ne tu ki luga o fakamae a Koe, o fakaseai a Tou mainaaga kae tamate a te ulaaga te la ne kaa i ei a Tau Vao Foliki (thy Burning Bush). A olotou kaitaua masei ne se fuafuagina i te se lei te la a latou ne muimui o fakamaligi a Tou toto kae ofa a Tou maalu. Kae e pena foki ka amio pena a ia12 (Mirza Yahya) te la ne puti puti aka ne Koe ki te lima o Tou alofa-kaimalie, kae puipui mai i te amio se lei o latou teke i vasia o Au mea ola mo latou faitogafiti i te va o Au tavini, kae tela a Koe ko oti ne iku ke tusi tusi Au kupu mana mai i mua o Tou nofoga-a-Tupu.

Io! Io! mo mea ne kosu ne ia i Ou aso te la ne ofa ne ia a Tau Feagaiiga mo Tau Fakamanoiiga, se talia ne ia a Tau Kamiiga mana, kae tu ki luga o teke kae fai ne ia a mea ko la ne ala i ei a tino o Tou Maalo ke tagi i te fanoanoa. Ne seki leva kae maua ne ia ona fakamoemoega ko malepelepe kae lavea ne ia a te manogi o te takavale katoatoa ne ala iei o avaka a tena leo ki luga kae faipati atu a ia ki Au tino filifilia, ko la e pili atu kia Koe, mo latou i te malae o te matagofie, ko galo atu i te faivalevale mo te numi.

E lavea mai ne Koe au, O toku Atua, e mio mio i te tigaina i luga i te pefu, pe la me se ika. Fakasao mai au, alofa mai kia au, O ko Koe a Tena feasoasoani e kalaga gina ne tagata katoa, O ko Koe te la a Tou alofilima e takato i ei a te maalosi i luga i tagata mo fafine katoa. I so se taimi e toe mafaufau atu au ki aku mea see mo aku solituakoi mafa, a te seai se fakamoemoega e kini mai kia au mai i so se koga, kae i so se taimi e manava malie au o talosaga faka pooko ki luga i te vasa o Tou alofa mataefa mo te lagi o Tou agalelei mo te fetuao o Tou alofa atafai, e manava atu au ki te manogi gali o te fakamoemoe ko oti ne tufa tufa mai i te faka ata mai ki te fakamaui, mai i matuu ki saute, pela eiloa me ko mea faiite taki tasi katoa ko oti ne tuku mai kia au a tala faka fiafia i kaumana o te lagi o Tou alofa fakamagalo ka ligi ifo ki lalo a te olotou vaiua ki luga ia au. Mai i Tou mafi, O ko Koe ko Ia ko te Ivitua o latou fakamaoni mo te Manakoga o latou e fiafia ki te fakapilipili atu kia Koe! Ou alofaaga e se lausia mo fakamanuiaaga mo fakaasiiga o Tou matagofie mo te alofakaimalie ko fai mo mea ne fakamaalosi fakapatonu au i ei. E pefea, i sua feitu, e mafai ne te seai lele loa o fakalauefa a te Igoa o Ia Tela ko oti ne, mai i se muna e tasi, ne aumai a te foafoaaga ke fakafoliga mai, kae e mafai pefea ne se mea ola se tumau o fakamaluga a Ia Tela ko oti ne fakaasi mai me e seai lele loa se fakamasakoga e mafai o fakamatala a Ia io me se muna tavae e mafai o fakalauefa a Tena matagofie? Ko oti a Ia mai te favavau ne se fuafuagiuna a te fakamaluga mai i luga atu o te malamalama o Ana mea ola kae mana mai i fakatauuga o Ana tavini.

O te Aliki! E lavea mai ne Koe a te tokotasi tenei e seai se ola i mua o Ou mata; sa fai gina a ia, mai i Tou kaimalie mo Tou alofa lauefa, ke fakaseai mai i te ipu o te ola se gata mai. Kae e lavea ne Koe a tokotasi e pokotia kii loa e tu mai i mua o Tou nofoaga-a-tupu; sa fuligina keatea mai i te vasa o tau faka gata masaki. Au e akai totuli tu kia Koe ke faka mafai aka au i taimi katoa mo so se fakanofooga o masaua a Koe, ke faka lauefa a Tou igoa kae ke tavini ki Tau Fakatokaaaga, e uiloa a te iloa fakalei ne au me i so se mea ne fai ne se isi o tavini e se mafai o sopoia atu i gataaga o tena agaaga ola, io me e tau ki Tou tulaga Aliki, io me e taaua i te fale o Tou matagofie mo Tou Afioga.

A Tou mafi e fai mo aku molimau! Moi fai seai ko te fakamasaua o Tou tavaeega, a toku laulaufaiva e seai se aoga kia au, kae moi fai seai ko te tavini kia Koe, a toku ola e seai se aoga kia au. Kae mo te fiafia o lavea a mea gali silisili ese o Tou tulaga matagofie, kaiaa fua ka faka taaua ia au a oku mata? Kae moi fai seai ko te fiafia o fakalogo ki Tou leo tafasili ite suamalie, se a a te aoga o te fakalogologo?

Io! Io! E seai iloa ne au, O toku Atua, toku Ivitua, te Manakoga o toku loto, me kai fakaeke mai ne Koe kia au a mea ko la kae aumai ne latou a te fakamafanafana ki oku mata, fakafiafia ki toku fuaitino kae lifu ki toku loto, io me ko Tau fakatonuuga te la e se mafai o faka foki, O te Tupu mai i te favavau mo te Aliki silisiliese o maalo katoa, ka fakatapu au mai i te tuku atu o au i mua o Tou nofoga-a-Tupu. Au e tauto i Tou matagofie mo te afioga mo Tou maalo mo te maalosi, a te pouliga o toku mao mai ia Koe ko lepe gina au i ei. Se a a te mea ko tupu i te mainaaga o Tou pili mai, O te Manakoga o so se loto malamalama? A te tigaina o te mavae mai ia Koe ko oti ne faka mae ne ia au. Te fea a te mainaga malifalifa o Tou toe fakatasi mai, O ko te Fagasele-Lei mo latou ko la e mautakitaki katoatoa kia Koe?

E lavea ne Koe, O toku Atua, me se a a te mea ko tato i oku mua i Tou Auala i lima o latou ko la e fakapelo a Tau Mea Tonu, ko oti ne ofa ne latou a Tau Feagaiiga, fakatauemu ki Au failoga, se talia ne latou a fakamanuiaaga ne aumai ia Koe, se talitonu ki kupu ne tuku ifo ne Koe kae se talia ne latou o fakapatino o te fakamaoniiga ko oti ne fakataunu ne Koe.

O te Aliki! A te laulaufaiva o toku laulaufaiva mo te loto o toku loto mo te agaaga o toku agaaga mo toku tino mai tua pe la foki mai i loto e fai mo aku molimau ki Tou fakatasitasi (Thy unity) mo Tou tafatasi (Thy oneness), Tou maalosi mo Tau pulega tafasili ite silisili (Thy power and Thy omnipotence), Tou gali matagofie (Thy grandeur) mo Tau puleega (Thy sovereignty), kae molimau ki Tou matagofie (Thy glory), tulaga maluga mo te pule. Au e tauto ia Koe ko te Atua, kae seai aka foki se Atua na ko Koe. Mai i te favavau a Koe ko te kope taaua e funa mai i mata mo mafaufau o tagata kae ka tumau o nofo pena ki se gata mai se gata mai eiloa. A maalosi o te lalolagi e se mafai lele loa o fakalavelave gina a Koe, io me ko te mafi o atu fenua e mataku koe ki ei. Ko Koe ko te Tokotasi Tela ne taala ne Koe a te mataloa o te poto i mua o mata o Au tavini ko te mea ke lavea a Ia Tela ko te Fetu Ao o Tau Fakaasiiga, ko te Maalu Malu o Au failoga, ko te Lagi o Tau fakaasiiga mo te Laa o Tou gali faka-te-lagi. I loto i Tau Tusi mana, i Au Mataupu Silisili mo Au Peluuga a Pepa ko oti ne fegaiiga mai ne Koe ki tino katoa o te lalolagi ia Koe Totino loa ka sae mai kae ka kave keatea a veli o te matagofie mai i Ou mata, pela mo te mea e fakapula mai ne Koe i Au muna ki Tou Taugasoa 13 [Muhammad] Tela mai iei a te Fetu-Ao o te Fakasiiga ko sulu maina atu mai i luga o te sikulagi o Ḥijáz, ka ko te kamataga maina o te Mea tonu faka-te-lagi ko sulu maina fiafia atu i vasia o tagata katoa o fai atu penei: “A te Aso ka tu a tino katoa i mua o te Aliki o lalolagi.”14 [Qur’an 83:6] Kae i mua o Muḥammad a Koe ne tuku atu a te tala-lei tenei kia Ia Tela ne sautala mo Koe,15 (Moses), o fai atu penei: “Aumai ki mua ou tino mai i te pouliga ki te mainaaga kae fakamasaua atu kia latou i aso o te Atua.”16 [Qur’an 14:5] E se gata i ei a Koe ne fakasalalau a te mea tonu ki te Agaaga 17 (Jesus) pela foki Au Pelofeta mo Au Faifekau, me i taimi ko teka atu muamua io me ko taimi fakamuli nei. Kafai a mea katoa ko oti ne tuku ifo ki lalo ne Koe i te fakamanaaga o te Masauaaga Tafasili i te Takutakua (Most Great Remembrance), a te Fakapulaaga Tafasili i te Takutakua tenei (this Great Announcement), e taafe atu ki mua mai i te kamataga o te vai o Tau Pene tafasili i te vai maualuga mo te malu, ko tino nofo i fakai lasi o te poto mo te malamalama ka se maua o faipati, vagana pela mo latou e fakasao mai ne Koe mai i te maalosi o Tou mafi kae ka puipui pela me se mea alofa o Tou alofa mataefa mo Tou agalelei. Au e fai mo molimau ia Koe ko oti ne fakataunu a Tau peti kae ko oti ne fakaasi a te Tokotasi Tela a Tena oko mai ko oti ne valo ne Au Pelofeta, Au tino filifilia mo latou ko la e tavini kia Koe. A Ia ko oti ne vau mai i te lagi o te matagofie mo te malosi, kae amo mai a fuka o Au failoga mo tulaga o Au fakamaoniiga. Mai i te maalosi o Tou maalosi mote mafi e se mafai o fakatakavale gina, a Ia ne tu ki luga i mata o tagata kae kalaga atu ki tino katoa ki te tumu o te matagofie malifalifa mo te Sikulagi tafasili katoatoa i te maluga, i se auala atamai a te teke o faifeau mo tino maluga o lotu io me ko te sauaa o takitaki ne mafai a Ia o fakaseke mai keatea. A Ia ne tu ki luga mo te se talitonu maalosi, faipati atu a Tena laulaufaiva, kae folafola atu i se leo e tagi tagi pela me ne peele “A Ia Tela ko te Alofa Mataefa Katoatoa ko vau, e vau i luga i kaumana. Fano ki mua, O tino o te lalolagi, mo mata mainaina mo loto fiafia!”

E takutakua kii a te faamanuiaaga o ia tela e maua a Tena nofomai, e inu ki te uaina o te toe feiloai ne aumai ne te lima o Tou alofa mataefa, manava ki te manogi o Au failoga, faipati atu o fakamanatu Ou tavaeega, kae lele ki luga i Ou lagi, ko kave fakaatea gina ne te suamalie o Tou Leo, ko saoloto o ulu atu ki loto ite Palataiso tafasili ite gali kae maua foki a te tulaga o te fakaasiiga mo te kiloga ki mua mai i mua o te kalauna-a-tupu o Tou afioga.

Au e akai kia Koe i te Toe Tafasili i te Se-Mafai o Se (Most Great Infallibility) tela ko oti ne fili ne Koe me ko te asom kamata o Tau Fakaasiiga, kae mai i Tau Muna maluga mai i te maalosi ne kalaga ne Koe a te foafoaaga ke faka foliga mai kae fakaasi mai a Taku Fakatokaaga, kae mai i te Igoa tenei ke fai ne ia ko igoa katoa aka ke tagi ki luga ka ko totooga o te fuaitino o latou matua kae ke polepole, Au e akai kia Koe ke motu mai au mai i mea katoa na ko Koe, ko te mea ke se gasue au ki se koga vagana ke tusa mo te fiafiaaga lei o Tou Finagalo, kae faipati ki te seai aka foki na ke fano tonu mo Tau Pogai, kae e lagona a te seai aka foki na ko muna o Tou tavaeega mo Tau tavaeega fakafiafia (glorification).

Au e fakalauefa a Tou Igoa, O toku Atua, kae avatu a fakafetai kia Koe, O ko toku Manakoga, pela eloa mo Koe ko oti ne fai ke mafai ne au o atafia faalei a Tou Auala tonu, ko oti ne tapale keatea a veli o Tau Fakapulaaga Takutakua (Great Announcement) mai i mua i oku mata ko oti ne feasoasoani mai kia au ke tuku oku mata ki mua i te Aso kamata o Tau Fakaasiiga mo te Punaa-Vai o Tau Fakatokaaga, ka ko Au tavini mo Au tino ko fuli keatea mai ia Koe. Au e akai totuli kia Koe, O te Aliki o te Maalo o te favavau (o Lord of the Kingdom of eternity), mai i te leo makaikai o te Pene o te Matagofie, mai i te Afi-Ka (Burning Fire) te la e pakalaga mai i te Lakau Ola lausiusi, mai i te Vaka o te Faolataga te la ko oti ne filifili fakalei loa ne Koe mo tino o Bahá, ke talia ko au ke tumau i te mautakitaki i toku alofa mo Koe, kae lasi a te fiafia mo so se mea ko oti ne tusi mai ne Koe mo au i Tau Tusi kae ka mafai o tumau i Tau galuega mo te tavini mo Au fagasele. Feasoasoani mo te alofa ki Au tavini, O toku Atua, ke fai a mea ko la ka tavini a latou o fakamaluga a Tau Fakatokaaga kae ka mafai ne latou o tautali ki so se mea ko oti ne fakaasi mai i Tau Tusi.

E tonu, a Koe ko te Aliki o te Maalosi (Lord of Strength), a Koe e maalosi o fakaeke so se mea e loto Koe ki ei kae e nofo i loto i Ou lima e puke ne Koe a mea faiite katoa. E seai aka se Atua na ko Koe, ko te Maalosi-Katoatoa, ko te IloaKatoatoa, ko te Atamai-Katoatoa.

O Jalíl! Ko oti Matou ne suke aka a veli mai i oulua mata ki te tai mo galu o ia, ko te laa mo te maina fakafiafia mai i ei, ko lagi mo fetu mai ia latou, ko misa mo penina o latou. Tuku atu ne koe a fakafetai ki te Atua ona ko te alofa mataefa takutakua tenei, se alofaga agalelei te la e salalau i te lalolagi katoa.

O ko koe ko oti ne fakaagai ou mata ki mua i te gali kese o Oku Mata (My Countenance)! Manatu e se manino ko salalau i tino nofo i te lalolagi kae fai mo mea e fakaavelave a latou o fuli ki mua i te Sikulagi o te Talitonu Mautinoa Tonu (Horizon of Certitude) mo te mainaina, mo ona fakaasiiga mo ona mainaaga. Manatu seai ne aoga ko taofi a latou mai ia Ia Tela ko te Ola-Loa-ia-Ia. A latou e faipati musumusu, kae e se malamalama. Mai ia latou ko niisi ko la ne fai atu penei: “Ko oti a kupu ne tuku ifo ki lalo?” Fai atu “Ao, mai ia Ia Tela ko te Aliki o lagi!” “Kai oko mai a te Itula?” “Ikaai, mu mea aka; ko oti ne teka o fano, mai ia Ia Tela ko te Fakaasi o alofaaga maina! E tonu, a te Mea-e-tau-o-tupu (the Inevitable) ko oko mai, ka ko Ia, ko te Tokatasi Tonu, ko oti ne sae mai mo fakamaoniiga mo faatalitonuuga. A te Malae (Plain) ko fola fola mai, ka ko tino ko oko loa i te se fiafia kae mataku. A mafuie ko soko loa, ka ko itu kaaiga potukau ko tagi i te fanoanoa, ona ko te mataku i te Atua, te Aliki o te Maalosi, ko te Kau Fakatasi Katoatoa.’ Fai atu: “A te pa kalaga o te pu fakaofoofo gina ko oti ne avaka loa ki luga, ka ko te Aso io o te Atua (Day is God’s), te Tokotasi (the One), ko te Se-Mafai o Taofigina (the Unconstrained).” Kae fai atu a latou: “Ko oti a te Fakalavelave Lasi ne tupu?” Fai atu: “Ao, mai i te Aliki o Aliki!” “A te Toe Tu ko vau?” “Ikaai, mu mea aka; A Ia Tela ko te Ola-Loa-ia-Ia ko oti ne sae mai mo te Maalo o Ana failoga (Kingdom of His signs).” “E lavea ne koe a tagata ko fi-filemu?” “Ao, mai i toku Aliki, te Tafasili i te Maluga, te Tafasili i te Matagofie!” “Ko oti a tafito lakau ne unu aka ki luga?” “Ao, mua mea aka; a mauga ko ta-tela-tela i pefu; mai ia Ia ko te Aliki o uiga lei!” A latou e fai atu: “Tefea a te Palataiso, kae e tefea a Seoli? Fai atu: “A te tasi ko te toe fakatasi mo Au; ka ko sua mea ko ia loa ia ia, O ko koe e fakatasi pe la me se taugasoa o te Atua kae e faka lotolotolua.” A latou e fai atu: “E se lavea ne Matou a te Palenisi.” (Balance) Fai atu: “E tonu loa, mai i toku Aliki, ko te Atua o te Alofa Fakamagalo! E seai e mafai o lavea ne ia vagana ko ia tela ko oti ne fakaeke mo te mata ile.” E fai atu a latou: “Ko oti a fetu ne to ki lalo?” Fai atu: “Ao, i taimi ne nofo a Ia Tela ko te Ola-Loa-ia-Ia i te Fenua o Mea Funa.18 (Adrianople) Fakalogo, a koe tela e fakaeke mo te mata ile.” A failoga katoa ko sae mai i taimi ne fakaasi atu ne Matou a te Lima o te Maalosi mai i te afioga mote mafi fakapatino. E tonu, a Tino Valo (the Crier) ko oti ne tagi atu, i taimi ko oti ne tusia mai, ka ko latou ko la ko oti ne lavea ne latou a te gali kese o Sinai ko oti ne matapo keatea i te togavao o te fakatuai, mai i mua o te afioga fakamataku o tou Aliki, te Aliki o te foafoaaga. E sili atu a te pu ili: “Ko oti ne fakatagi ate puipila?” Fai atu: “Ao, mai i te Tupu o te Fakaasiiga (King of Revelation)! I taimi ko sopo a Ia ki luga i te kalauna-a-tupu o Tena Igoa, ko te Alofa Fakamagalo Katoatoa.” A te pouliga ko oti ne afuli keatea ne te mainaaga kamata o te alofa fakamagalo o tou Aliki, te Kamataga o mainaaga katoa. A te matagi ili malielie o te Alofa Fakamagalo Katoatoa ko agi agi, ka ko agaaga ola ko tu mai fakavave mai i tugamau i olotou fuaitino. Tena la a te ikuuga ko oti ne fakataunu ne te Atua, ko te Mafi, ko te Alofa-Fai-mealofa. Latou ko la ne teke a te mea tonu e fai atu penei: “Anafea ne maalepe ki lalo a lagi?” Fai atu: “I taimi koi takato koe i tanu mate o te se fakalogo mo te agasala.” Mai ia latou e seai ne olotou talitonuuga ko ia te la e mili ona mata, kae kilo ki te fakamatua mo te fakamaui. Fai atu: “Ke tauaso a koe. E seai se lafiiga e tele koe ki ei.” Kae mai ia latou ko ia te la e faipati atu penei: “Ko oti a tagata ne luku fakatasi?” Fai atu: “Ao, mai i Toku Aliki! I taimi koi takato koe i te fale o manatu fakasupasupa.” Mai ia latou se tasi ne fai atu: “Ko oti ne tuku ifo ki lalo a te Tusi mai i te maalosi o te Talitonuuga tonu?” Fai atu: “A te Talitonuuga tonu ia ia e fakaofoofo gina. Maataku a koutou, O tagata o te loto malamalama! Kae mai ia latou se tasi ne fai atu penei: “Ko oti au ne luku fakatasi o niisi, tauaso?” Fai atu: “Ao, mai ia Ia tela e sopo kae e tele i luga i kaumana!” Palataiso ko lakei gina ki pula losa faka ofoofo gina, ka ko seoli ko oti ne fai pe la me se ulaaga o te afi o te agasala. Fai atu: “A te mainaaga ko oti ne sulu maina atu ki mua mai i te sikulagi o te Fakaasiiga, ka ko te lalolagi katoa ko oti ne fakamaina i te oko mai o Ia Tela ko te Aliki o te Aso o te Feagaiiga! (Him Who is the Lord of the Day of the Covenant)” A latou fakalotoloto-lua ko oti ne

tanumia, ka ko ia tela ne fuli, takitaki gina ne te mainaaga o te fakatalitonu, ki te Aso Kamata o te Talitonu Mautinoa Tonu (Certitude) ko maumea. Fakamanuia a koe, te la ko oti ne fakapiki a tena taumata ki luga ia Au, auaa i te Tapeleti tenei ko oti ne tuku ifo mo koe – se Tapeleti ne fai ne ia a agaaga ola o tagata ke lele. Tauloto ki tou mafaufau, kae laulau a ia. Mai i Toku ola! Mea nei se mataloa ki te alofa fakamagalo o tou Aliki. E lei kia ia te la e laulau ne ia i te afiafi po mo te fakavaveao. A Matou, e tonu, ne lagona a tau tavaeega ki te Fakatokaaga tenei, mai i ei ne malepe a te mauga o te poto, ka ko vae o tagata ko seke. Ko Toku matagofie ke i luga ia koe kae ke i luga foki i so se tino tela e fuli atu ki te Mafi Katoatoa, ko te Alofa Mataefa Katoatoa. Ko gata a te Tapeleti tenei, ka ko te ulu tala e seki gata. Ke lava a te onosai, aua i tou Aliki e onosai.

Mea nei ko kupu ne tuku ifo ne Matou mai i mua, kae ne tuku ifo ne Matou kia koe, ko koe ke mafai o fakamasani mo mea pelo ko oti ne faipati gina ne latou, i taimi e vau a te Atua kia latou mo te mafi mo te nofoaiga-faka-tupu. A fakavae o te mafaufauga seai ne aoga ko pole pole, ka ko te lagi o manatu faka moemiti ko maofaofa ki lalo, ka ko tino ko nofo mo te fakalotoloto lua mo te faka kinau mo Ia. Ko oti ne fakapelo ne latou a fakamaoniiga a te Atua mo Ana faka talitonuuga, mai tua i te vauga a Ia mai i te lagi o te maalosi mo maalo o Ana failoga. Ko oti ne liakina ne latou a mea ko oti ne tusi mai, kae solisoli ne latou a mea ko oti ne faka tapu mai i loto i te Tusi. Ko oti ne liakina ne latou a te Atua, kae piki mau ki olotou manakooga. Ko oti a latou ne olo keatea kae ko se kii a latou. Ko oti ne faitau a latou i kupu kae e se talia ne latou. E lavea fakalei ne latou alofaga kae e fuli loa keatea. A latou e tonu ko galo atu loa i se galo e fakaofoofo gina.

Ko oti Matou ne akoako ki Omotou tino fagasele ke mataku ki te Atua, se mataku te la ko kamataga o mea lei mo uiga lei katoa. Ko te takitaki (commander) o lukuuga o te fakamasino tonu (hosts of justice) i te fakai lasi o Bahá. Fiafia a te tagata ko oti ne ulu ki te ata o tena tulaga maina, kae puke mau kii loa ki ei. A Ia, e tonu, ko te Taugasoa o te Tusi o te Feagaiiga (Companions of the Crimson Ark), te la ko oti ne fakasino mai i te Qayyúm-i-Asmá.

Fai atu: O tino o te Atua! Fakagaligali outou foagaulu ki te lakei o te

fakatalitonugina mo te amio faka-atua. Feasoasoani, na la, a te outou Aliki ki lukuuga o te amio lei mo uiga tavaegina. Ne fakatapu ne Matou a koe mai i te fakakinau mo te fai taua i Aku Tusi mo Aku Mataupu Silisili, mo Aku Kofuuga Laupepa (Scrolls), mo Aku Tapeleti, kae e manako gina e seai aka foki na ko te faka maluga o koe mo te fano ki mua. Ki luga i te mea tenei e fai mo molimau a lagi mo fetu, mo te laa mo tena mainaaga, mo lakau ola mo olotou lau, pe la foki mot e tai mo galu mai i ei, pena foki a te lalolagi mo kope taaua mai i ei. E talosaga a Matou ki te Atua ke feasoasoani ki Ana fagasele, kae feasoasoani kia latou i mea ko la e fakatau a latou me e lei mo latou i te tulaga fakamanuia gina kae fakaofoofogina tenei. E se gata i ei a Matou e akai fakamolemole kia Ia ke fakamafai aka mo te alofa o latou ko la e siomio ne latou Aku ke tautali ki te mea ne fakatonu mai ne Taku Pene o te Matagofie ki luga ia latou.

O Jalíl! Ki luga ia koe ko Toku matagofie mo Toku atamai alofa gia. E tonu ko oti Matou ne fakatonu ki tino ke fai ne latou a mea te la e tau kae gali e uiloa a latou ko oti ne fai ne latou a mea ko la a Toku fatu mo Taku Pene ke tagi. Fakalogo a tou taliga ki mea ko oti ne tuku ifo ki lalo mai i te lagi o Toku Finagalo mo te tulaga o Tou fiafiaaga-lei. Au e se fanonoa i Toku puke faka pagota, io me ko mea ko la ne poko mai kia Au i lima o oku fili. Ikaai, Oku fanoanoa e tupu mai ia latou ko la e fai ia latou e kaaiga mai kia Au kae e te la la a latou e fai a mea e ala i ei a te leo o Aku tagi ke avaka ki luga mo Oku loimata ke sofi ki lalo. Ko oti ne fakatonu atu ne Matou kia latou i Tapeleti kese kese kae akai totuli ki te Atua ke feasoasoani mo te alofa kia latou, ke mafai ne latou o futi ke pili atu kia Koe kae ke faka patonu a latou i mea ko la e aumai ne latou a te filemu ki loto mo te nofo tooka ki agaaga ola kae ka tausi olotou lima mai i so se mea te la e se lei i Ou aso.

Fai atu, O Aku fagasele i Oku fenua! Fakalogo outou taliga ki polopoloakiiga a Ia Tela ne fakatonu atu kia koutou ona ko te Atua. A Ia i te tonuuga ne faiite a koe, ko oti ne fakaasi mai i mua o ou mata ko la e fakamaluga a koutou kae atiake i ei a mea ko la e lei mo koutou. Ko oti a Ia ne fai ke iloa ne koutou ki Tena Auala tonu kae fakamasani a koutou ki Tena Fakapulaaga Tafasili i te Takutakua.

O Jalíl! Fakatonu ki tagata ke mataku ki te Atua. Mai i te Atua! A te mataku tenei ko te takitaki pule (commander) o te kautau o tou Aliki. A fatamaa o ia e tavae gina i uiga mo faiga lei a latou. Mai i ei ko oti a fakai lasi o loto o tagata ne taala i vasi o tausaga mo senitenali, ka ko tulaga o te fanaka ki luga mo te manumaalo ko oti ne sisi aka ki luga atu i tulaga katoa.

Ka fai atu nei ne Matou kia koe a te Fakatalitonugina (Trustworthiness) mo tena tulaga i te fakatau a te Atua, tou Aliki, ko te Aliki o te Tulaga-a-Tupu Mafi. I te aso e tasi o aso ne malolo atu Matou ki te Motu Lanu Launiu o Matou (Our Green Island). I taimi ne oko atu Matou, ne lavea ne Matou a te taafe mai o vaaitafe foliki (streams flowing), mo ona lakau ola e lau usiusi, mo te vae o te laa kasa e nofo ia latou. Ka fuli a Omotou Mata ki te feitu fakamatua, e lavea ne Matou a te pogai e se maua i ei ne te pene o fakamatala; io me e mafai o tuku atu ki mua i mea ko la a te mata o te Aliki o Tino (Lord of Mankind) ko oti ne molimau gina i te Kogaa Koga tafasili i te fakamana, tafasili i te maluga, fakamanuia gina kae faka malu gina. Ka fuli, tena la, ki te feitu fakamaui e taumata a Matou ki luga i te tasi o Gali (one of the Beauties) o te Toe Palataiso Maluga (the Most Sublime Paradise, e tu i luga i se pou o te mainaaga, kae kalaga atu ki luga penei: “O tino o te lalolagi mo te lagi! Taumata a koe ki Toku gali, mo Toku mainaaga fiafia, mo Toku malifalifa. Mai i te Atua, ko te Tokotasi Tonu! Au ko te Fakatalitonugina (Trustworthiness) mo te fakaasiiga o ia, mo te gali o ia. Au ka taui so se mea te la e piki mai kia Au, kae fakamatea a Toku laina mo te tulaga, kae piki mau ki te kapa o tou gatu. Au ko te lakei tafasili i te takutakua (most great ornament) o tino o Bahá, mo te gatu o te matagofie ki tino katoa ko la i te maalo o te foafoaaga. Au ko te mea fai galuega tafasili i te maluga (supreme instrument) mo te tulaga maumea o te lalolagi, mo te sikulagi o te fakatalitonu ki tino katoa.” Tena ko oti ne tuku ifo ne Matou mo koe a mea kola ka futi mai i ei a tagata ki te Aliki o te foafoaaga.

A te Pene o te tafasili i te Maluga ne fuli mai i te gana mautua19 (Arabic) ki te tasi malifalifa20 (Pelesia) tela a koe, O Jalíl, ke mafai o talia a te alofa atafai o te Aliki,

ko te Tasi e se fakatusa gina kae ke mafai ko latou ko la e fakafetai mo te fakapatonu.

O ko Koe ko oti ne fakamau a tau kilo ki luga i te sikulagi matagofie katoatoa! A te Kalaga ne avaka ki luga ka ko taliga fakalogologo ko mutana, io me e seai foki loa. A te Tokotasi ne Faka See Gina tenei ne maua a ia foki loa i muagutu o te gata, kae e uiloa a Ia ne seki fakatamala ki fagasele a te Atua. Ne tu poolo ate matagaa o te tigaina o Matou i aso konei te la a te Lukuuga Mana mai i Luga (Concourse on High) ne sali loimata kae pakalaga i te tagiiga. Seai ne fakalavelave o te lalolagi io me se faka tigaina e fai ne se fenua e mafai o fai a Ia Tela ko te Tupu o te Favavau (King of Eternity) mai i te fakaleo atu o Tena kalaga (His summons) io me e fakalavelave gina a Tena pogai. Kafai a latou i te fia o tausaga ne muni mai i tua o veli ko atafia ne latou i te sikulagi o te Fakatokaaga ko malifalifa ka ko te Muna a te Atua (Word of God) ko salalau, ne tele mai a latou ki mua mo pelu taua mo te kaitaaua kae fakamae ne latou i se tulaga te la e seai se pene io me se laulaufaiva ne mafai o fakamatala.

Latou ko la e fakamasino mo te fuafuatau fakamaoni (fairness) e molimau me talu mai i aso kamata o te Fakatokaaga a te Tokotasi ne Faka-See-Gina ko oti ne tu aka ki luga, seai ne veli i te malifalifa, i mua o mata o tupu mo tino, i mua o pule takitaki mo tino maluga i lotu, kae ko oti, pela me ne peele tagi tagi, ne kalaga atu ki tagata katoa ki te Auala tonu. A Ia e seai se feasoasoani na ko Tena Pene, io me se fakamafanfana na loa ko Ia ia Ia.

Latou ko la e valea io me e se fakalogo ki te pogai fakagalue (motivating purpose) o te Fakatokaaga ko oti ne teke atu kia Ia. A taagata pena ko latou e faakasi mai a te masei, te la a te Atua ko oti ne tusi i loto i Tena Tusi mo Tapeleti (His Book and Tablets) kae e teke ki tena pokotia, pakalaga, fakaloiloi ko oti ne fakailoa mai ne Ia ki Ona tino. E lei mo latou ko la, i te masausauaga o te Aliki o te Favavau (Lord of Eternity), e fai ne latou i tino o te lalolagi ne seai ne aogaa, ne mea ko puli atu, kae taofi mau ki te Atua i se auala atamai te la e seai se falotolotolua io mene fakatauuga, io mene pelu taua, io me fana taua lasi e mafai o taofi a latou io me e fakaseai a latou mai i Tena nofo mai. Fakamanuia gina a latou ko la e fakatuanaki; fakamanuia gina a latou ko la e tu makeke i Tena Talitonuuga.

E uiga mo tau fakatagi a te Pene o te Matagofie ko oti ne fakamatala alofa mai a tulaga mo togi o te Toe Tafasili i te Se-Mafai o Se (Most Great Infallibility). A te pogai ko tino katoa ke iloa ne latou faka patonu loa i te Fakaotiga o Pelofeta (Seal of the Prophets)21 (Muhammad) – ke mafai a agaaga ola o latou katoa na ko Ia ke tuku atu mo Ia – e seai sena faka pau, fakatusa io me se tino kau fakatasi i Tena Tulaga loa ia Ia. A Latou Mana22 (The Imams) – ke mafai a fakamanuiaaga a te Atua ke i luga ia latou – ne faiite mai i te maalosi o Tena Muna (His Word) , kae mai i tua ia Ia ko latou tafasili i te poto mo te takutakua i vasia o tino kae e nofo i te tulaga toe sili i te tavini.

Ko oti ne ioa fakamaina kae mautinoa kia koe i te Uiga Tonu faka-te-lagi (divine Essence) e maluga fakafia atu i so se fakapauuga mo so se fakatusa, ka ko Tena kano loto Tonu (his inmost Reality) e fakamanuia gina mai i luga atu o so se tino io me se soa. Mea nei se tulaga o te fakatasitasi tonu kae tafasili i te taaua a tena tokotasi. A taugasoa tautali o Fakatokaaga i taimi mua atu ne fakatamala kii loa ke maua ne latou se malamalama e lava mo te tulaga tenei. A te Poini Muamua (Primal Poini)23 (The Bab) – ke mafai a ola o latou katoa na ko Ia ke tuku atu mo Ia – e fai atu: “Kafai a te Fakaotiga o Pelofeta (Seal of the Prophets) ne seki faipati gina a te pati ‘Suiakiiga (Successorship),’ a se tulaga pena ne seki tau o faiite.” A tino i taimi ko teka atu ne fusi ki loto pe la me ne tino galue fakatasi mo te Atua, kae fakamaoni loa ia latou e talitonu i Tena fakatasitasi; kae e ui i ei a latou ko toe tino seki akoako loa mai i loto i tagata, ka ko latou e talitonu ia latou ko toe tino fai mea e mafai loa. Kae, pe la me se masauaaga o te fakasalaaga faka-te-lagi ki luga ia latou e se fakalogo, a olotou talitonuuga e se tonu mo mea a latou e fai, i te Aso o te Fakamasinoga (Day of Judgement) tenei, ko oti ne fakamaina kae e iloa ki tagata taki toko tasi katoa ko la e atafia kae maina.

Akai totuli ki te Atua, ko te Tonu Tokotasi ko te mea ko Ia ke mafai o alofa o puipui a taugasoa o te Fakaasiiga tenei mai i manatu seai ne aoga mo mafaufauga faitogaiti o latou ko la e olo i te Taalitonuuga mua, kae ke se fakaseai a latou mai i te gali silisili o te fetuao o te tina fakatasitasi.

O Jalíl! A Ia Tela ne fakaseegina ne te lalolagi e folafola atu penei: A te mainaaga o te Faimasinoga Tonu (the light of Justice) ko mate mate, ka ko te laa o te Fuafua Fakapau (the sun of Equity) ko pono mai i mata. A te tino kaisoa ko nofo i te nofoaga o te puipui mo te tausi, ka ko te tulaga o te fakamaoni ko oti ne puke ne te tino fakaloiloi. E tasi tausaga ko teka se tasi teke ne pule ne ia a te fakai lasi, kae i mu taimi katoa e isi faeloa ne fakalavelave fou e oko ki ei. Mai i te amio tonu o te Aliki! A ia ne faka mafua ne ia a te fakamataku ki loto o tagata. Kae ki te Pene o te Matagofie a te sauaa o te lalolagi e se mafai lele loa io me e fai mo fakalavelave. I te lausa o te agalelei o Matou mo te alofa-kaimalie ko oti ne folafola atu ne Matou kae maise ki takitaki mo minisita o te lalolagi a mea ko la e aoga ki te seai ne fakalavelave mo te puipuiiga (safety and protection), nofo tooka mo te filemu (tranquillity and peace); fiafia a tama a tagata ko nofo tooka mai i te masei o te sauaa. A Ia, e tonu, ko te Puipui (the Protector), ko te Feasoasoani (the Helper), ko te Foai o manumaalo (the Giver of victory). E tau mo tagata o te Fale Fai Fakamasinoga Tonu o te Atua ke tuku tonu a te olotou kilo i ao mo po ki luga ki mea ko la e sulu maina mai i te Pene o te Matagofie mo te akoakoaga o tino, te atiakeega o fenua, te puipuiiga o tagata mo te tausiiga o tena maalu.

Gali Matagofie muamua

Ka fai a te Fetu Ao o te Atamai e fanaka ki luga atu i te sikulagi o Vaaitaimi Mana o te Atua (God’s Holy Dispensation) e faka leo atu a tena faipatiiga matagofiekatoatoa: Latou ko la e nofo mo te maumea (wealth) mo te pule mo te maalosi (invested with authority and power) e tau o fakaasi atu a te aava lasi lasi mo talitonuuga. I te tonuuga, a talitonuuga se mainaaga fakafiafia mo se olo-maalosi e se-mafai o ofagina mo te puipuiga mo te nofo-llei o tino o te lalolagi, aua i te mataku ki te Atua e fai ne ia a te tagata o te lalolagi, ke piki mau ki mea ko la lei, kae liakina a mea e se-llei. Kafai a te lamepa o te talitonuuga e pono, a te faivalevale mo te numi ka tautali mai, ka ko te mainaaga o te fakamaoni mo te fai mea tonu (of fairness and justice), o te tokaaga malie mo te filemu (of tranquillity and peace) ka gata o maina. Ki te mea tenei ka fai mo aku molimau a so se tagata o te malamalama.

Lua o Gali Matagofie

Ko oti Matou ne fakatonu atu ki tino katoa ke fakatu a te Filemu Foliki (Lesser Peace) – ko te auala mautinoa tonu o auala katoa mo te puipuiiga o tino katoa. A tupu o te lalolagi e tau, mo se fakanofooga e tasi, taofi mau kiei, auaa e tenei a te feagaiiga maluga e fakatalitonu i ei a te puipuiga nofo toka mo te nofo lei o tino mo fenua katoa. A latou, e tonu, ko fakaasiiga o te maalosi o te Atua mo te aso kamata o Tena puleega. Matou e akai totuli ki te Mafi-Katoatoa ke mafai ne Ia o fesoasoani alofa kia latou i mea ko la e llei ki te nofo llei o latou. Se fakamatalaaga lasi e uiga mo te mataupu tenei ko oti ne tuku atu muamua ne te Pene o te Matagofie; e aoga mo ia tela e fai ne ia e tusa mo te fakamatalaga tena.

tolu o Gali Matagofie

Se mea e tau o fai ne tino taki toko tasi katoa ko te fakalogo ki fakatonuuga a te Atua (God’s holy commandments), aua me ko te vai-ola o te olaaga o te lalolagi. A te lagi o te atamai faka-te-lagi e fakamaina ne mainaaga e lua ko te faipati fakatasitasi (consuktation) mo te atafai (compassion) ka ko te fakamalu o te fakanofooga-llei o te lalolagi ka avaka ki luga i pou e lua ko te taui mo te fakasala (reward and punishment).

fa o Gali Matagofie

I te Fakaasiiga (Revelation) tenei a lukuuga e mafai o manumaalo ko lukuuga o faiga tavaegina mo uiga amio tonu (praiseworthy deeds and upright character). A te takitaki (leader) mo te takitaki (commander) o lukuuga konei mai anamua loa ko te mataku ki te Atua the fear of God), se mataku tela e aofia iei a mea katoa kae e pule i luga i mea katoa.

te lima o Gali Matagofie

A Maalo e tau o fakamasani ke iloa ne latou katoatoa a fakanofooga o tino ko la e pule pule ne latou, kae avatu kia latou a tulaga e tusa mo te mea a latou e mafai o fai. E fakatonu atu ki so se pule io me se tupu ke mafaufau ki te mataupu tenei mo te fakaeteete ko te mea ko ia tela faitogafiti ke se mafai ne ia o sopoia atu ite tulaga o ia te la fakamaoni, io me ko te tulafono a ia e fakamasei mea e suiaki mo ia tela e fakatalitonu gina. Mai i tafa o ofisa o te maalo ko la i taimi ko teka ne pule pule i loto i te Falepuipui Tafasili i te Takutakua (this Most Great Prison) tenei, tavaegina a te Atua, ne faka lakei ki te fakamasino tonu, kae ko niisi aka, ko Matou ke lafii ki te Atua. E akai fakamolemole atu Matou ki te Tokotasi ote Atua tonu ke takitaki mai a latou taki toko tasi mo katoa, ko te mea ke fiafia kae e se fakaseai mai ia latou a te fuaga lakau kaina o te talitonu mo te fakatalitonu gina, io me e tofi mai ia latou a te mainaaga o te se kau kau i se tino mo te fakamsinoga tonu.

te ono o Gali Matagofie

ko te fakatasi mo te fealofani i vasia o tama a tagata. Mai i te kamataga o taimi a te mainaaga o te fakatasitasi ko oti ne sulu maina a tena mainaaga fiafia faka-te-lagi ki luga i te lalolagi, ka ko te auala tafasili i te lei mo te fakamasikiiga o te fakatasitasi tena ko tino o te lalolagi ke maina i te faipati mo te tusi tusi a sua tino. I Tusi mua atu (former Epistles) a matou ne fakatonu ki luga i Tino Tausi o te Fale Fakamasinoga Tonu ke fili fili se gana e tasi mai i gana kona e tavili gina io me e faka-aoga se gana fou, kae e pena foki a te tusi tusi ke fili fili se tusi tusiiga e faka-aoga i koga katoa, ka ko laua kona ke akoako i akoga o te lalolagi. Ko fatoa mafai o lau a te lalolagi me se fenua e tasi mo te fale e tasi. Ko te fuaga lakau kaina tafasili i te matagofie o te lakau ola o te poto ko te muna faka maluga gina: Mai i te lakau ola e tasi koutou katoa ko ana fuaga lakau kaina, kae mai i te maga kaula e tasi koutou katoa ko ona lau. Ko tagata ke se miita ia ia e alofa ki tena fenua, ka ko ia ke miita ia ia e alofa ki tena itukaaiga. E uiga mo te mea tenei a Matou ko oti ne fakaasi atu mai mua me e manako gina a te toe faiteega o te lalolagi mo te fakatasi o fenua. Fakamanuia a latou ko la e oko atu ki ei. Fakamanuia a latou ko la e galue ki ei.

te fitu o Gali Matagofie

A te Pene o te Matagofie (Pen of Glory) e akoako mai ki tino taki toko tasi katoa e uiga mo te fakatonuuga ki te akoakoga o tamaliki. Ke lavea a te mea ne folafola atu ne te Finagalo o te Atua (Will of God) ki luga i te oko atu o Matou ki te Fakai Falepuipui (Prison City) te la e fakamau i te Tusi Tafasili ite Mana.24 (Kitabi-Aqdas) Ki tamana taki toko tasi katoa ko oti ne fakasino a te fakatonuuga o tena tama tagata mo tena tama fafine i te atamai o te faitau mo te tusi tusi i mea katoa ko oti ne fakamoe ki lalo i te Tapaleti Mana (the Holy Tablet) A ia te la e tuku keatea a te mea ko oti ne fakatonu mai kia ia, ko Tino Tausi (Trustees) ka puke ne latou mai ia ia a mea ko la e tau ki te olotou fakatonuuga, kafai a ia e maumea, kafai e se maumea ko te mataupu ka fano ifo ki luga i te Fale Fai Fakamasinoga Tonu (House of Justice). E tonu, ko oti ne fai ne Matou a se fakamaalu malu mo latou mativa kae oge. A ia tela e avaka a tena tama tagata io me ko te tama tagata a sua tino, e pe la loa me ko ia ne avaka ne ia a Taku tama tagata; ki luga ia ia ko Toku Matagofie (My Glory), Toku Alofa-Kaimalie (My Loving-Kindness), Toku Alofa Fakamagalo (My Mercy), ko siomioa i ei a te lalolagi.

te valu o Gali Matagofie

A te fuaipu tenei, nei ne tusi ne te Pene o te Matagofie (Pen of Glory), e aofia me se feitu e tasi o te Tusi Toe Tafasili i te Mana (the Most Holy Book): A tagata o te Fale Fai Fakamasinoga Tonu o te Atua ko oti ne fakapogai kia latou a te fakateleteleega o te fakanofooga o tino. A latou, i te tonuuga, ko Tausi a te Atua (Trustees of God) i vasia o Ana tavini mo aso kamata o te pule i Ona fenua.

O tino o te Atua! A te mea te la e akoako i ei a te laolagi ko te Fakamasinoga Tonu (Justice), aua a ia e tu i luga i pou e lua, ko te taui mo te fakasala (reward and punishment). A pou e lua konei ko kamataga o te ola ki te lalolagi. Pela eiloa i aso taki tasi e isi faeloa se fakalavelave fou kae mo fakalavelave taki tasi katoa e isi se fooga ki ei fakavave, a fakateleega kona e tau o avatu ki te Fale Fai Fakamasinoga Tonu ko sui i ei ke mafai ne latou o fai se faiga e tusa mo manakoga o taimi. Latou ko la, ona ko te Atua, e tu ki luga o tavini a Tena Fakatokaaga, ko latou e maua ne latou a te fakamaalosiiga faka-te-lagi mai i te Maalo e se lavea gina. E tau mo tino katoa o fakalogo kia latou. A mataupu katoa o te Atufenua io me ko te Maalo e tau o tuku ki te Fale Fai Fakamsinoga Tonu, ka ko faifaiiga o talosaga e tau o fai e tusa mo mea ko oti ne folafola mai ne te Atua i Tena Tusi.

O tino Bahá! A koutou ko maalu malu o te alofa o te Atua mo aso kamata o Tena alofa-kaimalie. Sa fakalailai gina a outou laulaufaiva ne so se agaaga ola faka tupu taua kae masei kae seai se aava, kae tausi a outou mata mai i mea ko la e se tau. Tuku atu ki mua a mea ko la e nofo mo koutou. Kafai e talia mo te fiafia, a tou manakoga ko oti ne fakataunu; kae kafai e se talia, e seai se aoga ma fakaasi a te outou se fiafia. Liakina a te agaaga ola tena kia ia loa kae fuli ki te Aliki, ko te Puipui,

ko te Ola-loa-ia-Ia. Sa fai koutou mo pogai o te fanoanoa, pe la foki mo te se fealofani mo te fai taua. Ko te fakamoemoega e fakataaua ko koutou ke mafai o maua a te tinaa akoakoaga i te malu o te lakau ola o Tena alofa atafai kae galue koutou e tusa mo mea e manako gina ne te Atua. A koutou ko lau lakau katoa o

te lakau ola e tasi mo motiiga o te vasa e tasi.

te iva o Gali Matagofie

A te pogai o te talitonuuga pe la mo te mea ne folafola mai i te lagi o te Finagalo o te Atua ko te mea ke fakatu a te fakatasitasi mo te fealofani i vasia o tino o te lalolagi; ke se fai gina me ko te pogai o te faka kinau mo te fai taua. A te talitonuuga a te Atua mo Tena tulafono faka-te-lagi ko toe mea fai galuega maalosi eloa mo te tinaa auala mautinoa tonu mo te futi mai o te mainaaga o te fakatasitasi i vasia o tagata. A te fano ki mua o te lalolagi, ko te atiakega o fenua, ko te nofo tooka o tino, mo te filemu o latou katoa ko la e nofo i te lalolagi ko naai akoakoga fakavae mo tulafono a te Atua. A talitonuuga e aumai ki luga i tagata a toe mea alofa tafasili i te taaua i mea alofa katoa, e maua i ei a te ipu ote maumea, e aumai i ei a te ola e se gata, kae ligi ifo a mea lei e se mafai lele o tanumia ifo ki luga i tino katoa. E manakomia ko aliki mo pule o te lalolagi, kae ma ise ko Tausi o te Fale Fakamasinoga Tonu o te Atua, ke taumafai ki te mea e mafai ne latou i te olotou maalosi o tausi a tena tulaga, atiake a mea lei kae fakamaluga a tena tulaga i mata o te lalolagi. E pena foki se mea e tau mo latou o silisili ki luga i fakanofonofooga o olotou tino kae fakamasani latou mo faifaiiga mo mea e fai i komiuniti kese kese i loto i olotou atufenua. E kalaga atu Matou ki luga i fakaasiiga o te maalosi o te Atua – ki tupu mo pule i luga i te lalolagi – ke gasuesue aka latou o fai a te mea e mafai i te olotou maalosi ko te mea ke mafai ne latou o fiafia o fakaseai keatea a te nofo se fealofani mai i te lalolagi kae fakamaina atu ki te mainaaga o te lototasi.

E tau mo tino taki toko tasi katoa ke puke mautakitaki kae tautali ki mea ko la e taafe mai i te Omotou Pene Tafasili i te Maluga. Te Atua, te Tokotasi Tonu, e fai mo Aku molimau, ka ko atomu taki tasi katoa i te foafoaaga tenei e molimau i faifaiiga pena ko la e ala i ei a te fakamasikiiga ki luga, ki te fano ki mua, ki te akoakoga, ko te puipuiiga mo te toe fakaolaaga o tino o te lalolagi ko oti ne fai fakalei mai loa ne Matou kae folafola atu i te Tusi Mana mo Tapeleti ne te Pene o te Matagofie.

E akai fakamolemole a Matou ki te Atua ke feasoasoani alofa ki Ana tavini. A te mea e manako gina ne te Tokotasi ne Faka See Gina tenei mai i tino taki toko tasi katoa ko te fakamasinoga tonu mo te fuafuatau fakamaoni. Ke seai se tino e loto mae mo mea ne lagona; kae e manakogina ko tino taki toko tasi katoa ke kilo ki mea ko oti ne folafola mai ne te Tokotasi ne Faka See Gina tenei. Au e tauto i te Fetu-Ao o te faipatiiga, e mainaina i luga atu o te sikulagi o te Maalo o te Alofa Fakamagalo Katoatoa, moi fai e isi aka se tino fakamatala io me se sipika e iloa atu, penei a Matou e se fai ko Matou ke fai mo mea e fatufatugina, fakatauemu kae fakaitaita pelo a tino.

I taimi ne oko atu Matou ki ‘Iráq ne maua ne Matou a te Fakatokaaga a te Atua

ko apulu ifo loa ki lalo i te fakaalofa ka ko te matagi ili malielie o te fakaasiiga fakate-lagi ko seai loa se gasuesue malie i ei. A te taulasiga o taugasoa ko vaaivai kae maua ne loto seai se maalosi, ko galo kae ko mate lele loa. Tena la ne isi se fakatagi o te Pu i te fakalua o taimi (second blast on the Trumphet),’ mai i ei a te Laulaufaiva o te Matagofie Silisiliese ne faipati a muna fakamanuia konei: “Ko oti Matou ne fakatagi a Pu i te fakalua (sounded the Trumphet for the second time).” Tena i ei ne faka ala aka a te lalolagi mai i te manavaaga faka maalosi o te fakaasiiga faka-te-lagi mo te fakamaalosi.

Ko niisi agaaga ola ko oti nei ne fai taua mai i tua o veli, loto makeke o fakamae a te Tokotasi ne Faka See Gina. Ko oti ne fakagata kae fakaseai ne latou a te ligi ifooga o te alofa matefa tenei e seai e maua o togi.

O koutou ko la e fakamasino mo te fuafua fakamaoni (judge with fairness)! Kafai a te Fakatokaaga tenei ko fakaseai sea la se isi fakatokaaga aka i te lalolagi sao io me e fai pe la me e mafai o talia gina?

A latou ko la ne fuli keatea mai i te Fakatokaaga a te Atua ko oko loa i te salasala o tae fakatupu ne latou a te Tusitusiiga Mana o te Fakaasiiga tenei; kae ko oti foki a latou, mai i takokolega faka taugasoa, ne mafai o maua naai Tusilima konei mai ia latou ko la ne nofo mo latou. Se gata i ei, kafai ko fetaui mo tino o niisi talitonuuga, ko fai ia latou ne taugasoa iloto i ei. Fai atu, mate koutou i loto i te outou kaitaua! E tonu ko oti a Ia ne sae mai mo se puleega tafasili i te takutakua e seai se tagata o te kilo mao, o te lagona, o te matakite, o te fakamasino tonu, o te fuafua fakapau e mafai lele loa o fakapelo a Ia. Ki te mea tenei e fai mo molimau i te Itulaa malifalifa tenei ko te Pene a Ia Tela ko te Favavau o Aso.

O Jalíl! Ki luga ia koe ko Toku Matagofie. A matou e akoako atu ki fagasele a te Atua ke fai a te amio lei ko te mea ke mafai koutou o feasoasoani gina mo te alofa kae ke mafai ia koutou o taofi mau ki mea ko la ko oti ne tuku ifo ki lalo mai i te lagi o Tena Fakaasiiga. A mea lei e maua mai i te faipatiiga faka-te-lagi konei ka nofo ki luga ia latou ko la e tautali ki Ana akoakoga. Matou e akai fakamolemole ki te Atua ke fakamafai aka a latou ke fai a te mea e fakafiafia kae talia kia Ia, ke talia ko latou ke mafai o fai mo te fuafua fakapau kae tautali ki te fakamasinoga tonu i te Fakatokaaga tafasili i te ao-fakatasi o tino katoa, ke fakamasani a latou ki te Tena Tusilima Mana kae fakasino a olotou kalafaga ki Tena Auala tonu.

A te Omotou Takitaki Ala Maluga – ke mafai a te ola o latou katoa na ko Ia ke tuku mo Ia – ko oti ne fola fola mai a naai tulafono. Kae tena la, i te tulaga o Tena Fakaasiiga a tulafono konei ne fai kae e fakasaoloto ne Matou, tena la a te Tokotasi ne Faka See Gina ko oti ne fakagalue ne Ia a nisi ko ala i ei o faulu ki loto i te Kitábi-Aqdas i muna kese kese. Ka ko niisi ne fakaatea aka ne Matou. E nofo i Tena lima a te pule. E fai ne Ia so se mea e finagalo mo Ia kae e fakaeke ne Ia so se mea e fiafia a Ia ki ei. A Ia ko te Mafi-Katoatoa, ko te Tavae Gina Katoatoa. E isi foki ne tulafono foliki fou ko oti ne toe fakaasi mai. Fakamanuia kia latou ko la ko maua. Fakamanuia kia latou ko la e tautali ki Ana akoakoga.

A tino o te Atua e tau o taumafai ki te mea e mafai i te afi o te ita mo te fakakaitoa e sunu i fatafata o itu-kaaiga mo tino e mafai, mai i te vai ola o te faipati mo akoakoga a Ia Tela ko te Manakoga o te lalolagi, o tamate ka ko lakau ola o te olaga ka mafai o fakalakei ki te fuaga lakau kaina tafasili i te gali. A Ia, i te tonuuga, ko te Fakatonutonu (the Admonisher), ko te Alofa Atafai (the Compassionate), ko te Alofa Mataefa Katoatoa (the All-Bountiful).

Ke mafai a te mainaaga o Tena matagofie o mainaina i luga atu o te sikulagi o te alofa mataefa ke nofo i luga ia koe, O tino o Bahá, ki luga i tino taki toko tasi katoa ko la e tu makeke mo te fakatuanaki pela foki ki luga ia latou ko la ko pooko kii a te olotou iloa ite Talitonuuga kae fonu a latou i te malamalama tonu.

Pela mo tau fesili e uiga mo te pasene mo te mea e maua mai i luga i te aulo mo te siliva: I naai tausaga ko teka a te fuaiupu tenei ne fakaasi mai i te lagi o te Alofa Fakamagalo Katoatoa (the All-Merciful) o fakamatea a tokotasi e kave ne ia a te igoa o te Atua, te la e fakaigoa kia Zaynu’l-Muqarrabín25 – (One of the early believers who is best known of the friends for his reliable transcription of the Tablets of Baha’u’llah) ki luga ia ia ko te matagofie o te Tafasili i te Matagofie. A Ia – e maluga a te Muna – e fai atu: A te tino tokouke e manako ki te mea tenei. Auaa kafai e seai se pasene e maua mai i ei, a faifaiiga a tagata ka pokotia ki te lepe ki lalo io me e seketaki fakaatea. E sea sea aka loa ko maua se tino e iloa atu me e mafaufau fakalei ki ona taina tagata, ki ona tino o te fenua, io me ko tena taina tonu kae ka fakaasi mai a te alofa tonu atafai kia ia ke manako a ia o tali atu kia ia ne kaitalafu i fakanofooga faka mea-alofa.26 (Such loans as bear no interest and are repayable whenever the borrower pleases) Tela la pela me se alofaaga ki mua i tagata ko oti Matou ne fakasino a te pasene maua i luga i tupe e tau o fai foki loa pela mese faifaiga faka pisinisi masani tela e fai soko i vasia o tagata. Tena la, nei ko oti ne tuku ifo ki lalo a te fakatonuuga maina tenei mai i te lagi o te Finagalo o te Atua, e i loto ite tulafono kae se mea e tau ke tiati a te pasene i luga i tupe, ko tino o te lalolagi ke mafai, i se agaaga o te lei mo te faka taugasoa mo te fiafia mo te fiafia lasi, o tapuaki mo te fakamaoni a latou i te faka lauefaaga o te Igoa o Ia Tela ko te Fagasele-Lei of tino katoa. E tonu a Ia ne fakaeke e tusa mo Tena filifiliiga. Ko oti a Ia ne fakasaoloto i te pasene i luga i tupe e fano tonu mo te tulafono, pela foki loa mo te se fakasaoloto ne Ia i taimi ko teka me e se fano tonu mo tulafono. I Ona lima e taofi ne Ia a te lalolagi ote pule. E fai ne Ia kae fakaeke. A Ia i te tonuuga ko te Fakaeke, ko te Iloa- Katoatoa. Avatu a fakafetai ki tou Aliki, O Zaynu’l-Muqarrabín, mote alofa mataefa ko lavea gina tenei.

E tokouke a faifeau i Pelesia ko oti, mai i fakanofooga mo aofaga e se lausia, ne fakaolaola mai i mea ne maua i auala se-fakamaoni e fakaaoga a te faka kaitalafu o tupe. Ko oti ne faiite ne latou auala e matea atu i te kilo atu i tua me olo tasi mo te tulafono. Pela me se mea tafao e fai ne latou a tulafono mo tulafono foliki a te Atua, kae e se maina a latou. Kae e tena la, mea nei se mataupu te la e tau o fakagalue ki te fuafuatau mo te

atafai fakamaoni (with moderation and fairness). A te Omotou Pene o te Matagofie ko oti, pe la me se mea-alofa o te atamai mo te faka faigofie o tino, o teke atu ke isi se fakatapulaaga e tusi ki lalo. Kae e ui i ei e fai atu ne Matou ki fagasele o te Atua ke tautali i te fakamasinoga tonu mo te fuafuatau fakamaoni (justice and fairness), kae ke fai a mea e fai ne latou a taugasoa o te Atua ke fakaasi aka a te alofa fakamagalo mo te atafai ki mua i tino taki toko tasi. A Ia e tonu ko te Kaunisela (Counsellor), ko te Alofa Atafai ( the Compassiojate), ko te Alofa Mataefa Katoatoa (the All-Bountiful). Ke talia ne te Atua ko tagata katoa ke mafai o feasoasoani gina mo te alofa ke tautali ki mea ko oti ne faipati gina mai ne te Laulaufaiva o te Tokotasi Atua e tonu. Kafai e fakaaoga ne latou a mea ko oti ne fakatoka atu ne Matou, te Atua - ke faka maluga a Tena matagofie – ka mautinoa tonu ka faka tapolo a te olotou tusaga e maua mai i te lagi o Tena alofa mataefa. E tonu a Ia ko te Alofa Kaimalie, ko te Fakamagalo, ko te Alofa Atafai. Tavaeega e io te Atua, kote Tafasili i te Maluga, ko te Tafasili i te Takutakua. .

E ui i ei a te fakateleega o faifaiiga konei ko oti ne fakaeke ki luga i tagata o te Fale Fai Fakamasinoga Tonu ko latou e mafai o fakamaalosi e tusa mo manakoga o te taimi mo fakanofooga o te atamai.

E toe fai atu ia Matou e fakatonu atu ki taugasoa katoa ke tautali ki te fakamasino tonu mo te fuafuatau fakamaoni (justice and fairness) kae ke fakaasi atu a te alofa mo te lotomalie. Ko latou kona ne tinaa tino o Bahá, ko taugasoa o te Fakatokaaga (Crimson Ark). I luga ia latou ko te filemu o te Atua, te Aliki o Igoa katoa, ko te Tufuuga o lagi.

A te Tapeleti tenei e fakatua-tusi kia Áqá Muḥammad, se taugasoa takutakua mai i te fakai ko Qá’in, te la ne fakaigoa kia Nabíl-i-Akbar (see Memorials of the Faithful, pages 1-5). Sua taugasoa takutakua mai i Qá’in, ko Mullá Muḥammad-‘Alí, tela e iloa me ko Nabíl-i-Qá’iní (see Memorials of the Faithful, pages 49-54). I te nota a te igoa o “Muḥammad” e pau a te aoga faka-numela mo “Nabíl.”

Mea nei se Tusi (Epistle) te la a te Alofa-Fakamagalo Katoatoa ko oti ne tuku ifo ki lalo mai i te Maalo o te Faipatiiga (Kingdom of Utterance). E tonu loa se manavaga fou kia latou ko la e nofo i te lalolagi o te foafoaaga. E matagofie a te Aliki o lalolagi! I te Tusi (Epistle) tenei ne taku gina a ia te la e fakalauefa gina a te Igoa o te Atua, tena Aliki, mo ia te la e fakaigoa kia Nabíl i te Tapeleti tafasili i te taaua tenei.

O Muḥammad! Faka logo ki te Leo (Voice) e vau mai i te Tulaga o te Matagofie (Realm of Glory), e kalaga ki luga mai i te Lakau Ola faka-te-lagi (celestial Tree) mana mai i luga te la ko oti ne sae aka mai i luga i te fenua ko Za‘farán1: E tonu, e seai aka se Atua na ko Au, ko te Silisiliese, ko te Atamai. Ke fai a koe pe la mo matagi ili malielie o te Alofa-Fakamagalo-Katoatoa mo lakau ola o te kogaa koga o te ola kae atiake a te olotou ola mai i te maalosi o te Igoa o tou Aliki, ko te Se Fapito, ko te Fakailoa-Katoatoa. E manako Matou ko koe ke faka-taugasoa mo latou ko la e fai mo fakamasauaga ki tino, ko latou e mafai o liakina keatea a mea ko la e isi ia latou kae tuku a olotou mata ki mua i te Atua, ko te Aliki o te fakamaoni.

E ako ako atu ne Matou a tino i aso nei manafai a mata o te Fakamasinoga Tonu (Justice) ko lailai i te pefu, manafai a ulaga o te se-talitonu ko kaa ki luga ka ko te gatu o te atamai ko maofa, manafai a te tokaaga malie mo te seai se talitonu ko fano o masa ka ko fakaosoosoga mo fakalavelave ko atili olo aka o maalosi, manafai a feagaiiga ko ofa gina mo sokooga ko motu, manafai ko seai se tagata e iloa ne ia o lavea a te mainaaga mo te pouliga io me o faka-kese a te takitakiiga mai i te mea see.

O tino o te lalolagi! Liakina a mea tiapolo katoa, taofi mau ki mea ko la e lei. Taumafai ke fai a koutou pe la me ne fakatusa e maina ki tino katoa, kae ne fakamsauaaga tonu ki uiga o te Atua i vasia o tagata. A Ia te la ne tu ki luga o tavini a Taku Fakatokaaga e tau o fakaasi a Toku atamai, kae fakaoti a te maalosi o ave keatea a te valea mai i te lalolagi. Ke fusitasi koutou i te faipati fakatasitasi, ke tasi koutou i te mafaufau. Ke fai a te taeao katoa ke lei atu i tena afiafi ka ko aso fou taki tasi ke maumea atu i te aso anafi. A te taaua o tagata e nofo i tena tavini mo ana uiga kae e seai ko te fakalainaga o te maumea mo te mau koloa. Fakalogo i au muna mana fakaseai mai i mafaufauga faksupasupa mo manakoga faka-te-lalolagi ka ko au amioga ke fakama mai i te faitogafiti mo te masalosalo. Sa sona fai gina a te maumea o otou olaaga taaua i te salaaga o mea masei mo te faitogafiti, io me e fakamaumau a outou maalosi ki te avakaaga o mea ko koe fua e penefiti mai i ei. Ke alofa kaimalie koe i ou aso e uke i ei au mea, kae onosai i taimi e lusi i ei. Fakalavelave e tautali gina ne te manumaalo ka ko te fiafiaaga lasi e tautali gina ne te fanoanoa. Puipui mai i te paiee mo te moe moe, kae puke mau ki mea ko la e lei i ei a tino, latou tuputupu aka io me ko matua, tino maluga io me ko latou malalo. Faeteete ia koe mana tufa ne koe a mouku o te fai fili i vasia o tagata io me e fakaola ne koe a te fakalotolotolua i loto piua kae maina.

O koe ko te fagasele a te Aliki! Sa fai gina a te mea tela ka fakalailai i ei a te vai taafe foliki kae maina o te alofa io me e lepe ne koe a te maanogi suamalie o te fakataugasoa. Mai i te amio tonu o te Aliki! A koe ne faiite ke fakaasi a te alofa ki sua tino kae seai ko te faifitoi mo te ita. Sa fakamatamata i te alofa o koutou mo koutou aka loa kae ki te alofa mo outou itu-kaaiga. Sa faka-mana gina a tou alofa mo tou fenua, kae ki te alofa mo tino katoa. Ke fai ou mata ke ma-takalekale, ou lima ke fakamaoni, ka ko tou laulaufaiva ke faipati tonu mo tou loto ke maina. Sa fakamalalo gina a te tulaga o latou poto ia Bahá kae sa faka foliki gina a te tulaga o takitaki ko la e fakagalue ne latou a te fakamasinoga tonu i vasia o koutou. Tuku a tou fakanaaga ki te kau tau o te fakamasinoga tonu, pei a tou gatu o te atamai, kae fai a tou lakei ki te fakamagalo mo te alofa mo te fakafiafia o loto o fagasele o te Atua.

Mai i Toku Ola! Au faomea ne fai ne latou Au ke maua ne te fanoanoa. Sa

faigina a tamaliki o te lalolagi mo olotou mea katoa e fai kae tuku a tau kilo ki luga i te Atua mo Tena puleega e se-mafai o gata. E tonu, a Ia ne kalaga ki tau masaua te la ko te kamataga o te fiafia mo tino katoa. Inu a koe ki te vai o te ola o te fiafia gali mai i te ipu o te faipatiga ne tuku atu ne te Punaavai o te Fakaasiiga faka-te-lagi (Fountainhead of divine Revelation) – A Ia Tela ne faipati mo koe i te olo-tau mafi tenei. Taumafai ki te mea e mafai ne tou maalosi o fakatu a muna o te mea tonu kae fakaseai a te pelo mai mata o te lalolagi. E tena e fakatonu atu a koe ki te Aso-kamata o te poto faka-te-lagi mai i te sikulagi maina tenei.

O ko koe tela e faipati i Toku igoa! Mafaufau aka ki tino mo mea ne fai ne latou i Oku aso. Matou ne fakaasi atu ki se tasi o takitaki ki te mea te la ne takavale katoa i ei a tino o te lalolagi, kae fakamolemole kia ia ke aumai kia Matou mata ki mata mo tagata poto o te vaaitaimi tenei, ko te mea ko Matou ke tuku atu ki mua mo ia a fakamaoniiga a te Atua, ko Ana fakatalitonuuga, ko Tena matagofie mo Tena afioga; kae e seai aka foki i Motou fakatauuga na ko te lei tafasili i te maluga. Se gata i ei, a ia ne fai ne ia a te mea te la ne fai i ei a latou ne nofo i fakai lasi o te fakamasinoga tonu mo te fuafuatau fakamaoni (justice and equity) ke tagi i te fanoanoa. Tena la ko oti ne fai a te ikuuga i te va o Aku mo ia. E tonu a tou Aliki ko te Fakaeke, ko te Iloa-Katoatoa. I fakanofooga pena pe la mo te mea e lavea ne koe, e mafai pefea ne te Manu-eva-mai-i-te-Lagi (Celestial Bird) o lele ki te ea o mea lilo faka-te-lagi manafai ana kapakau ko logofio i te pagooga ki fatu o te mafaufau fakasupasupa mo te kaitaua lasi, kae pei ki te falepuipui ne faiite ki fatu makeke? Mai i te amiotonu o te Atua! A tino ko fai ne latou a se fakamasinoga se kii loa.

E uiga mo au fakatauga ki te kamataga o te foafoaaga, mea nei se mataupu te la a te iloa e mafulifuli ona ko te pogai i te kesekese o mafaufauga mo fakatauga a tagata. Kafai a koe e fai pe la me e ko leva ne i ai kae ka tumau pena o i ai, e tonu tena; kae kafai a koe e fakapatino mai a te iloa pe la mo te mea e fai mai i Mataupu Silisili tapu, e setaumate e pena foki loa, aua ko oti ne fakaasi gina ne te Atua, ko te Aliki o lalolagi. A Ia e tonu loa se kope taaua funa. Mea nei se tulaga te la e se kafi lele loa o fakamatalaga gina io me e isi se fakatau e mafai o fai ki ei. Kae i te tulaga tenei o te “Au ne se manako ke fai Au ke iloa,” a te Atua, mo Tena foafaoaaga ko leva ne i ai mai i lalo o Tena malu mai i te kamataga te la e seai sena kamataga, mai i tafa o te faka-tomua o ia ne se Kamataga Muamua (Firstness) loa te la e se-mafai o fai pe la me se tomua kamataga (firstness) ne fakatomua mai ne se Fakatokaaga e se-mafai o fuafuagina ki tagata o te tauloto katoa.

A te mea te la ko oti ne i ai ne ko leva ne i ai foki loa mai mua, kae seai ko ona foliga e lavea ne koe i aso nei. A te lalolagi o te foafoaaga ne fakamafua mai i te vela ne vau mai i te faka-fetauiiga i te va o te maalosi mo te mea te la e fetaui mo ia. A laua ko na e pau, kae e kese foki. Tena la a te Fakapulaga Takutakua (Great Annoucement) e fakailoa atu kia koe e uiga mo te faiietga matagofie tenei. Tena la ko te pokotiaaga ola e fesokotaki atu kae e tali mai a tena maalosi ne mafua i ei o faiite mai i te Muna a te Atua e se-mafai o tekegina te la ko te Mafuaaga o te foafoaaga katoatoa, ka ko mea katoa mai i tafa o Tena Muna ne mea ola mo te pokotiaaga o latou. E tonu a tou Aliki ko te Faiakoga Fakamatala, ko te Atmai-

Katoatoa.

Ke iloa ne koe, e se gata i ei, i te Muna a te Atua – ke maluga a Tena matagofie – e maluga atu kae silia atu ki mea ko la e mafai o atafia ne tou lagona, logo, matea, mo te tami, aua e fakamana gina mai i so se kope io me se mea aka. E sopoia atu i tuakoi o so me e iloagina (elements) mai i luga atu i mea fakavae taaua kae iloa gina (recognized substances). Ne vau o maina fakalei aunoa mo se mataimanu io me se leo kae e seai aka foki na ko te Fakatonuuga a te Atua (Command of God) te la e salalau i mea faiite katoa. E seki taofi mai aka loa mai i te lalolagi o tino. Ko te agalelei-aofia katoatoa o te Atua (God’s all-pervasive grace), te la e puna mai i ei a agaleleli katoa. Se fakanofooga e mao kii mai i luga atu o mea katoa ko la ko oti ne fai pena kae ka tumau loa pena.

E tai faetete Matou o faka-lauefa atu a te mataupu tenei, aua a latou ko la e se talitonu ko oti ne tuku mai a olotou taliga kia Matou ko te mea ke lagona a mea ko la e mafai i ei o teke ki te Atua, ko te Feasoasoani-ki-Mea-Faiagata (the Help in Peril), ko te Ola-Loa-ia-Ia. Kae ona se kafi ne latou o maua a mea funa o te poto mo te atamai mai i mea ko la ko oti ne folafola atu ne te Kamataga o te matagofie silisili faka-te-lagi (Source of divine splendour), ne tu latou ki luga o teke kae katakata faka-tauemu. Kae se mea tonu o fai atu i te mea e teke latou ki ei ko mea e iloa ne latou, kae seai ko fakamatalaga ko la ne tuku mai ne te Faiakoga Fakamatala (Expounder), io me ko mea tonu ko la ne tuku mai ne Atua Tokotasi Tonu (the One true God), ko te Iloa o mea e se lavea. A olotou se fiafia, toko tasi mo katoa loa, ne mafuli atu ki luga ia latou, ka ko au e tauto i toku ola a latou e aunoa lele se maina ia latou.

So se mea e tau o isi sena kamataga pe la mo so se fale e tau o isi sena kamuta. E tonu, a te Muna a te Atua (Word of God) ko te pogai ne vau i ei mai i mua o te lalolagi e se tumau tenei. Se lalolagi te la e faka-lakei ki te gali kese o te Favavau o Aso (Ancient of Days), kae e fakafou kae fakaola faeloa i tami katoa. E se fuafuagina i te maluga o te Atua o te Atamai Tela ne avaka ki luga a te faiitega tafasili i te maluga tenei.

Kilo ki te lalolagi kae mafaufau malie aka ki ei. E fakaasi mai i te tusi o ia loa ia ia i mua o ou mata kae fakaasigina ne te Pene o tou Aliki (Pen of thy Lord), ko te Faiite (the Fashioner), ko te Fakailoa-Kaatoatoa, ko oti ne tusi i loto i ei. Ka fakamasani mo koe mo mea ko la i loto kae ka aumai a fakamatalaga maea e fai i ei a koe ke tu tokotasi mai i so se fakamatalaga tafasili i te lei a se faiakoga fakamatala

Fai atu: A te Natula i tena uiga tonu ko te faka- fuaitinooga o Toku Igoa, ko te Faiite (the Maker), ko te Tufuuga (the Creator). Ko ona foliga e olo kese ona ko pogai kesekese, kae i te kesekesega tenei e isi ne failoga mo tagata ko la e mataile kae e iloa. Te Natula ko te Finagalo o te Atua e fakaasi mai i ei kae salalau i te lalolagi se tumau tenei. Se tamilosaga Atamai-kae-kilo mao (Providence) fakaekegina ne te Fakaeke (the Ordainer), ko te Atamai-Katoatoa. Ka fai se tino e fakapatino me ko te Finagalo o te Atua e fakaasi mai ki te lalolagi o tino, e seai se tino e tau o fakafesiligina a te fakatauga tena. E isi i ei a te maalosi te la a taagata tonu o te tauloto e se kafai ne latou o iloa. E tonu se tagata o te mataile e mafai o atafia seai se isi mea aka foki i loto na ko te malifalifa o te gali sili o te Motou Igoa, ko te Tufuuga. Fai atu: Mea nei se foafoaaga e seiloa se fano o popo i ei, ka ko te Natula ko galo i mua o fakaasiiga, ko fakatalitonuuga maalosi mo tena matagofie malifalifa ko aofia katoa i ei a te iunivesi.

E tai faigata mo koe o kilo ki mea mua mo mea i taimi nei. Faipati ki mea o te Aso nei kae fakalauefa a te mea te la ko sae mai i ei. I te tonuuga ka lava kii mo tino katoa. E tonu i fakamatalaga mo fakamasakooga o mea penei e fai ne latou a agaaga ke moko. E tau mo koe o faipati i se auala atamai ke tuku i ei a loto o taugasoa tonu ke kaa kae lele ki luga.

So se tino te la e talitonu fakamaoni i te aso nei ki te toe fanau mai o tagata e iloa fakalei loa ne ia i te Atua, ko te Tatafasili i te Maluga, e nofo mo te puleega tafasili i te maluga mo te pule fakaotioti i luga i te foafoaga tenei, e tonu i te tagata pena e lau mo latou e i ai a te kilo mao i te Fakaasiiga tafasili i te takutakua tenei. Ki te mea tenei e fai mo molimau a so se taugasoa matakite.

Sasale a koe maluga mai i luga i te lalolagi o tino mai i te maalosi o te Igoa Tafasili i te Takutakua (the Most Great Name), ko te mea ke mafai ne koe o iloa a mea lilo mai i te pilitakiiga loa kae ke fakamasani a koe mo mea e seki ai aka loa se tino e masani mo latou. E tonu, a tou Aliki ko te Feasoasoani, ko te Iloa-Katoatoa, ko te Fakailoa-Katoatoa. Ke fai a koe pe la me se uaua ola, e tata i te fuaitino katoa o te foafoaaga, ko te mea mai i te vela e maua mai i te gasuesuega tena e mafai o sae mai a mea ko la ka fakavave i ei a loto o latou ko la e fakatalave.

I te taimi a Matou ne muni mai i tua o veli e se maua o lau o te mainaaga ne faipati mo Au kae ne molimau a mainaaga o te lagi o Toku atamai mo afusaga o te vasa o Taku faipati. E tonu a tou Aliki ko te Mea Tonu, ko te Fakamaoni. E takutakua kii a te fakamanuiaaga o ia ko oti ne maua ne ia a fakaasiiga se maua o lau mai i te vasa tenei i aso o tena Aliki, ko te Tafasili i te Alofa Mataefa, ko te Atamai-Katoatoa.

I taimi o te Motou malologa malie i ‘Iráq ne nofo a Matou i te fale o te tokotasi e igoa kia Majíd, ne fakatonu ne Matou fakalei loa mo koe a feitu funa o te foafoaaga mo te kamataga, ko te mafuaaga mo te pogai. Kae e ui i ai i taimi ne olo i ei a Matou keatea ne faka-mutana ne Matou ki se faka-patinoga tonu penei: “E tonu, e seai aka se Atua na ko Au, ko te Fakamagalo-Katoatoa, ko te Alofa-Lauefa.”

Latou ko la ne se talitonu i te Atua kae puke mau ki te Natula ia ia loa e tonu loa, e seai ia latou a te poto mo te atamai. A latou ko tino ko la ko olo seke kii. Ko se kafi ne latou o maua ate tumu ote kogaa koga maluga kae ko se oko ki te tina pogai; tela la i olotou mata ne pono gina mo olotou mafaufau ko kesekese, ka ko takitaki i vasia o latou ko oti ne taitonu i te Atua mo Tena nofoaiga-faka-aliki. Ki te mea tenei e fai mo molimau a tou Aliki, ko te Feasoasoani-i-Mea-Faigata, ko te Ola-Loa-ia-Ia.

Kafai a mata o tino i te Saegalaa e ofo i mea faiite mo mea fakaofoofogina (arts and wonders) o te Togalaa, a latou e takamiomio fasetonu i togavao o mea faka-telalolagi, aunoa mo se iloa o te Tokotasi Tela ko te Pogai o Pogai (the One Who is the Causer of Causes), ko te Tumau-loa-ia-Ia (the Sustainer thereof), ka ko tagata ko te kamataga o te vai maalulu o te Atamai e seki mafai o teke gina a te Manakogga (Impulse) te la e gasuesue mai i tua o pogai konei, io me ko te Tufuuga (Creator) io me kote Kamataga (the Origin thereof) o ia. A tou Aliki e iloa, ka ko taulasiga o tino e se iloa.

Nei ko oti Matou, ona ko te Atua, ko te Aliki o Igoa (the Lord of Names), ne fakasaga a Matou ki te galuega o te takuuga i te Tapeleti tenei a nisi fakamsakoga o latou atamai kae poto (sages),2 ko mata o tino ke mafai o matala ko te mea ke mafai a latou o fakapatino fakalei loa ia Ia i te tonuuga ko te Faaite (Maker), ko te Siisiliese (the Omnipotent), ko te Tufuuga (the Creator), ko te Kamatga (the Originator), ko te Iloa-Katoatoa, ko te Atamai Katoatoa.

E uiloa e iloa i tagata o te atamai o te vaaitaimi nei e poto kii i te filosofi (philosophy), mataupu valevale mo mea-taulima (arts and crafts), kae ka fai se tino e kilokilo mo se mata atafia fakalei ke maua ne ia fakavave loa i te taulasiga o te poto tenei ne maua mai ia latou atamai kae poto o taimi ko teka, auaa ko latou ne fakamoe ne latou a te fakavae o te filosofi (foundation of philosophy), fakatu a tena fuaitino kae fakamaalosi ona pou. E tena a tou Aliki, ko te Favavau o Aso (Ancient of Days), ne fakailoa atu kia koe. A latou poto kae atamai o taimi ko teka ne maua a olotou poto mai i Pelofeta, aua ko latou kona ko Faiakoga o te filosofi faka-te-lagi (divine philosophy) mo Fakaasi o mea lilo faka-te-lagi. A tagata ne fia inu ki te vai o te ola matakalekale o Olotou faipatiiga, ka ko niisi ne lotomalie ki toegaa mea. Tino katoa ne maua se vaega e tusa mo te iloa. E tonu a Ia ko te Fakasoasoa Tonu, ko te Atamai.

Empedocles, te la ne takutakua a ia i te filosofi (philosophy), se taugasoa o Tavita (David), ka ko Paitokolasi (Pythagoras) ne ola i aso o Solomona (Solomon), tama tagata a David, kae ne maua ne ia a te Atamai mai i kope taaua o te faka-pelofeta. Ko ia tela ne fai a tena mau me ne lagona ne ia a leo musumusu o lagi kae ne maua ne ia a te tulaga o agelu. I te tonuuga a tou Aliki e fakamaina mai a mea katoa, manafai a Ia e fiafia ki ei. E tonu, a Ia ko te Atamai, ko te Salalau Maalosi Katoatoa. A te uiga tonu mo fakavae o te filosofi (philosophy) ne kamata mai i Pelofeta. Ko te kesekese o te mau a tino i uiga loto mo feitu lilo e ala mai i te keseega a olotou manatu mo mafaufau. Matou e fiafia o toe fakamasaua atu kia koe a muna konei: Se tokotasi o Pelofeta ne sokotaki mo ona tino ki mea ne fakamaalosi atu kia Ia ne te Aliki Silisiliese. E tonu loa, a tou Aliki ko te Fakamaalosi, ko te Agalelei, ko te Maluga. Kafai a te vai o te atamai mo te faipati maea ko puna mai ki tua mai i te vai o Tena faipatiiga mo te uaina o te poto faka-te-lagi ko konaa a latou ne sala mai ki Tena mataloa, a Ia e faipati poi mai penei: “Lo! Katoa ko fonu i te Agaaga.” Mai i tino e isi a ia ne taofi mau ki te pepa fakasalalau kae, fakagalue gina ne ona mafaufauga fakasupasupa, faiite i ei a te manatu i te agaaga e mafai o faulu to-tino loa ki loto i te fuaitino, kae mai ne ia a fakamatalaga uke kae kauloaloa ko te mea ke faka-matea a te iloa tenei; ka ko lukuuga o tino ne tautali i ona kalafaga. Ke takutaku atu a olotou igoa i te poini tenei, ko te avatu se fakamasakoga likiliki ki te mea tenei, kae ka soko atu ki te uke o pati, kae ka fano seke mo te ulu tala tonu. E tonu, a tou Aliki ko te Atamai-Katoatoa, ko te Iloa-Katoatoa. E isi foki a ia tela ne kau i te uaina filifilia tela a tena pono ko oti ne kave keatea ne te Kii o te Laulaufaiva o Ia Tela ko te Fakaasi o Kupu o tou Aliki, ko te Agalelei, ko Tafasili i te Kaimalie.

E tonu, a filosofa (philosophers) e se fakaloi ne latou a Favavau o Aso (Ancient of Days). Tokoukega o latou ne galo kae salamo i te se mafai ne latou o iloa a Tena mea funa, e ui i ai a niisi o latou ko oti ne molimau. E tonu a tou Aliki ko Ia ko te Fakatonutonu (Adviser), ko te Fakailoa-Katoatoa.

Mafaufau kia Hippocrates, te tokita. A ia se tokotasi lauiloa o filosofa (philosopher) te la e talitonu ki te Atua kae talia foki ne ia a Tena nofoaiga-fakaaliki. Mai i tua o ia ko vau a Sokolati (Socrates) tela e tonu ko te atamai, kae fai mea mafai kae amio tonu. Ne akoakao a ia ki te faka foliki o ana manakoga ia ia loa, tataofi a tena manakoga mo manakoga kaimanako kae fuli keatea mai i manakoga faka-te-lalolagi. Ne fano a ia ki mauga tela ne nofo a ia i loto i vanu. A ia ne taumafai ko tagata ke se tapuaki ki fatagata kae ako ako a latou i auala o te Atua, ko te Aliki o te Alofa-Fakamagalo, ke oko ki taimi ne tu aka a latou fakasupsupa o teke a ia. Ne puke ne latou a ia kae ne tamate a ia i loto i te falepuipui. Tena e fakamatala atu kia koe ne te Pene tusitusi makini tenei. Ko tafaga a te kiloga fakamatea ki te filosofi (philosophy) ne i ai i te tagata takutakua tenei! A ia ko te toe filosofa (philosopher) tafasili i te takutakua o filosofa (philosopher) katoa kae ne looto kii i te atamai. E molimau Matou ia ia ko te tasi o tino loto toa i te mataupu tenei kae se tiamipioni takutakua foki te la e saga maalosi ki ei. E pooko kii a tena iloa i mataupu pela mo saienisi pela mo te mea e iloa ne tagata i taimi tena pela foki mo latou kola e veli mai i olotou mafaufau. Au e mafaufau ia ia ne inu ne ia se tasi ipu i taimi ko sofi sofi ki tua a te vai maniania o te ola mai i te Vasa Tafasili i te Takutakua (the Most Great Ocean). A ia te la e lavea ne ia a mea e fakaofoofogina, e maalosi, kae e salalau a te natula o mea, e tauave i ei a foliga e pili kii a te pau mo te agaaga o tagata, kae e maua ne ia a te natula tenei e kese kii loa mo tina mea i olotou foliga ne toe fakafou. A ia ne isi sena fakapulaga fakapitoa ki luga i te ulutala taaua tenei. Moi fai a koe ne sili mai i te atamai faka-te-lalolagi o te tupulaga tenei ki se fakamatalaga, e fai koe mo se molimau ki te se mafai ne latou o puke a te mea tena. E tonu, a tou Aliki e faipati ki te mea tonu ka ko te taulasiga o tino e se maina i ei.

Mai i tua o Sokolati (Socrates) ko vau a te faka-te-lagi ko Palato (Plato) tela se tamaliki akoako a ia tela mai i mua kae ne nofo i te pule o te filosofi (philosophy) pe la mo ia tena ne sui ne ia. A ia ne talia ne ia a tena talitonu i te Atua mo Ana failoga ko la e salalau i mea katoa me ka tumau pena. Oti ko vau a Alisitotolo (Aristotle), te tagata e lauiloa i te poto. Ko ia ne maua ne ia a te maalosi o mea e isi ne kesi i ei. A tagata konei e faka-patino aka loa me ne takitaki o tino kae e takutakua i vasia o latou, taki toko tasi kae katoa loa e talia ne latou a te olotou talitonu i te Atua (Being) e se mafai o mate Tela e taofi i Tena lima a pule o saienisi katoa.

Ka fai atu ne au mo koe a te talosaga fakatagi ne fakaleo ne Balínús te la e masani mo akoakoga ne tuku mai ki mua ne te Tamana o te Filosofi (Philosophy) e uiga mo te feitu funa o te foafoaaga pe la mo te mea e i loto i ana tapeleti maina kae lanu pela me ne lau olive, ko tino katoa ke mafai o fakatalitonu i mea ko oti ne fakamaina atu ne Matou mo koe i te Tapeleti maina tenei, te la, kafai ko kumi fakatasi ki lima o te fuafuatau mo te poto, ka maua mai i ei a te agaaga o te ola mo te fakaolaaga o mea faiite katoa. E takutakua a te fakamanuiaaga o ia tela e kau i te vasa tenei kae e fakamanatu a tavaeega o tena Aliki, ko te Agalelei, ko te Fagasele i te Lei. E tonu loa i matagi ili malielie o te fakaasiiga faka-te-lagi ko tufa atu mai i kupu o tou Aliki i se auala e seai se tino e maua ne ia o fakafiti a te mea tonu, vagana ko latou ko la e se logo, e se lavea, e se malamalama mo so se mafaufau o tagata. E tonu a tou Aliki

e fai mo molimau ki te mea tenei, kae e ui i ei a tino e se maina.

A te tagata tenei e fai mai penei: “Au ko Balínús, te ataamai, ko te fai o mea fakaofoofogina, ko te faiite o mea taaua e i ai ne maalosi o latou (talismans).” A ia e silia atu i tino katoa i te tufatufa atu o te atamai mo saienisi (arta and sciences) kae lele atu ki kogaa koga tafasili ite maluga o te loto-maulalo mo te tapuaki. Fakalogo a tou taliga ki mea e faipati ne ia, e akai fakamolemole ki te Pule-Katoatoa, ko te Tafasili i te Maluga: “Au e tu i mua o toku Aliki, tapuaki ki Ana mea-alofa mo alofaaga kae tavae a Ia pe la mo Ia e tavae a Ia kia Ia, ko au ke mafai o fai pe la me ko te kamataga o fakamanuiaaga mo takitakiiga ki tagata ko la e fakapatino mai aku muna.” Kae e toe fai mai penei: “O te Aliki! A Koe ko te Atua kae e seai aka foki na ko Koe. A Koe ko te Tufuuga kae e seai aka foki se tufuuga na ko Koe. Feasoasoani mai kia au i Tou matagofie kae faka-maalosi mai au. A toku loto ko puke gina ne te mataku, a totooga o toku fuaitino ko polepole, au ko vapuli a taku fakatau a ko toku mafaufau ko se galue fakalei. Tuku mai ki luga ia au a te maalosi kae faka-mafai aka a toku laulaufaiva ke faipati atu mo te atamai.” Kae e toe fai foki loa: “A Koe i te tonuga ko te Iloa, ko te Atamai, ko te Maalosi, ko te Atafai” Ko te tagata o te atamai tenei ke fakailoa ki ei a mea lilo o te foafoaaga kae lavea ne ia a matemateega e nofo i loto i tusitusiga faka Emetiki (Hermetic).3

E seai se manakoga o Matou o fakailoa atu se isi mea aka ka ko Matou ka fai atu a te mea te la ne suki mai ne te Agaaga (Spirit) ki Toku fatu. I te tonuuga e seai aka se Atua na ko Ia, ko te Iloa, ko te Mafi (the Mighty), ko te Feasoasoani-i-MeaFaiagata (the Help in Peril), ko te Tafasili i te Lei (the Most Excellent), ko te Tavaeega-Katoatoa (the All-Praised). I Toku ola! I te Aso tenei a te Lakau Ola i te lagi (the celestial Tree) e fakatalave o fakailoa atu se isi mea aka ki te lalolagi na ko te faka-mateaga tenei: “E tonu, e seai aka se Atua na ko Au, ko te Se-Fakatusa Gina (the Peerless), ko te Fakailoa-Katoatoa.”

Moi fai e seai ko toku alofa e fakataaua mo koe, e seai saku pati e fai ki te mea ko oti ne faipati gina. Ke maina ia koe a te aoga o te tulaga tenei kae tausi ne koe pe la mo tou mata kae fai pe la mo latou ko la e fakafetai mo te fakamaoni.

E iloa kii ne koe ia Matou ne seki taumata ki tusi e nofo mo tagata ko Matou foki e seki maua ne Matou a te tauloto e nofo nei mo tagata, kae e ui i ei kafai e manako Matou o fai atu a faipatiiga a latou poto kae atamai,4 i taimi nei ka sae mai i mua o tou Aliki a se foliga o se tapeleti te la ko oti ne sae mai i te lalolagi i loto i Tusi Tapu mo Mataupu Silisili (Holy Books and Scriptures). Tena la e tusi ne Matou ki lalo i tusitusiiga a mea ko la e lavea ki mata. E tonu a Tena poto e aofia katoa i ei a te lalolagi mo lagi.

Mea nei se Tapeleti a te Pene o te Se-Lavea ko oti ne tusi mai a te poto o tino katoa ko la ko oti kae ka fai loa pena – se poto te la e seai aka na ko Toku Laulaufaiva fakaofoofoogina e mafai o fakamatala. E tonu a Toku loto ia ia loa ko oti ne lepe ne te Atua mai i iloga o latou poto kae e fakamana mai i faipatiiga o te atamai. I te tonuuga e seai e lavea atu na ko fakaasiiga a te Atua. Ki te mea tenei e fai mo molimau a te Laulaufaiva o te Gali Silisili (Tongue of Grandeur) o te Tusi maina kii tenei.

Fai atu, o tino o te lalolagi! Faeteete i te mea ma isi se sokooga (reference) ki te atamai kae fakagata mai a koe i tena Kamataga (Source) io me e taofi a koe mai i te Maalu malu (Dawning-Place). Fakatumau outou loto ki luga i te Aliki, ko te Faiakoga (Educator), ko te Atamai-Katoatoa.

I so se fenua ko oti Matou ne fakasino se vaega, mo so se mea e fai se tusaga e vae atu i ei, mo so se fakapulaaga se taimi fakapatino kae mo so se fakanofooga se faiga muna e tau. Mafaufau kia Greece. Ne fai ne Matou a te Nofoaga o te Atamai (Seat of Wisdom) ki se taimi leva. Kae e ui i ei, kafai a te taimi ko ta, a tena nofoagaa-tupu ne fakaseai, ka ko tena laulaufaiva ne gata o faipati, ko tena mainaaga ne fano o matemate ka ko tena fuka ne futi ifo ki lalo. Tena ia Matou e fakaeke ia Matou foki e tapale keatea. E tonu a tou Aliki ko Ia Tela e foaki kae e fakaseai, ko te Mafi, ko te Maalosi.

I fenua katoa ko oti ne ne fakatu ne Matou a te mainaaga o te poto, kafai a taimi te la ko leva ne tusigia ko ta, ka sulu malifalifa mai i luga i tena sikulagi, pe la mo te tonu a te Atua, kote Iloa-Katoatoa, ko te Atamai-Katoatoa. Kafai ko te loto o Matou e lava kii a te iloa mo te mafai ia Matou o fakamatala mo koe a so se mea te la e isi i fenua katoa io me ko oti ne oko mai. E tonu a te poto o tou Aliki e salalau i lagi mo te lalolagi.

Ke iloa ne koe, se gata i ei, ko tino i aso mua ne faiite ne latou a mea ko la a tagata poto o aso nei ko se maua ne latou o faiite. E fakamasaua atu ne Matou kia koe a Múrṭus te la ko ia sua tokotasi poto. A ia ne maua ne ia a te mea-fai-galuega te la e kave ne ia a te leo ki se mao e silia atu i te onosefulu o maila. Ko nisi mai tafa o ia ne maua foki ne latou a mea ko la e seai se tino i te vaaitaimi nei ne mafai o fai. E tonu a tou Aliki e fakaasi mai i so se vaasia-tausaga a so se mea te la a Ia e fiafia ki ei pe la me se masauaga o te atamai mai i Tena feitu. A Ia i te tonuga ko te Fakeke tafasili (the supreme Ordainer), ko te Atamai-Katoatoa.

A te filosofa (philosopher) tonu e se mafai lele ne ia o fakapelo a te Atua io me ko Ana fakamaoniiga, ka ko ia e talia ne ia a Tena matagofie mo te afioga maalosi te la e pulou i luga i mea faiite katoa. E tonu a Matou e alofa kia latou tagata o poto ko la ne avaka ne latou ki te mainaaga a mea ko la e atiake i ei a te lei o tino katoa, ka ko Matou e feasoasoani kia latou mai i te maalosi o te Motou manakoga, ko Matou ke mafai o faktaunu a te pogai o Matou (Our purpose).

Faetete, O Aku fagasele, ia koutou ma kaitaua ki te lei io me ko te se lei o Aku tavini tauloto ko la a te Atua ko oti ne filifili me ko latou talai o Tena Igoa “ko te Tufuuga (Fashioner)” i vasia o tino katoa. Fakaoti a te outou maalosi ke mafai ne koutoiu o atiake a galuega mo nisi atiakega ko tino katoa, matua io me e foliki, ke mafai o penefiti mai i ei. Ko oti ne liakina ne Matou a latou kona e seki akoako ko la e mafaufau i te Atamai ko te fai ou mafaufauga fakasupasupa kae e teke atu a te Atua, ko te Aliki o tagata katoa; e faitalia loa e lagona foki ne Matou a niisi o latou e se fakalogo e fai a olotou fakatauuga pena i taimi nei.

Fai atu: A te kamataga o te Atamai (Wisdom) mo tena vauuga ko te talia a so se mea a te Atua ko oti ne fakaiku mai fakalei loa ki mua, auaa me mai i tena maalosi a te fakavae o te fakateletelega o mea faka-te-maalo (foundation of statesmanship), te la se puipuii mo se tausiiga o te fuaitino o tino katoa, ko oti ne fakatuu fakalei loa. Mafaufau malie aka ko te mea ke mafai o lavea a mea a Taku Pene tafasili i te maluga ko oti ne fakasalalau i te Tapeleti faka-ofoofogina tenei. Fai atu, so se mea e tau atu ki fakanofooga a te maalo (state affairs) te la ne avaka ne koe ke sautala ki ei e nofo mai i lalo i te ata o te muna e tasi ne tuku ifo ki lalo mai i te lagi o Tena matagofie mo te faipatiga tafasili i te maluga. Tena la ko oti a Matou ne toe fai atu kia koe a mea ko la ka fai ne ia tou koto ke tele makini ki mua, e aumai i ei a te faka-mafanafana ki ou mata kae faka-mafai ko koe ke tu ki luga o talai a Tena Fakatokaaga i vasia o tino.

O Taku Nabíl! Sa faigina se mea ke fanoanoa koe i ei, kae fiafia koe i se fiafiaaga lasi ia au ko oti ne taku a tou igoa, ko oti ne fuli a Toku loto mo Oku mata ki mua ia koe kae sautala mo koe mai i te faka-matalaaga taaua kae e se mafai o fakafesiligina. Tuku i tou loto a fakalavelave ko oti ne fetaui mo Aku i te falepuipui mo te fakapagota, ko te tigaina ne oko mai kia Au pe la foki mo te kaitaua o tino ko oti ne fakasaga mai kia Au. Kilo, a latou ko ufi fakalei loa i te veli e se fakatau mai i te se.

Kafai a te sautalaga ko oko ki te tulaga tenei, a te vaveao o mea lilo faka-te-lagi ko sae mai ka ko te mainaaga o te faipatiiga ko nooga. Ke nofo a tena matagofie i luga i tino o te atamai pe la mo te manakoga o Ia Tokotasi ko te Mafi-Katoatoa, ko te Tavaegina-Katoatoa.

Fai atu: Fakalauefa a Tou Igoa, O te Aliki toku Atua! Au e akai totuli kia Koe mai i Tou Igoa mai i te gali silisili o te mainaaga o te atamai e sulu malifalifa i lagi o tau faipatiga faka-te-lagi ko galue i loto i tino, ke fesoasoani mai kia au mai i Au faka-manuiaaga faka-te-lagi kae fai au ke fakamaluga a Tena Igoa i vasia o Au tavini.

O te Aliki! Kia Koe ko oti ne fuli atu oku mata, motu mai i mea katoa na ko Koe kae puke mau ki te kapa o te gatu o Au faka-manuiaaga e se lausia. Tena la faipati o fakasalalau atu a mea ko la ka puke ne latou a mafaufauga o tagata kae ka faka-fiafia ki olotou agaaga ola mo olotou agaaga. Fakamaalosi mai au i Tau Fakatokaaga i se auala te la ko au ke se fakatuai ne te olo-aka ki luga o latou teke kae fai taua i vasia o Au mea ola io me e taofigina ne te taua a latou e se talitonu i vasia o latou ko la e nofo i Tou lalolagi. Fai au pe la me se lamepa e sulu maina salalau i Ou laufenua ko latou i olotou loto a te mainaaga o Tou poto ko sae aka kae naunau ki Tou alofa ke mafai o takitaki gina ne tena mainaga fiafia.

E tonu, e maalosi a Koe o fai so se mea e loto Koe ki ei, kae i Ou lima e puke ne Koe a te maalo o te foafoaaga. E seai aka foki se Atua na ko Koe, ko te Mafi-

Katoatoa, ko te Atamai-Katoatoa.

I te Igoa o te Atua, ko te Maluga, ko te Tafasili i te Maluga

A te kamataga o mea lei katoa (the source of all good) ko te talitonu i te Atua, fakalogo ki Tena fakatonuuga, mo te lotomalie ki Tena finagalo mana mo te fiafiaaga (His holy will and pleasure).

Ko te uiga tonu o te atamai (the essence of wisdom) ko te mataku i te Atua, ko te mataku i Tena kaitaua mo te fakasaalaga, mo te nofo se-toka i Tena fakamasinoga tonu mo Ana ikuuga (His justice and decree).

Ko te uiga tonu o te talitonuga (the essence of religion) ke molimau koe ki mea ko oti ne fakaasi mai ne te Aliki, kae tautali ki mea ne fai mai ne Ia i Tena Tusi mafi (His mighty Book).

Ko te kamataga o matagofie katoa (the source of all glory) ko te talia o so se mea ne tuku mai ne te Aliki, mo te lotomalie ki mea ko oti ne fakaeke mai ne te Atua.

Ko te uiga tonu o te alofa (the essence of love) ko te tagata ke fuli a tena loto ki te Fagasele Tokotasi (the Beloved One), kae motu mai a ia i mea katoa na ko Ia, kae manako ki te seai aka foki vagana ko te mea e manako ki ei a tena Aliki.

Te masaua tonu (true remembrance) ko te takutaku o te Aliki, ko te TavaegaKatoatoa, kae fakapuli a mea katoa na ko Ia.

Ko te fakalagolago tonu (true reliance) ko te tavini kae tautali ki tena galuega te la e faka-aoga a tena iloa i te lalolagi (profession and calling in this world), ke piki mau ki te Aliki, ke sala ki te seai aka foki na ko Tena agalelei, aua ei i Ona Lima e nofo a te fakaotiga o Ana tavini katoa.

A te uiga tonu o te motu keatea (the essence of detachment) ko te tagata ke fuli ona mata ki kogaa koga e nofo i ei a te Aliki, ke ulu ki Tena Nofo-Mai, ke kilo ki Ona mata, kae tu pela me se molimau i Ona mua.

A te uiga tonu o te malamalama (the essence of understanding) ke molimau a

tino ki tena mativa ia ia loa, kae avatu atu a ia ki te Finagalo o te Aliki (the Will of the Lord), ko te Tupu (the Sovereign), ko te Agalelei, ko te Maalosi-Katoatoa.

Ko te kamataga o te loto toa mo te maalosi (the source of courage and power)

ko te talaiga o te Muna a te Atua (Word of God), mo te mautakitaki i Tena Alofa.

Ko te uiga tonu o te fai-mea-alofa (the essence of charity) ko te tavini ke toe lau a fakamanuiaaga a tena Aliki (the blessings of his Lord), kae avatu atu a fakafetai kia Ia i taimi katoa mo fakanofonofooga katoa (at all times and under all conditions).

Ko te uiga tonu o te talitonu (the essence of faith) ko te mutana o pati mo te uke o faiga; a ia te la ana pati ko silia atu ia ana mea e fai, ke iloa tonu i tena mate e lei atu i tena ola.

Ko te uiga tonu o tena tina puipuiiga (the essence of true safety) ko te tausi o te

fifilemu se-logoaa, ko te kilo ki te fakaotiga o mea kae fakapuli a te lalolagi.

Ko te kamataga o te fai mea-alofa (the beginning of magnanimity) mafai a tagata ko fakamaumau a tena maumea ki luga ia ia, ki tena kaaiga mo latou mativa i vasia o ana taugasoa i tena Fakatokaaga.

Ko te uiga tonu o te maumea (the essence of wealth) ko te alofa mo Au; a ia tela e alofa kia Au ko te pule o mea katoa, ka ko ia tela e se alofa mai kia Au e tonu ko te mativa mo te oge mea. Tenei a te Maikao o te Matagofie mo te Gali Matagofie (the Finger of Glory and Splendour) ko oti ne fakaasi mai.

Ko te kamataga o mea masei katoa (the source of all evil) ko tagata ke fuli keatea

mai i tena Aliki kae fakasaga a tena loto ki mea e seai se Atua i ei.

A te toe afi kaa loa (the most burning fire) ko te faka-fesiligina a failoga a te Atua, ko te se talia ki mea a Ia ne fakaasi mai, ko te fakapelo a Ia kae fakamatamata a ia i Ona mua.

Te kamataga o te tauloto (the source of all learning) ko te poto i te Atua, ke maluga a Tena Matagofie, kae e se mafai o maua a te mea tenei vagana ko te poto i Tena Faifekau Faka-te-Lagi (knowledge of His Divine Manifestation).

Ko te uiga tonu o te faka-foliki (the essence of abasement) ko te vau keatea mai i te ata o te Alofa-Fakamagalo kae saala atu o malu i te ata o Tokotasi Tiapolo (the Evil One).

A te kamataga o te mea see (the essence of error) ko te se talitonu i te Tokotasi o te Atua tonu (the One true God), fakana ki luga i te seai aka foki na ko Ia, kae

tele keatea mai i te Tena Fakaikuga (His Decree).

Ko te luusi tonu (true loss) ko ia i ona aso ne fakamaumau i te valea supa kii o ia loa ia ia.

A te uiga tonu o mea katoa ne fakaasi atu ne Matou mo koe ko te Fakamasinoga tonu (Justice), ko tagata ke saoloto a ia i mafaufauga seai ne aogaa (idle fancy) mo te faka akoako ki niisi (imitation), ke lavea ki te mata o te tafatasi o Tena galuega agalelei (of oneness His glorious handiwork), kae kilo ki mea katoa mo se mata sukesuke o iloa.

Tena a Matou ne fakatonu atu kia koe, fakaasi atu kia Koe i Muna o te Atamai (Words of Wisdom), ko te mea ke mafai koutou o fakafetai ki te Aliki, te outou

Atua, mo te matagofie i vasia o tino katoa.

Ona ko te faka-aava, a Bahá’ís, i lo a te faiapati io me ko te fakatuatusi atu tonu kia Bahá’u’lláh, e masani saale o tusi ki Tena failautusi, Mírzá Áqá Ján, te la e fakaigoa ki te “Tavini a te Atua” (Servant of God) mo te “Tavini-Faitali?” (Servant in Attendance) A te tali e vau i se tusi mai Mírzá Áqá Ján e kopi mai i ei a muna a Bahá’u’lláh, kae i te tonuuga e laulau atu katoa i tena katoatoaaga ne Bahá’u’lláh. Tel a la a te vaega katoa o te Tapeleti, e ui loa e fai pe la me ko pati a Mírzá Áqá Ján, ko te Muna Tapu ne fakaasigia ne Bahá’u’lláh. A te Tapeleti o Maqṣúd ne fai pena. Ne fakatuatusi kia Mírzá Maqṣúd, se tokotasi o taugasoa muamua e nofo i te taimi tena i Tamaseko mo Ielusalema

A Ia ko te Atua, fakamaluga a Ia, ko te Aliki o te Afioga mo te Maalosi

Tavaeega te la e maluga i luga atu i so se faipatiiga io me se fakamatalaga e tau ki se Fagasele Tokotasi (the Adored One), ko te Pule o mea katoa (the Possessor of all things) lavea mo te se-lavea, Tela ne faka-mafai a te Poini Muamua (Primal Point) o fakaasi a Tusi mo Fesokotakiiga (Books and Epistles) Tela, mai i te maalosi o Tena Muna maluga (the potency of His sublime Word), ko oti ne kalaga atu ke faka-foliga mai a te foafoaaga katoatoa, me ko tupulaga o taimi mua io me ko tupulaga o taimi fakamuli nei. E se gata i ei a Ia ko oti i vaai taimi mo tamilosaga katoa, e tusa mo Tena atamai malifalifa (his transcendent wisdom), ne tuku ifo a se Faifekau faka-telagi ko te mea ke fakaola aka a agaaga ola ko la ko vaaivai kae e se maalosi ki te vai o te ola o Tena faipatiiga (His utterance), a Ia Tokotasi Tela ko te Fakamatala (Expounder), ko te Fakamatalaupu tonu (true Interpreter), pe la mo te tagata e se maua ne ia o iloa me ne aa a mea ko oti ne tafe mai i te Pene o te Matagofie kae e fakamau i Ana Tusi mana (His heavenly Books). Tagata i taimi katoa mo fakanofooga katoa e manakomia se tokotasi o feasoasoani kia latou, takitaki a latou kae fakatonu kae o akoako a latou. Tena la ne tuku mai ne Ia Ana Faifekau, Ana Pelofeta mo latou filifilia ko te mea ke mafai ne latou o fakamasani mo tino ki te uiga faka-te-lagi e fakavae ki ei a te fakaasiiga o Tusi mo te fakatu aka o Faifekau, ko tino katoa ke iloa ne latou i te talitonu o te Atua te la e lavea kae maua i te tina uiga tonu o te agaaga ola (reality of every soul).

A tagata ko te Tino Faiite Mea Gali (Talisman) tafasili i te maluga. Ko te se-lava o te akoakoga, tena, ne ala i ei o seai mai ia ia a mea ko la e tau o nofo mo ia. Mai i se muna e tasi e vau i te muagutu o te Atua, a ia ne fai ke fakasae mai; kae i se muna foki fakaatea ne takitaki atu ke lavea ne ia a te Kamataga o tena akoakoga; kae i se isi muna aka foki ne puipuigina a tena tulaga mo tena fakaotiiga. A ia te Tafasili i te Takutakua (the Great Being) ne faipati: Ke masaua i te tagata pe la me se kogaa koga (mine) e maumea i fatu taaua e se fuafuagina i te togi mafa o latou. Ko te akoakoga, loa ia ia, e mafai, o lavea i ei ona kope taaua, kae faka-mafai a tino ke penefiti mai i ei. Kafai se tagata e talosaga pooko ki mea ne fai ne Mataupu Silisili (Scriptures), tuku mai gina ki lalo mai i te lagi o te Finagalo mana o te Atua (God”s holy Will), ko oti ne fakaasi, ka lavea fakavave loa ne ia a te olotou fakamoemoe ko tagata katoa ke fai pe la me se agaaga ola e tasi, ko te sitampa e tusi i ei a muna konei “A te Maalo e o te Atua” (The Kingdom shall be God’s) ke mafai o tuki i luga i so se loto, ka ko te mainaaga o te alofaaga Faka-Te-Lagi (Divine Beauty), o te agalelei, mo te alofa-fakamagalo ke mafai o aofia i ei a tino katoa loa. A te Tokotasi Atua e tonu (the One true God), fakamaluga a Tena matagofie, e seai se mea e manako ki ei mo Ia. A te kaukau (allegiance) o tino katoa e seai se aoga kia Ia, io me ko se fakalogo e mafai o fakamae kia Ia. A te Manu o te Lalolagi o te Faipatiiga (The Bird of the Realm of Utterance) e tumau o fakaleo mai a tena kalaga penei: “A mea katoa ko oti ne finagalo ne Au mo koe, kae mo koe foki, ona ko koe.” Kafai a latou atamai mo tino poto o te lalolagi o tagata atamai o te tupulaga nei e talia ko tino ke manava ne latou a te manogi o te faka-taugasoa mo te alofa, so se loto maina ka maua a te uiga o te tina saolotoga tonu, kae maua a te feitu lilo o te filemu katoatoa mo te tokaaga malie katoatoa. Kafai a te lalolagi e maua a te tulaga tenei kae e fakamaina gina ki ei ne tena mainaaga e mafai o fai fakalei pe la: “Ka lavea ne koe e seai ne aana io me ne mauga foliki e olo aka ki luga.”1 [Qur’an 20:106]

Fakamanuiaaga mo te filemu ki luga ia Ia (Muhammad) Tela i te oko mai a Baṭḥá3 (Mecca) e fonu fonu i teu o te fakamisikata, mo te manogi gali o Tena gatu te la ko oti ne pusaki atu ki luga i tino katoa – A Ia Tela ne vau o puipui a tagata mai i mea ko la ka fakamae a latou i te lalolagi mai i lalo. E maluga, e se fuafuagina a te maluga Tena tulaga mai i luga i tavaeega a tino katoa kae mana mai i tavaeega o te foafoaaga katoatoa. Mai i Tena oko mai a te fale malu o te tokaaga mo te filemu ko sisi salalau ki luga i te lalolagi ka ko te fuka o te poto ko oti foki ne sisi ki luga i vasia 0 fenua. Ko fakamanuiaaga ke nofo i luga i Ona itu-kaaiga mo Ona taugasoa mai i ei ko te fuafuaaga o te fakatasitasi o te Atua (standard of the unity of God) mo Tena tokotasi katoatoa (His singleness) ke apai aka ki luga ka ko fuka o te manumaalo maluga faka-te-lagi ke fola fola mai. Mai ia latou a te talitonuga a te Atua (religion of God) ne fakatu fakalei i vasia o Ana mea ola ka ko Tena Igoa ne fakalauefa i vasia o Ana tavini. Au e akai totutli kia Ia – e fakamaluga a Ia – ke puipiii a Tena Talitonuuga mai i te masei o Ona fili ko la ne ofa ne latou a veli, lepe ne latou ki lalo kae fai ne latou a te fuka o Islám ke fakafoliki i vasia o tino katoa.

A tau tusi mai i te manogi o te toe feiloai ne manava gina ko oti ne maua. Tavaeega ki te Atua me mai i tua o te ikuga ki te mavae (decree of sepration), a te matagi iliili malie o te nofo-pili-mai mo te sokotaki ko oti ne fakagasuesue i ei a te laukele o te loto ko fakafougia ki te vai o te lifu (joy) mo te fiafia (gladness). E avatu ne Matou a fakafetai ki te Atua i nofonofoga katoa kae fakataaua a te fakamoemoe ko Ia - ke maluga a Tena matagofie - mai i Tena takitakiiga agalelei kia latou katoa ko la i luga i te lalolagi o olo ki mua ki te mea te la e talia kae fakafiafia kia Ia.

Kilo ki fakalavelave, i tausaga e uke, ne pokotia ki luga i te lalolagi, mo te tigaina

te la ne oko ki luga i ona tino. Ne pokotia gina ne taua, io me e fakamae ne fakalavelave lasi e tupu fakavave pe la foki mo puapuaaga ko la e poko faafuasei. E uiloa a te lalolagi e fonu i tigaina mo fakalavelave, kae e seai loa se tagata e tu o toe iloilo aka me ne mafua pefea io me ne kamata pefea a fakalavelave kona. So se taimi a te Kaunisela Tonu (True Counsellor) e faipati se muna akoako, lo, a latou katoa e fakapelo a Ia me e kamata mai ia Ia a te masei kae e se talia lele ne latou a Tena fakamasakooga. E fakaofoofogina, kae e numi valevale a amioga pena! E seai se tokolua tagata e mafai o fai pe la i te kiloga mai i tua pe la foki mai i loto (outwardly and inwardly) e fusi tasi. A fakatalitonuuga o te se-fealofani mo te masei e iloa i koga katoa, e ui i ei a tino katoa ne faiite ki te fealofani mo te fakatasitasi (harmony and union). I Muna a Ia Tafasili i te Takutakua (the Great Being): O ko fagasele agalelei! A te fale malu o te fakatasitasi (unity) ko oti ne fakatu; sa kilo ki se isi tino aka pe la se tino fakaatea (strangers). A koutou ko fuaga lakau kaina o te lakau e tasi, ko lau lakau o te kaula e tasi. A Matou e fiafia i te fakamoemoega ko te mainaaga o te fakamasinoga tonu (justice) ke mafai o sulu maina ki luga i te lalolagi kae faka-mana mai i te sauaa. Kafai a takitaki mo tupu o te lalolagi, ko failoga o te maalosi o te Atua, e maluga a Tena matagofie, e tu ki luga kae iku ia latou ke galue a latou i so se mea o atiake aka i ei a manakoga maluga o tino katoa o te lalolagi, a te puleega o te fakamasinoga tonu (reign of justice) ka fakapatino tonu o fakatu i luga i vasia tamaliki a tagata, ka ko te maliflifa o tena mainaaga ka aofia i ei a te lalolagi kaatoa. A muna a Ia Tafasili i te Takutakua (the Great Being): A te faiitega o te nofo toka mo te nofo lei o te lalolagi ko oti ne putiputi aka i luga, kae ka fakatumau pena, ne masaga a pou ko te taui mo te fakasalaaga (reward and punishment). Kae i sua sokooga, ne faipati mai ne Ia i se laulaufaiva masani kae apo penei: 4 (Arabic) A te fakamasinoga tonu (justice) e i ai se malosi mafi kii i tena pule. E seai aka foki na ko te taui mo te fakasalaaga mo amioga a tagata. E seai aka foki mai i tafa o te taui mo te fakasala (reward and punishment) e tusa mo mea lei a tagata. Mai i te maalosi (power) o te maalosi (force) tenei a te fale tapuaki malu o te nofo toka ko fakatu salalau i te lalolagi, ko ala i ei a latou amio se-lei o tataofi a te olotou natula ona i te mataku i te fakasalaaga.

I sua palakalafa a Ia ne tusi mai penei: Fakalogo, O lukuuga o takitaki o te lalolagi! E seai aka foki se maalosi i te lalolagi e tusa mo tena maalosi fakatakavale a te mafi o te fakamasinoga tonu mo te atamai (justice and wisdom). Au, e tonu, e fakapatino me e seai aka foki, kae e seai aka foki loa mai i mua, se lukuuga e mafi atu i te fakamasinoga tonu mo te atamai (justice and wisdom). Fakamanuia a te tupu te la e maati mo te fuka o te atamai (the ensign of wisdom) kae faka-agiagi i ona mua, ka ko kau tau o te fakamasinoga tonu (battalions of justice) e tautali atu i ona tua. A Ia e tonu ko te lakeiiga te la e fakasopo i te fulumata o te filemu mo mata o te puipuiiga toka (security). E seai lele se falotoloto-lua me kafai a te fetuao o te fakamasinoga tonu (justice), ko la a kaumana o te sauaa ko pono ne latou, ka tuku salalau atu a tena mainaaga i luga i tagata, a mata o te lalolagi ka mafai o mafuli fakalei loa.

A Ia Tafasili i te Takutakua (the Great Being), e manakogina o fakaasi a feitu taaua ko la e tau o fai ke maua a te filemu mo te nofo toka (prerequisites of the peace and tranquillity) o te lalolagi mo te fano o ona tagata ki mua, ko oti ne tusi mai penei: A te taimi ko oko mai ka tau i ei o fai a te fonotaga lasi a tagata i te iunivesi. Ko takitaki mo tupu o te lalolagi e tau o oko ki ei, kae, kau atu i titiiga o manatu, e tau o mafaufau ki auala mo faiiga ko la e fakamoe i ei a te fakavae o te Filemu Lasi o te lalolagi (the world’s Great Peace) i vasia o tagata. Se filemu pena e manakomia i ei a Fenua Maalosi (the Great Powers) o fakaiku ia latou, ona ko te nofo toka o tino o te lalolagi, ko te mea ke fealofani fakalei i te vasia o latou. Kafai se tupu e fakaaoga a mea tau, a tino katoa e tau o fusi tasi o tu ki luga kae teke atu a ia. Kafai e fai a te mea tenei, a fenua katoa o te lalolagi ka se toe manako ki mea tau, vagana mo te tausiiga o te nofo filemu o olotou kogaa fenua mo te tausiga o te nofo toka i loto i olotou fenua. Te mea tenei e fai i ei ke maua se filemu mo te nofo lei o tino taki toko tasi, maalo mo fenua. E fia fia Matou o fakamoemoe ko tupu mo takitaki o te lalolagi, ko kilo o te Atua agalelei kae mafi, ke mafai o maua a se tulaga penei, kae puipui a tino mai i te fai-taua o latou ko la sauaa.

E pena foki Ana muna: Mai i mea ko la e lei ki te fakatasitasi mo te fealofani ka ala i ei o fai a te lalolagi me se fenua e tasi ko gana kese kese (divers languages) ke mafai o fai ke tasi a te gana kae e pena foki a te tusitusi e faka-aoga i te lalolagi ke fai ke tasi (a single script). E tau mo fenua katoa ke tofi ne tagata o te malamalama mo te poto (men of understanding and erudition) ke fai se fonotaga kae mai i te faipati fakatasitasi (joint consultation) ko fili i ei se gana e tasi mai i gana kesekese konei e faka-aoga, io me e faiite se gana fou e tasi, ke akoako ki ei a tamaliki i akoga katoa o te lalolagi.

A te aso ko pilipili mai ko tino katoa o te lalolagi ka faka-aoga ne latou se gana i te iunivesi e tasi mo se tusitusiiga e tasi. Kafai ko maua a te mea tenei, ki so se fakai lasi e malaga ki ei a so se tagata, ka pela loa me ko ulu atu ki tena fale. A mea konei ko oti ne faka-tulafonogia kae e tau kii loa i te taaua. E tau mo so se tagata o te kilo loto mo te malamalama o taumafai o fuli a mea ko la ko oti ne tusi mai ki tina mea tonu mo faifaiga.

I aso nei a te koloa taaua o te fakamasinoga tonu (justice) ko to ki loto i lima o tino sauaa kae fai taua. Akai fakamolemole koutou ki te Tokotasi Atua tonu (One true God) – ke maluga a Tena matagofie – ke se taofigina a tino mai i te vasa o te malamalama tonu, me ka fai a tagata e fakalogo e atafia vave ne latou so se mea te la e tafe ifo mai kae e fakatonu ne te Pene o te Matagofie e pe la loa mo te laa ki te lalolagi katoa aua e i ei e takato a te nofo lei (welfare), puipuiiga toka (security), mo te manakoga tonu mo te lei o tagata katoa (true interests of all men); ka se fai la ko te lalolagi ka maua ne fakalavelave foou fakamataku i aso katoa ko la e seki ai aka loa mai i mua. A te Atua ka talia a tino o te lalolagi ke feasosoani gina o tausi a te mainaaga o Tena akoakoga atafai i loto i te iunivesi o te atamai. E taaua ia Matou a te fakamoemoega ko tino katoa ke mafai o lakei gina ki te gatu o te atamai tonu, ko te fakavae o te maalo o te lalolagi (the basis of the government of the world).

A muna a Ia Tafasili i te Takutakua (the Great Being): A te lagi o fakateleteleega o maalo (statesmanship) ko fakamaina kae malifalifa mai i te pula o te mainaaga o muna fakamanuiagina konei ko la ko maofa mai i te vaveao o te aso-kamata o te Finagalo o te Atua (Will of God): e tau mo so se taki taki o fuafua a ia i aso katoa i te paleni o te fuafua-tau fakamaoni (balance of equity) mo te fakamasinoga tonu (justice) ko fakamasino (judge) i ei a te vaa o tagata mo kaunisela (counsel) o latou ke fai a mea ko la ka taaki i ei olotou kalafaga ki te auala o te atamai mo te malamalama (wisdom and understanding). Mea nei ko te ivitua o te fai faiiga fakate-maalo (statesmanship) mo te uiga tonu o ia. Mai i muna konei a so se tagata o te atamai ka atafia fakavave a feitu ko la e atiake i ei a fakamoemoega pe la mo te nofo lei (welfare), puipuiiga toka (security) mo te puipuiiga (protection) o tino pe la foki mo te nofo sako o olaga o tino (safety of human lives). Moi fai a tagata o te iloa (men of insight) e inu a olotou ipu mai i te vasa o uiga i loto (ocean of inner meanings) ko la e takato i loto i muna konei kae fakamasani ki ei, ka molimau a latou ki te maluga mo te gali kese (sublimity and excellence) o te faipatiga tenei. Kafai a te tavini malalo tenei e fakasaga atu ki mua i te mea te la e lavea ne ia, a tino katoa ka molimau ki te atamai lei katoatoa o te Atua (Gods’ consummate wisdom). A mea funa o fakateleteleega faka-te-maalo (statesmanship) mo mea ko la e manakogina ne tino e nofo i loto i muna konei. A te tavini malalo tenei e akai fakamolemole atu ki te Tokotasi te Atua tonu (One true God) – ke maluga a Tena matagofie – ke fakamaina a mata o tino o te laolagi ki te gali ese o te mainaaga o te atamai ko te mea, tokotasi mo tino katoa, ke lavea a mea ko la e tau loa o fai i te

aso tenei.

A ia se tina tagata te la, i te aso nei, e fakamaumau a ia ki te tavini ki te lanu o tagata katoa. Muna a Ia Tafasili i te Takutakua (the Great Being): Fakamanuia kae fiafia a ia tela e tu ki luga o talai a mea e lei mo tino mo itu-kaaiga a tino o te lalolagi. I sua fuaiupu a Ia e fai mai: E seai mo ia tela e miita ia ia e alofa ki tena fenua tonu, kae mo ia tela e alofa ki te lalolagi katoa. A te lalolagi se fenua fua e tasi, ka ko tino ko ana tagata.

A fakamalosiiga ki te fusi tasi mo te fealofani e tusi i Tusi a Pelofeta (the Books of the Prophets) ne te Pene o te Tafasili i te Maluga (the Pen of the Most High) e fakasino ki mataupu faka-matea; seai se fusi tasi te la e maua mai i ei a te se-fealofani io me se fakatasitasi te la ka maua mai i ei a te mavaevae. Tenei a te tulaga ko la a fuafuaaga ko oti loa ne fakamau ki mea katoa, se tulaga ko agaaga ola ko la e tau o maua ne latou ka tuku atu kia latou. E lei mo latou ko la e iloa a te uiga kae maina i te fakauiga o muna konei, kae faka-fanoanoa kia latou e se fakalogo. Ki fakamaoniiga katoa konei o te natula, i olotou tina uiga tonu, e lava a te molimau mai i ei. So se tagata mataile o te atamai e masani lei loa mo mea ko oti ne fai atu ne Matou, kae e seai ko latou ko oti ne olo keatea ke mao mai i te punaa-vai o te ola o te kilo fuafua-tau kae e olo saale i loto i fakalavelave i te toga-vao o te valea mo te pogisa o te fai-fi-toi.

Muna a Ia Tafasili i te Takutakua (the Great Being): O koutou tamaliki a tagata! A te pogai fakavae e fakaolaola (fundamental purpose animating) ne ia a te Fakatokaaga a te Atua (Faith of God) mo Tena Talitonuuga (His religion) ko te puipuiiga o feitu ko la e lei kae atiake i ei a te fakatasitasi o te lanu o tagata, kae ke atiake i ei a te agaaga o te alofa mo te faka-taugasoa i vasia o tagata. Sa fai gina mo fai a te pogai o te faka-kinau mo te se-fealofani, o te ita ote fai fili. Mea nei ko te Auala tonu, ko te fakavae e tumau kae e se maua o faka gasuesue. So se mea e fakatu i luga i te fakavae tenei, a mafulifuliga mo avanoaaga o te lalolagi e se mafai lele loa o maofa i ei tena maalosi, io me ko taua o te fia o senitenali e mafai o fakafoliki a tena fakavae. A te fakamoemoega o Matou ko takitaki o lotu o te lalolagi mo pule ke fusi tasi kae tu ki luga o fakalei mo te taimi tenei kae atiake ona maumea. Ke fai a latou, ma oti ne talosaga faka pooko ki ona manakoga, o faipati kae fai manatu faka-tasitasi, te la mai i te titiiga o manatu fakalei, ko fakataunu atu ki te lalolagi masaki kae pokotia kii a te vailakau foo masaki te la e manakomia.

Muna a Ia Tafasili i te Takutakua (the Great Being): A te lagi o te atamai faka-telagi ko fakamaina ki mainaaga e lua ko te faipati faka-tasitasi mo te alofa atafai (two luminaries of consultation and compassion). Faipati faka-tasitasi i mea katoa, aua i te faipati faka-tasitasi pe la me ko te lamepa o te takitakiiga (lamp of guidance) te la e taki i ei a te auala, pe la foki mo te faka-ekeega o te malamalama.

Mai i te kamataga o so se taumafaiiga, e tau o kilo ki te fakaotiiga o ia. Mai i poto katoa mo saienisi (arts and sciences), saga ki tamaliki ke tauloto a mea ko la ka aoga mo tagata, kae fai ne latou a te fano ki mua kae avaka i ei a tena tulaga. Tena i ei a te manogi o te seai se tulafono ( the noisome odours of lawlessness) ka fakaseai, tela mai i taumafaiga a takitaki o fenua, katoa ke nofo fakatasi, tokaaga malie i te filemu.

Muna a Ia Tafasili i te Takutakua (the Great Being): A latou poto o te aso e tau o fakasaga a tino ke maua a vaega kesekese o te poto ko la e aoga, ko latou poto mo tino katoa ke mafai o maua a te lei mai ia latou. A taumafaiga i mea tauloto pena (academic pursuits) e kamata kae fakaoti ki muna e seai aka foki ka tumau pena i te seai ne aoga o latou kae e se mafai lele o isi ne aogaa o latou. A te taulasiga o tokita poto o Pelesia e saga maalosi a olotou olaaga ki te taulotooga o te mataupu ko te filoosofi (philosophy) ko te fakaotiiga e seai na loa ko pati.

E tau mo latou i koga pule pule o atafai mo te fuafuatau (moderation) i mea katoa. So se mea tela e silia atu i tuakoi o te fuafuatau (the limits of moderation) ka gata a te llei o ia. Mafaufau i mea pela mo te saolotooga (liberty), malamalama (civilisation) mo feitu pena. Ka ko tagata o te malamalama (men of understanding) e mafai o talia ne latou a mea konei, e mafai foki loa a latou, mafai ko to silia, o isi se pokotia masei (pernicious influence) ki luga i tagata.

Kafai a te poini tenei e fakamatala atu se fakamasakoga e tai maea atu e manakogina, te la i te fakatau, e mafai o fakafiu. Ko te fakamoemoe maluga o te tavini malalo tenei ko te Atua – e maluga a Tena matagofie – ke talia a tagata katoa ki mea lei katoa. Aua a ia te la e fakafonu ki mea kona ko te pule o mea katoa. Muna a Ia Tafasili i te Takutakua (the Great Being): A te Laulaufaiva o te Atamai (The Tongue of Wisdom) e fai mai: A Ia te la e seai Au i ei seai lele ne mea katoa ia ia. Fuli koutou keatea mai i mea katoa i te lalolagi kae sala ki te seai aka foki

na ko Au. Au ko te Laa o te Atamai mo te Vasa o te Poto (the Sun of Wisdom and the Ocean of Knowledge). Au e faka-fiafia ne au a latou ko tai matapo kae fakaola a latou ko mate. Au ko te Mainaga (Light) e takitaki kae fakamaina a te auala. Au ko te Manu Lasi (royal Falcon) mai i te gafa o tupu i luga i te lima o te MafiKatoatoa. E fola ne au a kapakau se mafola o so se manu pakia kae kamata i tena malaga. Kae e pena foki Ana muna: A te lagi o te malamalama tonu e sulu malifalifa mo malapulapuga e lua: ko te kufaki (tolerance) mo te amio tonu (righteousness).

O toku taugasoa! A kogaa vasa e takato i loto i te tusitusiiga fakatoetoe tenei e fai mai. Fakamanuia a latou ko la e atafia ne latou a tena aoga, kae inu mai i ei kae puke ne latou a tena uiga, kae faka-fanoanoa a latou e se fakalogo. A te tavini malalo tenei e akai fakamolemole atu ki tino o te lalolagi ke tautali ki te fuafuatau fakamaoni (fairness), ko te olotou atafai, ko olotou lagona fakalei kae taaua ke masaua ia latou a muna o te atamai ke mafai o saoloto mai i fakalavelave mo niisi fakatauga, manatu valea io me ko mafaufauga seai ne aogaa ko la “e se maua o fakalasi io me e fakagata ate fiakai,” ko te Kaunisela (Counsellor) ke mafai o saga atu ki te kamataga o fakamanuiaaga mo tino mo te lei tafasili mo fenua katoa.

I te vaaitaimi tenei a te mainaaga o fakaleiiga ko fano o se ka maalosi i te taulasiiga o fenua mo te mainaaga fiafia ko oti ne tamate ka ko te afi o te fai taua mo te fai valevale ko oti ne faka-ka kae ko ka lafulafu loa i luga. E lua a fenua takutakua i te maalosi (two great powers) ko la e fai pela me ko fakavae mo takitaki o te malamalama (lfounders and leaders of civilisation) kae fakatoka ne laua a fakavae (framers of constitutions) ko tu ki luga o teke atu a taugasoa o te Fakatokaaga ko la e sokotaki mo Ia Tela ne sautala mo te Atua.5 (Moses) Ke faetete a koutou, O tagata o te malamalama. Se tulaga se lei mo tagata ke fai taua, io kae tau mo ia o tautali ki te fuafuatau mote fakamaoni (equity) kae pei ki te gatu o te fakamasinoga tonu (the raiment of justice) i fakanofonofooga katoa. Akai fakamolemole koe ki te te Atua Tokotasi Tonu (the One true God) ko te mea ke mafai a Ia, mai i te maalosi o te lima o te alofa-kaimalie mo te akoakoga faka-te-agaaga, o ofa kae faka piua a niisi o agaaga ola mai i te fakamasei o manakoga se-lei mo manakoga fai togafiti, ko te mea ke tu ki luga kae faipati atu ona ko te Atua, ko fakamaoniiga o te se-fai mea tonu ke maasolo keatea ka ko te gali kese o te mainaaga o te fakamasinoga tonu (justice) ke sulu atu a tena mainaaga fiafia ki luga i te lalolagi katoa. A tino e seki akoako, kae e manakomia a latou ke fakamatala atu a te mea

tonu.

Muna a Ia Tafasili i te Takutakua (the Great Being): A te tagata ko oti ne fakaeke ki ei a te tauloto tafasili i te lei (consummate learning) mo te atamai (wisdom) e fonu i te maalosi ko mata e lua kona o te fuaitino o tagata. Ka loto ki ei a te Atua, a te lalolagi e se mafai lele loa o seai ne mea-alofa tafasili i te taaua e lua konei. A te mea tena ko fai atu ka fakaasi atu i taimi mai i mua kae se mea-alofa o te manakoga o te Tavini tenei ke fakasaga a Ia ki te tavini ki tino katoa o te lalolagi.

O toku taugasoa! I faka-nofonofooga katoa e tau o faka-aoga so se mea te la e atiake i ei a te puipuuiga mo te tokaaga malie i vasia o tino o te lalolagi. Muna a Ia Tafasili i te Takutakua (the Great Being): I te Aso matagofie tenei so se mea te la e fakagata a koe mai i te faitogafiti kae taaki a koe ki mua i te filemu mo te tokaaga, e tonu loa ko te Auala Tonu.

Fakamolemole ki te Atua, a tino o te lalolagi e mafai o taki gina, mai i galuega lasi ne fai gina ne olotou takitaki mo te atamai mo te tauloto i vasia o tagata, ke lavea a mea lei e penefiti kia latou. E pefea a te leva o tino e tumau penei i te se-fakalogo? E pefea a te leva o te tumau o te fakamasinoga se? E pefea a te leva o te numi mo te fai valevale e pule i luga i tino? E pefea a te leva o te faka-kinau e pule i luga i tagata? E pefea a te leva o te se-fealofani e kosu ne ia a mata o potooga a tino?

A te tavini maulalo tenei ko fonu i te ofo, pe la loa mo tagata katoa e fonu i te mafai o lavea kae lagona, kae e ui i ei e iloa ia latou e se fakaaoga ne latou a iloa konei. A te tavini tenei ko oti ne fai ke pene ne ia a laina konei ona ko tena alofa atafai e fakataaua mo koe. A matagi o te seai se fakamoemoega, e faka-fanoanoa, ko agi mai i kogaa koga katoa, ka ko te fai taua tenei e mavaevae kae pokotia i ei a te lanu o tagata e fanaka loa ki luga. A failoga o fakalaveave ko pili o poko mo te faivalevale ko lavea gina nei, pe la mo te nofo toka masani ki ei nei ko gasolo loa i te faka-fanoanoa e se lava. Au e akai totuli ki te Atua, ke fakamaluga a Tena matagofie, ko te mea ko Ia ke fakaala mo te alofa a tino o te lalolagi, ke talia ko uiga o olotou amioga ke mafai o aogaa mo latou, kae feasoasoani kia latou ke maua ne latou a te tulaga tela e tau mo latou.

Moi fai a te tagata e atafia ne ia a te takutakua o tena tulaga mo te maualuga o tena fakaotiiga ke tuku maina mai ne ia e seai aka foki na ko uiga llei, amioga matakalekale, mo amioga tau kae tavaeegina. Kafai a taagata tauloto kae atamai e tuku atu a takitakiiga ki tino, a te lalolagi katoa ko mafai o fai pe la me se fenua e tasi. E tonu e tenei a te mea tonu e se maua o fakaseegina. A te tavini tenei e fakatagi atu ki so se agaaga ola galue maalosi o fai a te mea e mafai ne ia o fakaasi a atena galue maalosi kae tu ki luga o fakafou a fakanofonofooga i kogaa koga katoa kae fakavave a tino mate ki te vai o te seai se Fakatusa ko te Mafi-Katoatoa, ko te ola o te atamai mo te faipatiiga, ona ko te alofa e fakataaua mo te Atua, te Tokotasi, ko te Fai-Mea-Alofa.

E seai se tagata e mafai o fakaasi a tena poto vagana mai i ana pati. E fakaasi mai i ei a te taaua o te Muna pe la mo te mea ne fakatalitonu mai i Mataupu Silisili katoa loa, me i taimi mua io me ko taimi fakamuli fua nei. Auaa me mai i te maalosi mo te agaaga ola a tino o te lalolagi ne maua o oko atu ki se tulaga takutakua kii. Se gata i ei a tino o te lalolagi ko maua atu ne latou se tulaga taaua kii. Se gata i ei a muna mo faipatiiga e tau o maumea kae pooko. Na la, e seai se muna e fusi tasi mo uiga gali konei e lua vagana ne fapatigina e uiga mo te Atua kae e i ai a te mafaufauga lei ki gasuesueega o te taimi mo mea e tupu pe la foki mo tino.

Muna a Ia Tafasili i te Takutakua (the Great Being): A faipatiga a tino se uiga tonu te la e kausaki ke isi sena faka-pokotia (influence) kae e manakomia se fuafuatau (moderation) ki ei. Pe la mo tena faka-pokotia, e fakana ki luga i te toe iloiloaga te la e fakana ki luga ki loto ko la e motu mai keatea kae e piua. Kae pela mo te fuafuatau (moderation), e tau o tapani tasi mo te atafai mo te atamai (tact and wisdom) pe la mo te mea e tusi i loto i Mataupu SIlisili Mana mo Tapeleti.

I muna taki tasi katoa e isi se agaaga ko oti ne fakaeke ki ei, te la la a te sipika (speaker) io me se tino faka matala (expounder) e tau o fai fakallei loa ana muna i se taimi mo te koga e tau, aua i te lagona o te muna e tasi e iloagina fakalei kae atafia gina. Muna a Ia Tafasili i te Takutakua (the Great Being): A te matai manu e tasi e fai pe la me se afi, sua matai manu pe la me se mainaaga, ka ko te maalosi o laua konei e lua e laveagina i te lalolagi. Te la la a te tagata maina kae atamai e tau o faipati muamua pe la loa mo pati ne susu, ko tamaliki a tagata ke mafai o putiputi aka kae akoako ko maua i ei ne latou a te koulu fakaoti o te ola o tagata te la ko te tulaga tonu o te malamalama (true understanding) mo te faka-aliki (nobility). E pena foki a Ia e fai mai: E tasi a te pati pe la me ko te taimi maalulu (springtime) e fai ne ia a mataa-pula ote fatoaaga losa o te poto ke lau-usiusi kae olaola, ka ko sua pati e pe la loa me se poisini i te makini. E tau o te tagata atafai o te atamai o faipati mo te tafasili i te alofa (utmost leniency) mo te atafai (forebearance) ko te mea ko te magalogalo o ana muna kae ala i ei a tino katoa ke maua ne latou a te tulaga tela e ttau ki te tulaga o tagata.

O toku taugasoa! A te Muna a te Atua ko te tupu o muna ka ko tena pokotia salalau (pervasive influence) e se mafai o fuafuagina (incalculable). A Muna kona e lausa i ei kae ka tumau i te lausa pena i lalolagi o tino. A Ia Tafasili i te Takutakua (the Great Being) e fai mai: A te Muna ko te masata kii (master key) mo te lalolagi katoa, pe la eiloa mo tena maalosi a mataloa o loto o tagata, tela i te tonuuga ko mataloa o te lagi, ko talagina. Seki leva kae malapu aka se gali-kese malifalifa (glimmer of its effulgent splendour) e maina atu ki luga i te kilo o te alofa e tafaa atu i te muna fakamanuia gina penei : ”Au ko te Fagasele-Agalelei” (I am the Best-Beloved) e malapu mai i ei. Se vasa e se mafai o gata (inexhaustible) i te maumea, kae e iloa a mea katoa. A mea katoa ko la e mafai o atafia gina e aumai mai i ei. E maluga, e se fuafuagina i te maluga a te tulaga maluga tenei, i tena ata e gasue (whose shadow moveth) a te uiga tonu o te silisiliese mo gali kese (the essence of loftiness and splendour), ufi i ei ne tavaeega mo te faka-ofoofogina.

Au e mafaufau i te lagona (sense) o tami (taste) o tino ko oti, ne pokotia kii loa i te fiiva o te faka-tamala mo te fakavalevale (fever of negligence and folly), aua a latou e maua atu ko matapo kae ko seai se magalo i Tena faipatiiga (His utterance). E faka-fanoanoa kii i te tagata e fakatapu a ia mai i fuaga-lakau kaina o te lakau ola o te atamai (tree of wisdom) ka ko ana aso ko aumai o olo fakavave loa. Fakamolemole ki te Atua, ko te lima maalosi faka-te-lagi ke puipui a tino katoa kae fakasaga a olotou kalafaga ki mua i te sikulagi o te malamlama tonu (the horizon of true understand).

E tonu a tou Aliki o te Alofa Fakamagalo ko te Feasoasoani, ko te Iloa, ko te Atamai.

E toe fia faopoopo atu ne au i te lua o tusi te la ne aumai mai i Ielusalema ko oti ne maua ka ko mea ko la ne tusi mai i ei ne koe ko oti ne iloilo ki ei kae faitau gina i Ona mua. E fai mai a Ia ke tusi atu au penei:

O Maqṣúd! Ko oti Matou ne lagona a tou leo kae atafia a tou fanoanoa ne avaka ne koe i tou nofo naunau mo te nofo fakatalitali. Tavaeega e o te Atua! A te manogi gali o te alofa e mafai o manava gina mai i pati kona. Fakamolemole te Atua, ko te mea alofa tenei ke tumau ki te se gata mai. A te Tavini-Fakatali e lau a kupu ko oti ne fatu mai ne koe. A tou igoa e taku saale loa i mua o te Tokotasi ne Faka See-Gina a ko taumataga alofa a Matou mo te atafai e fakasaga ki mua ia koe.

E takutakua a te tulaga o tagata. E takutakua foki ana taumafaiga mo te

fakaleeiga o te lalolagi mo te nofo lei o maalo. Au e akai totuli ki te Tokotasi tonu ko te Atua ke faka matea fakalei a koe i te tulaga tau o tagata.

Ke takitaki koe ne te atamai i taimi katoa, pela mo tino ko la e nofo mo uiga masei koi nofo loa o fai a olotou mea fakaofoofogina. Ko te Atua Agalelei! Kia Ia tena ko te se fuafuagina i te tafasili i te Takutakua (Being) Tela e salasala ki te seai aka foki na ko te agaaga o te alofa (Who seeketh naught but the spirit of love) mo te fakatasitasi i vasia o tagata (fellowship amongst men), kae e fakaola a te lalolagi kae faka-maumea a tena ola, ko oti latou ne galue (imputed) a fakatagi ko ala i ei a te laulaufaiva mo te pene ko maa ma toe laulau atu.

A Matou ne masaua a koe kae ne takutaku foki a koe nei. Matou e akai

fakamolemole kia Ia – ke fakamaluga a Tena matagofie – ke puipui a koe ki i lima o te mafi mo te maalosi (might and power) ke mafai ne koe o lavea a mea lei kia koe i te lalolagi nei mo te sua lalolagi. A Ia ko te Aliki o Tino (the Lord of Mankind), ko te Pule o te Nofoaiga-a-Tupu (the Possssor of the Throne) mai i Luga pe la foki mo te lalolagi mai lalo. E seai aka se Atua na ko Ia, ko te Silisiliese, ko te Maalosi. Ke talia ne te Tokotasi ne Faka See-Gina ke tautali i te fakamaoni. E seki puli ia Ia io me e mafai o puli a koe ia Ia.

Ne fai mai ne koe a tou fakamoemoega o fano o nofo i Tamaseko (Damascus)

ke oko ki te taimi o te maalulu (spring), mai i kona ko fano i ei a koe ki Mosul, mafai e isi a mea ko la e faka-mafai i ei a koe o fano malaga. A te tavini malalo tenei e akai fakamolemole ki te Atua - e maluga a Tena matagofie – ke mafai o tuku mai a auala e tau i ei, kae feasoasoani kia koe. A Ia kote Mafi mo te Maalosi.

E uiloa a tino katoa o te kogaa koga tonei ko oti ne ata fai fakalei mo te alofa, kae e seai loa ne molimau e lavea atu se fakatasi tasi (fellowship) mai ia latou. E tau mo koe o apo i te atafai mo te atamai, aua e saala ne latou i taimi katoa o faamasei kae teke atu a te Fakatokaaga. Ke mafai a te Atua tonu Tokotasi o talia

kia latou a te fuafua tonu.

E uiga mo au mea, kafai e se lotomalie koe mo so se mea te la e maua e tavaegina. Ke galue koe i se matagaluega e tavaegia kii tena, auaa kafai e saga a te tino o galue ko mutana a tena taimi e fakamaumau ki mea e se lei o te olaaga. Ka loto ki ei a te Atua, e mafai ne koe o maua a te fiafia mo te maina fiafia, agalelei mo te fakamaalu i so se fakai lasi io me se laufenua te la e mafai o fai malaga a koe i ei. A te tavini maulalo tenei e se mafai o puli ia ia a te taugasoa takutakua kae alofa tena. E masaua ne ia a koe kae ka tumau o masaua. A te tonu e nofo mo te Atua, ko te Aliki o lalolagi katoa. Au e fiafia o fakamoemoe ia Ia e mafai o talia a te lago faka-te-lagi kae fakasaoloto a te fakapatino o mea ko la e fakafiafia kae lei kia Ia.

So se pati o tau mea-tauloto pe la loa me se kilo e fakamaoni i ei talosaga mo te alofa e fakataaua ne koe mo te Atua mo Ana tino filifilia ko fakaasi mai i ei. E lei mo koe tela ko oti ne inu i te uaina filiflia o te faipati (choice wine of utterance) kae ne kau koe i te vai taafe malielie (soft flowing stream) o te poto tonu. Fiafia a ia tela ne inu tena tusaga kae maua atu a Ia kae faka fanoanoa a ia tela e se fakalogo. Ko tena iloilo fakalei ki ei se mea tafasili i te taaua, aua e fakaasi mai i ei a te mainaaga o te toe feiloai mo te afi ka o te mavae.

E se tau mo tatou o loto fanoanoa i so se taimi i mea-alofa e se lausia a te Atua, me kafai ko Tena manakoga e mafai ne Ia o fai a te atomu (atom) ke mafuli ki te laa ka ko te motiga e tasi ki te vasa. E taala ne ia afe mo afe o mataloa, ka ko tagata e se kafi o fai se mea e tasi.

Ko oko loa a te se-fakalogo o te tavini tenei aua ko pati penei e salasla ne ia ke fakasao mai a ia i te maalosi maluga o te Atua (the supreme power of God) - ke maluga a Tena matagofie. Au e akai fakamaulalo ki te fakamagalo a te Atua, te Tafasii i te Takutakua, ona ko fakatauga konei kae faka patonu i te tavini tenei i taimi katoa e iloa gina ona soli tuakoi mo ona uiga se-lei. A ia e akai fakamolemole ki te fakamagalo o ana agasala mai i te vasa o te fakamagalo o tena Aliki, ko te Tafasili i te Maluga, kae akai totuli atu i te mea tena ka fai a ia ke fakatunaki katoatoa ki te Atua kae ka fakamafai a ia o faipati a Ona tavaeega, fuli a ia ki Ia kae tuku katoatoa a tena talitonu ia Ia. E tonu a Ia ko te Maalosi, ko te Fakamagalo, ko te AlofaFakamagalo. Tavaegina a te Atua, ko te Mafi-Katoatoa, ko te Iloa-Katoatoa.

A ia malalo tenei ko oti ne faitau i fakamatalaga o te sautalaga mo te tino fai malaga te la ne toe fai mai ne koe i tau tusi ki toku Aliki, ke mafai a toku ola o tuku atu mo Ia. A fakamatalaga ko la ne laulau mai ne fago i ei a tino mai i te moe o te se fakalogo. E tonu a faifaiga a tagata ia ia e fanau pa-makini mai i ei a maalosi faka satani. Me moi fai a tagata e fakalogo kae tautali i akoakoga faka-te-lagi, so se mea masei ko oti ne kave keatea mai i mata o te lalolagi. Kae ona, ko kesekesega ko la e maua i vasia o tino mo te tumau o fakalavelave, faka-kinau, taua, mo nisi feitu pena ko pogai muamua ko la e fakatafuke i ei a te sae mai o te agaaga faka-satani. Kae e uiloa a te Agaaga Tapu (Holy Spirit) ko oti ne fakatapu a mea penei. I se lalolagi te la e seai e sao vagana ko te taua, faka-kinau, mo te fai-togafiti ko fai pe la me ko te nofoga faka tupu, ko te laumua, o Satani.

E pefea a te tokouke o fagasele mo latou filifilia a te Atua ko la e tagi fanoanoa kae e nofo o fanoanoa i te ao mo te po ko te mea ke fiafia i se manogi suamalie kae gali (sweet and fragrant) o te matagi iliili malielie ke agi mai i te fale o Tena fiafiaagalei kae fakaseai katoa loa a te manogi kaitaua mo te manogi masei mai i te lalolagi. Kae e tena la, a te koulu fakaoti tenei e se mafai o maua, ka ko tagata ne seki mafai o fakataunu ona ko olotou uiga masei, te la ne aumaigia ne latou a te toasa ote Atua, tusa mo akoakoga fakavae o Tena tulafono faka-te-lagi. Ko te tiute o Matou ko te nofo onosai i nofonofooga penei ke oko ki taimi e maua se feasoasoani mai i te Atua, ko te Fakamagalo, ko te Alofa-Lauefa.

Fakalaeufa a Tou Igoa, O te Aliki o tino katoa mo te Manakoga o mea faiite katoa!

Au e akai totuli kia Koe, mai i te Muna (the Word) te la ne fai ne ia a te Kaaga o te Vao-Foliki (Burning Bush) ke apai aka a tena Leo mo te Kaupapa (its Voice and Rock) ke tagi atu ki luga, ka ko fagasele ne fakavave atu ki te fale o Tou nofo-mai mo te piua i te loto (pure in heart) ko te aso malulu (day spring) o te mainaaga o Ou mata, mo te manava ifo o Au fagasele tonu i te olotou mavae mai i au tino filifilia mo te tagi fanoanoa o latou ko la e manako o lavea Ou mata mai i mua i te gali kese o te ata-ao (the dwning splendour) o te mainaaga o Tau Fakaasiiga (the light of Thy Revelation), ke fai aka ke mafai Au tavini o lavea a mea ko la ko oti ne fakaeke mai ne Koe mo latou mai i Tou alofa mo Tou agalelei. Tusi atu mo latou mai i Tau Pene o te Matagofie a mea ko la ka taaki i ei a olotou kalafaga ki te vasa o Tou alofa kaimalie (to the ocean of Thy generosity) kae ka taaki atu latou ki te vai o te ola o Tau toe fakatasi faka-te-lagi (to the living waters of Thy heavenly reunion).

O te Aliki! Sa kilo ki mea ne fai ne latou, kae kilo ki te maluga kese o Tou alofa faka-te-lagi (the loftiness of Thy celestial bountry) te la e tomua i mea faiite katoa, lavea mo te se-lavea. O te Aliki! Fakamaina olotou loto ki te maainaaga malifalifa o Tou poto kae fakamaina olotou mata ki te gali-kese maina o te fetu-ao o Ou alofaaga.

Au e akai totuli kia Koe, O te Aliki o Igoa (O Lord of Names) mo te Tufuuga o lagi, mai i te toto maligi i Tou auala, kae mai i ulu ne kave i luga i mataa-tao ona ko Tou alofa, kae mai i agaaga ola ko la ne liua i te olotou mavae mai mo Au fagasele, kae mai i loto ko oti ne pakia ona ko te faka-malugaga o Tau Muna, ke talia ko latou e nofo i Tou lalolagi ke mafai o fusi tasi i te olotou kau tasi atu ki Tau Muna e se-maua-o-fakatusa gina ko te mea ke mafai a latou katoa o fakapatino a Tou fakatasitasi mo Tou tafatasi. E seai aka foki se Atua na ko Koe, ko te Silisiliese, ko te tafasili i te Maluga, ko te Iloa, ko te Atamai.

Au e fiafia i fakamoemoega ko Ia Tela ko te Ola-Loa-ia-Ia, ko te Se-Mafai-o-OkoGina (the Inaccessible), ke mafai o fakalogo ki akai a te taivini maulalo tenei, ke mafai o fakapei a tino o te lalolagi ki te gatu o uiga llei kae lepegina mai ia latou a fakaosoosoga masei. A Ia kote Mafi, ko te Maalosi, ko te Atamai-Katoatoa, ko te Atafia-Katoatoa. A Ia e lagona kae e laveagina, a Ia kote Lagona-Katoatoa, ko te Lavea-Katoatoa.

A Ia ko te Iloa-Katoatoa

O Vafá! Avatu a fakafetai ki tou Aliki ona ko te feasoasoani kia koe ko aofia ne koe a Tena Fakatokaaga, ko mafai i ei a koe o lavea a te Faifekau o Tena Tino loa ia Ia kae avaka ki luga a koe o fakalauefa a Ia Tela ko te Masauaga Tafasili i te Takutakua i te Fakasalalauga matagofie tenei.

Fakamanuia a koe O Vafá, mo tou fakamaoni ki te Feagaiiga a te Atua mo Tena Fakatalitonuuga i te taimi o tagata katoa ko oti ne soli tulafono kae teke ne latou a te Tokotasi te la ne talitonu latou ki ai, ka ko Ia ne sae mai kae fonu ki luga i fakatalitonuuga katoa, kae maofa mai i te vaveao o te Fakaasiiga mo Ona gatu mo te nofoaiga-faka-aliki e seai se falotolotolua.

E tau mo koe, tena la, o fakaoti a tou maalosi ke maua ne koe a te uiga tonu o te fakamaoni. E faka uiga mai i konei ko koe ke fakamatea i tou loto kae ke molimau i tou laulaufaiva ki te mea ko oti ne molimau ki ei a te Atua kia Ia loa ia Ia, o fai atu penei: “E tonu, e ola-loa-Au ia Au i te Maalo o te Matagofie.” So se tino te la e fakamafai ke fakapatonu a te mea tonu tenei i aso nei, ko oti ne maua a mea lei katoa, ka ko te Agaaga faka-te-lagi ka fano ifo ki lalo ia ia i ao mo po, kae ka feasoasoani atu kia ia o tapuaki ki te Igoa o tena Aliki kae faipati a ia ke lago mai i ana muna a te Fakatokaaga o tena Aliki, ko te Alofa Fakamagalo, ko te Atafai. Kae e seai lele e mafai ne ia o maua a te mea tenei vagana ko ia tela ne liakina mai i tena loto so se mea te la ne faiite i te va o te lagi mo te lalolagi, kae ko oti ne motu lele loa a ia mai i mea katoa na ko te Atua, ko te tupu o Aliki, ko te Mafi-Katoatoa, ko te Agalelei

Tu ki luga a koe o tavini a te Fakatokaaga kae fai atu: Au e tauto i te amiotonu o te Atua! E tonu loa mea nei ko te Poini Muamua (Primal Point), fakatoka i Ana gatu foou kae fakaasi i Tena Igoa matagofie. A Ia i taimi nei e lavea a mea katoa mai i te Sikulagi tenei. A Ia e tonu e siliga atu i luga i mea katoa. I loto i te Lukuuga mana mai i Luga a Ia e iloa me ko te Fakasalalauga Tafasili i te Takutakua kae i loto i Lalolagi o te Favavau e iloa me ko te Gali ote Favavau, kae mai i mua i te Kalauna-a-Tupu o Tena Igoa2 [The Most Great Name] ne ala i ei a kalafaga o latou ko la e isi ia latou a te malamalama o olo seke.

Fai atu, Au e tauto i te Fakaasiiga tenei koi tuai foki loa o kave ifo ki lalo a se fakamunaga e tasi mai i te lalolagi o te mana mo te tafasili i te maluga, a te fakatalitonuuga tafasili i te maluga a te Atua ko oti ne fakataunu mo latou katoa i te lagi mo latou ko la i te lalolagi; e se gata i ei, ko oti a Matou ne fakaasi atu a mea e pau mo so se mea ko la ne tuku ifo ki lalo i te Vaai Taimi (Dispensation) o te Bayán. Maataku koutou ki te Atua kae sa faigina outou amioga ke olo ki te seai kae sa faigia ke to koutou i te liu o te se fakalogo. Taala outou mata ko te mea ke mafai ne koutou o lavea a te Gali o te Favavau mai i tulaga malapulapu kae maina tenei.

Fai atu, A te Atua ko taku molimau! Ko Ia a te Tokotasi ne Feagaiiga gia ko oti ne vau ki lalo mai i te lagi, sagasaga i luga i te kaumana o te feagaiiga mo lukuuga o te fakaasiiga i Tena faka-ata mai, mo agelu fakamaalosi i Tena fakamaui, ka ko te Ikuuga ko oti ne fakataunu mai i luga i te manakoga a te Atua, ko te Silisiliese, kote Mafi-Katoatoa. Mai i ei a kalafaga o latou katoa ne mole na ko te Atua tela ko oti ne puipui mai i Tena alofa fakamagalo kae lau mo latou ko la ko oti ne iloa ne latou a Ia mai ia Ia-Loa-ia-Ia kae motu mai ia latou katoa mai i mea katoa e piki ki te lalolagi.

Fakalogo a koe ki Muna o tou Aliki kae faka piua a tou loto mai i fakafifiiga katoa ko te mea ko te mainaaga malifalifa o te masaua o tou Aliki ke mafai o sulu atu a tena mainaaga fiafia ki luga i ei, kae ke mafai o oko atu ki te tulaga o te amio tonu.

Ke iloa ne koe i tau tusi ko oti ne oko mai kia Matou kae ne fakatau kae onoono Matou ki i ei. Ne fakamau ne Matou au fesili ne sili kae ka tali atu foki fakavave. E tau mo tino taki toko tasi i te Aso tenei o sili ki te Atua ki mea ko la e manako a ia ki ei, ko tou Aliki ka fakalogo ki tau fakatagi mo kupu tafasii i te gali kae e se-maua fakasee gia.

A koe ne sili saale ki te mataupu e uiga ki te toe foki mai. Ke iloa i te fakaotiga e pe la eiloa mo te kamataga. Pe la foki loa ma mafaufau koe ki te kamataga, e tau foki koe o mafaufau ki te fakaotiiga, kae fai a koe pe la mo latou ko la e atafia tonu. Ikaai, mafaufau ki te kamataga me ko te fakaotiga eiloa, ko fatoa maua ei ne koe a se atafiaaga maina. Ke iloa se gata i ei i sose mea faiite e aumai faeloa ki mua kae fakafoki atu mai i te tonu a tou Aliki, ko te Atua o te maalosi mo te mafi.

Pela mo te Fokimai, pela mo te mea ne fai ne Tena Tapeleti mana kae maluga tela i ei a Ia ko oti ne fai ate ulu-tala ke iloa ki Ana tavini; ko tena uiga i te toe foki mai o mea faiite katoa i te Aso o te Toe Tu, kae e tenei a te uiga tonu o Toe Fokimai pela mo te mea ne molimau ne koe i Aso o te Atua ka ko koe ko latou ko la e molimau ki te mea tonu tenei.

E tonu a te Atua e lava kii a tena iloa o fai a igoa katoa loa ke sae mai i se igoa e tasi, kae ko agaaga ola katoa i se agaaga ola e tasi. E tonu e tafasili i te maalosi kae mafi a Ia. Ka ko te Fokimai tenei i Tena tonu i so se foliga e loto mo Ia. E tonu a Ia ko te Tokotasi Tela e fai kae fakaeke a mea katoa. E se gata i ei, a koe e se tau o kilo ki te fakataunu o te Fokimai mo te Toe Tu vagana ko te Muna a tou Aliki, ko te Mafi-Katoatoa, ko te Iloa-Katoatoa. Fakatusa, kafai a Ia e aaku a tena lima ke fonu i kauone kae fai atu ki ei a ia ko te Tokotasi Tela ne tautali a koe ki ei i taimi ko teka, e seai loa se falotolotolua i ei me se mea e llei kae e tonu, pe la loa mo Tena tina Fuaitino, kae e seai se tino e iai sena saolotoga o fakafesili a Tena puleega. E fai ne Ia a te mea e loto a Ia ki ei kae fakaeke so se mea e fiafia a Ia ki ei. E se gata i ei, i te tulaga tenei sa fakalogo ke fuli a tau kilo ki gataaga mo ata, kae ki mea ko la a te Fakaasiiga ne fakataunu kae fai koe mo latou ko la e matakite. Tena a Matou e fakamatala mo koe i se gana maina kae maea ko te mea ke mafai ne koe o malamalama i te mea e saala koe ki ei mai i tou Aliki i te favavau.

Mafaufau koe ki te Aso o te Toe Tu. Kafai a te Atua e fai mai i mea ola tafalalo

ko Tokotasi Muamua loa o talitonu i te Bayán, e se tau o isi aka foki sou masalosalooga ki ei na ko te fai pe la mo latou ko la e talitonu katoatoa loa ki ei. I te tulaga tenei sa kilo ki gataaga o tagata mo igoa, kae kilo ki te tulaga o te Tokotasi Muamua o talitonu ko faka tonu, te la ko te talitonu i te Atua, mo te lavea o Ia kae faka patino i te fakataunu o Tena fakatonuuga tela e sekafi o taofigina kae e tau loa fakataunu.

Mafaufau koe ki te Fakaasiiga o te Poini o te Bayán – e maluga a Tena matagofie. A Ia ne fakamatea a te Tokotasi Muamua3 (Mulla Husayn) o talitonu ia Ia me ko Muḥammad, te Faifekau a te Atua. Tena ne fakakinau a se tagata mo Ia kae fai atu i te tagata tenei ne vau mai i Pelesia, ko Sua Tino mai Arabia, io me ko ia tenei kae fakaigoa kia Ḥusayn ka ko Sua Tino e fakaigoa kia Muḥammad? Ikaai, Au e tauto i te Fuaitino mana o te Atua, te Maluga, te Tafasili i te takutakua. E tonu loa e seai se tagata atamai mo te iloa pooko e saga lele loa ki te gataaga io me ko igoa, kae ki mea ko la ne fakafonufonu kia a Muḥammad, tela e seai aka foki na ko te Fakatokaaga a te Atua. A se tagata o te maina pooko pena e iloa foki ne ia ia Ḥusayn mo te tulaga e nofo a ia i ei i te Fakatokaaga a te Atua, ko te Silisiliese, kote Maluga, ko te Iloa, ko te Atamai. Kae ona ko te Tokotasi Muamua o talitonu i te Atua i te Vaaii Taimi (Dispensation) o te Bayán ne fakafonu ki fakatonuuga e pau mo mea ko la ne tuku kia Muḥammad, te Mesentia a te Atua, tela la a te Báb ne fakapatino a ia me ko ia tena fakamuli, ma ise ko Tena foki mai mo Tena toe tu. A te tulaga tenei e mana mai i gataaga io me ko igoa, kae e seai e mafai o lavea i ei na ko te Atua, te Tokotasi, te Seai-Lele-se- Fakapau, ko te Iloa-Katoatoa.

Ke iloa ne koe i te Aso o te Fakaasiiga tenei kafai a Ia e fakamatea a se lau lakau me ko te fakaasiiga o Ona tulaga gali katoa, e seai se tino ne tuku ki ei a te

saolotooga o fakafesili me kaia io me sea foki a te pogai, kae kafai e isi se tino e fai ia ia e pena, a ia se tino e se talitonu i te Atua kae e lau a ia mo latou ko la e teke a Tena Muna Tonu.

Faeteete, faeteete ia koulua ma amio pe la mo tino o te Bayán. Aua ia latou ke see kii loa, taaki see ne latou a tino, liakina ne latou a te Feagaiiga a te Atua mo Ana Fakamaoniiga kae kau tasi mo Ia, ko te Tokotasi, ko Se-Fakatusa Gina, ko te IloaKatoatoa. E tonu a latou ne fakatamala o lavea a te Poini o te Bayán, aua me moi fai ne lavea ne latou a Ia ko oti ne teke ne latou a Tena faifekau mo te Ia malifalifa. Kae ona ne mai ne latou a olotou mata ki luga i igoa, tena la a Ia ne suiaki a Tena Igoa “te Tafasili i te Maluga” ne te “Tafasili i te Matagofie” a olotou mata ne fakafoliki. A latou ne seki lavea a Ia i aso konei kae e lau ia latou ko la ko tanumia ifo ki lalo. E tonu, moi fai e iloa ne latou a Ia mai ia Ia loa io me ona ko te mea te la ne fakaasi ne Ia, ne seki teke ne latou a Ia i taimi ne sae mai a Ia i te matagofie mo te Igoa e se-fakatusagina, te la ne fakaeke ne te Atua me ko Tena Pelu-Taua o Tena Fakasiiga i te va o te lagi mo te lalolagi mai i ei ka vae a te mea see mai i te mea tonu, pena foki loa mai nei ke oko ki te Aso e tu a tino katoa i mua o te Aliki o te lalolagi.

Ke iloa me i te Aso tenei o Tena Faifekau a mea katoa i tafa o te Atua ka aumai ki mua kae tuku fakapau, faitalia i te tulaga o latou maluga io me e malalo. A te Aso o Toe-Foki-Mai e se fuafuagina ki tagata katoa ke oko ki taimi mai i tua o te Fakaasiiga faka-te-lagi ko oti ne fakataunu. A Ia e tonu ko te Tokotasi Tela e fakaeke so se mea e manako a Ia ki ei. Kafai a te Muna a te Atua e fakaasi ki mea faiite katoa a ia te la e fakalogo kae puke ne ia a te Kalaga, e tonu, ka to a ia i loto i agaaga ola tafasili ite taaua, faitalia me ko ia fua se tino kave pefu. A ia tela e fuli keatea e lau me ko te Tena tavini tafa lalo loa, faitalia me ko ia se takitaki i vasia o tagata mo te pule o tusi katoa ko la i te lagi mo te lalolagi.

E tau mo koe o kilo mo mata faka-te-lagi ki luga i mea ko oti ne fakaasi atu ne Matou kae ne kave atu kia koe kae seai ki tino mo mea ko la e nofo mo latou. A

latou i aso nei pe la mo tagata e tauaso te la, i taimi e gasuesue i lalo i te te laa kasa, e manako atu penei: Te feaa te laa? Koi kasa? Ka fakafiti kae fakaloi a te mea tonu, kae e se kau ia latou ko la e atafia. E se mafai lele ne ia o atafia a te laa io me o malamalama i te mea ne vau i te va o ia mo te mea tena. Ka teke a ia ia ia loa, fakalei a tena se fiafia, kae fai a ia pela mo latou ko la e teke kae fai taua. E pena a te tulaga o tino konei. Liakna a latou kia latou loa, fai atu: Kia koe ke iai a te mea e manako koe ki ai kae kia latou ko mea ko la e manako matou ki ai. E aunoa mo se aoga a te masei o fakalavelave a latou e se-fuafuagina i te se-llei.

Ke iloa ne koe i te Faifekau mua ne fakapatonu mai i te foki mai mo te toe tu o agaaga ka fakataunu i te Aso o Toe Tu, ka ko te tonuuga e isi se toe foki mai kae e isi foki se toe tu i mea faiite katoa. Kae e se manako Matou o fai atu a te mea te la e seki fakamatala i loto i te Bayán, aua i tino o te loto masei mana avaka se olotou fakatagi. O ko mea ko la ne oso mai i te va o tamaliki a tagata mo te olotou Tufuuga ne fakaseai aua i te mea mana mafai iei o lavea ne latou a te nofoaiga-fakaaliki mo te maalo o te Atua e se-laveagia, e inu mai i te vai keli o Tena vaitafe foliki faka-te-lagi, e fakasiusiu mai i sofiiga o te vasa o te malamalama tonu kae e fakaseai mai i ei a fakalailaiiga o te se faka-atua mo te masalosalo.

Pe la mo tau fesili e uiga ki lalolagi o te Atua. Ke iloa ite tonuuga i lalolagi o te Atua e se maua o lau i te aofaki o latou, kae e se fuafuagina i te lasi o latou. E seai e ana maua o iloa io me o malamlama i ei vagana ko te Atua, ko te Iloa-Katoatoa, ko te Atamai-Katatoa. Mafaufau ki te tulaga e to i ei a tau moe. E tonu, au e fai atu, se fakanofooga tafasili i te fakaofoofogina i failoga katoa a te Atua i vasia o tagata, mafai e mafaufau latou i olotou loto. Ke iloa me e pefea a te mea ne lavea ne koe i tau moemiti, kae mai i tua i se taimi ko leva, ko fakataunu i ei. Mo fai a te lalolagi te la ne nofo koe i ei i tau moemiti e paau mo te lalolagi tenei e nofo koe i ei, ne tau mo te mea e tupu o fakataunu foki loa i te taimi tena i te lalolagi tenei i te minute loa te la e tupu i ei. Mo ni fai ke fai pena, a koe foki loa ia koe ko fai mo molimau ki ei. Kae ona e seai se mea pena, tena la, e tau o iloa i te lalolagi tenei e kese mao loa mo te lalolagi te la e sae mai i tau moemiti. Ko te lalolagi te la i te moemiti e seai se na kamataga e seai foki sena gataga. Kae se mea tonu mafai a koe e fakatau ifo i te lalolagi foki tenei , pe la mo te fakatonuuga a te MatagofieKatoatoa, ko te Atua Mafi-Katoatoa, i loto ia koe loa kae e ufi i loto ia koe. Se mea e tonu foki i tou agaaga, mafai ko teka atu i tuakoi o te moe kae ko fakaseai mai ia ia a kopikopiaga o te lalolagi, mai i te galuega a te Atua, ko oti ne fanatu i lalolagi ko la e takato muni i te kanoloto o te lalolagi tenei. E tonu au e fai atu, a te faiitega a te Atua e aofia iei lalolagi mai i tafa o te lalolagi tenei, mo manu ola mai i tafa o mea ola konei. I lalolagi taki tasi konei a Ia ko oti ne fakaeke a mea e seai aka foki na ko Ia e mafai o sala, ko te Salasala-Katoatoa, ko te Atamai-Katoatoa. Ke talosaga faka pooko koutou ki mea ko oti ne fakaasi atu ne Matou, ko te mea ke maua ne koutou a te pogai o te Atua, tou Aliki, mo te Aliki o lalolagi katoa. I muna konei a mea lilo o te Atamai Faka-Te-Lagi ko oti ne tausi. Ko Matou ne faetete mai i te saga maalosi ki te mataupu tenei ona ko te fanoanoa te la e aofia ia Matou mai i uiga o latou ko la ko oti ne faiite mai i muna a Matou, mafai a koutou ko latou ko la e fakalogo ki te Leo o Matou.

E tefea a tokotasi te la e mafai o feasoasoani mai kia Au kae puipui mai a Au mai i pelu taua o agaaga ola konei e seai ne taitolutonuuga a latou? E tefeea a te tagata o te kilo pooko te la e mafai o lavea a Muna a te Atua ki ona mata loa kae kave keatea mai i ia a fakatauga mo mafaufauga o tino o te lalolagi?

O tavini! Poloaki ne koe a tavini a te Atua ke se tekegina a te mea te la e se maina a latou i ei. Fai atu, fakamolemole ki te Atua ke taala outou loto ki mataloa o te malamalama tonu ko te mea ke mafai o fakamatala atu kia koutou tel a e seki ai aka loa se tino ne fakamatala ki ei. E tonu, a Ia ko te Foai, ko te Fakamagalo, ko te Atafai.

A koe ne sili mai kia Au e uiga mo tulafono ate Atua. Ke iloa ne koe i te tonuuga so se mea ko oti ne fai mai i te Tusi se mea tonu loa. E seai aka foki se falotoloto lua i ei, kae se mea e tau ki luga i tino taki toko tasi katoa ke tautali ki mea ko la ko oti ne tuku ifo ki lalo ne Ia Tela ko te Fakaasi, ko te Iloa-Katoatoa. Kafai se tagata e tuku fakaatea ne ia kae e iloa loa ne ia, a te Atua ka fakasagai tonu mo ia tena ka ko Matou foki ka maina kii loa mo ia, auaa ko Ana tulafono pe la ko fuaga lakau kaina o te Lakau Ola faka-te-lagi kae e seai aka foki na loa ko latou se fakalogo mo te fai taua ka olo seke mai ia latou.

Kae ki te Palataiso: se mea tonu kae e se mafai o isi se falotoloto-lua i ei, kae nei i te lalolagi tenei e iloa gina auala mai i te alofa mo Au mo Toku fiafiaaga-llei. So se tino te la e maua ne ia a te Atua ka feasoasoani a ia i te lalolagi mai lalo, mai tua o te mate ka fai ne Ia a ia ke ulu atu ki te Palataiso ko tena lauefa e pe la mo te lagi mo te lalolagi. I ei a Tavini Fafine o te matagofie (Maids of glory) mo te mana ka faitali kia ia i ao mo po, ka ko te fetu ao o te gali se matafi o te Aliki i taimi katoa ka sulu atu a tena mainaaga fiafia ki luga ia ia ka ko ia ka malapulapu i te maina e seai e ana maua o kilo kia ia. Tena ko te fakatokaaga Faka-te-lagi (dispensation of Providence), kae e ui iei a tino ko pono gina ne te veli masei kii loa. Pena foki ke iloa ne koe a te natula o te afi i seoli kae fai pe la mo latou ko la e talitonu tonu loa. Ki amioga taki ta-tasi ne fai e tau o isi se taui e tusa mo te fuafuaaga a te Atua, kae ki te mea tenei ko tulafono mo fakatapuuga ko oti ne fai mai te Mafi Katoatoa e fai mo molimau. Me e tonu loa kafai a uiga lei e seai se taui o latou kae e seai ne fuaga lakau mai iei, ko te Fakatokaaga a te Atua – fakamaluga a Ia – kae seai se aoga. E se fuafuagina i te maluga a Ia e maluga atu i luga i uiga matagaa pena! Tena la, kia latou ko fakaseai o te piki katoa loa a te amio lei, e tonu, ko tena taui foki loa! Kafai a Matou e fakalauefa atu a te ulutala tenei ka uke uke a Tapeleti e manakomia ke tusi.

Au e tauto i te amiotonu o te Atua tonu e Tasi! A te Pene e se mafai ne ia o gasue ona ko mea ko oti ne oko ki tena Aliki, kae a ia ne tagi mae, ka ko au ne tagi fanoanoa foki, pena foki a te mata o Ia Tela ko te Uiga Tonu o te Gali Silisili mai i tua i Fale Tapuaki Malu o Igoa kae koi sagasaga i luga i te Nofoaga-a-Tupu o Tena Igoa matagofie.

Tapale a tou loto ko te mea ke fai ne Matou a alaa-vai o te atamai mo te faipatiiga ke pusa mai i ei, ko mafai i ei a koe o avaka a tou leo i vasia o tino katoa. Faipati a tou laulaufaiva kae fakapula atu a te mea tonu ona ko te masauaga o tou Aliki alofa. Sa mataku ki se isi tino, tuku a tou talitonu katoatoa i te Atua, ko te Mafi-Katoatoa, ko te Iloa-Katoatoa. Fai atu, O tino, fakataunu a so se mea e maina koe i te Bayán faka Pelesia mo so se mea te la e se-maina a koe i ei sili ki te Masauaaga e se-mafai lele o see ko te mea ko Ia ke mafai o tuku atu ki mua fakalei loa a te Mea a te Atua ne fakamoemoe i Tena Tusi, aua i te tonuuga a Ia e iloa a te mea tela e fai mai i te Bayán ona ko te Finagalo o Ia Tela ko te Silisiliese, ko te Maalosi.

A koe ne fakafesili ki te poloakiiga ne tuku ne Matou ki tino i te taimi ne liakina ne Matou a ‘Iráq ki mu mea ko la kafai a te Laa ko galo ifo, a manu o te pogisa ko gateete ka ko tulaga o Samírí4 [The maker of the Golden Calf; see Qur’an 20: 8798] ka sisi loa ki luga. Au e tauto i te Atua! A manu kona ko oti ne gateete i aso konei ka ko Samírí ko oti ne avaka a tena fuakata. E lei mo ia te la e lavea gia kae e lau mo tagata o te malamalama. Ko oti foki Matou ne poloaki kia latou ki te sae mai o te pulumakau foliki. Te Atua ko taku molimau! Ko poloakiiga a Matou katoa ko oti ne teka atu , me e tonu, a latou e mafai loa, pela mo te mea ko oti ne fai mai i maikao o te matagofie mo te mafi. Akai fakamolemole ki te Atua ke puipui a koe mai i te masei o tagata konei kae ke faka piua a koe mai i fatufatuuga a latou fuifai. Fakamaalosi a tou fuiaitino mo te talaiiga o te Fakatokaaga kae sa saga ki muna e faipatigia ne tino o te Bayán, auaa a latou e se maua ne latou o malamalama kae e se kafi foki o maina i te uiga tonu o te Fakatokaaga pe la mo te mea e fakaasigia ne te Fakasalalauuga Tafasili i te Takutakua tenei. Tena ko oti Matou ne fakamaalosi atu kia koe, kae suki i tou loto a te mea tela ka fai i ei a koe ke tu saoloto mai i

fakatauuga a tino.

A te matagofie o te Atua e i luga ia koe kae e i luga foki ia latou ko la e fakalogo ki muna ne faipatigia ona ko te alofa mo te Atua, tou Aliki, kae e tumau a te

fakatuanaki ki Tena Fakatokaaaga. Tavaeega katoa e io te Atua, te Aliki o lalolagi.

(A Siyyid Mihdíy-i-Dahají, te la e fakatuatusi ki ei a te Tapeleti tenei, ne fakaeke gina a te igoa ko Ismu’llahi’l-Mihdi, ‘Te Igoa o te Atua. Mihdi’ Fakamuli ifo a ia ne ofa ne ia a te Feagaiiga (see GPB p319).

A Ia ko te Tafasili i te Mana, ko te Tafasili i te Takutakua, ko te Tafasili i te Malu, ko te Tafasili i te Maluga

Toku Igoa!1 Avatu ne koutou a tavaeega ki te Atua auaa ko oti ne filifili a koe mo te agalelei o ligi atu a te fakamanuia ne toki ne Matou i te laukele e piua kae fakamanuia gina ke fakamafai o tavini pe la mo te aso kamata o te alofa atafai mo lakau ola gali ese kae tafasili i te maluga ko oti ne toki ne Matou. E tonu e takutakua a te alofaaga tenei ko mea faiite katoa i te lalolagi o te foafoaaga, e seai lele e mafai o mafaufau o fesagai atu ki ei. Ko oti foki a Matou ne tuku atu kia koe ke inu i te uaina filifilia o te faipatiiga mai i te ipu o fakamanuiaaga faka-te-lagi o tou Aliki alofa-fakamagalo, te la e seai aka foki na ko te Laulaufaiva o te mana tenei – se Laulaufaiva tela, i taimi loa te la ne matala atu, ne fakaola katoa i ei a te foafoaaga katoatoa, fakaola katoa i ei a tino kae fai ne ia a te Naitigikale ke ligi mai ki mua ana pese. Mea nei ko te Punaa Vai o te vai o te ola mo latou katoa ko la e nofo i te lalolagi o tino.

I taimi e uke Matou ne agiagi i luga ia koe a manogi gali o te Alofa-Fakamagalo Katoatoa mai i te Kaula tela e gasue iluga i Tapeleti o tou Aliki, ko te Mafi, ko te Se-Taofi Gina. Mai i te amio tonu o te Tokotasi Atua e tonu! Kafai a mea faiite katoa, e lavea mo te se lavea, e saga a latou ki mua ia Ia, ka maua ne koutou ia latou ka lele ki te Koulu Tafasili i te Maluga, ko te Kogaa Koga te la a te Lakau Ola fakate-lagi e faipati poi penei: E tonu, e seai aka se Atua na ko Au, kote Mafi Katoatoa, ko te Alofa-Mataefa Katoatoa.

E takutakua a tou fakamanuiaaga, pe la foki loa mo tou fai malaga salalau i fenua o te Atua, kae fai mo fakaasiiga o te fiafia mo te fakapatino mo tino o Bahá ko la ko oti ne liakina a mea katoa na loa ko Ia, kae tuku atu olotou loto ki mua i te Fale te la ko oti ne sulu maina a tena mainaaga fiafia i luga i kogaa koga katoa, kae fakasiusiu a latou ki te vai soko o te Vasa tenei te la ne fakasiusiu foki loa a koe ki ei - se Vasa e aofia i ei a mea faiite katoa.

E tonu ne maua ne koe a te taaua o avatu a te lago ki te Atua kae ne tu a koe ki luga o fai a te mea tenei mai i te maalosi o te atamai mo te faipatiiga. Fai atu: O feasoasoani kia Au ko te talai o Taku Fakatokaaga. Mea nei ko te ulu tala e fakamafa i Tapeleti katoa. Mea nei ko te fakatonuuga e se-mafai-o-mafulifuli a te Atua, favavau i taimi ko teka, favavau i taimi mai i mua. Tauloto ne koe a te mea nei, O tagata o te iloa mao. Latou ko la ko sopoia atu i tuakoi o te atamai ko se maua ne latou o malamalama i te uiga o te lago ki te Atua pe la mo te mea e tusi mai i te Tusi. Fai atu: Maataku koutou ki te Atua kae sa toki gina ne koutou a tega o te faka kinau i vasia o tagata. Tautali a koutou ki mea ko la ne fai atu kia koutou ne te Aliki o koutou, ko te Mafi-Katoatoa, ko te Iloa-Katoatoa. E iloa ne koe a te tinaa uiga o te manumaalao kae ko oti ne akoako atu kia koe i se faipatiiga ko mafaufauga seai ne aoga o latou ne takaseasea i fakalavelave i te togaa vao o te falotolotolua e se-mafai lele loa o pisia latou i ei.

O Toku Igoa! Fakamae gina a mea faiite katoa ke toe inu mai i te ipu te la ne ala i ei o fanaka a te tai ki luga. Faka kaa i olotou loto a te afi ka ulaula te la a te Lakau Ola o te Feagaiiga ko oti ne fakakaa, ko te mea ke mafai ne latou o tu aka ki luga kae fakamaluga kae fakalauefa a Tena Igoa i vasia o tino tautali o Talitonuuga katoa.

E malaku a tusi mai ia koe ko oti ne tuku ki mua o Omotou Nofoaga-a-Tupu. Ko oti ne faitau Matou i ei pe la me se masauaga o te agalelei i te Omotou feitu, kae mo igoa taki tasi ne fai mai ne koe i loto ko oti Matou ne fakaasi a mea ko la ka fakagasuesue i ei a mafaufauga o tagata kae fai a agaaga ke lele ki luga. Se gata i ei a Matou ko fakafia ne fakamafai a koe ke logo i tagitagiiga a manu o te lagi kae ke tuku atu a tou taliga ki pese a naitigikale e olo atu kia tua mai i luga i kaula. E tena a te mea ne fai ne te Pene a te Atua ke kamata i ei a tou masauaaga ko te mea ko koe ke mafai o fakatonu atu a tagata mai i te maalosi o te faipatiiga tenei tela e fakasopo atu faka-te-lagi me kote fakaasiiga a failoga o Tena matagofie.

Fakamanuia a te kogaa koga tenei tela a te vii o Tena tavaeega ne avaka ki luga, kae fakamanuia a te taliga tela e fakalogo ki mea ko la ko oti ne tuku ifo ki lalo mai i te lagi o te alofa-kaimaie o tou Aliki, ko te Alofa-Fakamagalo Katoatoa.

Fakamaalosi a koe ki tavini a te Atua ki mea ko la ne fakatonu atu ne Matou a koe ke sa faigina a so se mea ko oti ne fakatapu a latou i ei i te Matua o Tusi. Latou ko la e fai ne latou a amioga e fakatupu i ei a fakalavelave i vasia o tino ko olo seke kii loa mai i te feasoasoani ki te Atua mo Tena Fakatokaaga kae ko lau a latou mo tino amio see-lei i te Tapeleti te la ne fakasino mai ne te Atua me ko te maalu malu o Tapeleti katoa loa.

Fai atu: Kafai ko te Omotou fiafiaaga e fai ne Matou ke manumaalo a te Fakatokaaga sili tenei mai i te maalosi o muna e tasi mai i Omotou nofomai. A Ia i te tonuuga ko te Siisilese, ko te Akuku-mai-Katoatoa. Kafai ko te finagalo o te Atua, ka sae mai i te togavao o te mafi mai i te lagi a te leona o te se fuafuagina i te maalosi ko tena tagi pe la mo penina o fatili e lue i luga i mauga. Kae ona ko te Omotou alofa (providence) agalelei atafai se silia atu i mea katoa, ko oti ne fakaeke ne Matou ko te manumaalo katoatoa ke mafai o maua mai i te fakamatalaga mo faipatiiga, ko Omotou tavini i te lalolagi salalau ke mafai o fai me ne tino e maua ne latou a mea llei faka-te-lagi. Mea nei e seai kae se masaua o te alofa o te Atua ne tuku atu kia latou. E tonu a tou Aliki ko te Ola-Loa-ia-Ia Katoatoa, ko te Tafasili i te Maluga.

Fai atu: Maataku koutou ki te Atua kae sa faigia a uiga ko la ka ala i ei Aku fagasele o tagi fanoanoa. Tena e fai atu kia koe ne te Pene tenei tela ko oti ne fai mai ne te Pene ote Matagofie ke gasuesue i te malae o te atamai mo te malamalama.

Moli atu Oku alofaaga kia latou ko la olotou mata e fakaasi mai i ei a te maina fiafia o Bahá, kae fai atu kia latou i te faipatiiga tenei e fakafiafia i ei a mata o te amiotonu. A te matagofie o te Atua e nofo i luga ia koe mo i luga ia latou ko oti

ne piki mau ki kafanoa a te Atua, ko te Fakaasi o kupu….

Tataofi aka ne koe a latou kona e nofo i kogaa koga kona mai i amioga faka ita tino, mai i taua, fakakinau io me se isi aka te la e maua mai i ei a fakalavelave. A te mea te la e tavaegia i aso nei ko te fakamalugaaga o te Fakatokaaga. Pela mo te fakatusa me kafai a tino kona e fai ne latou a fakamoemoega fakapitoa ke saga a latou ki te talaiiga o te Fakatokaaga, a tino katoa i kogaa koga kona, i se taimi pili mai, ka fakafonu i te gatu o te talitonuuga.

Kafai se tino e atafia ia ia a te magalo o kupu konei i te Tapeleti ne fakaasi o fakamalu a Nabíl of Qá’in,2 a ia ka maina fakavave loa ite taaua o te lago: I te uiga tonu o faipatiiga a tino ko te taumafai ke isi sena pokotia kae e manakomia a te fuafuatau. Ki tena fakapokotia, a te mea tenei e fakana ki luga i te toe fai fakaleiiga, te la e fakana ki luga i loto ko la e motu mai kae piua. Ka ko te fuafuatau, a te mea tenei e tau o akuku fakatasi a te atafai mo te atamai pe la mo te mea e tusia i Mataupu Silisili mo Tapeleti Mana.

O Toku Igoa! A te faipatiiga e tau o isi se maalosi kii te la e ulu ki so se mea. Aua kafai e seai a te feitu tenei ka se maua ne ia o fakaoko se pokotiaaga. Ka ko te se-fuafuagina a te maalosi e fakana ki luga i te agaaga ke piua ka ko te loto ke mafi kae matakalekale. E pena foki e manakomia a te fuafuatau, me kafai e seai a te tino fakalogologo e se mafai foki o kave ne ia, ikaai ka fakaasi ne ia a te teke mai i te kamataga. Ka ko te fuafuatau e maua mai i te akuku fakatasi o te faipatiiga mo masauaaga o te atamai faka-te-lagi ko la e tusi i lalo i Tusi tapu mo Tapeleti. Tena la kafai a te uiga tonu o te faipatiiga a se tino e fakaeke ki ei mo manakoga e lua konei ka fakatalitonu mai a te galue llei kae ka fai me se feitu mua i te fuliiga ki te llei o agaaga o tagata. Mea nei ko te tulaga o te manumaalo tafasili i te maluga mo te kogaa koga mai i luga. So se tino e oko atu ki ei e fakaeke mo te maalosi o talai a te Fakatokaaga a te Atua ke sili atu i loto mo mafaufau o tagata.

O Toku Igoa! A te Fetu Ao o te faipatiiga, e sulu maina malifalifa mai i te aso kamata o te Fakaasiiga faka-te-lagi, ko oti ne fakamaina i Peluuga a Pepa mo Tapeleti ko te maalo o te faipatiiga mo kogaa koga maluga o te malamalama ko gasuesue i te fiafia mo te fiafia lasi kae maina atu ki mua i te gali ese o Tena mainaaga, kae ko te taulasiiga o tagata e seiloa ne latou.

A te pogai o te mataupu ki te feasoasoani mo te lago ko oti i taimi mo taimi katoa ne tafe mai i te Pene o te Kiloga Alofa faka-te-lagi (Providence) ko te mea ke fakailoa ki taugasoa o te Atua seiloa ia latou mana saga o fai a mea ko la ka mafua i ei a te taua mo te faivalevale. E tau mo latou, taki toko tasi mo latou katoa, o sukesuke auala fakamaoni ke feasoasoani ki te Fakatokaaga a te Atua i se aula te la ko oti ne fakamatala atu ne Matou. Mea nei seai kae se alofaaga o Tena agalelei kae maise ki luga i Ana fagasele ko latou taki toko tasi katoa ke mafai o oko atu ki tulaga e faipatigia ne muna konei: “So se tino e fakaola ne ia a se agaaga ola ko oti foki ne fakaola ne ia a tino katoa.”

A te fanaka ki luga faka-te-foitino (Temporal ascendancy) ko oti kae ka tumau pena o nofo mau i lalo o te ata o te tulaga tenei. A tena itula fakapatino ko leva ne fakasino i te Tusi a te Atua. A Ia e tonu loa ko leva ne iloa ne Ia kae ka fakailoa mai i te maalosi o Tena mafi. E tonu a Ia ko te Maalosi, ko te Tataofi-Katoatoa, ko te Silisiliese, ko te Iloa-Katoatoa, ko te Atamai-Katoatoa.

A agaaga ola mana e tau o mafaufau loto kae talo fakapooko i olotou loto e uiga mo auala o talaiiga. Mai i tusitusiiga o Mataupu silisili gali faka-te-lagi e tau mo latou o tauloto a kupu mo palakalafa e uiga mo feitu kesekese, ko te mea i olotou faipatiiga e mafai ne latou o lau a kupu faka-te-lagi i so se taimi e manakomia i ei, pe la mo te mea e fai mai i kupu mana konei ko te toe vailakau fo masaki loa maalosi ka ko te tagata apo (talisman) tafasili i te mafi. E maalosi kii a te olotou pokotia ko ala i ei o seai se fakamasakoga a te tino fakalogologo. Au e tauto i Toku ola! A te Fakaasiiga tenei e fonu i te maalosi a ia e mafai o fai pela me ko te fatu fakavae mo maalo katoa mo itu kaaiga o te lalolagi. Kafai se tino e tu malie aka o mafaufau looto ka lavea ne ia me e seai se koga i kona, e se mafai foki o isi, ke tele a so se tino ki ei.

I se auala pena a te Kitáb-i-Aqdas ko oti ne fakaasi gia kae faka-lata kae aofia i ei a Fakatokaaaga katoa loa faka-te-lagi ko la ko oti ne tofi mai. Fakamanuia a latou ko la e faitau i ei. Fakamanuia a latou ko la e talitonu i ei. Fakamanuia latou ko la e mafaufau pooko ki i ei. Fakamanuia a latou ko la e mafaufau ki uiga o ia. E lauefa a tena oko atu ko aofia katoa i ei a tagata katoa koi tuai o lavea ne latou. Ko pili a tena maalosi faka-tupu, ko tena pokotia salalau mo te takutakua o tena mafi e mafai o fakaasi atu i luga i te lalolagi. E tonu, a tou Atua ko te Iloa-Katoatoa, ko te Fakailoa-Katoatoa.

O Toku Igoa! Fakalogo koe ki Toku Leo e vau mai i te auala o Toku Kalauna –aTupu. A ia e manako o takutaku a tou igoa i taimi katoa pela ia koe ko oti ne fakatalitonu a tou fakatuanaki i te faka-maluga o Tena uiga i vasia o tagata. E tonu a tou Aliki e manako ki te fakamaoni pe la mo te mea e maua i te lalolagi o te foafoaaga, ka ko Ia ko oti ne fakatomua i luga atu o uiga tavaegina. E tonu, a Ia e Kau-malolo kae Maalosi.

Ke iloa ne koe e se gata i ei ia Matou ko oti ne logo a taveega a koe ne muagutu i tau sokotaki mo te Atua, tou Aliki, ko te Maalu, ko te Agalelei. E takutakua kii a te fakamanuiaaga e faitali kia koe, Ia koe ko oti ne fakatuai au mea e fai ona ko Fakatokaaga tenei e tafasili i te se-mafai o maofa, mafi kae fakamaina gia. Matou e akai fakamolemole ki te Atua ke fai a tau kalaga pela me se maneta e fakapilipili mai a fakatusa o igoa i te lalolagi o te foafoaaga ko mea katoa ke fakavave atu i se taimi e tasi o fakalogo ki ei. E seai aka foki se Atua na ko Ia, ko te Maalu, ko te Tafasili Muamua, ko te Fakamanuia gina Katoatoa, ko te Tafasili i te Maluga, ko te Tafasili i te Takutakua, ko te Tafasili i te Matagofie, ko te Tafasili i te Alofa Mataefa, ko te Iloa-Katoatoa, ko te Fakailoa-Katoatoa.

A te Tapeleti tenei ne fakaasi mai i tua o te mate fakamatulo o te Tupu o Matulo mo te Fagasele o Maatulo (onoono ki te God Passes By, Mataupu VIII, palakalafa e kamata penei “In Iṣfahán Mullá Káẓim was beheaded…”) kae ne fakatuatusi kia Shaykh Muḥammad Báqir, fakaigoa ne Bahá’u’lláh ki te “Uolosa.” I te Tapeleti tenei a Bahá’u’lláh e fakasino kia Mír Muḥammad Ḥusayn, me ko te Imám Jum’ih of Iṣfáhán, tela e fakaigoa ki te “Gata-Fafine,” tela ko te feasoasoani o Shaykh Muḥammad Báqir’s ite tamateega o Bahá’ís. (Ono ono ki te God Passes By, Mataupu XII, palakalafa e kamata penei “Náṣiri’d-Dín Sháh, e faka-patino ne Bahá’u’lláh …”, palakalafa e kamata penei “In Iṣfáhán Mullá Kázim was beheaded…” mo te palakalafa e kamata penei “Nor should a review of the outstanding features of Bahá’u’lláh’s writings…”). A te Tusi ki te Tama Tagata a te Uolosa ne fakatuatusi kia Shaykh Muḥammad Taqíy-i-Najafi, ko te tama tagata a Shaykh Muḥammad Báqir.

A Ia ko te Mafi-Katoatoa, ko te Iloa-Katoatoa, ko te Atamai-Katoatoa! A matagi o te ita ko akutu katoa ne ia a te Vaka o Baṭḥá,1 ona ko mea a lima o te kau teke ne fai. O Báqir! Ko oti a koe ne kave a tau fakamasinoga kia latou ko ala i ei a tusi o sofisofi loimata, kae e molimau katoa loa a mataupu silisili o Talitonuuga katoa. A koe, tela ko oti ne galo keatea, e tonu loa e kofu i ne veli matolu kii loa. Mai i te Atua ia Ia loa! Ko oti ne fakamasino o teke atu a latou ko ala i ei a te sikulagi o te talitonuuga ko oti ne fakamaina. Ki te mea tenei e fai a te molimau a Latou Kola ko Fale Tapuaki Malu o te Fakaasiiga mo Faifekau a te Fakatokaaga o tou Aliki, ko te Tafasili ite Alofa-Fakamagalo, Tela ko oti ne fai taulaga a Olotou agaaga ola mo mea katoa ko la e nofo mo latou i Tena Auala tonu. A te Talitonuuga a te Atua ko tagi i koga valevale, ona ko tou sauaa, kae e ui i ei a koe e salasala pe la mo latou ko oko loa i te fiafia. E seai se ita i Toku loto mo koe io me se isi aka. So se tagata o sukesuke ki te poto e lavea a koe, pe la foki mo latou pe la mo koe, e ufi i te valea ko tuku fakasagi mai. Moi fai e atafia ne koe a te mea ko oti ne fai ne koe, ko leva koe ne eva ki loto i te afi, io me e liakina a tou fale kae tele koe ki mauga, io me e se ua koe ke oko ki taimi e foki mai koe ki te kogaa koga ko oti ne fakasino mo koe ne Ia Tela Ko te Aliki o te maalosi mo te mafi. O a koe pe la loa me se atigi mea! Ofa gina ki lalo a veli o manatu fakasupasupa mo mafaufauga seai ne aoga, ko te mea ke mafai a koe o lavea a te Fetu Ao o te poto e maina mai i te Sikulagi malifalifa. Ko oti ne lepe ne koe ki potu mea a te toega o te Pelofeta ia Ia Loa, kae mafaufau me ia koe ko oti ne feasoasoani ki te Talitonuuga a te Atua. E tena a te musumusu a tou agaaga ola, a ko koe e tonu loa ko te tasi o te se fakalogo. A tau amioga tena ne kaigina a loto o te Lukuuga Mana i luga, pe la foki mo latou ne fakasiomia fakapukupuku i te Fakatokaaga a te Atua, ko te Aliki o lalolagi. A te agaaga ola o te Tokotasi Matakalekale2 ne liua, ona ko te sauaa o koe, ka ko tino i loto i te Palataiso ko logofio i te tagi i te kogaa koga fakamanuia gina tena.

Fai a te fakamasino a koe fakalei, au e fakatonu atu a koe i te Atua. Ne a fakatalitonuuga ne fai mai ne tokita Iutaia ko te mea ke fakasala a Ia Tela ko te Agaaga a te Atua3, [Iesu] i taimi ne vau a Ia mo te mea tonu? Ne aa a fakamaoniiga e mafai o tuku mai ne Falesaio (Pharisees) mo faifeau e fai atua fapaupau ke isi se pogai mo te te olotou teke kia Muḥammad, te Aposotolo a te Atua i taimi ne vau a Ia ki lalo kia latou mo te Tusi e fakamasino i ei a te mea tonu mo te mea se mo te pelo o te fakamasino te la ne fuli i ei a te mainaaga ki te pogisa o te lalolagi, kae ufitia i ei a loto o latou ko la ne iloa ne latou a Ia? E tonu, a koe ko oti ne fakatoka mai, i te aso tenei, a fakatalitonuuga foki ko la ne fai mai ne tino kau lotu valea i taimi kona. Ki te mea tenei e molimau a Ia Tela ko te Tupu o te kogaa koga o te agalelei i te Falepuipui takutakua tenei. A koe, e tonu, ko sasale ia auala o latou, ikai, e silia atu foki ia latou i te kaitaua, kae ko oti ne fai ia koe e feasoasoani ki te Fakatokaaga kae puipui ate Tulafono a te Atua, ko te Iloa-Katoatoa, ko te AtamaiKatoatoa. Mai ia Ia Tela ko te Mea Tonu! Au agaasala masei ne fai ne ala i ei a Kapilielu ke tagi, kae tapale mai a loimata mai i te Tulafono a te Atua, mai i ei a matagi iliili malie o te fakamasino tonu ko agiagi i luga i tagata katoa i te lagi mo te lalolagi. Ko oti a koe ne mafaufau fiafia i te fakamasinoga ne fai ne koe e aogaa fua kia koe? Ikaai, mai ia Ia Tela ko te Tupu o Igoa katoa! Ki te luusi o koe e molimau a Ia mo Ia Tela a poto i mea katoa tenei e fakamau i te Tapeleti tausi. I te taimi ne pene i ei a tau fakamasinoga, ne losi ne koe i te pene foki loa tenei. Ki te mea tenei e molimau a te Pene a te Atua, ko te tafasili i te Maluga, i Tena tulaga e se-mafai o oko gina.

O ko koe ko galo keatea! E seki lavea aka loa Au ne koe, io me ne sokotaki mo Au, io me ko koe ko Toku faka-taugasoa i se vaega foliki o te minute. E mafai la pefea, tena, o fai koe ki tagata ke fakamalaia Au? Tuku mai se failoga, ma fai koe se tino mai mea tonu. Matou e molimau me ia koe ko oti ne liakina i tou tua ate Tulafono a te Atua, kae faka-aoga e mea e fai mai ne ou manakoga. E seai, i te tonuuga, e sao mai i Tena poto; a Ia, e tonu, ko te Se-Fakatusa Gina, ko te FakailoaKatoatoa. O tokotasi e se fakalogo! Fakalogo ki te mea ne fai atu ne te Alofa Fakamagalo te la e fakaasi i te Qur’án: “Sa faigina ki se tasi e fetaui mo koe ki se fakatalofaaga penei, ‘A koe seai se tino talitonu.’”4 [Qur’an 4:96] Tena ne fakatonu mai ne Ia i Ana lima ko maalo o te Fakaasiiga mo te foafoaaga, mafai ko koe ia latou ko la e fakalogo. Ko oti ne tuku faka atea ne koe a te fakatonuuga a te Atua, kae piki mau koe ki musmusuuga o ou manakoga. Faka fanoanoa, tena, kia koe, O ko koe tela e faivalevale kae falotolotolua! Ka fai e se manako koe kia Au, sea a te fakatalitonuuga e mafai i ei o lago ki te mea tonu tena e nofo mo koe? Fakaasi aka, tena, O ko koe ko oti ne soko mo te Atua, kae liakina keatea a Tena nofoaiga-faka-aliki te la e siomia i lalolagi!

O te tasi o valea! Ke iloa me ko ia e tafasili i te poto te la ko iloa ne ia a Taku Fakaasiiga, kae inu mai i te Vasa o Toku poto, kae lele ki te ea o Toku alofa, kae liakina keatea a mea katoa na ko Au, kae puke mau ki mea ko oti ne tuku ifo mai i te Maalo o Taku faipatiiga gali ese. A Ia, e tonu, pe la me se mata ki tino, kae pe la me se agaaga o te ola kit e fuaitino o te foafoaaga. Te matagofie ei i luga i te Alofa-Faamagalo-Katoatoa Tela ko oti ne fakamaina a ia, kae fai a ia ke tu ki luga o tavini a Tena Fakatokaaga takutakua kae mafi. E tonu, a se tagata pena e fakamanuia gina ne te Lukuuga Mana mai i luga, kae mai ia latou ko la e nofo i loto ite Fale Tapuaki malu o te Matagofie Sili i te Gali, te la ko oti ne inu mai i Taku uaina i Toku Igoa, ko te Silisiliese, ko te Maalosi-Katoatoa. O Báqir! Kafai a koe e kau ia latou ko la e nofo i tulaga maluga, tuku mai se failoga mai i te Atua, ko te Tufuuga o lagi. Kae kafai e lagona ne koe a tou seai se maalosi, toe akutu a ou manakoga, kae foki atu ki tou Aliki, e iloa la e mafai ne Ia o fakamagalo a koe mo au agasala ko la ne fai ne latou a lau lakau o te Lakau Ola Faka-te-Lagi ke kaa, ka ko te Kaupapa ke tagi ki luga, ka ko mata o tagata ote malamalama ke tagi foki i te fanonoa. Ona ko koe a te Veli o Faka-Atua ne maofa ki lalo, ka ko te Vaka ne apulu, ka ko te Kamela-Fafine ne piiki ona vae, ka ko te Agaaga5 ne tagi tagi i Tena fokiiga tafasili i te maluga. Fakakinau koe mo Ia Tela ko vau kia koe mo fakamaoniiga a te Atua mo Ana failoga ko la e nofo mo koe kae ko la foki e nofo mo latou ko la i te lalolagi? Tala ou mata ko te Tokotasi ne Faka-See-Gina e mainina atu i luga o te sikulagi o te finagalo o te Atua, ko te Tupu, ko te Mea Tonu, ko te Malifalifa. Sa taofi gina, tena, a taliga o tou loto ko te mea ke mafai koe o fakalogologo ki te faipatiiga a te Lakau Ola Faka-te-Lagi te la ne avaka ki te mea tonu ne te Atua, ko te MafiKatoatoa, ko te Alofa-Foai. E tonu, a te Lakau Ola tenei, e uiloa a mea ko la ne pokotia ki ei ona ko tou sauaa mo agasala a latou pe la mo koe, e kalaga ki luga kae fai atu ki tagata katoa kia Sadratu’l-Muntahá6 mo te SIkulagi Tafasili i te Maluga. Fakamanuia a te agaaga ola te la ko oti ne kilo ki luga i te Failoga Tafasili i te Takutakua, mo te taliga te la ne lagona a Tena Leo malie, kae fanoanoa ki ia te la ko fuli mai keatea kae ne fai nei ia i se uiga masei.

O koe te la ko oti ne fuli keatea mai i te Atua! Moi fai a koe e kilo mai mo mata o te fuafuatau fakamaoni ki luga i te Lakau Ola Faka-te-Lagi, ka lavea ne koe a maaka o tau pelu i luga i fuiatino lakau, mo kaula, ko ona lau lakau, kae tuku la iei i te Atua ne faiite ne Ia a koe mo te pogai ke lavea kae tavini atu a koe. Toe mafaufau aka, ko te mea ke fiafia koe o lavea au agasala masei ne fai kae ke lau koe mo latou ko la ko oti ne salamo. Mafaufau aka loa koe me ko Matou e mataku ki tou sauaa? Ke iloa lei ne koe me mai i te aso muamua ne vau a te leo o te Pene Tafasili i te Takutakua i te va o te lalolagi mo te lagi a Matou ne tuku atu agaaga ola o Matou, fuaitino o Matou, mo Tamakili tagata a Matou, mo kope o Matou i te auala o te Atua, ko te Maluga, ko te Takutakua ka ko Matou e fakamana i vasia o mea faiite katoa mo te Lukuuga Mana mai i luga. Ki te mea tenei e molimau a mea ko oti ne pakuu ki luga ia Matou i te Auala tonu. Mai i te Atua! A loto o Matou ko oti ne kaigina, ko fuaitino o Matou ko fakasataulo, ka ko toto o Matou ko maligi, ka ko mata o Matou ko fakasaga tonu ki luga i te sikulagi o te alofa-kaimalie o te olotou Aliki, ko te Molimau, ko te Lavea-Katoatoa. Ko te lasi a te masei o te olotou fanoanoa, ko te lasi e fanaka i ei a te alofa o tino o Bahá. Ki luga i te olotou fakamaoni e fai i ei mo molimau ki mea ko la ne tuku ifo ne te Alofa-Fakamagalo Katoatoa i te Qur’án. Ana muna: “Manako koe, mo te mate, manafai a koe e fakamaoni.”7 [Qur’an 2:88] Ko ai e manakomia, ko ia te la e fakamalu i tua o laugatu pono famalamalama, io me ko ia te la e ofo a ia i te auala o te Atua? A koe ke fakamasino fakalei, kae sa fai pe la mo latou ko la e takaseasea i te togavao o te pelo. Ko avea keatea a latou ne te vai o te ola o te alofa o te tafasili i te Alofa-Fakamagalo, e se mafai ne lima o te lalolagi io me ko pelu tau o fenua e mafai o fakalavelave kia latou mai i te tuku tonu olotou mata ki mua i te vasa o te alofa o te olotou Aliki, ko te Foai, ko te Kaimalie.

Mai i te Atua! Fakalavelave ne seki mafai o fakamataku mai kia Au, ka ko te teke o tino o kau lotu aunoa mo se maalosi o faka vaaivai Au. Ko oti Au ne faipati, kae e toe faipati loa atu ki mua o mata o tagata: “A te mataloa o te agalelei ko oti ne matala ka ko Ia Tela ko te Aso Kamata o te Fakamasinoga Tonu ko vau mo te failoga maina mo molimau manino, mai i te Atua, ko te Aliki o te maalosi mo te mafi!” Vau ki Oku mua ko te mea ke mafai ne koe o lagona a mea lilo ko la ne lagona ne te Tama Tagata a ‘Imrán8 [Moses] i luga i te Sinai o te Atamai. Tena e fakatonu atu kia koe ne Ia Tela ko te Maalu Malu o te fakaasiiga o tou Aliki, mai i Tena Falepuipui takutakua.

Ko oti a te takitaki ne fai ne ia koe ke fakamatamata? Sukesuke ne koe a mea ko oti ne fakaasi mai ne te Atua ki te Tupu takitaki, te Tupu o Turkey, te la ne fakafenua kese kae faka falepuipui Au i te olo maalosi tenei, ko te mea ke mafai o fakailoa mai a te nofonofooga o te Tokotasi ne Faka See-Gina, pe la mo te finagalo o te Atua, Te Tasi, Te Tokotasi, ko te Fakailoa-Katoatoa. E se fiafia koe o lavea a te fakaalofa mo te ausagi se aoga o ou taugasoa tautali atu? Latou e lagona a koe pe la loa mo tino mai mua ia latou, latou ko la ne tautali ia Annas, tela, e aunoa mo fakamaoniiga mo fakatalitonuuga maina, kae ne fakaiku atu a te fakamasinoga o teke atu ki te Agaaga.9

Tauloto ne koe a te Kitáb-i-Íqán mo mea ko oti ne tuku ifo ne te AlofaFakamagalo Katoatoa ki luga i te Tupu o Paris10 (Napoleon III) mo niisi pe la mo ia, ko te mea ke atafia ia koe a mea pena ko la ne tupu i taimi ko teka, kae ke loto mai koe ia Matou e seki salasala atu o fakasalalau a te se-nofo toka i te fenua mai i tua ko oti i ei ne fakatoka faakalei. Matou e akoako atu, ona loa ko te Atua, Ana tavini. Tuku a ia te la e fia fuli atu kia Ia, mo ia te la e fia fuli keatea. A tou Aliki, ko te Alofa-Fakamagalo, e tonu ko te Ola-Loa-ia-Ia katoatoa, ko te Tavaeega Katoatoa. O lukuuga o tino kau lotu! Mea nei ko te aso te la e seai mai i tafa o mea katoa, io me ko se igoa i vasia o igoa katoa, e mafai o aoga kia koe vagana mai i te Igoa tenei ko oti ne fai ne te Atua me ko te Faifekau o Tena Fakatokaaga mo te Aso Kamata o Ana Igoa Tafasili i te Silisiliese e fuli katoa a latou i te maalo o te foafoaaga.

Fakamanuia a te tagata ko oti ne iloa ne ia a te manogi o te Alofa-Fakamagalo Katoatoa kae ko oti ne lau ia latou ko la e fakatuanaki. A saienisi a koutou e seai ne mea a koutou e maua mai i ei i te aso nei, io me ko atamai mo poto aka, io me ko kope taaua a koutou, io me ko te matagofie o koutou. Liakina keatea katoa loa mai i outou tua, kae fakasaga a outou mata ki te Muna tafasili i te Maluga ko la e fai mai a Mataupu Silisili mo Tusi mo te Tapeleti manino tenei ko oti ne fakaasi fakalei mai loa. Liakina keatea, O lukuuga o tino o te kau lotu, a mea ko oti ne tusi gia ne koutou ki pene o mafaufauga fakasupasupa mo manatu e seai ne aoga. Mai i te Atua! A te Fetu Ao o te Poto ko oti ne sulu maina atu mai i luga i te sikulagi o te talitonu.

O Báqir! Faitau kae masaua a te faipatiiga a se taugasoa talitonu e uiga mo koutou: E tamate ne koutou a te tagata ona ko ia ne faipati i te Aliki ko tena Atua, a ko Ia ko leva ne vau mo mai i tou Aliki? Kafai a ia e pelo, i luga ia ia ko te loi, kae kafai a ia e faipati ki te mea tonu, se feitu o te mea a ia tena e fai atu e to ki luga ia koutou. I te tonuuga, a te Atua e se-takitaki ne ia te la e ofa a tulafono, kae e loi.”11 [Qur’an 40: 29]

O ko koe te la ko fano fakaatea! Kafai e isi sou masalosaloga e uiga mo te amio a Matou, ke iloa ne koutou ia Maotu e fai mo molimau ki te Atua te la a Ia ko oti ne fai mo molimau i taimi o te faiietega o lagi mo te lalolagi, e seai aka foki se Atua a ko Ia, ko te Mafi-Katoatoa, ko te Alofa-Maukoloa kae Atafai. Matou e molimau ia Ia ko te Tokotasi i Tena Uiga Tonu, Tokotasi i Ona uiga. E seai aka foki e pau mo Ia i te iunivesi katoatoa, io me se taugasoa i te foafoaaga katoatoa. A Ia ko oti ne uga mai Ana Faifekau, tuku ifo Ana Tusi, ko te mea ke mafai ne koutou o fakasalalau atu ki Ana mea ola katoa a Tena Auala Tonu.

Moi ne fai a te Sháh ko oti ne fakaioa ki ei, kae filifili ke pono ana mata ki au amioga? Io me ko ia ko puke ne te mataku i te tagi tagi o lukuuga o uolosa ko la ko oti ne liakina keatea a te Auala o te Atua mai i olotou tua kae tautali i outou auala aunoa mo se fakamaoniiga maina io me se Tusi? Ko oti ne lagona ne Matou i kogaa fakai o Pelesia ko oti ne fakalakei ki ei a te lakei o te fakamasinoga tonu. Kae e toe onoono fakalei atu a Matou, ne maua aka ne Matou i fakai kona latou ko kogga mea e kamata i ei a te sauaa mo aso kamata o fai Fakamasinoga se-tonu. E lavea ne Matou a te fakamasinoga tonu i lima o latou sauaa. Matou e akai fakamolemole ki te Atua ke fakasaoloto mai i te maalosi o Tena mafi mo te nofoaiga-faka-aliki. A ia, e tonu, e pulougina katoa a lagi mo te lalolagi. Ki so se tino e seai sena saolotooga o teke ki se isi tino aka e uiga mo mea ko la ko oti ne tato ki luga i te Fakatokaaga ate Atua. E tau mo so se tino ko oti ne fakasaga ona mata ki mua i te Sikulagi Tafasili i te Maluga o piki mau ki kafanoa o te onosai, kae tuku a tena fakanaaga i te Atua, ko te Feasoasoani-i-Mea-Faiagata, ko te Se-Mafai o Taofigina. O koutou ko fagasele a te Atua! Inu a outou tusaga mai i te vai-malulu o te atamai, kae faipati mo te atamai, kae sasale a koutou i te fatoaga o te atamai, kae lele atu koutou ki te ea o te atamai, faipati mo te atamai mo te mautua. Tena e fakatonu mai a te outou Aliki, ko te Mafi-Katoatoa, ko te Iloa-Katoatoa.

O Báqir! Sa fakana ki tou matagofie, mo tou maalosi. A koe pe la mo te toe fakasinoga o te mainaaga o te laa i luga i te tumu o te mauga. Ko pili ko masolo i ei keatea, pe la mo te fakatonuuga a te Atua, ko te Pule-Katoatoa, ko te Tafasili i te Maluga. A tou matagofie mo te matagofie o latou ko la pe la mo koe ko oti ne kave keatea, kae e tonu a te mea tenei ne fakaeke mai ne te Tokotasi Tela ko te Matua o Tapeleti. Tefea a ia ke maua mai te la e teke ki te Atua, kae ko fano a ia ki fea kae fakakinau ki Ana failoga, kae fuli atu keatea mai i Tena nofoaiga-faka-aliki? Ko fea a latou ko la ne ta ne latou Ana tino filifilia kae ne fakamaligi a toto o Ona tino mana? Toe mafaufau, ko koe ke fiafia o atafia a manavaaga o au faiga, O ko te masalosalo valea! Ona la ko koe a te Aposotolo12 (Muhammad) ne tagi fanoanoa, ka ko te Tokotasi Matakalekale13 ne tagi atu ki luga, ka ko fenua ko nofo fua seai ne aoga, a te pouliga ko nofo i kogaa koga katoa. O lukuuga a tino lotu! Ona la ko koe a tino ne fakatigaina gina, ka ko te fuka o Islám ne futi mai ki lalo, mo te nofoaiga a tupu mafi ne makosu. I so se taimi a te tagata o te Matakite e sala ke piki mau a ia ki mea ke fakamaluga a Islám, e avaka ne koe a se fuakata, te la la a ia ne fakalavelave ke maua a tena fakamoemoega, ka ko te fenua e tumau i te to ki te maofa masei valevale.

Mafaufau ki te Tupu o Turkey! A ia e se manako ki te taua, ka ko latou pena mo koe ne manako ki ei. Kafai ko afi o ia e faka-ka kae ola aka ki luga ona ulaaga, a te maalo mo tino ka vaaivai. Ki te mea tenei e fai mo molimau a so se tagata o te fuafuatau fakamaoni mo te atafia. Ona fakamaseiiga ko gasolo aka loa o maalosi ko la a te au mai i ei ko siomia katoa i ei a te Fenua (Land of Mystery – Adrianople) mo ana tafatafaaga, mo mea ko la ko oti ne tuku mai te Tapeleti o te Tupu ko oti ne fakaasi mai ki tua. E tena ne fai mai i te Tusi, mai i te fakatonuuga a te Atua, ko te Feasoasoani-i-Mea-Faigata, ko te Ola-Loa-ia-Ia.

O Taku Pene Tafasili i te Maluga! Liakina ne koe a te takuuga o te Uolosa, kae fakamasaua aka a te Gata-Fafine (She-Serpent - The Imam-Jum’ih of Isfahan) te la ko te sauaa ne ala i ei a mea faiite katoa o tagi, ka ko totooga o latou mana ke polepole. Tena la e fai atu kia koe a te Aliki o igoa, i te tulaga matagofie tenei. A te Tokotasi Matakalekale16 (Fatimih) ne tagi atu ki luga ona ko au faiga masei, kae e ui i ei a koe e mafaufau ia koe se kaaiga tokotasi o te Aposotolo a te Atua! Tena ne fakaoso a koe ne tou agaaga ola, O ko koe te la ko oti ne fuli keatea mai i te Atua, ko te Aliki o mea katoa ko la ko oti kae ka tupu mai i mua. Fakamasino mo te fuafuatau fakamaoni, O ko te Gata-Fafine (She-Serpent)! Se aa a te agasala ne fakamae i ei ne koe a tamaliki17 (The King of Martyrs and the Beloved of Martyrs) a te Aposotolo a te Atua, kae fakamasei kae kaisoa a olotou kope? Ko oti ne faka-se-aoga ne koe a Ia Tela ne faiite a koe mai i Tena tonu “ke pena, kae ne mafua mai pena (be, and it was)”? A koe ko oti ne fakafesagai mo tamaliki a te Aposotolo a te Atua auaa ia ‘Ád e seki fakafesagai mo Húd, io me ko Thamúd mo Ṣáliḥ, io me ki Iutaia mo te Agaaga o te Atua,18 (Jesus) ko te Aliki o tino katoa. Teke atu ne koe a failoga o tou Aliki ko la e se leva kae tuku ifo mai I te lagi o Tena Fakatokaaga ko ifo katoa loa a tusi o te lalolagi kia latou? Talo faka pooko, ko te mea ke mafai ne koe o iloa au mea ne fai, O ko te takaseasea e se fakalogo! Ko pili kae oko mai a te polopoloakiga kia koe, pe la mo te mea ne oko kia latou mai i mua ia koe. Faitali, O koe ko oti ne sokotasi mo te Atua, ko te Aliki o te lavea mo te se-lavea. Mea nei ko te aso ne fakapula ne te Atua mai i te laulaufaiva o Tena Aposotolo. Toe mafaufau aka, ko te mea ko koe ke mafai o maua a mea ko oti ne tuku ifo ne te Alofa-Fakamagalo Katoatoa i te Qur’án mo te Tapeleti tenei. Mea nei ko te aso te la a Ia Tela ko te Aso Kamata o te Fakaasiiga ko oti ne vau mo masauaaga manino e seai e ana maua o lau. Mea nei ko te aso te la a so se tagata e nofo ia ia a te atafia ko oti ne maua ne ia a te manogi o te matagi iliili malie o te Alofa-Fakamagalo Katoatoa i te lalolagi o te foafoaaga, ka ko so se tagata o te kilo mao e fakavave ki te vai o te ola o Tena Aliki, ko te Tupu o Tupu. O koe ko te se fakalogo! A te tala o te Sacrifice19 (Isamaeli) ko oti ne toe sautalagina, ko ia te la ne fai ke tuku atu ki mua ko oti ne fakasaga tonu ona kalafaga ki mua i te koga o te taulaga, kae e se foki mai, ona ko mea ne fai ne tou lima, O ko ia ita faifitoi! I tau fakatau a te mate faka matulo e lepe ne ia a te Fakatokaaga tenei? Ikaai, mai ia Ia Tela a te Atua ko oti ne fai mo fai a te Koga Tausi i ei a Tena Fakaasiiga, mafai a koe ko latou ko la e malamalama. Fanoanoa kia koe, O koe ko kau tasi mo ou taugasoa mo te Atua, kae fanoanoa kia latou ko la ne tofi a koe mo fai a te olotou takitaki, aunoa mo se fakanofooga manino io me se maina. E toko fia katoa ate kau teke mai mua o koe ne tu aka ki luga o tamate a te mainaaga o te Atua, kae e toko fia foki a tino amio se-llei ne tamate tino kae fakamasei kaisoa ke oko ki loto mo agaaga ola o tagata ko gulu ona ko te sauaa o koutou! A te kaa o te fakamasinoga tonu ko pono, pe la loa mo te ata o te sauaa ko oti ne fakatu i luga i te kalauna a tupu o te ita, ka ko tino e seki maina loa iai. A tamaliki o Aposotolo ko oti ne ta ka ko olotou kope taaua ko oti ne kaisoa kae fakamasei. Fai atu: Ko latou, i tau fakatau, ko olotou kope taaua, io me ko latou ko se talitonu i te Atua? Fakamasino fakalei, O ko ia valea te la ko oti ne pono pe la me se veli mai i te Atua. A koe ne piki mau ki te sauaa kae liakina keatea a fakamasino tonu; mai i ei a mea faiite katoa ko salamo, kae e ui i ei a koe e lau loa ki tino masei. Ko oti ne tamate ne koe a latou matua, kae faka masei foki a latou koi foliki. E mafaufau a koe me ka fakaaoga ne koe a mea ne maua mai i auala matagaa? Ikaai ia Au! Tena e fakailoa atu kia koe ne Ia Tela e iloa a mea katoa. Mai i te Atua! A mea ko la e nofo mo koe e seai ne aoga o latou kia koe, io me ko mea ko la ko seai ia koe ona ko tou kaitaua. Ki te mea tenei e fai mo aku molimau a Tou Aliki, ko te Iloa-Katoatoa. A koe ko oti ne tu ki luga o tamate a te mainaaga o te fakatokaaga tenei; ko pili aso ko tamate i ei a tou afi, mai i Tena fakatonuuga. A Ia, e tonu, ko te Aliki o te maalosi mo te mafi. A mafulifuiiga mo avanoaaga o te lalolagi, ko maalosi o fenua, e se mafai lele o fakalavelave a Ia. A Ia e fai a te mea e fiafia a Ia ki ei, kae fakaeke a te mea e loto a Ia ki ei mai i te maalosi o Tena nofoaiga-faka-aliki. Mafaufai ki te kamela fafine. E uiloa se manu, ka ko te AlofaFakamagalo Katoatoa ne fakamaluga a ia ki se tulaga e maluga kii ne ala i ei a laulaufaiva o te lalolagi o takutaku a ia kae fakamanatu a tena tavaeega. A Ia, e tonu, e pulou katoa a mea i te lagi mo te lalolagi. E seai aka se Atua na ko Ia, ko te Mafi-Katoatoa, ko te Takutakua. Tena la a Matou ne fakasopo a te lagi o te Omotou Tapeleti ki laa o muna a Matou. Fakamanuia a te tagata te la ne oko atu kae ne fakamaina ki te mainaaga, kae fakafanonoa kia latou ko la ne fuli keatea, kae e se talia a Ia, olo mao loa fakaatea mo Ia. Tavaeega e io te Atua, te Aliki o lalolagi!

E uiloa i te Lalolagi o te Matagofie e seai ne mitamitaaga o te lalolagi, kae e ui i ei i loto i te kogaa koga tausi o te fakanaaga mo te taliaaga Matou ko oti ne tuku ki Omotou sui a se Mea Taaua (heritage) te la e silisili i te gali kae e se maua o iloa a tena togi. Kope taaua faka-te-lalolagi e seki tuku ne Matou, io me ko Matou ko oti ne faopopo a te tausiga o latou. I te Atua! I maumea faka-te-lalolagi a te mataku e muni ka ko te faigata e fakagalo. Mafaufau koutou kae manatua a te mea ko oti ne fakaasi mai ne te Alofa-Fakamagalo Katoatoa i te Qur’án: “Fanoanoa ki so se tino e faipati loi ki sua tino mo te fakamasei ki sua tino, a ia tela e fonu i te maumea kae lau a latou.”1 [Qur’an 104:112] E mausolosolo a maumea o te lalolagi; katoa e olo o galo ki lalo kae e se mafulifuli, e seki mea aka loa, o tau o faipatigina, vagana ki se fuafuaaga tau.

A te fakamoemoega o te Tasi ne Faka See-Gina i te fakatumauuga o fanoanoa mo fakalaveave, i te folafola atu o Kupu Mana mo te fakaasi atu o molimau ko la e seai na ko te tamate o te afi o te ita mo te fai fili, ko te sikulagi o loto o tagata ke mafai o fakamaina ki te mainaaga o te fealofani kae ke maua a te tina filemu mo te nofo toka. Mai i te maalu-malu o te Tapeleti faka-te-lagi tenei a te fetu ao o te faipatiiga tenei e sulu maina malifalifa, kae e tau a tino katoa o fakamau a olotou kiloga ki ei: Matou e akoako atu kia koutou, O tino o te lalolagi, ke tautali ki mea ko la ka avaka i ei a te outou tulaga. Puke ke mau ki te mataku ki te Atua kae taofi mau ki te mea e tonu. E tonu au e fai atu, a te laulaufaiva ne aumai mo te takuuga o mea lei, sa fakalailai gia ki te faipati se tau. A te Atua ko oti ne fakamagalo a mea ko teka. Mai i taimi nei a tino katoa ko tau o muagutu a mea ko la e lei kae e tau, kae e tau o fakaseai mai ia latou a te faipati fakamasei ki sua tino, sona faipati kae i so se mea te la e fai ne ia a te fanoanoa i tagata.

E maluga a te tulaga o te tagata! I se taimi seki leva ne teka a te muna maluga ne vau i kope taaua o te Omotou Pene o te Matagofie: Takutakua kae fakamanuia gina a te Aso tenei – ko te Aso te la a mea katoa ko la e nofo i tagata ko oti kae ka fakaasigina katoa. E maluga a te tulaga o te tagata, moi fai a ia e taofi mau ki te amio tonu mo te mea tonu kae tumau i te mautakitaki i te Fakatokaaga. I mata o te Alofa Fakamgalo Katoatoa a te tina tagata e sae mai pe la me seai sena fuaitino; ko tena laa mo te masina ko tena kiloga mo te lagona, ka ko uiga sulu maina malifalifa ko ona fetu. A ia ko toe tulaga maluga eloa, ko tena fakapokotia e akoako i ei a te lalolagi o tino.

So se agaaga ola e matala te la ko oti i te Aso nei ne manava ki te manogi gali o Tena gatu kae ko oti, mo se loto piua, ne tuku tonu ona mata ki mua i te Sikulagi matagofie katoatoa e lau i tino o Bahá i te Tusi o te Feagaiiga. Puke ne koe, i Toku Igoa, a te ipu o Toku alofa-kaimalie, inu a tou tusaga i Toku matagofie mo te masauaaga sili-ite-gali. O koutou e nofo i te lalolagi! A te talitonuuga a te Atua e mo te alofa mo te fakatasitasi; sa faigina mo fai a te pogai o te fai fili mo te fai taua. I mata o tagata o te iloa mo latou ne lavea a te Kiloga Tafasili i te Maluga - Most Sublime Vision, so se mea e puipui kae fakamasiki aka a te fiafia mo te nofo llei o tamaliki a tagata ko leva ne fakaasi mai ne te Pene o te Matagofie. Ka ko latou valea o te lalolagi, ona ko te mea ne ola aka i uiga mo manakoga masei, e tumau a te se-fakalogo ki te atamai katoatoa o Ia Tela, i te tonuuga, ko te Atamai-Katoatoa, ka ko olotou muna mo olotou uiga e fakamaalosi ne manatu fakasupasupa mo mafaufauga e seai ne aoga.

O koutou ko fagasele mo sui o te Atua! A Tupu ko fakaasiiga o te maalosi, ka ko aso kamata o te mafi mo te maumea, e o te Atua. Talosaga koutou mo latou. Ko oti a Ia ne tuku atu kia latou a te pulepuleega o te lalolagi kae fakapatino a loto o tagata pela me ko Tena laufenua.

A te taua mo te faka-kinau e fakatapu kii loa i Tena Tusi. Mea nei se fakatonuuga a te Atua i te Fakaasiiga Tafasili i te Takutakua tenei. E tausi fakallei loa faka-telagi mai i te masolo keatea kae e fakafonu ne Ia ki te gali ese o Tena faka-patonu. E tonu a Ia ko te Iloa-Katoatoa, ko te Atamai-Katoatoa.

E tau mo tino katoa o feasoasoani latou ki aso kamata o pulepuleega mo koga e aumai i ei a fakatonuuga ko la e fakaeke ki lakeiiga o te fuafua-tau fakamaoni mo te fakamasino tonu. Fakamanuia ki takitaki mo latou poto i vasia o tino Bahá. Latou kona ko Oku sui i vasia o Aku tavini mo fakaasiiga o Aku fakatonuuga i vasia o Aku tino. I luga ia latou e takato a Toku matagofie, Taku fakamanuiaaga mo Toku agalelei ko la ko salalau katoa i ei a te lalolagi o tino. I te feitu tenei e faipatiiga ne fakaasi i te Kitáb-i-Aqdas ne aumai mai i te sikulagi o olotou muna o te agalelei faka-te-lagi e maina kae malifalifa.

O koutou Aku Kaula! Se maalosi mafi kii, se maalosi tafasili i te katoatoa e takato funa i te lalolagi o tino. Fakamau a tau kilo ki luga i ei mo tena maalosi o fusi tasi, kae seai ki luga i kesekesega e sae mai i ei.

A te Togi Mate o Ia faka-te-lagi (Testator) ko galo e penei: E fakatonu atu ki Aghsán, ko Afnán mo Oku Kaaiga ke fuli, taki toko tasi mo katoa, olotou mata ki mua i te Kaula Tafasili i te Mafi. Mafaufau ki te mea ko oti ne fakaasi atu ne Matou i te Omotou Tusi Tafasili i te Mana: “Kafai a te vasa o Toku nofo-mai ko masa ka ko te Tusi o Taku Fakaasiiga ko oti, fuli outou mata ki mua ia Ia Tela a te Atua ko oti ne fakafeagaiiga mai, Tela e kaula mai i te Aka o te Favavau.” Ko te pogai o te kupu mana tenei e seai aka foki na ko te Kaula Tafasili i te Mafi [‘Abdu’l‑Bahá]. Tena ko oti a Matou ne fakaasi fakalei atu a te Omotou Finagalo maalosi, ka ko Au e tonu ko te Agalelei, ko te Alofa-Mataefa Katoatoa. E tonu a te Atua ko oti ne fakasopo a te tulaga ko te Kaula Lasi Atu (Muḥammad ‘Alí) ke mai i lalo i te Kaula Tafasili i te Mafi (‘Abdu’l‑Bahá). A Ia e tonu ko te Fakaeke, ko te AtamaiKatoatoa. Ko oti ne fili ne Matou a te “Lasi Atu” ke mai i tua o te “Tafasili i te Takutakua,” pe la mo te mea ne fakatonu mai ne Ia Tela ko te Iloa-Katoatoa, ko te Fakailoa-Katoatoa. E fakatonu ki tino katoa ke fakaasi a te alofa ki mua i Aghsán, ka ko te Atua e seki talia ke isi se saolotooga o latou ki kope taaua o niisi tino.

O koutou Aku Aghsán, Aku Afnán mo Aku itu-kaaiga! Matou e fakamaalosi a koutou ke mataku ki te Atua, kae fai a uiga e tavae gina kae e lei kae e tau o fakamaluga a tou tulaga. E tonu au e fai atu, mataku ki te Atua ko te takitaki tafasili tena e mafai i ei o manumaalo a te Fakatokaaga a te Atua, mo lukuuga e tau tonu ki te takitaki e tau ko te uiga lei mo amioga lei kae piua.

Fai atu: O tavini! Sa fai gina a auala o te nofo llei mo fai a pogai o te numi valevale mo te mea faigaluega o fakatasi o se taimi mo te se-fealofani. Matou e fiafia i te fakamoemoe ko tino o Bahá ke mafai o takitaki ki muna fakamanuia gina konei: “Fai atu: a mea katoa e io te Atua.” A te faipatiiga maluga tenei e pe la me se vai e tamate ne ia a te afi o te ita mo te fai fili te la e ka i loto i loto mo fatafata o tagata. Mai i te faipatiiga e tasi tenei a tino mo itu-kaaiga ka maua ne latou a te mainaaga o te

fakatasitasi tonu.

E tonu a Ia e faipati ki te mea tonu kae taaki i te auala. A Ia ko te MaalosiKatoatoa, ko te Maluga, ko te Agalelei.

E tau mo tino katoa o fakaasi atu a te aava kia, kae fakaaloalo mo Aghsán, ko te Fakatokaaga a te Atua ke fakamana ka ko Tena Muna e fakamaluga. A te fakatonuuga tenei i taimi mo taimi ne takutaku gia kae fakamau i te Fakasolooga Oota (Writ) kae Mana. E lei mo ia te la ko fakamafai o maua a mea ko la a te Fakaeke, ko te Favavau o Aso ko oti ne tusi mai mo ia. A koutou e fakatonu ke aava ki sui o te Fale Mana - Holy Household, - te Afnán mo itu-kaaiga. Matou e toe fakatonu atu kia koe ke tavini ki fenua katoa kae taumafai ki te llei o te lalolagi.

A te mea te la ko te toe fakafouga o te lalolagi mo te fakaolaaga o tino mo itukaaiga o te lalolagi ko oti ne tuku ifo ki lalo mai i te lagi o te faipatiiga a Ia Tela ko te Manakoga o te lalolagi. Fakalogo a tou taliga ki akoakoga a te Pene o te Matagofie. E llei atu tenei i lo a mea katoa i te lalolagi. Ki te mea tenei e molimau a Taku Tusi matagofie kae silisili-i te-gali.

Tavaeega kia Ia Tela ne fakamalu ate Fenua ko Bá1 mai i te nofo-mai o Ia tela e siomio faka-tamilomilo ne Igoa katoa. A atomu katoa o te lalolagi ko oti ne fakasalalau ki mea faiite katoa me mai i tua o te mataloa o te Fakai-Falepupui ne sae mai kae mai i luga i te sikulagi ne sulu maina mai a te Orb o te gali o te takutakua, ko te Kaula Tafasili i te Takutakua a te Atua – Tena favavau mo te Se Mafai o Fakatakavale Mea Lilo – e vau mai i te auala ki sua fenua. Fanoanoa, te la la, ko aofia i te Fakai-Falepuipui tenei, ka ko sua fenua ko fiafia. E maluga, e se fuafuagina i te maluga a tou Aliki, ko Tufuga o lagi mo te Tufuaga o mea katoa, a Ia mai i Tena nofoaiga-faka-aliki ne maatala a mataloa o te falepuipui, ne ala i ei o fakataunu a mea ne feagaiiga mai i ana mua loa. A Ia e tonu e maalosi i luga i mea e loto a ia ki ei, kae i Tena pule ko te laufenua o te foafoaaga katoatoa. A Ia ko te MaalosiKatoatoa, ko te Iloa-Katoatoa, ko te Atamai-Katoatoa.

Fakamanuia, toe fakalua ate fakamanuiaaga ki te laukele ne sasale i ei Ona kalafaga, ko te mata ko oti ne fakafiafia ne te gali o Ona mata, ko te taliga ko oti ne fakaaloalao i te logo ki Tena kalaga, ko te loto te la ko oti ne tami ki te magalo o Tena alofa, ko fatafata ko la ko oti ne liua ona ko Tena masaua, ko te pene te la ne fakaleo a Tena tavaeega, ko kofuuga laupepa ne fai mo molimau ki Ana tusilima. Matou e akai totuli ki te Atua – fakamanuia kae fakamaluga a Ia – ko te mea ko Ia ke mafai o fakaaloalo mai a tatou ki te fetaui mo Ia i se taimi pili mai. A Ia, i te tonuuga, ko te Logo-Katoatoa, ko te Maalosi-Katoatoa, ko Ia Tela e toka o tali.

(A te Tapeleti tenei se tusi ne laulau ne Baha’ullah kae fakatuatusi kia Mirza Aqa Jan, ko Tena failautusi kia ‘Abdu’l-Baha kae koi fano malaga a ‘Abdu’l-Baha i sena

malaga asi asi ki Beirut (ono ono ki The Order of Baha’u’llah, p. 136)

A te Atua e molimau me e seai aka foki se Atua na ko Ia Tela ne vau mai i te lagi o te fakaasiiga faka-te-lagi ko te Te Mea Lilo Funa, ko te Mea Lilo e Se-Mafai o Ofagina, Tena okomai ne valogina i te Tusi a te Atua kae ko oti ne fakatomua mai ne Ana Pelofeta mo Faifekau. Mai ia Ia ko mea lilo ko oti ne fakaasi, ko veli ko oti ne ofa ki lalo ka ko failoga mo fakatalitonu-uga ko oti ne folafola atu. Lo! A Ia ko fakaasi gina. E aumai ne Ia a te mainaaga o so se mea e loto a Ia ki ei, kae sasale i luga i koga maluga o te lalolagi, fakafonu i te afioga mo te maalosi taulekaleka.

Fakamanuia a ia maalosi te la e ofa ne ia a atua fakasupasupa mai i te maalosi o te Igoa o tena Aliki, ko Ia Tela e pule i luga i tagata katoa.

O Toku Afnán! A Matou e fakasino mai ke taku taku a tou igoa pe la me se masauaaga o te alofa o Matou, ko te manogi suamalie o Toku masausauaaga ke mafai o futi mai a koe ki Toku Maalo kae futi mai ke pili mai ki te Fale Tapuaki Malu o Toku afioga te la ko oti ne sisi mai i te maalosi o te Igoa tenei – se Igoa te la e fai ne ia a fakavae o fale ke gasuesue i te polepole.

Fai atu: O tino o te lalolagi! Mai i te amio tonu o te Atua! So se mea ko oti a koe ne faifeagaiiga atu i Tusi o tou Aliki, ko te Pule o te Aso o te Toe Fokimai, ko oti ne sae kae fakaasigina. Faetete i mafulifuliiga mo avanoaaga o te lalolagi e taofigina a koe ki tua mai ia Ia Tela ko te Tupu o te Mea Tonu. Ko pili ka tanumia katoa a mea e lavea ka ko mea fua ko la ne fakaasi mai ne te Atua, ko te Aliki o aliki, e tumau.

Fai atu: Mea nei ko te Aso o uiga tafasili i te takutakua, e seki iloa ne koe. Mea nei ko te Aso o te fakaaloaloga o te Atua mo te fakamatalaaga o Tena Muna, e se atafia ia koe. Liakina a mea konei e nofo mo tagata kae puke mau ki mea a te Atua, ko te Feasoasoani-i-Mea-Faigata, ko te Ola-Loa-ia-Ia, ko oti ne fakatonu atu kia koe. A te aso ko tele pa-makini mai ki taimi ko kope taaua katoa o te lalolagi ka seai ne aoga o latou kia koe. Ki te mea tenei e fai mo molimau a te Aliki o Igoa, A Ia e fakapula atu: E tonu, e seai se Atua na ko Ia, ko te Nofoaiga-a-Aliki Tonu, ko te Iloa o mea e se-lavea.

E lei i ei mo koe, O Taku Afnán, pe la mo koe ko oti ne fakamalu gina ke maua ne koe Aku Kupu Mana, ko oti ne manava ne koe a te manogi suamalie o Taku Fakaasiiga kae tali atu ki Taku Kalaga i se taimi Aku tavini mo Aku mea ola, e tuku ne latou a te Matua o Tusi mai i olotou tua kae, puke mau ki faipatiiga a faiakoga o manatu fakasupasupa mo mafaufauga e seai ne aoga, ko oti Au ne fakamasei ne latou. Tena la a te Laulaufaiva o te Silisiliese ko oti ne faipai i te maalo o faipatiiga ona ko te muna a te Atua, te Aliki o te Foafoaaga.

Fakatumau a koe fakalei i te tavini ki te Fakatokaaga, Tumau fakamaalosi a koe fakamaoni i te tavini o te Fakatokaaga kae, mai i te maalosi o te Igoa o tou Aliki, ko te Pule Aofia o mea katoa lavea mo te se-lavea, tausi a te tulaga ne avatu kia koe. Au e tauto i te amio tonu o te Atua! Kafai se tino e fakamatala ki ei a mea ko la e pono mai i mata o tagata, a ia ka maua ne se loto o eva atu i tena malaga ki te Atua, ko te Aliki te la ko leva ne isi kae ka isi foki mai mua nei.

Ke mafai ne Tena matagofie o nofo i luga ia koe mo i luga ia latou ko la ko pili atu kia Ia kae maua ia latou a te uiga o te mea te la ne fakamaluga ne te Pene a te Atua, ko te Mafi Katoatoa, ko te Alofa Katoatoa, ko oti ne fakamau ki lalo i te Tapeleti tenei.

Ko tavaeega katoa e io Koe, O toku Atua, pe la mo Koe ko oti ne faka safe ne

koe a te lalolagi ki te gali o te vaveao i te otiiga o te po te la ne fanau i ei a te Tasi Tela ne vau mai i mua o te Faifekau o Tou nofoaiga-faka-Aliki maluga, ko te Aso Kamata o Tou Uiga Tonu faka-te-lagi mo te Fakaasiiga o Tou faka-Aliki tafasili i te maluga. Au e akai totuli kia Koe, O ko te Tufuuga o lagi mo te Fakatoka o igoa, ke feasoasoani alofa kia latou ko la e fakamalu i lalo o te malu o Tou matagofie lauefa ko oti ne sisi aka olotou leo i vasia o tino o te lalolagi ki te fakamaluuga o Tou Igoa.

O toku Atua! E lavea ne Koe a te Aliki o tino katoa e sai i Tena Falepuipui Tafasili i te Takutakua, e kalaga atu ki luga ki Tou Igoa, e onoono atu ki Ou mata, fakapula atu a mea ko la e otia i ei a tino o Ou maalo o fakaasiiga mo te foafoaaga. O toku Atua! Au e lavea ne Au a Koe ko Koe loa e nofo fakapagota i lima o Au tavini, kae e uiloa a te mainaaga o Tou nofoaiga-faka-aliki mo fakaasiiga o Tou maalosi e se-laveagina e sulu maina malifalifa mai i Ona mata, e mafai i ei a tino katoa o iloa mo te fakapatonu ia Koe ko te Atua, kae e seai aka foki se Atua na ko Koe. Io me ko te maalosi o tafasili i te maalosi e mafai o fai mo fakalavelave kia Koe, io me ko te olo aka ki luga o pule e mafai o tumau i te teke atu kia Koe. A Koe e fai a so se mea e loto Koe ki ei ona ko Tou nofoaiga-faka-aliki te la e aofia i ei a mea faiite katoa, kae fakaeke gina a mea ko la e fiafia a Koe ki ei mai i luga i te maalosi o Tau ikuuga te la e salalau i te foafoaaga katoatoa.

Au e fakamolemole atu kia Koe i te matagofie o Tau Faifekau mo te maalosi o Tou mafi, Tou nofoaiga-faka-aliki mo Tou maluga ke aumai a te manumaalo kia latou ko oti ne tu ki luga o tavini a Koe, ko la ne fesoasoani ki Tau Fakatokaaga kae loto maulalo a latou i mua o te gali kese o te mainaaga o Ou mata. Fai a latou tena, O toku Atua, ke manumaalo i luga i Ou fili kae fai a latou ke tumau i Tau galuega, me mai ia latou a molimau o Tou laufenua e mafai o fakatu salalau i Ou kogaa lalolagi katoa mo masauaaga o Tou maalosi e se-mafai o faka-takavale kae e lavea gia o Ou fenua. E tonu a Koe e maalosi o fai a te mea e loto Koe ki ei, ko te Feasoasoani-i-Mea-Faiagata, ko te Ola-Loa-ia-Ia.

Ko te Tapeleti matagofie tenei ko oti ne fakaasi i te Aso Fakamanatu o te Fanauuga [o te Báb] ko koe ke mafai o lau i se agaaga loto maulalo kae talosaga kae fakafetai ki tou Aliki, ko te Iloa-Katoatoa. Ko te Logo Katoatoa. Taumafai maalosi a koe o tavini ki te Atua, me mai ia koe e mafai o sae mai a te mea te la ka fakamasaua i ei a koe ki te se-gata mai i Tena lagi matagofie kae maluga.

Fai atu: Matagofie a Koe, O toku Atua! Au e akai fakamolemole kia Koe i te Maalu Malu o Au failoga mo te Fakaasi o Au masauaga maina ke talai ko au ke mafai, i taimi katoa, o puke mau ki te kafanoa o Tou alofa atamai kae ke piki mau kii loa ki te kapa o te gatu o Tou alofa-kaimalie. Lau atu au i loto ia latou ko la a mafulifuliga mo avanoaaga o te lalolagi ne seki mafai o lue au keatea mai i te tavini o Koe kae mai i te talitonu fakamaoni kia Koe, ko la a te taulasiga o tino ne seki ai se maalosi o latou o fakalave mai i te fakalauefaaga o Tou Igoa kae fakamanatu a Ou tavaeega. Feasoasoani alofa mai kia au, O toku Aliki, ke fai a so se mea e fiafia kae manako Koe ki ei. Fai aka ke mafai ne au o fakataunu a mea ko la e fakamaluga i ei a Tou Igoa kae ka faka-ka ki te afi o Tou alofa.

A Koe, i te tonuuga, ko te Fakamagalo, ko te Alofa Mataefa.

O Ḥusayn! Te Atua ke talia a koe ke tumau i te malapulapu kae maina, mata fiafia pe la mo te mainaaga o te Laa o te Mea Tonu, kae ke mafai o fakamaatala a tou laulaufaiva o fakalauefa a te Igoa o te Atua, te la ko te toe uiga mata-onomea i uiga katoa.

Mafaufau ki te tokouke o agaaga ola ko la e se fuafuagina i te fiafia kae fia inu, kae te la la ka soko mai a te Vasa o te vai o te ola i te lalolagi o tino, a latou e tumau e seai, pe la me ko latou ko fakatamala o liakina a manatu fakasupasupa kae fai a latou ke iloa ia Ia Tela ko te Pogai o poto katoa. A te fakatamala tenei ko te taui o olotou amioga ne oko olotou lima ki ei mai i mua atu.

Tuku atu ne koe a fakafetai ki te Fagasele o te lalolagi aua ko te feasoasoani alofa atu kia koe ke maua ne koe a te fakapatonuuga i te Fakatokaaga matagofie tenei. Fakamolemole kia Ia ke fai a Ana fagasele ke tumau i ei, aua ko tusi lima faka ita a latou amio masei ko salalau kae fai mo mea fakakata a latou e lago ki te masei kae e soloki aka o maluga. Fiafia a latou ko la ko oti ne liakina ki olotou tua a mea katoa na ko te Atua kae piki mau ki mea a te Aliki o te maalosi ko oti ne fakasino ki luga ia latou.

Tena Matagofie ei luga ia koe kae e i luga ia latou ko la ne faka-mafai ke lavea kae kau atu i te Fakatokaaga tafasili i te mafi tenei.

Mea nei ko te Tapeleti ne tuku ifo ne te Aliki o tino katoa mai i Tena tulaga matagofie ona ko ia ko oti ne talitonu i te Atua, ko te Mafi Katoatoa, ko AlofaKatoatoa.

Fakamanuia a ia e folau te la ko oti ne iloagina a te Tokotasi e Manakogina, mo ia e salasala te la ne fakalogo ki te Kalaga a Ia Tela ko Tena fakamoemoega ki tino katoa, mo ia e poto kae ko oti ne talitonu i te Atua, ko te Feasoasoani-i-Mea-Faigata, ko te Ola-Loa-ia-Ia.

E pefea a tokouke o latou poto ko la ko oti ne fakaatea mai i te auala o te Atua kae e pefea foki a te tokouke o tino e seai ne akoakoga kae e talitonu ki te mea tonu kae fakavave atu kia Ia, e fai atu penei: “Tavaeega kia Koe, O te Aliki o mea

katoa, lavea mo te se-lavea.”

Mai i te amiotonu o te Atua! A te sikulagi o te lalolagi e malifalifa i te mainaaga o Mata Tafasili i te Takutakua, kae te la la a te taulasiga o tino e se atafia ne latou. E tonu a Ia Tela ko te Mea Tonu i te Nofoaiaga-faka-aliki e gasuesue i mata o tino katoa. Ki te mea tenei e fai mo molimau a Tokotasi Tela e fakasalalau i te kogaa loto o te lalolagi, “I te tonuuga e seai se Atua ka ko Au, ko te Silisiliese i mea Katoa, i taimi ko teka io me ko taimi ma vau.”

E takutakua te fakamanuiaaga a te tino talitonu te la ko oti ne fanatu ki mua ia Ia kae ko oti ne ulu atu ki loto i Tena nofo-mai, kae fakafanoanoa ki so se tino e setalitonu kae ko oti ne fuli mai keatea mai i te Atua kae tautali loa kia latou teke kae se llei.

O Taugasoa! I te Bayán Matou ne fakatonu atu ki tino katoa i te Fakaasiiga Tafasili i te Takutakua tenei ke lavea ne latou ki olotou mata totino kae logo ki olotou taliga totino. Kae kafai a te sikulagi o te lalolagi ko fakamaina ki te mainaaga malifalifa o te Fakaasiiga tenei, e tokouke kii a tino ko puli ia latou a te fakatonuuga faka-te-lagi tenei, galo ia latou a te faka tagi faka-te-lagi tenei kae fakagalo ifo a latou i loto i mafaufauga fakasupasupa ne faiite ne olotou mafaufau. E tonu a mata o te laa o te fakamasino tonu e muni mai i tua o kaumana o te manatu seai ne aoga ko la a latou valea ne faiite mai ne latou. Te la la e setioa a gasuesueega a manu o te pogisa e kilogagia ne tino. Mai i te maalosi o te Igoa o te Fagasele Tafasili i te Llei, kami mai a agaaga ko la ko toka ki te kogaa koga mana o te Atua, ko te mea ke mafai a latou o se nofo-tumau i te seai ia latou a te Punaa-Vai o te ola faka-te-lagi. A Ia, i te tonuuga ko te Agalelei, ko te Fakamagalo.

A te kiloga alofa-kaimalie a te Atua – e maluga kae matagofie a Ia – ko oti ne fakasaga ki se gata mai ki Ona taugasoa fakapelepele; e tonu a Ia ko te Tokotasi Tela e iloa kae masaua.

O Javád! E pena a te takutakua o te Aso tenei te la a te Itula foki loa ko pukegina ne te fakamataku, ko Tusitusiiga Tapu katoa faka-te-lagi ko fai mo molimau ki te afioga tafasili i te maalosi. I te Aso tenei a te Tusi ko fai mo molimau faka-aava ki Tena matagofie mo te Palenisi (Balance) ko pokotia o avaka ki luga a tena leo. Mea nei ko te Aso te la ne kalaga ki luga a Ṣiraṭ penei: “Au ko te auala tonu,” ka ko te Mauga ko Sinai e poi penei: “E tonu a te Aliki o te Fakaasiiga ko vau.”

Ka tupoloo loa i te konaaga i manatu faitogafiti, e maua ne tino o te laolagi i se tulaga e seiloa me se aa a te mea a latou ka fai. A latou, te la la, ko fakatapu mai i failoga gali kese a te Atua, e se saoloto foki o oko atu ki koulu fakaoti kae e fakaseai foki mai ia latou a sofiiga uke o te agallei alofa faka-te-lagi.

E tau mo tino o te Atua o onosai. E tau mo latou o fakateka atu a te Muna a te Atua fakatau ki te mafai o tino fakalogologo o maina mo te mafai o iloa, ko te mea ke mafai a tamaliki a tagata o fiafia o tu ki luga mai i te se fakalogo kae tuku atu olotou mata ki mua i te Sikulagi te la e se fuafuagina i te maluga i luga atu i sikulagi

katoa.

O Javád! A fakamanuiaaga e se lausia a te Atua ko oti kae e tumau o fakaoko atu kia koe. Tavaeega o te Atua! Ko oti a koe ne puipui mai i te fakamataku tafasili i te takutakua kae ko oti ne manumaalo i te fakapili mai o te Alofa Mataefa Takutakua (Most Great Bounty) i te taimi ko tagata katoa ko pono mai i te kilo ki te Tupu mai te fakavavau ona ko pono mai ne veli ki te matagofie lavea mai i tua, ko tino lotu fakamatuatua o te aso tenei. Fakataaua ne koe ke pe la loa mo tou ola a te molimau tenei e fakasalalau ne te Pene Matagofie-Katoatoa kae taumafai ki tou mafi katoatoa o tausi mai i te maalosi o te Igoa o Ia Tela ko te Tokotasi Fagasele o te foafoaaga katoatoa, ko te fakaaloalo maluga tenei ke fai mo molimau ki mata mo lima o tino kaisoa. E tonu a tou Aliki, ko te Fakalauefa mea, ko te Iloa-Katoatoa.

Moli atu a faka-talofaaga a te Tasi ne Faka See Gina ki taugasoa fakapelepele katoa i te kogaa koga tena kae masaua a Omotou masausauaaga maluga kae gali kese, ko te mea ke fiafia koutou o liakina a mea ko la e isi ia latou, kae tuku a olotou loto ki mea ko la e sokotaki ki te Atua kae ke tumau o ofa ki lalo a taumafaiiga mo uiga ko la e se tau.

Ke mafai a te matagofie o te Mafi-Katoatoa, ko te Atamai-Katoatoa, ke i luga ia koe kae e i luga foki ia latou ko la e kaaiga kia koe.

E takutaku ne Matou a ia te la ko oti ne lata ne te Kalaga a Matou i taimi ne avaka mai i te tumu o te matagofie taulekaleka kae tuku atu ona mata ki mua i te Atua, ko te Aliki o te foafoaaga. A ia e lau mo latou ko la ne lagona kae tali atu foki loa ki kalagaaga a te olotou Aliki i te taimi ko tino o te lalolagi ko ufitia kii loa ne veli. A ia e molimau ki te mea e molimau foki ki ei a te Atua, kae fakamatea a tena talitonu i mea ne faipatigina mai ne te Laulaufaiva o te gali silisiliese. Ki te mea tenei e molimau a te Aliki o Igoa i te Tapeleti gali kese tenei.

O Taku Pene maluga! Aumai a ia, i Toku manakoga, a tala lei fakafiafia e uiga mo mea a te Atua, ko te Maalosi, ko te Silisiliese, ko oti ne fakatoe mo ia. E tonu a ia ko oti, i te lasiiga o taimi, ne soko mo fanoanoa e se lausia, kae e tonu a tena Aliki alofa fakamagalo ko te Tokotasi Tela e lavea kae e iloa a mea katoa. Fiafia a koe i se fiafiaaga lasi pe la mo te Tokotasi ne Faka-See-Gina ko oti ne fuli atu Ona mata kia koe, ko oti ne taku a tou igoa mai i mua mo te taimi loa tenei.

Ki Aku fagasele avatu ne koe masausauaaga i Toku Igoa kae moli atu kia latou a tala lei o te alofa matagofie o te olotou Aliki, ko te Foai, ko te Kaimalie-Katoatoa. Mai i te tulaga maluga tenei a Omotou faka-talofaaga ki taugasoa talitonu ko la ko oti ne puke mau ki te Lima Mautinoa Tonu kae inu i te uaina filifilia o te fakamaoni mai i te lima o masauaaga o te olotou Aliki, ko te Mafi-Katoatoa, ko te Tavaeega-Katoatoa.

I te Aso tenei, a te mafaufau o te lagona e faipati poi penei, “Mea nei ko toku Aso, te la ne fakalogo atu au ki Leo sili kese i te gali e vau mai i laukele o te Fale Puipui o toku Aliki, ko te Masinasina, ko te Logo.” Ka ko te mafaufau o te lavea e kalaga ki luga penei, “ E tonu mea nei ko toku Aso, ia au e lavea ne au a te Kamataga o te matagofie e sulu malifalifa i te fakatonuuga a Ia Tela ko te Fakaeke, ko te Maalosi-Katoatoa.” Fakamanuia a te taliga te la ne lagona a te kalaga, “Taumata, ka ko koe ka lavea a Au.”1 [Qur’an 7:139] kae fiafia a te mata te la ne kilo ki luga i te failoga sili kese loa i te gali, e maofa mai i te sikulagi mainaina tenei.

Fai atu: O lukuuga mana o takitaki mo latou poto kae atamai! A te Aso ne Feagaiiga Mai ko vau ka ko te Aliki o Lukuuga ko otii ne sae mai. Fiafia a koe mo se fiafiaaga lasi ona ko te fiafiaaga tafasili i te maluga tenei. Feasoasoani a Ia tena la mai i te maalosi o te atamai mo te faipatiiga. Tena a te fakatonuuga a te Toko Tasi ko oti ne fakasalalau, “E tonu, e seai se Atua na ko Au, ko te Iloa-Katoatoa, ko te Atamai-Katoatoa.”

Ke mafai a Tena matagofie o takato i luga ia koe mo i luga ia latou ko la e nofo mo koe mo latou ko la e fakataaua ne koe kae fakalogologo i muna e muagutu ne koe i te tavaeega o te Fakaasiiga mafi kae malifalifa tenei.

O ko Koe e ave a Toku Igoa, Júd1 [Bounty]! I luga ia koe ko Toku Matagofie. Fakalogo a tou taliga ki mea ko la e lagona i taimi ko teka a ko te Fetu Ao o te molimau e maina malifalifa mai i luga i te sikulagi o ‘Iráq, ka ko Baghdád koi fai mo te Nofoaga o te Tupu ko tou Aliki, ko te Maluga, ko te Mafi.

Au e molimau ia koe ko oti ne fakalogo ki te sikuleo o te Atua mo Tena

fakaleooga suamalie, tuku atu a tou taliga ki te fakatagi a te Lupe o te Fakaasiiga faka-te-lagi kae ko oti ne lagona a te Naitigikale o fakatunaki e ligi atu ki mua ona nota i te Kaula o te Matagofie: E tonu e seai aka foki se Atua na ko Au, ko te SeMafai-o-Fakatusagia, ko te Fakailoa-Katoatoa.

O a koe te la e amo a Toku Igoa! A kiloga o te alofa-kaimalie o te Atua ko oti ka e tumau o tuku atu ki mua ia koe. I Tena nofo-mai, a koe ko oti ne lagona a te Leo o te Atua toko Tasi – e maluga a Tena matagofie – kae ko oti ne lavea a te gali ko seai se veli i te Mainaaga o poto faka-te-lagi. Mafaufau aka ki ei! E pefea a te maluga o te Faipatiiga a Ia Tela ko te Tupu o te Mea Tonu kae e pefea a te fakaalofa o te faitaua seai se aoga o tino! A te fakaputuuga o manatu e seai ne aoga ne fai mo mea e fakalavelave ki lagona ne tagata kae fakagata a latou o lagona a te Leo o te Atua, ka ko veli o tauloto a tagata mo manatu fakaloiloi ne taofi a olotou mata o lavea a te gali kese o te molii o Ona mata. Mo te lima o te mafi mo te maalosi ne fakasao ne Matou e tokouke a agaaga ola mai i te moe o fakatali ki te fakagalo atu lele loa kae fakamafai ko latou ke maua ne latou a te Aso Kamata o te matagofie. Se gata i ei Matou ko oti ne tuku aliali atu a mea lilo faka-te-lagi i se gana tafasili i te maina ne valo atu i ei a mea tupu mai i mua, te la se gata fua i falotolotolua o latou e seai ne fakatuanaki, io me ko fakaloiloi a latou fui fai, io me ko musumusuuga a latou se fakalogo e tausi i ei a latou ki tua a latou e saala ki te mea tonu mai i te Kamataga o te maianaaga o te Atua Tonu e Tokotasi. E ui iei a niisi tino pe la mene masaki ki te poole kae saitia a te manava, ko niisi ko malepe kae masa pe la me ne tafito lakau koi toe (tree-stumps). Ne liakina ne latou a te Atua, ko te tafasili i te Maluga – a Ia a Tena fakaasiiga o se kupu e tasi, a Tusitusiiga Tapu katoa o taimi ko teka mo taimi fakamuli e galo ifo ki te malalo mo te seai se aoga – kae tuku a olotou loto ki luga i tala loi kae tautali ki muna e masa a olotou uiga.

Ko oti a koe ne inu fakapatonu mai i te vasa o Aku faipatiiga kae molimau i te gali kese o te paneta o Toku atamai. Ko oti foki a koe ne logo i fakamunaaga o latou tino masei ko la e seki fakamasani mo akoakoga fakavae o te Fakatokaaga, io me ne tami i Uaina filifilia te la a tena pono ko oti ne maofa mai i te maalosi o Toku Igoa, ko te Feasoasoani-i-Mea-Faiagata, ko te Ola-loa-ia-Ia. Akai fakamolemole a koe ki te Atua ko taugasoa talitonu ko la e iai ia latou a te malamalama tonu ke mafai ne latou o fai a te mea fakafiafia kia Ia.

E fakaofoofogina me e uiloa a te Kalaga tagi pakalaga tenei, e uiloa a te sae mai o Fakaasiiga sili kese i te gali tenei, E matea ne Matou i tagata, i te taulasiiga o taimi, ko oti ne fakapiki olotou loto ki fakagaliiga o te lalolagi kae fanoanoa kae fakalavelavegina ona ko fakatauuga masei. Fai atu: Mea nei ko te Aso o te Atua Totino; mataku a koe ki te Atua kae sa fai pe la mo latou ko oti ne se talitonu ia Ia. Liakina keatea a tala seai ne aoga mai i oulua tua kae taofi a Taku Fakaasiiga auala i loto i Oku mata. Ko te mea tenei ko oti ne fakatonu mai i loto i Tusi mo

Tusitusiiga Tapu faka-te-lagi, mo peluuga a Pepa mo Tapeleti.

Tu ki luga a koe o tavini a te Fakatokaaaga a tou Aliki; kae tuku atu ki tino a tala fakafiafia e uiga mo te Mainaaga malifalifa te la tena fakaasiiga ko oti ne fakasalalau ne te Atua auala atu i Ana Pelofeta mo Faifekau. Fakatonu ki tino katoa se gata i ei ke tautali fakalei ki mea ne fakaeke mai ne Ia, i te Igoa o te Atua kae fatuaki atu kia latou, penei: E tau mo tino taki toko tasi katoa i te Aso tenei o te Atua o tosina a ia ki te talaiga o te Fakatokaaga i se auala ata fai fakallei mo te mautakitaki. Kafai e maua ne ia se laukele piua, talia atu ko ia ke toki a te tega o te Muna a te Atua, aua e lei atu mana se faipati.

I se taimi ko teka seki leva a Muna tafasili i te maluga ko oti ne fakaasi i te Tusi o te Feagaiiga ne te Pene Matagofie-Katoatoa: “A te lagi o te atamai faka-te-lagi ko malapulapu maina ne Mata Mainaaga e lua konei: ko te faipati faka tasi tasi mo te atafai.” E fakamolemole ki te Atua, ko tino taki toko tasi katoa ke mafai o tautali ki muna mautua kae fakamanuia gina tenei.

A niisi tino e pe la me mativa lele loa i te malamalama. Ona ko te piki mau ki te kafanoa o manatu fakasupasupa ko oti latou ne pono a latou mai i te Lima Mautinoa Tonu. Au e tauto i Toku Ola! Moi fai a latou e mafaufau looto i se taimi mo te fuafua-tau te la ne tuku ifo ki lalo ne te Alofa-Fakamagalo Katoatoa, a latou, tino taki tokotasi mo katoa loa, ka tuku a faipatiiga konei i te taimi loa tena ki muna penei, “E tonu a Koe ko te Mea Tonu, ko te Mea Tonu tuku faka matea.”

E tau mo koe o fuli a tau kiloga i taimi katoa ki te Atua Toko Tasi tonu, kae sala fakamaoni o tavini a Tena Fakatokaaga. Kalaga atu a koe o fakamasaua manafai ko nofo koe i Taku lukuuga, i loto i te Fale Tapuaki Malu o te Matagofie, kae lagona mai ia Au a mea ko la a Ia e sautala mo te Atua [Moses] kae lagona i luga i Sinai a te poto faka-te-lagi. Tena la ne feasoasoani a Matou kia koe, ke fakamafai a koe ke lavea a te mea tonu kae ke faetete a koe, ia koe mana avatu a fakafetai ki tou Aliki alofa mataefa. E tau mo koe o puipui a te tulaga tafasili i te maluga tenei mai i te maalosi o Toku Igoa, ko te Silisiliese, ko te Fakana Gina.

Moli atu aku faka-talofaaga o sui Au ki Aku fagasele kae fai atu kia latou ke fakalogologo ki Toku Leo suamalie. Tena e fakatonu atu a koe ne te Tokotasi Tela ne fakatonu atu kia koe i taimi ko teka; Au i te tonuuga ko te Fakaeke, ko te Fakailoa-Katoatoa. Te matagofie e i luga ia koe kae e i luga foki ia latou ko la e tuku olotou taliga ki au muna e uiga mo te Fakatokaaga takutakua tenei kae alofa kia koe ona ko te Aua, ko te Aliki o lalolagi.

O Ḥaydar!1 A te Tokotasi ne Faka See-Gina ko oti ne lagona a tou leo ne avaka ki luga i te galuega i te Fakatokaaga a te Atua kae e iloa kii a te lagona o te fiafia i Tena alofa ko oti ne fago aka a tou loto mo au poi o te tigaina ko poko ki luga i Ana fagasele. Au e tauto i te Aliki o te alofa fakamagalo! A te lalolagi katoa ko fonufonu i te fanoanoa ka ko tino ko numi valevale i te se mautinoa tonu mo te fakakinau. A tino o te Atua, te Aliki o Igoa, ko pokotia kii ne fili te la a te Palataiso tafasili i te maluga ko fanoanoa ka ko latou e nofo i te Lagi pito sili i te maluga mo latou ko la, i ao mo po, e siomio faka pukupuku i te Nofoaga-faka-Tupu ko gulu kii ki luga.

O ‘Alí! Tigaina mo te fanoanoa e seai ne maalosi o taofi a tou Aliki, ko te Alofa Fakamagalo Katoatoa. E tonu a ia ko oti ne tu ki luga o tiemipioni a te Fakatokaaga a te Atua i se auala atamai te la seai ko te mafi silia o te lalolagi io me ko te masei o fenua e mafai o fakamataku kia Ia. E kalaga ki luga i te va o te lalolagi mo te lagi, kae fai atu penei: A te Aso ne Feagaiiga mai ko vau. Ko te Aliki o te foafoaaga e fakapula atu penei: E tonu, e seai aka foki se Atua na ko Au, ko te Mafi Katoatoa, ko te Alofa-Mataefa Katoatoa.

O ‘Alí! A te manakoga e seki matua ke tamate a te mainaaga o te Atua ki olotou gutu kae ke tamate mai i olotou amioga a te ulaaga o te Kaaga o te Vao Foliki (Burning Bush). Fai atu, e matagaa kii a te outou fakalavelave, O koutou ko lakeiiga o te mea e se tonu. Maataku koutou ki te Atua kae sa liakina a te agalelei faka-telagi te la ko sulu maina ki kogaa koga katoa. Fai atu, A Ia Tela ko te Fakamatala o te Igoa funa ko sae mai, e seki iloa ne koe. A Ia Tela a Tena oko mai ko oti ne folafola mai mua atu i Mataupu SIlisili faka-te-lagi ko vau, e seki mafai ne koe maina i ei. A te sikulagi o te lalolagi ko fakamaina ne te gali kese o te Fakaasiiga Tafasili i te Takutakua tenei. Fakavave koutou mo loto fiafia kae maina kae sa fai pe la mo latou e mativa i te malamalama. A te Itula ne fakamoegina ko ta ka ko tino ko nofo malalo. Ki te mea tenei e fai mo molimau a tavini a te Atua malu.

O Ḥaydar-‘Alí! Au e tauto i te amiotonu o te Atua! A te faka-paaga ko oti ne maofa i luga i te Pu-Ili o te Bayán te la e fakatonu mai te Aliki, ko te Alofafakamagalo, o mea katoa ko la i te lagi mo i luga i te lalolagi ko oti ne maofa keatea vagana ko mea ko la ko motu a latou mai i te lalolagi, e piki mau ki te Kafanoa o te Atua, ko te Aliki o tino. Tenei a te Aso ne sulu maina a te lalolagi ki te mainaaga malifalifa o tou Aliki, ka ko tino ko galo atu loa i te fai mea se tonu kae ko pono gia pe la me e pono ne se veli. Matou e manako ke toe faka fou a te lalolagi, ka ko latou ko oti ne iku ke fakaoti a Toku ola. Tena la ko musumusu a olotou loto i te Aso tenei – ko te Aso ko oti ne fai ke maina kae malapulapu i mata o tena Aliki, ko te Silisiliese, ko te Mafi-Katoatoa, ko te Se-Mafai o Taofigina. A te Matua o Tusi ko oti ne avaka ki luga a tena Leo, ka ko tino e mativa ia latou a te fakalogologo. A te Tapeleti Tausi ko oti ne fakaasi i te tonuuga, ka ko te taulasaiga o tino e salasala ki ei. Ko oti ne faka pelo ne latou a te alofa agalelei o te Atua mai i tua i te tuku ifoga ki lalo ne latou kae fuli keatea mai i te Atua, ko te Iloa o mea e se lavea. A latou e piki mau ki te kapa o fakatauga fakasupasupa, fuli atu olotou tua ki te Igoa o te Mafi Katoatoa te la e lilo.

Fai atu, O lukuuga mana o latou lotu faka-te-lagi! Ke fakamaoni koe i tau fakamasino, au e fakatonu atu i te Atua. Fakaasi aka so se fakatalitonuuga mo fakamaoniiga e nofo mo koe, mafai a koe e lau i vasia o tino e nofo i te kogaa koga nofo matagofie tenei. Tuku a oulua loto ki mua i te Aso Kamata o te Fakaasiiga faka-te-lagi ko te mea ko Matou ke mafai o fakailoa atu ki mua o oulua mata a kupu katoa, fakatalitonuuga, molimau, feagaiiga, faka-pa-tonuuga mo fakamaoniiga pe la mo mea e nofo mo koe io me ko niisi itu-kaaiga aka i te lalolagi nei. Mataku koe ki te Atua kae sa fai pe la mo latou ko la ko tau loa ki te polopoloaki a te Atua, ko te Aliki o te foafoaaga.

Mea nei ko te Aso te la a te Vasa o te poto ko oti ne avaka a tena Leo ki luga kae ko oti ne aumai ki mua ana penina. E tau o iloa ne koe! A te lagi o te Bayán ko oti ne avaka ki luga i te tonuuga i te ikuuga a te Atua, ko te Feasoasoani-i-MeaFaigata, ko te Ola-loa-ia-Ia. Au e tauto i te Atua! A te Uiga Tonu o te poto e faipati poi kae fai atu penei: Lo! A Ia ko te Pogai o poto katoa ko vau kae mai i Tena oko mai a Tusi tapu katoa a te Atua, ko te Agalelei, ko te Alofa, ko oti ne fakagaligali. So se fakaasiiga o te agalelei, so se fakatalitonuuga o mea-alofa lei e aumai mai ia Ia kae e foki atu foki kai Ia.

Maataku a koe ki te Atua, O lukuuga o te valea, kae sa faigina a fakalavelave ki luga ia latou ko la ko oti ne finagalo ki te seai aka foki na ko te mea ko oti ne lotoo kiei a te Atua. Se gata i ei, kafai a koe e fakalogo ki taku kalaga, sa tautali ki ou manakoga kaimanako. A te aso ko pilipili mai ko mea katoa e lavea gina ka galo keatea kae ka tagi koe ona ne faka-tamala koe i tou tiute ki te Atua. Ki te mea tenei e molimau e tusi i te Tapeleti tenei.

Fiafia a koe ki se fiafia lasi ko Matou ke masaua a koe ma nei pe la foki taimi ko teka. E tonu a manogi suamalie o te masauaaga tenei ka tumau kae e se mafai o mafuli ki te favavau o Igoa o te Atua, ko te Aliki o tino katoa. Ne talia ne Matou mo te lei a talosaga a koe, au tavaeega, au galuega talai mo tavini ko oti ne tuku atu ne koe ona ko te Fakasalalauuga mafi tenei. Ko oti foki Matou ne fakalogo ki mea ne faipatigia ne te laulaufaiva i fonotaga mo fakatasiiga. E a tou Atua e lagona kae e lavea a mea katoa. Ko oti Matou ne fakapei a koe ki te gatu o Toku fiafia-lei i Toku Maalo faka-te-lagi, kae mai i te Lakau Ola Faka-te-Lagi te la e maluga aka ona tuakoi i te vanu o te nofo toka mo te filemu, e tu i te Kogaa Koga mainaina mai i tua atu o te Fakai Lasi matagofie, e kalaga atu Matou ki luga kia koe o fai atu penei: I te tonuuga e seai aka foki se Atua na ko Au, ko te Iloa-Katoatoa, ko te AtamaiKatoatoa. Matou ne aumai a koe ke tavini kia a Aku, ke faka-mana a Taku Muna kae ke talai a Taku Fakatokaaaga. Tuku katoatoa a outou maalosi ki luga i mea ko la ne faiite ona ko te Finagalo o te Fakaeke maluga, ko te Favavau o Aso.

I te taimi tenei Matou e faka masaua a Omotou fagasele kae aumai a tala fakafiafia o te agalelei o te Atua e se mafai o fakatamala mo mea ko la ko oti ne fakatoka mo latou i te Tusi maina. Ko oti koutou ne kufaki a te kaitaaua o te fili ona ko Toku alofa kae ne tumau a te fakatuanaki i Toku Auala i mata o te fakamaseiiga ne fai ne tino seai se faka-atua ia latou ki luga ia koutou. Ki te mea tenei Au Ko Au loa e fai mo molimau, ka ko Au ko te Iloa-Katoatoa. E pefea a te vave o te fuainumela o koga ko la ko oti ne fakamanuia ki tou toto ona ko te Atua. E pefea a te uke o fakai lasi ne lagona atu a te leo o tou fanoanoa e fanaka ki luga mo te tagi lotulotu o tou tigaina ne apai aka. E fia a falepuipiui ne pei i ei a matou ne lukuuga o te kaitaaua masei. Ke iloa mo te mautinoa-tonu ia Ia ka fai ne Ia koe ke manumaalo, ka fakamaluga a koe i vasia o tino o te lalolagi kae ka fakaasi atu kia latou a tou tulaga maluga ki te kiloga a fenua katoa. E tonu a Ia ka se tigaina i te taui o Ana fagasele ka galo.

Fakalogo aua i uiga ko la ne fai ma fai me ko lakeiiga o manatu fakasupasupa ka fai i ei mo mea e fakafanoanoa kia koe io me ko uiga ne fai ne so se tino teke ka fakafanoanoa kia koe. Puke ne koutou a te ipu o te fakatuanaki mai i te maalosi o Tena Igoa, inu mai I ei ona ko te nofoaiga-faka-aliki o te Atua, ko te Maalosi, ko te Silisiliese. Tena la a te Fetu Ao o Toku alofa atafai mo te alofa-kaimalie e sulu maina ki mua i luga i te sikulagi o te Tapeleti tenei ko te mea ke mafai ne koutou o

kave atu a fakafetai ki tou Aliki, ko te Mafi Katoatoa, ko te Alofa Mataefa Katoatoa.

A te matagofie ko oti ne maofa i te vaveao malifalifa mai i te lagi o Taku faipatiiga e i luga ia koe mo latou ko la ko oti ne fakasaga a latou ki mua ia koe kae tuku atu olotou taliga ki muna ne faipatigina mai i tou muagutu e uiga mo te Fakaasiiga tafasili i te taaua mo te matagofie tenei.

Mai i te amiotonu o te Atua! A te Matua o Tusi ko fakaasi, kalaga atu ki tino katoa ki te Atua; ka ko kogaa tai e faipati: A te Vasa Tafasili i te Takutakua ko sae mai, te la e mafai o lagona atu ona galu e fati pela mene fatili: “E tonu, e seai aka se Atua na ko Au, ko te Se-Fakatusa Gina, ko te Iloa-Katoatoa.” Ka ko lakau ola e fanaka a te olotou fiafia e fai atu penei: O tino o te lalolagi! A te leo o te Lakau Ola Faka-te-Lagi e lagona lei a tena leo mo tagi makaikai a te Pene o te Matagofie e tagi loa i luga: Au mai outou taliga kae sa fai pe la mo latou ko la e se fakalogo. A te laa e kalaga atu: O lukuuga o tino o kau lotu! A te lagi o Talitonuuga ko mavae ka ko te masina ko maofa ka ko tino o te lalolagi ko aumai fakatasi i se toe tu foou. Mataku koutou ki te Atua kae sa tautali i musumusuuga a o outou manakoga, kae tautali kia Ia Tela ko oti ne molimau i Mataupu SIlisili a te Atua, ko te Iloa-Katoatoa, ko te Atamai-Katoatoa.

A te mea ne tupu i Sinai ko oti ne toe pei mai i te Fakaasiiga tenei ka ko Ia Tela ne sautala i luga i te Mauga e kalaga mai ki luga: E tonu, a te Manakoga Tokotasi ko vau, sagasaga i luga i te nofoga-a-tupu o te talitonu, e se atafia ia koe. A Ia Ko oti ne akoako a tagata katoa ke tautali ki te mea te la e lei ki te faka-maalumaluga o te Fakatokaaga a te Atua kae ka takitaki atu a tino ki Tena Auala Tonu. E pefea a te lausa o te fuainumela o latou ne lakalaka ki lalo ko la ne fiafia i te Kalaga a te Atua! E pefea a te lausa o tupu ne tu aka ki luga kae fai ne latou a agasala ne ala i ei a tino o te Palataiso maluga o fanoanoa ka ko tino i te kogaa koga nofo tenei ne tagi lotulotu i te fanoanoa! E pefea a te lausa o potooga o tino mativa ne inu i te uaina filifilia o te fakaasiiga faka-te-lagi kae e toko fia a tino maumea ne fuli keatea, se talia ne latou a te mea tonu kae muagutu atu a te se talitonu o latou i te Atua, ko te Aliki o te Aso sili ese i te gali tenei!

Fai atu: Mataku koutou ki te Atua, ko tautali i ei koutou ki te fuafuatau mo te fakamaoni i outou fakamasinoga i te Fakasalalauga Takutakua tenei te la, i taimi loa e maina mai ki mua, a so se fakasalalauuga katoa ka nofo loa i lalo i te taaua o latou. Fai atu: O lukuuga o te vaalea! Kafai koutou e se talia a Ia, se a a te fakatalitonuuga e mafai ne koutou o tuku mai ke talitonu a te outou fakamaoni ki Faifekau mua a te Atua io me e fakasao koutou i te outou talitonu i mea ko la ne tuku ifo ne Ia mai i Tena Maalo mafi kae maluga? Se a te aoga o outou kope taaua e ligi atu ki luga ia koutou? Se a a te puipuiga e mafai ne kope taaua a koutou o tuku atu kia koutou? E seai, Au e tauto i te Agaaga o te Atua te la e salalau ki mea katoa ko la i lagi mo te lalolagi. Liakina keatea a mea ko oti ne tuku fakatasi ne koutou ki lima o manatu fakasupasupa mo mafaufauga e seai ne aoga kae puke mau ki te Tusi a te Atua te la ko oti ne tuku ifo ki lalo ona ko Tena pule aoao e se-mafai o maofa kae Aofia-Katoatoa.

A tau tusi ne tuku i mua o te Tokotasi ne Faka See-Gina kae i tou malu ne fakaasi ne Matou a te Tapeleti tenei mai i ei ko te manogi gali o te agalelei o tou Aliki, ko te Atafai, ko Alofa-Mataefa, ne fakasalalau atu. Matou ne akai totuli ki te Atua ke fai koe pe la me se fuka e isi i loto i te fakai lasi o Tena masauaaga, kae ke fakamaluga a tou tulaga i te Fakatokaaga tenei – se Fakatokaaga mai i lalo o tena ata ko fagasele fakamaoni a te Atua ka lavea ne latou a tino mo itu-kaaiga o te lalolagi ka aumai o sala se mea ke malu a latou. E tonu, a tou Aliki e iloa kae fakailoa. E se gata i ei Matou e akai fakamolemole kia Ia ne fagai a koe ki toe mea tafasili i te lei ko la ne tausi i Tena Tusi. A Ia ko te Tokotasi tonu Tela e lagona kae tali a kalaga.

Fakatumau a koe i te feasoasoani ki Tena Fakatokaaga mai i te maalosi o lukuuga o te atamai mo te faipatiiga. Tena la ko oti ne fakatonu mai ne te Atua, ko te Agalelei, ko te Tavaegia. Fakamanuia a te tino talitonu te la i te Aso nei ne aofia ia ia a te Mea Tonu mo te tagata te la e kilo tonu a tena fakamoemoega ko se kafi ne lukuuga o te sauaa ko seai ne maalosi o fakamatakutaku.

A te matagofie te la e sulu maina mai i luga i te sikulagi o te faipatiiga ke i luga ia koe pela foki ke i luga ia latou talitonu ko la ne puke ne latou a te ipu o Tena uaina filifilia mai i te maalosi o Tena Igoa, ko te Ola-Loa-ia–Ia, ke inu e uiloa a latou ko la ne teke ki te Tokotasi Iei ne fakaasi a te olotou talitonu – kae nei ko fakapelo ne latou a te tonu o te Fakasalalauga Takutakua tena tela ko fai a te Atua mo molimau i Tena Tusi taaua kae mai i anamua loa.

O Muḥammad Ḥusayn! Ke toka a koe o puke a maligiiga o te alofa-kaimalie o te Atua, te Aliki o lalolagi. Ko Matagofie-Katoatoa ko oti ne iku ke tuku atu ki luga ia koe a penina o te poto mai i te Vasa o te alofa atafai o te Atua, ko te MafiKatoatoa, ko te Maluga Tafasili.

Te fea a te tagata ote kilo looto tela ka iloa kae atafia o te mea tonu? E maua i fea a te tagata o te logo ki Toku Leo gali sili ese e kalaga mai i te tulaga o te matagofie? Te fea a te agaaga ola te la ka fakasaga ona mata ki mua i te Lakau Ola Faka-te-Lagi i se auala atamai te la e se mafai ne mafi o tupu e se fuafuagina, io me ko te gateega kaitaua o olotou ofisa maluga o fakalavelave kia ia, e avaka ki luga a tena leo i vasia o te foafoaaga katoatoa mai i te maalosi o te atamai mo te faipatiiga kae molimau ki mea ko oti ne fakatalitonu ki te Atua, i te tonu me e seai aka foki se Atua na ko Ia, ko te Maalosi, ko te Se-Lavea, ko te Silisiliese, ko te Iloa, ko te Atamai.

O Ḥusayn! A Tou igoa ko oti ne faipati gina i te Fakepuipiui Tafasili i te Takutakua i mua o te Tasi ne Fakasee-Gina kae ko oti ne fakaasi ne Matou mo koe a mea ko la e seai ne tusi o te lalolagi e mafai o fakatusa ki ei. Ki te mea tenei e fai mo molimau a te Tupu o te Favavau; kae e ui iei a te taulasiiga o tino e lau ia latou ko la e se fakalogo. Mai i te maalu malu o te fakamaoniiga Matou ko oti ne avatu a te Kalaga ki tino katoa ko la e nofo i te lalolagi o te foafoaaga. I te va o tagata e iai ia latou ko la ko ave ne te manogi o te faipatiiga o te olotou Aliki i se auala ko ala i ei o liakina a mea katoa ko la e piki ki tagata mo te olotou fiafia o oko atu ki te kogaa koga o te nofo-mai o te Atua, ko te Aliki o te nofoaga-a-tupu mafi. E iai foki ia latou ko la ko numi kae takaseasea. Ko niisi ko oti ne fakavave, ko eva latou i olotou auala o tali a te Kalaga a te olotou Aliki, ko te favavau o Aso. Kae e i ai foki ko mafuli fakafeitu, teke ne latou a te mea tonu kae se taliitonu i te Atua, ko te Mafi-Katoatoa, ko Tavaeega-Katoatoa. Ka e i ai foki a niisi ko fai olotou fakamasinoga o teke atu kia Ia i se auala tafasili i te masei ko ala i ei o tagi i te fanoanoa a agaaga ola atamai kae matakite. Ko oti Matou ne kalaga atu mo te alofa kia latou ki te vaitaafe te la ko te ola tonu, ka ko latou, mo te fakamasino tonu laveagina, ne iku ke fakamaligi a Toku toto. Tena la i ei a te Fetu Ao o te atamai ne sulu maina mai i te koga mao mai i luga i te sikulagi o te faipatiiga a tou Aliki, ko te Alofa-Fakamagalo Katoatoa. Ka fai e oko atu koe ki te mainaaga tenei, e tau mo koe o fakalauefa a te tavaeega o tou Aliki kae fai atu penei, au e avatu a fakafetai kia Koe, O te Atua o lalolagi.

Fakamanuia a koe mo latou ko la a te lalolagi mo ona mea gali fakamatamata e

seki mafai ne latou o kave keatea mai i te Sikulagi maina tenei.

Moli atu alofaaga o Oku ki luga i Aku fagasele. E fakamaalosi atu Matou kia latou ke tautali ki te atamai pe la mote fakatonuuga mai i Taku Tusi fakaofoofogina.

O Taku tavini fafine mo Taku lau lakau! Fiafia ki te fiafiaaga lasi pe la loa mo tau kalaga ko oti ne fanatu ki luga i te lakau Ola Faka-te-Lagi kae e tali mai i te Sikulagi matagofie katoatoa. E tonu, e seai se Atua na ko Koe, ko te Tasi ne Fakasee-Gina, ko te Faka-fenua-kese.

Matou ko oti ne fakaasi atu Matou ki tagata, ko oti ne suke a te veli o te Fakatokaaga, takitaki a tino katoa ki te Auala Tonu o te Atua, fakasalalau atu a tulafono kae fakatonu ki tino katoa a mea ko la ka manuia a latou i te lalolagi nei mo te sua lalolagi; kae e ui i ei ko oti ne fakaiku a te fakamasinoga ke fakamaligi a Toku toto, te la ne tagi lotulotu a te Fafine o te Lagi, fanoanoa o Sinai ka ko te Agaaga Fakamaoni ne faigina ke pusi a te manava i te fanoanoa.

I aso nei a tino ko oti ne pono mai a latou mai i fakamanuiaaga o te alofa faka-te- lagi ona ko te tautali i kalafaga o so se tino valea tel a ko oti ne tele fakaatea. Ko oti ne liakina ne latou a te Vasa o te poto faka-te-lagi mai i olotou tua kae fakamau a olotou mata ki luga i tino supa ko la e tagi ia latou e atamai i te tauloto kae e seai se lago ne se molimau mai i te Atua, ko te Aliki o tino katoa.

E lei mo koe pe la mo te liakina ne koe a mafaufauga fakasupasupa kae puke mau ki te Kafanoa o te Atua te la e seai se tagata e ana maua o motu. Mafaufau ki te alofaga agalelei o te Atua – e fakamaluga a Tena matagofie. E pefea a tokouke o tupu mo tupu fafine i luga i te lalolagi, e uiloa a te finafinau, fakamoemoe kae fakatali ko oti ne fakatapu mai i te oko atu. Ki te loto o te Atua, ke mafai ne koe o fai se amioga te la a tena manogi ka tumau ki te leva pe la mo Igoa o te Atua – ke fakamaluga a Tena matagofie – e tumau. Mai i te amiotonu o te Atua! A te tofi “O Taku tavini fafine” e silia atu i mea katoa ko la e mafai o lavea i te lalolagi. Ko pili a mata o tino katoa ka fakamaina kae fakafiafia i te lavea ne latou a te Omotou Pene o te Matagofie ko oti ne fakaasi.

Fakamanuia a koe kae fakamanuia ki te matua te la ne tausi ne ia a koe. E lagona a te taaua o te tulaga tenei o talai a Tena Fakatokaaga i se auala atamai ko manatu fakasupasupa mo masalosaloga pelo o latou e se talitonu ke taofi mai i te galuega lasi tenei. A te Fetu Ao o te talitonu e sulu malifalifa ka ko tino o te lalolagi e piki mau loa ki fakatauuga e seai ne aoga. A te Vasa o te poto faka-te-lagi ko oti ne fanaka ki luga ka ko tamaliki a tagata koi piki mau loa ki te kapa o te gatu o te valea. Kae ona ko te alofa agalelei o te Atua te la e se mafai o seai – fakamaluga a Tena matagofie – e seai se vailakau e mafai o foo a masaki faigata konei.

Fakaoko atu Aku fakatalofaaga ki tavini fafine a te Atua i kogaa koga kona kae avatua kia latou a tala lei fakafiafia ko Tena alofa fakamagalo atafai mo te agalelei e fakasino kia latou. E maluga kii a te tulaga a Matou ko oti ne fakasino mo koe. E tau mo koe o tavae kae fakafetai ki tou Aliki, ko te Alofa Mataefa, ko te Tafasili i te Kaimalie. Matagofie e io te Atua, ko te Maluga, ko te Takutakua.

I se taimi e tasi a te Muna maluga tenei ne lagona mai i te Laulaufaiva o Ia Tela ko te Pule o tino katoa mo te Aliki o te nofoaiga-faka-aliki mai i luga mo te lalolagi mai i lalo –ke fakamaluga a te matagofie o Tena faipatiiga -: A te faka-atua fakamaoni mo te motu mai keatea ko pe la me ko mainaaga e lua tafasili i te takutakua o te lagi o te talaiiga. Fakamanuia a ia te la ko oti ne oko atu ki tulaga tafasili i te maluga, ko te kogaa koga nofo tafasili i te malifalifa, mana kae maluga kii.

Mea nei se Tapeleti ne tuku ifo ki lalo ne te Alofa Fakamagalo Katoatoa mai i te Maalo o te faipatiiga kia latou katoa i te lalolagi. Fiafia a te tagata te la e fakalogo kae faka-aoga kae fanoanoa kia ia te la ko oti ne se kae falotoloto-lua. Mea nei ko te Aso te la ko oti ne fakamaina ne te mainaga malifalifa a Mata o te Atua – ko te Aso ne kalaga i ei ki luga a te Laulaufaiva o te Silisili i te Gali: Ko te Maalo io o te Atua, ko te Aliki o te Aso o te Toe Tu.

A tou igoa ko oti ne faipatigia i te Nofo-Mai o Matou kae ko oti ne iku ia Matou ke fakaasi atu mo koe a mea ko la e seai aka se laulaufaiva o se tino i vasia o tino o te lalolagi e mafai ne ia o toe lau atu. Fiafia ki se fiafiaaga lasi ia koe ko oti ne masaua gina i te Falepuipui Tafasili i te Takutakua, ka ko Mata o te Favavau o Aso ko oti ne fuli atu kia mua ia koe mai i te koga nofo maluga tenei.

Ko oti ne fakapatonu loa ne fakaasi ne Matou a failoga, fakaasi atu i molimau e se mafai o fakasee-gina kae kalaga atu ki tagata ki te Auala tonu. I loto i tagata ko la ne fuli keatea kae fakapelo a te mea tonu, ko niisi ne fakaiku a te fakamasinoga teke mai a Matou aunoa me ne fakatalitonuuga. A latou muamua loa ne fuli keatea mai ia Matou ko takitaki o lotu in te vaaitaimi nei – ko latou ko la e kalaga mai kia Matou i te ao mo te po kae taku a Toku Igoa kae te la la e takatokato i luga i olotou kalauna a tupu maluga. Kae, i te taimi ne fakaasi atu i ei Au ki tagata, kae tu aka latou ki luga o teke mai kia Au i se auala ko fuafatu foki ne fanoanoa kae e se fuafuagina i te tagi.

E takutakua a tau fakamanuiaaga pe la loa mo tou fakalogo ki Tena Leo, tuku ou mata ki mua ia Ia kae fakalogo ki te Kalaga a tou Aliki i te taimi ne vau iei a Ia mo te maalosi e se-lavea kae silisiliese.

O Taku tavini fafine, O Taku lau lakau! Avatu ne koe a fakafetai ki te Toe Fagasele Lei o te lalolagi ona ko maua a te alofa e seai ne ana tuakoi i se taimi a tagata poto kae taaua o te lalolagi e tumau i te seai ia latou. Ko oti ne fakasino a koe se “lau lakau” ko te mea ke mafai a koe, pe la mo lau lakau, o gasuesue i te matagi malie o te Finagaloo te Atua – ke maluga a Tena matagofie – pe la loa mo lau lakau o lakau ola e gaasuesue i matagi tasi lasi atu. Avatu e koe a fakafetai ki tou Aliki ona ko te faipatiiga maina tenei. A koe moi fai e atafia a te suamalie o te tofiiga “O Taku tavini fafine” a koe ko leva ne motu mai keatea mai i tino katoa kae saga maalosi i ao mo po o fesokotaki mo Ia Tela ko te Manakoga o te lalolagi.

I muna e se fuafuagina i te gali a Matou ko oti ne taku gina i se feitu e tau o lau lakau mo tavini fafine pena ko la ko oti ne inu mai i te vai o te ola o te alofa fakate-lagi kae tausi olotou mata fakasaga tonu ki te Atua. Fiafia kae fakamanuia a latou faka-patonu. Se leva ka fakaasi ne te Atua a olotou tulaga ko la a te maluga e seai se pati e mafai o fakamatala fakalei io me se fakamatalaaga e lava katoatoa o fakamatala.

Matou e akoako kia koe ke fai a te mea te la ka tavini kae atiake a te lei o te Fakatokaaga a te Atua i vasia o tagata mo fafine. E tonu, a Ia ko te Logo mo te Lavea. I luga ia koe mo i luga ia latou ko te matagofie o te Atua, ko te Maalosi, kote Iloa-Katoatoa, ko te Atamai-Katoatoa.

O Tavini fafine a te Atua! Fakalogo ki te Leo o te Aliki o Igoa, Tela mai i Tena Falepuipui ko oti ne fakasino a Tena kiloga ki mua kae e takutaku a koe.

Ko oti ne ne toe tuku atu a te feasoasoani ki so se tino folau, kae ko oti ne tali atu mo te alofa ki so se tino fakatagi kae tali atu a te ulu mai o so se tino te la e sala ki te mea tonu. I te Aso tenei a te Auala Tonu ko fakaasi, ko te Palenesi (Balance) o te fakamasino tonu faka-te-lagi ko fakamau ka ko te mainaaga o te laa o Tena alofa mataaefa ko malifalifa, e ui i ei a te pogisa o te teke o tino fai taua ko oti, pe la mo kaumana, ne gasue kae fakapogai ki ei a te tekeega maalosi i te vaa ote Fetu Ao o te agalellei faka-te-lagi mo tino o te lalolagi. Fakamanuia a ia tela ko oti ne ofa ne ia a veli ki lalo kae e fakamaina ne te mainaaga fiafia o te Fakaasiiga faka-te-lagi. Mafaufau me e toko fia katoa a latou ko la ko lau ia latou ne tino atamai kae poto, ka ko te Aso o te Atua e seai ne fakamanuiaga faka-te-lagi. O Taku lau lakau, O Taku tavini fafine! Ke mataulia ia koe a te aoga o te fakamanuiaaga tenei mo te alofa fakamagalo atafai tenei te la ko oti ne aofia koe i ei kae takitaki ne ou kalafaga ki te Aso Kamata o te matagofie.

Moli atu alofaaaga mai i luga i te Tokotasi ne Fakasee-Gina tenei kia latou tavini fafine e tapuaki ki te Atua kae fakafiafia a olotou loto ki se fakapatonuuga o Tena loto alofa.

Tuku ke mau a tau kilo ki luga i te atamai i mea katoa, aua se vailakau fakallei o masaki e se mafai o se. E fia katoa a taimi ne fuligina a ia e se talitonu ki se tino talitonu io me se fili ki se taugasoa? Ko tena tautali ki ei se mea tafasili i te taaua, pe la mo te ulutala tenei ko oti ne fakatomua fakauke taimi i Tapeleti ne fakaasi mai i te faka fealofaniiga (empyrean) o te Finagalo o Ia Tela ko te Faifekau o te mainaaga o te fakatasitasi faka-te-lagi. E lei kii mo latou ko la e tautali ki ei.

Fakatumau outou maalosi se fakagata ke mafai o fakamaluga a te Muna a te Atua. I te Fakaasiiga Tafasili i te Takutakua tenei amioga lei mo uiga e tavaegina e fai pe la me ko lukuuga mana a te Atua, pena foki a Tena Muna fakamanuia gia mo te mana. A lukuuga konei ko maneta o loto o tagata mo te auala lei ki te taalaga o mataloa. I mea tau katoa loa i te lalolagi e tenei e tafasili i te manakomia maalosi.

Akai totuli ki te Atua ke fesoasoani alofa ki tagata katoa ke tautali i mea ko la ne fakamau gina ne te Tena Pene matagofie i Tusi tapu mo Tapeleti.

Ko te Tasi ne Fakasee-Gina tenei ne fai mai a ia te la ko oti ne tuku tonu ona mata ki mua i te Tasi e Se-Fakatusagina, ko te Iloa-Katoatoa, ko ia te la e fai mo molimau ki Tena fakatasitasi e ui iei a te Pene Matagofie-Katoatoa ko oti foki ne fai mo molimau i te taimi e gasuesue i ei fakavave i faipatiiga. Fakamanuia a te agaaga ola te la ko oti ne lavea a tena Aliki kae fanoanoa kia ia te la ko fano seke kii loa kae e faolotoloto-lua.

Tagata pe la me se lakau ola. Kafai e lakei ki fuaga-lakau-kaina, a ia ko oti kae ka tumau o taaua i te tavae mo te fakaaloalo. Auaa a te lakau ola te la e seai ne ona fuaga kaina e tau fua ki te afi. A fuaga lakau kaina o te tagata e gali, manakomia maalosi kae fakataaua maalosi. Mai i ei ko te amio tonu, ko uiga lei mo te faipati lei. A te vaaitaimi o te malulu mo lakau o te lalolagi e tupu fua taki tasi i tausaga katoa, ka ko sua vaega ko la ko lakau ola o tagata e sae mai fua i Aso o te Atua – e maluga a Tena matagofie. Moi fai a lakau ola o te olaaga o tagata e lakeigina ne Taimi Kamata tenei faka-te-lagi mo fuaga-lakau kaina ko oti ne faipatigina, a te malifalifa o te mainaaga o te Fakamasinoga Tonu, i te fakapatonuuga, ka fakamaina i ei a tino katoa o te lalolagi mo tino taki toko tasi katoa ka nofo i te tokaaga malie mo te lotomalie mai i lalo o te malu o Ia Tela ko te Pogai o tino katoa. A te Vai mo lakau ola konei ko te vai o te ola o Muna tapu ne muagutu mai ne te Fagasele o te lalolagi. I te taimi e tasi ko toki a lakau pena ka ko sua taimi ko olotou kaula, mai i te maligiiga o matulutuluuga o te alofa fakamagalo faka-te-lagi, ko oko atu ki te lagi. A te lakau ola ko magemage, tena la, e seki mea aka loa io me e taaua o takugina.

Fiafia a ia fakamaoni te la e pei ki te gatu o te taumafai maluga kae ko oti ne tu ki luga o tavini a te Fakatokaaga tenei. A te agaaga ola pena ko oti fakallei loa ne maua ne ia a te Koulu e manakogina kae ko oti ne maua ne ia a te Pogai te la ne faiite i ei. Kae i te malaku o taimi a latou ko la e se-fakalogo ko fai pe la me ne laulakau magemage ko to ki lalo i te pefu. Ko pili taimi ka kave latou ne te fakalogoaa o tino ki se kogaa koga ko oti ne fakatoka mo latou. I te seiloa ne oko mai a latou, i te seiloa ne takapilipili a latou mo te seiloa ne litaea atu latou ki olotou koga nofo.

A te lalolagi e tumau o fakasalalau atu a muna konei: Faetete, au e se nofo leva, e pena foki a oku foliga mo oku lanu mai i tua. Fakalogo koe ki mafulifuliiga mo avanoaaga e fai maalo mai kia au kae tu ki luga mai i tou moega. E se afaina i ei e seai se mata kaaleva ke mafai o matea, io me e isi se taliga fakalogo ke logo.

I te Aso tenei a te taliga ki loto e fakapula kae fai mai penei: E tonu e lei mo au nei, i te aso nei ko toku aso, pe la mo te Leo o te Atua e kalaga atu ki luga. Ka ko te uiga tonu o te kiloga e tagi atu penei: Fakamanuia au, mea nei ko toku aso, aua i te Gali o te Favavau ko mainaina malifalifa mai i te Sikulagi tafasili i te maluga.

E tau mo tino o Bahá o fakatagi kae fakamolemole ki te Aliki o Igoa aua e seiloa

fua i tino o te lalolagi e se-maua ia latou a punaaga o te alofa i Ona aso.

I taimi ko teka a tino o te lotu matuatua e numi saale loa i te fesili, se fesili a Ia Tela ko te Nofoaiga-faka-Aliki Tonu ko oti, ne lagona saale ne Ia i tausaga koi tupu aka a Ia, kae e lagona a latou e sili saale loa: “Sea a te Muna te la a te Qá’im ka taku ne Ia ka ko takitaki o lotu ka faka lele?” Fai atu, a te Muna tena tenei ko oti ne faka laveagina ka ko koe ne tele i te takuuga, e uiloa e seki logo koe i ei. Ka ko te Muna tena, te la e fakamanuiagina, e lilo, kae funa kae taaua e penei: A “‘IA’ ko oti nei ne vau i te gatu o ‘AU.’ A Ia Tela ne lilo mai i mata o tino e fai atu penei: Lo! Au ko te Lavea-Katoatoa,” Mea nei ko te Muna te la ne fai ne ia a totooga o latou e setalitonu ke polepole. E mana e o te Atua! Ko Mataupu Silisili katoa o taimi ko teka e molimau ki te takutakua o te Aso tenei, ko te takutakua o te Faifekau tenei, ko te takutakua o Ana failoga, ko te takutakua o Tena Muna ko te takutakua o Tena fakamaoni, ko te takutakua o Tena tulaga fakamatea. Kae e ui iei a mea katoa konei a tino koi tumau loa i te se-fakalogo kae koi pono loa latou ne veli. E tonu i Pelofeta katoa ne manako ke oko atu ki te Aso tenei. Muna a Tavita: “Koi e ana aumaigia au ki te Fakai Lasi kae Maalosi tenei?”1 [Islam 59:9; 108: 10] I te Fakai Lasi kae Maalosi e fakauiga kia ‘Akká. Ko ona pui e tafasili i te maalosi ka ko te Tasi ne Fakasee-Gina ne falepuipui i loto i ona pui. E pena foki a te fakaasiiga i te Qur’án: “Aumai ki mua ou tino mai i te pouliga ki te mainaaga kae fakapula atu kia latou a aso o te Atua.”2

Ko te matagofie ne fakafonu ki ei a te Aso tenei ko oti loa ne fai fakallei mai kae tusia fakallei foki i Tusi mo Tusitusiiga Tapu faka-te-lagi. Kae tena la, ko faifeau io me ko tino matuatua o te lotu ko oti ne fakatapu ne latou a tagata mai i te tulaga taaua tenei, kae taofi mai keatea a latou mai i te Tumu o te Matagofie, ko te Koulu Tafasili i te Maluga tenei.

Fakamanuia a koe pe la mo te pouliga o manatu fakavalevale ne seki mafai ia latou o taofi a koe mai i te mainaaga o te mautinoa tonu, mo te kaitaua o tino ne seki mafai o fakaseke a koe mai i te Aliki o tino. Ke atafia ia koe a te aoga o te tulaga maluga tenei kae akai fakamolemole ki te Atua – ke maluga a Tena matagofie – ke fakamafai mo te alofa ko koe ke tausi ki ei. Ko tou laumanafa e se-mafai o tanumia e sokotaki katoatoa ki te Tasi o te Atua tonu mo Ana fagasele ka tumau a ia o sokotaki ki iei ki te se gata mai.

A te matagofie te la ko oti ne sulu-maina atu mai i te sikulagi o te favavau e takato i luga ia koe mo latou ko la e puke mau ki te Kafanoa o te Atua te la e seai se tagata e ana mafai gina o motu.

A Ia Tela e takitaki ki te manumaalo tonu ko vau. Mai i te amio tonu o te Atua! A Ia e iloa katoatoa o fakafou a te lalolagi mai i luga i te maalosi o te Muna e tasi. Ko oti ne fakatonu atu ki tagata katoa ke tautali ki te atamai, a Ia loa ia Ia ko oti ne piki mau ki te kafanoa o te onosai mo te lotomalie.

A fuafatu o te lalolagi ko oti ne tuku atu ki mua o aasi a te Fakai Lasi o te Atua, tafasili i te fakagaligali, maina kae lanu kula, ka ko niisi tino maluga mai i Pelesia ko faka makosu ne latou a te masei, e uiloa i te kilo atu mai i tua e fakaasi fakaloi ia latou e filemu kae loto maulalo. Te Atua Alofa! Afea a te masaki faitogafiti tenei e pisi i te lalolagi katoa e fuli ki te fakamaoni? A akoakoga a te Atua, ko te Tasi Tonu, ko oti ne aofia i ei a te lalolagi, kae vagana a te olotou malosi o fakapokotia ko oti ne folafola atu. Ko uiga se-llei o tagata e taofigia a latou mai i te oko atu kia Ia. Matou e akai fakamolemole ki te Atua – e maluga kae matagofie a Ia – ke ligi ifo ki lalo mai i kaumana o te alofa faka-te-lagi, a te sofiiga vaiua o Tena alofa mataefa ki luga i Ana tavini katoa. E tonu a Ia e maalosi i luga atu i mea katoa.

O ‘Alí Ḥaydar! O Koe ne tu ki luga o tavini a Taku Fakatokaaga kae e galue o fakalauefa a tavaeega o te Atua, te Aliki o te kalauna-faka-aliki mafi! Ki fuka o te fai meatonu mo fakaasiiga o te fuafuatau fakamaoni e maina tonu loa kae iloa tonu i te Tasi Ne Fakaseegina, fakamaalosigina ne te maalosi maina o te Maalo, e salasala o solo keatea mai i vasia o tino mo kaaiga o te lalolagi a so se molimau o te faivalevale, se-fealofani, fai-vaa, kesekeseega i me ko mavaevaeega; kae e seai aka foki se pogai ka ko pogai tafasili i te takutakua, taaua ne ala i ei a Ia o pei toe pei kae toe pei soko loa ki te falepuipui ka ko aso mo po e uke ne saisai a Ia ki filfili mo fiti. Fakamanuia a latou ko la e fakamasino a te Fakatokaaga e se mafai o malepe, ko te Fakapulaaga matagofie tenei, mo te fakapau o tino katoa mo te fuafuatau mo te fakamaoni.

A te Tapeleti tenei e tuku ifo ki lalo ne te Aliki o te alofa-fakamagalo ko tino o te lalolagi ke mafai o fakapilipili atu ki te Vasa te la ko soko aka mai i luga o te maalosi o Tena Igoa maluga. I vasia o tagata ko latou ko la ko oti ne fuli keatea mai ia Ia mo Tena molimau faka-agai atu, ka ko niisi ko oti ne inu i te uaina o te fakatalitonu i te matagofie o Tena Igoa te la e iai i mea ola katoa. Se feitu lasi kii ko oti ne galo ne latou ko la ne tuku a olotou taliga ki te kalaga musumusu a te manu o te vao, kae e se talia o fakalogologo ki te sikuleo suamalie o te Manu o te Lagi e usuusu i luga i kaula o te Lakau Ola o te Favavau: E tonu e seai aka foki se Atua na ko Koe, ko te Iloa-Katoatoa, ko te Atamai-Katoatoa. Mea nei ko te Aso te la ko oti ne fakamaina ne te gali o te mainaaga o Ou mata – ko te Aso te la e faka-tamilomilo ne ao mo po katoa i te ofo. Fakamanuia a te tagata kilo mao te la ko oti ne atafia kae fia inu te la ko oti ne inu mai i te Vai mainaina. Fakamanuia a te tagata te la e lavea ne ia a te mea tonu, kae taumafai maalosi o tavini a te Fakatokaaaga a tena Aliki, te Maalosi, ko te Mafi-Katoatoa.

O tavini te la ko oti ne fakamau a tena kilo ki luga i Oku Mata! Fakalogo ki te Leo o tou Aiki, ko te Matagofie-Katoatoa, e kalaga ki luga mai i te aso kamata o te gali mo te afioga. E tonu a Tena Kalaga ka futi mai a koe ki te tulaga o te matagofie kae fai a koe ke fakaaloalo a Ou tavaeega i se auala atamai ko mea faiite katoa ka ufitia ne te ofo, kae ke fakalauefa a Tena matagofie i se auala ka pootia i ei a te foafoaaga katoatoa. E tonu a tou Aliki ko te Puipui, ko te Alofa-Atafai ko te Fakailoa-Katoatoa.

Luku fakatasi ne koe a taugasoa o te Atua i lugai i te fenua tena kae fakamasani a latou mo Toku masausauaaga e see-fakatusagina. Ko oti ne fakaasi atu ne Matou mo latou a te Tapeleti mai i ei ko manogi gali o te Alofa-Fakamagalo Katoatoa ko oti ne agiagi atu ki luga i te laina o te foafoaaga, ko te mea ke fiafia a latou i se fiafiaaga lasi kae e tumau i te fakatuanaki i te Fakatokaaga silisili i te gali tenei.

Koi nofo i te falepuipui ko oti ne fakaasi atu ne Matou a te Tusi e igoa ki te “Tusi Tafasili i te Mana.” Ne faiite ne Matou a tulafono i loto i ei kae fakalakei ki ei ki fakatonuuga o tou Aliki, Tela e pule i luga i mea katoa i lagi mo te lalolagi. Fai atu: Puke ki ei, O tino, kae tautali ki mea ko la ko oti ne tuku ifo ki lalo e iai ko akoakoga

gali a tou Aliki, ko te Fakamagalo, ko te Alofa-Mataefa. Ka fakapatonu loa o maumea koe i te lalolagi nei mo sua lalolagi kae ka ofa ne ia koe ki lalo i so se mea te la e masei kia koe. A Ia e tonu ko te Fakaeke, ko te Fakamatala, ko te Foai, ko te Matagofie, ko te Tavaegina Katoatoa.

E takutakua a tou fakamanuiaaga pe la loa mo tou fakamaoni ki te Feagaiiga a te Atua mo Ana Fakamaoniiga pe la foki mo te fakaaloalo ko iai ia koe ona ko te Tapeleti tenei mai i tou igoa ko oti ne fakamau i Taku Tapeleti Tausi. Sagatonu koe ki te tavini ki te Fakatokaaga o tou Aliki, fakataaua a Tena masausauaga i tou loto kae fakamanatu Ona tavaeega i se auala atamai ka fai ne ia a so se tino teke kae se fakalogo ke ala mai i tena moega.

E tena a te mea ko tonu ia Matou ke tuku ki luga ia koe pe la me se masauaaga o te alofaaga mai i te Omotou nofo-mai; kae e tonu Au ko te Fakamagalo, ko te

Alofa-Fakamagalo Katoatoa.

Matou e manako o takutaku a ia te la ko oti ne tuku ona mata ki mua ia Matou kae fai a ia ke toe inu maalosi mai i te vai o te ola o te Omotou kilo mao matagofie ko te mea ke mafai o fakapilipili atu ki Toku Sikulagi, ke fakalakei ki Oku uiga, lele i Toku ea, kae fakamautinoa i mea ko la ka fai a te mana o Taku Fakatokaaga ke lavea i vasia o Aku tino kae fakamanatu a Toku tavaeega i se auala ka fai ne ia a se agaaga fakatuai o fakavave, so se mea ola e se gasuesue ke eva i tena malaga, so se fuaitino e mafai o mate ke kaigina, so se loto ko mokotia ke gauesue i te ola mo so se agaaga fanoanoa ke sofi mai i ei a te fiafia. E tena a te tiute o ia te la ko oti ne fuli ona mata ki Oku mata, ko oti ne ulu ki lalo i te malu o Toku alofa-kaimalie kae maua Aku kupu ko oti ne salalau i te lalolagi katoatoa.

O ‘Alí! A ia Tela ko te Aso Kamata o te Fakaasiiga faka-te-lagi e kalaga atu kia koe i se faipatiiga tafasili i te gali. Mai i te amio tonu o te Atua! A koe moi fai e se nofo mai i mua o Toku Kalauna-a-Tupu kae ne fakalogo ki te Laulaufaiva o te mafi mo te matagofie, a koe ne faitaulaga ki tou fuaitino, tou agaaga ola, tou fuaitino katoatoa pe la me se masauaga o tou alofa mo te Atua, ko te Tupu, ko te Puipui, ko Iloa-Katoatoa, ko te Atamai-Katoatoa, kae ka ofo i te fakaofoofogina o Tena Leo ko so se pene kae seai se maalosi o toe laugina a tena tulaga mo so se tino e poto i te faipati ka numi valevale i tena taumafaiiga o fakamatala a te mea tena. Mafaufau aka e uiga ki te fakaasiiga tenei mo tena nofoaiga-faka-aliki e se-lavea; fesoasoani ki ei pela mo te mea e tau ki tou Aliki, ko te Matagofie, ko te Alofa-Mataefa Katoatoa. Fakasaga ne koe a tino ki te Aso Kamata o te matagofie. E tonu me ko Ia Tela e fakatu i luga i Tena Kalauna-a-Tupu mafi. Mai ia Ia ko oti a te sikulagi o te Falepuipui tenei ne fai ke maina kae mai ia Ia ne fai katoa a mea i lagi mo te lalolagi ke maina.

Ko oti Matou ne loto ki te takutaku o tou igoa i taimi ko teka pe la foki mo te Tapeleti matagofie tenei o te mea ke toe mafai koe o manava a te manogi gali o te Matagofie-Katoatoa. Mea ne se masauaaga o Toku alofa kia koe. Avatu ne koe a fakafetai ki tou Aliki, ko te Alofa-Mataefa, ko te Lavea-Katoatoa. Sa-fanoanoa koe i te se-mafai ne tagata o maina i te Mea Tonu. Ko pili ko maua ne koe me ia latou ko fuli mai ki te Atua, te Aliki o tino katoa. E tonu ko oti Matou mai i te maalosi o te Muna tafasili i te Maluga, e akutu katoa i ei a te lalolagi, mo te taimi ko pilipili a te Atua ka taofigina a loto o latou katoa e nofo i te lalolagi. A Ia i te tonuuga ko te Maluga, ko te Maalosi-Katoatoa.

E masaua foki ne Matou a tou taina mai i te fenua tenei ko te mea ke fiafia a ia i

tena igoa ne taku ne Au kae ke fai a ia mo tino e fakamasala aka.

O taugasoa! A te Toe-Fagasele e kalaga atu kia koe mai i Tena Falepuipui Tafasili i te Takutakua kae ako ako atu kia koe ke tautali ki Aku mea ko la ne fakaasi atu ne te Pene maluga tenei i Tusi Tafasili i te Mana ko te mea ke mafai ne koe to taofi mau mo te loto talitonu mo te maalosi pela mo te mea ne fanau mai ia Au; ko Au ko te Fakaeke, ko te Atamai-Katoatoa.

E tonu e takutakua kii a te fakamanuiaaga pe la mo Tena alofa mautakitaki ko oti ne avatu kia koe ka ko koe ne fesoasoanigina ke lavea ne koutou a te Fakatokaaga tenei – se Fakatokaaaga mai i tena maalosi a lagi ko oti ne fetu fakatasi ka ko mauga lasi kae maluga taki tasi ko oti ne ofa ki lalo i te pefu.

E se gata i ei mai i te Omotou alofa atafai e se fakatuakoi gina e fai atu ne Matou i tou matua ne fakaavanoa ke lavea ne ia a te Atua. E avatu ne Matou a Omotou fakatalofaga mai i te tulaga matagofie tenei. E masaua ne Matou a koutou taki toko tasi, tagata mo fafine, kae mai i te kogaa koga tenei – se Koga tafasili i te matagofie – e masaua a koutou katoa pe la me se agaaga ola e tasi kae moli atu a tala llei fakafiafia o fakamanuiaaga faka-te-lagi ko la e fakatomoua i ei a mea faiite katoa, pe la foki mo Toku masauaaga te la e iai i tino katoa, me e koi foliki io meko matua. A te matagofie o te Atua e takato i luga ia koutou, O tino o Bahá. Fiafia i se fiafiaaga lasi kii mai i Toku masauaaga, aua a Ia e tonu e nofo mo koutou i taimi katoa.

Tuku ou taliga ki mea ko oti ne fakaoko mai kia koe ne te Agaaga mai i kupu a te Atua, ko te Feasoasoani-i-Mea-Faigata, ko te Ola-Loa-ia-Ia, ko te Tena Kalaga ke fai ne ia a koe ke fano ki te Fonotaga Maluga o te matagofie malifalifa kae futi atu ke pili ki te Tulaga te la ka lavea ne koe a tou fuaitino katoatoa e faka-ka ki te afi o te Atua i se auala atamai te la a te olo aka ki luga o takitaki io me ko musumusuuga o latou mai i lalo e mafai o tamate, ka ko koe ka fanaka ki luga i vasia o tino o te lalolagi o fakamanatu a tavaeega o tou Aliki, ko te Pule o Igoa. Te mea tenei e tau kia koe i te Aso tenei.

Ka toe llau ne Matou a mea ko la ne tupu i taimi ko teka ko te mea ke atafia a te magalogalo o te faipatiiga tenei kae e iloa foki a mea e tupu i taimi mua. E tonu a tou Aliki ko te Kaunisela, ko te Alofa-Atafai, ko te Fagasele-Llei.

Masaua ne koe a aso a Ia Tela ne sautala mo te Atua, i te toga-vao, ko te mamoe o Jethro, te tamana o Tena avaga. A Ia ne fakalogo ki te leo o te Aliki o tino e vau mai i te Lakau Kaa te la ne avaka ki luga i te Fenua Tapu, kae fai atu penei, “O Moses! E tonu Au ko te Atua, tou Aliki mo te Aliki o ou tuaa, Apelamo, Isaako, Iakopo.” A Ia ne otia i te sikuleo gali o te Leo te la ne motu a Ia mai ia Ia mai i te lalolagi kae agai atu a tena auala kia Falaoa (Pharaoh) mo ona tino, fakafonu aka i te maalosi o tena Aliki Tela ko leva ne pulepule a tena nofoaiga-faka-aliki i luga i mea katoa kae e tumau pena ki taimi mai mua. A tino o te lalolagi konei ko lagona ne latou a te mea te la ne lagona ne Moses, ka ko te fakalavelave a latou e se maina i ei.

Fai atu, Au e tauto i te amio tonu o te Atua! E se leva kae ko solo mai a te laina o minisita o te maalo mo te soloki aka ki luga o takitaki ka masolo atu keatea, a palesi o pule ka liakina seai ne aoga ka ko fale lasi o tupu ka tuku ifo ki te pefu, ka ko te mea ka tumau ko mea ko la ko oti ne fakaeke ne Matou mo koe i te Maalo. E tau mo koe, O tino, ke taumafai o fai a te mea e mafai ko oulua igoa ke mafai o takutaku i mua o te Kalauna-faka-aliki ko te mea ko koutou ke aumai ki mua a mea ko la ka fakamailoga i ei ki te favavau o fakamsaua koe salalau ki te se gata mai o te Atua, ko te Aliki o tino katoa.

Masaua a koe ona ko Au o fakaaloalo a latou fagasele i te fenua tena, moli atu Oku alofaaga kia latou kae fakafiafia a olotou loto mo tala lei ko la ko oti ne fakaasi mo latou i te tulaga matagofie tenei.

Fai atu, fakalogo seiloa fua i te mafi katoatoa o tino teke e fakamatakutaku atu kia koe. A te aso ko pili o oko mai ko fuka katoa o te fakamatamata ko liua ki te seai lele loa; tena i ei ka lavea ne koe a te nofoaiga-faka-aliki e se-lavea o tou Aliki e pule i luga i mea katoa e lavea mo te se-lavea.

Faetete e seiloa i veli e fakaseke ne latou a koe mai i sofisofiiga o Tena alofa mataefa i te Aso tenei. Liakina keatea a mea ko la e fai ne ia koe keatea mai i te Atua kae tumau i te Auala mao ki tenei. E seai se mea e manako a Matou vagana ko mea ko la e aoga mo koe pe la mo mea ko oti ne tusi i Tena Tapeleti Tausi tenei. E masaua saale ne Matou a Omotou fagasele; tena la, ne maua ne Matou a latou e manako ki mea ko la e tau mo latou i te Kogaa Koga o te masauaaga o te outou Aliki, ko te Kaimalie, ko te Fakamagalo; vagana ko latou ko la e manako a te Atua ke se to i loto. E tonu, e maalosi a Ia o fai a te mea e loto kiei, e kave kae taofi ne Ia. A Ia e tonu loa ko te Mea Tonu Favavau, ko te Iloa o mea e se-lavea.

Puke ke mau ne koe, O fagasele a te Alofa-Fakamagalo Katoatoa, a te ipu o te ola e se gata mai ko tuku atu ne te lima o te masauaaga mataefa o tou Aliki, ko te Pule-aoao o te foafoaaga katoatoa, tena ke inu a koe mai i ei. Au e tauto ki te Atua, me ka fiafia kii a koe ka ala i ei o fakalauefa ne koe a Tena Igoa kae fakasalalau atu Ana faipatiiga i vasia o tino o te lalolagi kae ka fakatakavale o faka-lasi o loto o tagata i te igoa o tou Aliki, ko te Mafi-Katoatoa, ko te Tavae-gina-Katoatoa.

E se gata i ei, e fakapula atu ne Matou ki tino katoa a te tala faka fiafia e uiga mo mea ko oti ne fakaasi atu ne Matou i Tusi a Matou Tafasili i te Mana – se Tusi mai i luga atu i te sikulagi o te fetu ao o Aku fakatonuuga e sulu maina ki luga i so se tino te la e tu e lavea ne ia mo so se tino te la e laveagina. Puke a koe ke mau ki ei kae fakataunu a mea ko la ne fakaasi mai i ei. E tonu e lei atu mo koe a te mea tenei i lo a so se mea ko oti ne faiite i te lalolagi nei, e seki iloa ne koe. Faetete i mea e se-tumau o te olaga o tino ma taofi ne latou a koe mai i te fuli atu ki te Atua, ko te Tasi e Tonu. Mafaufau ki te mea tenei i oulua loto a te lalolagi mo ona taua mo ona mafulifuliiga, ko te mea ke atafia ne koe ona feitu lei mo te tulaga o latou ko la ko oti ne tuku atu olotou loto ki luga i ei kae ko oti ne fuli keatea mai i mea ko la ko oti ne tuku ifo ki lalo i te Tapeleti Tausi a Matou.

Tena la ko oti ne fakaasi ne Matou a kupu mana konei kae tuku ifo kia koe ko te mea ke mafai ne koe o fakamalu a te Igoa o te Atua, ko te Feasoasoani-i-Mea-Faigata, ko te Ola-Loa-ia-Ia. Ko te matagofie o te Atua ke i luga ia koe mo latou ko la ne kau atu i te filifiliiga tenei, ko te toe Uaina.

A Ia Tokotasi ne Fakasee-gina ko oti ne tala i tau tusi i te Falepuipui Tafasili i te Takutakua kae fakamatala atu i tau fesili e uiga mo fakatonuuga a te Atua ki mataupu o te toe tum o faifaiga o te olaaga. A koe ne taii llei loa o sili a fesili konei, aua a te llei mai i ei ka oko atu kia koe pela foki mo niisi tavini aka ate Atua, mai i te kilo i tua mo te kilo I loto. E tonu a tou Aliki e iloa a mea katoa kae e toka o tali a te kalaga.

A te pogai silisili i te maluga ne faiite i ei a te lalolagi mo mea katoa i ei ko te tagata ke iloa ne ia a te Atua. I te Aso tenei so se tino te la e takitakigina ne te manogi gali o te gatu o Tena alofa fakamagalo ke ulu a ia ki loto i te Kogaa Koga Nofo e matakalekale, te la ko te tulaga o te iloa o te Kamataga o fakatonuuga fakate-lagi mo Aso malulu o Tena Fakaasiiga, ko oti ne maua ne ia a mea lei katoa ki te se gata mai. E oko atu ki te tulaga silisili i te gali tenei e lua a manakoga e nofo i luga i agaaga ola taki toko tasi katoa. Tasi ko te fakatuanaki i te Fakatokaaga i se fakatuanaki te la ka fai a tino o te lalolagi e taumafai o fakagata a ia mai i te fuli atu ki te Kamataga o te Fakaasiiga, a latou e se-kafi ne latou o fai. Ko te sua manakoga ko tautaliiga ki tulafono faka-te-lagi ko la ne vaitaafe mai i te punaa-vai o Tena Pene tela e fakagalue mai faka-te-lagi. Aua i te poto o te tagata i te Atua e se mafai o atiake ke katoatoa kae llei vagana ko te tautali o mea ko la ko oti ne fakaeke mai ne Ia kae tusi mai i Tena Tusi faka-te-lagi.

I tausaga ko teka a te Tusi Tafasili i te Takutakua i te Mana ne tuku ifo ki lalo mai i te lagi o te alofa mataefa o te Aliki o Igoa. Kafai ko te loto o te Atua, e mafai ne koe o fakamafai mo te alofa ke fakataunu a mea ko la ko oti ne fakaasi mai i ei.

E uiga mo mea tausi o te olaaga, e tau mo koe, i sua feitu o tuku katoatoa a tou talitonu i te Atua, kae i sua feitu e galue koe i se galuega. E talitonu me e tuku ifo ne Ia mai i te lagi o Tena masauaaga tela e fakasino mo Koe. A Ia e tonu ko te Atua o te mafi mo te maalosi.

Tuku atu au fakafetai ki te Atua i tau tusi ko oti ne oko atu ki te nofo mai o te Pagota kae mai i te Nofoaga o te pule faka-te-lagi a te tali ko oti ne fakaasi kae ko avatu kia koe. Mea nei se fakmanuiaaga e se mafai o fuafuagina mai i te Atua. E uiloa e seki matea fakallei i te vaaitaimi nei, kae e vau taimi pili ko iloa i ei. E tau mo koe o fai atu penei:

Fakalauefa a Tou Igoa, O te Aliki toku Atua! Au ko te tasi te la ne fuli atu ona mata ki mua ia Koe kae tuku katoatoa a tena fakana ia Koe. Au e akai kia Koe mai i Tou Igoa te la a te vasa o Tau faipatiiga ko soko aka i ei ka ko matagi ili malielie o Tou poto ko gasuesue, ke talia ko au ke feasoasoanigina mo te alofa o tavini a Tau Fakatokaaga kae ke feasoasoani ke masaua a Koe kae e tavae a Koe. Tuku ifo ki lalo ki luga ia au mai i te lagi o Tou kaimalie a mea ko la ka tausi au mai i so se tino vagana ko Koe kae ka llei au i Ou lalolagi katoa.

E tonu , a Koe ko te Maalosi, ko te Se-mafai o Okogina, ko te Silisiliese i te Maluga, ko te Atamai.